رسالة هامة لجميع المعلمين وأولياء الامور التعاون معى فى هذه الحملة لانقاذ اولادنا وابنائنا من حقول التجريب اللى بيتفننوا فيها المسئولين ودايما تكون ثمارها الفشل وللأسف هما مش بيخسروا حاجة انما الخسارة لاولادنا
طبعا الكل عارف ان التقويم الشامل ( ملف المهملات ) سيطبق على الشهادة الاعدادية بدءاً من العام الدراسى المقبل فرجاء لكل من لديه رأى يضيفه بشرط الاراء لا تكون مجرد كلام ولكن اللى يعرف حد مسئول وصوته مسموع عند المسئولين يحاول يبلغه هذا الرأى قبل فوات الاوان .
بالنسبة لراى المتواضع :
1- ألا يطبق التقويم الشامل أصلاً على الشهادات بصفة عامة لانها مرحلة حساسة وحاسمة فى تاريخ الطالب .
2- إذا طبق هذا الاخطبوط ( التقويم الشامل ) الا يضاف على المجموع ويقتصر النجاح فيه على حضور الطالب الامتحان النهائى للمادة ( وبالتالى نضمن حضور اولادنا المدارس ) .
3- او يتم تخفيض النسبة التى تضاف على المجموع ولتكن 20% للملف و 80% للاختبار النهائى .
أرجوكم تشاركونى بأرائكم وزى ما قلت قبل ما تقول رأيك نحاول جميعا البحث عن المسئوليين للاستفادة من ارائنا لأننا أفضل منهم علشان أحنا اللى داخل هذه المفرمة وعارفين ميول وإمكانيات الطلاب .

شكراً لمشاركتكم وجزاكم الله خيراً


أخوكم أحمد

كلا مك مظبوط وتمام وأنا معاك

البلد بتغرق .فسااااااااااااااااااااااااااااااد فى كل مكان

كيف يكون الحال عند تطبيق التقويم الشامل على طلاب الشهادة الإعدادية والطلاب فى الأصل يشاركهم العديد من أولياء الأمور يجعلون أبناءهم لايذهبون للمدارس ويكتفون بالدروس الخصوصية والمعاهد المنتشرة فى كل مكان بلا رقيب مع أهمال دور المدرسة
معنى ذلك أن المعلمين يعطوا درجات تقويم لمين ؟؟؟ طبعا ستوضع وهميه كما يحدث ..
رحمة بالمعلمين ياريت يكون هناك وسيلة للتقييم بعيدا عن هذا العذاب المسمى بملف الإنجاز الذى ليس به أى إنجاز

والله يا جماعة الموضوع من اوله لاخره فشل فى فشل
وعموما .... احنا بندن ف مالطه
بمعنى اللى هما عايزينوا هيعملوه غصب عن عين اولياء الامور او حتى المدرسين

اخوكم
:049gc0: ياسر جبر:049gc0:

حقا كلامك صحيح 100 % وهذا بداية لمحو الامية فى المستقبل

اكبر مشكله تصورا ايه وبصراحه ودون زعل محدش زعلان علشان التعليم في المحروصه لا لا المدرسين خيفين علي الدروس الخصوصيه واصحاب الددرجات النهائيه و الحتان يا حرام دورهم هقل 50% ومدرس الفصل الغلبان هيبقي له اهميه !! علي فكره انا مدرس وفاهم هههههههه

فعلا انا طالبة من فئران التجارب وبقول ان التقويم الشامل فاشل بمعنى الكلمة وبسأل مدرسينى عن رايهم فى والكل يشهد له بخراب التعليم وبسألهم اذا اضيف فى 3 اعدادى والكل يرفض الامر ونحاول الان انا وبعض اصدقائى الوصول لاى مسئول

وان شاء الله مش هيضاف السنة القادمة

التقويم الشامل من افضل ما تم ادخاله على النظام التعلميي المصري في السنوات الاخية ولكن العيب في المدرس الكسلان والطالب الفاشل وولي الامر المستهتر ياريت اللي يتكلم عن التقويم الشامل يتكلم عن سلبيات التنفيذ وكيفية معالجتها وما يتكلمش عن التقويم الشامل في حد ذاته غير لما يقرأ عنه الاول ويحاول ينفذه صح كفانا استهتارا

الجديد يلغوا امتحان الاعاداية والابتدائية ويخلوها نقل والامتحان والتصحيح في المدرسة

