لو عايز تشرب عصـــير ( أحوال الدنيا ) .. أدخل هنا !! (( عدد من فنانين المنتدى )) !! [الأرشيف]

مشاهدة النسخة كاملة : لو عايز تشرب عصـــير ( أحوال الدنيا ) .. أدخل هنا !! (( عدد من فنانين المنتدى )) !!

ياسمينايا

15-08-2010, 10:37 PM

السلام عليكم ورحمه الله وبركاته

رمضان كريم

وكل سنه وانتو طيبين ..

خطرتلى فكره من دقيقه واحده بالظبط ..فقولت اكتبها في المنتدى ..

اصل الفكره جاتلى وانا قاعده على الكمبيوتر لانى كنت بفكر ارسم حاجه جديده مختلفه وفيها شويه خييال ..
يعنى عايزين نبعد شويه عن الحاجات الواقعيه زى رسم الشخصيات او المناظر الطبيعيه ..هى كلها طبعا حاجات جميله ..بس مفيش حاجه لو نغير شويه ..

الفكره بقى ..

كل واحد يتخيل حاجه معينه ..ويكتبو في الموضوع ده ..((حاجه خياليه يعنى ..))

المهم انا هبدأ عشان الموضع يوصلكو بصوره افضل..وتفهموه اكتر ..

اول موضوع فكرت فيه وتخيلتو ..

هو..اننا هنرسم ابريق شاى او قله ..وطبعا الفيهم لازم ينزل فى كوبايه (((معلش ياجماعه استحملونى للاخر ,,:romarioxp6:)) اللي هينزل في الكوبايه بقى اكيد مش شاى او ماء لا اللى هينزل احوال الدنيا ..بكل حالاتها ..الفقير والغنى الجعان والشبعان المتريش والشايف نفسه والمش شايف حاجه في حياته غير الهم ..ازاى بقى ..ممكن نرسم واحد راكب عربيه ..اخر موديل ..ووطفل صغير هدومه مقطعه ومش لاقى ياكل وهكذا مع باقى الحالات .والعندو افكار اكتر عن احوال الدنيا ويقدر ويعرف يرسمها ..يبقى تمام جدا ..كل الحاجات دى هنرسمها على انها نازله من الابريق او القله ..في الكوبايه طبعا ..((قصدى ان الكوبايه دى هى الدنيا والنازل فيها احوال الدنيا ((ماهو خيال بقى ..))..وطبعا الخلفيه هتبقى من خيال وتفكير كل رسام ..))..

القصد ..
ان الاتحمس للفكره يحط اسمه ..وبعد ما الاعضاء الحابين الفكره يحطو اسماءهم هنحدد كلنا مده معينه للرسم ..زى اسبوع مثلا ..وبعدين الكل ينزل الرسمه في الموضوع ويتم اختيار احسن رسمه ..
واحلى حاجه ان بالرغم من ان الفكره هى واحده ..الا ان هيبقى في ابداع بلا حدوووود وانا واثقه من كده لانى شفت رسومات اكثر من عضو وكلها بسم الله ما شاء جميله جدا ..وده وبدون مجااااامله..

بعد الفكره دى ان شاء الله ماتنجح ..:039uw8:ممكن اى عضو بعد كده يتخيل وبعدين نرسم خياله كلنا ..:028ja7:
يارب تكونو فهمتو قصدى والموضوووووع يعجبكو ..:022yb4:
ولو فى اى اضافات او استفسارات انا في الخدمه ..:078111rg3:

ياسمينايا

16-08-2010, 01:02 AM

شكل الموضوع معجبش حد..
عل العموم شكرا على ردودكو الكتيره..

