نفسى ادخل طب اما هموت نفسى [الأرشيف] - بوابة الثانوية العامة المصرية

Rymonda

15-12-2010, 05:11 PM

بلاش تشتت تفكيرك
يعني ركز في حاجه وحده وهي ازاي اوصل لهدفي
وش هتعوز اكتر من انك تعمل اللي عليك
وبعدين بلاش نبرة التشاؤم اللي بتتكلم بيها دي
وتأكد دايما ان اللي ربنا بيكتبهولك هو الخير اكيد
ولو لا قدر الله محصلش نصيب في اللي نفسك فيه
فـ انت ممكن تثبت نفسك في اي مجال
بلاش نخرج عن الموضوع .. المهم انت ذاكر بتركيز
حتى لو مش هتذاكر كميه كبيره بس اهم حاجه اللي تذاكره تكون مركز فيه وفاهمه
و خد الامور ببساطه كدا متعقدهاش لو كل يوم هتذاكر مادتين
العربي خليك على صله بيه طول السنه عشان يبقى سهل عليك في الاخر
الانجلش والفرينش والرياضه حل فيهم كتيييير
والكيميا طبعا ذاكرها اول بأول
وان شاء الله ربنا هيوفقك ويكتبلك اللي انت عاوزه ..

zamalek1

18-12-2010, 11:01 PM

شكراااااااااااااااااااااااااااااااااااااااااااا بس احل مشكلة السرحان فى نص المذكرة

عاشقة الطفولة

18-12-2010, 11:36 PM

والله وانا كمان

بس كل لما انقص في اي مادة بتخيل اني بنقصها في اخر السنة وبقول ازاي ها ادخل طب

طالبة الجنة 2012

19-12-2010, 02:31 PM

اعمل اللى عليك وخلى الباقى على ربنا واسال مجرب

محمد أحمد عبد الستار

26-12-2010, 10:32 PM

1- عاوز اقوللك مش معنى ان مستواك هبط في اولى ثانوي انك مش هتفلح...ممكن ده عشان زيادة كم المناهج والمعلومات القيمة اللي فيها
2- بلاش خالص خالص حتة الضغط النفسي..او بمعنى ادق متخلهوش يخوفك ويحبطك
ممكن يكون في ضغط ده وارد..لكن حاول تذاكر بفهم وتركيز عشان تستفاد

3- من اهم النصايح في المذاكرة اقرأ الموضوع مرة بفهم بعدين ابدأ ذاكره..وحاول حاول تراجع اللي تذاكره على الاقل لو في امتحان في الدرس تكون مذاكر

4- دايما حل اسئلة وتمارين كتير على قد ماتقدر..ومتهملش دليل التقويم..حل امتحانات سابقة..حتى لو مش مخلص مذاكرة مية في المية.

5- اخيرا انا ملاحظ انك متأثر بالكورة..متخلهاش تضيع وقتك

الحكاية تنظيم وقت..عشا تطلع من عنق الزجاجة على خير ان شاء الله

ربنا يخترلك الخير ونشوفك دكتور كبير

روز2010

29-12-2010, 10:27 PM

استعن بالله ركز فى المزكرة وخلى طموحك قدامك وارمى قلقك و خوفك وراءك ركز فى المذاكرة

zamalek1

30-12-2010, 11:10 AM

شكراااااااااااااااااااااااااااا جميعا شكرا بس مشكلة النسيان الفظيعة ده اللى بعانى منها

