انا عايز اطلع دكتور!!!!!!! خش واكتب نصيحة [الأرشيف] - بوابة الثانوية العامة المصرية

مشاهدة النسخة كاملة : انا عايز اطلع دكتور!!!!!!! خش واكتب نصيحة

future_doctor

29-10-2010, 05:53 PM

**نغم**

29-10-2010, 10:21 PM

السلام عليكم
انا مش هقول نصايح :p
اصل انا بردو اتمنى نفس الامنية..
بس انا سمعت نصايح من صحابي الي في 3 ثانوى دلوقتى بيقولوا
1- ماتذاكرش مادة واحدة طول اليوم
2- نام كويس وكل كويس
3- مفتاح التفوق التركيز في الحصص
4- متحطش حاجة تانية بجانب المذاكرة في عقلك وتخليها تسيطر علي تفكيرك
والله المستعاان :)

stoof

30-10-2010, 01:40 AM

أنا طالب في كلية طب عين شمس ^_*

أهم حاجة أنك تكون كويس مع ربنا ومع الوالدين .. و زاكر واعمل الي عليك ... وعلى فكرة كلنا لما دخلنا طب اتصدمنا
انا قولت لنفسي انا ايه .. ازاي مجبتش 100 % في ثانوية عاملة ده طلعت هايفة بالنسبة للطب ومش تيجي واحد من عشرة من مليون بالمية من كلية طب .. يعني شد حيلك .. وموضوع عدد الساعات في اليوم مش حاجة مقدسة ... و ومش تقول أنا هزاكر 10 ساعات في اليوم او كدة.. انت نظم وقتك .. وزاكر طالما لقيت نفسك قادر على كدة .. ونام كويس .. لأانك هتضطر أخر السنة انك تنام ساعات قليلة ... و ربنا يوفقكم انتو الاتنين وتحصلونا في طب .... ^_^

Bent 3bdo

30-10-2010, 01:14 PM

خذ بالاسباب وكأنها كل شىء
ثم توكل ع الله وكانها لا شىء
;)

اعمل اللى عليك وخلى عندك ثقه ف ربنا وان شاء الله ربنا هيعملك اللى فيه الخير

Magic Sword

30-10-2010, 05:53 PM

زي ما قال الدكتور مصطفى جزاه الله خيرا:
1- قوي علاقتك مع الله وصلها دائما بالله بالمداومه ع الصلاه
2-بر الولدين عظيييييييييييييييييييييم ووالله قدره عند الله عظيم
3- الدعاااااااااااااااااااء وما ادراك ما الدعاء
4- مزاكره تمام من اول السنه ومراجعه كويسه وحل كتير
والله لا يضيع اجر من احسن عملا
ربنا هيوفقك ان شاء الله

future_doctor

31-10-2010, 12:50 PM

شكرا على كل الردود
يا جماعة الكلام دا كلة تمام بس مفيش حد اتكلم بوضوح شوية عن طريقة المذاكرة و عدد الساعات اللى كان بيذاكرها و ازاي الواحد يعرف ان مستواة كدا كويس اصل انا فى واحد معايا فى الدرس كان طالع الاول على المحافظة فكل ما اشوفة احس ان فاشل و يجيلى احباط فياريت من الدكاترة يوضحوا اكتر شوية و شكرا مقدما

stoof

03-11-2010, 10:43 PM

نصيحة لوجه الله و هتستفاد بيها في حياتك كلها ... متبصش على الناس التانية ... . انا مش بقولك تبعد عن الناس ... انت تتعامل عادي .. لكن حاول انك تقوي نفسك شوية و لما تسمع حد بيتكلم عن مزاكرته و لقيت نفسك متضايق حاول متفكرش في كدة وتقول انا فاشل ده فلان بيزاكر 10 ساعات في اليوم .. لأنك هتتعب كدة .. و مش هتزاكر خالص وتحس بالاحباط .. و غيرها من الاعراض الوحشة ده ا.... انا مش بقولك .. متبصش على الناس بتزاكر ازاي او بتنظم وقتها ازاي ... انت شوف الكويس الي الناس بتعمله وتقدر تستفيد منه اما غير كدة لو لقيت نفسك متضايق حاول انك مش تتدخل في الحاجات ده

