عندك سـؤال او استفسـار ؟ !! " اتفضل هنا " [الأرشيف] - بوابة الثانوية العامة المصرية

مستر/ مينا ماهر

19-07-2010, 06:05 PM

لو سمحت انا عايزه اعرف هى كليه الاداب فرع دمنهور فيها جميع اقسام الاداب

تضم الكلية الاقسام التاليه:

1- قسم اللغة العربية وآدابها

2- قسم اللغة الانجليزية وآدابها

3- قسم التاريخ والآثار المصرية والاسلامية ويضم الشعب الاتية :

أ‌- شعبة التاريخ

ب‌- شعبة الاثار المصرية

ت‌- شعبة الاثار الاسلامية

4- قسم الجغرافيا وينقسم الى شعبتين :

أ – شعبة الجغرافيا العامة

ب- شعبة الخرائط والمساحة

5- قسم الفلسفة وينقسم الى شعبتين :

أ‌- شعبة الفلسفة العامة

ب‌- شعبة فلسفة السياسة

6- قسم الاجتماع وينقسم الى شعبتين :

أ‌- شعبة الاجتماع

ب‌- شعبة الاتصال والاعلام

7- قسم الاثار اليونانية والرومانية وينقسم الى :

أ‌- شعبة الاثار اليونانية والرومانية

ب‌- شعبة الدرسات الاوروبية القديمة

8- واللغات الشرقية وآدابها

تحياتي

mahaa mohammad

20-07-2010, 12:41 AM

شكرا جزيلا لحضرتك

شيرين العجمى

29-07-2010, 08:13 PM

لو سمحت انا عايزة اعرف بالنسبة لقسم اللغات الشرقية سنةاولى
التقديرات يعنى من كام لكام يبقى مقبول او جيد اوجيد جدا وشكرا

مستر/ مينا ماهر

29-07-2010, 09:24 PM

لو سمحت انا عايزة اعرف بالنسبة لقسم اللغات الشرقية سنةاولى
التقديرات يعنى من كام لكام يبقى مقبول او جيد اوجيد جدا وشكرا

يا تري حضرتك في جامعه ايه؟؟؟

شيرين العجمى

29-07-2010, 09:44 PM

انا آسفة انا فى جامعة القاهرة

yousef_assiut

30-07-2010, 04:40 AM

يا ريت حضرتك تفيدني بخصوص دبلومة المكتبات وكل المعلومات عنها وشكرا

مستر/ مينا ماهر

31-07-2010, 05:19 PM

يا ريت حضرتك تفيدني بخصوص دبلومة المكتبات وكل المعلومات عنها وشكرا

حضرتك في جامعه ايه؟؟

مستر/ مينا ماهر

31-07-2010, 05:22 PM

انا آسفة انا فى جامعة القاهرة

انا بصراحه معرفيش نظام الدرجات ايه في قسم لغات شرقيه - جامعه القاهره.......عموما انا هسأل و ارد عليكي......

radooo

01-08-2010, 02:33 PM

لو سمحت انا كنت عاوزة اعرف مواد اداب علم نفس القاهرة ايه؟

مستر/ مينا ماهر

01-08-2010, 05:31 PM

لو سمحت انا كنت عاوزة اعرف مواد اداب علم نفس القاهرة ايه؟

لو سمحتي ياريت تحددي الفرقه الكام بالضبط

eslamkobessy

01-08-2010, 10:10 PM

لو سمحتوا هل تم ألغاء الأنتساب العادي لكلية الآداب ولالأ علما بأني حاصل علي مؤهل عال وعايز ألتحق بكلية الآداب ؟؟؟؟؟

sas33

02-08-2010, 09:30 AM

mahaa mohammad

02-08-2010, 04:57 PM

لو سمحتوا انا داخله اداب السنه دى ان شاء الله
ممكن حد يساعدنى فى اختيار القسم لانى محتاره جدا

مستر/ مينا ماهر

02-08-2010, 05:31 PM

لو سمحتوا هل تم ألغاء الأنتساب العادي لكلية الآداب ولالأ علما بأني حاصل علي مؤهل عال وعايز ألتحق بكلية الآداب ؟؟؟؟؟

ده كان مجرد اقتراح و لم يطبق حتي الآن ......... و مازال نظام الانتساب موجود....

مستر/ مينا ماهر

02-08-2010, 05:33 PM

السلام عليكم احب ان استفسر من سيادتكم عن تقديرى العام انا فى كلية اداب اسكندرية وجايب فى 6 مواد جيد جدا و 4 مواد جيد و مادتين مقبول عايز اعرف التقدير العام كام؟؟؟؟؟؟؟؟؟

مقبول من 50 الى 65 درجة و جيد من 65 درجة الى 80 و جيد جدا من 80 الى 90 درجة

لو سمحت ياريت تحدد الدرجات بالضبط ......... يعني تقول في كل ماده جايب كام.....

مستر/ مينا ماهر

02-08-2010, 05:35 PM

لو سمحتوا انا داخله اداب السنه دى ان شاء الله
ممكن حد يساعدنى فى اختيار القسم لانى محتاره جدا

من وجهه نظري انك تتمسكي بأقسام اللغات ......... و برشح لك بالاكتر قسم انجليزي و يليه قسم اللغه الفرنسيه .........

sas33

02-08-2010, 08:40 PM

ما هو المشكلة انهم مش كاتبين الدرجات .. بس ياريت حضرتك تقولى التقدير العام تقريبا

مستر/ مينا ماهر

02-08-2010, 10:15 PM

ما هو المشكلة انهم مش كاتبين الدرجات .. بس ياريت حضرتك تقولى التقدير العام تقريبا

انت عارف انها ممكن تفرق علي نصف درجه........... لازم تحدد بالضبط.....

eslamkobessy

03-08-2010, 12:23 PM

ده كان مجرد اقتراح و لم يطبق حتي الآن ......... و مازال نظام الانتساب موجود....