النجمه الطموحه

16-08-2010, 01:35 AM

الفكره حلوه بس وممكن برده نربط الموضوع ده برمضان يعني مثلا واحد بيعاكس واحده في الشارع وهو صايم ايه فكرهوحشه ولا ايه

ياسمينايا

16-08-2010, 01:58 AM

الفكره حلوه بس وممكن برده نربط الموضوع ده برمضان يعني مثلا واحد بيعاكس واحده في الشارع وهو صايم ايه فكرهوحشه ولا ايه

اكيد طبعا ممكننربطها برمضان ده حاجه جميله وايجابيه جدا ..:)
ياجماعه عايزة تفااعل اكتر ..

Mohamed.Helmy

16-08-2010, 05:10 PM

ياسمينايا

16-08-2010, 05:40 PM

لا بجد فكرة جميلة ........................ وانا معاكم ........

تم تثبيت الموضوع ضمانا لفاعلية الموضوع و جذب أكبر عدد من مبدعين المنتدى فى المسابقة الجميلة دى ...

بس معلش يا ياسمينا هاغير أسم الموضوع علشان الكل يعرفه من بره ........

شكراااااااااااااا يا مبدعة .... بارك الله فيكى

متشكره جدا يامحمد ..:)

وشكرا جدا على التثبيت والعنوان معبر واكثر من رائع ...

بعد ان شاء الله ما نحدد اسماء الاعضاء المشتركين في المسابقة ..نحدد الموعد والمده لمحدده للرسم ..

والف شكر مره تانيه ..ورمضان كريم ..

booosy cat

16-08-2010, 08:56 PM

الفكره جميله ياياسمينا وجديده بردو
شكرا ياقمر

ياسمينايا

16-08-2010, 09:12 PM

خلاص يابوسي اعتبرك من الاعضاء الهينضمو معانا ؟؟
نورتينى يااقمر ..

النجمه الطموحه

16-08-2010, 09:25 PM

طيب فين الشغل عشان نتفرج ونحكم ونقول مين احسن رسمه وربنا معاكوا وبالتوفيق

ياسمينايا

16-08-2010, 09:28 PM

قبل الشغل ياويل ..
مفروض ان احنا هنحدد اسماء الاعضاء ..المفروض يوصلو لخمسة ان شاء الله ..
وانا معتبره انك مشتركه انتى وبوسي ومحمد حلمى يبقى كده فاضل 2 بعد تحديد اسماء جميع الاعضاء ..هنحدد المده ولتكن 3 ايام مثلا بعد كده كل الاعضاء المشتركه تعرض اعمالها ويتم اختيار افضل عمل ..
ها معانا ان شاء الله ؟؟؟

booosy cat

16-08-2010, 09:41 PM

ان شاء الله ياقمر بس انا رسمى مش حلو اوى

النجمه الطموحه

16-08-2010, 09:58 PM

ياسمينايا

16-08-2010, 09:58 PM

انا واثقه انو هيبقى جميل ان شاء الله ..

نورتى المسابقه ..

ياسمينايا

16-08-2010, 10:03 PM

ان شاء الله معاكو بس انا رسمي عادي جدا واكيد هطلع المركز المتين
وكمان مش عارفه ارسم علي ايه لو حد يعرف يساعدني عشان
دي هتبقي اول مره بالنسبه لي ارسم واوري رسمي لحد وكمان
انا اول مره اشترك في منتدي اصلا واعلق اواكتب موضوع واحد حتي
تقدري تقولي لسه مبتدئه وعايزه حد يساعدني بجد

كفايه ان انتى بتعرفى ترسمى ..واعتبري دى مجرد بدايه ..وصدقينى كلنا بنتعلم اكتر كل ما نرسم اكتر ..

وانا واثقه انك عند الموهبه وتقدري تنميها ..

بصي ارسمى على اي نوع ورق عندك ..وباى نوع الواان ..

