السلام عليكم

انا طالب فى المرحله التانيه من الثانويه العامه .. انا طالب علمى رياضه .. كنت عايز اعرف هل تجاره انجلش بتاخد من ادبى ولا لأ .. لان انا اهملت شويه :confused: ... و جبت 82 % .. عايز اعرف انا محتاج كام فى الميه علمى و كام فى الميه ادبى .. عشان اقدر اقبل فى تجاره انجلش!!

تجارة انجليش بتقبل من أدبى او علمى أو ان شالله كان حتى علمى متأدب

حكاية المجموع دا بيتوقف على حاجتين

1- اسم الجامعة اللي انتا ناوى تقدم فيها

2- انتا علمى ولا أدبى

بما انك جيبت 82% .. يبقى نصيحة منى ليك .. خليك أدبى احسن عشان تعرف تعوض

عموما عشان تبقى في المضمون انتا محتاجلك تجيب فى التوتال كدا من 90 لـ 92%

دا عشان تبقى ضااااااامن ان شاء الله انك داخلها بالثلث

ومعنى كدا انك محتاج تجيب فى تالته بس فى حدود الـ 95%

عشان تعرف تعوض وتخش فى دايرة الـ 88% فى التوتال بتاع تانية وتالته

اللي قولتهولك دا الرينج العام للمجاميع بتاعة تجارة انجليش

خد بالك بقى من اسم الجامعة نفسها .. عشان بتفرق طبعاً

وخد بالك ان المجاميع كانت نازلة فى سنة تانية .. بس ماتتخدعش عشان ممكن تبقى صاروخ فى تالته

انتا ذاكر وأدى اللى عليك وهات أخرك عشان تبقى في السيف سايد

شكرا على المعلومات ... طيب .. انت شايف ان ادبى افضل ولا علمى .. عشان فى ناس بتقول ان بيبقى فى فرق فى تنسييق علمى من ادبى .. فقوللى .. احول ادبى .. ولا اكمل علمى .. مع العلم انى ممضمنش نفسى فى علمى .. بالنسبه للجامعه .. جامعه القاهره .. عين شمس .. حلوان!! و معلش بس ياريت تقلى نظام Alsun ايه! مستنى ردك .

انت شايف ان ادبى افضل ولا علمى .. عشان فى ناس بتقول ان بيبقى فى فرق فى تنسييق علمى من ادبى

اه اكيد طبعا بيبقى فيه فرق .. مش اقل من 3 %

وانا اقصد الفرق هنا فى الكليات اللى بتقبل شعبتين العلمى والادبى مع بعض ..

زى تجارة وآداب وحقوق وتربية وألسن .. الخ

فقوللى .. احول ادبى .. ولا اكمل علمى

لو انتا شايف ان فيه أمل فى علمى وهاتقدر تحصل كلية علمية

طبقاً للمجهود اللى هاتبذله ان شاء الله يبقى كمل علمى

لو شايف انك خلاص اخدت قرارك انك هاتخش تجارة .. وعايز تجارة انجليزى بالذات

يبقى خش أدبى وانت مغمض .. عشان تضمنلك مجموع عالى

طبعا مش قاعدة ان اللى يخش أدبى يجيب درجات .. بس الطبيعى انك تجيب درجات عالية

ع الاقل هاتبقى اعلى من درجات العلمى طبعا . خاصة انك بتقول مش ضامن نفسك فى علمى

بالنسبه للجامعه .. جامعه القاهره .. عين شمس .. حلوان

جامعة القاهرة وعين شمس غالبا مش بياخدوا أعلى مجاميع فى الثانوية العامة

لكن بياخدوا أعلى تنسيق داخلى على مستوى الجامعات فى مصر كلها

بمعنى ان مثلا بنى سويف تلاقيها واخده انتظام 87% ..

وتلاقى التنسيق الداخلى بتاعها خد من اول الـ 90 %

لكن عندك مثلا جامعة القاهرة ممكن تاخد انتظام من 86% و 85% كمان

بس التنسيق الداخلى تلاقيه ضارب فى الـ 92%

ودا عشان اللى بيقدموا فى تجارة انجليش بالذات فى التلات جامعات دول بتبقى مجاميعهم عالية

فابيضطروا انهم ياخدوا أعلى مجاميع مقدمة تطبيقاً لمبدأ العدل

فهمت ...

و معلش بس ياريت تقلى نظام Alsun اي

تطبيقاً لميدأ التخصص تقدر تروح على قسم الكليات الأدبية والتربوية (http://thanwya.com./vb/forumdisplay.php?f=161)

واعتقد دا هايبقى افضلك واحسنلك

طيب معلش ليا سؤال
انا دلوفتي مجموعي الكلي 87% و كنت علمي رياضة و جايب في الانجليزي 44 و المستوى الرفيع 6.5 في امل ان انا ادخل تجارة انجلش و لا لأ ...............

انا ادبى وجايب 90.5 بس جبت 42.5 فى الانجليش ممكن ادخل تجارة انجليش

يا جماعه هى ف تجاره انجليزى ف جامعه العاشر من رمضان

بلييييييييييييييييييييييييييييييييييييز ارجو الرد انا خلاص هتجنن كل شوية حد يقولى كلام شكل على تجارة انجلش انا داخلة تالتة ثانوى جبت 85.4 علمى وهحول ادبى لانى عاوزة تجارة انجلش جامعة القاهرة او حلوان او عين شمس ومجموع الانجليزى بتاعى كان 19.5 من 25 ربنا يسامحك لانى بجد كنت بذاكر كويس اوى بليييييييييييييييييييييييييز حد يرد عليا بسرعة