إعلان للمرحلة الخامسة من مراحل تجميع شهادات الـ icdl [الأرشيف]

mikeadam

19-07-2010, 01:54 PM

كنت فى الاكاديمية اليوم 19/7/2010 ومكتوب اعلان
تم تمديد المدة اللازمة لاستلام ال icdl او افادة او شهادة حتى 29/7/2010
موضوعال icdl ارسلت به عدة اشارات وطلب منذ اكثر من عام ونصف ولا ادرى لماذا التهاون فيه فالحالات كالتالى

1- الذين انتظروا المنحة باماكنها المختلفة
2- الذين اخذوها على حسابهم private وانا منهم
3- الذين بعد طول انتظار اضطروا لاخذها على حسابهم
4- المعطلين حتى الان بسبب عدم وجود مراكز والبعض منهم هم من تسببوا لانفسهم فى هذا التأخير واعرف منهم اصدقاء لى لكنهم قليلون
5- المتكاسلين حتى الان وايضا هؤلاء موجودين
فأرجو ان يوفقنا الله جميعا

miss math2010

19-07-2010, 02:42 PM

إعلان للمرحلة الخامسة من مراحل تجميع شهادات الـ ICDL
http://academy.moe.gov.eg/images/ground_main.gifhttp://academy.moe.gov.eg/images/spacer10.gifhttp://academy.moe.gov.eg/images/2.gif بدأت المرحلة الخامسة من مراحل تجميع شهادات الـ ICDL في يوم الأحد 18 / 7 / 2010 وحتى الخميس 29/7/2010.
والأكاديمية المهنية للمعلمين تهيب بالمعلمين المساعدين الذي اجتازوا امتحانات 20/11/2009 سرعة التقدم بهذه الشهادات بمجرد الحصول عليها ، كل حسب فرع الأكاديمية التابع له.
وإذا كانت الأكاديمية تؤكد على وجود مراحل أخرى تالية لتجميع هذه الشهادات ، إلا أنها تؤكد أيضاً على أهمية الإسراع في الحصول على هذه الشهادة ؛ لأن التعيين في وظيفة معلم سيكون على أكثر من مرحلة في ضوء استكمال الملفات.
http://academy.moe.gov.eg/

السؤال هنا بقا لازم الشهادة ولا الافادة تنفع؟؟؟؟؟

أ/محمد على عاشور

19-07-2010, 02:46 PM

مستر طه أبوسمرة

19-07-2010, 02:47 PM

بارك الله فيك
انت كده جبت من الآخر

شكرا جزيلا على الخبر الموثق

miss math2010

19-07-2010, 02:48 PM

مهو التقديم مفتوح لمدة سنة والتعيين هيكون على مراحل والمرة دى لا خبر فى جرايد ولا موقع
ده موقع الاكاديميه اللى اول مرة تعلن عن ميعاد لشهادات ال icdl

mhegazi

19-07-2010, 02:48 PM

جزاك الله كل خير اخي الكريم
انا قدمت افادة بسبع موديولات بس مختومة من المركز اللي كنت بدرس فيه وما كانش عايز ياخدها بس قالي حنعتبرها كأنها سكيل كارد يفيد بأني بدرس في الاي سي دي ال
وبعديها بشهرين عت صورة للشهادة بس الواحد مش بيثق فيهم ممكن يضيعوا الورق واحنا ما نعرفش
وبعتلهم رسالة وماحدش بيرد

miss math2010

19-07-2010, 02:50 PM

انا زميلة مش زميل
وع العموم مش مهم المهم اننا ربنا يكرمنا جميعا ويوفقنا فى حياتنا الاجتماعيه والمهنيه قادر يا كريم