واى استفسار انا معاكى ان شاء الله ..
ويشرفنا انك تكونى عضوه معانا في المنتدى الجميل ده..:d:d

النجمه الطموحه

16-08-2010, 10:12 PM

مش عارفه اقولك ايه بس ميرسي اوي علي مساعدتك وسامحيني هترخم عليكي كتييييييييير بعد كده

ياسمينايا

16-08-2010, 10:15 PM

مش عارفه اقولك ايه بس ميرسي اوي علي مساعدتك وسامحيني هترخم عليكي كتييييييييير بعد كده

ولا يهمك ,,:d
وان شاء الله عدد المتسابقين يكمل عشان نحدد موعد المسابقه ..:redface:

booosy cat

16-08-2010, 10:17 PM

ان شاء الله ياقمر اكون معاكو وميرسى ياقمر على ردك الجميل
مع انى لسه جديده فى القسم ده بس بجد عجبنى جداا
وبالتوفيق للجميع

ياسمينايا

16-08-2010, 10:19 PM

ان شاء الله ياقمر اكون معاكو وميرسى ياقمر على ردك الجميل
مع انى لسه جديده فى القسم ده بس بجد عجبنى جداا
وبالتوفيق للجميع

نورتيه ياقمر ..
مستنيه رسمتك جدا ..
ان شاء الله هحدد الموعد قريب ..:d

THE CodeR

16-08-2010, 10:21 PM

طيب انا رسمي حلو
ممكن انضم معاكو؟

ياسمينايا

16-08-2010, 10:25 PM

طيب انا رسمي حلو
ممكن انضم معاكو؟

طبعا ..حضرتك تنورنا ..

انا مبسوطه جدا بتفاعلكو ياجمااااعه ..:)

ياسمينايا

16-08-2010, 10:29 PM

فاضل متسابق وواحد ..

بعد كده يتم تحديد ..الموعد الذى يتناسب مع الجميع ..

وشكرا لكم ..

Jehad Mohamed

16-08-2010, 11:11 PM

النجمه الطموحه

16-08-2010, 11:17 PM

بسم الله ماشاء الله ده انا معايا اربع فنانين شاربين الرسم طب انا هعمل معاكو ايه ده انا مليش لازمه انا ضامنه من دلوقتي اني الفاشله الاولي في المسااااابقه

damwsthel

16-08-2010, 11:26 PM

ينفع اخش معاكوا ولا العدد كمل

ياسمينايا

16-08-2010, 11:31 PM

انا مووووووجوووودة ايه ده انتو مستنينى انا قولت ادخل اخر واحدة علشان اكون زى الابطال اللى بينقذوا العالم

وانا هادخل انقذ الموضوع اوكى انا معاكوا

ووفكرة جميله جدا

بس استحملينا بقى علشان الدروس وكده

فصعب اننا ندخل كل يوم

بس هحاول اعمل حاجة جديدة وهحطها فى اقرب وقت ممكن

شكرا جزيلا لكى :blush:

ياااااااااه ياتووته انا كنت مستنيااكى عشان تنقذي العالم ..قصدى الموضوع :d
خلاص ماشي ياقمر اهم حاجه تبقى مخلصه الرسمه قبل الموعد المحدد الانا هاحددو كمان شويه صغيرين ان شاء الله ..ومنورانا ياقمر ..وربنا يوفقك في الثانوية ..:d

ياسمينايا

16-08-2010, 11:33 PM

بسم الله ماشاء الله ده انا معايا اربع فنانين شاربين الرسم طب انا هعمل معاكو ايه ده انا مليش لازمه انا ضامنه من دلوقتي اني الفاشله الاولي في المسااااابقه

بصى ياويل .اول شرط في المسابقه دى هو التفاؤل ..وانا مصممه بقى انك تشتركى في المسابقه ..
مش مهم مين يفوز مش هو ده الهدف على فكره ..انا هدفى ان احنا نتعلم من بعض ..
وبعدين الشرط التانى ..ان البيدخل المسابقه ..مش مسموح له انو يخرج منها ..:dها عندك رد تانى ..ولا :stickjo4:

ياسمينايا

16-08-2010, 11:34 PM

ينفع اخش معاكوا ولا العدد كمل

ينفع طبعا ..دندى تنورينا ..
الحد المسموح بيه هو 15 ..
ورمضاااان كريييييم ..
وان شاء الله يكون الرسم كلو حلو ..:d

ياسمينايا

16-08-2010, 11:46 PM

وبما ان العدد كمل وبقى 6 بسم الله ما شاء الله .. واللى هما ..

