مشاهدة النسخة كاملة : حصر لطلاب احصاء 2010 - 2011
abdelRhman772007 15-09-2010, 08:01 PM بسم الله الرحمن الرحيم
حبيت نحصر عدد طلبة القسم
بشكل ودّى
و برده الناس اللى بدأت فيها تحكى تجربتها
عشان فيه ناس خايفة تتدخلها
فالمفروض نشجعهم ، و لاّ ايه
و بأكد الكلام ده كله بشكل ودّى
لأن عضو و مش مراقب أو مدرس فى القسم
و مع أطيب التمنيات بالتوفيق و التفوق
محمد السيد صابر السيد 16-09-2010, 09:03 AM السلام عليكم ورحمه الله وبركاته
انا دخلت هذا القسم لانى رايت ان انا مليش فى الحفظ فحبيت اقلل نسبه الحفظ من عليا
وانا لما بدات الاحصاء لقيتها رياضه عاديه
اما الاقتصاد انا بعانى من الحفظ فيه شويه
السلام عليكم ورحمه الله وبركاته
Mohamed Omran 19-09-2010, 12:49 PM انت دبستنى فيها وخلاص :d
امرنا لله وربنا يستر
abdelRhman772007 19-09-2010, 03:31 PM أنت سيد قرارك
و تقدر تحول فى أى وقت
================
فعلاً الإحصاء عادية جدًا و فيها أبواب زى ألغاز خفيفة كده و ظريفة
و ربنا يعينك فى الاقتصاد هى سهلة باستثناء فصل أو اتنين بالكتير
و عليكم السلام و رحمة الله و بركاته
====================
إن شاء الله النهائية فى المادة يا شباب
كاريمان 19-09-2010, 07:45 PM انا كمان اقتصاد واحصاء
بس خايفه شويه كلهم بيقولوا ان علم النفس افضل ودرجاته مضمونه مع انى ميش مقتنعه بكدة
بس ياريت حد من المدرسيين يطمنا ويقولنا الاقتصاد والاحصاء عاملين ايه
omargomaa 21-09-2010, 07:39 AM و بعدين في كل الجامعات لازم تدرسي الاحصاء يبقي عندك فكره مش بعد كده تقولي يا ريتني اخدت احصاء
الاحصاء والاقتصاد من افضل المواد اللي هتدرسوها مش علشان انا مدرس لا لان الاقتصاد والاحصاء مواد بتكوني فاهمه انت بتعملي ايه اما المواد الفلسفيه المطلوب منك انك تحفظي حتي لو مفهمتيش
ولو احتجت اي حاجه في الاحصاء احنا موجودين وتحت امركم
أ/ عمر جمعه حافظ
ميت غمر
0106806344
saso_sweet 23-09-2010, 07:18 PM كتير بيقولو علم النفس احسن بكتير بس انا اختارت احصا
وهاعمل كل الى اقدر عليه عشان
اجيب 50 وكمان انا حبيتها اوى والمهم ابقى مقتنعه بالى انا مختاراه
عاشقه الدراسه 24-09-2010, 11:19 AM انا اختارت اقتصاد واحصاء لكن رجعت اترددت شويه وبدات اخد درس فى علم النفس
لكن بصراحه مش حبيت الماده خالص
وبالنسبه لى حفظ الاقتصاد رحم بمراحل من حفظ علم النفس
حتى اجابات الاسئله فى الاقتصاد كلمه ونص لكن علم النفس ممكن 10 سطور فى سؤال واحد
وبالنسبه للاحصاء فانا اصلا بحب الرياضه وكنت جبت فيها 50 السنه دى وده اللى شجعنى اخد اقتصاد واحصاءوباذن الله مش يكون عندى مشكله فى فيها
لكن ملاحظه ان عدد طلاب علم النفس اكتر بكتيـــــــــــــــــر من طلبه اقتصاد واحصاء
شاششاش 05-10-2010, 04:33 PM انا اخدت اقتصاد واحصاء وحبيت الاقتصاد جدا أما الاحصاء جميلة بس انا مخدتش فيها غير حصة واحدة فى المدرسة
وكان عندى سؤال ابتدى دروس فيهم امتى ؟ واحلى حاجة انى باخد فى المدرسة لوحدى (فصلى كله علم نفس) بس دلوقتى حيضمونى لفصل ادبى .
