الاكل ممنوع .. الشرب ممنوع .. حتى النفس ممنوع !! [الأرشيف]

نقاء الروح

23-01-2011, 01:16 PM

السلام عليكم ورحمة والله وبركاته ..

طبعا زي ماحنا عارفين البنت او كل ماهو مؤنث عموما يجب المحافظة عليه من كل أي حاجة ممكن تأذيه

ولازم نحكم قبضتنا عليهم لحد مايجلهم كبت ثم انفجار ثم ينتهي المطاف بمصحة نفسية !

ودا كله عشانهم مش عشان حد تاني .. بس للاسف الكل فاهم غلط وبيظنوا ان دا كلو ضدهم !

...

وعشان نحقق الموضوع دا كان علينا نعمل الاتي :

اول حاجة ممنوع الموبايل .. دي اداة خطرة جدا جدا عالبنات واثبتت الابحاث المطولة انه المفروض يحرم على كل ماهو مؤنث يمسك موبايل ..

والا هتحصل مصايب مش ليها اول من اخر .. حد يعاكسها ، او تكلم البوي فريند بتاعها او او ......

ولازم الاباء يوقفوا وقفة جادة للموضوع ده ويمنعوا الحاجات الفاضية دي ..

النتيجة : مبهرة جدا البنت ارتحت من نحيتها ماهي مش معاها موبايل واكيد مش بتكلم حد !

النتيجة الحقيقية : البنت عندها تلات اربع شرايح وموبايل صيني وماارخصهم .. مخلياه مع صحبتها

واول ماتروح المدرسة او الجامعة تبدأ المغامرة ......

والاب نايم ومستريح اووووووووي ..

تاني حاجة ممنوع تكلمي صحباتك .. البنات دولأُس الفساد وواضح جدا من المثال اعلاه ..

واياني واياكِ اشوفك ماسكة تلفون البيت وتقولي اسئل صحبتي على حاجة او طفشانة عاوزة اكلمها

مش عندنا بنات تتكلم فالتلفونات !!!

النتيجة: البنت بقت مطيعة مش بتمسك تلفون والفاتورة قلت والدنيا بمبي خالص ..

النتيجة الحقيقية : الام والاب بقوا مش عارفين بنتهم ماشية مع مين ولا زميلتها دي بنت ناس ولا واحدة كدا ..

وربنا يستر عالبنت !

تالت حاجة النت وما ارداك ما النت .. دا داء العصر .. لازم البنت مش تبص عليه حتى ’ تبص ؟

دي المفروض مش تفكر اصلا !!

وطبعا عارفين ليه .. بلاويه كتيرة و الباب ال يجيلك من الريح سده واستريح ..

مش كدا ولا ايه ؟

النتيجة : ارتحت من التفكير البت بتعمل ايه ؟ وبتكلم مين ؟ .............................

النتيجة الحقيقية : البنت بعد المدرسة بقت بتروح سيبر تشوف هو ايه النت ال بابا واخواتي عملين حذر تجول عليه ..

وطبعا الباقي معروف .. دا كفاية بس دخولها السيبر ..

رابع حاجة التلفزيون .. التلفزيون دا اساس كل انحلال وفساد فالكون ..

وكمان البنت ازاي تبص على شباب ورجالة ؟ وتسمع كلامهم ؟

احنا عارفين اد ايه البنت مرهفة المشاعر وبتميل للشباب .. وانا مش عاوز البت تطلع قليلة ادب ..

النتيجة: الحمدلله البنت بقت محترمة مش بتتفرج على حاجات وحشة وانا مطمن ..

النتيجة الحقيقية : البنت عمالة تسمع اصحابها شفتي الفيلم الفلاني ؟ شفتي البرنامج العلاني ؟

والبنت الحاجات دي بالنسبة ليها لغة هيروغلفية .. ونفسها تشوف وتعرف ..

وطبعا غالية والطلب رخيص .. البنات معاها هيقوموا بالواجب وزيادة !!

ولأن البنت غالية اوي اوي اوي .. فكمان الشرب ممنوع .. زي ماانتو شايفين المية ملوثة ومليانة ميكروبات

ودا مضر بصحتها الغالية ..

وبلاش كمان تاكل .. الدنيا بقت مليانة لحوم خنازير على حمير و والاكل مابقاش مضمون ..

ودا مضر جدا جدا بصحتها الغالية ..

وبالمرة بلاش تتنفس .. ماانتو شايفين الجو مليان انفلونزا طيور على خنازير ودخان سجاير ..

وكله مضر جدا جدا جدا على صحتها الغالية ..

...

الموضوع مش فكاهة ولا هو دعابة

انا بتكلم عن مشكلة لمستها فالفترة الاخيرة ..

والكل فاكر انه بيحافظ علينا ..

لكن الحقيقة انكو بتضيعونا ..

ايه المشكلة لما يكون معايا موبايل وبدخل نت وبكلم اصحابي وبشوف تلفزيون

وكله تحت مظلة رعايتكم ؟!

تعرفوني الصح والغلط ..

تحسسوني اني شخصية تُحترم ..

لما اغلط توجهوني .. لما ابقى مصرة على حاجة وحشة تفهموني ..

مش تقولوا ممنوع ومحرم ومافيش تفاهم

اصلك بنت ولازم نحافظ عليكِ ..

انا بنت اه بس فالاول انسانة ! .. ليا عقل وليا روح ولكل واحد منهم مطالب ..

أي المشكلة لما تبقى متابعني مش شك فيا لاء دا خوف عليا

ايه الاحسن استخدمهم تحت عينك عارف انا بعمل ايه وبمشي مع مين

ولا اروح اسرق زي الحرامية من وراكو وربنا يعلم من هيكون معايا !

فيه كلام كتير عاوزة اقوله
بس بلاش عشان الموضوع طويل ومش عاوزة حد يمل ..

