توجهت أول أمس إلى المنطقة وقابلت السيد
مدير عام شئون العاملين بالمنطقة
وهو المختص الأول بكل شئون المتعاقدين وسألته عن الجديد
فقال أنه لا يوجد جديد فى الوقت الحالى
ولكن تم إرسال إفادات ال icdl إلى القاهرة
وتم قبولها بحمد الله
ورأيت بعينى كشوف أسماء المعلمين الناجحين الذين قدموا الإفادة
تمهيداً لتسكينهم فى وظيفة معلم وبيانات الأسماء مصنفة كالتالى

الإسم رباعى
الرقم القومى
كود الإختبار
عدد الموديولات

وعند سؤال الأستاذ سيد فراج مدير شئون العاملين
عن ميعاد التسكين أبدى عدم علمه بذلك
وعدم ورود منشورات أو أى شئ يبين ذلك الأمر

وأعتقد أن التسكين سيتم على دفعات والدليل
هو تجهيز أسماء الدفعة الأولى التى استوفت كل الشروط
ما رأيكم ؟!

إحصائية سريعة

المتقدمين لإمتحانات 20/11 فى أسوان 399 متعاقد
عدد من قدم الإفادة أو الشهادة حوالى 100 معلم فقط
أى حوالى 25% فقط من إجمالى المتعاقدين !!!

تقصد ايه بكود الاختبار؟

تقصد ايه بكود الاختبار؟


كود المادة أو التخصص اللى تم فيه الامتحان

انا عايز اعرف الفرق فى المرتبات بين العام والازهر ليه
يعنى ينفع العام يقبضوا 388 واحنا 310 الفرق 80 جنيه
احنا مش زى بعض مدرسين

انا فى الوقت اللى بكتب فيه الكلام ده ببعت فى فاكس للجهاز المركزى للمحاسبات عن الموضوع
وفى نفس الوقت معايه مفردات مرتب للعام وواحدة للازهر

والله ما اسكت غير لما اشوف المتسبب وانا يا هو

اخواتى المتعاقدين بالازهر دعوة للتجمع ووقفة احتجاجية امام المناطق الازهرية للمطالبة بحقوقنا

لاتنسوا حقكم

معاك حق - لكن الافضل ننتظرلاخر الشهر لحد منشوف موضوع التثبيت هيرسى على ايه
لان ان شاء الله لو اثبتنا كل الامور دى هتتصلح تلقائيا
لو محصلش تثبيت اعتقد الامور هتتصاعد- بالقانون- علشان فروق المرتبات بين المحافظات والتربية والتعليم و الازهر وعلشان التثبيت
يارب منوصلش للمرحلة دى و ناخد حقوقنا بالحسنى..

يا أخي هدي أعصابك
المرتبات مختلفة بين المحافظات والادارات في التربية والتعليم
وانت ان كنت حاسس بالظلم لان مرتبات الازهر بشكل عام ( الموحدة 310) أقل من مرتبات التربية والتعليم

فما بالك بالمتعاقدين داخل التربية والتعليم نفسها مثلنا في الشرقية ( مرتباتنا 315) ولم نسمع بزيادة حتى الآن لشهر سبعة
على عكس باقي المحافظات.

عموما أنا أضم صوتي لصوتك فى المطالبة بتوحيد الأجور لأن التكاليف والمهام واحدة
ولكن يارب ما تتوحد الاجور على أساس محاقظة الشرقية
وتكون على أعلى أجر بين المحافظات
وربنا مع الجميع