كل الشكر د/ مينا عل الاهتمام.

sas33

03-08-2010, 12:46 PM

مهما للاسف مش كاتبين الدرجات ولا التقدير العام... بس ممكن حضرتك تقولى التقدير كام؟؟؟ وشكرا جدا على اهتمامك د/ مينا

Egypt for Ever 25

05-08-2010, 10:52 AM

السلام عليكم احب ان استفسر من سيادتكم عن تقديرى العام انا فى كلية اداب اسكندرية وجايب فى 6 مواد جيد جدا و 4 مواد جيد و مادتين مقبول عايز اعرف التقدير العام كام؟؟؟؟؟؟؟؟؟

مقبول من 50 الى 65 درجة و جيد من 65 درجة الى 80 و جيد جدا من 80 الى 90 درجة

ان شاء الله هيتطلع تقديرك جيد مرتفع او جيد جدا

علي فكرة انا كمان كلية الاداب جامعة الاسكندرية

بس لسه نتيجة قسمي ما ظهرتش

ادعولي ..............

radooo

05-08-2010, 06:49 PM

كنت عاوزة اعرف مواد علم النفس الفرقة الاولى جامعة القاهرة

مستر/ مينا ماهر

05-08-2010, 07:49 PM

بالنسبه لأستفسار

radooo

هذه هي مواد قسم علم النفس - الفرقه الاولي

جامعه القاهره

http://img105.herosh.com/2010/08/05/649845447.jpg

http://img105.herosh.com/2010/08/05/400515613.jpg

الوردة البيضاء

06-08-2010, 01:32 AM

لو سمحتى ممكن حضرتك تقول لى هل اداب اعلام لها نتسيق خاص ام هى مجرد قسم داخل الكلية وشكرا

مستر/ مينا ماهر

06-08-2010, 09:06 AM

لو سمحتى ممكن حضرتك تقول لى هل اداب اعلام لها نتسيق خاص ام هى مجرد قسم داخل الكلية وشكرا

حضرتك تابعه لجامعه ايه؟؟؟

radooo

06-08-2010, 07:10 PM

شكرا جدا على تعب حضرتك معايا

sas33

11-08-2010, 12:21 AM

ان شاء الله هيتطلع تقديرك جيد مرتفع او جيد جدا

علي فكرة انا كمان كلية الاداب جامعة الاسكندرية

بس لسه نتيجة قسمي ما ظهرتش

ادعولي ..............
شكرا جدا على ردك وربنا يوفقك وتجيبى اعلى تقدير

yousef_assiut

11-08-2010, 09:00 PM

حضرتك في جامعه ايه؟؟

جامعة أسيوط

Egypt for Ever 25

12-08-2010, 01:59 AM

لو سمحتى ممكن حضرتك تقول لى هل اداب اعلام لها نتسيق خاص ام هى مجرد قسم داخل الكلية وشكرا

اولا حضرتك تتقبلي في كلية اداب من خلال التنسيق العادي
و بعد كده الكلية نفسها بيبقي ليها شروط للقبول في الاقسام المختلفة
يعني شروط قسم انجليزي تختلف عن شروط قسم لغة فرنسية
تختلف عن شروط قسم اعلام .... و هكذا

ملحوظه : احيانا بيبقي فيه اقسام بتشترط مجموع كبير في الثانوية العامة
يمكن يكون اكبر من تنسيق الكلية نفسه
يعني مثلا انتي لو دخلتي كلية الاداب بمجموع 80%
في اقسام تشترط حصول الطالب علي اكثر من 80%
و طبعا مجموع اللغات بيبقي مهم جدا
( كلامي ينطبق علي كلية اداب عامة )

يقظة فكرى

15-08-2010, 02:32 AM

انا عاوزه اعرف

هو انا ناويه ادخل اداب جامعه مفتوحه فى اسيوط

كنت عاوزه ادخل لغه عبريه وكده

فما شروطها ويترى فيه فى ا اسيوط ارجو الرد

ويترى اقرب كليه حوليا هتكون فييييييين

eslamkobessy

15-08-2010, 02:29 PM

ذهبت لكلية 14 /8 2010 آداب إسكندرية لتقديم أوراقي أنتساب عادي حيث أنني حاصل علي ليسانس تربية فوجئت بأن الموظفة المختصة بتقولي المصروفات أصبحت 5000 خمسة الآف جنيهاً عن العام الواحد !!!!!!
ما الحال في آداب طنطا أرجو الافادة ؟؟؟؟؟؟؟

ويني الدبدوب

27-08-2010, 05:15 PM

بليز ارجو الرد انا كنت مخلصة اداب انجليزي و عايزة التحق بكلية تانية ليها علاقة باللغات و كنت الماني في الثانوية العامة و فكرت في اداب الماني او ايطالي بس مش عارفة من شروط القبول غير اني لازم اكون من خريجي مدارس المانية و انا عموما درست ايطالي شوية بس طبعا الكورسات مش الدراسة الاكاديمية هو ينفع و لا لا سواء بالنسبة لجامعة حلوان او اي جامعة المهم اني ادرس لغة دراسة متخصصة و لو كده بيبقي تنسيقي زي باقي الطلبة و لا بيختلف ارجو الرد و شكررررررااااا

alsindbad

28-08-2010, 10:40 PM

السلام عليكم

كنت عندى استفسار عن المواد اللى فى الكليه

ممكن حد يرسل لى اسماء المواد - لكلية الاداب

ضرورى جداً
http://www.thanwya.com/vb/life/icons/impp.gif
(الجامعه المفتوحه)

sayed_mhmd20

02-09-2010, 02:28 PM

من فضلك .. هل يوجد نظام انتساب عادي في كلية اداب عين شمس أو اداب الزقازيق ... علما بأني متخرج من كلية التربية السويس واريد الالتحاق بكلية الاداب

ويني الدبدوب

03-09-2010, 12:26 AM

من فضلك .. هل يوجد نظام انتساب عادي في كلية اداب عين شمس أو اداب الزقازيق ... علما بأني متخرج من كلية التربية السويس واريد الالتحاق بكلية الاداب
بص انا مش عارفة هو في نظام انتساب ولا لا و انا حيرانة نفس الحيرة علشان عايزة ادخل كلية تانية ليها علاقة بالغات و عايزة اسالك اصلا هو ينفع ولا لا انا في اداب الزقازيق انجليزي و كنت علي فكرة انتساب في سنة اولي وكان في شوية كلام عن الغاء الانتساب بس مش عارفة اطبق السنة دي و لا لسة علي العموم هسال و ارد عليك:d:d:av4056bb7jp3::078111rg3:

