اولا انا مش بحبطكوا بس عندى امل ان شاء الله وبقول نصبر بس عايز اوضح حاجه العقود الجديده لمده سنه اقرأو البند الثامن بيقول ايه للطرف الاول انهاء التعاقد دون اى مطالبات للمتعاقد ده معنى البند
يعنى هم ماسكينا ازا اتكلمنا واعتصمنا او وقفنا العمل بالمدارس الى احنا شغالين فيها ممكن يفسخوا العقد وطبعا يحقهلهم لانك ماضى على كده وكمان تقارير امنيه يعنى ينسكت يا يجيبوا غيرنا واسمهم وفروا ليك وظيفه واتأمن عليك والتقارير تطلع عينا مليون السنه دى
والجدد طبعا بعدنا بقه يبقوا وظائف جديده وهلما جرة


بس لى سؤال لوزير التربيه والتعليم والحكومه انا خريج تربيه
حاولت اشتغل فى قطاعات كتير بترول وكهرباء وبنوك واتصالات وسياحه بس كان الرد واحد
انتا خريج تربيه يعنى مدرس متنفعشى
طب يرضى ين اقبض 330 جنيه ودى وظيفتى اساسا ومش مشكلتى الغاء التكليف او انى دخلت تربيه بدال قبلتنى تعينى مدرس طبعا لو احنا بنقدر المدرس ورسالته كدوله وشوفوا الدول من حوالينا المدرسين المصرين هما الى بيخرجوا اجيالهم وبيتقدموا عارفين ليه مريحينه اولا نفسيا وماديا ومهتمين بيه وعيب قوى نتكلم عن تطوير التعليم والمدرس مش لاقى ياكل
والكادر احنا عارفين مين الى استفاد منه الى بقاله 20 سنه بس او اساسيه كبير زى المدير ووالوكلاء والمدرسين الاوائل والله عيب
وشكرا لمصر بلد الكورة واللعيبه الى بياخدوا ملايين فى السنه من غير حاجه واخرهم شهادات عامه ومكملشى زى جدو وابو السعود شيكابالا حسبى الله ونعم الوكيل مش بحسد ولا بحقد بس شوفوا احنا تعبنا قد ايه وبناخد ايه ياريتنا طلعنا لعيبه كورة ده اللعيبه بتشرط فى عقودها واحنا مش عارفين ههههههههههههه عليه العوض سلام عليكم

لنا الله نحن متعاقدين التربية والتعليم

لنا الله نحن متعاقدين التربية والتعليم

يعنى بجد الكلام ده صح جدا انا باسمعه من اصحابى اللى شغلين انا كمان مدرسة المفروض بس مشتغلتش لانى المكان اللى ممكن يجيلى فيه شغل بعيد جدا عن بيتى غير البهدلة والمرتب اللى اصلن ميكفيش المواصلات

الحمد لله على كل شىء

سيدى الفاضل ان الله و اتحادنا هما القوة الوحيدة لنا, و يجب ان لا نخاف من العواقب لاننا شغالين فعلا من غير فلوس يعنى هنبكى على ايه يا حسرة,
إن الحكومة يقلقها أن يكون هناك رأى عام ذو صوت عالى.
لأن الحكومة لا تريد أن يعرف أحد أنه هناك فشل لسياساتها.
إن تظاهر ألاف المعلمين فى وسط البلد من كافة محافظات مصر,
سيحرج حكومتنا بشدة و يؤكد للمجتمع كله أن الحكومة لا ترغب فى إصلاح التعليم
أو على الأقل فشلت فى هذا.
سيدى القضية ليست مجرد تثبيتنا و رواتبنا المتدنية,
القضية هى أحوال التعليم فى مصر, و أنت تعرف ما هى أهمية التعليم لهذا المجتمع النازل الى هاوية الجهل و التخلف.
و كم تغنت الحكومة بتطوير التعليم و إصلاح أحوال المعلمين فى مصر!
يجب أن تكشف حكومتنا على حقيقتها أو تستجيب فى الحال.
http://www.facebook.com/group.php?gid=133325813357265 (http://www.facebook.com/group.php?gid=133325813357265)

