|
مشاهدة النسخة كاملة : تبادل الخبرا ت بين أخصائى التكنولوجيا قناوية 11-06-2010, 10:36 PM تحيه لكل من ساهم فى هذا المنتدى الخاص بأخصائى تكنولوجيا التعليم وأرجو من الجميع فتح الحوار لمناقشه كل ما يخص الاخصائى من قرارت ونشرات تصل للمدارس وطبيعه العمل المكلف به الأخصائى ومناقشه أى مشاكل تقابل اى من الزملاء وأفادته بخبرات باقى الزملاء وكل ما يتعلق بعمل أخصائى التكنولوجيا أرجو أن يجد أقتراحى القبول والصدى لديكم ولكم منى كل التقدير بدر منصور 11-06-2010, 10:43 PM اقتراح رائع يا قناويه واتمنى انه يلقى قبولا لدى كل الاخصائيين فى تكنولوجيا التعليم اقتراح جميل انا شخصيا احييك عليه وموافق عليه واشكرك جدا نانو بيت 13-06-2010, 07:51 PM اتمنى هذا ومناقشة بعض المتاعب والامور التى يمر بها الاخصائي داخل مدرسته واختصاصته قناوية 18-06-2010, 11:22 AM ولنبدأ بمناقشه النشره المنظمه لعدد الأخصائين بالمدارس هل هناك نشره بخصوص ذلك؟ بدر منصور 25-06-2010, 12:58 PM ولنبدأ بمناقشه النشره المنظمه لعدد الأخصائين بالمدارس هل هناك نشره بخصوص ذلك؟ اهلا بيكى يا قناويه انا معرفش عنها حاجه انت تعرفى عنها اى حاجه يا ريت تقولنا ahmedsamo 30-06-2010, 05:44 PM لا وحسب معلوماتى لا توجد نشرة واضحة بذلك ولكن جرت العادة بالا يتواجد اكثر من اخصائى اول واحد فقط بكل مدرسة ان وجد ويكون هناك من عدد 1 اخصائى تعاقد بالمرحلة الابتدائية وعدد2 بالمرحلة الاعدادية انا اخصائى اول تكنولوجيا تعليم تعيين سنة 1995 دوومة 06-07-2010, 12:13 PM الحمد لله اننى اعيش لحظات غالية فى خدمة اخوانى و وطنى hdoma2000*********** انا فى انتظار كل جديد و الله بحبكم فى الله احمد الجويلى الاسيوطى 27-07-2010, 01:38 PM اخصائى من اسيوط تحياتى للجميع soly_girly 27-08-2010, 09:25 AM زملائى الافاضل قد لا اتذكر تواريخ النشرات لانها قديمة ولكنى اعرف بعضا وعلى الاخصائى ان ينتبة لها وهى اولا : عدم تسلم عهدة فى سجل العهد وان يتسلم على ورقة خارجية للتشغيل فقط ثانيا : الاخصائى ليس له امن او اشراف او حصص احتياطى ثالثا : وهذا ما تفرضة انت كاخصائى وهو حقك فنحن لسنا (كتبة ) رفض كتابة اى شىء فشئون الطلبة بها مدرسين مدربين وكذا شئون العاملين والادارة المدسية فليقم كل بعملة فى المعمل اذا اراد وفى الاوقات التى لا يوجد بها حصص طبعا مع شىء من التعاون اما بالنسبة للحكومة الالكترونية فانا رفضت المشاركة فيها بقوة (وزوغت )ومدرسة الحاسب اصبحت مسئولة عنها مش لانى مش عاوزة اشتغل لكن لان العدالة مطلوبة soly_girly 27-08-2010, 09:29 AM لا توجد نشرات بخصوص عدد الاخصائيين مطلقا ولكن ممنوع تواجد اكثر من اخصائى فى المدرسة للمعمل الواحد منعا باتا ووهذا كلام مؤكد حيث اننى قد عملت فى مركز التطوير بالادارة لمدة 5 سنوات وكنت اتابع المدارس ولذا اتذكر بعض الامور الخاصة بالنشرات احمد الجويلى الاسيوطى 27-08-2010, 03:17 PM اخصائى من اسيوط سسسسسسسسلامى على الجميع الشادى افندى 02-09-2010, 12:01 AM عاوز اعرف كيفية التصرف اذا حدث وان سرق احد اجهزة الحجرة كيف نتصرف هانى كامل3 28-09-2010, 09:10 PM خطأ فادح فى حساب العلاوات الخاصة لمن تم تعينة بعد عام 1993 م بشرى سارة لكل من تم تعينة بعد 1/7/1992 م حيث حدث خطأ فادح عند إحتساب العلاوات الخاصة للعاملين المدنيين بجمهورية مصر العربية . فمثلاً فى الدرجة الثالثة بداية المربوط هو(48ج) حسب القانون 47 لسنة 78 الخاص بالعاملين المدنيين بالدولة وكان هذا المربوط ثابتاً لا يتغير وفى عام 1992م صدر قانون رقم 29 لسنة 1992م بضم العلاوات الخاصة فى السنوات 91،90،89،88،87، إلى أساسى الدرجة تباعا فى السنوات الخمس التالية للمعينين ولمن يعين بعد ذلك . أولاً: إضافة العلاوة الخاصة لعام87 بنسبة 20% من المربوط 48 ج لأساسى الدرجة عام 1992م أى 57.60 ثانياً: إضافة العلاوة الخاصة لعام 88 بنسبة 15% من المربوط 48 ج لأساسى الدرجة عام 1993 أى 64.8 ثالثاً: إضافة