MoHaMeD ELsHeRbEnY

17-12-2010, 03:24 PM

انا عاوزه اعرف

هو انا ناويه ادخل اداب جامعه مفتوحه فى اسيوط

كنت عاوزه ادخل لغه عبريه وكده

فما شروطها ويترى فيه فى ا اسيوط ارجو الرد

ويترى اقرب كليه حوليا هتكون فييييييين

الجامعة المفتوحة ملهاش شروط داخل الاقسام
تحت امرك فى اى وقت

ذهبت لكلية 14 /8 2010 آداب إسكندرية لتقديم أوراقي أنتساب عادي حيث أنني حاصل علي ليسانس تربية فوجئت بأن الموظفة المختصة بتقولي المصروفات أصبحت 5000 خمسة الآف جنيهاً عن العام الواحد !!!!!!
ما الحال في آداب طنطا أرجو الافادة ؟؟؟؟؟؟؟

مفيش حل غير الجامعة المفتوحة اقل شوية فى المصاريف
تحت امرك فى اى وقت

بليز ارجو الرد انا كنت مخلصة اداب انجليزي و عايزة التحق بكلية تانية ليها علاقة باللغات و كنت الماني في الثانوية العامة و فكرت في اداب الماني او ايطالي بس مش عارفة من شروط القبول غير اني لازم اكون من خريجي مدارس المانية و انا عموما درست ايطالي شوية بس طبعا الكورسات مش الدراسة الاكاديمية هو ينفع و لا لا سواء بالنسبة لجامعة حلوان او اي جامعة المهم اني ادرس لغة دراسة متخصصة و لو كده بيبقي تنسيقي زي باقي الطلبة و لا بيختلف ارجو الرد و شكررررررااااا

هتدخلى اما جامعة مفتوحة او انتساب عادى والانتساب العادى مصاريفة 5000 جنية مصرى
بالنسبة للشروط طالما معاكى المانى فى الثانوية هتقبلى مش شرط تكونى خريجة مدرسة المانى ولا حاجة
اهم حاجة تكون اللغة دى كانت معاكى فى الثانوية
وربنا يوفقك ان شاء الله
تحت امرك فى اى وقت

السلام عليكم

كنت عندى استفسار عن المواد اللى فى الكليه

ممكن حد يرسل لى اسماء المواد - لكلية الاداب

ضرورى جداً
http://www.thanwya.com/vb/life/icons/impp.gif
(الجامعه المفتوحه)

نفس اقسام كلية الاداب جامعة القاهرة
وهتلاقيها موجودة على موقع اداب جامعة القاهرة ان شاء الله
تحت امرك فى اى وقت

من فضلك .. هل يوجد نظام انتساب عادي في كلية اداب عين شمس أو اداب الزقازيق ... علما بأني متخرج من كلية التربية السويس واريد الالتحاق بكلية الاداب
حسب قرار وزير التعليم العالى ان موجود الانتساب العادى فى جامعات مصر كلها ولكن بـ 5000 جنية
تحت امرك فى اى وقت
فى رعاية الله

الباشا صبرى

25-12-2010, 06:33 PM

لو سمحت الجداول هتنزل امتة الفرقة الرابعة لغة عربية اداب اسكندرية انتظام

محمود صلاح شعيب

02-01-2011, 04:55 PM

أعزائي طلبه و طالبات

كليه الآداب

http://img294.imageshack.us/img294/5585/789321367ns9uz5.gif

حرصا علي المصلحه العامه

و حرصا علي منتدانا الغالي

و حرصا علي صفحات قسم كليه الاداب

تقرر عمل هذا الموضوع

لكل عضو في قسم كليهالاداب … عندك سؤال عن طرق التدريس في الكليه؟؟...
أو المواد الليبتدرسها...؟

يعني بالمعني الأصح كل الأسئله اللي عايز تسألها تقدر تكتبها واحنا ان شاء الله نجاوبلك عليها....

*لن يلتفت لاي استفسار خارج هذا الموضوع .....

مع ارق تحياتي

د. مينا ماهر

لو سمحت كنت عايز أعرف : تفسير الوجود عند أصحاب مذهب الكثرة؟

هبة الله هوبة

26-02-2011, 06:30 AM

لو سمحت انا 3ثانوى السنة دى وكنت عايزة اعرف اداب انجليزى من كام**حلوان**قاهرة**عين شمس

m_b2012

16-04-2011, 02:17 AM

انا خريجى كلية تربية شعبة تعليم ابتدائى قسم دراسات اجتماعية واريد ان اعمل مدرس تاريخ للمرحلة الثانوية فهل لو التحقت بكلية الأداب هدرس من سنة اولى ولا من سنة ثالثة وهل هدرس المواد الى درستها فى تربية تانى ولا لاء ارجو الأفادة

منى تاج

10-05-2011, 12:11 AM

حضرتك قلت ان نظام الانتساب كان فكرة ولم يطبق ولكن فيه طالب ذهب ليسأل شئون الطلاب فى كلية الاداب بدمياط جامعة المنصورة عن وجود الانتساب فىالعام الماضى (2010) فقالت له أنه اتلغى العام الماضى وكان هذا السؤال منذ أسبوع فقط فسألها عن امكانية الموافقة عليه فى هذا العام فقالت له تعالى اسأل فى شهر 8 المقبل وحزن حزنا شديدا لأنه كان يريد أن ينتسب فى كلية الاداب العام القادم وقال طالما اتلغى العام الماضى فسيستمر الغاؤه هذا العام أيضا وهو معاه ثانوية عامة 2008 وكان مجموعه فى تلك السنة جايب اداب انتساب دمياط .
فهل هذا الكلام صحيح . أرجو الرد سريعا وجزاكم الله خيرا وفى ميزان حسناتكم ان شاء الله

دعاء عصام الدين

14-06-2011, 06:40 PM

ممكن اعرف اداب علم نفس بتقبل من كام مجموع الثانوية العامة

ام سهر

25-06-2011, 08:18 PM

ارجو الافادة عن قسم ترجمة انجليزى بكلية الاداب التعليم المفتوح جامعة القاهرة وهل يختلف عن قسم الانجليزى بالتعليم العادى علما بانى حاصلة على بكالوريوس تربية رياض اطفال واريد ان ادرس حتى احول الى مدرسة لغة انجليزية ز

aya 3abdallah

26-06-2011, 11:30 PM

لوسمحت يادوكتور انا من المنصورة وعاوزة اسأل بالنسبة لتنسيق اداب قسم انجليزي ممكن ياخد من كام ؟؟ وقسم اثار بياخد من كام ؟؟