ارحمونا يلغوا اية بلاش هبل
المتعاقدين 75% من قوة المدارس
احنا يابنى 25 واحد متعاقد المدير هو الاساسى بس

ربنا أقوى منهم

كلام مظبوط بلد اللعيبة والفنانين ومتنساش الرقاصين والرقاصات (والفلوس الى بيدفعوها لمباريات كأس العالم )أحنا بعد ما سدتوا نفسنا عن كل حاجة وطالعة عنينا عشان نوفر لقمة العيش بعد مرتبكم المصون 348هنسمع كورة ...............حسبي اله ونعم الوكيل ........لنا الله .هو نعم المولى ونعم النصير

الحكومه لا تجرا انها تلغى تعاقد حد والى مش مسدق كان ييجى يتفرج فى تصحيح الثانويه والاعداديه فى المنصوره ازهر
كلنا كنا تعاقد ومش كانوا لاقيين مدرس اول يراجع فنى

خلاص احنا بقينا واقع فى التربيه والتعليم والازهر

احسن ناس نتكلم
لكن نصلي ركعتين ونقول يارب اللي بيده كل شيء

السلام عليكم ورحمة الله وبركاتة
إلى جميع الأخوة المُنحازين للحكومة .. وإلى كل مُضَلّل ويقول الحكومة لن تستغني عن المتعاقدين .. أنا معك لكن لماذا يكون في العقد شرط .. يحق للطرف الأول أن يفسخ العقد لأسباب يراها هو . وكذلك بند أن تكون المحاكم المختصة جهة فض النزاعات .. يعني النية غير كاملة الصدق ... وأكرر وأقول توجد درجات مالية بالجملة لكن لماذا عدم التثبيت منذ 1998 إلا لإوائل الدفعات فقط يعني كلة كلية 5 أو 10 بالكثير يعينون والباقي في الشارع .... وأخيرا وليس بآخر هل عدم التثبيت مرهون بإنتخابات رئيس الدولة ؟
أفصحوا لنا عن نواياكم إن كنتم صادقين..
أنا أنضم للداعيين لوقفة يوم 25 / 7 أمام مشيخة الأزهر إن شاء الله لماذا يعطون الحق لهم ولأولادهم في التثبيت ونحن لا .؟؟؟؟؟؟؟؟؟؟؟؟؟؟؟؟؟؟؟ !!!!!!!!!! هل الوزير على درجة مالية أم لا ؟؟؟

هام جداً
لو سمحتم المحافظات التالية قريبة جداً من القاهرة (المنوفية - القليوبية - الغربية - الجيزة - 6 أكتوبر - حلوان - بنى سويف و ممكن السويس و بعض مراكز محافظة البحيرة) كل السابقين هم كتلة كبيرة و رهيبة من المعلمين المساعدين و لازم يروحوا الوزارة فى القاهرة
لانه وقفة الوزارة هى الاهم و عاوزين فيها عدد كبير جداً, لانه الاعلام ه...يكون مسلط عليها,
حاولوا تروحوا ارجوكم لانه محدش هيديك حقك و انت نايم فى بيتك, و خد معاك كل زملائك و المتعاطفين معاك لانه العدد مهم جداً فى نشر هذه القضية. عاشت مصر.


أبسط شئ ممكن نكسبه من هذه الوقفة هو عدم تجاهل الوزير لنا, فانتم تلاحظون تجاهله التام لقضايانا و أحوالنا رغم انه يظهر فى التليفزيون 7 مرات فى الاسبوع. كما انه يتكلم دائماً عن تقصيرنا و عدم انضباط المعلمين لقد شوه صورتنا أمام المجتمع دون ان يتكلم عن حقوقنا أبداً. لن نرضى بهذا الذل و لكن سنؤدى عملنا بمنتهى الاخلاص و الامانة مؤمنين بقيمة رسالتنا فى تنوير و اصلاح المجتمع كمعلمين و لكن دائماً مطالبين بالحصول على حقوقنا المادية و المعنوية لان حقنا هو حق مصر.
لا تنسوا 25 / 7 / 2010
Facebook
http://www.facebook.com/group.php?gid=133325813357265&v=wall

