هل تؤيد اشتراك البنات في (الفيس بوك)؟؟؟؟؟ [الأرشيف]

وردة امل

12-11-2010, 09:20 PM

السلام عليكم ورحمة الله وبركاته

الموضوع بكل بساطة ان انا شوفت حلقة على قناة الرحمة كانت بتتكلم عن الفيس بوك

وكان في جزء من الحلقة بيتكلم عن اشتراك البنات في الفيس وكدة

فلفت انتباهي كلام شاب بيسألوه انت ترضى ان اختك تشترك في الفيس بوك ولا لا؟؟؟

فكان رده :لا طبعا انا مرضاش ان البنات تشترك في الفيس بوك ولا يكون معاها (لاب توب) او (كمبيوتر) وحدها لانو مش مضمون معاها ممكن تعمل بيه ايه !!!!!!!!!!
وكمان لو عايزة حاجة ضروري عليه تدخل على بتاعي انا او تشترك باسم ولد......

انا بصراحة عايزة رأيكو عن اشتراك البنات في الفيس بوك

ولو اني شخصيا شايفة اني المفروض اسال عن الطرفين البنات

والولاد عن اشتراكهم في الفيس بوك ولا دة مش من حقي ؟؟؟؟
يعني اشمعنة مش بنسأل عن الولاد كمان ؟؟؟؟؟؟;);)

ع العموم انا مستنية ارائكو في الكلام اللي اخونا قاله ورأيكم الشخصي ايه

.................................

الصمت الحزين

bebo_93

12-11-2010, 09:38 PM

Mr. Ali 1

12-11-2010, 10:17 PM

السلام عليكم ورحمة الله وبركاته

وعليكم السلام ورحمة الله وبركاته

فكان رده :لا طبعا انا مرضاش ان البنات تشترك في الفيس بوك ولا يكون معاها (لاب توب) او (كمبيوتر) وحدها لانو مش مضمون معاها ممكن تعمل بيه ايه !!!!!!!!!!

وهو دا ردي أنا أيضاً مع اضافة ولا موبايل كمان !!!!!

الأستاذة أم شاهندة

12-11-2010, 10:23 PM

سبحان الله

المحترمة محترمة سواء على النت أو خارجه

سواء فى فيس بوك أو منتدى

سواء عندها كمبيوتر أو موبايل أو لاتملكهما

فليحسن الأهل التربية أولاً

التربية على الدين وعلى الصداقة بين الأم وابنتها
وعلى المراقبة غير المباشرة
وبعدها صدقونى هى من نفسها
لن تضع صورة
ولن تتحدث مع غريب
ولن تفعل ما يغضب الله قبل أن يغضب والديها

كل حاجة فى الدنيا سلاح ذو حدين
ولكن صاحب العقل يستخدم الحد الصحيح

أنا لى حساب على الفيس بوك ومشتركة باسم مدام فلان
واشارك فى موضوعات عدة دينية وسياسية وإجتماعية أيضاً
اصدقائى هناك هم إخوتى وأولاد عمومتى وخالتى
وصفحتى مغلقة إلا على أصدقائى ولا صور شخصية لى على الإطلاق
تبقى فين المشكلة ؟

ربنا يحمى بناتنا وبنات أمة محمد إن شاء الله

هانى الشرقاوى

12-11-2010, 10:45 PM

رأيى
لو يتفع الأخ يشترك
أكيد ينفع الأخت تشترك
مستغرب أوى الطريقة اللى بنفكر بيها دى

أ/رضا عطيه

12-11-2010, 10:54 PM

لكم الحرية

وردة امل

13-11-2010, 12:07 AM

.......................ز

أ/رضا عطيه

13-11-2010, 12:13 AM

.......................ز

هذا الحرف الجميل
يؤدى إلى طريقين

الأول زملاء
والثانى زباله

فأى الطريقين أقرب فى نظرك ؟؟؟؟؟؟

Amira Mamdouh

13-11-2010, 12:19 AM

كل واحدة حرة
بس انا مش عاملة اكونت على الفيس بوك لأنى اصلا مش بحبه انا عارفة ناس كتير اوى مش محتاجة اعرف ناس تانية

النهضة قادمة

13-11-2010, 12:44 AM

نقاء الروح

13-11-2010, 10:27 AM

انا باتفق مع كلام استاذتي أستاذة أم شاهندة
اهم حاجة التربية والاخلاق
هي الاساس ، وطالما الواحدة محترمة يبقى مافيش مشكلة
ومش كل حاجة لازم نستخدمها غلط
الفيس زي ماله عيوب له مميزات
وانا اعرف وحدة ما شاء الله عليها مشاركة فيه
وقمة فالاخلاق وبتدخل تستفيد فمجال دراستها
يعني فالاخر كله بيعتمد على البنت نفسها وطريقة تربيتها

ومش بقول كدة لاني عندي حساب عليه
انا اصلا مش مسجلة فيه ولا بدخله

**تسابيح**

13-11-2010, 12:16 PM

أنا بصراحة مش مشتركة ع الفيس بوك
ودخلته مرة فضول ولقيت صور بنات محجبات
وحاجات عجيبة خالص ;)
لكن الاشتراك فيه ازاي وكدا وايه اللي بيحصل فيه
عندي اميه في الحاجات دي..!!

لا طبعا انا مرضاش ان البنات تشترك في الفيس بوك ولا يكون معاها (لاب توب) او (كمبيوتر) وحدها لانو مش مضمون معاها ممكن تعمل بيه ايه !!!!!!!!!!
وكمان لو عايزة حاجة ضروري عليه تدخل على بتاعي انا او تشترك باسم ولد

هو حرام وانا معرفش !!

وهو دا ردي أنا أيضاً مع اضافة ولا موبايل كمان !!!!!
ليه!!!!
:bosyht9:بصراحة رد غريب ...:bosyht9:
:bosyht9::bosyht9::bosyht9::bosyht9:!!!!!:bosyht9: :bosyht9::bosyht9:

Mr. Ali 1

13-11-2010, 12:23 PM

أنا بصراحة مش مشتركة ع الفيس بوك

ودخلته مرة فضول ولقيت صور بنات محجبات
وحاجات عجيبة خالص ;)
لكن الاشتراك فيه ازاي وكدا وايه اللي بيحصل فيه
عندي اميه في الحاجات دي..!!

هو حرام وانا معرفش !!

