دة سؤال سالة ابنى لما سلمونا كتاب اسمة farandole1 وهو فى الصف الرابع لما نكشت علية النت ولم اجد سوى تلميحات بسيطة حسيت باحباط شديد شكل الاحباط الى حسيتة فى اول مشكلة واجهتنى باختيار شريك حياتى ابو محمد ولكن الاحباط زال هل سيزول احباط اللغة الفرتسية واقدر عليها زى 0000 ولا عاوزينا ناخد درس خصوصى انتو متفقين مع مدرسين المدرسة ولا اية :bosyht9:ياريت مساعدة ام شقيانة فى المذاكرة مع العيال فى زمن الدروس الخصوصية وكمان مفيش ملخصات يعنى المدرسين سنتهم السنادى فى الدروس الخصوصية ولما البقرة بتوقع السكاكين تكتر عليها ياريت القى رد
ام محمد ومنة

علي فكرة المناهج امثال frandole trampoline وغيرها بتكون متوسعة جدا ف الشرح ومستواها اعلي من طالب المدارس الانجليزي لذلك المدرس ف المدرسة بيختصر كتير من المنهج ومعظم المحادثات الصعبة اللي فيه بتكون غير مقررة علي الطالب لذلك قلما تجدي مذكرة او كتاب خارجي لهذا المنهج
النصيحة اننا بنمسك كراسة المدرسة فقط ونذاكر منها وليس لنا شان بكل اللي في الكتاب

ووفقكم الله

و الله يا جماعة انا بنتى فى الصف السادس و بتدرس نفس المنهج و فعلا مش عارفة اجيب له مذكرات خالص
بس للاسف احب ابلغك حبيبتى ان الاحباط هيزيد انا بنتى نجحت بالعافية فى اختبار شهر اكتور و درجاتها مش عايزه اقولك عليها
و المؤسف اكتر انها جايبة ممتاز فى كل المواد حتى المستوى الرفيع فى الانجليش رغم انه منهج صعب جدا بتاع ماكميلان الا فى اللغة الفرنسية رسبت فيها و المشكله ان دراستى المانى مكنتش فرنساوى و الله المستعان
ياري اى حد من مدرسين المنهج ده يحط لنا النقط على الحروف زى الكلمات بتاعت الدروس اللى على الاولاد حفظها و القواعد بتاعت كل شهر و احنا ندور عليهم فى مواقع تعليم الفرنسية للاطفال عشان نطقهم يكون سليم لان حتى لو اطفالنا اخدوا دروس لازم برده نتابعهم فى المذاكره و نكون فاهمين هما بياخدوا ايه ؟؟؟؟؟؟؟؟؟؟؟؟؟

المنهج ده و اللى ابنى بيدره دلوقتى مش بياخده كله و لكن المدرسة عاملة ملخص ليه بيذاكر منه ممكن احاول اكتبلك الملخص بس المهم ان مدرسة ابنك ترضى بيه ... ربنا يوفقك يا ام محمد

اشكرك خالص المعلمة النشيطة اشكرك ياريت

طيب يا مسيو لما هو منهج صعب وما بتدوش من حجات كتير الوزارة لية بتقررة علشان تتعبنا احنا