Mahmoud3129

07-07-2011, 09:32 PM

استفسار ضروري

انا في اولي ثانوي

وعايز ان شاء الله اطلع مؤلف وشاعر وكدا يعني

ادخل كلية اداب قسم ايه

وشكرا

هيدى عمر

17-07-2011, 02:27 PM

لو سمحت عاوزة اعرف الاداب ممكن ادخلها من كام السنة جى ؟؟ وانا جايبة فى الفلسفة 50 يعنى هدخل اداب فلسفة ومجموعى السنتين 76فى المية

nirmen

17-07-2011, 03:10 PM

Egypt for Ever 25

17-07-2011, 03:21 PM

ممكن اعرف اداب علم نفس بتقبل من كام مجموع الثانوية العامة

اداب عموما بتقبل من 80% من مجموع الثانوية العامة ( طلاب الانتظام )

اما شروط القبول في الاقسام

فبيختلف من سنة لاخري

بس عموما لازم تكوني جايبة درجة عالية في مادة علم النفس

علشان لم تكتبي القسم كرغبة اولي في تنسيق الاقسام تقبلي فيه

Egypt for Ever 25

17-07-2011, 03:31 PM

استفسار ضروري

انا في اولي ثانوي

وعايز ان شاء الله اطلع مؤلف وشاعر وكدا يعني

ادخل كلية اداب قسم ايه

وشكرا

انصحك بدخول قسم اللغة العربية

لانك هتدرس قواعد اللغة العربية

و كمان لانهم بيدرسوا الشعر بتوسع

و ده هيفيدك جدا

Egypt for Ever 25

17-07-2011, 03:37 PM

لو سمحت عاوزة اعرف الاداب ممكن ادخلها من كام السنة جى ؟؟ وانا جايبة فى الفلسفة 50 يعنى هدخل اداب فلسفة ومجموعى السنتين 76فى المية

انتظري تنسيق السنة دي

بس عموما كلية الاداب بتقبل من 80% انتظام

اما الانتساب فممكن تقبل من حاجة و سبعين ( حسب التنسيق ) .. ( تنسيق المرحلة الثانية )

بالنسبة لقسم الفلسفة

فبيقبل الطلاب الحاصلين علي اعلي الدرجات في مادة الفلسفة

و انتي جايبة الدرجة النهائية

ان شاء الله اول ما ييبدأ تنسيق الجامعات و تقبلي في كلية الاداب

اكتبي اول رغبة في تنسيق الاقسام ( قسم الفلسفة )

Egypt for Ever 25

17-07-2011, 03:48 PM

انا محموع السنتين 85%
وجايبة 50 علم نفس
و50 فلسفة فلو قدمت اداب احتمال يجيللا قسم ايه
وبعدين انا اللى هختار القسم ولا هما اللى هيختاروا
ممكن حد يقولى ترتيب الاقسام من الاعلى للاقل فى اداب
وشكراااااااااااااااا

مجموعك يدخلك اداب انتظام

و بداخل الكلية

فيه تنسيق داخلي للقبول بالاقسام

لكل قسم شروطه الخاصة

انتي اللي بتكتبي رغباتك في التنسيق

يعني الرغبة الاولي ( القسم اللي عايزة تدخليه )

و هكذا

بالنسبة لترتيب الاقسام

فده حسب الجامعة

يعني مثلا كلية اداب جامعة القاهرة فيه قسم اللغة الالمانية و الاسبانية

و كلية الاداب جامعة الاسكندرية لا يوجد بها تلك الاقسام

يعني فيه اقسام ممكن تلاقيها في كلية تابعة لجامعة معينة و مش موجودة في جامعة تانية

اكتبي انتي عايزة تستفسري عن كلية اداب جامعة ايه

و هحاول اعرف احسن اقسام الكلية ايه

doaa hesham

19-07-2011, 04:31 AM

عاشقه الحزن

19-07-2011, 07:21 AM

انا جايبه 89 وجايبه فرنساوي 47.5 وانجليزي 45 وعربي 54.5 وعاوزه ادخل اداب انجليزي الاسكندريه هينفع ولا لا ؟

sahar2012

19-07-2011, 09:24 AM

هل مازال فى جامعة الإسكندرية ( كلية أداب ) نظام الإنتساب أو كليات معينة بالمصروفات؟؟

koky.3salya

20-07-2011, 06:55 PM

السلام عليكم ورحمة الله وبركاتة

انا كان عندي استفسار بسيط

انا دلوقت جايبه 75 % وكنت عاوزة اعرف تنسيق اداب ممكن يقبلني
(انتظام / انتساب )
ولو ممكن فـ اي قسم

شـــكراً

nirmen

21-07-2011, 12:26 AM

]
لوسمحت يا دكتور ممكن تعرفنى اقسام اداب القاهرة وشروط كل قسم ضرورى ....شكرا

elhabib elmustafa

21-07-2011, 01:45 AM

لو سمحت عاوزه اسئل عن كليه اداب
قسم اللغات الشرقيه ( الفارسيه والاورديه والتركيه)

هو اسمه قسم اللغات الشرقيه ولا قسم لغات الامم الاسلاميه (فرع اللغه الفارسيه وادابها _ فرع اللغه الاورديه وادابها _ فرع اللغه التركيه وادابها )

في القسم ده بندرس التلات لغات (الفارسيه_الاورديه _التركيه) ولا بنختار لغه واحده نتخصص فيها ؟.