meto_6120

30-12-2010, 12:43 PM

انا احمد من دمياط ادعووووووووووووووووووولى اخش طب اسنان هموت واخشها

طبعي كدا

30-12-2010, 09:01 PM

ربنا معاكو كلكوا وان شاء الله تدخلوا اللى طول عمركوا بتحلموا بيه

طبعي كدا

30-12-2010, 09:03 PM

انا احمد من دمياط ادعووووووووووووووووووولى اخش طب اسنان هموت واخشها

نصييييييحة الاصرار في النتيجة ده غلط والله

الاصرار في اني اعمل اللى عليا لكن مش في النتيجة علشان دي مش بايدي

بالطريقة دي ممكن تتصدم لو لا قدر الله ربنا مقدرش

اللى ربنا يعمله كويس

بس في نفس الوقت الثقة في الله الحل الوحيييد

بالتوفيق

**نغم**

31-12-2010, 11:18 PM

نصييييييحة الاصرار في النتيجة ده غلط والله

الاصرار في اني اعمل اللى عليا لكن مش في النتيجة علشان دي مش بايدي

بالطريقة دي ممكن تتصدم لو لا قدر الله ربنا مقدرش

اللى ربنا يعمله كويس

بس في نفس الوقت الثقة في الله الحل الوحيييد

بالتوفيق

لا انا مش فاهمة ازاى

zamalek1

02-01-2011, 05:09 AM

اولا اعمل ايه اذاكر النهاردة و اصحى الصبح ناسى يعنى حضرتك دلوقتى اذاكر ومليش دعوة علومة دخلت ولا لا ان وصلت لحد unit8 فى الانجليزى وبرجع من يونت واحد خاسس انى اول مرة اشوفه فى حياتى هتعب اوى وبحس ان كل اللى بعمله ليس له قيمة فما معنى انى اشتغل دون فايدة انا وصلت لشهر يناير والوقت بيجرى يعتى فاضل اربع شهور بالمرجعات بحل الامتحانات

zamalek1

02-01-2011, 05:12 AM

يانغم عندك حل لمشكلة النسيان بلييييييييييييييييييييييييييييييز

محمد أحمد عبد الستار

03-01-2011, 12:42 AM

حكاية النسيان
الاول متنساش دعاء بداية المذاكرة
والاهم لما تخلص قول دعاء نهاية المذاكرة

داوم على الاستغفار
شكوت الى وكيع سوء حفظي...فأرشدني الى ترك المعاصي
واخبرني بان العلم نور...ونور الله لا يهدى لعاصي

حاول ميشغلش تركيزك حاجة
وبلاش حكاية اخطف واجري في المذاكرة خااالص مهمة جدا

يعني اقرا بتركيز لو خلصت صفحة في نص ساعة احسن متعيد فيها كل يوم ومتحفظهاش...فهمت قصدي

طبعا التكرار للمعلومة مهم...يعني خلص صفحة وحاول بسرعة تسمع لنفسك ايه اللي فيها حتى لو عناوين

ربنا يكرمكم ان شاء الله

zamalek1

05-01-2011, 03:46 PM

شكرااااااااااااااااااااااااااااااااااااااااااااااا ااااااااااااااا جزيلا دكتور محمد والله يوفق الجميع فى اللى هو عايزه

zamalek1

05-01-2011, 03:49 PM

بس بفكر فى اجازة نص السنة اراجع على كل اللى اخدنه فى الترم الاول عشان حاسس دلوقتى انى ناسى كل كلمات الانجليزى والفرنساوى ونص معادلات الكيمياء وكده يعنى عشان الكم هيبقى كبير اخر السنة ياااااااااارب ادخل الطب طب اسكندرية قسم باطنة

malk sami

06-01-2011, 12:43 PM

مشكلة عدم الثقة بالنفس يا ريت حد يقولي حل.

miss shado

06-01-2011, 04:42 PM

والله العظيم انا عندي نفس المشكلة وهيا السرحان في المذاكرة
ومش عارفه اعمل ايه وخايفه لا حلمي يضيع كده

ربنا يستر

zamalek1

06-01-2011, 09:38 PM

اللى مش مخليكى عندك ثقة بنفسك؟

zamalek1

06-01-2011, 09:41 PM

عايز اعرف ايه الفرق بين النسيان الطبييعى او ضياع المجهود عشان انا داخل فى اسبوع مافتحتش كتاب عشان المشكلة ده

zamalek1

12-01-2011, 10:16 AM

الامتحانات التجريبية للثانوية العامة يوم 28 فبراير والاستمارات يوم 10 يناير اوعوا حد ينام فى الخط

