مشاهدة النسخة كاملة : انا متحيرة وخلاص دماغى هاتطق(ساعدونى)


محبة الرسم
10-11-2010, 01:48 PM
انا بجد متحيرة جدا جدا جدا
ومش عارفة اعمل ايه
انا هاقول لكم مشكلتى وانتم حاولوا تساعدونى بجد
انا بعشق حاجة اسمها رسم وماقدرش اقعد يوم كامل من غير ماارسم
وانا بحب رسم الاشخاص اكتر من رسم المناظر الطبيعية
وكل شوية اسمع ان رسم الاشخاص والحيوانات حرام ودول اسمهم مصوريين وربنا يوم القيامة بيقولهم احيوا ماصنعتم
وانا مش عارفة اعمل ايه دلوقتى
وانا نيتى خير فى الرسم يعنى مش برسم علشان اى حاجة انا برسم لان دى هوايتى
ومن ساعة ماسمعت كدا وانا ماعدتش لى نفس ارسم اى حاجة
ارجوكم ساعدونى

Mohamed.Helmy
10-11-2010, 04:21 PM
بصى انا مش مفتى ...

ولكن ( انما الاعمال بالنيات ) واحنا ربنا ادانا موهبة لو استخدمناها فى شئ حرام فطبيعى هيبقى رسمنا ده حرام .. ولو استخدمنا الموهبة دى فى شئ مش حرام أكيد رسمنا هيبقى مش حرام ...

و انا وجهة نظرى ان مدام بنرسم حاجة ماتغضبش ربنا يبقى الرسم مش حرام .. وبرضه ان نيتنا تكون سليمة ومش قصدنا نصور الحاجة اللى خلقها ربنا ..

محبة الرسم
10-11-2010, 05:05 PM
فاهمة والله
بس مش عارفة باردوا اعمل ايه وانا بقول كدا كتير لنفسى بس بحاول لو رسمت اشخاص مثلا مش اكمل الجسم كلة او كدا
بس يارب مايكونش حرام علينا

شكرا جزيلا للاهتمام بموضوعى
وكل عام وانت بخير

yoya for ever
10-11-2010, 10:20 PM
بصى يا سوسو انا كمان بحب ارسم اشخاص بس وبتهيقلى ان الاستاذ محمد حليم رايه صح لكن انا مش عارفه بس انا نيتى بتبقى خير ومش قصدى خالص انى اقارن رسمى بصنع الله ( لا سمح الله)

Jehad Mohamed
12-11-2010, 04:28 PM
بصى يا محبه ما دام مبنرسمش حاجة غلط او حرام يبقى مبنعملش حاجة

حرام فى حاله :

لو رسمتى لوحة مثل بوترتريه لشخص ما او هكذا وعلقتيها


لو الرسم حرام يبقى ايه لازمتها اننا نرسم ونحبب بعضنا فى هواية زى دى

هو ده اللى اعرفه وهسالك بردو فى الموضوع للتاكيد

محبة الرسم
12-11-2010, 05:08 PM
مانا باردوا بقول
لو ان الرسم حرام ليه ربنا ادانا الموهبة دى
ياريت بجد تسالى لى
معلش انا تعبتكوا معاى بس والله من ساعة ماسمعت كدا وانا مارسمتش ولا رسمة
شكرا على اهتمامكم

ابو اسحاق الحوينى
12-11-2010, 10:56 PM
طبعا لا جدال ان الموضوع حقا حرام ومش كل موهبة ربنا ادهالنى نستغلها فى الحرام وبعدين طيب ما ادينا ممكن نشتغلها فى حلال وممكن نسغلها فى حرام مش معنى كدة ان ربنا مكنش يديهالنا بقى لا ارسمى اى شىء بعيدا عن الاشياء اللى فيها روح وابدعى بقى للمزيد ( ممنوع وضع ايميلات أو أرقام موبايل )

THE CodeR
13-11-2010, 09:58 AM
هو انا برضه بطلت ارسم اشخاص عشان الموضوع ده
لكن لقيت حل الي حد ما اقنعني لاني سألت مدرس الدين بتاعنا عليه
بدأت ارسم شخصيات كرتونية
و هي طبعاً مش بتشبه في الغالب شكل الانسان الطبيعي المجسم
و الاستاذ قالي مفيهاش حاجة
علشان كده كملت في المجال ده
يمكن ده يكون حل يساعدك

محبة الرسم
13-11-2010, 11:01 AM
اه مانا برسم الكرتون والحاجات الخيالية
والمشكلة انى مش بعرف ارسم مناظر طبيعية
لاكن بحاول ارسم مثلا انمى كارتون حاجات مش حقيقة
وحتى لو رسمت حاجة حقيقية مش بكملها يعنى راس بس او عيون بس او لحد مثلا البطن ماعنتش بكمل لما عرفت الموضوع
ووبجد جزاكم الله كل الخير
لكل اللى ساهم فى الموضوع وانتو كدا شجعتنونى انى ابدأ فى الرسم تانى واحط باقى رسوماتى
:)

حب ضاع
13-11-2010, 06:17 PM
ممكن يكونو قصدهم على حاجة تانية مش دى


ومتخافسش بدام نيتك خير خلاص

واستمرى فى رسمك

محبة الرسم
13-11-2010, 10:03 PM
ميرسى.......
:))
(^__^)
+__=

طالبه sh
24-11-2010, 04:20 PM
انا هقولك الى انا اعرف
والى انا سالت فيه شيخ
لان دى مشكلتى انا كمان