استاذ طارق فين الاخبار الي قلت هاتيجيبها اليوم 15-7


اين هيا فاكر لما قلت انتظروني يوم 15-7 اليوم فين الاخبار دي

الاخ طارق انا زميل لكم فى الازهر منطقة القاهره انا لسه جاى من المعهد حالا وسالت بتاعة الماليات قالت كل اللى حصل هى اضافة 30 % على الاساسى وزيادة العلاوه 4 واربعون قرش ده ظلم كبير ولازم نبعت لشيخ الازهر لان حرام يكون فرق 80 جنيه عارف احنا كده بالظبط كانهم لم يعطونا الكادر المرحله الاولى وتم خصم الكادر مع الفرق فى اسباب الخصم احنا لازم نقف احنا اتحملنا العام الماضى على اساس ان الموضوع هيتظبط لكن كدا حرااااااااااااام

ياجماعه الامور متلخبطة لاننا ليس علي درجة مالية تظبط ذلك


وغير كدة انتوا ختوا بدل نقدي والتربية والتعليم ماخدوش البدل النقدي ؟ لماذا طيب التربية والتعليم ماخدوش البدل النقدي اه جاوب

استاذ طارق فين الاخبار الي قلت هاتيجيبها اليوم 15-7


اين هيا فاكر لما قلت انتظروني يوم 15-7 اليوم فين الاخبار دي

أضم صوتي لصوت العضو وأسأل صاحب الموضوع نفس السؤال
وخاصة أنني قرأت مشاركة له يقول فيها
((طارق الشعواطى لايقال له فين المصدر
لانه نفسه مصدر موثوق واللى مش عارفنى يسال ))
مع احترامنا أستاذ طارق وتقديرنا لشخص حضرتكم الكريم
إلا أن هذا المبدأ لا يعتد به أبدا في منتدي بوابة الثانوية العامة
لذا لزم التنويه وشكرا

من حق كل انسان أن يطالب بحقه وبالمساواة بأقرانه

قرأت قبل قليل شكوى على منتدى سعودي

يطالب فيها المعلم السعودي بحقه المادي

ويقول ان المعلم يتقاضى "دراهم معدودة"
في بداية تعيينه

وقرأت المشاركة فوجدت أن هذه " الدراهم المعدودة "
هي


7,645
ريال سعودي

وشوية فكة

وهو ما يساوي بالمصري تقريبا

11,467 جنيه مصري

لذلك فالمعلمين السعوديين يشعرون بالضجر من تدني مرتباتهم

لأنها أقل من رواتب الضباط ولا يأخذون البدلات المستحقة لهم

أسأل الله ألا يطلع أحد المعلمين السعوديين على منتدانا

منتدى المعلم المساعد


لنا الله

الاخبار التى وعدتكم بها يوم 15/7/ 2010

حتى الان لم يعتمد شيخ الازهر قرار التثبيت بحجة عدم استكمال باقى المعلمين المساعدين
ولكن تقرر صرف المرحلة الثانية من الكادر ابتداء من 1/7/2010

اسف ياجماعة كان نفسى تكون اخبار حلوة اكتر من كده

الاخبار التى وعدتكم بها يوم 15/7/ 2010

حتى الان لم يعتمد شيخ الازهر قرار التثبيت بحجة عدم استكمال باقى المعلمين المساعدين
ولكن تقرر صرف المرحلة الثانية من الكادر ابتداء من 1/7/2010

اسف ياجماعة كان نفسى تكون اخبار حلوة اكتر من كده


شكرا علي الرد

علي كدة متي التثبيت ولا لسة فيش حاجة رسمي ؟


علي كدة تم تاجيل التثبيت صح لمتي ماحدش عارف صح

الاخبار التى وعدتكم بها يوم 15/7/ 2010

حتى الان لم يعتمد شيخ الازهر قرار التثبيت بحجة عدم استكمال باقى المعلمين المساعدين
ولكن تقرر صرف المرحلة الثانية من الكادر ابتداء من 1/7/2010

اسف ياجماعة كان نفسى تكون اخبار حلوة اكتر من كده

طيب وزارة التربية والتعليم هتثبت باثر رجعى من شهر 12 والازهر هيعمل ايه هو احنا دايما مسحوبين بحبل وزارة التربية والتعليم تعمل واحنا ممكن نعمل زيها لو الموضوع غلط ولو الموضوع فى صالح المعلمين ما نعمل حاجه صح ابدا