بنت الشاطئ1

12-01-2011, 11:44 AM

على فكرة انا فى ثالثة
و ثانية سهلة جدا
و فى ناس كانت فى الاعدادى مستواها مش اد كده و مع كده جابت مجموع كبير
المهم يكون عندك عزيمة و هدف عايز تحققه

Magic Sword

13-01-2011, 07:18 AM

مشكله عدم الثقه بالنفس حلها الامتحانات الكثيره ولما تلاقي نفسك بتجيب درجات ممتازه يبقى هتثق في الله وفي نفسك

اوركيدا2009

13-01-2011, 01:55 PM

ربنا معاكو و معايا و الحمدلله ان الناس بتساعدنا انا كمان عايزه ادخل صيدله شوفتو انا مش طماعه خالص
بس مشكلتي بقي عدم التركيز يعني ببقي اعده بزاكر الاقي نفس بفكر في حاجه تانيه خالص و بقيت بزهق بسرعه
ده غير اني مش عارفه انظم وقتي و عملت كذا مره جدول للمذاكره و مفيش حاجه بنفذها

zamalek1

13-01-2011, 04:24 PM

واللهى العظيم نفس اللى بيحصل معايا ولا عارف امش على جدول وانا بذاكر دماغى بتروح لحاجات تانية هوووووووووووووو ده

dr:esraa

13-01-2011, 11:36 PM

انا كمااااان بجد لو مش دخلت طب ممكن انتحر انا حاسه ان مستوايا زباله
بجد محتاجه نصيحه

zamalek1

19-01-2011, 02:24 AM

ربنا يوفقك وتحققى احلامك يا دكتورة

اسماء هاشم

19-01-2011, 10:07 AM

انا شايفة ان انتى بتتكلم ومعظم كلامك سلبى خد الموضوع ببساطة وعلى فكرة موضوع السرحان دة من نفسك يعنى حاول بقدر الامكان متسرحش دول يدوبك خمس مواد انتى قالق نفسك اوى متخليش الاشياء تشغلك وراجع وحدات الانجليزى واكررها وانشاء اللة مع المراجعة واستمرار مذاكرتها هتثبت فى عقلك واعمل الى عليك وخلاص

وجدان حنفي

19-01-2011, 04:39 PM

يابن الناس اطمن واستريح

وهدي اعصابك وانت تجيلنا

بعدين مستعجل اوي ع طب

دة انت هتتظبط وربنا

كفايا الامتحانت الشوك والسلايد شو والم سي كيوز اللي عالماشي

مش عاوز اعقدك بس انت شد حيلك

dr:esraa

19-01-2011, 07:12 PM

يابن الناس اطمن واستريح

وهدي اعصابك وانت تجيلنا

بعدين مستعجل اوي ع طب

دة انت هتتظبط وربنا

كفايا الامتحانت الشوك والسلايد شو والم سي كيوز اللي عالماشي

مش عاوز اعقدك بس انت شد حيلك
شكلك متبهدل بس لما الواحد يتعب فىحاجه هو حببها اهون من انه يتعذب فى حاجه مش عاوزها يعنى انا مستعده اتبهدل فى طب طالما حابه كده ولا انى اتبهدل فى علوم مثلا ( مع احترامى للكليه بد حلوه )
بس هى الفكره فى ان الواحد يعمل الحاجه اللى يحبها

dr:esraa

19-01-2011, 07:14 PM

ربنا مع الجميييييييييييييييع
آمييييييييييييييييييييييييين

dr:esraa

19-01-2011, 07:15 PM

ربنا يوفقك وتحققى احلامك يا دكتورة
يا رب ان شاء الله

bobaes

20-01-2011, 07:23 PM

والله العملية كلها هدوء اعصاب وتوكل على الله
مراجعة أول بأول مع الحل الكتير لكن 1 ثانوي ليست مقياس

