|
مشاهدة النسخة كاملة : مصاريف المدارس التجريبية سعيد عبد الله 29-09-2010, 10:50 PM انا بنتى فى احد المدارس التجريبى عربى فى الصف الثانى الابتدائى دفعت 260 جنيه بكتب المستوى الرفيع وفوجئت بان مدرسة اخرى وفى نفس الادارة كانت المصاريف 219 بكتب المستوى الرفيع يا ترى الوزير عارف كدة وهل يحق لى التقدم بشكوى ومحدش يقول كلهم 40 جنيه فرق مايستهلوش :stickjo4: M:Sayed Moftah 01-10-2010, 07:13 AM احرص على الحق والمطالبة به فهذه المبالغ الصغيرة كم كشفت من جرم كبير فى الماليات يا اخى العزيز walid1966 01-10-2010, 09:01 AM كم مصاريف 2 اعدادي تجريبي و6 ابتدائي تجريبي Threshold 01-10-2010, 12:20 PM كيف هذا وأنا دفعت 400 جنيه لبنتي في أولى ابتدائي fatema2004 01-10-2010, 12:34 PM kg2 275 جنيه تجريبى لغات حكومى سعيد عبد الله 01-10-2010, 07:11 PM كيف هذا وأنا دفعت 400 جنيه لبنتي في أولى ابتدائي 400 جنيه ازاى هى تجريبى مميز ولا ايه مش المفروض تكون المصاريف واحدة ولا ايه ولا السرقة كده عينى عينك والوزير فين ولا اهم حاجة عنده مصاريف المدارس الخاصة بس mklel 12-10-2010, 09:54 AM فية اكثر من 400 دا فيه 700 وفى قرية صغيرة ومدرسة بلا امكانيات والكل عارف mklel 12-10-2010, 09:56 AM وبلا اى مستندات كمان ميرو1988 12-10-2010, 12:31 PM وبلا اى مستندات كمان عادى ياباشا فيه ناس بتاخد الف والف ونص كمان أمجد حلواني 9 12-10-2010, 07:15 PM 1120 جنية أول ابتدائي لغات مدرسة الزعيم حسني مبارك التجريبية المتميزة المتكاملة للغات http://www.gaeb.org/WEB/GAEBPortal/china_new1/images/newchina1.gif saidsamy10 13-10-2010, 12:51 AM اتمنى من سيادتكم الرد على هذا السؤال لانى افكر ادخل ابنى المدرسة التجريبى لغات وهو اولا:ما الفائدة التى ستعود علية ف المستقبل ان شاء اللة لما ياخذ ثانوية عامة لغات؟ وهل امدارس التجريبى جيدة فعلا ولا كلام خاصة وان الدروس الخصوصية هتكون كمان سوبر باختصار ما الذى يجعلنى ارهق ابنى فى وادفع بةفى المدارس التجريبى وشكراا ارجو الاجابة لمن لدية الخبرة الأستاذة أم شاهندة 13-10-2010, 07:26 PM اتمنى من سيادتكم الرد على هذا السؤال لانى افكر ادخل ابنى المدرسة التجريبى لغات وهو اولا:ما الفائدة التى ستعود علية ف المستقبل ان شاء اللة لما ياخذ ثانوية عامة لغات؟ وهل امدارس التجريبى جيدة فعلا ولا كلام خاصة وان الدروس الخصوصية هتكون كمان سوبر باختصار ما الذى يجعلنى ارهق ابنى فى وادفع بةفى المدارس التجريبى وشكراا ارجو الاجابة لمن لدية الخبرة الفائدة هو مستوى اللغة عنده بيكون مرتفع طبعاً عن الحكومى لكن هى لها حل تانى أنه ياخد كورسات فى الصيف بس لما يكبر شوية مصاريف التجريبى لغات أكتر طبعاً ويا سلام لو مميز بتتجاوز الألف جنيه طبعاً الدروس اسعار نار حدث ولا حرج أنا عن نفسى قدمت لبنتى فى المدرسة القريبة من منزلى ولحظى تحولت فى نفس العام لمميز