<div align="center">بســـــــــم الله الرحــــــــــمن الرحـــــــــــــيم</div>


<div align="center">
أخبار الدموع أيه

موضوع خـــــطر على بـــالى قولت أشـــوفه عامل أيه معــــاكوا

دلــــوقتى الــناس أنـــواع فى دموعهم فى نــاس دمــوعها قـــريبه جدا أى حـــد بس يقــولهم أو يعـــملهم حاجة تضـــايقهم الدمـــوع تنزل على طول

وفى ناس تانية دمــوعها عزيزة وغاليـــة عليها جداااا بتكره ان أى حـــد يشــوف دمعه واحــده من دمــتوعهم حتى لو أقــرب أنسان ليه

ونـــاس فى حاله الوســـط بتبكى عادى بس مش قدام أى حـــد ناس مـــتوازنه

وأكيد دمـــوع البــــنات بتختلف عن دمـــــوع الشباب البنات ما شاء الله فى الحـــال بتبكى أما الشـــباب بطبيعتـــهم نادر لما يبكوا

وأنا عن نفسى عمرى ما شوفت شاب بيبكى غير فى صلاه ويكون فيها دعاء خصوصا فى رمضان الكل بيبكى والحمد لله طبعا

انى احنا بنبكى فى صلاتنا

موضوع بأختصار كل عضو يحب أنى يتكلم عن نفسه شوى يقولى نوعه أيه من الدمـــوع وأيه أخبــارها معاه

ويارب الفكرة تعجبكواا</div>

انا عن نفسى لو حسيت انى مظلوم فى اى حاجة ابكى لوحدى كده وحتى اصحابى بيزعلوا من علشان دمعتى قريبى اوى
وشكرا

الشكر لله

ميرسى يا mo0ody على ردك ومنورنا ومنورنى بردودك :D

ربنا يخليكى يا اميمة

اولا ميرسى عالموضوع اللذيذ ده وانا عن نفسى مع اصحابى دايما بحب اضحك واهزر ومش بزعل بسرعة بس لما بزعل زعلى وحش اوى يعنى ممكن افضل اعيط اسبوع ولا حاجة ومبقاش عاوزة اكلم حد وكمان بعيط لما بحس انى اتظلمت او انى خسرت شئ لسبب انا مليش ذنب فيه

<div class='quotetop'>إقتباس(nourhosni @ Jun 20 2007, 12:47 PM) 335610</div>
اولا ميرسى عالموضوع اللذيذ ده وانا عن نفسى مع اصحابى دايما بحب اضحك واهزر ومش بزعل بسرعة بس لما بزعل زعلى وحش اوى يعنى ممكن افضل اعيط اسبوع ولا حاجة ومبقاش عاوزة اكلم حد وكمان بعيط لما بحس انى اتظلمت او انى خسرت شئ لسبب انا مليش ذنب فيه
[/b]

nourhosni شكرا لردك
بس انتى بتعيطى قدام أصحابك على طول ولا بعدين بئه بتفجرى دموعك

لا لا انا مبحبش اظهر انى ضعيفة ونادرا لما بعيط قدام حد انا بحب اعيط لوحدى ولما بكون زعلانة مبحبش اتكلم مع اى حد

بس انتى بقى يا اميمة ايه اخبار الدموع معاكى ؟؟؟؟؟؟؟؟؟؟؟؟؟؟ :) :rolleyes: ;) ;)

nourhosni

فهمتك يا قمر

وشكرا جدا لأهتمامك وردك :)

هههههههههه جيتى على الجرح

انا للأسف الشديد وده عيب فيا وبكره أوى أنا أى حد بس يعملى حاجة بعيط على طول جاهزة أوى

أكيد أنتى عارفه المصالح الحكومية واللى بيحصل فيها أنا بئه لو موظف بس كلامنى بطريقه مش كويسة تلاقنى جاهزة بس مش

