السلام عليكم ورحمة الله وبركاتة

اولا انا جديد فى المنتدي هنا وعاوز استفسر عن شىء ياريت الاقى رد هنا ارجوكم لكل الخبراء
الموضوع اني انا فى ثانويه عامه وبصراحه فاشل مش عارف اعدي من سنه 2 ثانوي عام وانا بقالي 3 سنين فيها واعدت سنه او اتنين مش بدرس وكدا فا انا قرارت ارجع بس احول من ثانويه عامه لسياحه فنادق لاني بحبها اكتر .. فا يا جماعه استفسار عن!!

هل ينفع اني ارجع عادي واحوال للسياحه والفنادق بدون مشاكل؟؟
وياجماعه بليز السؤال دا مهم انا عاوز اعرف هل لم احول هدخول من 2 ثانوي سياحه وفنادق ولا هرجع من اولي؟؟
وبالنسبه ان شاء الله لم يتم قبولي السنه اللى جيه فى المدرسه سياحه وفنادق من سنه كام بقدر اختار التخصص اللى انا عاوزه ؟؟
اخر سؤال انادلوقتى عاوز اقدم بس ادرس منازل علشان انا بشتغل وكدا ينفع ولا لازم احضر؟؟

ولو فيه حد يعرف مدارس حلوه فى القاهرة اقدر اقدم فيها ياريت يرشحلي كام مدرسه اسال فيهم!!!
شكرا واسف على الاطاله يا جماعه بس ارجوكم ساعدوني ضروري جداز
شكرا تاني مره وتحياتي للكل الاعضاء هنا
بالتوفيييق

اللى اعرفه انك عادى ممكن تحول لمدرسة ثانوي سياحة وفنادق وممكن تخش منها معهد او كلية سياحة بس لازم مجموع كويس

وانت لما بتحول لثانوى سياحة اكيد يترجع اولى لانك مش فى نفس المجال لان ده ثانوى عام وده ثانوى سياحى

ونصيحة لو مش قادر تكمل وتعبان فى الثانوية الغامة حول ثانوى سياحة وخلاص

لكن معرفش الاسئلة الباقية الصراحة

الف شكر على ردك واهتمام واكيد انا تعبان خالص فى العامه وان شاء الله هحول
منتظر اي حد يكون عندو اجابات للاسئله التانيه وشكرا