مشاهدة النسخة كاملة : ** إلى أين وصلتوا بالقراءه؟؟ منافسة رمضانية.. **
أحمد2025 22-09-2007, 02:44 AM السلام عليكم..
تقبل الله اعمالكم وصيامكم حبايبي.... اللهم آمين
شهر المنافسة وشهر الرحمه وقراءة كتاب الرحمن
اليوم عندي موضوع وهو.. المنافسة لختم القرآن
نريد مشاركه مستمره إلى أين وصلت واليوم ماذا قرأت .....
أنا خلصت الجزء السابع النهاردة
والبقية تأتى ان شاء الله
^_^ يلا انتم إلى أين وصلتم؟؟
منقوووووووووووول
مع تحيات
أحمد2025
Ahmad™ 22-09-2007, 04:00 AM انا خلصت سورة الانفال
Crazy Pharma Boy 22-09-2007, 01:10 PM طيب نفسي افهم ولازمة الموضوع دا ايه
انا الحمدُ لله في أول 4 أيام وصلت جامد
بس اظن حاجا بيني وبين ربنا مش محتاج اقولها يعني لكل واحد
وانا بقولك اني اقدر اختم القرآن كامل في يومين او 3 يعني مش مسألة تخلص كام
المهم تحس كلام ربنا وتفهمه وبس :) ومتكروتش :)
سلام عليكم :)
أحمد2025 22-09-2007, 05:03 PM طيب نفسي افهم ولازمة الموضوع دا ايه
انا الحمدُ لله في أول 4 أيام وصلت جامد
بس اظن حاجا بيني وبين ربنا مش محتاج اقولها يعني لكل واحد
وانا بقولك اني اقدر اختم القرآن كامل في يومين او 3 يعني مش مسألة تخلص كام
المهم تحس كلام ربنا وتفهمه وبس :) ومتكروتش :)
سلام عليكم :)
تصدق أول مرة اعرف
لا تعليق
*محبة الله* 22-09-2007, 05:17 PM يمكن بس الموضوع عشان يخلى الناس تتنافس
وتغير من بعضها خلصت قد ايه
وتعمل زيها
انا فى الجزء العاشر
واختى الصغيرة اللى فى 1 اعدادى
فى الجزء ال عشرين 20
انا بغير منها صراحه
أحمد2025 22-09-2007, 05:29 PM يمكن بس الموضوع عشان يخلى الناس تتنافس
وتغير من بعضها خلصت قد ايه
وتعمل زيها
انا فى الجزء العاشر
واختى الصغيرة اللى فى 1 اعدادى
فى الجزء ال عشرين 20
انا بغير منها صراحه
أنا حاطت الموضوع علشان ننافس بعض زى مابتقولى طبعا
وربنا يزيد أختك كمان وكمان
وعقبالك ان شاء الله
وعقبال باقى المسلمين
شكرا على المرور الأكثر روعة
Crazy Pharma Boy 23-09-2007, 07:36 PM :d دي قنعرة مش منافسة :d
ومش مهم تخلص كام المهم تعمل بالكلام دا ولا لأ
ولا انا غلطان
وخلي تعلقيك ليك انا مغلطتش فيك بس بقولكم بطلوا تنطيط
حتى الدين بأينا نتباهى فيه
وانا قولت الحاجا دي بين الواحد وربنا مظنش حد تاني ليه دخل :)
لكن ازاي انتم عايزين اللي يدخل يقول في مواضيعكم شعر ويسترسل في الكلام
ويعيد ويزيد والله عليك وروعة
واقولك افشر بأى انا خلصت القرآن مرتين او تلاتة
ما هي فشرة بفشرة
وزي ما قولت اي بني ادم يقدر يخلصه في 4 أيام بالكتير قوي قوي
بس هل استفاد شئ
لأ ــ ليه
لأنه كروت
..Just Stop 23-09-2007, 07:47 PM بص يا برى
هو حاطط الموضوع
انما الاعمال بالنيات
يعنى مش حاطه للفشخرة والقنعرة زى ما حضرتك بتقول
الموضوع عادى جدا يا محمد
متكبرش الحكاية
شكرا يا احمد على الموضوع
الحمد لله قطعت شوط كبير فى القران
ودمتم
Crazy Pharma Boy 23-09-2007, 08:13 PM :d طيب وهتستفاد ايه يا ميدو
بزمتك هل انا غلطان سيبك من النية
هو انتا لازم تقول للخلق كلها انتا خلصت كام جزء ؟
..Just Stop 23-09-2007, 08:38 PM اقولك يا محمد انا هستفاد ايه
اولا ممكن الموضوع دا يحفز الناس انهم يقرءو كتير
لان فى ناس مبتعملش اعمال الخير الا لما بتشوف حد عمل ادامهم اى عمل من اعمال الخير
وبكدا يبقا ارشدنا الناس الى باب من ابواب الخير
وماعلينا بردو من النيات
ومش لازم نقول للخلق كلها يا برى
المهم الناس تتقرب من ربنا
سبحان الله وبحمده سبحان الله العظيم
Crazy Pharma Boy 23-09-2007, 08:51 PM اه ما يقوموا من ع النت احسن يقروا ليهم شوية
ولا انا غلطان يا محمود
مش هجادل كتير بس انا قولت اللي عندي
التحفيز زينا في البيت بنتافس مش في السُرعة ولكن في القراءة المتواظبة والمُنضبطة :)
Crazy Pharma Boy 23-09-2007, 08:52 PM اخر حكمة نسيت اقولها بجد تعقيباً على كلامك
بيقولوا
" إن لم تكن لنفسك واعظاً ــ فلن تنفعكـ المواعظ "
