مشاهدة النسخة كاملة : لماذا يلجا البعض لكتمان همومه واحزانه؟؟؟
Heartbeat 14-11-2010, 11:13 PM السلام عليكم ورحمة الله وبركاته
موضوع عجبنى قولت اعرضه عليكم علشان كل واحد يعبر عما بداخله
لماذا يلجأ البعض لكتمان همومه وأحزانه؟!؟
نطرح موضوع للنقاش اتمنى يكون لنا فيه الفائده
للنفس حركة نحن لا نراها .....
ولكن نحسها عبر تعابير الأشخاص
وأحاديثهم التي تعبر عن مواقف نفسية بالغة الغنى والثراء ......
كلنا تجمعنا تلك المشاعر .....
ونذوب فيها ..... ولكننا نختلف في طريقة التعبير عنها ....
فمنا من يفصح عن ما يجول بداخله ......
ومنا من ترتسم تلك المشاعر في تعابيره وتبوح لنا بما لم يتحدث عنه.....
ومنا من لا يفصح وتبدو تعابير وجه صماء لا علاقة لها بما يدور في خلده ....
ولكن ..... لماذا نختلف .... ؟؟؟
ولماذا يغلق البعض على همومه وأحزانه صندوقاً يدفنه في أغوار قلبه ؟؟؟
هل خوفاً..خجلاً..أم لعدم وجود من نفتح له قلوبنا؟؟
أتكون أنت عزيزي القارىء من هذه الفئة ......
إذاً ما الذي يدفعك لذلك
فلتقتحم معي أبواب هذا الموضوع .... لنرى ما يمكن حصاده........
في انتظار ردودكم ...
laila2 14-11-2010, 11:28 PM ربما لا نجد من يستمع لهمومنا باهتمام لا نجد من يصغى لانجد من يعطينا الرأى
السديد او يحفظ اسرارنا فى عالم انعدم فية الاخلاص فيكون الصمت والكتمان
هو الحل الوحيد....
Heartbeat 15-11-2010, 02:24 AM ربما لا نجد من يستمع لهمومنا باهتمام لا نجد من يصغى لانجد من يعطينا الرأى
السديد او يحفظ اسرارنا فى عالم انعدم فية الاخلاص فيكون الصمت والكتمان
هو الحل الوحيد....
شكرا على مرور حدرتك
انا بكتم احزانى لانى ساعات مش بعرف اعبر عن اللى جوايا وبجد دى حاجة صعبة جدا
صاحبة القلب الحزين 15-11-2010, 04:29 AM انا بكتم احزاني علشان مفيش حد بيحس بيا
libero 15-11-2010, 04:43 AM لا أحد يستحق أن تفصح له عن همومك ... سوى الله
فإذا ضاق صدرك بسرك ... فصدر الذي تخبره به أضيق
كل عام وحضراتكم بخير وسعادة
تقبل الله مني ومنكم صيام هذا اليوم _يوم عرفة_
صاحبة القلب الحزين 15-11-2010, 04:54 AM والله عندك حق يا استاذ ميدو
فعلا مفيش حد يستحق انك تحكيله همومك غير ربنا
Hopeful Girl 15-11-2010, 05:04 AM أنا من الناس اللى باخد كل حاجة بأهمية
يعنى بزعل كتييييييييييير من كلام بيتقاللى
بس قدام الاشخاص دول مش ببين أى نوع من الضيق
وباخد كل حاجة بسهولة قدامهم
بس لما بقعد مع نفسى شوية
بفبكر أى حاجة اتقالتلى
وبقعد أبكى كتيييييييير على كدة
كتييييييير مش بحكى لحد همومى
وبحتفظ بيها
ساعلت بتظهر على وجهى
بس لم حد بيسألنى
مش بحكى حاجة
بس فيه ناس بحب أحكيلهم
فلما بروح أحكيلهم
بطلع كل اللى جوايا
بس ساعات بحاول انى مش أبين أى هموم
لأن كتييييييييير بحب أكون وحيدة
مش بحب حد يسألنى فيه ايه
لا أحد يستحق أن تفصح له عن همومك ... سوى الله
فإذا ضاق صدرك بسرك ... فصدر الذي تخبره به أضيق
كل عام وحضراتكم بخير وسعادة
تقبل الله مني ومنكم صيام هذا اليوم _يوم عرفة_
جزاك الله خيرا هوه ده راى بالظبط وكل عام وانت وجميع المسلمين بخير
laila2 15-11-2010, 12:58 PM كتير بحس انى مخنوقة ومحتاجة لحد اتكلم معاة لكن بعد كل اللى شفتة فى صداقاتى