ولي رجاء .. انا عاوزة ردود واقعية بلاش حتة المثالية الزايدة دي
ودلوقتي انا كدا خلصت ومستنية ردود الطرفين ..

لافانيا

23-01-2011, 01:49 PM

جزاك الله خيرا

عاشق البلانكو الابيض

23-01-2011, 02:10 PM

Mr. Ali 1

23-01-2011, 02:19 PM

السلام عليكم ورحمة والله وبركاته ..

وعليكم السلام ورحمة الله وبركاته

ولي رجاء .. انا عاوزة ردود واقعية بلاش حتة المثالية الزايدة دي

بداية لن أعلق علي الموضوع لأنك تعلمين رأيي في هذه الأمور جيداً ولا أريد أن أكرر كلامي فيه .
لكن لي ملحوظة علي طريقة تناول الموضوع وهي أنكي وضعتي فروضاً معينة بطريقة معينة , بل ووضعتي نتيجة معينة أيضاً ( وهذا لا يتفق مع الواقع )
هل استخدام الفتاة لهذه الأشياء المذكورة في الموضوع يجعل منها فتاة جيدة طالما كانت تتسم بالخلق الجيد والتربية السليمة , بينما نزع تلك الاشياء منها يجعلها فتاة غاية في السوء ؟!! فلنجعل التربية السليمة ثابتة ثم نري النتائج .
لو اتفقت معكي في افتراضاتك ونتائجك المذكورة في الموضوع , سنصل إلي أن البوي فريند تحت سمع وبصر الأسرة أفضل من أن يتم الأمر من خلف ظهورهم !!
لا تقولي لي بأن الأمر مختلف .... لا ان وضعنا الفروض بنفس الطريقة التي وضعتيها حتماً سنصل إلي هذه النتيجة .
نقطة أخيرة
يبدوا أن الفتيات كانت في كبت ومصحات نفسية قبل عشر سنوات ( لم يكن الموبايل والنت والفضائيات علي هذا النحو الذي نراه اليوم )
تقبلي مروري .

tones

23-01-2011, 02:48 PM

شكرا ليكى على الموضوع
بس التربية السليمة للبنت وعدم الضغط عليها وتربيتها على طاعة الله ومعرفة الصح والغلط
بإذن الله مش هايحصل لها أى حاجة تضرها وهى من نفسها هاتعرف تميز الصح من الغلط

الأستاذة أم شاهندة

23-01-2011, 03:04 PM

أ/رضا عطيه

23-01-2011, 03:16 PM

لاتقلقى يا أخت نقا ء

فقد قال الشيخ الشعراوى رحمة الله عليه

أن البنت عندما تنال بعض الحريات تتركها لتعود إلى حرية الدين أسرع من الأولاد

ومانراه الأن إنها فوضى الحرية المزعومة ونحن نرى كم من عودة حميدة إلى حرية الدين

من عدد كبير من بناتنا

كل ما أرجوه ألا يقتصر حكمنا على المتبرجة والمتحرره وكأنها هى كل البنات

وهناك الملايين من عادوا إلى مواطن الثبات على الدين الحنيف

وأمر أخر طريف

أن سى السيد ولى زمانه وأفكاره التابعه له صارت غير مرغوب فيها وكل النجارين فى العالم لم يعود لديهم المهارة والقدرة لصناعة الأرابيسك والذى كان يستخدم فى شبابيك زمان ( أظن مفهوم )

إنها فوضى الحرية المزعومة ولكن العودة الحميدة قادمة ولنا فى بناتنا ملايين البراهين حتى فى هذا المنتدى

وليتنا نعطى بعض الخوف والحرص على الأولاد ولانوجهها كلها للبنات فقط

شكرا على الموضوع الراقى

Just User

23-01-2011, 03:19 PM

موضوع جميل و يناقش قضية مهمة ... لكن فيه مبالغة شوية ...

و لو ان الموضوع ده هتلاقي اجابته اوضح فى علم النفس و التنمية البشرية ..

تحياتي ..

الـشـيـمـ ء ـا

23-01-2011, 03:54 PM

فعلا كلامك صح
جزاكى الله خيرا

وفيه ناس مفكره انهم لما يعملو كدة فى البنت ويعتمدو على الاجبار معاهم ان هو دا اللى بينفع

بس النتيجة انها بتعمل اللى هما خايفين منه وزيادة من وراهم
وانا اعرف بنات كتير كدة
وبتبقى مش فارقه معاها حتى لو اهلها عرفو
عادى يعنى هيعمل فيها ايه
هيضربها! عادى برضو بتبقى اتعودت على كدة

ياريت والله الاباء يربو ولادهم على انهم يخافو منهم عشان بيحترموهم وبيحبوهم مش عشان خايفين من عصايه ممكن ينضرب بيها

بس اصلا البيوت اللى بتبقى كدة بيبقو سايبين الولد على اخر راحة راحته
وبرضو بيعمل اللى هو عاوزه
بس دا قدامهم لكن البنت بتبقى من وراهم

بس دا الطبيعى فى مجتمع بيحمل البنت كل الاخطاء وبيخلى الولد مهما عمل هو الصح والتمام ويعمل اللى هو عاوزه عشان بس هو ولـــد!

**تسابيح**

23-01-2011, 03:54 PM

نقاء الروح

23-01-2011, 04:34 PM

جزاك الله خيرا

وجزيت بمثله ..
وكنت اتمنى اسمع رأي حضرتك فالموضوع ..
عالعموم شكرا لمرور حضرتك ..