عياط عياط بدمع بس ولا أمشى من قدامه اخد رحتى بئه

ميرسى على الموضوع
انا الدموع دى عندى مشكله
كل حاجه اعيط وضعيفه جدا قدام اى موقف حتى لو كان بسيط جدا
ومش بقدر اتحكم فى دموعى ومعرفش ايه السبب
لو عندك حل قولى لى يا قمر

السلام عليكم ورحمة الله وبركاته
اولا شكرا يا اميمة على الموضوع
انا بقى دمعتى عزيزة عليا بس امبارح كانت قريبة قوى
فى موقف حصل امبارح
خلى دموعى تنزل بطريقة غبية مكنتش قادرة اسيطر عليها
وطبعا لما جدى مات برده مقدرتش اسكت
بس فى الاخر هقول مفيش حاجة تستاهل ان دموعى تنزل
الا فى صلاتى وانا بين ايدين ربنا وبس

اولا شكرا على الموضوع

ثانيا بالنسة لأى نوع انا بصراحة صعب انى ابكى اساسا مع انى اما كنت طفل كنت ممكن ابكى من اى حاجة
بس دلوقتى حتى اما بكون لوحدى ومخنوق جدا وبكون نفسى انزل دمعة واحدة حتى مش بقدر مش عارف ليه ور غم انى وانا صغير كنت جبان
وبخاف انام لوحدى دلوقتى بقيت مش بخاف مش عارف ليه لدرجة انى اما بزهق ساعة الفجر بشوف ابعد مسجد اصلى فيه رغم ان الشوارع
بتكون فاضية ومرة واحدافتكرنى عفريت وجرى منى رغم انى والله مكنش قصدى

وعلى فكرة دمعة الراجل اى راجل دمعته عزيزة جدا

انا عن نفسى بكرة الدموعةجدا لانها مبتغيرش الواقع ومبتحلش مشكلة
يعنى بختصار لو لقيت نفسى هعيط بمسك نفسى على طول وابد افكر فى حل جديد لمشكلتى
مش افيد بردو

هو استفسار بس يا اميمة :)
انت كاتبة مواضيع وبتقولي كل واحد يتكلم عن نفسو
وانت متكلمتيش عن نفسك ;)

استحاله اني اعيط لوحدي او قدام حد
ولو لازما ولا بد يبقى اروح اقعد اتأمل في البحر ومعيطش بردو ;)

<div class='quotetop'>إقتباس(zozo_2007 @ Jun 20 2007, 01:14 PM) 335644</div>
ميرسى على الموضوع
انا الدموع دى عندى مشكله
كل حاجه اعيط وضعيفه جدا قدام اى موقف حتى لو كان بسيط جدا
ومش بقدر اتحكم فى دموعى ومعرفش ايه السبب
لو عندك حل قولى لى يا قمر
[/b]
بشكرك جدا على ردك بس للأسف أنا مش شايفه أنى فى حل دى مشكله وصعب حلها :angry:

<div class='quotetop'>إقتباس(عزة كمال محمد @ Jun 20 2007, 01:16 PM) 335649</div>
السلام عليكم ورحمة الله وبركاته
اولا شكرا يا اميمة على الموضوع
انا بقى دمعتى عزيزة عليا بس امبارح كانت قريبة قوى
فى موقف حصل امبارح
خلى دموعى تنزل بطريقة غبية مكنتش قادرة اسيطر عليها
وطبعا لما جدى مات برده مقدرتش اسكت
بس فى الاخر هقول مفيش حاجة تستاهل ان دموعى تنزل
الا فى صلاتى وانا بين ايدين ربنا وبس
[/b]
بس ياعزة دى مشاعر فى ناس بتبكى فى الحزن وناس بردوا بتبكى فى الفرح البكاء مش ضعف بس مختلف بين ناس وناس
وشكراا جدا لمرورك وردك