هو مين اللى فاشل ياجماعه
التعليم ولا المعلم ولا أدوات التقويم
السبب الرئيسى للفشل
هى الدروس الخصوصية بلامنازع
وبلاش نرمى الحمل على حاجات تانيه
وشكرا للجميع

هو مين اللى فاشل ياجماعه
التعليم ولا المعلم ولا أدوات التقويم
السبب الرئيسى للفشل
هى الدروس الخصوصية بلامنازع
وبلاش نرمى الحمل على حاجات تانيه
وشكرا للجميع

ما طالما كثافة الفصل عالية وفي غش وطلبة ما تعرفش القراءة ولا الكتابة ومدرس مهان والنظام عايز شعب جاهل
ولي الامر بيسال ابنه اول ما يرجع من الامتحان غشيت ولا لا
ولو مدرس شدد علية لجنه يدعي علي المدرس
كله فاشل

الدروس الخصوصية هى البقية الباقية لتعليم الطلاب
لأنه ليس هناك تعليم داخل المدرسة .
لو مفيش دروس خصوصية يبقى انتهى التعليم فى مصر

التقويم الشامل فاشل بكل المقاييس لأنه لايطبق بالطرق الصحيحة ونحن نختلف كلايا" فى كل شىء عن الغرب والمشكلة المهمة والوحيدة التى تقف حائط صد أمام تطبيق هذا النظام بالطريقة الصحيحة هى كثافة الفصول وبسبب ذلك بيضيع وقت المعلم على الفاضى بدون أى إستيعاب يذكر للتلاميذ وهذا رأيى المتواضع
أبو فياض

والله عندك حق الطالب المتميز الذى يعتمد على نفسه ولا يأخذ دروس خصوصية هو الذى ينضر من موضوع التقويم الشامل هناك أنشطة كثيرة غير التقويم الشامل لو تم الإهتمام بها لأفادة الطلاب ومنها حصص التربية الرياضية والمكتبة والمجال الصناعى والزراعى وأندية العلوم تنشط ويكون للطالب حرية إختيار النشاط الذى يمارسه دون التقيد بمجموع أو درجات والمناهج تم تطويرها بحيث تمارس من خلالها أنشطة تعليمية ولكن التقويم الشامل نظام فاشل رفع الطلاب الذين لا يجيدون القراءة والكتابة بدون وجه حق

انا بضم صوتى ليكم لان بجد ده ظلم وحررررررررررررررررررررااااااااااااام عليهم كده انا كنت طلعه الاولى على الادارة فى ستة ابتدائى وخايفة جدا انا دخلة تالتة اعدادى وخايفة ليطبقوا اعمال السنة وهجنن بس المهم فى رد من اى مسئول على اى حاجة خصوصا ان فى مدرستنا سيبة وبيحطوا اعمال السنة على مزاجهم ارجوكم حد يطمنى بكتير فى خلال اربعو وعشرين ساعة ارجوكم

الدروس الخصوصية هى البقية الباقية لتعليم الطلاب
لأنه ليس هناك تعليم داخل المدرسة .
لو مفيش دروس خصوصية يبقى انتهى التعليم فى مصر








صح كدة تمام تمام

التقويم الفاشل او ( سلة المهملات )المدرس اصلا لايستطيع تطبيقة وكلة كلام فارغ ليس لة اهمية
الفائدة الوحيدة لة هو كرباج رسمى فى ايد المدرس للضغط على الطالب من اجل الدرس
كلنا مدرسين وعارفين كدة بلاش انكار

انا سمعت النهاردة انهم مش هيطبقوه حد سمع حاجة زى دى

وجهة نظرى أن التقويم الشامل نظام رائع . إذا تم تطبيقه بأسلوب سليم وحيادى .بالإضافة إلى تحجيم الدروس الخصوصية خارج المدرسة وإعطاء أهمية لمدرس الفصل مع اهتمام مدرس الفصل بتدريس مادته. مع مراعاة علاج السلبيات مثل كثافة الفصول

الدروس الخصوصية هى البقية الباقية لتعليم الطلاب

لأنه ليس هناك تعليم داخل المدرسة .