وعمار يا ازهر

http://www.youm7.com/News.asp?NewsID=254226&SecID=97

شكرا أستاذنا محمد فوزي علي معلوماتك القيمة وبارك الله فيك

يا مسهل يا رب

اللهم افرجها من عندك يارب

يارب سهل يارب

انا زميلكم شريف من محافظه سوهاج معلم مساعد فصل بالتربيه والتعليم لكنى افهم كويس جدا جدا جدا فى الماليات وعامل الموضوع ده لاخوانا بتوع الازهر عشان انا اكتشفت شئ خطير فى كارته المفرادات بتاعت متعاقدى الازهر واكتشفت ليه الفرق ما بين التربيه والتعليم والازهر فى المرتب وان شاء الله هكون سبب فى ان مرتبك هيزيد 50 جنيه وهيبقى 360 بدل 310 واسف على المقدمه الطويله واليكم الموضوع.
لو نظر كل شخص متعاقد فى كارته مفرادات المرتب هيلاقى مكتوب
علاوه غلاء معيشه رقم4 لسنه 2008 قدرها 14.40 ج وعلاوه غلاء معيشه رقم 5 لسنه 2009 قدرها 4.80ج وهاتان العلاوتان خطأ وسوف اذكر اين الخطأ بالتحديد
لقد كان قرار السيد رئيس الجمهوريه منح علاوه 30% لسنه 2008 لجميع العاملين بالدوله وكذلك قراره بعلاوه 10% لسنه 2009
والخطأ ان الازهر قد حسب العلاوات من مربوط الدرجه وهو 48 ج وليس من اساسى المرتب فتصبح العلاوات 14.4ج لسنه 2008 و4.8 ج لسنه 2009 وهذا خطا لان العلاوه تحسب من اساسى اخر مرتب قبضه المتعاقد قبل نزول قرار العلاوه وهذا طبقا للماده الثانيه من القانون 128 لسنه 2009 والقوانين السابقه بشأن منح العلاوه الخاصه للعاملين وكذلك الماده الثانيه من قرارات وزير الماليه التى تنص باحتساب العلاوه الخاصه المقرره من الاجر الاساسى والمكافأت الشامله المستحقه للعامل فانه يتم حساب العلاوات الخاصه لهم على اساسى المرتب فى اخر شهر قبل العلاوه
يعنى العلاوه تتحسب من الاساسى مش من مربوط الدرجه وبما ان اساسى مرتب المتعاقدين فى الازهر فى سنه 2008 وسنه 2009 كان 148ج فمن المفروض ان تكون علاوه غلاء معيشه 4 لسنه 2008 قدرها44.40ج وعلاوه غلاء معيشه 5 لسنه 2009 من المفترض ان تكون 14.8ج وعلاوه 2010 من المفترض ان تنزل لكم فى الكارته هذا الشهر 15.3 لان اساسى العام الماضى 153ج لكن سوف تصدموا عندما تجدون ان ايضا علاوه 2010 مكتوبه لديكم ايضا 4.80ج
لذلك وجب على المتعاقدين بالازهر ان يتحدوا ويقدموا شكوى جماعيه لشيخ الازهر يكتب بها التفاصيل خصوصا الجزء اللى انا كاتبه بالاحمر عشان تاخذوا فرق المرتب ومرتبكم يزيد 50 جنيه
واحب اقول ليكم اكيد ناس منكم هتسأل طيب ليه مفيش غلط فى علاوه 2006 و2007 هقولكم ان الريس فى السنتين دول اصدر قرار ان العلاوه10% بحد ادنى 30ج لسنه 2006 وحد ادنى 35 ج لسنه 2007 وبناء عليه مظهرش الغلط لان العلاوه اقل من الحد الادنى فأدوكم الحد الادنى طبقا لقرار السيد الرئيس لكن عشان 2008و2009و2010 مفيش حد ادنى للعلاوه ظهر الغلط واحب اقول لكم ان اللى مش مصدق يسأل فى مدريه التنظيم والاداره فى محافظته عن القوانين والقرارات الى انا كاتبها بالاحمر وقلولهم اساسى مرتبكم كام وهمه هيقولوا ليكم نفس كلامى يريت تطالبوا بحقكم
وقارنوا ما بين مفرادات مرتبكم ومابين مفرادات مرتب التربيه والتعليم هتلاقوا نفس كلامى وعلى فكره احنا عندنا فى سوهاج كانت نفس الغلطه فى التربيه والتعليم وان اشتكيت وعدلوا العلاوات واخدنا فرق المرتب وصححوا العلاوات بالمرتب

