The Happy Angel
12-09-2007, 04:32 PM
السلام عليكم ورحمه الله وبركاته
بما ان دا اول مرضان يعديا علينا وانا معاكوا بما يعني اني بقالي سنه وشويا هنا
اول حاجه عاوز اقولها اي حد زعلان مني ميزعلش وانا اسف ونبتدي بقي
الموضوع دا بقي كل عضو هيخش اوك ويقول بيعمل ايه في اول يوم رمضان اصل انا بسمع ان الاسر المصريه بيفطروا مع العيله اول يوم يعني مثلا الاب مشحطط ولاده ويلا علي بيت ابوه واليوم التاني عند حماته
وبتعملوا ايه بعد الفطار كل واحد يقول بيحب يفطر ايه ايه انواع الاكل يعني
امممممم وكمان يقول بيروح فيين بعد الفطار ولا بيحب البيت .
يعني انا عاوز اليوم بالكامل الناس اللي في الاقاليم زي محمد السادات والبري كدا عندكوا تلفزيون ولا لسه مدخلش في نور ولا لسه علي الشمع وصحيح عندكوا بتجاز زينا كدا ولا ايه الناس دي بالذات يحكوا كتيير والبيت بتاعكوا تبن لسه ولا بقي اسمنت ولا ايه . بجد والله انا مش عارف مش بتريق والله
نيجي بقي علي العشره الاواخر الناس الجميله اللي بيقضوها بلاي ستاشن وسينما وتهريج وصرمحه انا عارف يقول لبوه نازل اصلي العشا والتراويح وتلاقيه في اي محل مشبوه بتاع بلاي ستاشن زي عمرو 2010 كدا
هههه
وصحيح انتوا هتروحوا المدرسه ولا لا انا عن نفسي منازلهم في رمضان بس
وكفايه كدا
انا عن نفسي ماما بتقلب معدتنا بالاكل التركي والسورري حجات كدا ملهاش امان
بس احناا مش بنروح في حته انا ممكن اروح الاستاد مثلا لو في ماتشات لمصر
او مثلا لو ورايا تصوير ولا حاجه عادي ممكن انزلمن البيت غير كدا انا علي طول في الشارع يعني اصدي في البيت
انا بقي بحب من الاكل المصري المحشي كله بس مش باكل كتير اصل نسبه الكربوهيدرات قليله شويا مما يصعب هضمه وبعدين بيسحب دم من المخ اللي البطن فدا بيخليني دايخ وعامل زي اللي شارب حاجه اصفره
في بقي الملخيه وحشه اوي مش بحبها ولا البميا ولا بحب الكوارع وكل الحجات العفشه دي
بس في بقي حجات تانيه هحكي بعدين
بس يلا دا دوركم انتوا نبتدي اوكيه
Miss_CaR!zma
12-09-2007, 04:43 PM
ههههههههههه
حلو الموضوع اولا
يومك عجيب الصراحه
بس ما علينا
بما انى مصريه صميم اول يوم فطار عند بيت العيله وبيبقى يوم زى الفل صراحه من اوله لاخره
تانى يوم عند بيت العيله ....التانى بقى
المهم باختصار الشهر كله عزومات يا عندنا فى البيت او عند قرايبنا
وبالنسبه لشهر رمضان شهر روتينى يعنى الفطار بعده بشويه التراويح وبعدين سلاااااااااام الى السحور تانى يوم وهكذا دواليك لحد اول يوم فى العيد الصغير:d
وكل سنه وانت طيب ورمضان كريم
The_Relativistic200
12-09-2007, 04:46 PM
احنا عيلة فريدة
بنقضى رمضان انجليزى
هههههههههههههههههههه
تعليق على اكل سعادتك
امال بتحب ايه فى حياتك يابنى:)
The Lord Of The Rings
12-09-2007, 04:54 PM
رمضان بيعدي كله على شاكلة واحدة بالنسبة لي
يوم الصيام ... و الصراحة انا ببقى هلكان لأني ضعفان اساسا ... ييجي الفطار ... سواء فيه عزومة او مفيش فهو بيبقى ملئ بما لذ و طاب ... الشاي و الذي منه .. العشاء و التراويح ... اي مذاكرة سريعة كده لو لزم الأمر .... نوم ... سحور .... فجر .... نوم .... و اليوم تاني زي الأولاني
رمضان كريم دن ددن دن دن اصحي يا نايم وحد الدايم دن ددن دن دن
The Happy Angel
12-09-2007, 05:51 PM
ايه دا انا عاوز اعمق شويا افرض جسمك شد نفسك وارفع راسك لفوق وكمل كتابه يلا كملوا اعمق شويا
amr_2010
12-09-2007, 06:41 PM
[quote=mohamed amar;295565]السلام عليكم ورحمه الله وبركاته
بما ان دا اول مرضان يعديا علينا وانا معاكوا بما يعني اني بقالي سنه وشويا هنا
اول حاجه عاوز اقولها اي حد زعلان مني ميزعلش وانا اسف ونبتدي بقي
الموضوع دا بقي كل عضو هيخش اوك ويقول بيعمل ايه في اول يوم رمضان اصل انا بسمع ان الاسر المصريه بيفطروا مع العيله اول يوم يعني مثلا الاب مشحطط ولاده ويلا علي بيت ابوه واليوم التاني عند حماته
وبتعملوا ايه بعد الفطار كل واحد يقول بيحب يفطر ايه ايه انواع الاكل يعني
امممممم وكمان يقول بيروح فيين بعد الفطار ولا بيحب البيت .