ام مرام

19-07-2010, 02:50 PM

جزاك الله كل الخير

مدحت52

19-07-2010, 02:58 PM

اظن يا اخونا الموضوع بقى رسمي محدش يقول هيمدوا تاني
اكيد في مراحل تانية بس بتهيالي ان التعيين في اغسطس سيقتصر على المراحل من الاولي للخامسة
وده معناه ان القرار ممكن يصدر في نهاية اغسطس او حتى اول ستمبر

mena gerges123456

19-07-2010, 03:02 PM

يعني في مراحل جاية كتير

بس التثبيت والتعين جاي علي مراحل صح ؟

تامر سرواح

19-07-2010, 03:06 PM

يامسهل يارب

miss math2010

19-07-2010, 03:07 PM

اكيد هيكون فى مراحل على مدار السنة فترة تجديد العقد الاهم ان ميكونش فى كسل او تكاسل
واخواتنا يهتموا شوية ويحسوا ان الموضوع بجد مش هزار

vip_ame

19-07-2010, 03:11 PM

انا انهاردة كنت فى الاكاديمية بالاسماعيلية
وشفت الكشف اللى فيه الاسماء وشفت اسمى وان ورقى كامل

والموظف اللى هناك صراحة قمة فى الاحترام والذوق وقاللى ان بالفعل الاسماء راحت مصر على مراحل وان اسمى راح فى اول الاسماء اللى سافرت وان هما دلقوت مستنيين قرار الوزير باعطاء التراخيص لنا وان بعد الوزير ما يمضى القرار هاتتبعت الاسماء على المديريات والادارات لتنفيذ القرار

وقالنا لو نعرف اى حد لسه ما قدمش الاى سى دي ال يروح بسرعة علشان ممكن يلحق يكون فى القرار بتاعنا

وانا على فكرة مقدم افادة بالسبع موديولات

محمدطعيمة

19-07-2010, 03:11 PM

نشكر الزميلة المحترمة علي نقلها النافع والمفيد
ونعتقد أن الأمور اتضحت جدا ولا داعي للتشكيك
أو التأويل أو التخيل أو كتابة موضوعات تحوي مثل هذه الأوهام
من اجتاز كادر 20/11/2009 في كل المكونات
ثم قدم شهادة أو إفادة لحد يوم 29/7/2010
مبارك عليه ومش محتاجة كلام
وبالتوفيق للجميع إن شاء الله
والتمنيات لمن لم يمتحن بعد أو يحصل علي الشهادة (i.c.d.l) وبالتوفيق والسداد

مدحت52

19-07-2010, 03:11 PM

يا اخونا معظم اللي لسة مخلصوش الموضوع معاهم كسل مش اكتر
انا اعرف اكتر من 10 من اصحابي كل ما اتصل بيهم ابشرهم بالتعين
يقولولي بالحرف لو في تعين هيكون للكل ومش مبطلين اشاعات عن
الغاء الاي سي دي ال

اعتقد عند صدور قرار التعيين سيكونوا اول النادمين والخبر الموجود
دلوقتي على موقع الاكاديمية بيقول ان التعيين هيبقى على مراحل
دا حتى الحكومة اللي يومها بسنه زهقت منهم

وبصراحة يستاهلوا لما يتاخرو شهرين تلاتة ودي مش شماتة
بس لان هما اللي عملوا كده في نفسهم ودا اقل عقاب انهم
يبتدوا العام الدراسي متعاقدين وزمايلهم اللي دخلوا معاهم الامتحان
اساسيين

mo1112

19-07-2010, 06:12 PM

أصل الشهادة للاطلاع فقط

aboaia92

19-07-2010, 06:12 PM

طيب انا مقدم افاده با اربع مديولات ده تكون كافيه لحد ما اخلاص الباقى لو حد عنده علم وخبر اكيد ممكن بعد اذنه يعرفنى

AlaaElden

19-07-2010, 06:12 PM

اكاديمية الشرقية كانوا بيقولوا النهاردة ان المد لحد 1/8

hishamhassan

19-07-2010, 06:22 PM

يا اخونا معظم اللي لسة مخلصوش الموضوع معاهم كسل مش اكتر

انا اعرف اكتر من 10 من اصحابي كل ما اتصل بيهم ابشرهم بالتعين
يقولولي بالحرف لو في تعين هيكون للكل ومش مبطلين اشاعات عن
الغاء الاي سي دي ال