ويل ويل7 (http://www.thanwya.com/vb/member.php?u=424051)

Mohamed Helme (http://www.thanwya.com/vb/member.php?u=339638)

booosy cat

THE Coder (http://www.thanwya.com/vb/member.php?u=430079)
توووتة (http://www.thanwya.com/vb/member.php?u=236231)

damwsthel (http://www.thanwya.com/vb/member.php?u=112555)

فتم تحديد موعد المسابقه ..
بدءا من الغد ...17 اغسطس ..
وحتى 22 اغسطس ..

وهو اخر موعد لعرض اعمال المتسابقين ..

يعنى قدامكو ان شاء الله 5 ايام بالتمام والكمال ..:028ja7:

واى استفسار انا معااكو ..يلا بقى عايزة اشووف الابداعات والحماس والتنافس :049gc0:..وياريت كل واحد من دلوقتى يكلمنا عن نوع الورق الهيرسم عليه وكمان الالوان ..كنوع من الدردشه في اساسيات الموضوع ...

وشكرا جدا على تفاعلكو العظيم ..وياريت يتم متابعه الموضوع من قبل المتسابقين ..عشان لو في اي اخبار جديده ..:022yb4:

ولو في اي اضافات اتفضلو قولوها ..:d

Jehad Mohamed

17-08-2010, 12:04 AM

ياااااااااه ياتووته انا كنت مستنيااكى عشان تنقذي العالم ..قصدى الموضوع :d
خلاص ماشي ياقمر اهم حاجه تبقى مخلصه الرسمه قبل الموعد المحدد الانا هاحددو كمان شويه صغيرين ان شاء الله ..ومنورانا ياقمر ..وربنا يوفقك في الثانوية ..:d
هههههههههههههههههههههههههه
ماشى يا ستى ادينى جيت علشان انقذ الموضوه

باذن الله هحاول يارب يوفقنا كلنا

Mohamed.Helmy

17-08-2010, 05:23 AM

أولا ............ شكرا جزيلا على التفاعل الجميل ده ...

ثانيا : أنا هرسم فوتوشوب (( لان معنديش ورق رسم ولا ألوان )) أنا عارف ان الفوتوشوب هياخد وقت شوية ...بس اللى قدامى والله ... وان شاء الله هتعجبكم ...................

وممكن أضيف ملحوظة يا ياسمينا ....

يسمج لاى عضو مشترك الاضافة فى الرسم و الالوان والخيال ...(( يعنى انت مش مقيد بتفاصيل معينة ..))

THE CodeR

17-08-2010, 09:58 AM

هو الرسم هايكون خيالي؟
يعني هانرسم رسم من دماغنا زي الرسم ال******ي كده ولا ايه؟
ولا قاصدين رسم طبيعي بس يكون في حاجة خيالية علشان يعبر عن حاجة؟
فهموني بالظبط هانرسم ايه

ياسمينايا

17-08-2010, 05:11 PM

أولا ............ شكرا جزيلا على التفاعل الجميل ده ...

اكيد يامحمد انت ليك دور كبيير في التفاعل الجميل ده ..

ثانيا : أنا هرسم فوتوشوب (( لان معنديش ورق رسم ولا ألوان )) أنا عارف ان الفوتوشوب هياخد وقت شوية ...بس اللى قدامى والله ... وان شاء الله هتعجبكم ...................

مش مشكله ..من حق كل واحد يرسم بالادوات المتوفره له ..خصوصا ان الرسم خيالى ..

وممكن أضيف ملحوظة يا ياسمينا ....