نقاء الروح

23-01-2011, 04:42 PM

فعلا الكلام اللى بتقوليه ده بيحصل
والضغط الكبير على الفتاة
ممكن يخليها تعمل حجات غلط
من ورا اهلها
بس الاهل نفسهم بنتهم
تبقا احسن انسانة بالدنيا
ويحافظوا عليها من اى شئ وحش
وخصوصا الايام دى
بس الموضوع من الاول
بيعتمد على تربية الاهل لبنتهم
مش انهم يضغطوا عليها او يدوها حريتها
ما فى بنات واخدة ثقة اهلها
بس بتعمل حجات غلط بالثقة دى
واغلبية البنات بتعمل غلط سواء مضغوطة او عندها حرية
ومفيش بنت تقول غير كده
فى بنت ما صحبتش ولاد ما كلمتش ولاد فى التليفون
الا من رحم ربى ودى نسبة قليلة جدا
بس معاكى ان لازم يكون فى شوية حرية
بس مع مراقبة ومتابعة شديدة
من الاهل
يعنى ما يكونش معاها موبيل
وبتعمل اللى هى عاوزاه
ووالدها ما يعرفش عندها ايه فى الموبيل
ولا تخرج مع صحباتها وهما مش عارفين صحبتها مين
ولا راحين فين
وليه البنت ما تاخدش خوف الاهل عليها
انو حب وخوف عليها

شكرا على الموضوع الجميل

كلام حضرتك مضبوط جدا ..
والجمل ال انا حددتها هي ال انا عاوز اوصل اليه
المحافظة حق مكفول للاهل وحاجة مش تضايقنا ابدا
لكن الطريقة ال بتتم بيها المحافظة ايه هي ؟
دا ال انا عاوزة اوصلوا للاباء ولينا كمان لان احنا هنكون يوم من الايام
مسئولين عن ابناء بردو ..
خير الامور الوسط .. لا احرمها ولا اسيبها براحتها خالص ..
وحضرتك اشرت لنقطة مهمة وهي متابعة الاباء وديه
مطلوبة جدا جدا ..
وانا مش هدفي فموضوعي اني اطالب بحرية ممكن تضر بينا
لاء .. انا بوجه الضوء على حاجة الكتير بيظن انها لمصلحتنا
وهي العكس ..

شكرا لمرور حضرتك الرائع ..

نقاء الروح

23-01-2011, 04:55 PM

بداية لن أعلق علي الموضوع لأنك تعلمين رأيي في هذه الأمور جيداً ولا أريد أن أكرر كلامي فيه .
لكن لي ملحوظة علي طريقة تناول الموضوع وهي أنكي وضعتي فروضاً معينة بطريقة معينة , بل ووضعتي نتيجة معينة أيضاً ( وهذا لا يتفق مع الواقع )
هل استخدام الفتاة لهذه الأشياء المذكورة في الموضوع يجعل منها فتاة جيدة طالما كانت تتسم بالخلق الجيد والتربية السليمة , بينما نزع تلك الاشياء منها يجعلها فتاة غاية في السوء ؟!! فلنجعل التربية السليمة ثابتة ثم نري النتائج .
لو اتفقت معكي في افتراضاتك ونتائجك المذكورة في الموضوع , سنصل إلي أن البوي فريند تحت سمع وبصر الأسرة أفضل من أن يتم الأمر من خلف ظهورهم !!
لا تقولي لي بأن الأمر مختلف .... لا ان وضعنا الفروض بنفس الطريقة التي وضعتيها حتماً سنصل إلي هذه النتيجة .
نقطة أخيرة
يبدوا أن الفتيات كانت في كبت ومصحات نفسية قبل عشر سنوات ( لم يكن الموبايل والنت والفضائيات علي هذا النحو الذي نراه اليوم )
تقبلي مروري .

لحضرتك حرية التعليق او عدمه ..
بالنسبة لأعتراض حضرتك على طريقة عرض الموضوع
انا مش جبت اي حاجة من دماغي او من خيالي ..
كلها مواقف حصلت قدامي او سمعت عنها .. وبنفس الطريقة بالضبط !

انا مش عارفة ازاي حضرتك ربط الامثلة ال انا ذكرتها بالبوي فريند
لكن دا شيء مختلف .. وهقول لحضرتك ليه
لو حضرتك لاحظت انا جبت أمثلة لا يعترض عليها شرع او عادات او قيم
يعني مثلا كان فيه اشياء اخرى ممنوعة لكني لم اتطرق ليها لأن فيها
اختلاف عليها شرعا زي العمل وخروج البنت مع صحباتها مثلا ..
أما مثال البوي فريند فده غير مقبول لا شرعا ولا حتى للعادات والقيم ..
فده مختلف عن ده ..

بالنسبة للنقطة الاخيرة .. حضرتك انا بتكلم في 2011
لو رجعنا لعشر سنين فاتوا هنلاقي :
1- الموبايل مش بيمسكو الا فئة معينة من الناس
2- النت مش كان بالانتشار ال موجود بيه حاليا
يعني اجمالا طبيعة الحياة والمعيشة متغيرة ومختلفة ..

لكن في 2011 .. مين مش ماسك موبايل ؟ دا حتى العيال ..
النت والكمبيوتر بعتبروه خلاص دليل على الامية والجهل !
متطلبات الحياة اتغيرت ..
وانا مش هعيش وحدي .. حوليا ناس اندمج معاهم وأعايشهم
مش الناس تبقى وصلت المريخ .. وانا لسة مش عارفة حتى ايه هو النت والموبايل ..

وانا لا اهدف مطلقا من موضوعي مطالبة بحرية او او ..
لكن زي ماقلت خير الامور الوسط .. استخدم كل حاجة بطريقة صح
تحت اشراف اهلي ومتابعتهم ..
واعتقد دا من حقي !

شكرا لمرور حضرتك ..

نقاء الروح

23-01-2011, 04:58 PM

شكرا ليكى على الموضوع
بس التربية السليمة للبنت وعدم الضغط عليها وتربيتها على طاعة الله ومعرفة الصح والغلط
بإذن الله مش هايحصل لها أى حاجة تضرها وهى من نفسها هاتعرف تميز الصح من الغلط

اكيد التربية هي الاساس ..
وخلق نوع من التواصل والصداقة مع البنت
كل دا هيخلي الامور تمشي فالطريق السليم ..