انا هقولك انا مريت بمراحل في الثانوية العامة لا يعلمها إلا الله ... صدقني كانت صعبة جدا جدا ... مش تتخيلها ... و الحمد لله لكل مجتهد نصيب .. ربنا بيكرم في الاخر

حاول تفصل المزاكرة بتاعتك عن مزاجك العام يعني مش تقول انا مخنوق يبقى مش مزاكر .. لا لا ... انت حتى لو كنت متضايق .. تشوف مادة مسلية بالنسبة لك تزاكرها .. انا في تانية .. كنت لما الاقي نفسي متضايق اقعد بالليل احل مسائل رياضة .. لغاية اما يجيلي نوم ... و بصراحة بحس بمتعة كبيرة .........

حاول انك تخلي مواد الحفظ في النهار .. عشان دماغك تكون رايقة شوية .. اما لو عندك مادة زي الرياضة فيها مسائل .. انا كنت بستمتع بيها بالليل على 12 أو بعد كدة ....

انت كل فترة كدة لازم يكون الأستاذ بيعمل امتحانات .. دورية كدة .. وانت مع نفسك لو تخلص فصل او حاجة تحل عليه كله .. وملكش دعوة ... انت كدة زاكرت وحليت وسيبها على ربنا

العربي جميل جدا في تانية .. وممتع اووي .... زاكره كدة وكل شوية تحل اسئلة عليه .. ولازم تكون مظبط البلاغة بتاعته .. بردو حاول تدرب نفسك من دلوقت على التعبير بتاع العربي .. وتعرف ان فيه حاجات تانية في التعبير زي التقرير والرسالة والبرقية وغيرهم

عدد ساعات المزاكرة مش لازم يكون محدد صدقني ... انت تزاكر عدد مناسب ... بس مش بقولك تمسك ستوب وتش و تحسبها بالساعة .. اهم حاجة حاول انك مش تعمل زيي انا كنت في تانية بزاكر مادة واحدة بس في اليوم بس ربنا سترها . انا في تالتة عدلت شوية في المزاكرة . يعني على الاقل مادتين ... والحفظ خليه بالنهار او الصبح هتلاقيه حلوو اوي
ربنا معاك وتحقق حلمك

Magic Sword

04-11-2010, 10:33 AM

اسماء هاشم

04-11-2010, 07:16 PM

stoof

04-11-2010, 08:51 PM

انا طول عمرى بحلم انى اكون دكتورة من الابتدائى وانا بقول لبابا طب عين شمس المهم معرفش انا جبت الكلمة دى منين انا مستواى مكنش اد كدة فى السنين الى فات وانا فى اولى ثانوى الوقتى انا عايزة ابنى نفسى يا ترى اقدر وخصوصا الرياضيات ياجماعة انا حالتى النفسية وحشة جدا واعصابى متشددة بزعل لما الاقى اصحابى ممتازين عنى وبقول ربنا اعطهم عقل زى عقلى لية انا ما كونش زيهم سسسسسسسس:giljotiiniug3:سلام ارجو الرد

.. متزعليش لما تلاقي ربنا أدى حد حاجة وخادها منك .. أكيد ربنا اداكي حاجات مش عندهم ^_^
و انت لسة تقدري تحققي حلمك .. والله لو الواحد فعلا نوى انه يبقى دكتور و حلم بحلم جميل زي ده و عمل الي عليه وزاكر .. وارضى ربنا وارضي والديه صديقيني ربنا هيكرمك اوي ....