..Just Stop 23-09-2007, 09:00 PM يعنى افهم من كلام حضرتك يا محمد
ان الى بيقعدو على النت مش بيقرو
لا يا محمد انا اعرف ناس الحمد لله بتقعد على النت ومبيبطلوش قراءة قران
ونتا مش غلطان يا محمد
التحفيز بيبقا فى السرعة وفى والفهم الصحيح معا
حتى مثلا لو الواحد بيختم القران بسرعة
بياخد على كل ختمة قران 48 مليون حسنة
وحنا كلنا فى عرض حسنة مش كام مليون
ومن لم يهتم بامر المسلمون فليس منهم
يعنى لازم توعظ الناس وترشيدهم الى الطريق المستقيم
سبحان الله وبحمده سبحان الله العظيم
أحمد2025 24-09-2007, 01:07 AM انا هقول كلمة صغيرة
لو الموضوع مش عاجبك يامحمد
متبقاش ترد عليه
لو أنت ياعم شايف اننا قاعدين نطنطط
متبقاش ترد ياعم على التنطيط اللى بنططه
Crazy Pharma Boy 24-09-2007, 10:30 AM :d والله ارد في المكان اللي ارد فيه طول ما انا مش بتخطى الحدود
لو انتا شايف اني اتخطيت الحدود
يبأى انا الغلطان بس اظن كلامي عادي
وحسن كلامك معايا شويتين :)
انا اتكلمت بمنطق وحيادية لا هجوم عليك ولا كره فيك
سلام
..Just Stop 24-09-2007, 11:39 AM خلاص يا جماعة
صلو على النبى
( مش مستاهلة )
سبحان الله وبحمده سبحان الله العظيم
Ahmad™ 24-09-2007, 01:41 PM الموضوع مش محتاج كل ده
احمد مش غلطان
انا أول واحد شارك في الموضوع ده
والبري برده مش غلطان
انا معاه في الكلام ده
بس كل واحد بيقول وجهة نظره
أحمد2025 25-09-2007, 12:07 AM :d والله ارد في المكان اللي ارد فيه طول ما انا مش بتخطى الحدود
لو انتا شايف اني اتخطيت الحدود
يبأى انا الغلطان بس اظن كلامي عادي
وحسن كلامك معايا شويتين :)
انا اتكلمت بمنطق وحيادية لا هجوم عليك ولا كره فيك
سلام
بص ياعمى انا مقولتش انك غلط
انا بقول الموضوع مش عجبك
وأنت قولت فى اول رد دى قنعرة مش منافسة
يعنى هقول ايه على ده
وانت قولت تانى انما الأعمال بالنيات
فربنا هو اللى عارف نيتى من كتابة الموضوع ده
وكل واحد هيرد هو ونيته
أحمد2025 25-09-2007, 12:08 AM شكرا يا medoooooooooo
وأحمد
على التفاعل مع الموضوع
mR . mOstafa Fathi 25-09-2007, 12:15 AM فى نصف الجزء الثالث عشر
شكرا يا الغالى
أحمد2025 25-09-2007, 12:57 AM فى نصف الجزء الثالث عشر
شكرا يا الغالى
ربنا يزيدك ياعم كمان وكمان
شكرا على المرور الجميل
منى الشقية 25-09-2007, 02:09 AM انا ختمت انهاردة المرة الخامسة وهبدأ في البقرة بعد الفجر ان شاء الله
منى الشقية 25-09-2007, 02:10 AM وان شاء الله اخلص لغاية القصص على مدار اليوم
mR . mOstafa Fathi 25-09-2007, 02:12 AM بسم الله ما شاء الله
طيب انا لسه هدخل على الجزء14
ولسه اول مرة
ربنا يوفقك
أحمد2025 25-09-2007, 02:24 AM انا ختمت انهاردة المرة الخامسة وهبدأ في البقرة بعد الفجر ان شاء الله
ياالله ياالله
ربنا يجعله فى ميزان حسناتك
الله أكبر الله أكبر
ربنا يزيدك كمان وكمان
أحمد2025 25-09-2007, 02:26 AM وان شاء الله اخلص لغاية القصص على مدار اليوم
ان شاء الله
لكن عايز اعرف حاجة
بتجيبى الوقت ده كلة منين؟
انا اليوم بيضيع عندى فى الدروس
بالتوفيق ان شاء الله
أحمد2025 25-09-2007, 02:27 AM بسم الله ما شاء الله
طيب انا لسه هدخل على الجزء14
ولسه اول مرة
ربنا يوفقك
أنا لسه هدخل على العاشر
ربنا يوفقك يامصطفى
ويوفقنا جميعا
منى الشقية 25-09-2007, 02:32 AM لأن انا الحمد لله حافظة للقرآن فأي وقت بكون فاضية فيه بقرا لو انا في سفر او في البيت او بطبخ أو بنظف البيت
أحمد2025 25-09-2007, 02:39 AM لأن انا الحمد لله حافظة للقرآن فأي وقت بكون فاضية فيه بقرا لو انا في سفر او في البيت او بطبخ أو بنظف البيت
يابختك
انا والله نفسى احفظ القرأن
انا ناوى ان شاء الله لما اخلص الثانوية
احفظه كاملا
ربنا يزيدك كمان وكمان
Ahmad™ 25-09-2007, 03:30 AM انا هدخل في سورة النحل
واول ما اخلص سورة النحل
هقدر اختم القرآن خلال 6 او 7 ايام
علشان انا حافظ معظم السور اللي بعد كده
|