هل في قسم في اداب ممكن ندرس فيه اللغه الفارسيه فقط مثل الانجليزيه والفرنسيه والعربيه؟

انا 3ثانوي عام مجموعي الكلي 82% المجموع ده يقبل في اداب ولا لا؟

M!DoO

22-07-2011, 03:33 PM

انا كنت عايز اعرف اداب الفيوم قسم انجليزي ممكن تأبل كام 2011 في درجة الانجليزي

ميدو ميد

23-07-2011, 01:38 PM

ممكن اعرف من خبرتكم اداب قسم المانى اية شروطهااللى فى جامعة القاهرة
واداب قسم المانى اية شروطها؟
اداب اعلام؟ واية شروطها ؟

ممكن حد يوضحلة ولا يبخل عليا
نفسى حد يكون عارف ؟؟ :(

EbTeSaM91

23-07-2011, 06:25 PM

السلام عليكم ورحمة الله وبركاتة

انا كان عندي استفسار بسيط

انا دلوقت جايبه 75 % وكنت عاوزة اعرف تنسيق اداب ممكن يقبلني
(انتظام / انتساب )
ولو ممكن فـ اي قسم

شـــكراً

اه طبعا ياقمر

ان شاء الله هتقبلى ف كلية الاداب لو مش انتظام هتلاقى ف الانتساب

واقسامها كتير 14 قسم

وع حسب درجاتك هتقبلى ف اقسام معينة

شوفى مثلا عايزة تدخلى قسم ايه واقولك شروطه

بالتوفيق دايما

EbTeSaM91

23-07-2011, 06:31 PM

انا خلصت ثانويه عامه هذا العام ادبى 87.9% ونفسى ادخل اداب اعلام ارجوكم لو حد يعرف ايه الشروط الخاصه بيها وهل مجموعى ينفعها ولا لأ ولو انا جايبه 49 فى العربى و49 فى الفرنساوى و45 انجليزى ده ينفع ؟؟ أرجوالرد

بداية الف مليون مبروك :av4056bb7jp3:

بالنسبة لمجموعك ماشاء الله يقبل ف افضل اقسام الكلية بأذن الله

قسم الصحافة والاعلام له شروط معينة وده بيختلف من جامعة لجامعة

يعنى ف جامعة المنصورة على ايامى كان شرطه تكونى جايبة مجموع كلى 338.5

جامعة طنطا بيشترطوا يكون المجموع الكلى للثلاث لغات نسبة معينة

ف بالنسبة سواء لمجموعك او درجات لغاتك باذن الله تقبلى فى اى جامعة

بالتوفيق دايما

EbTeSaM91

23-07-2011, 06:47 PM

ميرسى اوى انا كنت عايزة اعرف اقسام اداب القاهرة
انا مجموعى 85%

الف مليون مبروك ياقمر :022yb4::022yb4:

اقسام اداب القاهرة كالاتى

اللغة العربية , اللغات الشرقية , اللغة الانجليزية , اللغة الفرنسية , اللغة الالمانية , اللغة اليابانية , الدراسات اليونانية والاتينية , اللغة الاسبانية , اللغة الايطالية , اللغة الصينية , التاريخ , الجغرافيا , علم النفس , علم الاجتماع , الفلسفة , الوثائق والمكتبات

بالتوفيق

nirmen

23-07-2011, 09:07 PM

الف مليون مبروك ياقمر :022yb4::022yb4:

اقسام اداب القاهرة كالاتى

اللغة العربية , اللغات الشرقية , اللغة الانجليزية , اللغة الفرنسية , اللغة الالمانية , اللغة اليابانية , الدراسات اليونانية والاتينية , اللغة الاسبانية , اللغة الايطالية , اللغة الصينية , التاريخ , الجغرافيا , علم النفس , علم الاجتماع , الفلسفة , الوثائق والمكتبات

بالتوفيق يعنى مفيش اعلام القاهرة

doaa hesham

23-07-2011, 11:29 PM

بداية الف مليون مبروك :av4056bb7jp3:

بالنسبة لمجموعك ماشاء الله يقبل ف افضل اقسام الكلية بأذن الله

قسم الصحافة والاعلام له شروط معينة وده بيختلف من جامعة لجامعة

يعنى ف جامعة المنصورة على ايامى كان شرطه تكونى جايبة مجموع كلى 338.5

جامعة طنطا بيشترطوا يكون المجموع الكلى للثلاث لغات نسبة معينة

ف بالنسبة سواء لمجموعك او درجات لغاتك باذن الله تقبلى فى اى جامعة

بالتوفيق دايما

شكرا ليكى ربنا يطمنك يارب :)

ميدو ميد

23-07-2011, 11:34 PM

ممكن اعرف من خبرتكم اداب قسم المانى اية شروطهااللى فى جامعة القاهرة
واداب قسم المانى اية شروطها؟
اداب اعلام؟ واية شروطها ؟

ممكن حد يوضحلة ولا يبخل عليا
نفسى حد يكون عارف ؟؟ :( هو مفيش حد بيرد عليا ليةةةةةةةةةةةةةةةةةةةةةةةةةةةةةةةةة

sarah salem

24-07-2011, 03:08 AM

لو سمحت السنه دى هتفتح كليه اداب فى محافظه السويس ولا لآ؟ وانا بصراحه بحب علم النفس بس الناس بتقترح عليا ادخل لغات انجليزى او فرنساوى . بس انا درجتى فى الانجليزى مش اوى بس جبت فى الفرنساوى 44.5 وفى علم النفس 44 فمش عارفه ارجو حد يفيدنى لو سمحت .شكرا

hellgirl

24-07-2011, 10:15 PM

السلام عليكم
لو سمحت انا جايبة 78% كنت عايزة اعرف مجموعى يدخلنى اداب جامعة اسكندرية
ولا هبقى اقاليم ولا ميدخلنيش اداب اصلا ياريت حد يفيدنى لحسن انا قلقانة اوووووووى
وخايفة مينفعش ادخلها لانى مش قادرة استنى التقديم وكمان نتيجة التنسيق
مستنية رد حضرتك فى اقرب وقت

شهد204

26-07-2011, 02:53 AM

انا جايبة 75% وكسور ممكن مجموعى يجيب ادا لغات شرقية او فرنساوى ارجوكم ردو عليا

نهااد

26-07-2011, 09:57 AM

GoOoRy

26-07-2011, 12:18 PM

أنا خلصت ثانوية عامة السنة دي بمجموع 76.4%
وعايزه أقدم آداب جامعة قناة السويس فرع الاسماعيلية
هل مجموعي يجييب ولا لا ؟؟ مع العلم اني هكون مرحله تانيه في التنسيق وأنا سمعت أن كلية الآداب أماكنها بتتملي من المرحله الأولى..
وأيه أقسام كلية الآداب في جامعة قناة السويس؟؟
وهل الكلية دي فيها انتساب ولا لا؟؟
ياريت يامستر مينا ترد عليا ضروري في أقرب وقت

ايمان هارون

26-07-2011, 05:20 PM

انا مجموعى 83 ادبى وهخوش اداب بنها ممكن اعرف اقسامها واعرف اداب اعلام كان واخد من كام السنة الى فاتت وهل ليها شروط من حيث اللغة وكدة ممكن رد سريعا