انت تقدري تحسني مستواكي في المواد الضعيفة فيها بانك تخصصي ليها وقت أكتر من مزاكرتك ... او تخلي حد يقويكي في المادة الضعيفة ده وياسسك صح ... وموضوع انك مش جبتي نتائج مش حلوة السنوات الي فاتت ده مش مقياس للثانوية ... والله لو تعبتي في ثانوي هتلاقي نفسك هتضحكي في الاخر على عكس ناس تانية ... هتلاقيهم بيضحكوا في الاول .. وهيعيطوا في الاخر

و إن شاء الله ربنا يوفقك .... ^_^

stoof

04-11-2010, 08:59 PM

جزاك الله خيرا يا درش
كمان حاول انك تحل كتير في المواد العلميه زي الرياضه والكمياء والفيزياء الاحياء مش اوي كمان حاول تراجع كتير لان المواد بتتنسي بسرعه وربنا يوفقك يارب
يا درش ما فيه روشته لمواد طب دي اللي علينا مش عارفين نعمل ايه في الاناتومي والفسيولوجي

يا دكتور محمود .. الفيسيو ده حكاينه حكاية معايا .. :040vk0:بس هو عايز مزاكرة جبارة مقدرش اقولك تعمل فيه ايه .. بس هو لو اتزاكر كتير هتلاقي نتيجة و لازم تفهم حاجات كتير لأن ممكن تلاقي حفظها صعب ... انا بقا كمان لو المحاضرة مش فاهمها بنزل تسجيلات من النت .. وبسمعها و بتسهل عليا كتير جدا ... و ربنا يوفقك ويوفقنا كلنا ,,,,,

الانتومي ده احلى واسهل مادة عندي السنة ده ... بجد بعشقها ..... و مزاكرتها سهلة ربنا يوفقك فيها إن شاء الله

وادعولنا يا جماعة امتحاناتنا بعد العيد على طوول عايزين دعوات منكم ... وربنا معانا ومعاكم :p

اسماء هاشم

05-11-2010, 06:19 AM

.............شكرا هحاول انشاء اللة اعمل بالنيصحة الجميلة دى و شكرا على الرد وربنا يوفقك فى دراستك

وفاء بركات

05-11-2010, 11:09 AM

مفيش حاجه تتقال بعد الكلام الجميل اللي فوق
بس عايزة اقولك حاجه ... حاول قبل ما الاستاذ يديك الحصه تكون محضرها الاول قبل ما تاخدها
يعني ايه محضرها ؟؟
يعني تقريبا حافظ وفاهم الدرس قبل ما تاخده ولسالك تكه من المدرس وتبقي خلاص تمام

علي فكرة انا كنت بعمل دا ف الكيميا وكنت شرباها شرباااااها ..بس الحمد لله علي كل شيء كانت الكيميا الماده الوحيده اللي نزلتني ...نقصت فيها بشكل خيالي وبقول الحمد لله كله خير
لو كنت جبت النهائيه ف الكيميا كان هيبقي مجموعي 97,5 ...انا دلوقت مكمله احياء علي اساس اخش خاااص

(((((لمرء السعي وليس عليه ادراك النجاح )))))

بالتوفيق

احمد هيونداي

05-11-2010, 06:14 PM

ذاكــــر بجد اجتهـــــاد ..............
تحصل على أعلى الدرجات..............

كنارى

07-11-2010, 09:58 AM

"و اتقوا الله ويعلمكم الله "
" ما عند الله لا ينال الا بطاعته"
طبعا بعد كده مفيش كلام يتقال
لكن أهم حاجة خد بالاسباب وذاكر و اجتهد وربنا مبيضيعش مجهود حد
و حكاية انك مش راضى عن مستواك و مش شايف نفسك شاطر دى علامة انك شاطر
وعلى فكرة لازم ان شاء الله تجيب مجموع كويس فى تانية علشان فى تالته تكون مستريح