اعتقد عند صدور قرار التعيين سيكونوا اول النادمين والخبر الموجود
دلوقتي على موقع الاكاديمية بيقول ان التعيين هيبقى على مراحل
دا حتى الحكومة اللي يومها بسنه زهقت منهم

وبصراحة يستاهلوا لما يتاخرو شهرين تلاتة ودي مش شماتة
بس لان هما اللي عملوا كده في نفسهم ودا اقل عقاب انهم
يبتدوا العام الدراسي متعاقدين وزمايلهم اللي دخلوا معاهم الامتحان

اساسيين

كلامك مظبوط

miss math2010

19-07-2010, 06:54 PM

اكاديمية الشرقية كانوا بيقولوا النهاردة ان المد لحد 1/8
طيب كلام الشرقية ولا كلام موقع الاكاديمية .؟

eslamkobessy

19-07-2010, 06:58 PM

ألف شكر على الخبر

ABDOURAGAB

19-07-2010, 07:02 PM

thankuuuuuuuuuuuuuuuuuuuuuuuuuuuuuuuuuuuuuuuu

إيمان عبد العزيز

19-07-2010, 07:12 PM

شكرا لكم على الخبر الحلو ده ودى اول مرة احس ان الموضوع جد ويا رب التوفيق للجميع:av4056bb7jp3::av4056bb7jp3::av4056bb7jp3::a v4056bb7jp3::av4056bb7jp3::av4056bb7jp3::av4056bb7 jp3::av4056bb7jp3:

eslamic

19-07-2010, 07:22 PM

اكاديمية الشرقية كانوا بيقولوا النهاردة ان المد لحد 1/8

بالنسبة لأكاديمية الشرقية كنت هناك انهارده علشان اطمن ان شهادة icdl اتسجلت عندهم خصوصا اني مقدمها من شهر 12 تقريبا وقابلت هناك موظف الحاسب الآلي وياريتني ما قابلته
الراجل قاعد مافيش حد معاه وقاعد في التكييف دخلت عليه وكلمته لاقيته مش عاوز يطمني وقالي انت اتسجلت
اصل الراجل سوري في الكلمة بيشم علي ضهر إيديه وفين وفين لما اصريت شاف الاسم والله يا جماعة العملية كلها ماكملتش معاه 30 ثانية بس نقول إيه في ناس كده غاوية تعب للناس

وبالنسبة لآخر ميعاد للمرحلة الخامسة هو 29/7 زي ما موجود في الاعلان اللي علي موقع الاكاديمية

بحر العرب

19-07-2010, 08:05 PM

بصراحة أنا مش مطمن لكلامكم ولا لكلم الجرايد ولا لكلام الأخ اللي عامل نفسه موظف الأكاديمية وبصراحة اليأس عندى لدرجة مليش نفس أمتحن icdl من 2005 وبنسمع كلام ومفيش غير العقد وبس وأتمنى أنكم تتثبتوا علشان نفسي تتفتح واصدق وامتحن الicdl ,وربنا معاكم ومعانا ويصبرنا على البلاء

محمدطعيمة

19-07-2010, 08:42 PM

أ/محمد على عاشور

19-07-2010, 08:54 PM

mratwa7

19-07-2010, 09:12 PM

لعله خير- وان شاء الله التثبيت قبل بداية السنة الجديده

بحر العرب

19-07-2010, 09:46 PM

aboaia92

19-07-2010, 10:07 PM

هل حد عنده معلومات عن ان الافاده باربع مديولات كفايه ولا لازم السابعه اصل انا مقدم الاربعه ولسه مش خلاصت الباقى ممكن حد يفدنى فى الموضوع ده لو كان راح الاكادميه وسال عن الاربعه مديولات

