سمبل سمايل^_^
06-08-2010, 10:29 PM
السلام عليكم
لو سمحتو كنت عايزا اعرف رايكم في طب بشري للبنات لان في كتير حذروني منه؟؟
وايه حكاية النبطشيات دي ونظام الدراسه عامل ازاي
وكم سنه؟؟ وايه فرص الشغل؟؟ وممكن تفتح عياده بعد كام سنه؟؟
وهوا صعب او ي زي ما بيقولو ...وبيعتمد على الحفظ ولا الفهم؟؟ اصلي مش اد كدا في الحفظ :frown:
ياريت حد يرد عليا وتقوليلي رايكم
** MR.SmilE **
06-08-2010, 11:54 PM
مبدأيا نايس نايم يا سمبل سمايل :d
طب بشري للبنات هو نفسه للصبيان .. بحلاوته و عيوبه
ثانيا احنا فين و النبطشيات فين .. الكلام ده بعد ما تخلصي حضرتك الست سنين دراسة
و تختاري كمان تخصص صعب .. اما غير كدة في تخصصا سهلة كتيييير ..اطفال و عيون و انف واذن كلها
خفيفة و حتي لو في نبطشيات مش بتبقي لفترة طويلة ( ملحوظة : التكليف احتمال كبير يكون اتلغي و بالتالي
مفيش ناس هييجي تكليفها في حلايب .. التدريب بيبقي تحت ايد مسشفيات حكومية و خاصة مش حكومية بس )
وكم سنه؟؟ وايه فرص الشغل؟؟ وممكن تفتح عياده بعد كام سنه؟؟
ست سنين دراسة و عليهم كذا سنة للتخصص.. بالنسبة للشغل والعيادة دي حاجة بتاعة ربنا اكتر
بس نقدر نقول ان الدكاترة لسة بيشتغلوا طول ما في عيانين
وهوا صعب او ي زي ما بيقولو ...وبيعتمد على الحفظ ولا الفهم؟؟
لأ.. عندنا 20 في المية من الدفعة جابوا امتياز في اولي
الحفظ موجود بس مش قهري زي ما الناس فاكرة.. لو الطالب مش فاهم حاجة هيحس ان المنهج كبير
و مش هيعرف يزاكر و يطلع يقول ان الطب صعب :d
سمبل سمايل^_^
07-08-2010, 03:48 PM
مرسي لردك ...يعني افهم من كدا ان الطب البشري مناسب للبنت سواء دراسه او وظيفه؟؟ ان ناس كتير بيقولو ان الطب البشري للولاد مش للبنات
طيب ونسبة الحفظ فيه كبيرة يعني اصلي بجد مش بحب الحفظ خالص ومش بعرف احفظ
واتمنى الاقي ردود تانيه
طالبة حالمة
20-08-2010, 03:19 AM
اكيد ينفع للبنات ده فى كتير دكاترة سيدات وناجحات جدا
انا مش فى كلية بس ان شاء الله ناوية ادخل طب بشرى
SeniorAhmed
22-08-2010, 03:30 PM
فعلا كلية طب للبنات و الاولاد واحد مفيش فرق
أما بالنسبة للحفظ فمن وجهة نظرى اللى يعرف يفهم يبقى الحفظ حاجة مش صعبة بالنسبة له
و أنا هقول لحضرتك دليل أنا زوجة خالى دكتورة بشرية(باطنة) خريجة طب المنصورة تقدير جيد جدا 6 سنين
يعنى العملية مش صعبة للحد اللى يرعب
و أتمنى التوفيق لحضرتك و للجميع
سمبل سمايل^_^
22-08-2010, 07:51 PM
مرسي لردودكم وانا كتبت في رغباتي طب بشري بس ان شاء الله يجيلي
lovelyheart
26-08-2010, 05:29 AM
اولا ياريت تطمنينا عملتي ايه
ثانيا انا بنت اهو و بقولك و الله كلية حلوة اوي بجد و المواد نفسها لذيذه
و بجد ان شاء الله تنبسطي فيها
سمبل سمايل^_^
28-08-2010, 12:37 PM
اولا ياريت تطمنينا عملتي ايه
ثانيا انا بنت اهو و بقولك و الله كلية حلوة اوي بجد و المواد نفسها لذيذه
و بجد ان شاء الله تنبسطي فيها
والله النتيجه لسا مظهرتش مش عارفه ناويه تظهر امتى ..بس انا كتبت في الرغبات اول حاجه طب وحطيت كل الكليات الي في الجمهريه وربنا يسهل
ومرسي لردك ريحني اوي
وانا بعتلك رساله على الخاص
the promise
07-09-2010, 12:01 PM
ميييييييييييييييرسى كتير انا كمان كنت عايزه اسال نفس اسئلتك دى بس ادعولى بس اجيب مجموع طب بشرى