EbTeSaM91

26-07-2011, 05:50 PM

لو سمحت انا التوزيع الجغرافى بتاعى يلزمنى التحق باداب بنها لكن هى ما فيهاش قسم اثار فهل ينفع بعد الاتحاق ببنها اطلب نقلى لطنطا لان هى اللى فيها القسم مع العلم ان طنطا هى اللى بعد بنها على طول فى التوزيع وشكرا

عادى ياقمراية كلية الاداب مش شرط اقاليم

لكن كلية التربية هى اللى حسب التوزيع الجغرافى

ينفع تحولى اداب طنطا

بالتوفيق:)

ikertov

30-07-2011, 02:04 AM

من فضلك كنت عايز معلومات عن اداب قسم اللغة الاسبانية زي المكان و التنسيق بتعها انا من اسكندرية ارجو الافادة

ALLALL

31-07-2011, 03:27 AM

السلام عليكم
انا اعرف واحدة صحبتى جايبة 74.5
وليها 12.5 لما عملت اعادة تصحيح ممكن تخدهاولا ايه
ونعرف ازاى
وايه الكليات المتاحة لهذا المجموع
يا ريت الرد
وهيه ادبى

ممكن اعرف شروط الالتحاق بكلية الاداب قسم جغرافيا

ويني الدبدوب

31-07-2011, 09:27 PM

لو سمحت هو انا لوخريجة اداب انجليزي بتقدير جيد في جامعة الزقازيق ينفع ادخل اداب جامعة القاهرة بس قسم الماني مع العلم اني درست الماني بمجموع 49 و86 في الماية علمي بس ده كان من 4 سنين و كمان درستو سنتين في الكلية لغة تانية و جبت فيه كمادة جيد جدا بجد الموضوع ده يهمني جدا و ارجو الافادة شكرررررااااا

bis0y

01-08-2011, 11:29 AM

بعد اذنكوا انا عايز اللينك بتاع التنسيق الاخلي للكليه جامعه القاهره علشان اعمل الرغبات في الاقسام

bis0y

01-08-2011, 11:30 AM

بعد ازنكوا انا عايز اللينك بتاع التنسيق الداخلي للكليه جامعه القاهره علشان اعمل الرغبات في الاقسام

hellgirl

01-08-2011, 03:05 PM

لو سمحتو هيه اداب قسم فرنساوى لازم اكون مدارس فرنساوى ولا حسب المجموع انا جبت 47.5 فى الفرنساوى

امانى نونا

02-08-2011, 10:11 AM

لو سمحت يا د/ مينا انا 82 فى المئه علمى علوم ايه الافضل اختار كلية تربيه الاول ولا اختار اداب .

sama hektor

02-08-2011, 11:56 AM

هو اداب فيها قسم ترجمة اسبانى ؟
وهو القسم ده حلو ولا لأ انا ان شاء الله لو مجموعى قبل هدخله مفتوح جامعة القاهره بس مش عارغة اقدم ازاى ولا اى حاجه لسه بس ياريت حد يفيدنى بكل حاجه ف القسم دة

لوجينا م

02-08-2011, 01:05 PM

موقع كليه اداب هو الينك اللى هنسجل عليه ان شاء الله

bis0y

02-08-2011, 02:22 PM

موقع كليه اداب هو الينك اللى هنسجل عليه ان شاء الله
thxxxxxxxx

ديما ادينز

02-08-2011, 03:50 PM

عندى سوال ضرورى ويارت تجوبونى بسرعه بس تكونوا متاكدين 100%
انا علمى رياضه وعايزه ادخل علوم قسم كمياء او فيزياء بس فى التنسيق مش مكتوب غير علوم رياضه فيعنى ايه علوم رياضه وايه الفرق بنها وبين علوم وممكن اتخصص منها فيزياء او كمياء

armra200

02-08-2011, 05:24 PM

انا جاتلى فى التنسيق اداب القاهره .. وكنت عاوزة ادخل اسبانى ومجموعى الكلى 89 واللغات 140

ورحت الجامعه وسالت قالوا ان التنسيق ع الموقع ولغايه دلوفتى الموقع مافيهووش اى حاجه ... ومش عارفه استنى ولا اعمل ايه .. وخايفه ملحقش اسبانى لانهم عاوزين 50 طالب بس ...

هو التقديم الاول ولا التنسيق الداحلى ولا الاتنين مع بعض .. انا مش فاهمه حاجه ياريت حد يكون فاهم ويفهمنى ..

kitty_sweety

04-08-2011, 06:02 PM

لو سمحتوا كنت عايزة اسال عن اداب حلوان اروحها ازاي ؟
و اداب بنات شروط القبول بيها ايه و اقسامها زي اداب عين شمس و لا ايه ؟
و شكرا

عالم المذاكرة

05-08-2011, 10:13 PM

لو سمحتوا انا اختى جايبة77.9 فى السنتين تقبل اداب بنى سويف و لا لا
طمنونا يا جماعة بجد

tmatem2

06-08-2011, 03:46 AM

ياجماعه هو الانتساب اتلغي ولا لسه موجود
انا اعرف من السنه الفاتت انه اتلغي ياريت لو متلغش تفيدوني
لاني جايبه 72% ونفسي ادخل اداب تفتكروا ممكن اقبل
طب وجامعه عين شمس وحلوان فيها قسم اداب علم نفس
ارجو الاجابه

Mahmoud3129

09-08-2011, 04:17 PM

هو خريج كلية الاداب قسم التاريخ

يبقي مدرس دراسات اجتماعية

تاريخ بس ولا تاريخ وجغرافيا

d00ry

10-08-2011, 12:47 AM

بنروح نقدم للكلية امتى ؟؟؟ يعنى ممكن نقدم بعد النتيجة ما تطلع علطول ولا ايه؟؟؟

tarek-10

10-08-2011, 12:54 AM

بنروح نقدم للكلية امتى ؟؟؟ يعنى ممكن نقدم بعد النتيجة ما تطلع علطول ولا ايه؟؟؟
انت جامعه ايه ؟

ehab_hamdy

10-08-2011, 02:40 PM

لو سمحت انا جالى التنسيق اداب القاهرة طبعا انتظام عشان مفيش انتساب السنة دى

انا جايب 84 % ومجموع اللغات 138,5 هل الحق اداب اعلام أو انجليزى ولا لأ

وايه شروط اداب اعلام القاهرة لانى ملقيتهاش فى (البى دى اف) اللى منزلها موقع الكليه

