Mostafa Ahmad
24-07-2010, 10:50 AM
يا جماعه انا محتار بين طب اسنان وصيدله
وماتقولوليش دا حسب رغبتك لأنى كان رغبتى هندسه بس دخلت علمى علوم عشان الاسره وكده
المهم انا جالى ف التنسيق طب اسنان القاهره
ياريت حد يوضحلى مجالات العمل المتاحه لطبيب الاسنان يعنى كام عياده وراتب الوظيفه الحكوميه ولو ممكن اشتغل ف حاجه تانيه وكده يعنى ؟
بليز الرد بسرعه
شنجي بنجي
24-07-2010, 11:34 AM
يا جماعه انا محتار بين طب اسنان وصيدله
وماتقولوليش دا حسب رغبتك لأنى كان رغبتى هندسه بس دخلت علمى علوم عشان الاسره وكده
المهم انا جالى ف التنسيق طب اسنان القاهره
ياريت حد يوضحلى مجالات العمل المتاحه لطبيب الاسنان يعنى كام عياده وراتب الوظيفه الحكوميه ولو ممكن اشتغل ف حاجه تانيه وكده يعنى ؟
بليز الرد بسرعه
السلام عليكم ،،، إسمحلي أساعدك في الإجابة عن أسئلتك ،،،،
أولا: مجالات العمل .... ممممم دكتور سنان ،،،، انتا لو بتقارنها بصيدلة على أساس إن الصيدلي عندو أكتر من مجال عمل زي مصنع أدوية أو يفتح صيدلية أو مندوب شركة أدوية أو يعمل دبلومة تحاليل و يفتح معمل ،،، إنسى :) دكتور السنان مجاله طب الأسنان في عيادة أو في المستشفى بس :049gc0:
ثانيا:كام عيادة معنديش خلفية لسة بس مافتكرش إن لينا تحديد لعدد العيدات ،،، أما بالنسبة لصيدلة مسموحلك برخصتين باسمك.
ثالثا: راتب الوظيفة الحكومية ،،،، مممم ولا حاجة ،،، للأسف إنتا مالاكش تكليف ،،، بس عامة الوظيفة في مستشفى دي بتبقى عشان السمعة مش عشان الراتب ،،، إنتا كده كده دخلك الأساسي من العيادة.
عيوب طب أسنان ،،، مكلفة شوية أثناء الدراسة ،،، خطورة العدوى والأمراض.
تكاليف إنشاء عيادة أسنان من 50 الف وانتا طالع ،،، بالنسبة للصيدلية معنديش فكرة.
بالنسبة للصعوبة أثناء الدراسة :
بص بقى يا سيدي ,,,, أنا ولله الحمد عديت على التلات كليات الطبية كلية كلية ،،، وترتيبهم في الصعوبة كالآتي
بشري /صيدلة/أسنان
عاوز نصيحتي ،،، إنتا دخلت أحسن كلية في المجموعة الطبية :av4056bb7jp3:
لو عندك أي استفسار تاني أنا تحت أمرك.
BINT EGYPT
25-07-2010, 07:38 PM
سبحان الله انا كماان زيك بالظبط
ومحتارة بين طب الاسنان و الصيدلة -_-
دكتور ريهام
26-07-2010, 08:15 PM
اسنااااااااااااااااااااااااااااااااااااااااااااان وبس
كلمتين وبس
13-08-2010, 07:13 PM
ربنا يهديكم ويدلكم علي ما فيه الخير
ranaahmad
27-06-2011, 05:24 PM
انا فى تانية ثانوى علمى علوم وعايزة احدد هدفى من الان من بين بشرى /اسنان/صيدلة /علوم
ranaahmad
27-06-2011, 05:30 PM
ارجوكم يادكترة انصحونى باحسن كلية تتناسب مع انى بنت يعنى
فارسة الإسلام
29-06-2011, 03:30 PM
جزاكم الله خيراً
ربنا يقدم لنا جميعاً ما فيه الخير