ليه!!!!
:bosyht9:بصراحة رد غريب ...:bosyht9:

:bosyht9::bosyht9::bosyht9::bosyht9:!!!!!:bosyht9: :bosyht9::bosyht9:

ما هو ليه دي مش حينفع أوضحها كما ينبغي في المنتدي .
لأن بالطبع الكل حيعارض وحينكر , وعشان كده أنا كان ردي مختصر جدا جدا , بعكس
تعليقاتي علي المواضيع المختلفة .
متفتحيش عليّ سكك أنا في غني عنها يا تسابيح :blush:

Heartbeat

13-11-2010, 12:25 PM

انا رايى ان البنت هى باخلاقها بتجبر الناس تحترمها وطالما انها متربية كويس وعارفه دينها اكيد مش هتعمل حاجة غلط واحنا مينفعش نكون متشددين اوى مع البنت وفى نفس الوقت نعطى للولد الحرية الكامل
ويعنى ايه البنت ميكنش معاها لا كمبيوتر ولا موبايل كمان؟

Dr_Mohamed_LFC

13-11-2010, 12:28 PM

انا بصراحه مش شايف فايده للفيس بوك من الولد او البنت علشان نقول نؤيد اشتراك الولد او البنت وفى كلتا الحالتين احنا الى خسرانين بندخل عليه وبدون فايده والموقع المستفيد من ورانا فلوس واعلانات وغيره انا بصراحه لا مؤيد الولد يدخل او البنت تدخل

ياسمين الشرقاوي

13-11-2010, 12:30 PM

لا مبايدش خالص

yara attia

13-11-2010, 12:37 PM

انا كمان مشتركة في الفيس بوك بس الصراحة باسم ولد

لاني كنت بسمع انه بيحصل فيه حاجات وحشة وفضايح فقلت ادخل باسم ولد

لكن انا مش بعارض ان البنات تشترك فيه

لان فعلا اهم حاجة التربية والاخلاق

لو هي مؤدبة خلاص ميتخفش عليها

**تسابيح**

13-11-2010, 01:16 PM

ما هو ليه دي مش حينفع أوضحها كما ينبغي في المنتدي .
لأن بالطبع الكل حيعارض وحينكر , وعشان كده أنا كان ردي مختصر جدا جدا , بعكس
تعليقاتي علي المواضيع المختلفة .
متفتحيش عليّ سكك أنا في غني عنها يا تسابيح :blush:
بس حضرتك لازم توضح وجهه نظرك
مش يمكن تقنع ناس وانا من ضمنهم يعني !!
ونغير اتجاهاتنا خالص وممكن بعد كدا
مش تلاقي ولا بنت في المنتدي:d:d
ولا حتي معاها موبايل:d

ياسمين الشرقاوي

13-11-2010, 01:19 PM

الله ينور عليك موضوع رائع

Mr. Ali 1

13-11-2010, 01:34 PM

بس حضرتك لازم توضح وجهه نظرك

مش يمكن تقنع ناس وانا من ضمنهم يعني !!
ونغير اتجاهاتنا خالص وممكن بعد كدا
مش تلاقي ولا بنت في المنتدي:d:d

ولا حتي معاها موبايل:d

صدقيني يا تسابيح لو علمت في ايضاحي خيراً لأوضحت الأمر كما أراه ويراه
الغالبية , ولكني أعلم جيداً أن الأمر سيؤدي إلي مشاحنات ومجادلات علي الأقل
أنا في غني عنها !!!
وكمثال صغير دون خوض في التفاصيل :
كل من يؤيد هذه الحريات للبنت لن تجدي له أي مبرر أخر سوي " طالما التربية والنشأة هي تربية سليمة وعلي الاسلام , فلا بأس " !!!
لو كان ما نزعمه صحيحاً , ما كان هذا حالنا !!!!
وكفاية بقي يا تسابيح , انتي بتستدرجيني واحدة واحدة , وأنا لو انفتحت مش حخلص :bosyht9:

**تسابيح**

13-11-2010, 02:07 PM

صدقيني يا تسابيح لو علمت في ايضاحي خيراً لأوضحت الأمر كما أراه ويراه
الغالبية , ولكني أعلم جيداً أن الأمر سيؤدي إلي مشاحنات ومجادلات علي الأقل
أنا في غني عنها !!!
وكمثال صغير دون خوض في التفاصيل :
كل من يؤيد هذه الحريات للبنت لن تجدي له أي مبرر أخر سوي " طالما التربية والنشأة هي تربية سليمة وعلي الاسلام , فلا بأس " !!!
لو كان ما نزعمه صحيحاً , ما كان هذا حالنا !!!!
وكفاية بقي يا تسابيح , انتي بتستدرجيني واحدة واحدة , وأنا لو انفتحت مش حخلص :bosyht9:
طيب ما اللي عايز يغلط هيغلط حتي في الحياة العامة بس بدل فيه رقيب وهو ربنا
اكيد مش هيغلط ولا ايه !!!
وبعدين كمان الممنوع مرغوب...!!!
انا بحاول استفيد من حضرتك :)

Mr. Ali 1

13-11-2010, 02:31 PM

طيب ما اللي عايز يغلط هيغلط حتي في الحياة العامة بس بدل فيه رقيب وهو ربنا

اكيد مش هيغلط ولا ايه !!!
وبعدين كمان الممنوع مرغوب...!!!

انا بحاول استفيد من حضرتك :)

اااااااااااااااااااه من المنايفة ومكرهم !!!!
قلتلك منوفي علي منوفي مينفعش :p:p
بس عشان تسابيح غالية جداً عند الكل , حرد علي كلامك دا , بس باختصار .
مينفعش أحط البنزين جنب النار وأقول حوطي النار شوية !!!!!!!
انتي عايزة ايه بالظبط ؟؟؟؟!!!!!
البنات والستات هنا في المنتدي كتير اوي , ومعظم الشباب حيبقوا في صفهم
وأنا اللي مش حعجب !!!:angry2::angry2:

samar saad

13-11-2010, 03:23 PM

اولا موضوع جميل جدا وكنا محتاجين نقاش فى الموضوع ده
اولا انا مش بعارض نهائى ان بنت تشترك فى الفيس انا عاملة اكونت لكن طبعا بشروط اولا ممنوع انها تحط صورة ليها او للعيلة مثلا او اى حد تعرفه
ثانيا فى حاجه اسمها اقبل صداقة حد ولا لا وعلى سبيل ذلك بختار اللى انا عوزاه يعنى لا زم تكون واحده اعرفها او صديقة مشتركة عند صحبتى وواثقة فيها لكن مش اضيف اى حد والسلام
ليكي الحرية انك تقبلى او لا يعنى مش مفروض عليكي وانتى اللى بأيدك تصونى نفسك
وراجعه برضوة للتربية وان يبقا فى رقابة اكيد
وانا مش شايفة انه غلط الا لو تجاوز الحدود
الفيس شبيه للمنتديات الا انه بيبقا فيه حرية شوية لكن المنتدى قوانين ولازم نلتزم بيها
فده رأيي المتواضع
ميرسى يا حبيبة قلبى موضوع رائع للمناقشة

roro93

13-11-2010, 03:41 PM

السلام عليكم ورحمه الله وبركاته

لا طبعا ازاى يعنى؟؟؟المحترم محترم فى كله مش هتستنى كمبيوتر ولاب توب..