محمدطعيمة

19-07-2010, 10:12 PM

الأخ محمد طعيمة دى مش مشكلتى دى مشكلتنا كلنا ولاأنت مش معلم مساعد بالعقد وأتمنى تتثبت هفرحلك بجد أنت والأخوة الزملاء جميعا ..لكن هتعملى أه.. أنت وغيرك مش عارفين تعملوا أه ..غير الكلام اللى ملوش فايدة وكلنا بنضحك علي بعض وخلاص ...
اللهم إني أشكو إليك ضعف قونى وقلة حيلتى وهوانى على الناس يا أرحم الراحمين أنت رب المستضعفين أنت ربي....
ولكن أقولها وبصراحة (إن مع العسر يسرا )............
.ضاقت فلما أستحكمت حلقاتها ...فرجت وكنت أظنها لا تفرج
طبعا أخي الفاضل معلم مساعد ولكني فعلت ما طلب مني
حضرتك إنسان مؤمن جدا بالله وواضح هذا من كلامك ودعائك .
الله سبحانه وتعالي والذي نستغيث به ولا نطلب العون إلا منه يطالبنا بالسعي والأخذ بالأسباب ورسولك (ص) نصح السائل وقال له ((اعقلها وتوكل )) .
كيف أخي السائل تريد أن يأتي اليسر وأنت وبنفسك تقول ((لم امتحن ال i.c.d.l.بعد في مشاركتك الأولي في نفس الموضوع )) وهي سبب أو مسوغ من مسوغات هذا الفرج وذلك اليسر .
من كلام حضرتك أشعر بأنك تعتقد أننا ولأن الأستاذ محمد عاشور علق بنفس التعليق تقريبا والعياذ بالله أننا نسخر منك أو نستهجن موقفك والله وحده هو المطلع علي سرائر الناس لا أنت ولا غيرك .
كذلك تقول لن نفعل لك شيئا .ومن قال لك أننا وعدنا أحد بشيء ، نحن زملاء لك نقوم بمهمة شرفنا بها علي أكمل وجه ولوجه الله تعالي ليس أكثر .
وبوجه عام ، ماذا تريد بعد خبر الأكاديمية والذي هو أساس هذا الموضوع اليوم ، والذي يطمئن الناس ويعطيهم أمل كي يواصلوا مسيرة الحياة الشاقة والمرهقة .
أخي لا أعرفك ولا تعرفني حتي يكون هناك ثمة خلاف بيننا إلا من خلال هذه النافذة المحترمة ،
أخيرا لا يوجد أدني تقليل من شأن حضرتك ولكن من حقنا القيام بعملنا وواجبنا علي أكمل وجه

AHMED TEACH

19-07-2010, 10:23 PM

طيب معلمي الازهر المتعاقدين متي سيتم تعينهم
أنا كنت شيء و صبحت شئ ثم شــيء
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!

عصام الطواب

19-07-2010, 10:27 PM

29\7\2010
ثم 15\8
ثم 31\8
وبعدين اي الحل
2010\ 2011
التعيين امتي

محمد سعيد2

19-07-2010, 10:35 PM

يا أخى عصام ربنا يسر الحال ربنا موجود ........ والله باذن الله خير فعليك بالصبر

محمد سعيد2

19-07-2010, 10:41 PM

والله يا اخوانه انا سعيد جدا انى انضميت للمنتدى ده اخر زوق واحترام من الاخوه الاعضاء والاخوه المشرفين ربنا يديهم الصحه ويجعل هذا فى ميزان حسناتهم ان شاء الله

