مشاهدة النسخة كاملة : اسأل قلبى


سامية
04-06-2007, 12:12 PM
اسأل قلبى
إسأل قلبى واطلب وأمر
قبل ما تبعد عنه وتهجر
مهما تشوفه يكلم غيرك
والا عيونه لغيرك تنظر
عمره ما دق لغيرك دقة
ولا يوم كلم حد برقة
عمر غيابهم عنه ما أثر
الا غيابك ذلك وحرقه
وان طال بعدك ما قدرش اصبر
إسأل قلبى واطلب وامر
ليه بتخلى هوانا صغير
عايزة يعيش دايما متحير
رهن كلام الناس والغيرة
عمر الغيره تملى قصير
من دا كتير حواليك دور
إسال قلبى واطلب وامر
قالبى محدش قالة يحبك
هو اختارك لما ارتحلك
والى مشارشى الناس فى هواك
طبعا حاجة تطمن قلبك
أه يا حبيبى لو بتقدر
إسأل قلبى واطلب وأمر
لازم غيرك يبقى معاك
لجل القلب يدوب فى هواك
والا فاكرنى لو انت لوحدك
فى الدنيا دى هقول ح اقول بهواك
حاول مرة يا حبى تفكر
إسأل قلبى واطلب وأمر
يلا تعالى نشوف الناس
يجمعهم بينا الاخلاص
ايه من غير الناس دنيتنا
وأما الحب يكون حياتنا
ويا الناس الحب دا يكبر
إسأل قلبى واطلب وأمر
اسأل وان ما جاوبش عليك
إبعد عنه زى ما تهوى
وان راح يشكى لغيرك منك
مش من حقة ساعتها الشكوى
إعرف قصده لما يقولك
يمكن تفهم منه وتعذر
إسـال قلبى وأطاب وامر

ZerOo_CodE
04-06-2007, 01:17 PM
إسأل قلبى واطلب وأمر
اسأل وان ما جاوبش عليك
إبعد عنه زى ما تهوى
وان راح يشكى لغيرك منك
مش من حقة ساعتها الشكوى

بجد قصيدة تحفه وروعه والله


شكرااا ليكى
</div>

SAMSAMAH
04-06-2007, 01:20 PM
حلوووه اوى
مشكوووووور

القطة الروشة
04-06-2007, 01:41 PM
جميلة جدا يا نور

ميرسي كتيييييييييييييير

نونا المصرية
04-06-2007, 02:13 PM
جميلة جدااااااااااااااااااا يا نور ميرسى كتير مستنية منك الافضل والافضل والافضل :)

مـــــــــازن
04-06-2007, 04:18 PM
انا للاسف المرة دى محستهاش منك يا نور ...

يمكن يكون العيب منى والله اعلم ...

بس هو ده رأييى ...


بس حسيت انك عايزة تقولى حاجة بس مش عارفه تعبرى ...

وبرضه فى الاخر كنتى بتلفى وتدورى ... او دخلتى

كلامك تاه من بعضه ... </span>



<div class=\'quotetop\'>إقتباس</div><div class=\'quotemain\'>

اسأل قلبى
إسأل قلبى واطلب وأمر
قبل ما تبعد عنه وتهجر
مهما تشوفه يكلم غيرك
والا عيونه لغيرك تنظر


-- هنا عندك كلمه ( تنظر ... ) مش ماشية مع باقى الكلام ...

*****************************


عمره ما دق لغيرك دقة
ولا يوم كلم حد برقة
عمر غيابهم عنه ما أثر
الا غيابك ذلك وحرقه
وان طال بعدك ما قدرش اصبر

-- ( ذلك ) ... ؟؟ !! تقيلة شوية !!
***************************



إسأل قلبى واطلب وامر
ليه بتخلى هوانا صغير
عايزة يعيش دايما متحير
رهن كلام الناس والغيرة
عمر الغيره تملى قصير
من دا كتير حواليك دور

-- ( هو انا صغير ... ) ... دى مش ماشية خالص ... غير انها بتفقد من احساس القصيده

دى كانت ممكن تمشى مع حاجة سريعة ... او حاجة خفيفة كده ...

لكن صعب تمشى فى الاطار الرومانسى ...