الفيس بوك موقع زى اى موقع بس البعض بيستخدمه استخدام سئ وانا عن نفسى مشتركة فيه وعارفه كويس انا بعمل ايه فيه لكن حكاية الشاب دى اصلا عدم ثقة كبيره جدا لكن الفيس بوك موقع عادى

على كده بقى البنات ملهاش خروج ولا تعليم ولا تليفزيون ولا موبايل ولا كمبيوتر ولا حاجة خالص توعد جمب الحيطة لغاية ماتموت..اصلها مش مضمونه يا ترى ممكن تعمل ايه

لالا طبعا مفيش حاجة اسمها كده

engi11

13-11-2010, 03:43 PM

المحترمه محترمه فى كل حته على النت او بره النت على موقع علمى او شات
ولو البنت محترمه ومؤدبه والله لو فين حتى برده حاتبقى محترمه
وكل واحد وايه وحريته الشخصيه دا رايي
وشكرا

Observer

13-11-2010, 03:43 PM

لا أؤيد لا البنات ولا الولاد
موقع غريب وبيتحول لإدمان ومفيش فايدة عملية منه
كان عندى حساب فيه اكتر من 1000 صديق وجروب اعضاؤه عدو ال 500
قفلت الجروب ولغيت الحساب لأنه بدأ ياكل الوقت بطريقة غبية
ومن غيره عايش مرتاح هانى البااال على رأى اللمبى :d

samar saad

13-11-2010, 03:44 PM

حب ضاع

13-11-2010, 05:58 PM

الحقيقة هو مش حرام

بس انا اصلا مبحبوهوش

شكرا لك

magy20

13-11-2010, 06:08 PM

والله انا مبحبهوش اصلا لأنى سمعت انه موقع اسرائيلى تحاول من خلاله استمالة عدد كبير من المسلمين والمسلمات

لذلك اطالب بالا يشترك فيه أحد من الاولاد أو البنات

وردة امل

13-11-2010, 06:21 PM

موضوع رائع

اولا انا عندى اكونت على الفيس بوك :d:d:d

بس بالنسبه للبنات مش مستحب خالص انها تشترك فيه
لان البنت اللى تنزل صورها وتكلم شباب العالم كلهم متبقاش محترمه ازاى بنت توى صورها للدنيا كلها والتعليقات السخيفه اللى بتبقى من الشباب
اين الحياء والاحترام :angry2::angry2:

ممكن البنت تشترك فى الفيس بوك بس بشروط طبعا اذا كانت محترمه

انها مش هاتنزل صورها ولا اى حاجه ومش هاتضيف او تكلم غير اصحابها البنات وقرايبها بس

ممكن تستخدمه فى حاجه تنفعها كل حاجه ليها عيوب وليها مميزات بس للاسف الناس بتبعد عن المميزات وتروح للعيوب وتعملها :(:(

عادى جدا ان البنت تشترك فى الفيس بوك.
.مدام هي مش بتعمل حاجه وحشه ومش بتضيف ولاد ما تعرفهمش.
.ومش بتدخل على حجات مش مضمونه..يبقى خلاص.
.عادي انها تشترك في الفيس بوك..
وهي لو بنت متربيه وعارفه مصلحتها اكيد مش هاتعمل حاجه وحشه والفيس بوك مفيد الي حد ما يعني فيه جروبات حلوه اوي ولعمرو خالد و مصطفى حسني
وكمان متعملشى شات مع حد ويكون في مراقبة جامدة من الوالدين ومضفشى اي حد ماتعرفهوش لاني في اولاد بتدخل علي اساس وبنات وبيكتبوا اسماء بنات
ربنا يهدى
شكرا للمرورك

وردة خجوله

13-11-2010, 10:17 PM

موضوعك جميل جداااا
بصى يا قمر انا عايزة اعلق على حته البنت مش يكون عندها لاب توب شخصى او جهاز كمبيوتر شخصى
طيب انا عايزة افهم حاجه هو الغلط اللى البنت ممكن تعمله مش ممكن الولد يعمل اكتر منه
طيب الاخ اللى بيخاف على اخته بيخاف عليها من مين من شاب زيه يعنى الغلط برده مش من البنات بس
طبعا البنت المحترمه محترمه دايما على الفيس وغيره والمحترمه بترسم لنفسها خطوط حمراء على النت عموما
لان النت فى النهايه وسيله اختلاط تعتبر غير مباشرة
اسفه على الاطاله
وانا مش بحب الفيس اصلا

اختك : وردة خجوله

الأستاذة أم شاهندة

13-11-2010, 10:24 PM

هذا الحرف الجميل
يؤدى إلى طريقين

الأول زملاء
والثانى زباله

فأى الطريقين أقرب فى نظرك ؟؟؟؟؟؟

الطريق الثالث هو الأقرب أن صاحب الموضوع حب يعمل مشاركة لرفع الموضوع
وبما أن حرف الزين بعد الضغط عليه بsheft
يصبح نقط
حدث الخطأ الموجود عند تكراره

أ/رضا عطيه

13-11-2010, 11:20 PM

الطريق الثالث هو الأقرب أن صاحب الموضوع حب يعمل مشاركة لرفع الموضوع
وبما أن حرف الزين بعد الضغط عليه بsheft
يصبح نقط
حدث الخطأ الموجود عند تكراره

معلومة جديده

من حضرتك لم أكن أعلمها

وشكرا ع التوضيح

وبعتذر إذا كانت مشاركتى أغضبت أحد

X-Designer

14-11-2010, 12:28 AM

لا طبعا لان حتي لو هي بنت كويسة
اشتركت ليه في الفيس بوك ؟
شات مع صحباتها ؟ عندها الياهو
وتقدر تشيت مع صحباتها من الموقع
بدون البرنامج !
هو موقع اجتماعي اصلا اتأسس عشان
الـ relationships
البنت المحترمة ببساطة لا تحتاج له لانه
لا يقدم لها اي جديد

وردة امل

14-11-2010, 05:41 PM

داليا مصطفى ابراهيم

17-11-2010, 12:11 AM

داليا مصطفى ابراهيم

17-11-2010, 12:17 AM

Magic Sword

17-11-2010, 02:11 AM

وهو دا ردي أنا أيضاً مع اضافة ولا موبايل كمان !!!!!
وانا كمان نفس رد الشاب مع اضافه الموبايل

solidsnake

17-11-2010, 04:24 AM

يا جماعة...
البنت عندها العاطفة بتسيطر عليها أكتر من العقل عشان كدا يقال :
ناقصات عقل و دين
ممكن تكون بنت محترمة و كل حاجة بس تيجي لحظة
و عاطفتها تسيطر عليها
من راي أعارض امتلاك البنت لكمبيوتر أو لاب
والحياة حلوة

Ahmed 3030

17-11-2010, 10:39 AM

انا خايف اتكلم لحد يفتكرني بهزر:006et4::006et4:
هو ايه الفيس بوك ؟ أنا عارف انه موقع , أقصد يفرق ايه عن المواقع الأخري؟:excl:
وموجود فيه ايه ؟:romarioxp6::romarioxp6:

libero

17-11-2010, 11:16 AM

لا اؤيد .....

كل عام .....
كل عيد ......
وأنتم إلى الله أقرب .....