كنت هنسى أقولك ان فى كتاب علم النفس اللى أنا مخنوق منه ده هتلاقى حاجات عن اسس الاستذكار الفعال اقراها ممكن تفيدك
و ادعيلى اخش طب انا جبت 97.3% فى تانية وربنا يستر السنة دى
وربنا يوفقك

مروه *

07-11-2010, 04:30 PM

stoof

07-11-2010, 10:53 PM

يا اخونا الحقونى انا فى تانيه ثانوى والحمد لله ماشيه كويس فى دراستى بس كلام الناس عن الامتحنات هيجننىىىىىىىى وعملى توتر عصبى جامد بيخلينى اقره التعليم والمزاكرة والمدرسة وارجوجووووووووو شفولى حل

هههه للأسف الناس و الجو العام مخلي طالب الثانوية حاسس انه هيقابل اسد اخر السنة هههه

انا سنة تانية ده كانت اجمل ايام حياتي .. طبعا اكيد كنت متوتر وقلقان بطريقة فظييييعة جدا .. وبعمل مشاكل واتخانق ... و الناس وكلامها مجنني جدا ......... و كنت بقعد ايام مش بزاكر من الخوف ... لكن عرفت ان ده بيحصل للكل ...
وعادي جدا .. ومتخليش ده ياثر عليكي ....

لكن والله سنة تانية سهلة اوووي اوووي .. انا اكتشفت كدة لما دخلت تالتة ... هيا تالتة مش صعبة كمان .. لكن تانية سنة جميلة وسهلة جدا جدا ..... و محاوليش تسمعي لكلام الناس كتير عشان ده هيقلقك اكتر ... و اعملي الي عليكي وزاكري ... وربنا يوفقك ... ^_^

و تعدي علي خير إن شاء الله :):)

future_doctor

11-11-2010, 01:51 PM

طب ازاي الواحد يحس بالرضا عن النفس من الناحية الدراسية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رنا سكر

12-11-2010, 05:27 PM

يارب دخلنى الطب انا وكل بنات وشباب المسلمين اللي بيتمنوها

قولو ااااااامين

DR Ahmed92

14-11-2010, 12:32 AM

ربنا يوفقك الجميع ...

Mohamed Nada*

14-11-2010, 04:23 PM

وانا يا جماعة مشكلتي بقى اني من 1 ابدائي لغاية 3 اعدادي بدرس في السعودية
وحصلت ظروف وجيت ابدأ الثانوي هنا في مصر .. وانا حاليا في 1 ثانوي
في بداية السنة كنت حاسس اني تايه اوي اوي ولكن دلوقتي الحال أفضل والحمد لله
بس بلاقي كتير مستواهم عالي .. وده مش بيديني دفعه وبقعد اقول اني مش هلحق كلية كويسه ...

فياريت النصايح من الاخوان الأفاضل .. وجزاكم الله كل خير

Mohamed Nada*

16-11-2010, 01:39 AM

د/نداء الجنة المصرية

16-11-2010, 08:11 AM

شكرا ليكوا كلكوا على كل النصايح دى انتوا فتحتوا نفسى على المذاكرة بس النهارده العيد بقى كل سنه وانتوا طيبين وربنا يوفقنا اااااااااااااااااااااااااااااااااااااااااااااااااا ااااااااااااااامين ادعولى اكون دكتوره:av4056bb7jp3:

طارق بعيت

16-11-2010, 06:09 PM

Magic Sword

16-11-2010, 07:57 PM

أنا زيك لسه في ثانية ثانوي ونفسي أطلع دكتور لكن على العموم متضغطش نفسك في المذاكرة من أول السنة لأن في ناس عملت كده السنة اللي فاتت وجت عل نص السنة وملت من المذاكرة ومعدوش طايقين يقعدوا على الكتاب لكن في النهاية توكل على الله واعلم أن الله لا يضيع أجر من أحسن عملاً
اوعى تعمل كدا لا مين اللي قالك كدا انت تزاكر من اول السنه يوم بيوم وتحل كويس والله لو تعبت اول السنه هتبقى اسست لنفسك قاعده كويسه تطمنك من اي قلق اخر السنه زاكر بجد من اول السنه صدقني والله وربنا يوفقكوا يارب وتدخلوا كلكوا كليه الطب دي اللي هتموتوا علشانها انا كنت زيكوا كدا والله وبعد ما دخلت طب بشري دي بجد اتصدمت بس ربنا يوفقكوا بس وتشوفوا بعنيكوا

** MR.SmilE **

18-11-2010, 12:55 PM

كما هو واضح من العنوان انا عايز اطلع دكتوووور
و انا طالب فى تانية ثانوي يقول عنى البعض انى ممتاز فى الدراسة و مع ذلك انا مش شايف نفسى شاطر و مش راضى عن مستواي رغم انى كنت طالع من العشرة الاوائل السنة اللى فاتت و انا بذاكر حوالى 5 ساعات فى اليوم بس ان شاء الله ناوي ازودهم فى المراجعة :049gc0::049gc0:
فياريت الناس اللى جابت مجموع فى السنين اللى فاتت تدخل و تقول كانت بتعمل اية و ياتري انا كدا ماشى صح ولا لا و شكرا مقدما

يا رب اشوفك داكتور كبير قد الدنيا :d

الحكاية مش بعدد ساعات المذاكرة و لا بمستواك في السنين اللي فاتت

اهم حاجة انك تكون فاهم انت بتعمل ايه .. بمعني انت عامل حسابك انك هتذاكر 5 ساعات في اليوم و علس شهر يناير يبقوا 7 و هكذا .. ثانوية عامة مش مذاكرة بس هي فن ف المذاكرة .. تاخد الحصة و ترحع تفهمها و تذاكرها .. مش عليك اكتر من كدة دلوقتي

بالوقت لما تحس انك ابتديت تنسي اللي ذاكرتوا .. ارجع للقديم و خصص وقت تراجعه فيه بعد ما تخلص مذاكرتك الاساسية .. اهم حاجة انك تبتدي من اول السنة .. و ما تكسلش خالص عشان ما يتراكمش عليك شغل كتير

انت الحمد لله كويس و ماشي تمام .. المهم انك تكون واثق من نفسك و من انك بتعمل اللي عليك و ربنا هيعطيك علي حسب مجهودك .. ربنا يوفقك يا دكتور ;)

Mohamed Nada*

18-11-2010, 01:22 PM

bmbmnb

18-11-2010, 06:11 PM

بص يا ريس اول حاجة تعملها ما تسمعش كلام الناس ولا كلام اهلك شوف انت عايز ايه وان كنت عاوز طب يبقى عليك ب98 فى سنة تانية على الاقل ويستحسن انى انت ما تحسبش المزاكرة بالساعات احسبها بالا نجاز سوف انت قدراتك تخلص اد ايه فى الساعة وعلى الاساس ده حدد عدد ساعات مزاكرتك يوميا بمعنى تمشى بجدول ثابت بحيث فى معاد محدد تخلص المواد وفى معاد تانى تخلص مراجعة وفى معاد تالت تخلص حل اسئلة ويكون دا قبل الامتحانات على طول وبعد كده تبدأ تذاكر مزاكرة الامتحانات

نقاء الروح

18-11-2010, 06:24 PM

يا جماعة ردو هنا بليز ...