<div class='quotetop'>إقتباس(احمدهاكر @ Jun 20 2007, 02:22 PM) 335701</div>
اولا شكرا على الموضوع

ثانيا بالنسة لأى نوع انا بصراحة صعب انى ابكى اساسا مع انى اما كنت طفل كنت ممكن ابكى من اى حاجة
بس دلوقتى حتى اما بكون لوحدى ومخنوق جدا وبكون نفسى انزل دمعة واحدة حتى مش بقدر مش عارف ليه ور غم انى وانا صغير كنت جبان
وبخاف انام لوحدى دلوقتى بقيت مش بخاف مش عارف ليه لدرجة انى اما بزهق ساعة الفجر بشوف ابعد مسجد اصلى فيه رغم ان الشوارع
بتكون فاضية ومرة واحدافتكرنى عفريت وجرى منى رغم انى والله مكنش قصدى

وعلى فكرة دمعة الراجل اى راجل دمعته عزيزة جدا
[/b]
سؤال يا أحمد وأكيد لو حضرتك مش عايز ترد عليه مفيش اى مشاكل
أنت بتقتنع مثلا لو راجل نزل دموعه نشبه بالنساء ؟


<div class='quotetop'>إقتباس(gamal saber @ Jun 20 2007, 04:25 PM) 335798</div>
انا عن نفسى بكرة الدموعةجدا لانها مبتغيرش الواقع ومبتحلش مشكلة
يعنى بختصار لو لقيت نفسى هعيط بمسك نفسى على طول وابد افكر فى حل جديد لمشكلتى
مش افيد بردو
[/b]

أكييييييييييييد طبعا أفيد
بس بردوا مش كل بيبكى من المشاكل اللى عنده فى ناس بتبكى من الفرح ومن الخوف ومن خشيه الله وناس بتبكى من مرض مثلا والالمه
<div class='quotetop'>إقتباس(مغترب وبس @ Jun 20 2007, 05:03 PM) 335830</div>
هو استفسار بس يا اميمة :)
انت كاتبة مواضيع وبتقولي كل واحد يتكلم عن نفسو
وانت متكلمتيش عن نفسك ;)

استحاله اني اعيط لوحدي او قدام حد
ولو لازما ولا بد يبقى اروح اقعد اتأمل في البحر ومعيطش بردو ;)
[/b]
نفس السؤال يامغترب
أنت بتقتنع مثلا لو راجل نزل دموعه نشبه بالنساء ؟

والله أنا لما حد بيطلب أنى أتكلم عن نفسى أكيد هتكلم بس منى لنفسى كده أتكلم عن نفسى بسترخمها بصراحه
وانا كلمت عن دموعى فى الموضوع ده أطلع فوق شوى كده وهتلاقية

انا زى انغام مقالت فى اغنيتها مبتقول بالظبط
مبحبش حد يشوف دموعى

((((((((سؤال يا أحمد وأكيد لو حضرتك مش عايز ترد عليه مفيش اى مشاكل
أنت بتقتنع مثلا لو راجل نزل دموعه نشبه بالنساء ؟)))))))) :huh:


واضح ان رأيى مش واضح :(


انا رأيى ان [/u]اغلب الرجال دمعتهم عزيز صعب عليهم العياط ومش معنى كده ان اللى يبكى يبقى مش راجل

بس الراجل اللى بيعيط كتير بيكون اضعف شوية بس فى ناس متوازنين و دول اللى ممكن يبكوا بس مش دايما

وعلى فكرة حكاية انى صعب ابكى مش بيكون ميزة بالنسبة لى لأنه بيخلينى اطلع غضبى وتعب اعصابى على جسمى
لأنى بعدها بيجيلى حالة غريبة من(الافترى)على نفسى يعنى مرة كنت مخنوق فى الجيم شيلت وزن قد وزنى مرة ونص و وقع عليا
يعنى كان هيحصلى مصيبة و لولا اصحابى كنت ممكن اتكسر