او بمعنى اصح صداماتى فى اصدقائى افضل الصمت واللجوء لله فهو اقرب لنا مما نتخيل
وبقول لHopeful Girl
ما تخليش حد يكسرك وخليكى دايما قوية انسيابية ولكن بعزة نفس
كونى كالعشب تهزة الريح ولكن لا تكســــــــــــــــــرة العواصـــــــــــــــــــــف
واكيد اللى بيزعلوكى بكلامهم ناس ما يستهلوش دمعة عين واحدة
Free Love 15-11-2010, 03:58 PM ربما ان الاشخاص بيكتموا احزانهم
لان مفيش حد يقدر يتفتح ليه قلبه ونقدر نشكيله علي الاحزان
tones 15-11-2010, 04:02 PM انا لما بزعل بحس انى مخنوقة جداااااااااااااا وبفتكر كل حاجة مزعلانى مجرد مابزعل من اى حاجة تفكرنى بكل حاجة ناسياها بمزاجى وفى الوقت دا بقوم علطول اتوضأ واصلى ركعتين وادعوا الله ان يفرج كربى
Heartbeat 15-11-2010, 04:20 PM انا بكتم احزاني علشان مفيش حد بيحس بيا
شكرا على المرور
Doctor S.E 15-11-2010, 04:34 PM ساعات الواحد بيكتم احزانه ..لانها جزء من اسراره ..طبعا مش كل الاحزان ..بس
يعني مينفعش حد يعرفها بس ده بيبقى اصعب لانه مش قادر يبوح لحد باحزانه عشان يساعده ..
ربنا يبعد الهم و الحزن عننا كلنا .... و كل سنه و انتم طيبين
مصرية وبحب بلدي 15-11-2010, 06:22 PM بكل بساطة كدة انا مش بحب احكى لحد او بمعنى اصح
مش عندى القدرة انى اعبر عن اللى جوايا بالكلام
كل اللى اقدر اعمله انى ببكى لحد اما احس انى ارتحت
واكتر حاجة بتريحنى هى البكى
samar saad 15-11-2010, 06:34 PM بالعكس انا مش بحب خالص اكتم احزانى انا بحب دايما ابوح باللى جوايا
يمكن زمان وانا صغيرة كنت كده بس دلوقتى اتغيرت كتير والصلاة الحقيقة اللى كان ليها دور كبير والحمد لله
وبجد مش برتاح غير لما بشكى لربنا سبحانه وتعالى همى
واتمنا انى دايما افضل جمب ربنا
وطبعا من بعد ربنا امى اكيد واختى الكبيرة
والحمد لله
Heartbeat 15-11-2010, 06:36 PM بكل بساطة كدة انا مش بحب احكى لحد او بمعنى اصح
مش عندى القدرة انى اعبر عن اللى جوايا بالكلام
كل اللى اقدر اعمله انى ببكى لحد اما احس انى ارتحت
واكتر حاجة بتريحنى هى البكى
عارفه انا كده مش بعرف اعبر عن اللى جوايا لحد انا كنت زيك بقعد ابكى بس قبل كده الميس قالت لنا لما تكونوا متضايقين بلاش تبكوا علشان البكاء بعد كده بيتراكم وبيسبب اضرار نفسية هى بتقولنا اكتبوا اللى انتم متضايقين منه
shaimaa93 15-11-2010, 06:41 PM انا للاسف فى كتير مستعدين يسمعونى ويخففوا عنى
بس مش بعرف اقول اللى جوايا
حتى اما بحاول محدش بيفهمنى
عشان كده بكتب كل اللى جوايا فى دفتر
هو احسن صديق :blush:
Heartbeat 15-11-2010, 07:01 PM بالعكس انا مش بحب خالص اكتم احزانى انا بحب دايما ابوح باللى جوايا
يمكن زمان وانا صغيرة كنت كده بس دلوقتى اتغيرت كتير والصلاة الحقيقة اللى كان ليها دور كبير والحمد لله
وبجد مش برتاح غير لما بشكى لربنا سبحانه وتعالى همى
واتمنا انى دايما افضل جمب ربنا
وطبعا من بعد ربنا امى اكيد واختى الكبيرة
والحمد لله
شكرا ليكى ياسمر على المرور
فعلا احلى حاجة ان احنا نشكى لربنا هو بس اللى بيحس بينا
Heartbeat 15-11-2010, 07:03 PM ساعات الواحد بيكتم احزانه ..لانها جزء من اسراره ..طبعا مش كل الاحزان ..بس
يعني مينفعش حد يعرفها بس ده بيبقى اصعب لانه مش قادر يبوح لحد باحزانه عشان يساعده ..