zamalek1

26-01-2011, 11:29 PM

مستعد ادخل قلعة الطب البشرى واخد السنة بمليون سنة سنة ان بهزر انا بحب الطب اوى وطبعا عشان انا بحبها هبدع فيها غير لما تكون حاجة مفروضة عليك ثانوى عام هى عووووووووووووووووووووونق الزجاجة بجد انا دلوقتى فهمت كلمة العنق هى مش صعبة اوى بس طويلة ومستفزة وبتنسى كتير وبتحس انك مضغوط لحد يوم الامتحان حتى لو مذاكر 100% ربنا يسهلنا واللهى يا رب عشان ماليش غيرك
وشكرا ويارب حقق احلام كل الناس وادى كل واحد على قد ضميررررررررررررررررره

عربى انجليزى فرنساوى رياضة كيمياء يا انا يا انتم لازم كل واحد فيكم يا ذاكر بجد لاخر ما عنده من قوة

يااااااااااااااااااااااااااااااااااااااااااااااااا اااااااااااااارب

dr:esraa

27-01-2011, 12:50 AM

مصطفى فرجان

27-01-2011, 11:12 AM

عموما احنا كمدرسين تحت امرك فى اى حاجة

محبة امها

08-02-2011, 10:12 PM

انا بقى عندى كل مشاكلكم النسيان عدم التركيز عدم الثقه بالنفس وعندى 15 ماده علشان انا ازهر
قولولى اعمل ايه
بس انا بشكر كل اللى ساعدونى وبقولهم ربنا يكرمكم يارررررررررررررب وتحققوا اللى نفسكو فيه
والله المستعان بس احنا لازم نشد حيلنا تقولولى ازاى اقولكو معرفش

abo ashry

15-03-2011, 03:06 PM

والله ما فى حاة مستهالة انك تموت نفسك انا كنت زيك يا طب يا اموت دلوقتى انا علم رياضة وان شاء الله داخل هندسة انا جايب 97 بس كل حاجة زى بعضها دلوقتى انا مبقلش من معنوياتك بس انت خش طب عاشان بتحب المهنة دى مش علشان تثبت لاى حد حجة لانك لو فكرت فى كده هتندم وانت طب اخوك احمد

abo ashry

15-03-2011, 03:08 PM

وما نيل المطالب بالتمنى ولكن تؤخذ الدنيا غلابا

*راندا*

17-03-2011, 09:25 PM

وانا والله نفسي ادخلها

بسنت مصر

18-03-2011, 08:57 PM

والله انا عندى نفس مشكله النسيان دى وكمان انى بقيت لما اذاكر الاقى نفسى سرحت وازهق بسرعه ومش عارفه انظم وقتى كمان خاااااالص انا ما كنت كده خاااااالص ياجماعه انا حلم عمرى ادخل كليه طب اسكندريه ده حلم عمرى من وان صغيره وفى 3 اعدادى جبت مجموع عاااااااالى بس من اولى ثانوى وانا حاسه انى مستواى بدا يهبط انا فى 2 ثانوى بس بحاول اجمع اللى نسيته او ما كنت مركزه فيه بس برده مش عارفه اجمع كل شئ ارجووووووووو المسااااااااعده حد يقولى اعمل ايه

بسنت مصر

18-03-2011, 08:58 PM

انا بجد حاسه انى لو ما دخلت الكليه دى حلم عمرى هيحصلى حاجه بجد ممكن اموت

بسنت مصر

18-03-2011, 09:08 PM

Nadael tabey

24-04-2011, 02:24 AM

وانا كمااااان ياجماعه انا ف 2 وبعانى من نفس المشكله مش مركزه خالص وكل المدرسين يقوولولى انتى شاطره بس مش مركزه بجد بزعل اوىى حسه انى هضيع نفسى وف ايدى اكون احسن من كده

msh-tlba

24-04-2011, 02:05 PM

:friendsxs3:
من اخ ليك في 3 علمي علوم

احب احذركوا من القلق

مفيش حاجة اسمها بتنسي او مش بفتكر بسرعة او بسرح

دي كلها امور طبيعية
يعني النهاردة مثلا لو حفظت مثلا مية كلمة ,,, و جيت بعد اسبوع سمعتهم ,,, و جيت بعد اسبوعين سمعتهم تاني ,,,, و جيت بعد شهر سمعتهم