شكرا لمرورك الرائع ياقمر ..
وربنا يحفظنا من كل سوء ..

نقاء الروح

23-01-2011, 05:14 PM

رغم أن المثل اللى حذكره غريب وقد يلومنى عليه البعض إلا أنها جملة علقت فى ذهنى وأنا فتاة وقبل أن أكون أم

جملة قالها فؤاد المهندس فى آخر مسرحية سك على بناتك

قال
(سك على بناتك بس اديهم المفتاح )

يعنى حافظوا على البنات واحموهن
ربوا واحسنوا التربية ووقتها لن نخاف
ولن نفرط أيضاً
يعنى حتى مع حسن التربية المراقبة الغير مباشرة ضرورية
ومفيش حاجة اسمها خلاص البنت كبرت
الحفاظ على البنات (والله والأولاد كمان فى الزمن ده ) مستمر أبد الدهر

فيه مثل بيقول
(يا مخلف البنات يا شايل الهم للمات )

كنت الأول بزعل لما اسمع المثل ده
وبعدين لما كبرت فهمته
هو مش هم انهن بنات
لا هم الخوف عليهن
وحب الاطمنئان عليهن حتى لو بعد الجواز

صداقتى مع والدتى والآن صداقتى مع بنتى هى طريقى للإطمئان

طبعاً ده كلام عادى ومش مثالى ولا حاجة أهو

بس الحل فى التربية الدينية الصح
نعرفها ده غلط ليه
ده عيب ليه

والدى رحمه الله قال لى جملة أمشى عليها مع شاهندة والحمد لله نتيجتها ممتازة

(اللى تخافى أنى أعرف أنك عملتيه يبقى غلط ولا يعمل أصلاً)

أى تصرف وأنا صغيرة كنت أكلم نفسى لو بابا عرفه حيزعل ؟ حيعاقبنى ؟
لو الاجابة اه
يبقى التصرف ده غلط

ولو الاجابة لا

يبقى اعمله وحتى لو وصل له مفيش مشكلة

كدة أنا قلت كل اللى عندى

يارب احفظ بناتنا من كل الشرور ومن شر أنفسهن
ويبارك فى بنات أمة محمد إلى يوم الدين ومنهن شاهندة وندى بناتى يا رب

اللهم أمين

موضوع رائع من ابنة رائعة

خالص تحياتى يا نقاء الروح

كلام حضرتك وفى وكفى والله ..
وحضرتك قلتي اهم حاجة ..
لازم نعرف ليه غلط وليه عيب
مش كل حاجة تبقى طلاسم ورموز محتاجة حد يفكها ..

وجملة بابا حضرتك بتفكرني بجملة بابا قالهالي اول ماعملت الميل
ودخلت عالم النت ..
قالي انا مش عاوز اعرف الباسوورد او اي حاجة لأني واثق منك
وانتي قد الثقة .. مش كدا ؟
من ساعتها وانا حاطها فبالي ..وكل مااجي اعمل حاجة غلط
افتكرها واقول لاء انا قد الثقة ..

وانا مش لاقية كلام اقوله بعد كلام حضرتك والله ..
وربنا يبارك لحضرتك فشاهندة وندى ياب ..
ويجعلهم من اصحاب الدرجات العليا فالدنيا والاخرة ..

شكرا لحضرتك :blush:
وحضرتك الاروع ومرورك اروع واروع ..
حضرتك نورتي وشرفتي موضوعي :)

وردة امل

23-01-2011, 05:58 PM

الممنوع دائما مرغوب ...
و هذا الخطأ الذي يقع فيه الأولياء في معظم
الأحيان ...
يظنون انهم بمحاصرة البنت يضمنون حمايتها ، لكن ألا
يعلمون ان كثرة الضغط تولد الإنفجار ؟؟
:angry2::angry2:
كما قلتِ ، الحوار بالتي هي أحسن ، و الإقناع أفضل من مسك العصا
:stickjo4::stickjo4:
شكرا على الموضوع

Mr. Ali 1

23-01-2011, 07:04 PM

لحضرتك حرية التعليق او عدمه ..

بالنسبة لأعتراض حضرتك على طريقة عرض الموضوع
انا مش جبت اي حاجة من دماغي او من خيالي ..
كلها مواقف حصلت قدامي او سمعت عنها .. وبنفس الطريقة بالضبط !
لو الأمثلة المذكورة حصلت قدامك بنفس النتائج , فأكيد البنات دي مش متربية وتستحق أكثر مما حدث معها , واللوم يقع علي الوالدين في البداية والنهاية لتقصيرهما في التربية السليمة !!

انا مش عارفة ازاي حضرتك ربط الامثلة ال انا ذكرتها بالبوي فريند
لكن دا شيء مختلف .. وهقول لحضرتك ليه
لو حضرتك لاحظت انا جبت أمثلة لا يعترض عليها شرع او عادات او قيم
يعني مثلا كان فيه اشياء اخرى ممنوعة لكني لم اتطرق ليها لأن فيها
اختلاف عليها شرعا زي العمل وخروج البنت مع صحباتها مثلا ..
أما مثال البوي فريند فده غير مقبول لا شرعا ولا حتى للعادات والقيم ..
فده مختلف عن ده ..
وهل منع الفتاة من الموبايل ضد الشرع ؟! ( لا يمكن لأي أحد أن يراقب الموبايل )
هل وضع الكمبيوتر في مكان مكشوف لكل البيت وعدم انفراد الفتاة به في حجرة خاصة , هل هذا ضد الشرع ؟!!
هل منع الفتاة من مشاهدة معظم الأفلام والكليبات , ضد الشرع ؟!!