يعني انا عاوز اليوم بالكامل الناس اللي في الاقاليم زي محمد السادات والبري كدا عندكوا تلفزيون ولا لسه مدخلش في نور ولا لسه علي الشمع وصحيح عندكوا بتجاز زينا كدا ولا ايه الناس دي بالذات يحكوا كتيير والبيت بتاعكوا تبن لسه ولا بقي اسمنت ولا ايه . بجد والله انا مش عارف مش بتريق والله
نيجي بقي علي العشره الاواخر الناس الجميله اللي بيقضوها بلاي ستاشن وسينما وتهريج وصرمحه انا عارف يقول لبوه نازل اصلي العشا والتراويح وتلاقيه في اي محل مشبوه بتاع بلاي ستاشن زي عمرو 2010 كدا
انا برضو الي بقضيها يا الي كل ماروح عندك بتخليني العب معاك كورة في الشارع
وانا اقولك بلاش وتروح انت قايلي شويه كده بس
وبلاش بقي احكي علي الباقي
هههه
وصحيح انتوا هتروحوا المدرسه ولا لا انا عن نفسي منازلهم في رمضان بس
انت طول عمرك مقضيها منازل
فاكر لما كنا في تالته اعدادي وكانت حصة الالعاب الحصه الاخير وانت كنت تغيب طول الاسبوع وتيجي علي الحصه دي
وكفايه كدا
انا عن نفسي ماما بتقلب معدتنا بالاكل التركي والسورري حجات كدا ملهاش امان
بس احناا مش بنروح في حته انا ممكن اروح الاستاد مثلا لو في ماتشات لمصر
او مثلا لو ورايا تصوير ولا حاجه عادي ممكن انزلمن البيت غير كدا انا علي طول في الشارع يعني اصدي في البيت
تصوير ايه يا عم محسسنا انك عادل امام ده هو مشهد واحد الي عملته لحد دلوقتي
انا بقي عن نفسي اول يوم بفطرفي بيت العيله الاولاني
وتاني يوم بفضر في بيت العيله التاني
وبصلي التراويح
واحيانا بخرج بعد الفطر مع محمد قمر
والعشره الاواخر بقي طبعا بصلي ليلة القدر في مسجد النور واتسحر بره
وبنزل اجيب لبس العيد مع محمد قمر وواحد صاحبنا تاني
ReceptiveGuy
13-09-2007, 02:57 AM
احنا عيلة فريدة
بنقضى رمضان انجليزى
إن شكلك عايش كل حياتك إنجليزي :D
أنا يومي في رمضان مش بيختلف كتير
بما إني مصري وأبويا مصري
(هوه إنت مش كنت تركي السنة إللي فاتت؟ أنا خايف تجي لنا السنة الجاية تقول إنك صيني )
فطبعاً أول يوم لازم يكون في بيت العيلة
الكل بيتجمع سوا وبيجهزوا الفطار سوا وما لذ وطاب
بيتهيا لي بنفضل ناكل لتاني يوم
بحب الصواريخ جدا
لغاية رمضان اللي فات كنت بنزل اجيبها بنفسي مش عارف ايه الظروف السنة ديه
لو بجيب صورايخ بتبقى بالعلبة عشان ما اذيش حد بصاروخ واحد كده يفلت :p لازم الدستة كلها
اما لو مش صواريخ فبتبقى العاب نارية خاصة اني بنزل اجيبها من جحر المجرمين اصلا مش بحب اجيب الحاجات ديه من باعة التجزئة
بحب النيل جدا في رمضان قضيت رمضان اللي فات يوم اه ويوم لا ع النيل
خصوصاً كوبري عباس بتاع احمد عدوية :rolleyes:
لو مش نيل ولا صورايخ في رمضان وانا مش بتاع سينما
والنت ما لوش لزوم عندي في رمضان ولا الكمبيوتر ولا التلفزيون
يبقى تقدر تقول مش فاضل غير الخروجات
بنقضيها زي ما بتقول سيادتك انا والصحبة ال..... صرمحة لغاية اما نتعب
وطبعا بيبقى فيه شوية روحانيات يمكن ده بيخليني احب رمضان اوي لاني بركز في اي حاجة نفسية
وسهرات رمضان بقى مع الاهل والصحاب غير سهرات اي شهر تاني
بجد بجد طعم مختلف
والافطار الجماعي مع الاصدقاء برضه حاجة في منتهى اللذة
يعني ...
هقولك ايه ولا يه عن رمضان؟
يومي في رمضان؟
يوم تاني :)
شكراً على موضوعك وكل سنة وإنت طيب
ما تنساش الياميش أنا إللي بنزل أجيبه بنفسي برضه
ما يجيبها إلا رجالها :cool:
كنت هنسى محمد عبد المطلب بس كتبته في العنوان
بتغيب علينا وتهجرنا تربارارارارا
وفي السنة مرة تزورنا وبنستناك
انا عاوز اتسحر :mad:
The Happy Angel
13-09-2007, 04:26 AM
اولا يا عمرو انا مطلبتش انك تتكلم انا بصور ايه وبعدين المشهد الي بتتكلم فيه دا 7 دقايق والمسلسل شورت يعني كله 15 دقيقه يعني المشهدين دول نصف الحلقه بالظبط يبني انت بتكلم مين
وبعدين الاستاذ اللي رد قبليا انا معرفوش صراحه بس جزاك الله خيرا لمرورك سعدت كثيرا
ReceptiveGuy
13-09-2007, 07:29 PM
أنا صلاح يا بني
الصيام يعمل فيك كل ده
:d
The Happy Angel
14-09-2007, 10:01 PM
منا عارف انك صلاح انا بتكلم علي عمرو مش انتي وبعدين ايه حكايه تركي دي انا مقلتش حاجه ولا غيرت ولا حاجه دا مش انا اللي قال انجليزي