يسمج لاى عضو مشترك الاضافة فى الرسم و الالوان والخيال ...(( يعنى انت مش مقيد بتفاصيل معينة ..))
بالظبط ..وده الانا كنت عايزاه ..شكرا جدا يامحمد ..

ياسمينايا

17-08-2010, 05:12 PM

هو الرسم هايكون خيالي؟
يعني هانرسم رسم من دماغنا زي الرسم ال******ي كده ولا ايه؟
ولا قاصدين رسم طبيعي بس يكون في حاجة خيالية علشان يعبر عن حاجة؟
فهموني بالظبط هانرسم ايه

الخيال هو اساس الموضووع ..
اطلقو لنفسكو العنان في الخيال ..وطبعا في العناصر الانا قولتهافي الموضووع ..

متنسوش المده المحدده ..5 ايام ..
وربنا معاكم ..

ياسمينايا

17-08-2010, 07:49 PM

ها ياجماعه ايه الاخبااار حد بدأ؟؟؟؟؟

booosy cat

17-08-2010, 09:00 PM

لا انا ان شاء الله هبدا بكره
وبالتوفيق للجميع

Mohamed.Helmy

18-08-2010, 03:47 AM

ان شاء الله هبدأ بكرة .....................

النجمه الطموحه

18-08-2010, 11:23 PM

ازيكو يا جماعه عملين ايه كويسين معلش النت كان فاصل وكان عندي دروس
انا هرسم علي الورق بس اما اخلص ان شاءالله انزلها عل النت ازاي ساعدوني من فضلكم

ياسمينايا

18-08-2010, 11:52 PM

ازيكو يا جماعه عملين ايه كويسين معلش النت كان فاصل وكان عندي دروس
انا هرسم علي الورق بس اما اخلص ان شاءالله انزلها عل النت ازاي ساعدوني من فضلكم

بصي مفروض يبقى عن طريق الموبايل
يعنى تصورى الرسمه بالموبايل وبعدين تنزليها ع الكمبيوتر ..
وبعدين تحمليها على موقع تحميل صور ..وتزليها في المنتدى ..
لو عايزة توضيح اكتر قولى ..:d
بس المهم الرسمه تبقى جاهزة على ..يوم 22 تمام ؟؟

النجمه الطموحه

19-08-2010, 12:27 AM

شكرا يا ياسمينايا ياجميله وطبعا الرسمه هتبقي جاهزه علي بكره بالكتير ان شاء الله :078111rg3:

ياسمينايا

19-08-2010, 12:44 AM

شكرا يا ياسمينايا ياجميله وطبعا الرسمه هتبقي جاهزه علي بكره بالكتير ان شاء الله :078111rg3:

ان شاء الله ..
وربنا يوفقك وتطلع رسمه جمييلة ..:028ja7::redface:

النجمه الطموحه

19-08-2010, 12:53 AM

ميرسي يا قمر انتي ليه مش مشتركه معانا في المسابقه

ياسمينايا

19-08-2010, 03:10 PM

ميرسي يا قمر انتي ليه مش مشتركه معانا في المسابقه

حاسه انو مش هينفع ..عشان انا المقترحه الفكره ..
ممكن اعرضها بس مش هتدخل ضمن المسابقه ..:)

النجمه الطموحه

19-08-2010, 11:52 PM

ينفع اعمل رسمتين واعرضهم ولا مينفعش الا واحده بس

Jehad Mohamed

20-08-2010, 12:01 AM

ينفع طبعــــــــــــــا

ياسمينايا

20-08-2010, 01:28 AM

ينفع اعمل رسمتين واعرضهم ولا مينفعش الا واحده بس

حاولى تختاري واحده بس على اساس ان دى مسابقه ..واكيد طبعا هتختاري الاحلى ..
اما التانيه فممكن تعرضيها في المنتدى في القسم عادى بس مش ضمن المساابقه ..
وربنا يوفقك ان شاء الله..:d

