عصام أحمد الجزار - رئيس قسم بادارة شربين التعليمية السؤال:اننا نعلم جيدا انك من الاعضاء المجتهدين ورئيس لجنة التعليم لكن اننا لم نلمس أى تقدم بالنسبة لادارى التعليم مع انك صرحت كثيرا من خلال وسائل الاعلام انك لم تتوانى حتى يحصل الاداريون على حقوقهم واننى بصفتى عضوا فى اللجنة العشرين بالوحدة الحزبية أعلم أن أسهم الحزب سوف ترتفع اذا استجابت الحكومة لمطالب هذه الفئة من الموظفين التى تعتبر قوة ضاربة بالنسبة للانتخابات.الاجابة:معلومه مهمة كثير لا يعرفها وهى ان ان عدد المدرسين الى عدد الاداريين فى مصر هى 1:1 وهى نسبة لا تتوافر فى اى نظام تعليمى اخر لان فى الواقع لازم يكون المعلمين اكتر بكتير من الإداررين ... وزارة التربية والتعليم اكبر موظف فى الدولة واكبر مؤسسه توظف ناس يصلو الى 2 مليون .. اذا كانت موازنة التعليم 83% منها مرتبات و15% فى الاشياء الطبيعية نور وكهرباء وووو ونصرف على الطالب مبلغ ضئيل جدا لا يسمح بتحقيق طموحاتنا وان المرتبات يمثل معضله فى اى تطور سياسى ادارى فى مصر .. الدوله لديها حوالى 6 مليون موظف وتقدر تعطى للمواطنين حقوقهم بمليون فقط .. والدولة لا تقوى على ان تقول للناس امشوا ولا تقدر فى نفس الوقت الاستمرار بهذا العدد الكبير .. فى التعليم .. الاداريين مهمين والاهم عندى المعلمين ولو نريد عمل نسبة صح لابد من نقص عدد الاداريين وقدرتى على رفع المرتبات تزيد .. انهى يختاره المجتمع توزع الموازنه بالعرض على الكل ولا نرتفع بالجوده الاكثر قدره ونعطيه مرتب اعلى؟؟ هذه مشكله تواجه مصر لابد من الارتباط برفع كفاءة العاملين وسياسة الاكفاء مستمر ومرتبطه بالنمو الاقتصادى حيث يتوافر وظائف تسمح للناس ديه اللجوء اليها .. ان فكره الكادر كان هدفها ان نعطى الزيادة للمدرسين اللى بيدخلو الفصول وكنا نريد اثر ايجابى حجم حرج يؤثر فى الطلبة واللى بيدخلوا الفصول اقل من 400 الف مش عشان هما احسن من غيرهم ولكن المرحله الثانية الباقيين .. وهكذا وكل واحد طلع زعلان عشان مخدش كفاية ولم نحقق اللى عايزينه من الفكر .. ولكن تعالوا نبدأ لتحقيق حجم حرج فعال والاداريين حقهم كمواطنين مصريين لابد ان يكون اولوية للمعلم واعطى التعليم حقة قبل اى حد تانى
مش عارف الحكومة بتجيب النسب دي من فين انا في مدرسة صغيرة فيها 25 مدرس و4 اداريين تبقي النسبة 1:1 ازاي واضح ان الحكومة بتستعبط الشعب

يعني فين رد الاخ بدراوي وبعدين فين هما الاداريين ايلي عددهم مثل عدد المدرسين الراجل ده شكله بيتكلم عن بلد تانية وبعدين ما في امناء معامل لهم دور في العملية التعليمية وكانوا علي وشك دخول الكادر لولا سرور والجمل ربنا يسامحهم لانا مش هنسامحهم

يا اخوانا ماحاك ظهرك مثل ظفرك
لن يحل أزمة الاداريين الا الاداريين
الحكومه ودن من طين وودن من عجين هيا هلموا نجتمع ونشوف حل
هيا نحل مشكلتنا حتى لو وصلت لل ؟؟؟؟؟
أكيد كلنا فاهمين بس خايفيين
هو فيه بعد حرق الجرن جيره
احنا باقيين على ايه اتحدى واحد منكم يقول انا عايش بمرتبى
والمدرس احسن منكم فى ايه
هو انتو ولاد البطه السوده
يارب يكون عندكم نخوه

المشاكل عند الكل امال احنا المعلمين المساعدين نعمل اية بس لنا الله

قلبي مع الجميع حتى من أخذ الكادر ولكن بالفعل الحكومة ودن من طين وودن من عجين ولا حياة لمن تنادي وللعلم الكادر نفسه لم يجد كان الله في عون الجميع

قلبي مع الجميع حتى من أخذ الكادر ولكن بالفعل الحكومة ودن من طين وودن من عجين ولا حياة لمن تنادي وللعلم الكادر نفسه لم يجد كان الله في عون الجميع
كلام حضرتك منطقي فعلا الكادر اكذوبة والناس مش عارفه كده يعني مثلا كادر ايه ايلي زود مدرس علي الدرجة الثالثة من سبع سنوت 70 جنية بعد امتحانات وتعب اعصاب وكلام جرايد ورأي عام

