ahmed monsif
26-05-2007, 12:49 AM
بسم الله الرحمن الرحيم
رجعتلكم تاني ياجماعة بعد طول انشغالي
اعذروني كنت ومازلت مشغول بقضاء فترة الامتياز والتدريب بعيدا عن منزلي
وهذا لانني نقلت امتيازي الي مستشفي في القاهرة تسمي مستشفي المطرية التعليمي
وطبعا انتوا اكيد معظمكم قرا يوميات طالب طب
ربنا يسهل ويوميات طبيب ناشئ تحوذ نفس اعجابكم واشادتكم
وانتظرونا
ينهار ابيض مستشفى المطريه
مش كنت تقولى يا باشا
تعرف المسافه بينى و بين مستشفى المطريه
حوالى عشر دقايق مشى :P
على العموم ربنا معاك يا دكتور و يوفقك
ahmed monsif
27-05-2007, 11:03 AM
اليوم هو اول يوم لي في المستشفي
رايح بقي لابس كلاسيك وشايل الشنطة وكاوي البالطوا
قالولي هاتقابل مدير المستشفي
دخلت انا و6 من اصدقائي كل واحد لوحده
فترة الامتياز دي ياجماعة بناخد شهرين في كل حاجة جراحة نسا باطنه اطفال طوارئ واخيرا ناخد التخصص اللي بتحبه لمدة شهرين
انا بقي كنت اتمني يبدا ليا بحاجة مش مهمة زي الطوارئ خصوصا اني جاي متاخر اسبوعين
المهم دخل اول واحد بدا له بالجراحة
وبعدين التاني اداله اطفال
انا بقي اداني اهم حاجة وهي التخصص
قلاتله بلاش يادكتور قاللي مش بمزاجك ياخويا
المهم قالي تاخد ايه قلتله عايز عظام ورعاية قلب
قاللي ضاع منك اسبوعين في رعاية القلب
قلتله ياباشا عايز ابدا بالعظام قاللي مش بمزاجك ياخويا
المهم خرجت لاصحابي بيقولولي عملت ايه
قلتلهم ادا كل واحد مربع واداني انا اربع مربعات
هههههههههه
د.حاملة المسك
02-06-2007, 06:05 PM
ربنا يوفقك ان شاء الله,,,