بالنسبة للنقطة الاخيرة .. حضرتك انا بتكلم في 2011
لو رجعنا لعشر سنين فاتوا هنلاقي :
1- الموبايل مش بيمسكو الا فئة معينة من الناس
ما الذي ستخسره الفتاة من عدم وجود موبايل معها ؟!
مجرد منظرة ومظاهر لا يوجد أي أهمية لها , وكما قلت سابقاً , يوجد تليفونات في كل مكان اذا ما حدث شيء للفتاة وتحتاج للمساعدة .
2- النت مش كان بالانتشار ال موجود بيه حاليا
وهذا أدي إلي انتشار الفساد بصورة أكبر ( شباب وفتيات )
يعني اجمالا طبيعة الحياة والمعيشة متغيرة ومختلفة ..

لكن في 2011 .. مين مش ماسك موبايل ؟ دا حتى العيال ..
يعني الأمر فعلاً منظرة ومظاهر فارغة بدليل ان العيال ماسكة الموبايل !!
النت والكمبيوتر بعتبروه خلاص دليل على الامية والجهل !
يوجد الكثير جداً من ذوي المكانة والثقافة العالية ويجهلون استخدام الكمبيوتر أو النت , فهل هم أيضاً جهلاء وأميين ؟!!
هذه المقول مقولة غربية ولهم عاداتهم وتقاليدهم الخاصة بهم , كما أننا دائماً نسيء استخدام التكنولوجيا في حياتنا .
متطلبات الحياة اتغيرت ..
وانا مش هعيش وحدي .. حوليا ناس اندمج معاهم وأعايشهم
مش الناس تبقى وصلت المريخ .. وانا لسة مش عارفة حتى ايه هو النت والموبايل ..
ليس بالموبايل والنت سنصل إلي المريخ !!
مثل في غير محله .
وانا لا اهدف مطلقا من موضوعي مطالبة بحرية او او ..
لكن زي ماقلت خير الامور الوسط .. استخدم كل حاجة بطريقة صح
تحت اشراف اهلي ومتابعتهم ..
واعتقد دا من حقي !

شكرا لمرور حضرتك ..

لكل فرد الحرية في التعبير عن رأيه ووجهة نظره , ولكن أرغب من أعضاء المنتدي ( الطلاب والطالبات ) عدم التمسك الشديد بوجهة النظر الخاصة بهم , فما زال أمامكم الكثير والكثير لتتعلموه وتتعرفوا عليه في حياتكم .
فما زالت وجهات النظر الخاصة بكم غالباً تقتصر علي النظر للأمور من زاوية واحدة , وكما قالت الأخت ( أم شاهندة ) بأنها كانت تكره المثل القائل ( يا مخلفة البنات يا شايلة الهم للممات ) وكان هذا المثل يضايقها كثيراً , ولكن بعد ذلك فهمت المقصود من هذا المثل .
لا تجعلوا الرأي في الموضوعات العامة مقتصراً علي وجهات النظر الخاصة بحياة كل شخص . يجب أن ينظر للأمور العامة من عدة زوايا ونقارن بين ايجابيات وسلبيات هذا الأمر , ثم نبني الرأي علي هذا الأساس .
تقبلي مروري مرة ثانية .

نقاء الروح

23-01-2011, 07:28 PM

وهل منع الفتاة من الموبايل ضد الشرع ؟! ( لا يمكن لأي أحد أن يراقب الموبايل )
هل وضع الكمبيوتر في مكان مكشوف لكل البيت وعدم انفراد الفتاة به في حجرة خاصة , هل هذا ضد الشرع ؟!!
هل منع الفتاة من مشاهدة معظم الأفلام والكليبات , ضد الشرع ؟!!

حضرتك ليه انت مركز على السلبيات بس؟
اولا مين قال اني بطالب بجهاز خاص بي؟
او بطالب بمشاهدة افلام وكليبات ؟

الجهاز يتحط فأي مكان مش مشكلة ..
انا بتكلم فقضية تانية .. استخدمه وليس مكانه !
والتلفزيون زي ماهو فيه افلام وكليبات فيه برامج دينية وثقافية
نقطة عالهامش كدا : انا لا اشاهد او اسمع اي فيلم ولا اغنية والحمدلله
ومش مشكلة بالنسبة ليا خالص ..
انا بتكلم بوجه عام وليس على كل ماهو سلبي ..

وبالنسبة للموبايل هل ضد الشرع اني امسكه ؟

ما الذي ستخسره الفتاة من عدم وجود موبايل معها ؟!
مجرد منظرة ومظاهر لا يوجد أي أهمية لها , وكما قلت سابقاً , يوجد تليفونات في كل مكان اذا ما حدث شيء للفتاة وتحتاج للمساعدة .

بصراحة غير مقتنعة بالمرة بمبرر حضرتك ..

وهذا أدي إلي انتشار الفساد بصورة أكبر ( شباب وفتيات )

انا مش عارفة ليه حضرتك مسلط الضوء عالسلبيات بس؟!
يعني حضرتك مش شايف للنت فايدة خالص !
غير انه زود الفساد ؟؟

يعني الأمر فعلاً منظرة ومظاهر فارغة بدليل ان العيال ماسكة الموبايل !!

انا كتبت الجملة ديه وانا متأكدة ان حضرتك
هتعلق نفس التعليق ..
وانا مش قصدت كدا .. الجملة كانت كناية عن انتشار الاستخدام بس ..

يوجد الكثير جداً من ذوي المكانة والثقافة العالية ويجهلون استخدام الكمبيوتر أو النت , فهل هم أيضاً جهلاء وأميين ؟!!
هذه المقول مقولة غربية ولهم عاداتهم وتقاليدهم الخاصة بهم , كما أننا دائماً نسيء استخدام التكنولوجيا في حياتنا .