اختفي في ظروف غامضة السيد / فوزي عبد الفتاح رئيس لجنة الدفاع عن حقوق الاداريين الضائعة الي الابد
من يجده ينصحة بالعودة الي رشده الحكومة لن تمنح الاداريين شيئاً لانها ببساطة حين تعاقب مدرس تحوله الي عمل اداري اي ان الاداريين هم الفئة المعاقبة في الوزارة
ارجو من المشرفين علي الموقع ترك الموضوع حتي نجد صديقنا الغائب مع الشكر
وحسبنا الله ونعم الوكيل في كل من ساهم في ظلم الاداريين:slap1qk6::slap1qk6::slap1qk6:

حسام بدراوى أكبر كذاب وهؤلاء هم أعمدة الحزب الحاكم بيضحكوا على الناس وهذا أسلوبهم جميعا" وهؤلاء هم من نهب البلد ورجعها للوراء مئات السنين بالتعديلات الدستورية والموافقة على قوانين لصالحهم هم فقط وعلشان يحصلوا على أمتيازات شخصية من حزب النهب والسرقة المعروف بالحزب الوطنى وجهابذتة الماكثين على قلوبنا وربنا ينتقم منهم جميعا" وعلى فكرة أنا فى مدرسة لا يوجد فيها أدارى واحد معنى ذلك أين النسبة 1:1 يا أكبر نصاب ومخادع كفاكم نصب علينا قرفتونا وطفشتونا وخليتنا عاوزين ننتقم من أنفسنا وكرهنا اليوم الى أنتمينا فية لهذة البلد حرام عليكم أرحمونــــــــــــــــــــــــــــــا

حسبن الله ونعم الوكيل

مين اصلا حسام بدراوى حتى يبدى برأيه فى مشاكل التعليم الهذا الحد وصلت مصر ان يتحكم فى شعبها هؤلاء عندما تتعرض البلد لشدة تجد هذا وغيرة برة البلد وبالتالى لايستحقون العيش بها لابد ان ننظر لهم هكذا وحسبنا الله ونعم الوكيل

الحكومة الخابية ورئس وزراء مش فاضى لنة عريس ولايهمة المتاعبس وكل يوم نسمع اخبار وقرارات ضد الشعب وكل وزير له مشروعات يدافع عنها بالذمة كبف واحد راس مالى حبحس بما يعانية غالبية الشعب من قرارات ضريبية ضد الموظفين وميده من اعضاء مجلس الشعب واللهى الواحد مش عارف مين يدافع عن مصالح الشعب والمستولين على قوت الشعب وارضة وحسبنا الله ونعم الوكيل فى الحكومة واعضاء مجلس الشعب غير الشرفاء

انا امين وحدة حزبية وانا اللى بقول لك ان سبب المشكلة اللى الادارى والمعلم فيها هو امين الحزب صفوت الشريف وكبار الحزب هم الذين وضعوا قانون 155 قانون الكادر وكله ثغرات ويسرى الجمل كان مطاوع علشان يبقى فى الوزارة ايه النتيجة ايه المانع اما الجميع فى وزارة التعليم يأخذ 100% من العامل الى مدير عام الادارة لاازم وزير المالية يضع فتن هو ورئيس الجهاز للتنظيم والادارة والتنمية الادارية والمجهول المعلن انهم يريدون التخلص من الموظف المدنى لابد من ثورة ضدهم مع ان يسرى الجمل خلع فلا بد من محاكمته محاكمة عنيفة

ياجماعة المتحكم في الوزارات هو وزير المالية يوسف بطرس غالي وهو الذي يحدد من يصرف أم لا

اخواني اخواتي الاداريين المشكلة هي فشل الحكومات المتعاقبة وليس لها اي خبرة في اي مجال تقوم به بالطبع لابد من انهيار الاقتصاد ومن ضمنها العملية التعليمية وانا اعلم بان اغلبية المحليات تصرف هذا الحافز ولاكن من يتولى العملية التعليمية رايه استشاري بالنسبة للماليات وللاسف نح في التعليم كغثاء السيل بلا فائدة حقيقية تطالب بحقها وهذا ليس شعارات او كلام مسل هذا واقع نحن كاداريين لم ولن نجد من يدافع عنا الا الله هو القادر وحسبنا الله ونعم الوكيل

http://www.9ksa.com/up/get-12-2009-8pl505sg.gifالسلام عليكم

يا جماعة الموضوع مش موضوع كادر ولا غيره كله مش نافع مع الزيادة فى الأسعار يعنى لو الشخص أخد مليون كادر وفى زيادة فى الأسعار كدة كدة الناس مش هتعرف تعيش فى ظل زيادة الأسعار

الفرج قريب لالالالالالاتحزنوا