ياسمينايا

21-08-2010, 06:37 PM

باذن الله ياجماعه ..هيتم عرض الاعمال بكره الساعة 9 مساءا ..
ارجو من الجميع الالتزام بالحضور في الموعد المقرر ..
مكان الحضور : في موضوع جديد هنزله بكره ان شاء الله ..
وهذكر اسماء المتسابقين مره تانيه :
ويل ويل7 (http://www.thanwya.com/vb/member.php?u=424051)

Mohamed Helme (http://www.thanwya.com/vb/member.php?u=339638)

booosy cat

THE Coder (http://www.thanwya.com/vb/member.php?u=430079)
توووتة (http://www.thanwya.com/vb/member.php?u=236231)

damwsthel (http://www.thanwya.com/vb/member.php?u=112555)

وبالتوفيق للجميع ..

النجمه الطموحه

22-08-2010, 01:54 PM

ازيك يا ياسمينايا عامله ايه الجمدلله خلصت الرسمه بس مش طالعه واضحه عل الموبايل وخايفه النت يفصل في الميعاد
اعمل ايه؟

ياسمينايا

22-08-2010, 02:40 PM

ازيك يا ياسمينايا عامله ايه الجمدلله خلصت الرسمه بس مش طالعه واضحه عل الموبايل وخايفه النت يفصل في الميعاد
اعمل ايه؟

انا الحمد لله ..تمام ..
بصى حاولى تصوريها بالموبايل كذا واحده وبعدين اختاري الاوضح ..
بالنسبة ان النت ممكن يفصل ..فكده اول ماتدخلى تانى ابعتيلي الرسمه في رساله خاصه ..حتى لو كان قبل الموعد المحدد وانا في الموعد المحدد ان شاء الله هنزلها في الموضوع ..
وربنا يوفقك ان شاء الله ..

النجمه الطموحه

22-08-2010, 03:25 PM

اوك يا ياسمينايا ان شاء الله هعمل كده بس انا عندي درس دلوقتي فاما هرجع هنزلها عل الكمبيوتر وهعبتهالك

ياسمينايا

22-08-2010, 05:37 PM

اوك يا ياسمينايا ان شاء الله هعمل كده بس انا عندي درس دلوقتي فاما هرجع هنزلها عل الكمبيوتر وهعبتهالك

خلاص ماشي ..
وربنا يوفقك ..

THE CodeR

22-08-2010, 07:19 PM

انا اسف يا جماعة
انا مضطر انسحب من المسابقة لان الوقت كان ضيق و كنت مشغول جداً بالدروس والمذاكرةو معرفتش ارسم حاجة خالص
لو ينفع اني اقدم رسمتي بعد يوم او يومين يبقي احاول بإذن الله اني اعملها
لكنالنهاردة صعب
و بعتذر مرة تانية

Mohamed.Helmy

22-08-2010, 07:56 PM

وأنا كمان كنت مشغول جدا فى دروس و خروج وكده و بدأت فى الرسمة بس لسه ماخلصتش ...

فأن شاء الله هنمد المسابقة الى يوم الاربعاء 25 / 8/ 2010

....

شكرا لتواصلكم

النجمه الطموحه

22-08-2010, 08:24 PM

وانا موافقه برده علي التاجيل انا خلصتها بس الكمبيوتر منهج وكل مافتحه يقفل لوحده ومش عارفه ابعتهاومش واضحهعل الموبايل يمكن ارسمها تاني عل البنت معلش يا ياسمينايا احسن حل لينا التاجيل متزعليش وكمان هنكون صلحنا الكمبيوتر

booosy cat

22-08-2010, 09:56 PM

معلش يا جماعه انا بردو ملحقتش ارسم حاجه لانى كان عندى امتحانات وكده وملحقتش ارسم ممكن لو هتتاجل احاول ارسم قبل الموعد التانى ان شاء الله

apkreno tafaneno

22-08-2010, 11:46 PM

damwsthel
هااي يا جماعه انا بجد اسفه اني منزلتش الرسمه عشان النت قاطع عندي من الصبح وانا بردوا موافقه علي التاجيل

ده الكلام اللي خلتني نهي ابعته ليكوا

ياسمينايا

23-08-2010, 02:19 PM

خلاص ياجماعه تم التاجيل ..
بس أرجو الالتزام بالمواعيد المره القادمه ..