هل كفاءتك في كل مرة هتكون متساوية ؟؟؟ !!!!!!!!:078111rg3: صابح الخيييير

مستحيييييل طبعا
الموضوع كله محتاج مراجعة اول باول

و ارجوووووووكوا بلاش القلق الكتير و الضغط النفسي و عدم الثقة

سمعت مرة دكتور نفساني بيقول عن التوتر انه بيخلي المعلومات في رساك تدور بسرعة كبيرة كانها كرات بلي بتجري ورا بعضها ,,,, هل هتعرف بسهولة تلتقطها و هي بتجري كدا ؟؟؟؟ صعب جدااااا
يعني انت لو متوتر او شاكك في نفسك و في قدراتك ,,, هتقدر تفتكر المعلومات برضة ,,, دا مضبوط ,,,. و لكن بصعوبة شديدة جدا و هيكلفك مجهود و وقت كبير جدا ,,,, انت في غني عنه ,,,

حاول تهدي نفسك جدا
زود ثقتك بنفسك
بس مش لدرجة الغرور ,,,
راجع كل حاجة اول باول

سيبك من وسواس النسيان و السرحان دا ,,,, طالما بتعمل اللي عليك

========================

السنة اللي فاتت كانت جايب في الكيميا 48.5 ,,,مع اني كنت ممكن اجيب الخمسين ,,, تعرف لية ؟؟؟
عشان واحد بن حلال ,,, اصطبحت بوشه قبل ما ادخل اللجنة ,,, قعد يسألني في حاجات في العضوية و كدا ,,, حسسني اني في السلاموووز ع الاخر و هدخل اللجنة مش هجيب حاجة و كدا ,,,, رغم اني كنت مذاكر 100% ,,, المهم طبعا حليت كويس بس مش بالدرجة المطلوبة ,.,, لما رحت كشفت عن الورقة

لاقيت المفاجأة

الدرجة و نص راحت في :
1- مسألة طول الرابطة بتاع الهيدروجين و الاكسجين في جزىء الماء ,,, حليتها صح بس نسيت اكتب القانون اللي عوضت فيه !!!
2- سؤال الكشف عن تلات مركبات ,,,, بسبب التوتر مخدش بالي منه اوي و افتكرته سؤال تمييز مش كشف !!! فطبيعي كشفت عن اتنين و سبت التالت لانه بديهيا هيكون اتعرف ,,, ما هو سؤال تمييز بئا :romarioxp6:
3- سؤال بتاع تحويل في العضوية كانت الاجابة بتاعته معادلتين ,,,, حليت المعادلة التانية ,,, اللي هي الخطور التانية و نسيت اكتب الاولي :028ja7: بجد دمااااااااغ:078111rg3:

=============================

فارجوك الفترة دي بالذات سيبك من كل مصادر القلق و التوتر .... طالما انت عندك الرغبة و القدرة ,,,, اذن باذن الله هتوصل طالم بتعمل اللي عليك و مش بتكسل و بتكبر الطاسة

---- ملحوظة كداع الماشي , انا برضة جايب 97 % السنة اللي فاتت ,,, و بتمني اسنان ,,, حتي لو جبت 100 % برضة هي اسنان ,,,, لكت لو ربنا موفقنيش اوصلها ,,,, اذن دي ارادة ربنا و هو اكيد مرتبلي الصالح -----

احب اقولك كمان ان الدكتور زويل و الدكتور البرادعي و عظماء علماء العالم كلهم خريجي كلية العلوم ;)
و ربنا يوفقك ,,,

Dr. Hoda Ahmed

26-04-2011, 03:15 PM

msh-tlba

27-04-2011, 04:53 PM

معاكى كل كلامك جميل وفعلا الموقف ده حصل معايا

دلوقتى بدأ بعض اصحابى يجيبوا اسئلة غريبة اوى فى الفيزياء حسستنى انى كنت بلعب طول السنة