ربنا يبعد الهم و الحزن عننا كلنا .... و كل سنه و انتم طيبين
وانتى طيبة يا doctor S.E وشكرا على المرور
Heartbeat 15-11-2010, 07:53 PM لا أحد يستحق أن تفصح له عن همومك ... سوى الله
فإذا ضاق صدرك بسرك ... فصدر الذي تخبره به أضيق
كل عام وحضراتكم بخير وسعادة
تقبل الله مني ومنكم صيام هذا اليوم _يوم عرفة_
شكرا على المرور
كل سنة وحدرتك طيب
Dr.Silent 15-11-2010, 07:59 PM انما اشكو بثي وحزني الى الله
في احزان وهموم يعجز اللسان عن البوح بها ووصفها
وكمان مفيش حد عنده استعداد يشيل هم حد
Heartbeat 15-11-2010, 08:58 PM انما اشكو بثي وحزني الى الله
في احزان وهموم يعجز اللسان عن البوح بها ووصفها
وكمان مفيش حد عنده استعداد يشيل هم حد
شكرا على المرور
عندك حق ربنا الوحيد اللى بيسمعنا ويساعدنا
Dr. Hoda Ahmed 15-11-2010, 09:35 PM ممكن من توقيعى تعرفى مين اللى بشكو اليه
هو مجيب المضطر اذا دعاه
والوحيد اللى عمره ما هيمل مهما اشكيله لانه الوحيد اللى عالم بالقلوب وما تخفى الانفس
شكرا على موضوعك
إذا ضاق صدرك واستعسرت أمورك فنادي وقل : يــا الله ..
إذا اوصدت الأبــواب أمـامــك فـنـادي وقل : يــا الله ..
Heartbeat 16-11-2010, 09:15 AM ممكن من توقيعى تعرفى مين اللى بشكو اليه
هو مجيب المضطر اذا دعاه
والوحيد اللى عمره ما هيمل مهما اشكيله لانه الوحيد اللى عالم بالقلوب وما تخفى الانفس
شكرا على موضوعك
إذا ضاق صدرك واستعسرت أمورك فنادي وقل : يــا الله ..
إذا اوصدت الأبــواب أمـامــك فـنـادي وقل : يــا الله ..
شكرا ليكى كلامك جميل اوى
Dr_Mohamed_LFC 16-11-2010, 09:56 PM انا من رأى الشخصى ان البعض بيلجأ لكده علشان مش لاقى حد بيحبه او واثق فيه او صديق مخلص ووفى يقدر كلامه ومشاعره ويخفف عنه همومه واحزانه فبيضطر يكتمها فى نفسه
ولما تيجى الفرصة ويلاقى شخص فيه الصفات دى ويحس ناحيته بامان ساعتها هيحكى لــه كل حاجه
faten forever 16-11-2010, 10:00 PM فليبقى الحزن داخلنا !!