ياسمينايا

25-08-2010, 03:48 PM

النهارده موعد عرض الاعمال ..
الساعه هتكوون العاشره مساءا ..
ارجو الالتزام بالمواعيد ..لانى بجد كان ورايا حاجات اعملها واجلتها عشان خاطر المسابقه فارجو التقدير ..

the golden flower

25-08-2010, 04:13 PM

وانا مستنية معاكى اهو
عشان اتفرج ع الابداعات والمواهب
والله بجد نفسى اشوف رسومات مبتكرة
يالا ادينا مستنيين
اتحفووووووونا
اه صحيح
نسيت اشكرك ياياسمينا على التوبيك الحلو ده

ياسمينايا

25-08-2010, 04:20 PM

وانا مستنية معاكى اهو
عشان اتفرج ع الابداعات والمواهب
والله بجد نفسى اشوف رسومات مبتكرة
يالا ادينا مستنيين
اتحفووووووونا
اه صحيح
نسيت اشكرك ياياسمينا على التوبيك الحلو ده

تنورينى طبعا ياجميل ..
..العفو على ايه ..ده بس من ذوقك ..:d

THE CodeR

25-08-2010, 07:32 PM

يا جماعة انا مش هاينفع
انا خارج دلوقت و هارجع الصبح
هاعرضها بكرة بإذن الله الصبح لاني مش هاكون موجود الفترة دي
اعذروني لكن ظروف خاصة

Jehad Mohamed

25-08-2010, 08:33 PM

انا منسحبه انا كمان انا اعتزلت خلاص لانه بجد مبقاش ينفع اعذرونى مش هقدر ارسم حاجة تانى سلام عليكم

the golden flower

26-08-2010, 05:54 PM

ليه كده بس ياتوتة
كل ده عشان انا كنت عاوزة اتفرج
ياخسارة يلا مش مشكلة
هستنى الباقى بردو
انا على فكرة بكره حاجة اسمها رسم
الرسم نقصنى 3درجات ف تالتة اعدادى
عقدة حياتى
بس بحب اتفرج على اى رسمة
من باب الفضول مش اكتر:p:p

شذى العطر

06-09-2010, 05:23 PM

كنت عايزة أشترك بس خايفة الظروف تخليني مقدرش أقعد \
ممكن لو عملتيها بس مش شرط متسابقين مخصصين يعني إلي عايز يحط أصل إحنا منعرفش المستقل عشان ميحصلش زي إلي حصل

الطالبه مها

19-10-2010, 10:39 AM

واو على فكره الصوره حلوه اوى

محبة الرسم

07-12-2010, 06:12 PM

طيب الرسومات فين ؟

Mohamed.Helmy

08-12-2010, 08:40 PM

طيب الرسومات فين ؟

الرسومات فى الموضوع ده

الآن ... رسومـــــات مسابقة (( عصير أحوال الدنيـــا )) ... ضع رسمتك هنا !!! (http://www.thanwya.com/vb/showthread.php?t=242897)

Asmaa Kamel

19-12-2010, 10:49 AM

الرسومات جميلة جدااااااا
و ان شاء الله لو فى اى مسابقات تانى انا معاكم .........

تسانيم

27-05-2011, 05:46 PM

الفكرة جميلة جدا واعتبريني من اول الموافقين عليها

princess blade

30-07-2011, 06:35 PM

بسم الله ما شاء الله

هدفى كبير

14-01-2012, 09:00 PM

good idea very nice