وبالنسبة للتنسيق الداخلى بيبقى داخل الجامعة لما بقدم الملف ولا على النت لانى دخلت على موقع الكليه وملقيتش اى حاجة مفيش اى لينك للتنسيق الداخلى

ارجو الرد فى اسرع وقت لان التقديم يوم 15 وانا مش عارف اعمل ايه؟:confused::confused::confused:

حازم اسماعيل

11-08-2011, 01:30 AM

اناجاتلى اداب جامعة الفيوم ومش دارس جغرافيا وكنت عاوز ادخل قسم مساحة ينفع ولا لا

حازم اسماعيل

11-08-2011, 01:31 AM

لو سمحت الرد السريع

dina ahmed mohamed107

11-08-2011, 07:28 AM

لو سمحت انا مش عارفه اعمل ايه انا مجموعى 86 ومجموع اللغات 135,5 وكان كل املى انى ادخل اداب صينى وانا مش عارفه هلحقها ولا عشان كمان قسم الصينى بيقبل 25 طالب بس حد يقولى يطمنى وعشان كمان التحويل بدا النهارده عشان لو مش هلحق اداب صينى هحول تجاره وبجد انا برضو مش عارفه هيقبلو التحويل ولا لا انا قلقانه جدن ومش فاهمه حاجه خالص

dina ahmed mohamed107

11-08-2011, 09:14 AM

حد يفتح ويرد علياااااااا ضروووووووووورى

كابو البرنس

11-08-2011, 12:32 PM

لو سمحت انا عندي استفسار
انا جاتلى كلية اداب عين شمس وانا جايب 82 ادبى وفي علم النفس 45 كدة القسم هيقبلني ولا لا ؟؟؟
وتانى حاجة يا ريت اعرف امتي التقديم في كلية اداب جامعة عين شمس ؟؟

y0oya

11-08-2011, 11:01 PM

حضرتك انا مجموعى
74.5
ومجموعى مجبش اداب جابلى تربيه رياضيه
ودى تعتبر بعيدة عنى جدا ف السكن وف كل حاجه
وبما ان الاتنساب اتلغى ف جامعه الاسكندرية
هل فى حل ؟؟
ولا اضطر احول اداب بس مفتوح؟
وقد ايه مصروفتها؟؟
ارجو الرد سريعا

Sarah2611

13-08-2011, 07:43 AM

Hello Everyone .. Please I Need Your Help .. I Had In The Result of The Coordination ( Faculty Of Arts, Cairo Collage) .. I'm Now Asking About The Inner Coordination Of It .. And Where Can I Have The Application Form .. The Website Isn't Working .... Please Help Us ... :)

btta mnaa

19-08-2011, 03:12 PM

انا مجموعى 76 والحمد لله دخلت ادب فى محافطتى وعندنا 12 قسم بس انا عاوزة (علم نفس _ فلسفة _ علم اجتماع ) يا ريت حد يقولى انا فى احتمال ادخل قسم اية شروطو تنطبق عليا يعنى مع العلم انى جايبة علم نفس 47من50 والفلسفة 50من50 بس انا نفسى ادخل علم نفس تفتكرو الحقو
شكرا واسفة انى طولت عليكو

الماسه الزرقاء21

22-08-2011, 09:31 PM

لو سمحت انا عايزه اعرف مستقبل اداب لغات....وايه اللغات المطلوبه...........واي جامعه افضل اداب ولا تربيه ياريت الرد ضروري

الماسه الزرقاء21

22-08-2011, 09:34 PM

التقديم في جامعه حلوان امتي

hona m

23-08-2011, 05:21 PM

لو سمحتو انا دخله اداب بورسعيد وهي ثلاث اقسام فقط (اللغه العربيه - تاريخ - اجتماع) انا عايزه حد يسعدني اي قسم افضل

الماسه الزرقاء21

23-08-2011, 10:15 PM

ارجو الرد000000000000000000000000

*زهرة *

30-09-2011, 04:10 AM

السلام عليكم ورحمه الله وبركاته

انا كان عندي استفسار صغير

انا اداب اثار جامعه حلوان

انا عرفت ان القسم ده محتاج خروج وسفر

وممكن كمان بيات برة البيت زي الاقصر واسوان

وكمان بيطلوا الدكاترة حاجات كتيرة يعني مصاريف غاليه

كاميرات وحاجات غريبه كده

يا تري الكلام ده صح ولا غلط

لو اي حد يعرف حاجه ياريت يقولها لو مفيهاش ازعاج

شكرررا

اختكم زهره

ابو يوسف الغرباوي

17-10-2011, 12:58 AM

انا عاوز اسال سؤال ضروري جدا انا حاصل علي كلية التربية قسم تاريخ سياسي وعشان اعمل دراسات عليا في التاريخ قالولي لازم اخد تكميلي في كليه الاداب عاوز اعرف الشروط لوسمحتم

aya ismailia

20-11-2011, 09:48 PM

انا عايزة اعرف كلية اداب صيني بتاخد من مجموع لغات كام؟؟؟؟؟؟؟

ihab_seleman

15-01-2012, 05:46 PM

هل يمكن التحويل من اداب انجليش حلوان لتجارة انجليش في العام التالي لان دراسة اداب لاتوافق ميولي مع العلم انني كنت علمي علوم وحاصل على 89% في الثانوية
شكرا:rolleyes:

strayps

16-01-2012, 07:41 PM

انا عاوز اعرف هو انا مفروض مزيدش عن كام ماده اشيلها فى الترم الاول عشان اكمل فى الترم التانى وكمان لو شيلت مواد همتحن فيها امتى

rroma

08-03-2012, 03:11 AM

ممكن اعرف مفيش فى قسم الاداب قسم للجغرافيا
كمان عايز اتووووووواصل مع حد فى اداب طنطا بيكمل او طلبه لانى بعمل تمهيدى هنااااااك

a.m.m.m.b

09-05-2012, 08:51 PM

لو سمحتو ياريت انا عاوزه يكون فيه قسم لجفرافيا عامه ويكون عن منهج كليات دمنهور لان منهجى يختلف عن منهج اسكندريه ...لو سمحتو يارييييييييييت
ولكم منى الشكر

