هام الي كل متعاقد بالازهر بالنسبة للخلل في المرتبات
لو نظر كل شخص متعاقد فى كارته مفرادات المرتب هيلاقى مكتوب
علاوه غلاء معيشه رقم 4 لسنه 2008 قدرها 14.40 ج
وعلاوه غلاء معيشه رقم 5 لسنه 2009 قدرها 4.80 ج
وهاتان العلاوتان خطأ وسوف اذكر اين الخطأ بالتحديد
لقد كان قرار رئيس الجمهوريه منح علاوه 30% لسنه 2008 لجميع العاملين بالدوله
وكذلك قراره بعلاوه 10% لسنه 2009
والخطأ ان الازهر قد حسب العلاوات من مربوط الدرجه
وهو 48 ج وليس من اساسى المرتب
فتصبح العلاوات 14.4 ج لسنه 2008
و4.8 ج لسنه 2009 وهذا خطا لان

العلاوه تحسب من اساسى اخر مرتب قبضه المتعاقد قبل نزول قرار العلاوه
وهذا طبقا للماده الثانيه من القانون 128 لسنه 2009
والقوانين السابقه بشأن منح العلاوه الخاصه للعاملين وكذلك الماده الثانيه من قرارات وزير الماليه التى تنص باحتساب العلاوه الخاصه المقرره من الاجر الاساسى والمكافأت الشامله المستحقه للعامل فانه يتم حساب العلاوات الخاصه لهم على اساسى المرتب فى اخر شهر قبل العلاوه ..

يعنى العلاوه تتحسب من الاساسى مش من مربوط الدرجه وبما ان اساسى مرتب المتعاقدين فى الازهر فى سنه 2008 وسنه 2009 كان 148 ج فمن المفروض ان تكون علاوه غلاء معيشه 4 لسنه 2008 قدرها 44.40 ج وليس 14.40 ج
وعلاوه غلاء معيشه 5 لسنه 2009 من المفترض ان تكون 14.8 ج وليس 4.80 ج
وعلاوه 2010 من المفترض ان تنزل لكم فى الكارته هذا الشهر 15.3 لان اساسى العام الماضى 153 ج لكن سوف تصدموا عندما تجدون ان ايضا علاوه 2010 مكتوبه لديكم ايضا 4.80 ج
لذلك وجب على المتعاقدين بالازهر ان يتحدوا ويقدموا شكوى جماعيه لشيخ الازهر يكتب بها التفاصيل خصوصا الجزء اللى مكتوب بالاحمر عشان تاخذوا فرق المرتب ومرتبكم يزيد حوالي 50 جنيه
واحب اقول ليكم اكيد ناس منكم هتسأل طيب ليه مفيش غلط فى علاوه 2006 و2007
هقولكم ان الرئيس فى السنتين دول اصدر قرار
ان العلاوه 10 % بحد ادنى 30 ج لسنه 2006
وحد ادنى 35 ج لسنه 2007
وبناء عليه مظهرش الغلط لان العلاوه اقل من الحد الادنى فأدوكم الحد الادنى طبقا لقرار الرئيس لكن عشان 2008 / 2009 / 2010 مفيش حد ادنى للعلاوه ظهر الغلط واحب اقول لكم ان اللى مش مصدق يسأل فى مدريه التنظيم والاداره فى محافظته عن القوانين والقرارات الى مكتوبة بالاحمر وقلولهم اساسى مرتبكم كام وهمه هيقولوا ليكم نفس الكلام
ياريت تطالبوا بحقكم
وقارنوا ما بين مفرادات مرتبكم ومابين مفرادات مرتب متعاقدين التربيه والتعليم ..

منقول عن الاستاذ شريف من سوهاج ..
و شكرا جزيلا
وجزاك الله عنا كل خير ..

