مشاهدة النسخة كاملة : اخطاء في الفصل الثامن فكتاب المدرسة
lolydody 18-05-2010, 07:50 PM فالفصل الثامن فكتاب المدرسة في غلطة فصفحة 196 في أهمية القنطرة اللحية
الطبعات الجديدة كاتبة( تكون فرق جهد بين محلولي نصف الخلية) بس الطبعات القديمة كاتبة ( تمنع تكون فرق جهد بين نصفي الخلية )
والنماذج صفحة 131 فالسؤال 14 كاتب ( منع تكوين فرق الجهد )
يعني احنا نعمل ايه فالامتحان
( تكون) ولا (تمنع تكون)
يا ريت لو في حد من المدرسين يقدر يفيدنا
طارق حسام 18-05-2010, 08:09 PM كويس أنك حطيت السؤال ده
كنت عايز أعرف الحوار ده برضو
mera_mar21 18-05-2010, 11:39 PM لاطبعاااااا تكون حتى يسرى التيار الكهربى
habazaa 19-05-2010, 12:59 AM المفروض تمنع الاتصال المباشر بين محاليل نصفي الخلية لمنع تكون فرق جهد بينهما
بس باين المفروض نقول زي ما موجود في كتاب المدرسة مش عارف بقى
badnamef4 19-05-2010, 01:01 PM بسم الله الرحمن الرحيم
السلام عليكم و رحمة الله و بركاته
بالنسبة للامتحان مش متأكد نكتب أنهي واحدة بالظبط
لكن بالنسبة للكيمياء على حسب ما أستاذ من أساتذتي قال إنه عشان بيعادل الأيونات بين محلولي نصف الخلية فإنه يمنع تكوين فرق جهد بين محلولي نصفي الخلية مما يسبب تكوين فرق جهد بين قطبي الخلية
يعني الكلام بتاع كتاب المدرسة 2010 غلط
في حالة كتابة يكون فرق جهد بين نصفي الخلية أو قطبي الخلية أظن إنها كانت تبقى صح
و نرجو التأكد من مدرس من مدرسي المنتدى عشان نعرف نكتب إيه في الامتحان
و أظن إن كان فيه موضوع تاني بيتكلم عن حاجة زي كده برضو
و الله أعلم
السلام عليكم و رحمة الله و بركاته
lolydody 19-05-2010, 01:24 PM لاطبعاااااا تكون حتى يسرى التيار الكهربى
ده فالغالب غلط عشان كل ما يكون في فرق جهد كل ما بيمنع مرور تيار كهربي وده انا عارفاه من الفيزيا كل ما فرق الجهد بيزيد كل ما بيقل التيار المار عشان العلاقة بينهم عكسية
يعني المفروض يمنع تكون بس الطبعة الجديدة قايلة تكون يعني هي غلط بس فالامتحان حنعمل ايه الصح ولا نمشي عالغلط بتاع الكتاب؟؟؟
scorpione 2010 19-05-2010, 04:52 PM تم التصحيح هذه العبارة على انها
تمنع تكون فرق جهد
مجدي معوض 19-05-2010, 07:48 PM طبعا لازم يوجد فرق جهد بين المحلولين حتى يمر التيار الكهربي ولكن القنطرة تمنع وجود فرق جهد في المحلول الواحد عن طريق معادلة الأيونات
مستر مجدي معوض
خبير تدريس الكيمياء
magdymowed.blogspot.com
مجدي معوض 19-05-2010, 07:51 PM لازم يوجد فرق جهد بين المحلولين حتى يمر التيار الكهربي اما في المحلول الواحد فتمنع القنطرة الملحية وجود فرق جهد عن طريق معادلة اليونات .
خبير تدريس الكيمياء
مجدي معوض
magdymowedblogspot.com
hellow 20-05-2010, 01:56 AM ياريت حد يجاوب من مدرسين المنتدى ويقول تكون ولا لا تكون ؟
انا خلاص بقيت كده :wacko::wacko: من السؤال ده
josephm 20-05-2010, 02:03 AM ياجماعه القنطره الملحيه من الاخر كده تمنع تكون فرق جهد بين محلولى نصفى الخليه ... ولاكن لابد من وجود فرق فى الجهد بين الاقطاب حتى يمر تيار كهربى ....... بس ....