العلاوة الخاصة لعام 89 بنسبة 15% من المربوط 48 ج لأساسى الدرجة عام 1994م أى 72.0 رابعاً: إضافة العلاوة الخاصة لعام 90 بنسبة 15% من المربوط 48 ج لأساسى الدرجة عام 1995 أى 79.20 خامساً: إضافة العلاوة الخاصة لعام 91 بنسبة 15% من المربوط 48 ج لأساسى الدرجة عام 1996 اى 86.40 ثم يبدأ الخطأ الفادح عند إضافة العلاوات التالية لأساسى الدرجة كما يلى :- (1) عند حساب علاوة 1992م التى ستضاف عام 1997م وكانت 20% يتم إحتسابها من المربوط أى من 48 ج =4.80 لكن الحساب الصحيح لها (من أساسى 57.60 أساسى عام 92) أساسى 1997 : 86.40 +11.52=97.92 (2) عند إحتساب علاوة 1993م التى ستضاف عام 1998م وكانت 10% يتم إحتسابها من المربوط أى من 48 ج =4.8 .لكن الحساب الصحيح لها (من أساسى 64.8 أساسى عام 93)أساسى 1998 :97.92+6.48= 104.40 (3) عند إحتساب علاوة 1994م التى ستضاف عام 1999م وكانت 10% يتم إحتسابها من المربوط أى من 48 ج =4.8 .لكن الحساب الصحيح لها (من أساسى 72.60 أساسى عام 94)أساسى 1999 : 104.40+7.20= 111.6 (4) عند إحتساب علاوة 1995م التى ستضاف عام 2000م وكانت 10% يتم إحتسابها من المربوط أى من 48 ج =4.8 .لكن الحساب الصحيح لها (من أساسى 79.20 أساسى عام 95)أساسى 2000: 111.6+7.92=119.52 (5) عند إحتساب علاوة 1996م التى ستضاف عام 2001م وكانت 10% يتم إحتسابها من المربوط أى من 48 ج =4.8 .لكن الحساب الصحيح لها (من أساسى 86.40 أساسى عام 96) أساسى 2001 :119.52+8.64=128.16 وهكذا يستمر الخطأ والفارق بين المعين وغير المعين أنك ستضيف علاوة دورية قدرها أربعة جنيهات بالنسبة للمعين على الدرجة الثالثة بعد مرور عام من التعين من أول السنة المالية الجديدة ثم تحسب العلاوات منهم جميعاً بالنسبة للمعينين أما غير المعينين فتحسب من العلاوات الخاصة المضافة فقط دون إضافة علاوات دورية لأن العلاوات الدورية يستفيد منها المعينون فقط . بالنسبة للمعين على الدرجة الثالثة هذا العام الفارق بين الوضعين الصحيح والخاطىء حوالى 40 جنية على المرتب الأساسى وحوالى 100 جنية صافى مرتب كل شهر ويزداد الفارق تباعاً كل عام نقوم فى مكتبنا برفع دعوى إدارية للمطالبة بإعادة حساب تدرج العلاوات الخاصة وفق صحيح القانون وقد حصلنا بالفعل على مجموعة آحكام تم تنفيذها فعلاً وتم صرف الفروق المالية بين الوضعين الصحيح والخاطىء عن آخر 5 سنوات من تاريخ رفع الدعوى بالإضافة إلى تصحيح الأساسى وفق الحساب الصحيح لتدرج العلاوات الخاصة . والله ولى التوفيق . انا فى انتظار ردودكم قناوية 29-09-2010, 01:28 PM متشكره جداً لكل الردود المفيده منكم طيب ممكن أتناقش معاكم فى موضوع الجدول بتاع المعمل والنشره بتاعه 6 حصص يومياً وبتنظموا الموضوع ازاى ومعمل الاتحاد الاوروبى لو حد يعرف حاجه عنه ياريت يفيدنا وشكراً لكم فرحه فرحه 30-09-2010, 12:04 PM الف شكر استاذ هانى كامل على اكتشافك لهذا الخطا وما هى الاجرءات الصحيحة التى نتخذها لتصحيح هذا الخطاالفادح فعلا oafm2003 02-10-2010, 12:31 AM طيب ممكن لأخصائي قنا نتناقش فى موضوع حوافز التطوير اللي اتشالت من الأخصائيين من 2008 لغاية دلوقتي بقالها سنتين مصرفهواش ليه حسن جودة 05-10-2010, 11:11 AM انا سعيد ان فى منتدى الاخصائى التكنولوجيا اسمعو دى تم تعينى 1/9/2004 بعقد مؤقت وليس عقد مساعد ولا امتحنت فى اكاديمة بحجت ان العقد مؤقت وليس عقد اخصائى مساعد mahmoudshow 05-10-2010, 11:23 AM الحب : كالبحر حين تكون على شاطئه يقذفك بأمواجه بكرم فائق يستدرجك بلونه وصفائه mahmoudshow 05-10-2010, 11:37 AM الحب : كالبحر حين تكون على شاطئه يقذفك بأمواجه بكرم فائق يستدرجك بلونه وصفائه master sayed 11-10-2010, 07:59 PM أنا سعيد جدا أنى وجدت أخيرا منتدى لنا نحن أخصائى التكنولوجيا بالمدارس أنا متعاقد من الزقازيق بمدرسة ابتدائى أود أن أسأل لو فى حد عارف أسئلة الكادر بتاعه التكنولوجيا قناوية 16-10-2010, 08:35 PM اخى الفاضل لما تقدمنا لاختبار