طيب .. ايه المانع اني اجمع الاتنين ؟؟
هل حرام ؟
تاني رجعنا اننا بنسيء الاستخدام
هو احنا بس ال بنسيء ال ستخدم والشباب
ال ماشاء الله مش بيعمل حاجة غلط ؟؟

ليس بالموبايل والنت سنصل إلي المريخ !!
مثل في غير محله .

اتوقعت بردو تعليق حضرتك على النقطة دي
والجملة انا حطتها عشان ابين اني عايشة وسط عالم
الكل عمال يمشي ويتقدم ومش ينفع انا ال افضل واقفة ..
وطالما حاجة مش حرام ولا تغضب ربنا من حقي امارسها واقتنيها ...

لكل فرد الحرية في التعبير عن رأيه ووجهة نظره , ولكن أرغب من أعضاء المنتدي ( الطلاب والطالبات ) عدم التمسك الشديد بوجهة النظر الخاصة بهم , فما زال أمامكم الكثير والكثير لتتعلموه وتتعرفوا عليه في حياتكم .
فما زالت وجهات النظر الخاصة بكم غالباً تقتصر علي النظر للأمور من زاوية واحدة , وكما قالت الأخت ( أم شاهندة ) بأنها كانت تكره المثل القائل ( يا مخلفة البنات يا شايلة الهم للممات ) وكان هذا المثل يضايقها كثيراً , ولكن بعد ذلك فهمت المقصود من هذا المثل .
لا تجعلوا الرأي في الموضوعات العامة مقتصراً علي وجهات النظر الخاصة بحياة كل شخص . يجب أن ينظر للأمور العامة من عدة زوايا ونقارن بين ايجابيات وسلبيات هذا الأمر , ثم نبني الرأي علي هذا الأساس .
تقبلي مروري مرة ثانية .

كلام حضرتك جميل ..
بس انا لحد الآن لم اجد وجهة نظر تقنعني ان الحاجات
دي من الممنوعات او لازم تتمنع ..
لكن خير الامور الوسط من وجهة نظري
من غير افراط او تفريط ,,

شكرا لمرور حضرتك ..

Mr. Ali 1

23-01-2011, 07:51 PM

amira elnaggar

23-01-2011, 07:55 PM

دة فى قانون مين

نقاء الروح

23-01-2011, 07:56 PM

نقاء الروح

23-01-2011, 08:02 PM

موضوع جميل و يناقش قضية مهمة ... لكن فيه مبالغة شوية ...

و لو ان الموضوع ده هتلاقي اجابته اوضح فى علم النفس و التنمية البشرية ..

تحياتي ..

من حيث ايه المبالغة ؟
ياريت حضرتك توضح ..
وانا حضرتك مش جاايبة الكلام من عقلي ..
انا بقرأ فكتب علم نفس وكلها بتصب ان الضغط يولد الانفجار
وان الممنوع مرغوب ..
شكر لمرور حضرتك ..

نقاء الروح

23-01-2011, 08:11 PM

shima'a

23-01-2011, 08:11 PM

جزاك الله خيرا
كلامك صح
اذا كان بعض الاهالى بيعملوا كده فهذا من خوفهم على البنت فى زمننا ده
لكن مفروض ان البنت نحافظ عليها بس من غير ما نحسسها انها مش عارفة مصلحتها ولا تعرف تتصرف وانها لازم هتغلط
لكن ممكن نقول " سك على بناتك واديهم المفتاح"
واخيرا البنت زى ما بتتربى على غرس الاخلاق والتدين الصحيح زى ما بتتصرف مهما كان حولها بنات وحشين
لازم البنت تحس ان لها عقل هيوجهها للصح - مش لازم حد يختار لها -عشان تطلع شخصية سوية
وشكرا على الموضوع

نقاء الروح

23-01-2011, 08:18 PM

عادي ياحبيبتي

وفيه البعض اللي شاف من التكنولوجيا
بلاوي سوداا من ناس استخدمت الحاجات دي غلط
فكان خلفيته وفكرته عنها كدااا
فأكيد يتمني انه يحمي محارمه منها ....

البعض بيبقي
خايف من (كما تدين تدان والديان لايموت )
بالتوفيق

عادي ايه يابنتي ..
يعني لو صحيتي الصبح ولقيتي بابا
بيقولك هاتي الموبايل مافيش نت مافيش تلفزيون
مافيش صحباتي مافيش مافيش
هيبقى عادي بالنسبة ليكِ ؟؟

بالنسبة للمبرر ال انتي ذكرتيه
الاولاني هو هيحميها لو عطها مساحة من االحرية
هتبقى قدام عينيه .. تحت اشرافه
لكن لو منعها خالص هنا المشكلة .. لأنها هدور عليه من سكك تانية ..

التاني : مش ذنبنا .. وهو لو خايف بجد
يخليه محترم ومش يعمل حاجة فمحارم حد ..
والمشكلة تتحل هو مش ياخد ذنوب ولا انا اتحرم من حقي ..

شكر لمرورك ياقمر ..
ولو اني مش اتوقعت رأيك كدا خالص ..
نورتيني ..