وتم قبولها رغم صغر سنها لأن ناس كتير رفضت تقدم فى المميز وانتهت مرحلة رياض الأطفال ثم دخلت الابتدائى ولم أجد ما يجعل الألف وشوية تهون فى سبيل الدراسة بل أن صعوبة الاستيعاب على الطفل إلى جانب محاولة الحفاظ على مستوى متقدم جعلنى أضغط عليها بالمذاكرة والحفظ والتدريب لأجد أن طفولة ابنتى تنتهى أمامى وقررت نقلها للمدرسة الملاصقة لها وهى حكومى عادى وبالفعل لا فرق مصاريفها هذا العام 45 جنيه وأنا استمريت معها فى المستوى الرفيع خلال الصيف وأحمد الله على ذلك ننتهى من المذاكرة والواجبات ونجد وقتاً للعب وفى الثانوية العامة إن شاء الله لن يفلوا 90% لغات عن نفس المجموع حكومى فهما متساويان فى المجموع وعن التمكن فى اللغة يمكننى الحاقها بمعهد أمريكى أو بريطانى يمنح كورسات فى اللغة لما تكبر شوية أنا حكيت ما حدث معى بكل صدق وربنا يوفق الجميع elkh 13-10-2010, 08:21 PM بخصوص مصاريف المدارس التجربية للغات يتم تحديد قيمة المصروفات لكل صف دراس وفقا للاتى 1 - نشرة المصروفات التى تصدر كقرار لوزير التربية والتعليم كل عام لجميع المدارس الحكومة وقد صدرت هذا العام بالقرار رقم 189 لسنة 2010 فى بتاريخ 1/8/2010 2 - الأستعانة بالقرار الوزارى رقم 252 لسنة 2005 الصادر بتاريخ 6/9/2005 ( المادة 16 الخاصة بالخدمات الأضافية ) 3 - ثمن الكتب الأجنبية فقط طبقا للاسعار المقررة هذا العام مضافا اليها 10 % ( من القرار رقم 252 ) وعلى حسب معلوماتى لم يتم إلى الآن صدور نشرة المصروفات للمدارس التجريبية للغات بسبب عدم تحديد اسعار الكتب الأجنبية وأرجو من جميع الزملاء الذين شاركو فى هذا الموضوع المتابعة باستمرار وأضافة الجديد فى حالة الحصول على معلومات جديدة مع العلم ان بعض مديرى المدارس يحصلون مبالغ أكثر من المقررة وطبعا يتعمدون عدم اعطاء ايصال ( القسيمة 123 تربية وتعليم) الدالة على السداد بقصد حتى لا نعرف قيمة الزيادة التى يحصلونها كما اتمنى من الجميع من يحصل على النشرة الخاصة بالمصروفات أن يقوم برفعها لكى يستفيد منها الجميع كما يجب أن نتفق جمعيا على مرسلة الأستاذ الدكتور وزير التربية والتعليم ونطلب منه رفع القرار الخاص بمصاريف المدارس التجريبية للغات على موقع الوزارة حيث قد تم وضع القرار رقم 189 لسنة 2010 على موقع الوزارة ويمكن أن يحصل عليه أى شخص elkh 13-10-2010, 08:32 PM kg2 275 جنيه تجريبى لغات حكومى يرجى ذكر أسم المدرسة وكذلك الإدارة وكذلك المحافظة لان المبلغ 275 قيمة مصروفات kg2 مبلغ أقل بكثير مما يحصل بمدارس أخرى ونود الأهتمام بالموضوع حتى نصل إلى الحقيقة خالد قاسم 13-10-2010, 10:03 PM من أين جاءوا بمصروفات المدارسة التجريبية فلم تظهر الا مصروفات رياض الاطفال فقط ونشرة المصروفات الخاصة بالمراحل الابتدائية والاعدادية والثانوية لم تصل المدارس او الادارات او المديريات الى الان elkh 13-10-2010, 11:20 PM من أين جاءوا بمصروفات المدارسة التجريبية