ام المومنين عائشة

17-11-2010, 06:20 PM

ام المومنين عائشة

17-11-2010, 06:21 PM

كل عام والامة الاسلامية بالف خير

shima'a

17-11-2010, 06:44 PM

والله المحترمة محترمة مع ربها ومع نفسها قبل اى حد لايمانها ان فى رب يراقبها
اما موضوع انها ماينفعش يبقى معاها لاب توب او موبايل فهذا شئ غير مقبول
لان الفتاه ممكن تحتاجه فى شغلها او لنفسها مع بقائها محافظة على اداب دينها
ولكم جزيل الشكر

mony_love2211

18-11-2010, 12:14 AM

انا مع اشتراك البنت على الفيس لان البنت محترمه محترمه
ما انا عندى اكونت بس مش بكلم شباب وكمان مش بحط صورى
فانا بالنسبه لى عادى بس بشروط ويجب انا لا تتعدى البنت هذه الشروط
وشكرا لطرحك المتميز

طبعي كدا

18-11-2010, 01:30 AM

الحقيقة هو مش حرام

بس انا اصلا مبحبوهوش

شكرا لك

حتة حرام وحلال دي ملناش دعوة بيها

او مش احنا اللى نقولها

وشكراااااا

طبعي كدا

18-11-2010, 01:38 AM

مفيش حاجة اسمها البنت المحترمة محترمة
والكلام ده احنا مش خايفين ع البنات انها تكفر او تتجوز عرفى او حاجات كبيرة لا دول لو عايزين كده هيعملوا كده
خلاص دول انتهوا من تفكيرنا لا احنا نقصد حاجات تانية كتيييير ممكن تكون ابسط من كده في اذهانهن و لكنها كبيرة عند ربنا انا دلوقتي بتكلم في الفيس بوك تحديدا و ايضا قد يكون في المنتديات
مثل الكلام اللي فيه تجاوز بين الاعضاء مثل اختي العزيزة الاعضوة الفاضلة وغيرة بل من الممكن ان يصل التجاوز الى عزيزتي في يوم من الايام او معرفة اسم العضوة وغيرة وعلشان خاطرك انتي بس انتى عارفة غلاوتك عندي ههههه
وتبادل الايميلات الحاجات دي يا جماعة بتيجي واحدة واحدة يعني ممكن واحدة محترمة والله بس واحدة ورى واحدة تبقى كده مش مرة واحدة
وغيره من الاسباب

marium ali

18-11-2010, 08:00 AM

وهو دا ردي أنا أيضاً مع اضافة ولا موبايل كمان !!!!!

على فكرة دا تعصب رجولى واضح جدا
وانا مش بحب التعصب الرجولى
وانا صحيح لسة مش ليا اكونت على الفيس بوك لانى لسة طالبة 3 اعدادى
بس مش هاعترض على ان البنات يشتركو فية طالما البنك محترمة وعارفه هى بتعمل اية
وعلى فكرة البنت مش هتعمل حاجة غلط الا اما الولد يبدا
وانا بس بسال اللى بيتكلمو فى مواضيع خارجة دول مبيفكروش ان دا ممكن يحصل مع بناتهم او اخواتهم

المشتاقة للنقاب

18-11-2010, 12:11 PM

اولا
السلام عليكم ورحمة الله وبركاتة

اختلفت الاراء حول اشتراك البنت فى الفيس بوك
بس انا من رأى اساسا ان الفيس بوك دة عالم غريب
صعب البنت تدخل فيه حتى لو فى قمة الاحترام
انا اشتركت عليه بس عشان اشترك فى برنامج معين
بس ماعرفتش اشترك لانى مش حباه
بس والله والله والله لو البنت محترمة وكويسة جدا جدا
فمهما عملت لازم هتغلط لانه عالم غريب وبيتوه اوى
و الشيطان شاطر...
وربنا يهدى الجميع

Prof.Dr/A.T.M

18-11-2010, 12:16 PM

تحية مصرية

18-11-2010, 12:41 PM

Completely with u
المحترم محترم جوه وبره والفرق بقى التربية من الاول

وكمان لو هنقول لا البنات مينفعش تدخل يبقى برضو الولاد مينفعش تدخل ولا هوا الغلط بيبقى ع البنات وحلال للولاد؟؟

رايي ع حسب التربية من الاولا
انا اؤيد رأيك وفى النهاية لايصح الا الصحيح:022yb4::022yb4::022yb4::022yb4::022yb4::022 yb4:

Ahmed 3030

18-11-2010, 01:00 PM

وانا أعترض :mad:
أنا أشجب:049gc0:
أنا أستنكر:040vk0:
أنا مش فاهم حاجة خالص ومحدش عايز يفهمني ايه هو الفيس بوك
وموجود عليه ايه:006et4::006et4:

Heartbeat

18-11-2010, 01:31 PM

وانا أعترض :mad:
أنا أشجب:049gc0:
أنا أستنكر:040vk0:
أنا مش فاهم حاجة خالص ومحدش عايز يفهمني ايه هو الفيس بوك
وموجود عليه ايه:006et4::006et4:
حضرتك والله انا كمان مكنتش اعرف ايه هو الفيس بوك ده بس قبل كده كنت على موقع الاستاذ مصطفى حسنى فكان مكتوب انى اسجل عليه علشان اكتب تعليق على مصطفى حسنى بس وانا زى العبيطة دخلت وسجلت كمان باسمى الحقيقى ومش بدخل عليه تانى لانى مش فاهمة حاجة

Ahmed 3030

18-11-2010, 01:50 PM

حضرتك والله انا كمان مكنتش اعرف ايه هو الفيس بوك ده بس قبل كده كنت على موقع الاستاذ مصطفى حسنى فكان مكتوب انى اسجل عليه علشان اكتب تعليق على مصطفى حسنى بس وانا زى العبيطة دخلت وسجلت كمان باسمى الحقيقى ومش بدخل عليه تانى لانى مش فاهمة حاجة

يعني انتي مش عارفة زيي بالظبط:006et4::006et4:

artistgirl

18-11-2010, 04:02 PM

مستغربه ان لسه فيه ناس بتفكر بالطريقه دى يعنى ايه ميرضاش ان اخته تشترك فى الفيس بوك اولا دى حريه شخصيه وثانيا لو هوة مرضاش انها تشترك فى الفيس يبقى هى كمان من حقها تعترض عليه وهوة كمان ميشتركش ثالثا اللى عايز يعمل حاجه غلط بيعملها مش مستنى يعنى الفيس بوك عشان يشترك فيه

ASERMAN

22-02-2011, 03:17 AM

مشكووووووووور و بارك الله فيك

H . M

22-02-2011, 06:38 AM

والله هو لكل شيئ حدود
يعني البنت المحترمه اللى تشترك في الفيس أكيد عارفه الحدود اللى تتعامل بيها مع الاشخاص المشتركين
وطبعا تكون مش بتكلم غير صديقاتها البنات واقاربها بس
لكن موضوع الشباب والصور الشخصيه و.... والكلام الفاضي ده يبقي قله أدب