لو مفيش دروس خصوصية يبقى انتهى التعليم فى مصر



هى دى ثقافة مدرس اليوم ؟
طيب ياترى فيه تخفيض لأولاد المدرسين زمايلكم ؟ ولا كله زى بعضه؟
شكرا لكم

التقويم الشامل كلام فاضي لان انشطه في العالم تصميم جهاز اجراء بحث من النت كتابة في موضوع خارج المنهج وعمل اشعار عمل مجلات تصميم برامج كمبيوتيرية
اما عندنا ارسم رسمة ويرسمها من ولي الامر ارسم بقرة ساعة دائرة ورقة منتنة اي درجات نشاط
50% كثيرة جدا علي الطالب وحرام

والله كل الاراء ديه سليمة لكن انا مع التقويم الشامل الذى يطبق بطريقة علمية كما فى الغرب كعمل ابحاث من النت والمكتبة قريبة من المنهج الدراسى وانا كمدرس لا اسطتيع ان اعيش بدون دروس خصوصية التى هى فى راى مشكلة اجتماعية اكتر منها تعليمية افحلتها ظروف اقتصادية متدنية للمعلم وغلاء المعيشة ادت للبحث عن موارد اخرى وجعلته يهمل مشواره الاساسى كما جعلت ولى الامر لا يبحث عن مستوى ابنه ولكن كيف يحصل على مجموع كبير من الوجاهة الاجتماعية من ناحية او من متطلبات التنسيق من ناحية اخرىوالله الموفق
اللهم صلى على سيدنا محمد كما صليت على ابراهيم وبارك الله على سيدنا محمد كما باركت على ابراهيم فى العالمين انك حميد مجيد

الاستاذ اللى اسمه (مستر محمود )اللى بيقول ان اللى بيرفض التقويم الشامل هما المدرسين عشان الدروس الخصوصيه وقعد يقول الوحوش وكلام من دة واضح اوى النفسنه وانه مش عارف يشتغل دروس زى الوحوش اللى بيقول عليهم وواضح ان التقويم الشامل اللى بيقول عليه نظام كويس هو اللى هيخلى اولدنا تحت رحمه واحد زييه فيبقى هو كمان وحش يا استاذ يا محترم الوحوش دول زميلك المجتهدين اللى انت واولادك لو ليك اولاك اخدت عندهم دروس انا بقى شايف ان التقويم الشامل هيخلى سعر لليملوش سعر زى الاستاذ اللى فوق

اسف انا اقصد mimido2000

بما انى مدرس وكمان بأدى دروس عايز أقولكم رأيى المتواضع برضه لان كل أرائنا متواضعة بالنسبة للمسؤلين
المهم التقويم الشامل فعلا جيد جدا بس مش لمصر
العيوب عندنا
1- مدرس فاشل واطى عديم الضمير بيستخدموا ضد الطالب
2- ولى أمر مش فى دماغه يعنى ايه تعليم كل همه الواد يجيب درجة
3- طالب تايه كل يوم فى نظام مش عارف رأسه من رجليه

أما بالنسبة للدروس بالعكس الطالب لو حضر المدرسة وشرحله المعلم بضمير والله هيشتغل دروس كويس

ياجماعة عندنا فى مدرستنا أول أسبوع المدرسين بتخانقوا على الحصص الاحتياطى علشان يدخلوا ويعرضوا نفسهم على الطلبة بكل بجاحة
وبرضه مش هاظلم اوى المدرسين لان انا مدرس واتمنى اكون غيرهم ومتأكد ان مصر 99 % من مدرسينا محترمين
وبالنسبة للدروس عادى ما الدكتور موظف وله عيادة خاصة


الحــــــــــــــــــــــــــــــــــــــل
1- بالنسبة للمعلم اذا ظلم اى طالب مش يسكت له يكلمه ان مش اتعدل يشتكيه ولو وصلت للوزير .
2- اعلام مرئى ومسموع وبكل الصور لأولياء الأمور ان التعليم مش درجات ده مفروض يكون متعة واستمتاع .
3- تغيير اسلوب درجات ملف الانجاز وده أحب أطمنكم عليه لانى اصلا خريج اعلام وعرفت خلال شغلى باحدى المجلات ان الوزير ناوى يقلل من سطوة المعلم على الطالب بتخفيض قد يصل الى نصف الدرجات ويجعل معظمها على الغياب

وعايز أضيف حاجة لحد يقول على منفسن والله بالنسبة للدروس الحمد لله رب العالمين اقسم بالله برغم صغر سنى فى المدرسة الا انى اكتر مدرس فى مدرستنا شغال كويس
وأنا واقعى مش اكتر