cool girle

23-01-2011, 08:18 PM

وربنا انا ماعارفه اقول ايه

كزا مره حاولت اتكلم ف الموضوع ده

بس انتى اديتى الواجب بزياده

تسلم ايديكى

نقاء الروح

23-01-2011, 08:23 PM

نقاء الروح

23-01-2011, 08:31 PM

الموضوع يا نقاء انتي كتبتيه عن البنات , وردي كان عن البنت .
لو كنتي ذكرتي الشباب , كنت اتكلمت عنهم .
أما عن الموبايل , فسبق وأن قلت بأنه لا يمكن لأي أحد مراقبته , وهذا غالباً سيؤدي إلي سلوكيات .... ( وليس كل ما يعرف ممكن أن يقال وخاصة في المنتدي )
أنا تحدثت عن الأمر من وجهة المصلحة للفتاة ولأسرتها وليس من أجل التضييق عليها أو حرمانها منه .
الكمبيوتر والنت للفتاة لا بأس به ( بشرط عدم انفراد الفتاة بجهاز الكمبيوتر )
التليفزيون لا يستطيع أحد أن يمنع الفتاة من مشاهدته , ولكن هناك أشياء مباحة وأخري غير مباحة , وهي تمنع عن غير المباح فقط .
أنا لم أتعمد أن أركز علي السلبيات ( فهناك الكثير جداً من السلبيات لا أستطيع أن أذكرها في المنتدي ) , لكني أتحدث عن واقع , ربما أنتي وغيرك لا تعلمين عنه شيء , ولكنه موجود ومنتشر بشكل كبير جداً .
يعني وجهة نظري باختصار منع الفتاة من الموبايل فقط , أما باقي الأشياء المذكورة , فيجب المتابعة والمراقبة فيها ( يعني الاستخدام بالصورة الصحيحة )
مع ملاحظة أن رأيي في الكمبيوتر والنت للفتاة يختلف عن رأيي بالنسبة للزوجة ( اذا ما تعارض هذا مع رغبة الزوج , حتي لا يحدث خلط بين الأمرين )
يا نقاء لست ضد المرأة ولا أقيد من حريتها ولا أنتقص من حقوقها , فقط أحافظ عليها
وكما قلت من الصعب أن أوضح الأمر بصورة كبيرة ( في كثير من الأمور أكتفي بالتلميح فيها فقط )

انا مش جبت سيرة الشباب غير فنقطة وحدة
لما حضرتك عممت وقلت ااحنا بنستخدم التكنولوجيا غلط
فحبيت اوضح بس ان الكل .. فبتالي المفروض الكل يطبق عليه الحكم ..

بالنسبة للموبايل اتفهم وجهة نظر حضرتك في انه صعب مراقبته
لكن فيه ترمومتر اقدر من خلاله احدد بنتي ماشية صح او لاء ..
فيه سلوكيات بتطرأ عالوحدة لو بتعمل حاجة غلط ..
والاب والام النابهين ممكن ينتبهو ليها والامر يتحل فالبداية
وسعتها اي اجراء هتكون البنت تستاهل ..

ممكن حضرتك تكون صح وانا غلط او العكس ..
لكن انا شايفة ان المحافظة تكون مش بالمنع والتحريم
لكن بالعقل والتفاهم ..

وشكرا لسعة صدر حضرتك ..

aymaan noor

23-01-2011, 08:45 PM

ايه المشكلة لما يكون معايا موبايل وبدخل نت وبكلم اصحابي وبشوف تلفزيون

وكله تحت مظلة رعايتكم ؟!

تعرفوني الصح والغلط ..

تحسسوني اني شخصية تُحترم ..

لما اغلط توجهوني .. لما ابقى مصرة على حاجة وحشة تفهموني ..

مش تقولوا ممنوع ومحرم ومافيش تفاهم

اصلك بنت ولازم نحافظ عليكِ ..

انا بنت اه بس فالاول انسانة ! .. ليا عقل وليا روح ولكل واحد منهم مطالب ..

أي المشكلة لما تبقى متابعني مش شك فيا لاء دا خوف عليا

ايه الاحسن استخدمهم تحت عينك عارف انا بعمل ايه وبمشي مع مين

ولا اروح اسرق زي الحرامية من وراكو وربنا يعلم من هيكون معايا !

والله أنا فخور بيك يانقاء ، مين اللى قال أن بناتنا لما يبقى تتفكيرهم بالنضج دا نحرمهم ونضيق عليهم ونشكك فى تصرفاتهم .
أنا أتفق معك تماما ، أن المفروض أن تعامل الفتاه على اعتبار أنها أنسان فى المقام الأول ، و أن تكون متابعة الأب والأم لهم ليس نتيجة للشك فيهم ولكن لتبصرتهم بما يخفى عنهم من أمور ، لا مانع عندى أن البنت تمتلك موبايل خاص بها ، ولا مانع من دخول النت ، أنا مش بأربى أصنام أنا بأربى عقول ، مادامت الفتاة ملتزمة دينيا ، ومادمت أربيها على الفضيلة والأخلاق ، اذن فلابد أن أمنحها الحرية لكى تتعلم الصح والخطأ ، وللأسف كثير منا لديه حساسية غير مبررة من كلمة الحرية رغم أن الحرية فى الأصل هى مسئولية ، المفروض أن يثق الأباء فى بناتهم الى أن يثبت العكس ،
مرة أخرى بارك الله فيك وبارك الله فى بناتنا فهن جديرات بالاحترام ،

نقاء الروح

23-01-2011, 09:00 PM

السيد محمد علي الجندي

23-01-2011, 10:10 PM

هوني عليكِ الأمر ابنتي العزيزة, إن طرحكِ للمشكلة هامٌ وجدير بلفت انتباه الآباء والأمهات وجميع القائمين على شؤون التربية والتعليم والإعلام ولكن المشكلة ليست معاصرة ولا وليدة الموبيل والإنترنيت إنمي هي قديمة قدم آبائك وأجدادك مع الفارق التكنولوجي, إننا اشتكينا مما تشتكين منه وعاينا مما تعانين منه أنتِ وبنات جيلك وحتى البنون لم يسلموا من هذه القيود التي كنا نحسبها كذلك وهي في الواقع اعراض طبيعية لمرحلة المراهقة, حيث يبدو التمرد والثورة على ما هو قائم وشياً فشيء تزول هذه الأعراض وينضج الواحد منا ويعلم أن ما فات أصبح ذكريات يتندر بها مع أترابه وإسألي والدتك أو أختك الكبيرة تروي لكِ ما يدعوكِ للضحك والإبتسام المهم أن تنشأ الثقةُ المتبادلة بين جميع أفراد الأسرةوالتراحم والتعاطف وإلا انقرض المجتمع وأصبح رهين المصحات النفسية لا لا يا صغيرتي هذا ليس تقليلاً من شأنكأنتي مهما كبرتي ستصبحين في نظر والديك كما كنتي بين ذراعيهم يحيطونك بالدفئ واليلثمون خدَك بحنان وكذلك الحال يجب أنترين والديكِ كبارأً ومهما كبرتي يجب أن تتقازمي لهما بكل تواضع صدقيني أن هذا الصراع مؤقتٌ ولا ينبغي أن نتقوقع بجواره بل ينبغي أن نتعامل معه بلغة الحوار البناء وسعة الصدر وتقدير المصلحة العامةنفسي أتكلم معكِ كثيراً ولكن حتى لا تتململي وتمَلِّي أكتفي بهذا القدر مع خالص الدعاء بالنجاح والتفوق ن