وبعدين انا مش شايفه ان للفيس بوك أهميه في حاجه
غير إنه بيجيب مشااااااكل

رمضان كريم 2

22-02-2011, 07:01 AM

الفيس بوك كغيره من الأشياء التى استجدت فى عصرنا كالانترنت والفيديو والدش وغيرها .
والعلماء وضعوا قاعدة فى الحكم على هذه الأشياء " أن ما استوى طرفاه بين الحل والحرمة فحكمه حكم ما أفضى إليه "
فلو استخدم فى حلال فهو حلال ولو استخدم فى محرم فهو محرم ولا يوجد شيئا محرم بإطلاق فكما هناك من يستخدمه فى أشياء محرمه هناك من يستخدمه فى الرد والدفع عن دينه ونشر الدعوة الاسلامية .
خلاصة القول هو جائز لمن استخدمه فى خير وحرام فى غير ذلك ولا فرق بين رجل وامرأة فى ذلك

على سبيل الحق

22-02-2011, 08:37 AM

المسألة تحتاج ضوابط كثيرة سواء كان الداخل شابا أو فتاة وإلا يكون الأمر
ألقاه فى اليوم مكتوفا وقال*إياك إياك أن تبتل بالماء

Hopeful Girl

22-02-2011, 09:17 AM

أنا من رأيى

انه طالما البنت محترمة

وتحب اهلها

لدرجة انها مش عايزة تضيع تربيتهم الصالحة ليها على الارض

هيبقى فيها حاجة لو اشتركت

طالما مش هتحط صور شخصية

وطالما مش هتقبل صداقات الا من بنات

Mido 886

22-02-2011, 09:18 AM

لا أؤيد ...

Hopeful Girl

22-02-2011, 09:32 AM

لا أؤيد ...

طيب ممكن سبب

صوت العقل

22-02-2011, 10:40 AM

انا من المعارضين للاشتراك فى الفيس بوك...
ولم احاول.. ولن احاول التواجد فيه...

شيماء شريف

22-02-2011, 11:11 AM

هانى الشرقاوى

22-02-2011, 12:34 PM

أوافق بكل تأكيد

Mido 886

22-02-2011, 12:54 PM

لا أؤيد ...

طيب ممكن سبب

وكذا حال الجواهر عند المدركين لقيمتها ...

(ABO_ALI)

22-02-2011, 01:09 PM

thankkkkkkkkkkkkkkkkkkkkkkkkkkkk

Hopeful Girl

22-02-2011, 02:05 PM

ايه اللى فيها لما اشترك على اى موقع اجتماعى سواء كان فيس بوك او تويتر او هاى فايف او ماى سبيس ايه اللى فيها

هو لازم يعنى اى حاجه جديده نقول تنفع للبنت ولا متنفعشى طالما هكون بكامل احترامى لربنا ولذاتى ولاهلى
مش شايفه فيها مشكله

أنا معاكى فى الكلام ده

لأن الواحدة المحترمة هتكون محترمة فى كل حاجة

سواء كان قدام الناس أو حتى بينها وبين نفسها

وخلاص بقى

الزمن اللى كنا بنقول فيه ينفع للولد ومش ينفع للبنت

خلاص انتهى

احنا خلاص اتحضرنا

T!to

22-02-2011, 02:26 PM

منكم نستفيد

عاشق البلانكو الابيض

22-02-2011, 02:40 PM

كل شخص حر يدخل ما يدخلش دى حرية

بس عادى فى بنات قافلة الصفحة بتاعتها
ومفيش فيها غير العيلة وكده
وفى بنات العكس خالص
كلووو حسب تفكير وعقلية وتربية الشخص

MiSty AnGel

22-02-2011, 02:42 PM

والله شئ عجيب
والبنات بقي اللي بتقول معارضه للاشتراك في الفيس بوك
ممكن يوضحولي يعني..ايه الفرق بين الفيس بوك والمنتدي ده!!!!
يا سبحان الله
وبعدين معلش يعني.. اللي عمالين يقولو معارضين "من الولاد"
اشمعني احنا مندخلش وانتوا تدخلوا !!
احسن مننا في ايه يعني
وكمان ميبقاش معانا لاب توب ولا كومبيوتر ولا موبايل !!!!
متدفوننا احسن بالحياة
ونرجع تاني لايام وأد البنات؟؟؟؟؟؟؟؟
وايام العصر الجاهلي ...
انتوا فاكرين الحياة بتاعتكم انتوا بس ولا ايه
وبعدين ليه دايما خطأ البنت بيقي جريمه وخطأ الولد عادي مش مشكله
ايه ..هتقولولي الدين بيقول كده
مفيش حاجه بتقول كده
وكمان ايه مراقبه علي البنت وميبقاش معاها كمبيوتر لواحدها والكلام العجيب ده
ده علي اساس ان البنت هتتحول لشيطان مثلا
بس الولد طول عمره ملاك ولا عمره هيعمل حاجه غلط
نفسي اعرف ليه التفكير الغريب ده؟
عايشين تعيشوا حياتكم وتهيصوا وتخرجوا وتدخلوا علي النت ويبقي معاكم موبايلات وكومبيترات....الخ
واحنا نعيش بدون لازمه محرومين من كل حاجه
اتقوا الله !!!

عاشقة الطفولة

22-02-2011, 07:07 PM

والله انا لسه مشتركة من قريب اثناء احداث مصر

وموش شايفة ليه اي لازمة غير اني تكلم مع اصحابي بدل التليفون

واصلا المفروض البنت ولا تدخل باسمها ولا تحط صورتها وكمان ولا تصاحب ولا تحاول انها تعرف اي شباب

عاشقة الطفولة

22-02-2011, 07:11 PM

وكمان في ناس بتستفاد من الفيس عن طريق الدعوة الى الله

قلاش نقول ان النت لو اشتركت في الفيس يبقى حرام

لو بحترمها اوكيه ماشي غير كده لا

هانى الشرقاوى

23-02-2011, 11:51 AM

والنبى حد يقولى احنا فى سنة كام ؟؟؟!!:d
أصلى نسيت:o

هو احنا لسه بنتكلم ايه ... يا ترى ده ينفع للبنات ؟؟؟ ولا للشباب ؟؟ ولا الاتنين مع بعض :(
الذكر والأنثى ... إنسان ... والمرأة مش إنسان درجة تانية
والمحترم محترم فى اى مكان
واللى عنده اخلاق ومبادئ وقيم هو الإنسان .... سواء كان ذكر او أنثى :angry2:
بس برده أى حد يفكرنى احنا فى سنة كام ؟؟

الـشـيـمـ ء ـا

23-02-2011, 12:11 PM

البنت الى عوزة تضمن صيانة حياءها و ادبها وعفتها واسلامها على الفيس
تظبط الاوضاع على عدم استقبال طلبات صداقة جديدة وعدم استقبال رسائل جديدة وتضيف هى الى عوزة تضيفه و ساعتها بقى ربنا يهديها ويصلح حالها ومش تضيف الا البنات صحباتها الى تعرفهم شخصيا وتدخل على الجروبات العلمية تقرأ وبلاش تعلق لو الكاتب رجل اح_ اتقوا مواطن الشبهات_ وربنا يكمل بأدبها وخلقها وعفتها ويقيها من الشباب الى بيدخلوا باسم البنات ويستغلوا السذج حتى يعرفوا معلوماتهن الشخصية ثم يوقعهن فى الفخ وايضا يقيها ويحفظها من ابليسات الانس وصديقات السوء = يابنتى عادى خليكي لارج مدام زمالة مفيهاش حاجة !!! وما الى ذلك من عبارات الخداع لتتساوى الرؤوس فى الخطيئة والمعصية وربنا يحفظنا جميعا !!