abdelRhman772007 06-10-2010, 01:24 AM فى أى وقت تحبيه
يفضل تاخدى فكرة عن المنهج كويس
و بعدين تتعمقى فى آخر 3 شهور
فراشه مفرفشه 08-10-2010, 09:59 PM انا كمان اخدت اقتصاد واحصاء
الاقتصاد رائع لو المدرس كويس
والاحصاء جميله لانها سهله باذن الله
ArabianPDA 20-12-2010, 09:20 PM انا اختارت اقتصاد واحصاء لكن رجعت اترددت شويه وبدات اخد درس فى علم النفس
لكن بصراحه مش حبيت الماده خالص
وبالنسبه لى حفظ الاقتصاد رحم بمراحل من حفظ علم النفس
حتى اجابات الاسئله فى الاقتصاد كلمه ونص لكن علم النفس ممكن 10 سطور فى سؤال واحد
وبالنسبه للاحصاء فانا اصلا بحب الرياضه وكنت جبت فيها 50 السنه دى وده اللى شجعنى اخد اقتصاد واحصاءوباذن الله مش يكون عندى مشكله فى فيها
لكن ملاحظه ان عدد طلاب علم النفس اكتر بكتيـــــــــــــــــر من طلبه اقتصاد واحصاء
متبالغيش اوي كده برضه
اخر علم النفس خالص بتاع سطرين تلاته ونص الامتحان اختياري اصلا!!
Dr. Hoda Ahmed 21-12-2010, 08:17 PM متبالغيش اوي كده برضه
اخر علم النفس خالص بتاع سطرين تلاته ونص الامتحان اختياري اصلا!!
كل واحد لازم يشجع غيره على مادته علشان ما يكسلش فيها
بس ما تبالغش انت كمان علم النفس مش سطرين ونصف ولا حاجة واختيارى ايه
امال اثيت الادلة وصح وغلط مع الدليل وذكر امثلة ده ايه
انا جربت الاول علم نفس وعارفاه كويس
بس مفيش حاجة اسهل واصعب هى ميول مش اكتر
والاحصاء مش رياضة برضه دى تطبيق وخلاص بس هى مجرد تخفيف للحفظ الاصم بتاع علم النفس
h3ossam 25-12-2010, 05:34 PM انا اقتصاد و احصاء منهج الاحصاء لا يعتبر رياضه بس ده عبارة عن قانون الف باء و تطبق فيه و لا الالغاز و لا حاجه و ملخصه صفجه و النهائيه مضمونه فيه ------ الاقتصاد هوه يعتبر شبيه بالحفظ و لكن اذا قارناه بعلم النفس يبقى الاقتصاد اخف ------- الامتحان ,, علم النفس يزداد نسبه صعويته كل عام بزياده عدد الطلاب بهذا القسم عرض و طلب :)
Mostafa Walid 26-12-2010, 05:09 PM السلام عليكم ورحمة الله وبركاته
انا طالب فى تانيه ثانوى بحب الرياضة جدا وبكره الحفظ جدا جدا وعلشان كده قلت اختار اقتصاد واحصاء واهو ماده نصها حفظ والنص فهم بدال علم النفس اللى كلها حفظ ديه بس انا خايف بردوا من الاقتصاد هل الحفظ فيه ممل اوى يعنى ولا الواحد ينفع يحفظ مع فهم ياريات الطلاب اللى فى تالته واخدين اقتصاد واحصاء السنادى يقول عاملين ايه فيها وبيزكروا ازاى
bebo_93 26-12-2010, 09:01 PM انا واخد اقتصاد واحصاء لانى بردو بكره الحفظ جدا
والمادتين سهلين جدا جدا الاحصاء مجرد قوانين وتعويض مباشر فى القانون وبس
والاقتصاد فيه حفظ وبردو فيه فهم واسهل بكتير من علم النفس
بالنسبه لمصطفى وليد
على فكره حفظ الاقتصاد مش صعب ولا ملل بالعكس حلو جدا معظمه فى الحياه اليوميه يعنى الضرائب والنفقات والاستهلاك والموارد وطبعا البورصه كده يعنى حاجان بنسمعها كتير ومش فاهمينها
بس الاقتصاد بيشرحها ويفهمها
Dr. Hoda Ahmed 05-01-2011, 07:51 PM السلام عليكم ورحمة الله وبركاته