أ/محمد على عاشور

19-07-2010, 10:56 PM

بحر العرب

19-07-2010, 11:11 PM

أخى العزيز محمد أشكرك على ذوقك الراقى وواضح أن حضرتك والأخ محمد عاشور فهمت كلامى بمعني أخر
أنا بقول معدش فيه مصداقية لأى شئ كل شئ تحس أنه مغالط فيه ولذلك أتمنى أن يكون هناك تعيين وأنا أعرف جيدا أنه عقد بس لمدة أطول وهذه مش مشكلة بس يكون هناك خطوة جديدة نحس بها ونشعر أننا فعلا معلمين ولنا كيان والدولة حاسة بينا مش أكتر لكن أننا نقول أسعى أسعى وأنا وأنت نعرف جيدا أن معظم الحاصلين على الicdl لايفقهون شيئا عن الكمبيوتر شوية أسئلة بيحفظهم بالشكل وخلاص بس برده بنضحك على بعض زى موضوع محو الأمية كله كلام فاضي لا فيه حد بيمحو أميه ولا غيره وفلوس بتتسرق والسلام ..................وأنا عارف أن الكلام مش هيعجبكم ومكن يتحذف بس هذه هى الحقيقة التى ينكرها الكثير

محمدطعيمة

19-07-2010, 11:14 PM

أ/محمد على عاشور

19-07-2010, 11:18 PM

داليا مصطفى ابراهيم

20-07-2010, 12:41 AM

[quote=بحر العرب;2426912]وأنا وأنت نعرف جيدا أن معظم الحاصلين على الicdl لايفقهون شيئا عن الكمبيوتر شوية أسئلة بيحفظهم بالشكل وخلاص بس برده بنضحك على بعض زى موضوع محو الأمية كله كلام فاضي لا فيه حد بيمحو أميه ولا غيره وفلوس بتتسرق والسلامte]

بامكان حضرتك انك تاخد الموضوع جد وتستفيد من ICDL
وعلى العموم مش هتخسر حاجه لما تاخدها يعنى حتى لو ما فيش تثبيت يبقى حضرتك استفد بزياده معلوماتك

وان شاء الله هيكون خير ونتثبت جميعا

الرائد1

20-07-2010, 01:28 AM

بالنسبه للكلام
كنت فى الاكاديمية اليوم 19/7/2010 ومكتوب اعلان
تم تمديد المدة اللازمة لاستلام ال icdl او افادة او شهادة حتى 29/7/ الكلام مظبوط 100%
لأننى كنت فى أكاديمية بنى سويف بظروفها ومدير المركز قاللى الكلام ده
يـــــــــــــــــــــــــــــــــــــــــارب..... ....................

Mr.Musaad Emara

20-07-2010, 02:21 AM

ألف شكر على الخبر

العروبة2

20-07-2010, 02:33 AM

يا رب سهل للكل الأمور وفرحهم
يا كريم يا أرحم الراحمين

mrmoh

20-07-2010, 02:47 AM

والله انا ايضا مش مصدق انه في تثبيت ابدا
وخايف يكون الحصول علي رخصة المزاولة فقط والاستمرار بالعقد علي درجة معلم فقط فقط فقط

تامر سرواح

20-07-2010, 09:50 AM

فرفش وسيبها على الله احنا كنا فين وبقينا فين

بحر العرب

20-07-2010, 11:19 AM

أخوانى وأخواتى الأعزاء ،الأخ محمد طعيمة، والأخ محمد عاشور، والأخت الفاضلة داليا ؛لقد أثبتم فى ردكم على كلامى أنكم فعلا من الصفوة التى تستحق أن تكون من المعلمين.. شخصيات محترمة وتستحق الأحترام ؛وكلنا فى مركب واحد ؛ونتمنى من الله العلى العظيم أن تكون هناك نهاية لهذا العقد العين .وعلى فكرة أنا قدمت على الIcdl ,وهمتحن على حسابى الخاص ومش هنتظر أكتر وربنا معانا جميعا ................وفقنا الله وإياكم إلى ما فيه الخير لنا فى الدنيا والآخرة إنه ولى ذلك وهو القادر عليه

شيموشيمو

20-07-2010, 11:52 AM

اللهم نصرك ورضاك عنا

شريف حسن .