الكادر وجدنا الاسئلة هى نفسها اسئلة معلم الحاسب فى برامج الكمبيوتر المختلفه مما ظلمنا نحن أخصائى التكنولوجيا لان معلم الحاسب يدرس الماده للطلاب فالمعلومات حاضره فى ذهنه اما نحن فلم نستخدم برامج كثيره منذ ان كنا بالكليه فمن ضمن الاسئلة كان هناك اسئلة بالبوابات المنطقيه والبيزك مما جعلها صعبه الحل ولكن لله الحمد أجتزنا الاختبار وانت ممكن ان تطلع على اسئلة معلمى الحاسب الموجوده على النت واسفه ان لم استطع افادتك master sayed 17-10-2010, 05:22 PM بس الوزير وعد ان امتحان الكادر هذه المره سوف يكون فى التخصص ويلافى الأخطاء السابقة zeinab shaaban 23-10-2010, 10:23 PM جاءت نشرة جديدة الى المدرسة التى اعمل بها بتقول ان الاخصائى لايكلف الية اعمال غير اعمال معمل التطوير يعنى محدش يكتب قوائم الفصول وملفات الانجاز والاعمال الاخرى وكدة وطبعاً دة عمره ماهيحصل لان كل واحد فينا عارف ان مدير المدرسة ماينفعش نقول لة لالالالالالالالا ويسلم لوكنتو ذى عقد مميز وليس ممتحنتش فى الاكاديمية اخصائى مدينة الشروق قناوية 28-10-2010, 01:26 PM اختى الفاضله زينب الف شكر على افادتك لما بهذه النشره ولكن نطمع فى ان ترفعيها لنا بعد ان تسحبيها أسكنر فهل ممكن ولكى كل الشكر marwa_td 29-10-2010, 08:11 AM أهلا بكم يا زملائى أنا أخصائى تعاقد ومن اللى شوفتوا الكام سنة اللى اشتغلتهم ان محدش فاهم احنه شغلتنا ايه بالضبط وكمان لاننا فى الغالب اصغر ناس فى المدرسة فالمدرسين الكبار اى شغل بيحولوه علينا وبيقولواانتم اصلا بتعملوا ايه فى المدرسة zeinab shaaban 03-11-2010, 03:20 PM بتعملوا ايه فى المدرسة المفروض اننا بخدم كل المواد بندرب مدرسين وتلميذ على الكمبيوتر والاحصائى الذى حصل على تدريب الكوادر بيدرب فى دورلت icdl بنشارك فى الكنترول وبنكتب كل الاوراق المطلوبة على الكمبيوتر سواءكانت راحه الادارة او المحافظة او المدرية وبنساعد شئؤن العاملين والطلابة شمس198 22-11-2010, 08:59 PM كل عام و أنتم بخير يا أخصائيوالتطوير dahy_m 14-12-2010, 11:04 AM شكرا جزيلا على موضوعك موضوع رائع ويستاهل المشاركة فيه أنا أخصائى تكنولوجيا التعليم من المنزلة - دقهلية أخصائى إعدادى من 2004 امتحان الكادر كان غريب جدا فيه أسئلة كتير عن الشبكات الخادم والعميل وأسئلة فى البيزيك فيه أسئلة شبه icdl ومدرسين الحاسب بيمتحنوا نفس امتحان أخصائي التكنولوجيا عموما بالنسبة للامتحان كل الناس بتنجح واللى بيسقط محدش بيكون عارف سبب السقوط ربنا يوفقكم والمهم فى النهاية التثبت مستر ايمن محمد راشد 25-12-2010, 11:59 PM كان فى احد الزملاء بيتكلم عن لو سرق جهاز من المدرسة ؟ اذا تمت السرقة اصناء مواعيد العمل الرسمية فسوف تكون المسؤليه على الموظف المختص على سبيل المثال اخصائى التطوير .. واما اذا سرق الجهاز اثناء المواعيد غير الرسمية فسوف يكون العامل النويتجى هو المسؤل ويتم عمل محضر وابلاغ الشرطة بذلك mhamedasker2010 28-12-2010, 09:59 PM أهلا بكم يا زملائى أنا أخصائى تعاقد ومن اللى شوفتوا الكام سنة اللى اشتغلتهم ان محدش فاهم احنه شغلتنا ايه بالضبط وكمان لاننا فى الغالب اصغر ناس فى المدرسة فالمدرسين الكبار اى شغل بيحولوه علينا وبيقولواانتم اصلا بتعملوا ايه فى المدرسة محمد عسكر 21010:av4056bb7jp3: هويدا ابراهيم 13-01-2011, 05:04 PM اخصائى التطوير فى المدرسة زى المرمطون متبهدل من الكل كل اللى عايز حاجة يكتبها اويعملها يروح لة وبأوامر من المدير الرحمة 1 15-02-2011, 09:43 PM أنا سعيد جدا أنى وجدت أخيرا منتدى لنا نحن أخصائى التكنولوجيا بالمدارس كنت عايزة اعرف هو المعمل بيكون شغال طول اليوم طب ما في مدرسين مش بيرضوا ينزلوا ويقولوا ان حصص المعمل دي تضيع وقت نعمل معاهم اية ؟ khalifasoft 26-02-2011, 04:20 AM ممكن حد يفيدنا ويقول امتحان الكادر لاخصائى التطوير عبارة عن اية ولو عندة وصلات يا ريت يضيفها مشكورا انا متعاقد وزارى حاليا وبيقولوا فى موقع الوزارة لازم نجمع اوراق الاكاديدية قبل 22 مارس ام عربى 24-03-2011, 08:24 PM تحياتى للجميع اود فعلاً ان اعرف ماهى اعمال اخصائى التطوير هل هى تشغيل المعمل للطلبة من خلال تدريب الطلبة او حتى تدريب العاملين فى المدرسة والدخول على الحصص التخيلية وتشغيل المناهج التعليمية من خلال الاسطوانات الواردة الى المدرسة او تحميل الاسطوانات من موقع الوزارة ام مسئول عن المكاتبات الخاصة بالمدير وشئون الطلبة واعمال شئون العاملين وشئون الطلبة المرتبطة بموقع الوزارة مثل تحديث بيانات الطلبة والعاملين والاحصاء الاستقرارى بالاضافة الى مسئوليتنا مسئولية كاملة عن العهدة بالاضافة الى ادخال بيانات الsms والحصص الاحتياطى اعتقد عمل الاخصائى حالياًبعيد كل البعد عن العملية التعليمية r_mahmoud 24-03-2011, 09:17 PM على فكرة بتختلف من مدرسه لاخرى انا مش بعمل كل دة خالص أفياء 12-04-2011, 11:52 PM إلى الأخ المتواجد بالمنتدى السلام عليكم أرجو إفادتي عن المسئولية عن الجرد السنوي من المسئول عنه أخصائي تكنولوجيا التعليم أم أمين التوريدات أرجو الإفادة فأنا أخصائي أول تكنولجيا تعليم نرجو الرد عاجل قناوية 19-04-2011, 11:18 AM الاخ الفاضل أفياء بالنسبة للجرد السنوى امين التوريدات بيحضر لى ورق الجرد وأنا بقوم بكتابة العهدة الى عندى وأوقع عليها وخلاص يمكن ده مش صح لان امين التوريدات مش بيراجعها بنفسة من الكشوف الفعلية للعهدة بس يمكن لانى بقالى 13 سنة فى المدرسة وفيه ثقة كبيرة فى والحمدلله قناوية 19-04-2011, 11:23 AM الأخت رحمة 1 بالنسبة للجدول والمدرسين اللى مش بيرضوا ينزلوا انا بعمل كشف بالأسطوانات اللى عندى والمناهج اللى محملاها من النت وأمضى كل المدرسين عليه بالعلم وبقسمه حسب الصفوف وبكتب فيه على جميع المعلمين الحضور للأطلاع على محتوى الاسطوانات لمعرفة مدى مناسبتها للمنهج الحالى والمعلم الذى لا يحضر يتحمل المسئولية كاملة بعد توقيعه امام اى من المسئولين وبرضوا فيه كتير مش بيحضر لكن انا بعمل اللى على وبخلى المدير يوقع بعد لم التوقيعات بتاعت المعلمين وبجيب صورة من جدول حصص المدرسة كلها وببدأ أعمل جدول المعمل حسب الاسطوانات اللى عندى وبعمل الجدول عبارة عن اسم المعلم المادة الصف وتوقيع المعلم وبكده يكون المعلم موقع على موعد حصته ولا ميجيش هو المسئول والله الموفق hema22 18-07-2011, 05:09 PM ياريت ادارة المنتدى ترفع لنا كل النشرات الخاصة بحجرات التطوير و العمل بها و عمل الأخصائى medo10000 18-07-2011, 05:58 PM ما بنعمل كدا والتوجيه بيجى يتكلم معنا احنا مش مع المدرسين ولو المدير مش بيفهم بيجيب اللوم على الواحدوكمان شغل المدرسة كله بيبقى على الاخصائى اى شغل فيه كمبيوتر وبعدين انا مش كويس اوى فى الكمبيوتر بس الحمد لله مستويا افضل من مدرس الحاسب اللى عندى فى المدرسة بس الواحد مش عارف يعمل اى حاجه فى شغل المعمل وكمان المدرسين اغلبيتهم مش بيحب ينزل المعمل وكله بيتحجج انه مضيعه للوقت والواحد بيدخل الفصل مش بيلاقى المدرس اساسا الا من رحم ربى والواحد كتير حاول يغير حاسب الى بس كل المحاولات فشلت انا تعيين /3/2011 معتز أبوزيد 18-07-2011, 07:05 PM مشكوووووووووووووووووووووووووووووووررررررررررر emy technology 17-09-2011, 01:04 PM السلام عليكم رحمه الله وبركاته انا سعيده جدا لتواجدي معكم في هذا المنتد وارجو ان استفيد منكم اولا اريد وضع نقاط منظمه بحقوق الاخصائي في المدرسه وما له وما عليه وانا اعمل في مدرسه اعدادي وفيه معملين ومشاكلي كتيره جدا مع الموجه ودايما يقولي ان انا مسؤله عن الاتنين في حيث انه في مدرس مكتوب عهده الحجره التانيه باسمه وبيصرف له حوافزه واقوله شوف بقي شغل الحجره يقولي انا مدرس ولي حصصي وانت المسؤله وطلبت من المدير ان يعمل خطاب طلب مدرسه زميله فاضيه تمسك معي الحجره رفض بشده وقال انتي موش هتعرفيني شغلي طب اشتكي من لمين ؟؟ والكل مايل انا عايزه اعرف كل حقوقي عشان اعرف اشتكيهم amir_metwalli 02-10-2011, 11:54 PM للاسف جدا اصبح دور أخصائي تك التعليم قاصرا علي سجلات يتم التعامل معها تدني مستوي تك التعليم ( الكمبيوتر) سد العجز في الأخصائي بمؤهلات (ناس مبيعرفوش في الكمبيوتر والله ) hossam73 03-10-2011, 10:02 PM السلام عليكم انا اخصائى بمدرسة يوجد بها مشروع البروباند حيث يوجد معمل أوساط متعدده يوجد به 30 جهاز و3 أجهزة لاب توب وبعض الأجهزة الأخرى كما يوجد ايضا معمل مناهل المعرفة بالمدرسة و يوجد لى زميل اخصائى مثلى لكن مسئول عن مناهل المعرفة وانا مسئول عن معمل الأوساط المتعددة المهم هل يحق لى ان استعمل معمل الأوساط المتعددة كحجرة مناهل المعرفة حيث فى نفس الوقت تستخدم الأوساط فى حصص الحاسب الآلى لعدم وجود معمل حاسب آلى بالمدرسة فأرجو استفسار هل اشغلها كمعمل مناهل المعرفة فى غير أوقات حصص الحاسب الآلى أم لا ايضا ارجو استفسار عن كيفية استعمل اجهزة المحمول بالمدرسة وشكرا ايمن سليمان 04-10-2011, 09:51 PM بصراحة يا جماعة اخصائي التكنولوجيا ده وظيفة مش كويسة خالص لدرجة ان في مدرسين في المدرسة مش عارفين انت اصلا بتعمل ايه في المدرسة والمفروض الشغلانة دي تتلغي خالص من الوزارة ويتحول كل اخصائيو التكنولوجيا الى مدرسين حاسب الي يا جماعة ده انا دوخت علشان اسافر ولما في المقابلة يعرفو اني اخصائي تكنولوجيا خلاص المقابلة بتنتهي فورا مع العلم بأن مستواي في الكمبيوتر كويس لكن بيقولك انت مش بتدرس حاسب الي احنا عايزين مدرس حاسب الي وبياخدو ناس مع احترامي ليهم مدرسين حاسب الي بصراحة مستواهم بيكون اقل مني بكتيير بصراحة وظيفة بالنسبة لي مش كويسة خالص مع اني اخصائي تكنولوجيا من 2000/8/19 رانيا2011 06-10-2011, 05:37 PM ياجماعة المفروض ان كل واحد معاه ورقة مكتوب فيها مهام اخصائى التطوير ولو مش موجوده معاكم ان شاء الله هصورها لكم اوهنقلها لانى عانيت كتير اوى من موضوع ان اى شغل للكمبيوتر فى المدرسه انا اللى اعمله سواء احصاء او شئون طلبه رانيا2011 06-10-2011, 05:51 PM على مااجيبها من المدرسه يوم السبت واصورها هقولكم المختصر بتاع مهام الاخصائى واللى هيا باختصار عمل الجدول وتعليقه على الحائط وتنفيذ الجدول ده على ارض الواقع وعمل السجلات واللى عددهم تقريبا 11 لكن فعليا بنعمل منهم اللى هو سجل التشغيل والنت ده وتسجيل شرايط فيديو للمواد التعليميه والدخول على الحصص التخيليه اللى على موقع الوزراه وتنزيلها ده باختصار مهمة الاخصائى بالنسبة بقى لمشكلة المدرسين اللى مش عاوزين يدخلوا براحتهم جدا وعشان نخلص نفسنا من المسؤولية دى المفروض بنعمل جدول بالحصص فى ورقة ونمضى المدرسين على حصصهم ويتختم من الناظر وكمان نعمل ورقة نطالب فيها الناظر تبلغ المدرسين بضرورة حضور حصصهم وعمل اسطوانات للمواد ده بالنسبة للمدرسين الحاصلين على الانتل ويمضيها الناظر ويختمها الموضوع ده قاله لنا مدير التطوير بنفسه لانه عارف ان اخصائيين التطوير بيعانوا من مشاكل كتير زى دى واهم حاجة انكم تخلوا مسؤوليتكم بطريقة ذوق متخلكوش تخسروا حد رانيا2011 06-10-2011, 06:18 PM الحمد لله لقيت نسخه معايا فى البيت من مهام الاخصائى رانيا2011 06-10-2011, 06:31 PM مهام أخصائى تكنولوجيا التعليم وأخصائى العلوم المطورة ومسئول مناهل المعرفة __________________________________________________ ___________ 1-ضرورة تواجد الاخصائى المسئول عن التشغيل(تكنولوجيا تعليم-علوم مطوره)وفى حالة عدم تواجده يكون هناك مدرس او فنى وسائل مدرب على التشغيل كبديل لتشغيل الحجرة 2-استكمال الدفاتر والسجلات الخاصة بالتشغيل فى حجرة مناهل المعرفة وعددهم 13 سجل )ومعامل العلوم المطورة 3-استكمال واستعواض الناقص والتالف من الشرائط والاقراصcd والمعامل ولوزام تشغيلها من خامات وخلافه وعمل لوحة بعدد الاسطوانات الخاصة بكل مادة وتعليقها بمكان واضح 4-تجهيز واعداد خطة تشغيل حجرة مناهل المعرفة ومعامل العلوم المطورة ووضع الجداول الخاصة بذلك 5-الدخول على موقع الوزراة كل يوم خميس لاستعراض