مشاهدة النسخة كاملة : ايه رايكم فى قرار حصة المكتبة واسنادها للاخصائى منفردا


lido20100
30-09-2010, 07:43 AM
ياجماعه ايه رايكم فى تطبيق القرار الخاص بتنظيم حصة المكتبة وان الاخصائى هو الذى يقوم بتدريسها منفردا دون معاونة من المدرسين
انا عارف ان القرار ده موجود من فترة بس لم يطبق الاهذا العام بالنسبة عندنا لمحافظة حلوان وكذلك اعرف كم ادارة اخرى لم تطبق القرار حتى الان مع بداية هذا العام ايضا ولم يطبقوه
ياترى انتو كمان بتطبقوه ولا لا وياترى انتو رايكم ايه فى القرار ده
يعنى هيا اعمال المكتبة وسجلاتها كانت ناقصة قرار زى ده والله انا عندى السجلات بتاخد شغل كبير وبعد قرار زى ده مش هيبقى فيه وقت اعمل سجلات ولا اعمل تصنيف وفهرسة للكتب الجديده ..يعنى انا عن نفسى عندى مدرستى تعليم اساسى وفيها 24 فصل مابين اعدادى وابتدائى ودا يعتبر نصاب كبير بالنسبة لاعمال المكتبه وانا اعمل لوحدى مفيش حد تانى معايه وكل ده محتاج تنسيق زيادة فى الجدول ياترى هو حضراتكم بتنسقو الجدول باى طريقة يعنى بأى حصة يبدا وينتهى
ياريت ياجماعه تردو عليا وتساعدونى لانى يعتبر لسه جديد فى المجال وافادكم الله

سماح محمد بسطامى
30-09-2010, 08:25 AM
حضرتك دا إجحاف لأن محدش مقدر كمية الشغل ودائماً هيا المكتبة فيها حاجة هما مدرسين المكتبة وراهم حاجه وبسمع من الأخصائين فى المدارس الحكومة ان ضغط الشغل مش ذى الخاص
انا عندى إشراف و ام العشرين وأعمال المكتبة ومكتبتى فى الدور الرابع أفضل طالعة نازلة أجيب فى فصول طول النهار 27 حصة تعليم اساسى

lido20100
30-09-2010, 05:01 PM
فعلا والله دا اجحاف وضغط كبير جدا على الاخصائى , هو هيعمل ايه ولا ايه وكمان ياستاذه سماح الله يكون فى عونك على كل الشغل الى بتقولى عليه ده وانا كمان عندى نفس الاعمال اللى عندك بس مكتبتى فى الدور الاول بس برضو بفضل طول اليوم طالع نازل
احنا عايزين الكل يشارك معانا ويقول رايه ايه فى القرار ده وياترى الكل عنده نفس مشكلتنا برضو ولا مستريحين
ياريت ياجماعه ننضم للصفحة دى وفيها هنناقش الموضوع ده مع بعض ونحاول نعمل اى حاجه لهذا القرار السبلى الى هيعود بالضرر على المكتبات

اضغط على الرابط بالاسفل
معا لالغاء قرار حصة المكتبة من اخصائى المكتبات (http://www.facebook.com/pages/ma-lalgha-qrar-hst-almktbt-mn-akhsayy-almktbat/156492537705960#!/pages/ma-lalgha-qrar-hst-almktbt-mn-akhsayy-almktbat/156492537705960?v=wall)

علا عيسى
21-10-2010, 09:25 PM
معكى ضد حصة المكتبة التى عطلت شغلى كأخصائى مكتبة والجديد عايزين يعملوا المكتبة إلكترونية مع السجلات الورقية والحصص والله ناقص نمسح ونكنس المكتبة أنا حاسه إنى مربوطة فى ساقية أشعر بظلم كبير نصابى 18 حصة كلهاالأخيرة مع العلم أن فى نشرة تمنع أن أخصائى المكتبة يأخذ الحصة الأولى أو الأخيرة حسبنا الله ونعم الوكيل فى كل ظالم والله كثرة الضغط يولد الأنفجار

thefalcon_5000
01-11-2010, 05:39 PM
والله كلامكم كله سليم

علا عيسى
01-11-2010, 07:09 PM
زملائى الكرام هناك نشرة وزارية تؤكد على أن تكون حصة المكتبة طوال اليوم الدراسى ما عدا الحصة الأولى والأخيرة وذلك لكى يقوم أخصائى المكتبة بمهامه الأخرى ولكن أقسم بالله لقد حاربت فى تطبيق هذه النشرة ولكن دون جدوى
بحجة أننا مادة غير أساسية وأننى صغيرة السن يعنى مثلا هل عشان مادة العربى والرياضة والأنجليزعى مواد أساسية
يبقى موقعى فى الجدول السادسة والسابعة كل يوم والله لقد تحدثت مع الموجهه وطلبت منها كتابة النشرة فى الزيارة ولكنها رفضت وقالت بالحرف الواحد متفتحيش الباب ده تانى هذا شائنك انت وإدارة المدرسة حسبى الله ونعم الوكيل فى كل ظالم هذا جدول المدرسة الذى يخضع للمحسوبيات والأحبة على حساب الضعفاء:039uw8:

عماد حمدى إبراهيم
25-11-2010, 10:42 PM
يا استاذه علا حضرتك مش واخده باللك ان الموجهه مش ممكن تقف معاكى ولو انتى على حق مش موضوع صغيره او كبيرة الموضوع مجاملات والا__________________ وهلم جرجر اكيد فهمتى ليه الموجه قلتلك اقفلى الموضوع وشكرا

قلب ماما2
15-04-2011, 10:29 PM
انا كمان معاكم لالغاء حصص المكتبة اما بالنسبة للطلبة فممكن يستفيدوا من المكتبة من خلال الفسحة او اى حصة فاضية عندهم وبالنسبة للجدول والموجهين الظاهر انهم كلهم زى بعض سلبيين جدا ودا بيخلى ادارة المدرسة تعمل فينا اللى هى عايزاه فى الجدول
من حوالى سنتين كان عندى تدريب فى بورسعيد ولما طلبت الكلام وبدأت الحديث عن حصة المكتبة ومدى اعاقتها لاعمالنا الفنية الاخرى الخاصة بالمكتبة ردت على الدكتورة سعدية مدير عام المكتبات بان ممكن من خلال الحصة نعمل هذه الاعمال عن طريق اشراك الطلبة فيها وحسستنى انى انا اللى مش عارفة اديرها على الرغم انى اخصائية اولى اعدادى ودخلت مسابقات وزارية ومحلية وحصلت فيهم على مزكز

رضاك الجنة
29-09-2011, 08:31 PM
حصة المكتبات كلف بها امناء المكتبات وذلك من اجل الحصول على الكادر

صفاء الجمل
04-10-2011, 06:25 PM
بصراحه حاجه تقرف ويارب تكون اتلغت فعلا