اول حاجة لازم تشيل من بالك انك عشان جاي من برة
هتكون اقل من ال هنا او ان المناهج صعبة عليك ،
الشاطر شاطر فأي مكان
انت بس ذاكر كويس واول بأول والامور هتمشي كويس

وانا بقولك كدة عن تجربة ، لاني رجعت من برة على تانية ثانوي علطول
واهو الحمدلله جبت مجموع ودخلت طب
يعني مش مقياس انك اتعلمت هنا او برة

وربنا يوفقك يارب وتدخل الكلية ال تحبها
وبالنسبة للمذاكرة الاعضاء ما شاءالله كفوو و وفوا

وربنا يوفق الجميع ،

Mohamed Nada*

18-11-2010, 07:04 PM

اول حاجة لازم تشيل من بالك انك عشان جاي من برة
هتكون اقل من ال هنا او ان المناهج صعبة عليك ،
الشاطر شاطر فأي مكان
انت بس ذاكر كويس واول بأول والامور هتمشي كويس

وانا بقولك كدة عن تجربة ، لاني رجعت من برة على تانية ثانوي علطول
واهو الحمدلله جبت مجموع ودخلت طب
يعني مش مقياس انك اتعلمت هنا او برة

وربنا يوفقك يارب وتدخل الكلية ال تحبها
وبالنسبة للمذاكرة الاعضاء ما شاءالله كفوو و وفوا

وربنا يوفق الجميع ،

ربنا يخليكي وربنا يوفقك الجميع ان شاء الله

:)

ربيع عبدالقوى

18-11-2010, 10:47 PM

أهم حاجة إنك تذاكر أول بأول وماحجاش تشغلك عن المذاكرة وراجع أول بأول عشان ماتنساش وما تضيعش وقتك
وإدعي ربنا إنه يوفقك وصلي كل وقت بوقته وإبقى إقرأ قبل المذاكرة دعاء المذاكرة وصفحة من القرآن وإقرأ كل جمعه صورة الكهف. ربنا يوفقك

future_doctor

19-11-2010, 12:11 PM

شكراااااااااااااااااااااااااااااا يا جماعة على كل الردور الجميلة دي

اسراء محمد مرعى

21-11-2010, 01:21 PM

اول حاجة انصحك بيها انك تعمل جدول مواعيد مذكرة
دا اول حاجة للوصول لما تريد

بس قولى عملت اية فى 3اعدادى علشان تطلع من الاوائل

future_doctor

22-11-2010, 09:36 PM

3 اعدادي دي انا كنت مفكرها صعبة بس لما دخلت ثانوي حسيت انها تافهة و الله
انا مكنتش بزاكر بجدول ولا حاجة و انا مش بقول ان دا صح............ انا مبركنش حاجة و المواد كانت بسيطة و المنهج كان حلو بس هى دلوقتى المناهج اتغيرت و بعدين اقولك على حاجة بس متقوليش ان قولتلك فى معظم محافظات مصر الامتحان بيكون متسرب و كان بيبقى حلة معانا قبل مانخش و كان الواحد الحمد لله كان بيقفل الامتحان ...........بس طبعا الغش دا ميفيدش الا الشاطر .......... و ربنا يوفقنا جميعا ادعيلى

rama hassan

18-07-2016, 03:19 PM

جزاكم الله خيرا

lolododo2010

21-07-2016, 12:10 AM

الطب جميل الواحد رايح 5 اهو ان شاء الله شد حيلك جامد الكلام التحفيزي والنصايح هتلاقيها كتير بس انا بحب ارض الواقع انا كنت عامله موضوع اول ما طلعت نتيجه الثانويه من اربع سنين احنا اعلي تنسيق علي فكره الطب كان واخد من 99.1 كنت كاتبه نصايح كتير بس نظام الثانويه اتغير عموما هتلاقي الموضوع هنا فالمنتدي انا بس عايزه اقلك ان انت اللي ماسك قياده نفسك الثانويه مش شئ خارق زاكر كويس جدا هتجيب مجموع بس مع مراعاه انك تنحي الخوف والدلع جانبا والتوتر كمان خصوصا توتر الاهل غير كده دي سنه عاديه وان شاء الله نرحب بيك فطب عين شمس او اي كليه طب فالقريب بالتوفيق