بقى يازميلى خايف من زمايلك ليتهموك بالنفسنه وبتعترف وتتباهى كمان بأنك بتدى دروس خصوصية
ياسيدى ربنا يبارك لك بس ياريت تراعى مشاعر أولياء الامور
شكرا يازميلى العزيز على الصراحه اللى مش فى محلها
مدرس وولى أمر لتلاته فى شهادات - يعنى زى مابيقولوا سنه كبيسه بالفلوس والمصاريف
ربنا يلطف بينا
وشكرا للجميع

انا عايزة اعرف ان كان فى اخبار جديدة ارجوكم حد يرد عليا واى مقابلة للوزير على التلفاز ياريت تبلغونى بمعادها

التقويم الشامل نظام فاشل اثبت فشله مع ابنائنا فى الشهادة الابتدائيةفلا تكرروا الماْساة مع ابنائنا فى الشهادة الاعداديةفنحن اولياء الامورنشعر بغاية القلق من تطبيق هذا النظامالذى يتلاعب فيه بعض المعلمين بمستقبل ابنائنا الطلبة لذا نناشد المسؤلين ان يخلصونا من هذا الكابوسوعدم تطبيقه على الشهادة الاعدادية والا سوف نحمل المسئولينما سوف يقع على ابنائنا من ظلم نتيجة تطبيق هذا النظام

التقويم الشامل نظام فاشل

الغاء التقويم

الغلطة ليست فى التقويم
الغلطة فى عدم وجود ضمير لمن يملك تطبيق التقويم
للأسف

حتى لو يستعمل التقويم فرصة للضغط من أجل الدروس الخصوصية
تتدخل المحسوبية والقرابة والمعرفة فى إعطاء درجات لمن لا يستحقها
وبالتالى يضيع حق طالب أخر عند الكيل بمكاليين

من وجة نظرى
إحنا محتاجين ضمير
ضمير المدرس يوم ما ينبه أنه حيتحاسب زى ما بيحاسب
مؤكد سنكون أفضل الأمم على الإطلاق

التقويم الفاشل (الشامل) هو نظام وضع - من وجهة نظري - لسببين رئيسيين :
1- محاولة إلغاء الدروس الخصوصية وقد فشل هذا الاتجاه لأنه زاد من سطوتها ولكن بتعديل بسيط هو ان مدرس الفصل اللى فى إيده الخمسين فى المية هو اللى الطالب يروحله - خاصة فى المدارس الحكومية - ولو راح لغيره يبقى عليه العوض ومنه العوض فى الخمسين فى المية دول وتبقى سنة بألوان غامقة جدا على دماغ الطالب ده وكل من تسول له نفسه انه يعمل زيه والطالب يجتهد فى الامتحان وربنا معاه (مش كل المدرسين).
2- محاولة افساد التعليم بشكل عام بجعل الطلاب يهتمون بالأنشطة والكلام الفاضي - علما بأن من يقوم بعمل الأنشطة غالبا هم أولياء الأمور - وكمان - فى المدارس الخاصة وما أدراكم مات المدارس الخاصة - يعتبر الطالب نفسه ناجح ناجح حتى ولو لم يحضر الى المدرسة وعلى يدي هذا حصل وبالتالي فغن التعليم لا يحقق الهدف المرجو منه
أضف الى ذلك ان تعديل المناهج بالصورة الحالية الهدف منه ان يتعلم الطلاب قشور القشور عن كثير من الموضوعات دون التركيز على لب الموضوع وبذلك نحصل على طالب سطحي لا يفقه شيئ سوى الجعجعة بما لا يعلم
أنا باضم صوتي لصوت جميع رافضي هذا النظام لعدم تطبيقه فى الشهادات بل وإلغائه من سنوات النقل أيضا والعودة الى نظام أعمال السنة والذى يساعد فى ظهور إبداع الطالب بعيدا عن سطوة المعلم الذي يضغط عليه
وكذلك تعديل المناهج برؤية سليمة لعلماء التربية والمتخصصين فى كليات التربية بعد استطلاح جيد للبيئة المصرية وعدم تعريب مناهج أجنبية لا تمت لثقافتنا بصلة وعدم الخضوع لتلك الأيدي التى تتلاعب بفكرنا ومناهجنا فى استسلام تام منا
وأعتذر على الإطالة