انا كمان مشتركة في الفيس بوك بس الصراحة باسم ولد

لاني كنت بسمع انه بيحصل فيه حاجات وحشة وفضايح فقلت ادخل باسم ولد

لكن انا مش بعارض ان البنات تشترك فيه

لان فعلا اهم حاجة التربية والاخلاق

لو هي مؤدبة خلاص ميتخفش عليها

يا جماعة...
البنت عندها العاطفة بتسيطر عليها أكتر من العقل عشان كدا يقال :
ناقصات عقل و دين
ممكن تكون بنت محترمة و كل حاجة بس تيجي لحظة
و عاطفتها تسيطر عليها
من راي أعارض امتلاك البنت لكمبيوتر أو لاب
والحياة حلوة

:oهههههههههههههههههـ:o

هانى الشرقاوى

23-02-2011, 12:14 PM

المشاركة الأصلية كتبت بواسطة solidsnake http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=2841697#post2841697)
يا جماعة...
البنت عندها العاطفة بتسيطر عليها أكتر من العقل عشان كدا يقال :
ناقصات عقل و دين
ممكن تكون بنت محترمة و كل حاجة بس تيجي لحظة
و عاطفتها تسيطر عليها
من راي أعارض امتلاك البنت لكمبيوتر أو لاب
والحياة حلوة

تصدق صح
ههههههه هو انا بننكلم ازاى يا جماعة ؟؟
معقولة اللى بيتقال ده ؟؟؟

MiSty AnGel

23-02-2011, 07:24 PM

MiSty AnGel

23-02-2011, 07:27 PM

:oهههههههههههههههههـ:o

والله العظيم ردك في قمة العقل
هو ده الرد المناسب فعلا والله:d:d:d:d

وجدان حنفي

23-02-2011, 07:28 PM

The-storms

23-02-2011, 07:31 PM

لا اله الا الله

MiSty AnGel

23-02-2011, 07:40 PM

تخيلوا لو اناعملت دلوقتي موضوع اسمه هل تؤيد اشتراك الولاد في الفيس بوك ؟؟؟؟؟؟
هيبقي احساسكوا ايه!!!
هو ده نفس احساسي الان

أسطورة الأحزان

23-02-2011, 09:48 PM

تخيلوا لو اناعملت دلوقتي موضوع اسمه هل تؤيد اشتراك الولاد في الفيس بوك ؟؟؟؟؟؟
هيبقي احساسكوا ايه!!!
هو ده نفس احساسي الان

:022yb4:هل تؤيد اشتراك الولاد فى الفيس بوك؟!! ههههههه :huh:
ياريت يردوا عليكى بجد
ايه رائيكم بتأيدوا كدا ولا ايه من وجهة نظرى ان الولد مينفعش يشترك فى الفيس بوك اصله عاتيفى وعاتفته غلابه على عقله وناقص عقل ودين وادب !!

MiSty AnGel

23-02-2011, 10:10 PM

:022yb4:هل تؤيد اشتراك الولاد فى الفيس بوك؟!! ههههههه :huh:
ياريت يردوا عليكى بجد
ايه رائيكم بتأيدوا كدا ولا ايه من وجهة نظرى ان الولد مينفعش يشترك فى الفيس بوك اصله عاتيفى وعاتفته غلابه على عقله وناقص عقل ودين وادب !!
ههههههههههههه
لا الولاد مينفعش يشتركوا علي الفيس بوك
لانهم مش بيعرفوا يتحكموا في نفسهم
وبيقعدوا يضيفوا البنات ويضايقوهم
واحيانا بيقلبوا في الصور
وينزلوها عندهم علي الجهاز
ده غير انه لو ولد محترم ايه اللي هيدخلوا علي الفيس بوك
عاوز يعمل شات ..ما عنده الميل هينهب ولا ايه
وبعدين هو ممكن يبقي محترم ..بس الشيطان ممكن يلعب بعقله واحده واحده
عادي بتحصل
وكمان اعارض انه يبقي عنده كمبيوتر او لاب توب
ولا حتي موبايل
وكمان لازم تبقي في مراقبه شديده عليه
ولو هيتكلم في الموبايل باباه يقف جنبه لحد ما يخلص المكالمه
يا عالم هيكلم مين؟؟
وكمان لو قعد علي الكمبيوتر بابا ومامته يقعدوا جنبه
الاحتياط واجب برده
والحياه حلوه لوووووول

T!to

23-02-2011, 10:37 PM

الفيس بوك وسيلة زى اى وسيلة ممكن استخدمها صح وممكن استخدمها غلط
وكل شخص حسب تربيته واخلاقه مع المتابعة من المقربين له والتوعية له وهذا راى دائما
لكن ما يثير حفيظى انه هناك شخص معارض لاستخدام البنت للفيس بوك وهذا كلام لاياتى على هواء البعض فيلقبونه بالجاهل والرجعى والمتخلف وتريقة على كيفك
كل انسان عاش فى بيئة مختلفة فنشا فى فكر غير الاخر لهذا ياتى تنوع الافكار وعلى تقبلها واحتوائها وفهمها
وليس التقليل منها علينا بتقبل الراى والراى الاخر
حتى نصل الى الهدف والراى الاصوب
وشكررااااااااا

أسطورة الأحزان

23-02-2011, 11:34 PM

ههههههههههههه
لا الولاد مينفعش يشتركوا علي الفيس بوك
لانهم مش بيعرفوا يتحكموا في نفسهم
وبيقعدوا يضيفوا البنات ويضايقوهم
واحيانا بيقلبوا في الصور
وينزلوها عندهم علي الجهاز
ده غير انه لو ولد محترم ايه اللي هيدخلوا علي الفيس بوك
عاوز يعمل شات ..ما عنده الميل هينهب ولا ايه
وبعدين هو ممكن يبقي محترم ..بس الشيطان ممكن يلعب بعقله واحده واحده
عادي بتحصل
وكمان اعارض انه يبقي عنده كمبيوتر او لاب توب
ولا حتي موبايل
وكمان لازم تبقي في مراقبه شديده عليه
ولو هيتكلم في الموبايل باباه يقف جنبه لحد ما يخلص المكالمه
يا عالم هيكلم مين؟؟
وكمان لو قعد علي الكمبيوتر بابا ومامته يقعدوا جنبه
الاحتياط واجب برده
والحياه حلوه لوووووول