************************************


إسال قلبى واطلب وامر
قالبى محدش قالة يحبك
هو اختارك لما ارتحلك
والى مشارشى الناس فى هواك
طبعا حاجة تطمن قلبك
أه يا حبيبى لو بتقدر

-- ( قالبى محدش قاله بحبك ... ) هنا ايه علاقة البيت ده بالقصيده ؟؟

كنت تقدرى تقولى ... ( قلبى محس يوم غير حبك ... ) , او ( عمرى ما قولت لحد بحبك ... )

والاتنين هيمشوا مع البيت اللى بعدوا ...


******************************


إسأل قلبى واطلب وأمر
لازم غيرك يبقى معاك
لجل القلب يدوب فى هواك
والا فاكرنى لو انت لوحدك
فى الدنيا دى هقول ح اقول بهواك
حاول مرة يا حبى تفكر

-- ( لجل ... ) ؟؟ !! استخدمى كلمات بنمط متناسب ...

****************************


إسأل قلبى واطلب وأمر
يلا تعالى نشوف الناس
يجمعهم بينا الاخلاص
ايه من غير الناس دنيتنا
وأما الحب يكون حياتنا
ويا الناس الحب دا يكبر

-- ده اللى كنت بقولك عليه فى البداية ... لازم تكونى عارفة انتى عايزة تقولى ايه فى القصيده ...

انتى عايزة ايه من الكلام ده ؟؟

*********************************



إسأل قلبى واطلب وأمر
اسأل وان ما جاوبش عليك
إبعد عنه زى ما تهوى
وان راح يشكى لغيرك منك
مش من حقة ساعتها الشكوى
إعرف قصده لما يقولك
يمكن تفهم منه وتعذر
إسـال قلبى وأطاب وامر

<span style="color:#FF0000">-- انتى هنا قفلتى قافلة جميلة ... والمقطع ده جميل من كله ...

****************************

[/b][/quote]

يارب يكون النقد مش بيضايقك ... ويكون صح عشان تقدرى تستفيدى منه ...

سامية
04-06-2007, 04:26 PM
اشكركم على مروركم

محمد انت معاك حق فى الملحوظة التانية

لاكن بصراحة انا شايفة انى الاولى مفهاش اى تعقيب ولو انت شايف قولى الصح

مـــــــــازن
04-06-2007, 04:50 PM
<div align="center">يابنى انت عبيـــــــــــــــــــــــــــط ولا ايه ؟؟

هو انت مفكر اللحن ده ايه ؟؟

ههههههههههههههههههههههههههههههههههه


انت كده شوقتنى انى اعرف انت بتلحن ازاى ...

ده اللحن ده موضوع تاااااااااااااااااااااااانى خالص


بالذات لو مكنش الكاتب هو اللى ملحن ...


دىطبقات موسيقة وحاجات تانية ... وعايزة دراسة

اواوقات بتكون موهبة ...


بس مش بالطريقة اللى انت بتقول عليها دى ...

اللحن ده يابنى حاجة تانية ...

طلعات ... وقفله ومهرجان تانى ...

مش بالطريقة اللى انت بتتكلم عليها دى ...

الحكاية مش بعرور يا حيليتها ...


***********************************************


ثانيا : تعالى هنا بالنسبة للنقد اللى انت مش متعارض معايا فيه

كلمه ( تنظر ... ) ؟؟ !! فى بينها وبين بقية الكلام تناسق ؟؟

دى كلمه فصحى فى وسط عامى وواضحة اوى اوى ...

مش هيصة ولا ملوخية يا محمد ... ركز شوية ...


-- ( وقالبى محدش قاله بحبك ... ) ايه دىكمان ؟؟

ايه علاقتها مع الابيات اللى قبلها واللى بعدها ...


-- ( هو انا صغير ... ) عاجباك اوى يا خويا ...

بذمتك ماشية مع اطار الكلام اللى قبلها واللى بعدها ...

ررررررررررررررررررررررررركز متجننيش ...





************************************************



وفى اخر كلامى : اعتزااااااااااااار ليكى يا نور ... انا والله ما ااقصد انى ااقل من القصيده

او كتاباتك

بس ده اللى انا شايفه ... ومتهيألى صح الى حد ما ...