دعاء مدحت شبل 16-11-2010, 10:13 PM شكرا على الموضوع الجميل ده , بس عايزة اقولك على حاجة عن تجربة و هى انه لا يوجد من يخاف على مشاعر الاخرين او يهتم بالاخرين الا القليل و من حيث الكلام ده فمن راى ان احتفظ بما اشعره فى اعماق قلبى وحدى لا احد يشعر بما فى داخلى و حتى لو تكلمت فسيكون مع من يحبى او يخاف على مشاعرى
و بجد شكرا جزيلا على الموضوع ده :)
solidsnake 17-11-2010, 12:00 AM محبش أبين حزني لحد لأن دا نوع من الضعف
والوحيد الذي أستطيع أن أخبره بما في داخلي
هواالله عز و جل
love ur life 17-11-2010, 04:52 AM SadNeeS
والله الحزن دا حاجه صعبه...جدا
بس احنا المفروض يكون صدرنا واسع لكل الي حوالينا...ذى ما احنا بنقول مفيش حد بيفهمنا ولا بيحس بينا ...جميل اوي ان احنا نفهم ونحس بكل انسان حزين ومضايق ...
علشان اصعب اوقات على الانسان اوقات الحزن
والضيق والملل بيبقا مهما الانسان شخصيه قويه
بيضعف اوي فى اللحظات دي
وكتم الاحزان دي حاجه صعبه اوي
جميل اوي اننا نبوح بالحزن والاجمل انه يكون لربنا
ومن بعد ربنا عزوجل اصدقائنا وامهاتناواباءنا
شكرا حبيبه الله على التوبيك
بجد تسلمي
Heartbeat 17-11-2010, 02:04 PM sadnees
والله الحزن دا حاجه صعبه...جدا
بس احنا المفروض يكون صدرنا واسع لكل الي حوالينا...ذى ما احنا بنقول مفيش حد بيفهمنا ولا بيحس بينا ...جميل اوي ان احنا نفهم ونحس بكل انسان حزين ومضايق ...
علشان اصعب اوقات على الانسان اوقات الحزن
والضيق والملل بيبقا مهما الانسان شخصيه قويه
بيضعف اوي فى اللحظات دي
وكتم الاحزان دي حاجه صعبه اوي
جميل اوي اننا نبوح بالحزن والاجمل انه يكون لربنا
ومن بعد ربنا عزوجل اصدقائنا وامهاتناواباءنا
شكرا حبيبه الله على التوبيك
بجد تسلمي
شكرا على المرور ياقمر
انتى فعلا كلامك صح لو احنا عايزين الناس تحس بينا وتشاركنا احزانا لازم احنا كمان نحس بغيرنا
هانى الشرقاوى 17-11-2010, 02:06 PM ربما لانه لا يوجد ذاك الشخص الذى يستطيع ان يسمع من الأخرين
Heartbeat 10-02-2011, 02:33 PM شكرا على الموضوع الجميل ده , بس عايزة اقولك على حاجة عن تجربة و هى انه لا يوجد من يخاف على مشاعر الاخرين او يهتم بالاخرين الا القليل و من حيث الكلام ده فمن راى ان احتفظ بما اشعره فى اعماق قلبى وحدى لا احد يشعر بما فى داخلى و حتى لو تكلمت فسيكون مع من يحبى او يخاف على مشاعرى
و بجد شكرا جزيلا على الموضوع ده :)
انتى الاجمل حبيبتى
ولكن كتمان الاحزان شئ مؤلم اكيد حتى لو كان الحزن بسيط
Heartbeat 10-02-2011, 02:36 PM محبش أبين حزني لحد لأن دا نوع من الضعف
والوحيد الذي أستطيع أن أخبره بما في داخلي
هواالله عز و جل
اكيد ربنا الوحيد هو من نستطيع ان نشكو له كل احزاننا وهمومنا وايضا نشعر بالارتياح فى ذلك
ولكن ليس من الضعف ان تبوح عن ما بداخلك لحد قريب ليك
شنطة حمزه 06-06-2011, 10:36 AM انا عن نفسي بعمل كده
عشان شايفه ان اى حد ممكن احكيله هشيله فوق طاقته
لان اكيد مش انا لوحده اللى عندي هموم
سيف العدل البتار 06-06-2011, 05:06 PM ان كان هناك شئ يحزننى فسيبقى فى قلبى حتى لا يحزن احدا غير
و الشكوا لغير الله مذلها
basma 2010 11-07-2011, 11:59 PM علشان محدش ناقص هم ومفيش حاجه اسمها صديق حقيقى يسمع المشاكل والهموم
|