20-07-2010, 01:31 PM

الخبر موجود على موقع الاكاديمية

mikeadam

20-07-2010, 02:19 PM

لا شك فى ان الله سبحانه وتعالى اعلى واقدر من اى حكومة ونتمنى التوفيق للجميع

mikeadam

20-07-2010, 02:31 PM

انا متهيألى لو طلع الرئيس مبارك نفسه وقال (تثبيت) برضه هنلقى ناس تسأله
ما هو مصدرك الموثوق !!!!!!!!!!!!!!!!!!!!! هههههههههههههههههههههههههههههههه . انا مش عارف ايه ال جرى للناس

mohamedfranche

20-07-2010, 03:28 PM

تعين ولا تثبيت عايز اعرف الفرق

أ/ عمرو عبد الرحمن

20-07-2010, 04:33 PM

ان الله لا يضيع اجر من احسن عملا

said_math

20-07-2010, 05:16 PM

مشكوووووور على الخبر

طارق حامد2

20-07-2010, 06:08 PM

جزاك الله خيرا

خالد قاسم

20-07-2010, 06:14 PM

الصبر مفتاح الفرج

mahmoud20002010

20-07-2010, 11:10 PM

من هايطلع شهادة دلوقتى الا اذا كان مخلص الدورة من شهر 1 اللى فات على الأقل
لا نهم بيقوللولك فوت علينا كمان 6 أو 7 شهور علشان الشهادة

mohammed darder

20-07-2010, 11:27 PM

ربنا يجعله اخر والحكومة تصدق المرة دي

teacher120

21-07-2010, 11:32 AM

تمام الموضوع بقي رسمى الاعلان على الموقع مكتوب تعيين
مكتوب تانى من خلال فهمى الن موضوع التقديم مفتوح جداااا
الشهادات 3 انواع
افادة ب اربعة
افادة ب 7
الشهادة الاصلية
التثبيت على مراحل على حسب استكمال الاوراق
يعنى التثبيت دفعة دفعة ......................

لا يا استاذ محمد هكلمك بمنطقك القديم مكتوب تعيين مش تثبيت وفيه فرق بقا هههههههههههههههههههههههههههههههه

terra

21-07-2010, 02:17 PM

انا خلصت امتحانات المديولات السبعة فى مركز خاص وادمت صورة الاسكيل ودة كان فى شهر فبراير ولسة الشهادة مطلعتشى لازملها على الاقل ست شهور من تاريخ 4 فبراير 2010 فهل اسمى هيدرج فى الكشوف اللى هتتعين فى اغسطس ولا لما الشهادة تطلع ?

عاصم حمزة

21-07-2010, 11:26 PM

جزاك الله كل الخير
الموضوع كده يفي رسمي

مستر /سامح على عبد العظيم اليمانى

21-07-2010, 11:47 PM

يا مسهل يا رب

رحاب2

22-07-2010, 12:39 AM

انا اراسلت الافادة الى الاكاديمية بنى سويف وكمان ارسلت صورة الافادة الى ادارة مغاغة وعايزة اتاكد ان الاسم موجود اعمل اية غير ذهاب الى الاكاديمية

شريف حسن .

22-07-2010, 05:14 AM

ربنا يوفق الجميع

العروبة2

22-07-2010, 05:39 AM

اللهم آمين
يا رب وفق الجميع

hossam_azazi

22-07-2010, 11:12 AM

وبعدين ليه الاكاديمية مش بتبين اسامى الناس اللى واخدة الاي سي دي ال على الموقع او فى صفحة كل واحد بحيث يدخل ويشوف بنفسه بدل البهدلة والشك فى الموظفين ويبقوا ريحونا وريحوهم من الصداع

العروبة2

22-07-2010, 03:21 PM

وبعدين ليه الاكاديمية مش بتبين اسامى الناس اللى واخدة الاي سي دي ال على الموقع او فى صفحة كل واحد بحيث يدخل ويشوف بنفسه بدل البهدلة والشك فى الموظفين ويبقوا ريحونا وريحوهم من الصداع