يسعدنى ان اكون اول من يرد عليك يااستاذ/شريف
جزاك الله خيرا على هذه التوضيحات القيمة
ويازهريه لابد ان نتحرك لناخذ كل حقوقنا الضائعة
سواء فى المرتبات اوالتثبيت

للاسف احنا عارفين الخطا ده لكن كان ارد على هذا الكلام ان المتعاقدين يتم حساب العلاوات لهم على مربوط الدرجه وليس على الشامل وياريت يا رجاله نحاول ناخد حقوقنا وباثر رجعى

بارك الله فيك يا بو فوزى يجامد

انا عاوزه اقول اننا بنقبض 237.5 بقالنا سنه وحسبى الله ونعم الوكيل ده فى منطقه كفر الشيخ الازهريه والحجه الخصم

والمشكله الاكبر اننا ال200 جنيه دول ما يقضوش اسبوع فى الشهر مواصلات وغيره بنضطر نروح نسال على المرتب وننتظر اى فرج من ربنا يعاملنا الموظفون كاننا بنشحت كاننا بنقبض من جيوبهم لا تثبيت ولا كادر ولا مرتب عدل وظلم ظلم ولا نملك الا حسبنا الله ونعم الوكيل حسبنا الله ونعم الوكيل

نشتكي فين ولمين لان الموضوع كبير وجزاكم الله خير

يا عم ده انتو عنديكم بدل نقدى واتصرف لحد الان 6 شهور بأثر رجعى وفاضل 6 شهور تانية
وعنديكم بدل زى لمعلمين العربى والشريعة وغيرهم + أخر منح من الشيخ الطيب
وبعدين انتو خلاص الشيخ الطيب حيفصلكم من الناحية المالية عن وزارة المالية فكيف تشتكى
ده اهنا اللى من حقنا نشتكى ونتساوى بيكم فى البدل النقدى

يارب التثبيت يجى قبل السنه الجديدة ما تبدا
مش عارف الواحد هيجيله نفس يشتغل اذاىاذا لاقدر الله..........................

السيد الاستاذ الدكتور ...................................)تحية طيبة وبعد (
نرفع إليك شكوانا نحن المدرسون المتعاقدون بالأزهر الشريف ونطلب من سيادتكم أن ترفعوا الظلم الواقع علينا وتعيدوا إلينا حقوقنا المهضومة فنحن من تم إختيارنا للعمل كمدرسين فى المعاهد الأزهرية عن طريق المسابقات الرسمية المنشورة فى الصحف القومية وأثبتنا كفاءة كبيرة فى أعمالنا بشهادة الرؤساء والتقارير الفنية للموجهين .