omar matrix 20-05-2010, 05:11 PM لا مفيش غلط و لا حاجه هي تكون فرق جهد بين المحلولين فعلا ولكن لا تكون فرق جهد مع قطبي الخليه لكي يصل تيار كهربي
الشوربجيه 20-05-2010, 07:36 PM يا جماعه الصح هى تكون الموجه قلى كده
حسين 1993 20-05-2010, 07:59 PM طبقا للوارد للمديريات التعليمية اخيرا تكون فرق جهد
omar matrix 21-05-2010, 01:48 AM يا جماعه في فرق بين محلولي الخليه و قطبي الخليهه!!! لازم تعرفوا كده
lolydody 21-05-2010, 04:42 PM انا كدة متلخبطة اكتر يعني تكون ولا تمنع تكون شوية قالوا كدة وشوية قالوا كده
Dr mo7mad ashraf 21-05-2010, 06:43 PM طبعة 2010 (تكون فرق جهد )
كتاب الأمتحان (تكون فرق جهد )
كتاب الأمتحان مراجعة نهائية ( تكون فرق جهد )
الموجه ( تكون فرق جهد )
المدرس (تكون فرق جهد )
lolydody 23-05-2010, 03:44 PM لا كده المصادر كتير يبقى تكون فرق جهد وامرنا لله
ثانكس عالافاده يا جماعة
issac-newton 23-05-2010, 11:12 PM يا جماعة الأمر لا يستعدي كل ذلك الإجابه الأصح هي تمنع تكون فرق جهد والإجابه دي كانت في الطبعات الي فاتت كلها .. ودي غلطة مطبعية وياما الكتب كانت مليان غلطات ليست علمية ولكن مطبعية يعني هوا أستاذ الدرس مش ساعات بينسى يكتب في المذكرة حاجة دي عاملة زيها .. احنا كدا عملنا زي موضوع هو اللبان بيفطر الصائم ولا لاء
issac-newton 23-05-2010, 11:14 PM على كدا الاجابات الغلط الي بتكون في كتاب الدليل مثلا زي الإنجليزي نمشي معاها .. عايزكم تعرفوا انو الي بيحط الإمتحان ونموذج الإجابه بيكون مع الصح لو الدليل قال ولو الكتاب قال .. الصح هو الأصح
lolydody 26-05-2010, 04:45 PM هو طلع الصح ان لازم عشان يمر تيار يكون في فرق جهد يعني الصح تكون فرق جهد
اسامه نور الدين 26-05-2010, 05:07 PM انا سالت المدرس بتاعى قالى الغلطه فى كتاب النماذج يعنى فى الامتحان تقول تكون فرق جهد اصل ازاى لو مفيش فرق جهد هيمر تيار كهربى
dama207 27-05-2010, 01:42 PM دي مش غلطة
ده مجرد تعديل
و هو صحيح و ركز في الجملة
انا جبت غلطتين في العضوية و موجودين من سنسن و محش اخد باله
لو عايز الصفح اقولك عليها
مستر// فيكتور بخيت 28-05-2010, 09:38 AM لكن بالنسبة للكيمياء على حسب ما أستاذ من أساتذتي قال إنه عشان بيعادل الأيونات بين محلولي نصف الخلية فإنه يمنع تكوين فرق جهد بين محلولي نصفي الخلية مما يسبب تكوين فرق جهد بين قطبي الخلية
يعني الكلام بتاع كتاب المدرسة 2010 غلط
كلام سليم مائة بالمائة وتمام التمام
koko63 28-05-2010, 07:42 PM شكرا على المجهود الكبير اللى بذل والى الامام !!!!!!!!!!!!!!!!!!!!!!!!!!!!!!!!!!!!!وفق الله الجميع
dama207 30-05-2010, 11:12 AM كلام سليم مائة بالمائة وتمام التمام
بس لو جت هل نكتب ذي كتاب المدرسة علشان النموذج
Khaled Hashish 11-06-2010, 12:39 AM القنطرة الملحية تحدث تعادل للتركيزات العالية في محلولي نصفي الخلية اي تمنع تكوين فرق في الجهد داخل المحلول الواحد ولكن لكي يمر التيار يجب ان ينشا فرق في الجهد بين نصفي الخلية لذا تعمل القنطرة ايضا علي تكوين فرق في الجهد بين نصفي الخلية فيمر التيار من الجهد الاكبر الي الجهد الاقل
عبدالناصر صديق 11-06-2010, 02:38 PM الفرق فى الجهد يكون بين اقطاب الخلية ولا يوجد فرق جهد بين المحلولين
جلال على 12-06-2010, 08:17 AM القنطرة تمنع تكون فرق جهد بين محلولى نصف الخلية عن طريق معادلة الأيونات وبالتالى يوجد فى الخلية فرق جهد وحيد بين ( قطبى الخلية ) هو المسبب لمرور التيار
وفق الله الجميع
منير عادل سيد احمد 13-06-2010, 07:59 PM الصحيح تمنع تكون فرق جهد بين محلولى نصفى الخلية حتى ينشأ فرق جهد بين قطبى الخلية
ولا تقلقوا مش جايه فى الإمتحان دا من فم مستشارة العلوم
asad2004 18-06-2010, 08:05 AM ابنائى الطلبه
هناك تعدبل فى كتاب الوزاره فى هذه النقطه
التعديل هو
تكون فرق جهد بين نصفى الخليه [
بدلا من :
تمنع تكون فرق جهد بين محلولى نصفى الخليه
ahmed kadous 18-06-2010, 03:39 PM إلى عزيزى السائل :
ضرورة الالتزام بكتاب المدرسة حتى لو كان خاطئ0
فنموذج الاجابة يلتزم بكتاب المدرسة0 مع تمنياتى بالتوفيق للجميع
|