والله اقتراح جمييييييييييييييييييييل ويا ريت يطبق فعلاً

Eslam Farouk

23-07-2010, 03:06 AM

وبعدين ليه الاكاديمية مش بتبين اسامى الناس اللى واخدة الاي سي دي ال على الموقع او فى صفحة كل واحد بحيث يدخل ويشوف بنفسه بدل البهدلة والشك فى الموظفين ويبقوا ريحونا وريحوهم من الصداع

قريبا ان شاء الله ( خلال أيام ) سيتم تنفيذ ذلك على صفحة الاكاديمية

mak2007

23-07-2010, 01:21 PM

ألف شكر على الخبر الجميل دا
بس لى طلب ممكن حد يقولى الشهادة بتاعت icdl بتطلع بعد كام شهر بعد أمتحان آخر مديول

hmh_hmh

23-07-2010, 02:18 PM

بتطلع خلال 6 او 7 شهور
انا ليا زملاء مخلصين الامتحان من شهر 9 الماضى ولسة الشهادة طالعة الايام دى لان المراكز مضغوطة جدا

hmh_hmh

23-07-2010, 02:20 PM

قريبا ان شاء الله ( خلال أيام ) سيتم تنفيذ ذلك على صفحة الاكاديمية

هو خلال الايام القادمة هنتابع اخبار تعينا ولا هنتابع الشهادات وصلت وورقنا كامل ولا ؟؟؟؟؟
بجد حرام ربنا هو الستار

تامر سرواح

23-07-2010, 04:05 PM

مشكووووووووووووووووور

أستاذ/شفيق الأخضر

24-07-2010, 10:34 PM

شكرا على الخبر السعيد
الف الف مبروك لكم جميعا

mmm6666

25-07-2010, 11:07 PM

الفرج قريب

mrkimoo

25-07-2010, 11:56 PM

:039uw8:
يارب يكون الكلام ده صحيح وتمنياتى لكل اخوانا المتعاقدين بالتثبيت

mohammad00

26-07-2010, 02:48 PM

http://www4.0zz0.com/2010/07/26/12/160450711.gif (http://www.0zz0.com)

MISS.DINA

26-07-2010, 07:25 PM

رحاب2

27-07-2010, 02:57 AM

ممكن لو حد ذاهب الى الاكاديمية بنى سويف يتاكد على اسمى رحاب عادل ابراهيم ادارة مغاغة

mrkimoo

27-07-2010, 07:23 AM

الموضوع بجد انا كنت فى الاكاديمية امس 26 / 7 وقمت بتسليم افادة 7 موديولات ومش لازم اصل الشهادة وفعلا تم اعطائى رقم الملف الخاص بى وقام الموظف بالبحث عن اسمى ضمن الكشوف وكتب تم استلام افادة بسبع موديلات وطلب منى اخبار كل من لم يسلم الافادة بسرعة تقديمها لموعد اقصاه 29 / 7 وهى نهاية المرحلة الخامسة وقال ان فى مراحل اخرى تانية للى لسه ماخلص icdl

صبحى غريب عبدالعزيز

27-07-2010, 09:10 AM

السلام عليكم : يا جماعه الموضوع كله تعاقد ولو نظرتوا فى العقد لوجتوة مكتوب فيه ( عقد تعيين ) يعنى فيه فرق بين تعيين وتثبيت والان بيقولوا تعيين على درجة معلم واسمعت انه هيكون خمس سنوات لان السيد رئيس الوزراء قالها قبل ذلك مفيش تثبيت كله تعاقد وبيسموا التعاقد تعيين وربنا يخلف ظنى لانى هكون معكم قولو امين بقول كدة مش علشان احبط حد عايزين ناخذ الموضوع بجديه شويه وعقلانيه هذة ليست دعوه لليأس والكنها دعوة للتفائل علشان لو كان الموضع صحييح هنكون سعداء جدا ولو كان غير ذلك منزعلش خالص ويكون عادى ((........... وقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا..........)) هذة الايه تكفى بالمراد