وبالرغم من متابعتنا المستمرة لوسائل الإعلام بعدم التمييز بين الموظف المتعاقد والمعين فى الأجور والحوافز والبدلات والأجازات بأنواعها إلا أن الواقع الفعلى لا يؤيد ذلك للأسف الشديد فقد تم حرماننا في الفترة السابقة من بعض الحوافز المستحقة مثل البدل النقدى الذى يتقاضاه زملائنا الأساسيين

وأخيراً فقد تم خصم مبالغ مالية من رواتبنا تتراوح ما بين ال (50) وال (70) جنيهاً وعندما قمنا بالإستفسار أخبرونا بأننا متعاقدون وأنهم كانوا يحسبون الزيادة في السنوات السابقة على اساس الأجر الشامل 148.80 جنيها كما كانوا يحسبونها للمثبتين ولأننا متعاقدون فلا يمكن ان نتساوى بالمثبتين ولذلك سوف يخصم ما كنا نتقاضاه ونحاسب على مربوط الدرجة والذي هو 48 جنيهاوبالتالى حسبوا كل زيادات السنوات السابقة على اساس 48 جنيها وخصموا الفرق ماعدا زيادة 30 %لأن لها حد ادنى بمعنى أن اي زيادة تأتي ليس لها حد أدنى سوف تحسب على أساس مربوط الدرجة 48 جنيه والله المستعان على ما يصفون . وبالتحديد فإن الخصم موضح في مفردات مرتباتنا في بند علاوة غلاء المعيشه ( ع غ م ( 4 ) ) تم الخصم من 20.88 جنيها الى 7.20 جنيها وفي بند ( ع غ م ( 5 ) ) تم الخصم من 43.20 إلى 14.40 جنيها أي خصم 42.48 جنيها شهريا من راتبنا نحن المتعاقدون . فهل هذا هو العدل ؟! ألسنا نحن ايضا نواجه الغلاء وجشع التجار وارتفاع الاسعار كزملائنا المثبتين ؟!! ألسنا مسئولون عن اسرنا وأولادنا واحتياجاتهم المتزايدة يوما بعد يوم ؟ !!

هذا بخلاف عدم أحقيتنا كذلك فى عمل أجازة بدون مرتب أو إستلام قروض من أى بنك بضمان جهة العمل وعند السؤال عن السبب يكون الرد الجاهز بأننا متعاقدون ليس لنا حقوق وأن أسمائنا مكتوبة بقلم رصاص استعداداً للشطب فى أى لحظة !!

لقد تعبنا وأصابنا الإحباط وأرسلنا شكاوانا وصرخاتنا إلى جميع الجهات بدون فائدة وعند مطالبتنا باسترداد كافة حقوقنا إستناداً إلى كلام سيادتكم يتهكمون علينا ويردون بأنه " كلام جرايد "
لذا نرفع هذه الشكوى إلى سيادتكم مطالبين برفع شكوانا الى من له الامر بمساواتنا بزملائنا الأساسيين فى كافة الحقوق .

· نطالب برفع الخصم الجـائر من المرتبات وبأثر رجعى كما تم الخصم بأثر رجعى
·


"ونطالب بحقنا فى التثبيت فنحن شباب يعشق بلده ويقدس مهنته وكل ما نطمح إليه هو المساواة الكاملة بزملائنا الأساسيين فى كافة الحقوق ، وذلك لحاجتنا الشديدة للإستقرار ولحاجة العمل الماسة لنا فى نفس الوقت
نرفع شكوانا إليك سيادة الوزير وكلنا ثقة فى وقوفك بجانبنا وإنصافنا من الظلم الواقع علينا

لأننا كلنا فى النهاية أبناء وطن واحد إسمه مصر
صورة الى :
- صورة الى السيد الدكتور شيخ الازهر
- صورة الى السيد وزير الدوله للتنمية الادارية
- صورة الى السيد الدكتور رئيس جهاز التنظيم والادارة

انا رحت المنطقه الازهريه في طنطا الموظف المسئول عن المليات قالي
ان المرتب في شهر8 هيكون 314 جنيه بس
ولما سألته ايه اللي حصل في المرتب وليه فيه فرق بينا وبين المتعاقدين في الازهر
قال ان الازهر بيعمل المتعاقدين كلهم زي بعض
يعني متعاقد 2005 زي متعاقد2010 وان كل سنه تجديد تعتبر وكأنها اول سنه
وحسبي الله ونعم الوكيل