فعلافى بنود العقد ان يحق لهم فسخ العقد والله يوم ما كنا بنمضىالعقد قالت لنا الموجهه الاولى انها تستطيع
فسخ عقدنا......وعندما سالنا فى هذا قالت موجهه اخرى ان فسخ العقد يكون عن طريق النيابة الادراية.....
يعنى ببساطة ممكن الموجه بتاعك يفسخ عقدك...
ياجماعة انا فى نصبر يعنى الوزارة ممكن تدور على اى سبب وتفسخ عقود مش هاقول كلنا لكن لو فسخت عقود بعضنا صدقونى الباقى هايسكت....و يحمد ربنا.....يا جماعة فى كتير مش لقين اى وظيفة...وبعدين ما احنا اشتغلنا سنين بالحصة بمرتبات والله ساعات كان الشهر مش بيكمل 100 جنيه....يا جماعة نصبر شوية لحد ال3 سنين بتوع العقد ما يخلصوا...عشان ما نخسرش كل شىء.....وربنا يكتب الخير للجميع

يارب ينصرنا عليهم

اللهم ارحم عبادك برحمتك يا ارحم الراحمين

الحمد لله على كل حال

ههههههههههههههه
هتقول وتعيد لمين؟
الحكومة والمسؤلين نيمين بيكلوا رز بلبن

جزاكم الله خيرااااااااااااااااااااااااااااااااااااا

كلنا وراكوا يا رجاله

بصراحة البنات هما اللى بيخلوا الرجال يسلموا بالامر الواقع و يمشى وراهن.
يا جماعة اصلى البنت من دولا مش هتصرف على بيت مش هتشترى البنت شبكة و لا تدفع مهر فاى حاجة بترضيهم. و بعدين شغل الحصة ده كان مهانة و قلة ادب من الحكومة. اشتغل ب 70 او 90 جنيه فى الشهر ده حاجة مسخرة و مهزلة و فضيحة فى اهم قطاع يقوم عليه تطور و تنمية المجتمعات.

اللهم يا غفار يا قهار أغفر لنا واقهرهم يا جبار

تم ارسال قرار التثبيت و الف مبروك

حسبنا الله ونعم الوكيل

بصراحة البنات هما اللى بيخلوا الرجال يسلموا بالامر الواقع و يمشى وراهن.
يا جماعة اصلى البنت من دولا مش هتصرف على بيت مش هتشترى البنت شبكة و لا تدفع مهر فاى حاجة بترضيهم. و بعدين شغل الحصة ده كان مهانة و قلة ادب من الحكومة. اشتغل ب 70 او 90 جنيه فى الشهر ده حاجة مسخرة و مهزلة و فضيحة فى اهم قطاع يقوم عليه تطور و تنمية المجتمعات.
فعلايا استاذ البنت مش عليها مسئولية كبيرة ذى الرجل..بس بردوة نقدرنقول ان الجل الى بيقبض من المدرسة 100 هايكسب من الدروس الخصوصية 1000 بسم الله انا مش بحسد لكن دا الواقع البنت ان ادت بيكون بشكل محدود....وعلى فكرة لو لحد دلوقتى مفيش غير شغل بالحصة كنت هاتشتغل...ولا تقدر تقولى كنت هاتعمل ايه.....روحى على المقاهى وانت هاتشوف المواهلات ..الى سورى افضل منك قاعدين من غير شغل....
وبعدين حضرتك بتقول البنت مش بشترى شبكة ياعم انت مش عايش فى الدنيا هو فى اى حد دلوقتى بيشترى شبكة.....على العموم ابقى اعزمنا على فرحك....عشان نشوف الشبكة الى هاتجيبها.....يارب ما تكنش دهب صينى......