totaawad

28-05-2012, 11:39 PM

السلام عليكم انا لسة عضوة جديدة هنا معاكم وانا فى الفرقة الثالثة قسم علم نفس اداب عين شمس وكنت عايزة امتحانات سابقة لمادة نظريات علم النفس د/ رشا الديدى بعد اذنك وشكرا جزيلا

totaawad

28-05-2012, 11:53 PM

ارجو الرد وشكرا

علاء العالم

13-06-2012, 07:48 PM

يا جماعة لو سمحتم حد يرد عليا ضرورى انا فى جامعة الازهر بالقاهرة حصلى حادثه ومقدمتش اعتذار دخول الامتحان وعدت السنه و انا السنه دى مش هدخل الامتحان لظروف خاصه يعنى هبقى مستنفذ السنة دى حد يقولى ينقع ادخل جامعة القاهرة انتساب موجه اللى هيرجع العام القادم ينفع و لا لأ ؟ واعمل ايه و ماهى الكليات المتاحه ليا ؟. ارجووووو الرد سريعا وجزاكم الله خيرا ؟

moh63

17-07-2012, 09:31 PM

عاشق البلانكو الابيض

17-07-2012, 09:36 PM

السلام عليكم ورحمة الله
أنا خريج كلية التربية قسم التاريخ دفعة 2007 وأرغب في الحصول على الماجستير ثم الدكتوراه فما الشروط للحصول على ذلك وما هي الخطوات التي يجب تطبيقها وما المطلوب تفصيليا

أولا :درجة الدبلوم :
1 . دبلوم العامة في التربية:1- يشترط لقيد الطالب بدرجة الدبلوم أن يكون حاصلاً على درجة الليسانس أو البكالوريوس من غير كليات التربية من إحدى الجامعات المصرية أو على درجة معادلة من معهد آخر معترف به من المجلس الأعلى للجامعات .2- مدة الدراسة لنيل الدبلوم العام سنة جامعية .2. دبلوم المهني في التربية :1- يشترط لقيد الطالب بدرجة الدبلوم أن يكون حاصلاً على درجة البكالوريوس في التربية من إحدى كليات التربية بالجامعات المصرية أو على درجة معادلة من معهد آخر معترف به من المجلس الأعلى للجامعات .2- مدة الدراسة لنيل الدبلوم المهني سنة جامعية .3- تمنح الدبلوم المهني في التربية في إحدى التخصصات التالية :-الإدارة المدرسية / التربية الخاصة / الإرشاد النفسي / تعليم الكبار / التخطيط التربوي واقتصاديات التعليم / حضانة ورياض أطفال / تكنولوجيا التعليم / القياس النفسي والتربوي / علم نفس تربوي / تخطيط وتطوير مناهج / تدريس إحدى المواد الأكاديمية 3. دبلوم الخاص في التربية:1- يشترط لقيد الطالب في الدبلوم الخاص في التربية أن يكون حاصلاً على الدبلوم العام في التربية أو الدبلوم المهني في التربية من إحدى الجامعات المصرية أو على درجة معادلة من جامعة أخرى معترف بها من قبل المجلس الأعلى للجامعات.2- مدة الدراسة لنيل الدبلوم الخاص سنة جامعية .3- تمنح الدبلوم الخاص في التربية في نفس تخصص الدبلوم المهني.ملحوظة : قيمة الرسوم الدراسية بمرحلة الدبلوم سواء دبلوم عامة أو مهني أو خاص (2200) ألفان ومائتان جنيه إسترليني للدبلومة الواحدة بجميع الجامعات المصرية ماعدا جامعة طنطا (2400) ألفان وأربعمائة جنيه إسترليني ، جامعة الزقازيق (3000) ثلاثة آلاف جنيه إسترليني.ثانيا : درجة الماجستير :1- يشترط لقيد الطالب لدرجة الماجستير في التربية أن يكون حاصلاً على الدبلوم الخاص في التربية من إحدى الجامعات المصرية أو على درجة معادلة من جامعة أخرى معترف بها من قبل المجلس الأعلى للجامعات وفي جميع الحالات يجب ألا يقل تقديره العام في الدرجة الجامعية الأولى وفي الدبلوم الخاص عن جيد .2- يدرس الطالب بعد قيده لدرجة الماجستير في التربية مقررين إحداهما في الإحصاء التربوي المتقدم أو أي مقرر آخر يقرره مجلس الكلية والآخر في مجال التخصص ويؤدى الطالب في كل منهما امتحان بعد انقضاء عام دراسي على الأقل من تاريخ القيد.3- يتقدم الطالب بموضوع بحث (الرسالة) للماجستير يكون ذا صلة بالدبلوم الحاصل عليه يقره مجلس الجامعة بناءً على اقتراح مجلس الكلية لمدة لا تقل عن سنة على الأقل وثلاث سنوات على الأكثر تحسب من تاريخ موافقة مجلس الكلية على التسجيل.4- الرسوم الدراسية المستحقة (2400) ألفان وأربعمائة جنيه إسترليني موزعه كالتالي:-(1200) جنيه إسترليني رسم قيد يدفع في أول سنة فقط(1200) جنيه إسترليني مصروفات سنوية
ثالثا : الدكتوراه :
1- يشترط لقيد الطالب لنيل درجة دكتوراه الفلسفة في التربية أن يكون حاصلاً على الماجستير في التربية في نفس التخصص من إحدى الجامعات المصرية أو على درجة معادلة لها من جامعة أخرى معترف بها من قبل المجلس الأعلى للجامعات.2- يدرس الطالب بعد قيده لدرجة الدكتوراه مقررين أحدهما في الإحصاء التربوي أو أي مقرر آخر يقرره مجلس الكلية والآخر في مجال التخصص ويؤدى الطالب في كل منهما امتحان بعد انقضاء عام على الأقل من تاريخ القيد.3- يتقدم الطالب بموضوع بحث ( الرسالة ) للدكتوراه يقره مجلس الجامعة بناءً على اقتراح مجلس الكلية لمدة ثلاث سنوات على الأقل وخمس سنوات على الأكثر تحسب من تاريخ موافقة مجلس الجامعة على تسجيل الموضوع.4- الرسوم الدراسية المستحقة (3200) ثلاثة آلاف ومائتي جنيه إسترليني موزعة كالتالي:- (1200) جنيه إسترليني رسم قيد يدفع في أول سنة فقط- (2000) جنيه إسترليني مصروفات سنوية