طيب ما نكتب صيغة معينة ومحددة بالتفاصيل دى علشان نبعتها لشيخ الازهر علشلن الكل يقدريبعتها

هذه صيغة الشكوى التى تقدم لشيخ الازهر بالفاكس


بسم الله الرحمن الرحيم

فضيلةالإمام الأكبر الدكتور/
أحمدالطيب شيخ الأزهر
السلام عليكم ورحمة الله وبركاتة
مقدمة لفضيلتكم كلا من
1- 4- 7-
2- 5- 8-
3- 6- 9-

المتعاقدين بمنطقة الأزهرية
نشكوا لفضيلتكم الآتى
نحن نعمل معلمين مساعدين بمدارس ومعاهد المنطقة وتم خصم حوالى62 جنية من من رواتبنا بدون وجة حق وعندما سألنا عن سبب الخصم فى جهات الاختصاص عرفنا ان سبب ذلك ان
علاوة غلاء المعيشة تتحسب من الاساسى وتم احتسابها لنا على مربوط الدرجة وبما ان اساسى مرتب المتعاقدين فى الازهر فى سنه 2008 وسنه 2009 كان 148 ج فمن المفروض ان تكون علاوه غلاء معيشه4 لسنه 2008 قدرها 44.40 ج وليس 14.40 ج لان العلاوة كانت 30 %
و علاوة غلاء معيشه 5 لسنه 2009 من المفترض ان تكون 14.8 ج وليس 4.80 ج لان العلاوة كانت 10 %
وفى هذا العام ايضا تكرر هذا الظلم علينا حيث أن
علاوة 2010 من المفترض ان تكون هذا الشهر 15.3 لأن أساسى العام الماضى 153 ج ولكنها اضيفت ايضا 4.80 ج
وبذلك اصبحت جملة الخصم حوالى 62 جنية

و طبقا للماده الثانيه من القانون 128 لسنه 2009
والقوانين السابقه بشأن منح العلاوه الخاصه للعاملين وكذلك الماده الثانيه من قرارات وزير الماليه التى تنص باحتساب العلاوه الخاصه المقرره من الاجر الاساسى والمكافأت الشامله المستحقه للعامل فانه يتم حساب العلاوات الخاصه لهم على اساسى المرتب فى اخر شهر قبل العلاوه ..
ونحيط لفضيلتكم علما بأن زملائنا بالتربية التعليم تحتسب لهم العلاوة على الأساسى وليس على مربوط الدرجة
ولذلك فان مرتب المتعاقد بالتربية والتعليم تعيين 2008 يزيد على نظيرة فى الازهر لنفس سنة التعيين حوالى 62 جنية
وإيمانا منا بعدل ونزاهة فضيلتكم وحرصكم على إعطاء جميع حقوق المتعاقدين من ابناءكم فى الازهر الشريف
واسوة بزملائنا فى التربية والتعليم
نرفع لفضيلتكم هذة الشكوى لرفع الظلم الذى وقع علينا

وفقكم الله وسدد خطاكم وجعلكم سببا لنصرة المظلومين وعوننا لهم
والسلام عليكم ورحمة الله وبركاتة

مقدمة لفضيلتكم

ربنا معاكم

ياجماعه هما بيحسبوا للناس المتعيين فى الازهر العلاوه على مربوط الدرجه ولا المتعاقدين فقط

ارجوا الرد وشكرا

والله الله مخنوق
تحس ان الموظفين في الازهر بيدونا المرتب من جيبهم
اشمعنا الازهر وفرق المرتب اللي هما خدوه راح فين

ياجماعة الموضوع ده محتاج فاكس لشيخ الازهر شخصيا في مكتبه , او تروح لقسم الاستحقاقات في المشيخة لعرضها علي المختصين
وجزاكم الله خيرا

الموضوع ياجماعة محتاج فاكس عاجل لفضيلة الامام الاكبر شيخ الازهر,او فاكس للاستحقاقت بمشيخة الازهر لان المناطق الازهرية لا تمد يد المساعدة لنا
المنوفية

والله كلامك حلو يا عم الحاج

عايزين نربط واحد من المسؤلين ع المربوط عشان يحسوا بينا

يلا ايديك معايا كدا وشوف حبل تخين أو سَلَبه ..!!

ويا ريت تجيب الواد صميده معاك وأنت جاي عشان نربطه خفير ع المسؤل لما نشوف الحل !!

وربنا يجعله عامر