<div class='quotetop'>إقتباس(حدوتة مصرية @ Jun 21 2007, 12:12 AM) 336350</div>
انا زى انغام مقالت فى اغنيتها مبتقول بالظبط
مبحبش حد يشوف دموعى
[/b]
ميرسى يا حدوتة على ردك :)

<div class='quotetop'>إقتباس(احمدهاكر @ Jun 21 2007, 07:44 AM) 336512</div>
((((((((سؤال يا أحمد وأكيد لو حضرتك مش عايز ترد عليه مفيش اى مشاكل
أنت بتقتنع مثلا لو راجل نزل دموعه نشبه بالنساء ؟)))))))) :huh:


واضح ان رأيى مش واضح :(


انا رأيى ان [/u]اغلب الرجال دمعتهم عزيز صعب عليهم العياط ومش معنى كده ان اللى يبكى يبقى مش راجل

بس الراجل اللى بيعيط كتير بيكون اضعف شوية بس فى ناس متوازنين و دول اللى ممكن يبكوا بس مش دايما

وعلى فكرة حكاية انى صعب ابكى مش بيكون ميزة بالنسبة لى لأنه بيخلينى اطلع غضبى وتعب اعصابى على جسمى
لأنى بعدها بيجيلى حالة غريبة من(الافترى)على نفسى يعنى مرة كنت مخنوق فى الجيم شيلت وزن قد وزنى مرة ونص و وقع عليا
يعنى كان هيحصلى مصيبة و لولا اصحابى كنت ممكن اتكسر
[/b]
يمكن أكون مش فهمتك فى الأول بس سؤالى كان لغرض معين وأكيد فهمت أكتر بعد ردك عليه
وشكرا جدا لردك وأهتمامك :)

لا انا بصراحة مش عارفة هو انا ايه بالظبط :huh: ؟؟
بس انا مش باعيط كتير يعنى
و مش باحب نظام العياط ع الفاضي كده
يعنى مثلا عيطت يوم النتيجة <_< ف تانية ثانوى لانى مكنتش متوقعاها على اساس انى فاشلة و جابت مجموع ف ساعتها جتلي حالة زهووووووول :huh:
كمان عيطت يوم وفاة جدى و عمى ربنا يرحمهم
و طبعا و كل سنة 3او4 مرات باعيط لما بابا يسافر :( :( ولما حد يحاول يهدينى اعيط اكتر :(
و انتى دلوقتى فكرتينى ف هاعيط تانى
و كفاية كده ماتقلبيش المواجع تانى الله يخليكى

شكرا يا اميمة على موضوعك :)

انا حساسة جدا لذلك دموعى قريبة جدا جدا

إزيك يا أميمه
عاجبنى أوى التوبيك
بصى يا ستى أنا دموع عينى قريبه أوى
بس أنا مش بحبها تبان قدام الناس اللى بحبهم
عشان عارفه أد إيه بتوجعهم
وبحاول دايما كده
بس أوقات مش بقدر

انا بقى زي الشاعر اللي قال في (اذا الليل اضواني بسط يد الهوى &&& واذللت دمعا من خلائقه الكبر ) ....
وانا صغير بكيت كتير واول ما بادات افهم واعرف الصح من الغلط مبكتش حتى في احزن الايام لكن في حبيبة بكتني ايام وليالي وانا دموعي غالية عليا اكتر من الاكل والشرب بس هعمل ايه قلبي اللي بكاني كدا ومقدرش ادوس عليه بس هي متعرفش بكدا .

انا لما بكون زهقهانه او متخنق مع صحابى الانتيم واخويه حوده حجات غريبة صح

انا حساااااسه جدا بس مش بحب اعيط قدام حد إلا لو خلاص مش قادره امسك نفسي غصب عنى بعيط جامد وخصوصا لو حد قريب منى اوى زعلنى او لو اتظلمت