جدوال الفصول التخيلية والدخول على الحصص فى المواعيد المقررة بالنسبة للمدارس الاعدادى للتعليم الالكترونى والتاكد من رقم المجموعة الخاصة بالمدرسة 6-التاكد من تمام صلاحية الاجهزة ومعامل العلوم المطورة وابلاغ عن اى عطل فور حدوثه وافادة مركز التطوير بالادارة فور اصلاحه 7-تجهيز حجرات مناهل المعرفه ومعامل العلوم المطورة والتاكد من نظافتها وصيانتها وتجهيزاتها 8-ارسال التقرير الشهرى فى كل شهر بانواع الاجهزة وعددها ورقم كل جهاز مع ورق الحوافز وفى حالة التاخير فى الارسال نحملكم المسؤولية 9-ضرورة التنبيه على المدرسين بتحضير الدروس على برنامج الباوربوينت ووضع الدرس على جهاز الكمبيوتر الخاص بالمدرسة لعرضه على الطلاب رانيا2011 06-10-2011, 06:38 PM فى الجزء التانى من الورقة مكتوب ملاحظات هنقلها برضه رانيا2011 06-10-2011, 06:48 PM ***ملاحظات*** 1-توجيه المعامل هو جهة الاختصاص من حيث الاستكمال والاستعواض للمعامل المطورة 2-حجرة مناهل المعرفة تكون مفتوحة بصفة مستمرة طوال اليوم الدراسى وتكون هناك نسخة من المفاتيح الخاصة بها مع ادارة المدرسة 3-مدرسى العلوم بالمدرسة مسئولين عن تشغيل معامل العلوم المطورة طبقا للمناهج الدراسية المقررة 4-المدير /ناظر المدرسة هو المسئول عن تنفيذ كل ماسبق فى مدرسته 5-الاثاث تبعا لما تقرره الادارة تبعا للوائح المنظمه لذلك 6-لوحة المفاتيح وكذلك الفأرة الالكترونية تستهلك بعد موافقة الجهة المسئولة عن الصيانة وذلك بمحضر رسمى من مهندس الصيانة المسئول وموجه المدرسة المالى 7-الادوات الكتابية وورق الطباعة واقلام السبورة وادوات النظافة وكذلك اغطية الاجهزة تستهلك بمعرفة موجه المدرسة مع مراعاة اللوائح المنظمة لذلك مثل الاقسام الاخرى 8-تحفظ نسخة من هذة الوثيقة مع مسئول مناهل المعرفة فى سجل الوارد ونسخة مع مدير المدرسة 9-ضرورة الاستفادة من ميزانية التطوير فى شراء متطلبات مناهل المعرفة وحجرة الشبكات رانيا2011 06-10-2011, 06:54 PM الورقة دى موجودة معايا فى السجلات ومختومه من مدير التطوير وموجوده مع كل مدير اوناظر مدرسة (بس هما بيستعبطوا)والمفروض كل واحد فيكم يكون معاه نسخه منها ولو مش معاه يطلب من توجيه التطوير هو ده شغلنا واى حاجة بنعملها بعد كده تطوع مننا ومحدش يقدر يفرضها علينا انا عانيت جامد جدا من ان عملت شغل احصاء وشغل شئون طلبه وفى لحظة من اللحظات بان ان محدش بيقدر وعشان كده خدت موقف بس بالذوق ومش بعمل الا اللى عاوزه اعمله M..osama 07-10-2011, 06:16 AM انا سعيد ان فى منتدى الاخصائى التكنولوجيا ايمن سليمان 09-10-2011, 09:29 PM وايه بقى اللي مخليك سعيد كده alamir55 22-10-2011, 09:02 PM الحكومة الالكترونية مسؤلية من اخصائى التكنولوجيا ام الحاسب الالى ام مدرس من المدرسة ام ماذا وارجوا الافادة بمستند للاهمية وشكرا لكم رانيا2011 24-10-2011, 09:56 PM موضوع الحكومة الالكترونيه هو ده نفس سؤالى رانيا2011 24-10-2011, 09:58 PM يعنى ايه اصلا حكومة الكترونيه وايه مهمة اللى ماسكها بالزبط وهى من تخصص مين وربنا يجازيكم خير اكيد انت فى مصر 15-05-2012, 02:39 PM الزميلة رانيا 2011 اشكرك شكراً جزيلاً على مهام اخصائى التطوير لكن لى استفسار هل التعليمات الواردة فى النشرة من الوزارة شخصياً ام هى اجتهاد من رئيس او مدير التطوير وهل تعمم على كل المديريات من فضلك برجاء الافادة ولكى كل الشكر والتقدير لتعاونك اكيد انت فى مصر 15-05-2012, 02:55 PM يعنى ايه اصلا حكومة الكترونيه وايه مهمة اللى ماسكها بالزبط وهى من تخصص مين وربنا يجازيكم خير الحكومة الالكترونية هى الهيكل المدرسى بالكامل يعنى تجدى فيها شئون طلبة وشئون عاملين والاجهزة الموجودة فى المدرسة ونتيجة الامتحانات وغيرها وكل هذا مسجل على موقع المدرسة برقم سرى من خلال بوابة الحكومة الالكترونية ام من يقوم بكل هذا فيتوقف على من معه الرقم السرى للمدرسة اذا انتى معكى الرقم السرى فانتى المطالبة بتحديث البيانات وتنفيذ ما يتطلب