ل فى كلام يثبت انه غلط احب اسمعه ... </div>

مـــــــــازن
04-06-2007, 05:17 PM
ههههههههههههههههههههههههههههه


بص يا حيليتها انت ... انا يمكن ما اخدتش بالى فى ( هوانا صغير )

بس الغلط مش عندى ... الكتابة هى اللى كده , وانا فهمت منها كده

شكرا بقى انك وضحتلى ...


بس يعنى انت اتكلمت على النقطة دى بس ليييييييييييييييييييه ؟؟ !!

طب ما تكمل يا استاذ مبتـــــــــــــــــــــــــدأ ؟؟



ثانيا : هو ايه اللى اى حد يلحن ؟؟

الكلمة دى تدل على انك هتهبل اهو ... وشكلك هترجع تانى للفصحى ...

يابنى اى حد يلحن ... ده كلام بعرور واغانى البانجو والعنب ...

مش اى لحن يتسمع ... فى لحن بيرفع من الاغنية ولحن بيخسف بالاغنية الارض ...





ثالثا : يا مفترى ... حد يجيب جسار ؟؟



رابعا : عشان اعرفك انك المفروض تروح الفصى وتقفل على نفسك الباب ...

لو انت مش مبتدأ زى ما بتقول , مكنتش قولت كلمه زى دى ...

ازاى ؟؟ !! ازااااااااااااااااااى ؟؟ !! الفصحى تمسح مليون اغنية عامى ...

يمكن عشان نظرك قصير ؟؟ !! ولا عشان لسه مبتـــدأ ( فى العــــــــــــــامى ... ) مش متمرس



غير ان الحمد لله واثق ...

غير ان المفروض فى شروط للنزاااااااال ... وانا واضح انى فى كل رد بقول انى ماليش فى الفصحى ...

والاعتراف بالحق فضيـــــــــــــــــــله ... ورحم الله امرء عرف قدر نفسه ...



وانا كمان بقولك متزعليش يا نور ...

بقول لمحمد انتى اللى ركزى ياختى ...

عشان ماما مش عاملة ملوخية النهارده...

غير انى مش بحب الكلام الكتير ..


انجز وشوف انت هتنزل بأيه ؟؟ !! وهتكن مستعد وجاهز امتى ؟؟ !!



متزعليش يا نور ...

مـــــــــازن
04-06-2007, 05:32 PM
<div align="center">مش عارف ليه دايما بحس فى ردودك يا محمد : انك ابن ناس :unsure: :rolleyes:


ههههههههههههههههههههههههههههههههههه :lol:


جميل اوى انك عارف ومقدر الظروف ...

وانا بجد محتاج ازاكر اليومين دول ... عشان اتزنقت فى الامتحانات


المهم عايز انا كمان اقولك حاجة ...

هات اجمل اغنية فصحى لام كلثوم ( ................ ) ,

وهات اجمل اغنية عامى لام كلثوم ( .................) ,

ومتيهألى عندك سيرة الحب ... وغيرها وغيرها من الاغانى واحكم انت

مع انها حكاية ازواااااااااااق ... بس برضه احكم انت ...


اما بالنسبة لكاظم فده قليل انه يغنى عامى ...


وطبعا انت عارف انى عمرى ما اكون ااقصد اى حاجة وحشة ...


</div>

سامية
05-06-2007, 08:56 AM
السلام عليكم

انا مكنتش احب ابدا انى كل الحوار دة يحصل فى موضوع ليا

احب اقول للاخ مازن انا بكتب الى انا بحسة

وعلى فكرة انا بكتب كل قصيدة لكل موقف مريت بيه

ياعنى كل كلمة بكتبها بيبقى ليها موقف معايا

وانا شايفة انى كل التناقضات بتعتك يا ماذن ملهاش اى اساس

ولما تحب تتناقش فى حاجة انت ومحمد يبقى على الميل مش فى الموضوع بتاعى

على العموم انا هكتب انت من حقك يا ماذن تقول رأيك سواء وحش او حلو

باسى فى ناس كتير من حقهم يقولو رأيهم باردة

سلاام

فونه
18-06-2007, 11:50 AM
نور قصيدتك جميله

ايمان محمد2011
22-03-2011, 02:22 PM
جميل جداااااااااااااااا