رسم الاشخاص الى فيها روح حرام

من ساعه مسمعت كدا وانا مبقتش ارسم اشخاص

كل رسوماتى بقت انمى واشخاص كرتونيه الى بتتعرض على قنوات الاطفال زى تومى وجيرى وسندرلا

وانا نفسى انمى موهبتى اكتر من كدا

فى بدات ارسم فى المناظر الطبيعه

وحولى انتى كمان ترسم فيها

لان رسم الاشخاص فى الحاله دى ملهاش دعوه بالنيه

تقبلى رائى

محبة الرسم
24-11-2010, 07:41 PM
ممممممم
انا عنت لما ببقى عايزة ارسم اشخاص برسم وش بس او حتى ماكملش الجسم
ومعظم رسوماتى كرتون وانمى انا كمان
بس الايام دى اتنقلت لرسم الاشخاص اكتر
ولما سمعت انها حرام
ماعنتش برسم خالص
وبدات من النهاردة يجى لى هوس الرسم وعايزة ارسم وخلاص


شكرا على رأيك

طالبه sh
24-11-2010, 08:31 PM
ما هى المصيبه ان الرسم ده حاجه جميله جدا ومنقدرش نستغنى عنه

محبة الرسم
24-11-2010, 09:10 PM
طيب انا هاقولك حاجة
لو كان الرسم حرام يعنى يبقى ليه ربنا اداكى وادانى الموهبة دى ؟
اسألى نفسك السؤال دا

طالبه sh
25-11-2010, 01:05 PM
كل انسان ربنا مديله موهبه يبقى لازم يستغلها صح

فى رسم الشجر وضخور وبحار وحاجات جميله ربنا خلقها لينا

اما الاشخاص اذا كان تصوير او رسم
يوم القيامه ربنا هيقولنا انتو رسمتم كما انا خلقت

انفرخى فيها الروح

واحنا ننفخ ولا يحدث شئ

يبقى نشتخل فى المضمون احسن

محبة الرسم
25-11-2010, 10:40 PM
فاهمة طبعا بس قصدى هو انتى لما ترسمى شخصية يعنى بتكون نيتك ايه يعنى
انا بالنسبة لى ولا حاجة يعنى برسم للتسليه وبس
وانما الاعمال بالنيات
فأنا الحمد لله رجعت للرسم تانى وحاسة بفرق شاسع
وانا عن نفسى مش بكمل الشخصية انا كد كدا مش بعرف ارسم الجسم فأنا برسم وش بس وساعات عيون بس
ومعظم اللى برسمه انمى وكرتون علشان دى حاجت مش حقيقة
على العموم جزاكى الله كل خير على رأىيك المفيد جدا

الفارس100
28-11-2010, 01:24 PM
السلام عليكم ورحمة الله وبركاته ..

اليكم اخواني واخواتي الكرام هذا الحكم على الرسم (http://forums.fonon.net/showthread.php?t=383)والتصوير للشيخ الباز رحمة الله ..

س يقول أحد الشباب: من الشباب من يحب فن الرسم، وهو يرسم مرارا فنريد معرفة موقف الإسلام من الرسم؟

الجواب: الرسم (http://latefsat.com/vb)له معنيان: أحدهما: رسم الصور ذوات الأرواح، وهذا جاءت السنة بتحريمه، فلا يجوز الرسم (http://latefsat.com/vb)الذي هو رسم ذوات الأرواح، لقول النبي صلى الله عليه وسلم في الحديث الصحيح: كل مصور في النار وقوله صلى الله عليه وسلم: أشد الناس عذابا يوم القيامة المصورون الذين يضاهئون بخلق الله ولقوله صلى الله عليه وسلم: إن أصحاب هذه الصور يعذبون يوم القيامة ويقال لهم أحيوا ما خلقتم

ولأنه صلى الله عليه وسلم لعن آكل الربا وموكله، ولعن المصور، فدل ذلك على تحريم التصوير، وفسر العلماء ذلك بأنه تصوير ذوات الأرواح؛ من الدواب والإنسان والطيور.

أما رسم ما لا روح فيه- وهو المعنى الثاني- فهذا لا حرج فيه، كرسم الجبل والشجر والطائرة والسيارة وأشباه ذلك، لا حرج فيه عند أهل العلم، ويستثنى من الرسم (http://latefsat.com/vb)المحرم ما تدعو الضرورة إليه، كرسم صور المجرمين حتى يعرفوا وحتى يمسكوا، أو الصورة في حفيظة النفوس التي لا بد منها ولا يستطيع الحصول عليها إلا بذلك، وهكذا ما تدعو الضرورة من سوى ذلك، فإذا رأى ولي الأمر أن هذا الشيء مما تدعو الضرورة إلى تصويره لخطورته ولقصد سلامة المسلمين من شره حتى يعرف أو لأسباب أخرى فلا بأس، قال الله عز وجل: وَقَدْ فَصَّلَ لَكُمْ مَا حَرَّمَ عَلَيْكُمْ إِلَّا مَا اضْطُرِرْتُمْ إِلَيْهِ [الأنعام: 119].

وعلى فكرة من حبي للرسم وعملي فيه ابتكرت طريقة المساحات اللونية والبعد عن التفاصيل وانا برسم كده
http://www.thanwya.com/vb/showthread.php?t=265381 (http://www.thanwya.com/vb/showthread.php?t=265381)


تحياتي ..

والسلام عليكم ورحمة الله وبركاته

محبة الرسم
28-11-2010, 10:08 PM
شكرا لك جزيلا ل

























































































































































































































































































































































































شكرا جزيلا لك على النصيحة