وعملتلى احباط مش عارفه هل هقدر اجمع كل اللى عملته ولا خلاص

ربنا يستر
بس احيانا الحلم لو ما تحققش ممكن يوصل للموت

ربنا يستر بس مش انتحار لا موت حزن

احيانا لما بشوف مسائل قسم الفيزياء هنا ,,, بحس اني طالب اولي ابتدائي :romarioxp6: جاي الثانوي غلط

بس الشئ المبشر ان مستوي الطلبة هنا خاصة في القسم بتاع الفيزياء مش بيعبر عن المستوي العام ,,,, هنا صفوة الصفوة .. صدقني

ع العموم ,,, انا قررت ابعد عن كل مصادر اليأس و القلق و التشاؤم ,, الفترة دي بالذات ,,, حتي لو اللي هيقلقني دا بيتكلم جد ...
يعني من الغباء جدا ,,, اني اقلق عشان فكرة او فكرتين مش مذاكرهم ,, و القلق دا يضيع لي ال ---- فكرة اللي انا مذاكرهم ,,,, حتي لو افترضنا 1 في المليون ان الفكرة دي هي اللي جت في الامتحان ,,, ما انا هعرف استنتجها و اجيبها برضة ,,, و في اسوء اسوء اسوء الظروف لو معرفتش اجيبها .... ما انا عندي خمسة اسئلة تانيين .
مش صح اني اضيع مجهود سنة كاملة عشان قلق من جزئية تاخد مذاكرة عشر دقايق ,,,,, :stickjo4: و مش منزل انها تيجي في الامتحان السنة دي خصيصاً مخصوصاً ...

بصراحة جداً that is my philosophy which I completely believe in ,,,,

و ربنا يوفقنا جميعاً ,,,

engi11

28-04-2011, 09:01 PM

يارب وفقنا جميعا

omnia aymen

29-04-2011, 03:31 PM

أنا حابة أعرفكم بنفسي أنا امنية دخلت البوابة مخصوص علشان الاقي حد يشجعني ع المذاكرة هموووت و ادخل طب أنا كمان .......ساعدوني يا دكاترة أنقذوني و شجعوني و اعتبروني أول حالة عندكم أنا عايزة نصايح كتير كنتو بتعملوا ايه

somaya2010

29-04-2011, 09:33 PM

انا برضه فى تانية وامنية حياتى انى ادخل طب
بس مشكلتى التركيز انا كل الاستاذة بيقولولى انى متفوقة جدا
بس مش عارفة ايه اللى بيحصلى فى الامتحان

مدثر20

07-05-2011, 01:30 PM

ربنا يكرمك
والله أنا كمان نفس حالتك بالضبط

omnia aymen

26-05-2011, 10:34 AM

يللا يا جماعة شدوا حيلكم و خلصوا امتحانات و طمنونا عليكم ...كمان ونقدر نستفيد من خبراتكم ....الكل بمجرد ما يخلص امتحان يدخل و يطمنا وربنا معاكم

فوزى عبده

26-05-2011, 11:50 AM

اعمل اللي عليك وحقق امكانياتك هتاخد اللي تستاهله...
على فكرة لو موت نفسك هاتروح المشرحة يعني طب شرعي......

DR/ AHMAD

27-05-2011, 02:11 AM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه رووووووووعة حكاية طب شرعي دي
دمك عسل