ايوه طبعا الأحتياط واجب هما ايه ضمنهم مين بيكلمهم فى التليفون وبعدين انا اعارض معاكى ان الولد يبقى عنده كمبيوتر ولا لاب توب ولا موبيل :pمعندناش ولاد تشيل موبيلات:angry2: انتى عاوزه الواد ينحرف :angry2:وبعدين لو اعترضوا على كدا لازم الشده وان لازم الامر يتوجب الضرب وعلى رأى المثل أكسر للواد ضلع يطلعله عشره :d
هو انا عارفه ان الرك على الولد الكويس كويس:) بس انتى عارفه بقى الأصحاب بتفسد واحنا بنخاف عليهم مش اكتر والبنات طبعا دى تكلمه ودى تشغلها وطبعا الولاد عاتيفين بيكعوا بسرعه خالث وبعدين خطوات الشيطان انهارده كلام تليفون بكرا تمسك ايده بعده تقوله مقدرش استغنه عنك بعد بعده تقله صلح غلطتك ;)واحنا نستنا بقى لأ نقطع العرق ونسيح دمه :p

khory

23-02-2011, 11:40 PM

ايه التخلف ده

T!to

23-02-2011, 11:46 PM

عاشق البلانكو الابيض

24-02-2011, 01:25 AM

*كنوز*

24-02-2011, 01:29 AM

مش الولد بيشترك اشمعنا البنت لا تشترك

أسطورة الأحزان

24-02-2011, 05:03 PM

[quote=عاشق البلانكو الابيض;3149131]مالكم ومال الولاد انتو :mad:

احنا بس بنقول وجهة نظرنا والأختلاف فى الرأى لا يفسد لأى ود قضيه :049gc0:

ولا الحرمااان صحيح ههههههههههـ:d

واضح ان أثر فيك الكلام بتاعنا وضيقك شويه عموما سورى بس الولد الكويس كويس بردوا الرك على الأخلاق والتربيه :p

ايه يا دكتورة ما فى موضوع تانى كنتى عمالة تقولى عقد ونقص دلوقت انتى بطلعى عقدك على الولاد ولا ايه
ولقيتى حد يساعدك المرة دى

انا مش بساعدها انا قولت وجهة نظر يتوجب علينا نحترم كافة الأراء .....:006et4:

عاشق البلانكو الابيض

24-02-2011, 05:19 PM

اعتقد لو كنتى قراتى كلامى للاخر كنتى هتلاحظى فى الاخر
هما حريين يدحلوا الا عاوزينه

بس اللى انتى بتقوليه ده مش اراء ولا وجهة نظر

دى تررريقة

أسطورة الأحزان

24-02-2011, 05:35 PM

اعتقد لو كنتى قراتى كلامى للاخر كنتى هتلاحظى فى الاخر
هما حريين يدحلوا الا عاوزينه

بس اللى انتى بتقوليه ده مش اراء ولا وجهة نظر

دى تررريقة
لا والله مش قصدى تريقه
انا بس الموضوع كان مضيقنى بس مش اكتر:)
وعموما بقدم أعتذارى لو كان ضيقك ردى :)

عاشق البلانكو الابيض

24-02-2011, 05:50 PM

لا والله مش قصدى تريقه
انا بس الموضوع كان مضيقنى بس مش اكتر:)
وعموما بقدم أعتذارى لو كان ضيقك ردى :)

لا استحق اعتذار

وشكررا للتوضيح

MiSty AnGel

24-02-2011, 06:12 PM

ايوه طبعا الأحتياط واجب هما ايه ضمنهم مين بيكلمهم فى التليفون وبعدين انا اعارض معاكى ان الولد يبقى عنده كمبيوتر ولا لاب توب ولا موبيل :pمعندناش ولاد تشيل موبيلات:angry2: انتى عاوزه الواد ينحرف :angry2:وبعدين لو اعترضوا على كدا لازم الشده وان لازم الامر يتوجب الضرب وعلى رأى المثل أكسر للواد ضلع يطلعله عشره :d
هو انا عارفه ان الرك على الولد الكويس كويس:) بس انتى عارفه بقى الأصحاب بتفسد واحنا بنخاف عليهم مش اكتر والبنات طبعا دى تكلمه ودى تشغلها وطبعا الولاد عاتيفين بيكعوا بسرعه خالث وبعدين خطوات الشيطان انهارده كلام تليفون بكرا تمسك ايده بعده تقوله مقدرش استغنه عنك بعد بعده تقله صلح غلطتك ;)واحنا نستنا بقى لأ نقطع العرق ونسيح دمه :p
هههههههههههههههه طبعا طبعا
وانا رأيي كمان انهم ميخرجوش من البيت ولا يروحوا المدرسه لو كان الامر ضروري
هو هيعمل بالمدرسه والتعليم ايه
ما هو هيتجوز في الاخر ويقعد في البيت لووووووووووول

MiSty AnGel

24-02-2011, 06:17 PM

مالكم ومال الولاد انتو :mad:

ولا الحرمااان صحيح ههههههههههـ:d

ايه يا دكتورة ما فى موضوع تانى كنتى عمالة تقولى عقد ونقص دلوقت انتى بطلعى عقدك على الولاد ولا ايه
ولقيتى حد يساعدك المرة دى

عاوزين تدخخلوووا فيس بوك ولا تويتر ولا اى حاااجة ما تتدخلوووووووووووا
هههههههههههههه
ما هما من اول الموضوع عمالين يقولوا لا ..البنات لا تدخل فيس بوك
ولا يبقي عندها موبايل ولا كمبيوتر ولا لاب توب
قلت انا بقي دي غلاسه:stickjo4::stickjo4::stickjo4:
يبقي اغلس شويه انا كمان
ولا هي الغلاسه بقت تزعل اليومين دول
حاجه غريبه:p:p

عاشق البلانكو الابيض

24-02-2011, 06:25 PM

هههههههههههههه
ما هما من اول الموضوع عمالين يقولوا لا ..البنات لا تدخل فيس بوك
ولا يبقي عندها موبايل ولا كمبيوتر ولا لاب توب
قلت انا بقي دي غلاسه:stickjo4::stickjo4::stickjo4:
يبقي اغلس شويه انا كمان
ولا هي الغلاسه بقت تزعل اليومين دول
حاجه غريبه:p:p

شكلى هشيلك من كشف المتبرعين:p
وابقى اهربى مع نفسك بقااااا
خلى الغلاسة تنفعك:d

أسطورة الأحزان

24-02-2011, 06:33 PM

:dهههههههههههههههه طبعا طبعا
وانا رأيي كمان انهم ميخرجوش من البيت ولا يروحوا المدرسه لو كان الامر ضروري
هو هيعمل بالمدرسه والتعليم ايه
ما هو هيتجوز في الاخر ويقعد في البيت لووووووووووول

لا احنا بدل ما نقعدهم فى البيت نحولهم منازل بدل ما يكبروا يجوا يلمونا ويقولوا انتم السبب صح معلش بقى نديهم فرصه ان شاء الله تكون الاخيره:p
انا عارفه يا اخوتى هيعملوا ايه بالدراسه يلا هما الاهل بردوا يعملوا اللى عليهم وخلاص
هيعد فى البيت واحنا نشتغل صح؟ وهو يفضل طول النهار يعمل شغل البيت ويفضل طول الليى مستنى مراته ترجع من الشغل ميأكلش الا لما تيجى ؟
أممممممممم فكرا بردوا محتاجه دراسة جدول :p

amira elnaggar

24-02-2011, 07:04 PM

مفيش مشكلة والمحترم محترم

Mr. Ali 1

24-02-2011, 08:01 PM

في سنة 2011 ق م
بجد حضرتك اول واحد عاقل يتكلم
افتكرت الناس العاقلين خلصوا في المنتدي

من حقك انك تعبري عن رأيك في الموضوع , وتشتركي في الفيس بوك أو في أي حاجة غيره , دي حرية ليكي انتي .
لكن اللي مش من حقك أبداً انك توصفي كل المختلفين معاكي بأنهم مش عاقلين !!!
دا اسمه تجاوز وحاجة تانية !!!!
وكمان معظم ردودك في الموضوع عبارة عن سخرية وتهكم لكل من يختلف مع رأيك !!
انتي لسه طالبة وبتتكلمي بالطريقة دي والأسلوب دا , امال لما تكبري شوية هتقولي ايه ؟!