نشتكي فين ولمين لان الموضوع كبير وجزاكم الله خير
فعلا هو ده السؤال
ياريت اخونا شريف يقولنا الاليات اللى اتبعها فى تقديم شكواه بالتفصيل لعلنا نحقق ما حققه ونحصل على حقوقنا احنا كمان
:angry2::confused::angry2::confused::angry2::confu sed:

عاوزه اقول لحضرتك المتعاقدين اللى بعدنا معانا فى المعهد بيقبضوا 326 جنيه فى نفس السنه ومش عارفه اى خصم ننزل من 385 الى 237.5 احنا اخر مرتب قبضناه كان 385 جنيه

من حق كل انسان أن يطالب بحقه وبالمساواة بأقرانه


قرأت قبل قليل شكوى على منتدى سعودي

يطالب فيها المعلم السعودي بحقه المادي

ويقول ان المعلم يتقاضى "دراهم معدودة"
في بداية تعيينه

وقرأت المشاركة فوجدت أن هذه " الدراهم المعدودة "
هي


7,645
ريال سعودي

وشوية فكة

وهو ما يساوي بالمصري تقريبا

11,467 جنيه مصري

لذلك فالمعلمين السعوديين يشعرون بالضجر من تدني مرتباتهم

لأنها أقل من رواتب الضباط ولا يأخذون البدلات المستحقة لهم

أسأل الله ألا يطلع أحد المعلمين السعوديين على منتدانا

منتدى المعلم المساعد


لنا الله



لك الحق مستر طه هم يبكى وهم يضحك

الواحد زهق. هى البلد دى مش هيتصلح حالها ابدا؟

اللهم ارحمنا برجمتك فانت ارحم الراحمين

جميييييييييييييييييييييييييييييييله

ايه ده مين الى حذف القصيدة؟
وبنطالب بالديموقراطية والحرية؟
مالى احنا فيه ده بسبب الاستبداد الى فى كل حياتنا
حتى هنا ؟؟؟؟؟؟؟؟

الى من نقدم الشكاوى الخاصة بفرق الاجور

نحن المدرسين المتعاقدين بالازهر
لابد اخواتى من وقفة جماعية امام المناطق الازهرية حتى يتم ارجاع حقوقنا المسلوبة

والله لو سكتوا ما هيتغير حاجة وهنفضل زى ما احنا

احنا كل شهر 7 بنزيد ولا بنقل ارجوكم قولوا ؟

لحد امتى الكل يقول ياعم . وانا مالى . تتعدل

والله الوضع مش مطمن وانا على نفسى مش هااسكت

وافتكروا مين اللى دخل متعاقدين الازهر امتحانات الكادر ومين اللى جعلهم يشاركون فى امتحانات الشهادة

انا جهزت نفسى ووهبت نفسى للشكاوى وانا يا هم

والله كده حرام

اولا البدل دا ليس لكل المدرسين بالازهر بل للمحافظات النائية
ثانيا:بدل الزى دا عمرنا ماسمعنا عنه مع انى مدرس شرعى
دا فى الاوقاف للخطباء فقط
ثالثا ماسمعناش ان الماليات فى الازهر ستستقل
وحتى لو حصل فهى يعنى هتفرق فى ايه؟!!