انا طالب فى تانيه ثانوى بحب الرياضة جدا وبكره الحفظ جدا جدا وعلشان كده قلت اختار اقتصاد واحصاء واهو ماده نصها حفظ والنص فهم بدال علم النفس اللى كلها حفظ ديه بس انا خايف بردوا من الاقتصاد هل الحفظ فيه ممل اوى يعنى ولا الواحد ينفع يحفظ مع فهم ياريات الطلاب اللى فى تالته واخدين اقتصاد واحصاء السنادى يقول عاملين ايه فيها وبيزكروا ازاى
بالنسبة للفهم تقريبا حلو لانه فعلا من الحياة وكويس هينفعنا كتير
بس المشكلة ان المذكرات مختصرة اوى اوى عن الكتاب المدرسى لان فيه دش كتير اوى ولك كتير وانا خايفة النموذج يكون زيه كده
بس حفظها كويس وبيتنسى بسرعة
بس عمر وقت الاقتصاد ما هيكون زى وقت علم النفس او طريقة حفظها معظم علم النفس من غير فهم
El Hamamy 06-01-2011, 05:04 AM يعني يا جماعة أتوكل على الله واختار اقتصاد واحصاء في تالتة إن شاء الله؟
ملحوظة : أنا في تانية السنة دي وواخد أحياء السنة دي والسنة الجاية ان شاء الله هاخد فيزياء وكيمياءو فتفتكروا لو خدت احصاء هبقى بسهل على نفسي ولا بصعب عليها عشان القوانين الكتير اللي ممكن تلغبط؟
برجاء الرد سريعا و السلام عليكم ورحمة الله وبركاته
Dr. Hoda Ahmed 12-01-2011, 12:09 AM ان شاء الله سهل باذن الله
توكل على الله بس ركز اوى فى الاحياء وذاكرها كويس والعربى دول اهم مادتين فى تانية ثانوى
والانجليزى مهارات طبعا انك يكون عندك لغة
عاشقه الدراسه 05-02-2011, 09:47 PM متبالغيش اوي كده برضه
اخر علم النفس خالص بتاع سطرين تلاته ونص الامتحان اختياري اصلا!!
انا ذكرت انى جربت الماده فى البدايه
يعنى عندى خلفيه عنها
واظن ان عشان تقدر تجاوب بثقه فى علم النفس وتضمن درجتها يبقى لازم اجابتك تكون شامله وزياده يعنى 10 سطور اللى انا اتكلمت عليهم مش كتير
يا جماعة أتوكل على الله واختار اقتصاد واحصاء في تالتة إن شاء الله؟
ملحوظة : أنا في تانية السنة دي وواخد أحياء السنة دي والسنة الجاية ان شاء الله هاخد فيزياء وكيمياءو فتفتكروا لو خدت احصاء هبقى بسهل على نفسي ولا بصعب عليها عشان القوانين الكتير اللي ممكن تلغبط؟
برجاء الرد سريعا و السلام عليكم ورحمة الله وبركاته
انا كمان كنت احياء السنه اللى فاتت
والسنه دى معايا اقتصاد واحصاء
والاقتصاد لذيذه جدا يعنى هتحب تذاكرها ده غير انها مش بتاخد وقت فى المذاكره
والاحصاء انا بدات درس من 4 حصص تقريبا لسه مش قدرت اكون فكره عنها بس انا متفائله خير باذن الله عشان انا بحب الرياضه
وربنا يوفقك
عمرو سعد 2020 06-06-2011, 02:03 PM من رأيي ان مادة الاقتصاد و الحصاء للغاوي فهم غير كده علم النفس افضل طبعا لكن ميزه الاقتصاد و الاحصاء مش ممكن تاخد اقل من درجتك يعني اللي هتكتبه هتتحاسب عليه يعني تخرج من الامتحان تقول درجتك بنفسك اما علم النفس ماده تقيميه كده زي التعبير مثلا حسب اللي هيصحح ورقتك يعني متقدرش تقول انا هجيب النهائيه او هنقص مثلا قد ايه و انا اعرف ناس و الله مجموعها في السنتين تعدي 98 و نازلين ف علم النفس بس 5 درجات او اكتر رغم ان كتير من الاساتذه قالوا لهم هتاخدوا النهائيه بعد لما راجعوا معاهم اجابتهم و كل واحد يوازن و يختار و انا بالنسبه ليا انا اقصاد و احصاء
|