MiSty AnGel

24-02-2011, 08:46 PM

من حقك انك تعبري عن رأيك في الموضوع , وتشتركي في الفيس بوك أو في أي حاجة غيره , دي حرية ليكي انتي .
لكن اللي مش من حقك أبداً انك توصفي كل المختلفين معاكي بأنهم مش عاقلين !!!
دا اسمه تجاوز وحاجة تانية !!!!
وكمان معظم ردودك في الموضوع عبارة عن سخرية وتهكم لكل من يختلف مع رأيك !!
انتي لسه طالبة وبتتكلمي بالطريقة دي والأسلوب دا , امال لما تكبري شوية هتقولي ايه ؟!
:(:(:(
والله انا كنت بهزر وواخده الموضوع هزار..ولم اقصد اي اساءه

عموما انا اسفه يا مستر

تقبل اسفي

Mr. Ali 1

24-02-2011, 08:54 PM

:(:(:(
والله انا كنت بهزر وواخده الموضوع هزار..ولم اقصد اي اساءه

عموما انا اسفه يا مستر

تقبل اسفي

أسفك مقبول , ويدل علي انك بنت مؤدبة وعلي خلق .
ربنا يبارك فيكي ويوفقك .

eng mostafa mahmoud

24-02-2011, 09:02 PM

MiSty AnGel

24-02-2011, 09:03 PM

أسفك مقبول , ويدل علي انك بنت مؤدبة وعلي خلق .
ربنا يبارك فيكي يوفقك .
شكرا يا مستر :)
بس انا والله مأخدتش بالي
انا متعوده اني بتكلم مع ناس في سني فبتكلم بتلقائيه ومش بركز انا بقول ايه×_×"
شكرا مره تانيه

rock girl

25-02-2011, 07:06 AM

بلييييز بلاش التفكير دة مش عايزين العالم يضحك علينا تانى
بص انا بس عايزة اقول حاجة انتو مش هانتكروا الستات لا ماينفعش
البنت زى الولد بلاش بقا و النبى التفكير الذكورى العنصرى الفاشل دة مش انك تمنع حد دة الصح بعدين ارجو من كل شاب فاكر نفسه دكر و هو بيمنع اخته من انها تعمل اكونت عالفيس يعمل ايجنور لكل البنات اللى عنده
و يعنى ايه مايبقاش في لابتوب شخصى
ليه هى البنت دى خصوصيتها سبيل مال سايب
بعدين البنت اللى بتعمل اد لولد بتتعامل معاه ف حياتها كزميل كصديق كجار او اى حاجة
والله اعلم بالنوايا و مش هانتكلم عشان البنات بتحط صور السمر عالفيس و بتنتهزها
فرصة المايوه بقا طب ماهى اصلا دى شخصيتها و بتعمل كدة تعمل له شير عالفيس اولا مش دة مبدا الصح و الغلط و الفيس مش الطريقة الوحيدة للفساد ابسط حاجة انا عايزة اعمل حاجة غلط و طلبت معايا ممكن انزل الشارع ساعة و هااعمل اللى ممكن اعمله عالفيس ف كذة يوم و اصاحب الولد اللى يعجبنى مش لسه هااعمل له اد و هو لما يدخل كونفيرم و بعدين نشيت و بعدين
ابسط حاجة البوابة هنا بلاش موضوع الشارع فى حوارات و مواضيع و ممكن اخد ايميل واحد و اضبط ما هو دة مجال كله بالنية يا جدعان اللى عايز يغلط بيغلط لو قدامه واعظ و اللى عايز يحترم نفسه سواء شباب و بنات بيحترم نفسه و مش بيشوف دة عائق ف حياته
بعدين الشباب ياريت مادخلش عالفيس عمل اد لاجانب و كومنتات سخيفة عالصور
و بعدين مش البنات بس اللى بتحط صور السمر لا الشباب كمان و موضوع البوكسر دة ايه مش عورة و المايوه
وياري لما عمل اد لبنت ما شوفش صورها يلا اتحلت

لوجين20

14-11-2015, 03:14 AM

طبعا الزمن دلوقتي غير الزمن
والغالبية عندها اكاونت عالفيس بوك
انا اذكر انى لو شاركت ف توقيت طرح الموضوع
كان هايبقالى رأي مختلف
تحياتى لجميع المشاركين
وتم تنشيط الموضوع نظرا لقوة الردود
وتفاعل الاعضاء

Mr. Bayoumy Ghreeb

18-12-2015, 01:01 AM

القضية ليست في الاشتراك بل في محتوي المشاركات من جانب الجميع

لوجين20

19-12-2015, 09:01 PM

اكيد طبعا العبرة بالمحتوى وما يدور به
شكرا لمشاركاتك استاذى الفاضل

rtfg

03-01-2016, 09:15 PM

بصراحه الاساس التربيه الصحيحه والتنشئة المتدينه هما الاساس
لان فى بنات بتعمل افظع من موضع الفيس

مدرس اللغة

04-01-2016, 12:02 AM

فكان رده :لا طبعا انا مرضاش ان البنات تشترك في الفيس بوك ولا يكون معاها (لاب توب) او (كمبيوتر) وحدها لانو مش مضمون معاها ممكن تعمل بيه ايه !!!!!!!!!!
وكمان لو عايزة حاجة ضروري عليه تدخل على بتاعي انا او تشترك باسم ولد.... بصراحة أنا شايف رده قاسي
أنا من رأيي طالما البنت موثوق فيها فتدخل وتكلم ولاد وتكلم بنات بس بشرط كلام محترم يعني مناقشة علمية موضوع هادف بس بالله عليكو يابنات بلاش كلام الحب ولعب العيال ده ولو أي ولد ولا بنت حسيتي انه بيكلم في الحب او بيصرح أو يلمح أعملي له حظر
بالنسبة لما ظللته بالأحمر ده معلومة جديدة بالنسبالي أنا أعرف الأولاد بيشتركوا باسم بنات عشان تقبل البنات إضافتهم لكن بالنسبة البنت تدخل باسم ولد جديدة:)