منك من قسم الاحصاء بالادارة ولكل مدرسة رقم سرى خاص بها وهذا الرقم استلمناه من قسم الاحصاء بالادارة ولا يجوز لاحد غير المستلم ان يحدث بيانات مدرستة او الاطلاع علية اما اذا كان الرقم السرى مع كل العاملين بالمدرسة كما يحدث فى اغلب المدارس فانتى فى هذه الحاله غير مطالبة باى عمل بالحكومة الالكترونية لعدم وجود الرقم السرى معكى ومعكى انتى فقط واتمنى لكى التوفيق mido_an3 21-05-2012, 08:31 PM كيف احول هذه الصيغة الى تاريخ 2.9906e+13 من خلال اكسل ابو ريم 1 27-08-2012, 01:54 AM ياريت حد يقول لى مين اللى هيقوم بتدريس مادة تكنولوجيا المعلومات والاتصالات للصف الثانى الثانوى ssayedd 13-12-2012, 09:29 PM نحن: أخصائيون تطوير تكنولوجي بالبحيرة تم تعيينا بالقرار 263 لسنة 2011 والأن يريدون ان نوقع عقد معلم مساعد لدخول امتحان الكادر وهي دي مصر ( ايه رأيكم ) ياريت اللي متتضامن يكلمنا علشان نشوف حل mena shawky 23-12-2012, 08:54 AM ياريت لو حد عنده كل النشرات التى تخص اخصائى التطوير فى تنظيم العمل يعرضها klaza_10 21-03-2013, 04:02 PM موضوع رائع جدا نور الدين حنا 27-03-2013, 07:29 PM ما هى اوجه الصرف لميزانية التطوير بالمدارس رجل التطوير 04-04-2013, 02:01 AM نحن: أخصائيون تطوير تكنولوجي بالبحيرة تم تعيينا بالقرار 263 لسنة 2011 والأن يريدون ان نوقع عقد معلم مساعد لدخول امتحان الكادر وهي دي مصر ( ايه رأيكم ) ياريت اللي متتضامن يكلمنا علشان نشوف حل (معلم مساعد) أى تخصص ؟ baheraw75 12-04-2013, 02:55 AM ارجو توضيح اوجة الصرف بالنسبة لنشاط التطوير واي من الاشطة الاخر يمكن الصرف منها لحساب التطوير مثل النشاط وهكذا ولو امكن نشرة لذلك sandra20 23-04-2013, 03:25 PM ياجماعه هي الحكومه الالكترونيه دي احنا مسئولين عنها ولا مين ؟؟؟؟؟؟؟؟؟؟؟؟؟؟ لا ن في مشاكل بيننا وبين المديرة كبيره بسبب الموضوع ده حد يفيدني ارجوكم mohmmed aljmmal 05-10-2013, 12:26 AM تحيه لكل من ساهم فى هذا المنتدى الخاص بأخصائى تكنولوجيا التعليم وأرجو من الجميع فتح الحوار لمناقشه كل ما يخص الاخصائى من قرارت ونشرات تصل للمدارس وطبيعه العمل المكلف به الأخصائى ومناقشه أى مشاكل تقابل اى من الزملاء وأفادته بخبرات باقى الزملاء وكل ما يتعلق بعمل أخصائى التكنولوجيا أرجو أن يجد أقتراحى القبول والصدى لديكم ولكم منى كل التقدير اخصائى التطوير يشعر بالوحده وكأنه يغرد وحيدا mohmmed aljmmal 05-10-2013, 12:27 AM ياجماعه هي الحكومه الالكترونيه دي احنا مسئولين عنها ولا مين ؟؟؟؟؟؟؟؟؟؟؟؟؟؟ لا ن في مشاكل بيننا وبين المديرة كبيره بسبب الموضوع ده حد يفيدني ارجوكم اخصائى التطوير ليس مسئولا ده شغل الاحصاء mohmmed aljmmal 05-10-2013, 12:29 AM الكتاب الدورى للعام الجديد يمكن شراء وصيانة اجهزة التطوير من ميزانية الصيانة بالمدرسة وعندك كمان ميزانية المعامل ودى مبلغ كبير الرفاعى ملوخيه 12-10-2013, 08:09 AM الرفاعى فتحى اخصائى مساعد تطوير تكنولوجى بمدرسة ميت حبيب الثانوية تحياتى للجميع alyweb1 07-02-2014, 05:25 PM اتمنى ان يكون لنا صفحة ع الفيس بوك aser200 11-02-2014, 12:16 AM انا اخصائى رايك صح صح قناوية 24-03-2014, 07:58 PM https://www.facebook.com/groups/Qena.TDC/ جروب قسم التطوير التكنولوجى بادارة قنا زوروه تجدوا ما يسركم محمد عرفه داود 28-03-2014, 10:13 AM ما هو الحل فى الاجهزة التى أصبحت خرده فى المدارس محمد عرفه داود 29-03-2014, 07:12 PM بخصوص عدد الأخصائيين داخل المدارس فلكل معمل أخصائى واحد و أقدمهم خبرة يكون هو أخصائى معمل الأوساط ، و لكل ثلاث معامل بالمدرسة الواحدة أخصائى مشرف ، sadcat 03-04-2014, 02:46 PM لى سؤال هل حجره مناهل المعرفه هى حجره الوساءط وهل هناك فرق بين حجره مناهل المعرفه ومعمل الحاسب الالى نانوشا 15-04-2014, 05:16 PM لى سؤال من فضلكم عندى فى الحجرة خط نت عل التليفون وطبعا بطيئ جدا جدا وعاوزين نشترك فى خط سريع هل ممكن؟ sandra20 26-06-2014, 05:22 PM ازاي احسب سن التلاميذ في الصف الاول الابتدا ئي في اول اكتوبر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ابو عمر الغالى 05-07-2014, 11:32 AM طلب صغير وارجو الرد والافادة سجلات التشغيل الخاصة بالنشاط الصيفى ؟ لو ممكن نسخة منها علشان مطلوبة منى فى المدرسة ولكم جزيل الشكر اشرف كساب 02-09-2014, 07:06 PM الف شكر لك ahmedtahirs 24-10-2014, 10:19 AM مش فاهم حاجة من كل الكتابة دي اكيد حضرتك شغال في عمل الماهيات..ياريت لو طلع لنا زيادة تبشرنا صاصا ندى 27-10-2014, 09:23 PM فين المنشور اللى يؤكد استلام العهدة بايصال تشغيل فقط أمجد منير 08-12-2014, 10:46 AM يا جماعة بخصوص التدريب فى حد منكم بيقوم بتدريب معلمين فى الحجرة وعمل دورات تدريبية لهم ؟ renadgoda 11-12-2014, 11:46 PM اقتراح رائع ومفيد لجميع اخصائى تكنولوجيا التعليم عبد الرحمن هانى 30-08-2015, 09:34 AM يا جماعه بالنسبه للتسجيل للمتقدمين للصف الاول الابتدائى مش شغال كل ما اضيف تلميد يرفض الاضافة نورهان صبرى 02-09-2015, 04:51 PM اقتراح جميل و مفيد للجميع ahmedtahirs 25-11-2015, 10:03 PM تضغط بالماوس يمين على الخانة الي فيها الرقم ثم تختار format cell ثم تبويب number ثم numberثم تجد خانة على اليمين بها DECIMAL PLACES ومكتوب فيه 3 اضط عل السهم السفلي لجعل 3 تصبح 0 ahmedtahirs 25-11-2015, 10:05 PM كيف احول هذه الصيغة الى تاريخ 2.9906e+13 من خلال اكسل تضغط بالماوس يمين على الخانة الي فيها الرقم ثم تختار format cell ثم تبويب number ثم numberثم تجد خانة على اليمين بها DECIMAL PLACES ومكتوب فيه 3 اضط عل السهم السفلي لجعل 3 تصبح 0 كريم محمد عصام الدين 09-02-2016, 01:35 AM السلام عليكم ورحمة الله وبركاته من الأشياء المستفزة فى وزارتنا المصونة أنها لا تعرف الدور الحقيقى لأخصائى تكنولوجي التعليم فى المدرسة وأنا لا أتكلم كلاماً مرسلاً دون دليل ...وأدل شئ يدل على دعواي هى بطاقى التوصيف المدرجة من الأكاديمية المهنية فتجد أن فى بطاقة التوصيف لأخصائى التكنولوجيا بكل درجاته مهمة غريبة ومستفزة وهى متابعة نظافة المعمل بتبليغ العامل المسئول .....من الطبيعى أننى أتابع نظافة المعمل ليس كإجراء وظيفى ولكن كفطرة بشرية ولكن ليس من الطبيعى أن يدرج هذا كمهمة وظيفية ....ولهذا زال اندهاشى عندما كان يدخل الموجهيين ويمسحون الأجهزة بسبابتهم ويقولون بأسلوب غريب (أيه ده ؟) يقصدون التراب .....وكأننى درست 4 سنوات فى كليتى ومن بعدهم 3 سنوات دراسات عليا طرق إزالة التراب من أجهزة الحاسب أنا أطالب الأكاديمية بإزالة هذه المهمة من بطاقة التوصيف بل ومراجعة بطاقة التوصيف كلها وإعداد بطاقة أخرى بالتعاون من أساتذة من الجامعات متخصصين فى تكنولوجيا التعليم mohmmed aljmmal 23-03-2016, 05:53 PM برافو عليكى بجد soso17 25-09-2016, 04:22 PM شكرا على فتح الحوار الخاص بتبادل الخبرات لاخصائى التكنولوجيا شكرا ياقناويه alfa assuit 12-10-2016, 09:05 PM فى معمل النطوير للمرحلة الثانوية ،، كم اخصائى ينطلب وجود بالمدرسة ؟ 1500 طالب و 150 معلم وادارى و 26 فصل ؟ الرجاء الرد mohmmed aljmmal 04-12-2017, 03:18 PM لكل معمل ابتدائى اعدادى اخصائى واحد ماعدا المرحلة الثانوية عدد 2 اخصائى لكل معمل ولكم منى كل التحية mohmmed aljmmal 04-12-2017, 03:20 PM عدد 2 اخصائى لكل معمل فى المرحلة الثانوية ahmedrfs 05-06-2018, 04:55 PM استفسار لماذا عند التسجيل للتقدم للصف الاول الابتدائى بعد الانتهاء من التسجيل وعند الضغط على اضافة يعطى هذه الرسالة لم تتم الاضافة تابع في وقت أخر ما هو الحل ( هذا السؤال لاصحاب الخبرة ) hannanmattar 13-11-2018, 10:09 PM :rolleyes:هل اخصائى تطوير هو معلم واخصائى تكنولوجيا هو معلم اول ولا ايه؟؟؟؟؟؟؟؟؟؟؟؟؟ سوزى 12 22-11-2020, 08:35 AM عندى طابعة lexmark e210 وليس لدى اسطوانة توصيف ليها ممكن حد يبعتها غذا سمحتم |