طبعي كدا

27-05-2011, 02:23 AM

لا انا مش فاهمة ازاى

انا كلامي كان ده

نصييييييحة الاصرار في النتيجة ده غلط والله

الاصرار في اني اعمل اللى عليا لكن مش في النتيجة علشان دي مش بايدي

بالطريقة دي ممكن تتصدم لو لا قدر الله ربنا مقدرش

اللى ربنا يعمله كويس

بس في نفس الوقت الثقة في الله الحل الوحيييد

بالتوفيق

معانااااه

ان غلط جدا جدا انك تقولي انا مصرة اني ادخل طب بشري مثلا

ولو مش حصل كدده هموت نفسي

عايزاكو تعرفوا ان مفيش حاجة اسمها كده .. ما احنا عايشين اهو

وكنا بنقووول اكتر من كده ... هه

علشان مش لاقينا حد يبنصحنا وقفلنا الدنيا على باب واحد ندخل منه للدنيا

او اهلينا هما اللى قفلولنا كل الابواب وجم على اصعب بااب اللى هو مش مضمون اني اقدر افتحة

واقنعونا ان هو ده الباب الصح واي باب تاااني كخة (اسف في التعبيير )

امال نعمل ايه؟؟؟ نصرعلى اننا نذاكر مية مية
لكن مش نصر على النتيجة يعني نقول انا اجيب في تانية فوق ال 97 % والا يبقى ضعت
ولازم احول مش عارف ايه

لا غلط انت تقول انا هذااكر انهاردة كذا و الساعة كذا وتقول ان شاء الله
لكن غلط تقول يبقى هجيب كذا في المادة الفلانية اللى ذاكرتها

...... عارفة اني طولت ..........

بس في حاجة عابيزة اقولها قبل ما اختم

انا انهاردة كان عندي امتحان عملي وكنت مش مذااكرة تجربة معيينة

ومذاكرة كل التجارب مية مية

عابيزة اقولكو ان انا سالت صاحبتي عن التجربة دي قبل ما ادخل الامتحاان
وقالتها لي بسرعة كده

والله هي الى جاتلي وكنت هلطم

المفاجاة اني حليتها كوييييييييييس جدا

طبعا ناا التجارب كلها كنت مذاكرها اول باول
بس انا بتكلم عن مراجعة ليلة الامتحااان علشان محدش يفهم كلماي نسيب الدنيا ونقول يا رب

المهم انا حليييت كويس من اي تجربة تانية كانت هتجيلي

توفيق ربنا بقى

ربنا معاااااااااااااكم

طبعي كدا

27-05-2011, 02:24 AM

طالبة ولكن

27-05-2011, 02:35 AM

يااااااااااااااااااااااااااااااااااه

فكرتيني بنفسي زماان

مش زمااان قوي يعني

بس نصيحة هتتعبي كتييير لو فكرتي بالطريقة

مش علشان طب ولا غيرة

لا علشان الحياة اصلها بتعتمد على الاحتمالات والاقداار اللى احنا مش نعرفها

هي دي الدنيا اللى مسيرك تعرفها بس تقريبا هتتعب شوية في حياتك على ما توصل للحقيقة

الدنيا مش بتتعبنا احنا

لا احنا اللى غلط علشان كده بنتعب

ربنا مش خلقنا علشان يعذنبا لا احنا اللى بنعذب نفسنا
بفهمنا للدنيا غلط والحياة على انها عربية حلوة وكلية وبيت اسري جمييل

كدا نبقى احنا مش عشن الدنيا صح

لا الدنيا حسب فهمي ليها انها خبرات ناتجة عن تجارب فاشلة وناجحة

وتسيب فينا اثر ولما يجي موقف شبية ليه نفتكر الماضي ونعرف نتكلم كويس في الموضوع وننصح

وعايزة اقول اننا بننصح نفسنا اولا قبل غيرنا بنبقى عايزين نفكر نفسنا بيه

حااول تبص على اي تجربة سيئة في حياتك على انها خبرة لذيذة

هتتعلم منها الصبر ، وخبرة في التعامل وتطويع الامر ليك حسب مصلحتك

وتعرف تخلق من المصيبة فرحة وسعادة وكل واحد طريقته

انا عن نفسي اي مشكلة حصلتلي استفدت منها كتييير
اني بقيت بعرف اتعامل مع المشاااكل بطررييقة ابسط كتيير