فلم تظهر الا مصروفات رياض الاطفال فقط ونشرة المصروفات الخاصة بالمراحل الابتدائية والاعدادية والثانوية لم تصل المدارس او الادارات او المديريات الى الان بالنسبة لمصروفات المدارس الحكومية لجميع المراحل ( الإبتدائية والإعدادية والثانوى العام والفنى ) فقد صدر القرار الوزارى رقم 189 لسنة 2010 بتاريخ 1/8/2010 وهو خاص بمصروفات المراحل السابق ذكرها وهذا القرار موجود بموقع وزارة التربية والتعليم saidsamy10 18-10-2010, 12:46 AM شكرا جزيلا الى الاستازة ام شاهندة ع الرد على استفسارى جزاكى اللة خيراااااا mklel 26-10-2010, 11:05 AM عادى ياباشا فيه ناس بتاخد الف والف ونص كمان المشكلة فين وفيه امكانيات ولا لا وفية ايصال 123 ولا لا وكل دة موش موجود الادارة تعلم والكل عارف يعنى مصيبة من كل النواحى كيداهم طه 28-11-2010, 12:08 PM يا اخوننا احنا هنا فى الاسكندرية مدرسة بنتى مصطفى النجار التجريبية لغات المميزة بتحصل مننا فوف 1100 ج كل سنة من الروضة و لغاية ما البنت بقت فى 5 ابتدائى حد يفيدنا ؟؟؟؟؟؟؟؟؟؟؟؟؟؟؟؟؟؟ hagar hassan1 26-06-2011, 01:33 PM [COLOR="Blue"][/COLORانا فى رايى الشخصى ان الطفل يدخل مدارس عادية حكومية واذا كان على اللغة ممكن ياخد كورسات انجليزى فى الصيف تحسن من اللغة عنده وبعد كده هيدخل ثانوى ومجموعه هيحدد كليته وزيه زى اللى اتعلم فى حكومة ما هينوبنا الا الدروس المولعة نار فى المدارس اللغات والاساس على المتابعة فى البيت حتى لو كان العيل فى مدرسة تحت بير السلم وفى متابعة فى البيت كويسة هيدخل كلية صح ولو مفيش متابعة فى البيت والعيل فى مدرسةب 20 الف جنيه يبقى حلو لو دخل معهد فنى hagar hassan1 26-06-2011, 01:45 PM هى الحكومة من الاخر لقيتلها سبوبة المدارس التجريبية تهليب يعنى ومستوى التعليم واااااااحد فى كل المدارس اللى خلقها ربنا بتتوقف على ضمير اللى بيشرح وطبعا حتة الضمير دى نادرة الحدوث والله ياجماعة ملهاش اى لزمة المدرسة التجريبية حرام فلوس فى الارض مين فينا بيعتمد على شرح المدرسة؟؟ مفيش يبقى اى مدرسة تاخدى منها شهادة والاساس على الدروس والبيت noonoo77aly 26-06-2011, 06:43 PM ياجماعة فى نسبة من المصروفات بتأخذ كحوافظ تتقسم ع المدرسين ده على حد علمى والله أعلم leprince 26-06-2011, 09:12 PM فعلا السرقة مازالت فى كل مكان soso2015 27-06-2011, 12:29 PM مدارس عادية أية الى بتخلى الطفل لام متخلف أومنحرف ولية مدخلوش مدرسة نظيفة بعدين مانتى خايفة تذكرالها جايبها لية اصلا وبعدين علاقة العب بالمدرسة الام الشطرة هى التى تقدر تنظم وقت أولادة وتوجهم haneenalhamdy 01-09-2014, 08:04 PM السلام عليكم ورحمه الله وبركاته هل انصبه معلم الابتدائى تخصص math فى مدارس اللغات التجريبيه اصبحت كانصبه معلم اعدادى فى المدارس العاديه يعنى معلم الماس ابتدائى فى اللغات التجريبيه نصابه21 حصه بدل 24 حصه الرجاء سرعه الرد افادكم الله |