يا عم ده انتو عنديكم بدل نقدى واتصرف لحد الان 6 شهور بأثر رجعى وفاضل 6 شهور تانية
وعنديكم بدل زى لمعلمين العربى والشريعة وغيرهم + أخر منح من الشيخ الطيب
وبعدين انتو خلاص الشيخ الطيب حيفصلكم من الناحية المالية عن وزارة المالية فكيف تشتكى
ده اهنا اللى من حقنا نشتكى ونتساوى بيكم فى البدل النقدى

يعم طارق حامد انت بتجيب اخبارك منين مش صحيح الى بتقوله خالص لا يوجد بدل نقدى الا للمحافظات النائيه لا يوجد بدل زى هذا لخطباء المساجد مش المدرسين

بطيخ يا متعاقدين بطيخ

شكرا أستاذنا محمد فوزي علي معلوماتك القيمة وبارك الله فيك


اشكرك محمد باشا على المرور
وعلى روحك الجميلة وتشجيعك الدائم لنا

بارك الله فيك يا بو فوزى يجامد


حودة باشا حبيب قلبى
منور دايماً يا غالـــــــــــى

ايه ده مين الى حذف القصيدة؟
وبنطالب بالديموقراطية والحرية؟
مالى احنا فيه ده بسبب الاستبداد الى فى كل حياتنا
حتى هنا ؟؟؟؟؟؟؟؟

أية ديمقراطية تتحدث عنها أيها العضو الفاضل ؟!!!!!!!!!!!!!
أهذا الحشاش الشيوعي والذي لا يصلي فرض ربه تعتبره شاعرا
بأية أمارة أحمد فؤا نجم شاعر ؟!!!
وعموما إن كنت أنت ترضي أن يقول لك
(( مش أنت مصري جتك القرف )) براحتك نحن لا نرضاها لنا أولا
وأعضاء منتدانا المحترم ثانيا وشكرا

بارك الله فيك

الوقفة يارجالة يوم 25/7/2010 اوعو حد يتخاذل

يااااااااااااااااااااااااااااااااااااااااااااااا رب

يا محمد فوزي انا ممدوح ابوالخير من معهد البشير انا سلمت الشهادة الاصلية لل icdl من شهر 12 /2009 فهل اسمي ضمن الاسماء التي قلت عليها واين هذا الكشف الان وياريت تكلمني ضروري 0180059295 وايميلي oomda51 علي الياهو . كوم

يا محمد فوزي انا ممدوح ابوالخير من معهد البشير انا سلمت الشهادة الاصلية لل icdl من شهر 12 /2009 فهل اسمي ضمن الاسماء التي قلت عليها واين هذا الكشف الان وياريت تكلمني ضروري 0180059295 وايميلي oomda51 علي الياهو . كوم


أهلاً بحضرتك استاذ ممدوح
ان شاء الله حضرتك فى الدفعة الأولى ودى تقريباً بتضم
كل الناس اللى سلمت الافادة حتى 10 يونيو
والكشف موجود مع الاستاذ سيد فى مكتبه
ممكن حضرتك تشوف اسمك عنده
خالص تحياتـــــــــــى

:039uw8:يامسهل يارب

شكرا يا استاذ محمد على المعلومات
ويا ترى قبلوا كل الافادات
اقصد حتى اللى هى من المراكز الخاصه
وجزاك الله كل خير

يا مسهل يا رب

شكرا يا استاذ محمد على المعلومات
ويا ترى قبلوا كل الافادات
اقصد حتى اللى هى من المراكز الخاصه
وجزاك الله كل خير



شكراً استاذة داليا
هما فعلا قبلوا كل الإفادات حتى الخاصة
انا خاصة وقبلوها عادى بدون مشاكل

نعمممممممممممممممممم قبلوها

شكرا يا استاذ محمد على الرد

لكن ما نعرفش هما عايزين بيان نجاح الكادر ولا لا
لانى انا لما سالت استاذ سيد من شهر تقريبا قالى مش عايزنها

شكرا يا استاذ محمد على الرد

لكن ما نعرفش هما عايزين بيان نجاح الكادر ولا لا
لانى انا لما سالت استاذ سيد من شهر تقريبا قالى مش عايزنها


تقريباً إشاعة
أنا سألته وقال لا مش عايزينها