وهاانت عليا حاجات كتييير كانت زمان الدنيا تسود لة حصلت دلوقتي لا

انا عقلت قووي
وكل انساان قدامة مشااكل هتجيلة شئت ام ابيت
بس لما تاخدها بدري بدري

تقوى بدري وتتحمل بقية حيااتك وانت مرتاااح زي ما بيقولو عندك مناعة او فهمت الدنيا صح

اوعو تفتكرو الكلام ده بيدل عن زهد لا ابدا بس اللى هيفهم كلماي كويس اللى اتعرض لمواقف صعبة في حياته واتعلم منها
وبقى

قوووووووووي

a7med bondok

03-06-2011, 07:44 PM

اولا احب اشكركم على ارائكم كلكم وشكر لصاحب الموضوع بس انا عندى تعليق بسيط جدا وهو من كلام بعض الاخوة انك متقولش انى لازم ادخل طب ومش عارف ايه اعتقد ده غلط لان لو مفيش هدف اسعى له هعمل ايه لا لازم يكون لى هدف انا لسه مخلص اولى ثانوى وداخل السنه اللى جايه تانيه وادعولى ادخل طب وده رايي الشخصي باحترام ارائكم

محمد يونايتد

04-06-2011, 02:38 AM

شد حيلك وربنا يوفقك

فاطمة456

07-06-2011, 06:45 PM

سها 222

23-06-2011, 04:43 PM

ربنا يستر""""""""""""""""""""""""""""""

د\ الاء

23-06-2011, 06:55 PM

http://www.thanwya.com/vb/life/icons/neww1qw1.gif
اولا: السلام عليكم يا دكاترة انا طالبة فى الثانوية بس انا عايزة احدد هدفى عشان اعمل لية وانا عايشة فى حيرة فظيعة وخيفة حتقولولى خيفة لية حقولكم لنى مش عارفة محتارة بين كلية صيدلة ولا طب انا من النوع اللى بحب المغمرة ونفسى اشتغل شغل ممتع غير ممل ودة بيتوفر طبعا فى كلية طب بس من ناحية تانية بقول انى كلية الطب حتخلينى مشغولة ومعيش وقت وده مينفعش بالنسبة ليا عشان انا بنت والبيت ان شاء الله والعيال وانتوا عارفين طبعا وناجى لكلية الصيدلة معلش يعنى هى شغلانة مملة كل اللى بتعملة انك بتفتحى صيدلية وتقعدى فبها ليل نهار وانتى على الكرسى ودة ملل اما فى شركة ادوية والمسئولية والنسب ودة لو حد قبلك اصلا وهو ده الصراع اللى جوايا ومش عارفة الاقيله حل.......
ممكن لو سمحتم تساعدونى.

اولا مش مهم انتي هتدخلي ايه المهم انتي هتنجحي ف ايه وتحبي تدرسي ايه
متبصيش لاي مجال هتدخليه للمظاهر او لاي حاجه تانيه غير انك هتقدري تستفيدي منه وتتفوقي فيه او لاء
يعني بالنسبه للمجموعه الطبيه ففيها كليات كتير وكل كليه اكيد ليها مميزاتها وعيوبها
فشوفي انتي حابه تدرسي ايه لان دي نقطه مهمه اوي ف تفوقك ف الكليه اللي هتدخليها لازم تبقي بتحبيها وبتحبي المواد بتاعتها
الجامعه عالم تاني مختلف عن الثانويه العامه مش شويه مواد هتحفظيها وتمتحني فيها بس
لاء لازم تستفيدي من المجال اللي هتدخليه وتكوني بتحبيه عشان تتفوقي فيه وخصوصا كليات المجموعه الطبيه يعني الطب مواده بتختلف عن الصيدله حددي هدفك انتي عاوزة تبقي ايه ...الفكره كلها مش ف انك هتبقي دكتوره وخلاص ...دكتوره دي مش حاجه سهله ومش سهل انك توصليلها ومش سهل برده انك تتفوقي ف مجالك ده عاوز كفاح ومزاكره تفوق الثانويه دي بمراحل ...عموما فكري كويس واستخيري ربنا وربنا يوفقك