نقاء الروح

24-01-2011, 06:40 AM

وربنا انا ماعارفه اقول ايه

كزا مره حاولت اتكلم ف الموضوع ده

بس انتى اديتى الواجب بزياده

تسلم ايديكى

انا وانتِ واحد ياقمر :friendsxs3:
ويارب تكون فكرتي وصلت فعلا ..
الله يسلمك ..
مرسي عالمرور ياعسل ..
نورتي ..

نقاء الروح

24-01-2011, 06:59 AM

دة فى قانون مين

:confused::confused:

عفوا بس لم افهم الرد ..
ممكن حضرتك توضحي ؟
شكرا لمرورك ..

نقاء الروح

24-01-2011, 08:28 AM

والله أنا فخور بيك يانقاء ، مين اللى قال أن بناتنا لما يبقى تتفكيرهم بالنضج دا نحرمهم ونضيق عليهم ونشكك فى تصرفاتهم .
أنا أتفق معك تماما ، أن المفروض أن تعامل الفتاه على اعتبار أنها أنسان فى المقام الأول ، و أن تكون متابعة الأب والأم لهم ليس نتيجة للشك فيهم ولكن لتبصرتهم بما يخفى عنهم من أمور ، لا مانع عندى أن البنت تمتلك موبايل خاص بها ، ولا مانع من دخول النت ، أنا مش بأربى أصنام أنا بأربى عقول ، مادامت الفتاة ملتزمة دينيا ، ومادمت أربيها على الفضيلة والأخلاق ، اذن فلابد أن أمنحها الحرية لكى تتعلم الصح والخطأ ، وللأسف كثير منا لديه حساسية غير مبررة من كلمة الحرية رغم أن الحرية فى الأصل هى مسئولية ، المفروض أن يثق الأباء فى بناتهم الى أن يثبت العكس ،
مرة أخرى بارك الله فيك وبارك الله فى بناتنا فهن جديرات بالاحترام ،

لا اجد ما ارد او ازيد به على كلام حضرتك ..
شكرا جزيلا لحضرتك عالمرور الراقي والرأي الارقى ..
وان شاء الله نكون عند حسن ظنكو بينا وقد الثقة.. :)

نقاء الروح

24-01-2011, 03:59 PM

أسطورة الأحزان

24-01-2011, 05:17 PM

عارفه نسمى ده ايه جهل ثم جهل ثم فشل
بيستسهلوا ويريحوا دمغهم وخلاص على حسبنا
انا عاوزه اعرف البنت دى ايه حيوان نحركوا يمين وشمال على مزاجهم
ممنوع ممنوع
كله ممنوع والله حرااااااااااااااااااااااااااااااام عليكم يالى بتشجعوا ان التعامل مع البنت لازم يكون كدا
تخلوا البنت عايشه فى قيود القهر والكبت والظلم خلتوها تكره ساعات انها بنت
ومش عارفين ان كل البنات تقدر تستحمل كل ده وبعدين يحسبوها لما تغلط وليه وأزاى ده انا مربيها ده انا .......
تلومها بقى ليه لما تدور على اللى ناقصها برا
ماهى على نيتها بقى ومتربيه وأبيض خالص خلى بقى اصحابها هما اللى يكتبوا اللى عاوزيوا فى الابيض هتقولوا فين شخصيتها وادبها واخلاقها مين قالكم ان دى تربيه انتوا لا ربيتم ولا بتاع انتم أمرتوها مفهمتوش حرمتوها سلبتم منها شخصيتها وفرضتم رائيكم وحكمتم انها ملهاش رائى
بس فى اللى بيحسسها بوجودها فى اللى بيعشمها ان هيغير معملته وهيعوضها عن الللى بيعملوه معاها فى البيت وانه رافض التعامل ده هتلاقى اللى يديها الحق انها تكون ليها شخصيه تختار تقول رائى تعبر عن نفسها بحريه ............ألخ
تفتكروا بقى البنت هتختار ايه هتختار قيودكم ولا ..........
البنت مؤدبه كويسه نقيه بس انتم يا من تعتقدون انها الحل فى ممنوع والتقييد فشلتم فى التربيه أستسهلتم وانتم المذنبين
شكرا على الموضوع

صوت العقل

24-01-2011, 06:34 PM

حبيبتى نقاء موضوع رائع وعجبتنى البداية جدااااااااااااااا مع تعديل بسيط فى كلماتك
اسمحيلى ااقول ان كل ما هو مؤنث مظلوم ويعامل كمواطن درجة ثانيةحيت ان المواطن
الاول هو الرجل فى نظر الرجل طبعاااااااا......وجدت بعض الاراء تؤكد على ان معظم
البنات تسئ استخدام حريتها.... وانا اجد ان هناك الكثير من الفتيات المحترمات ولديهم من العقل
والاخلاق ما يجعلهم لا يسيئواااا استخدام الحرية الممنوحة لهم.....وعلى فكرة كل الامثلة التى يتحدث
عنها الموضوع كلها من اخطاء الاسرة التى تتكون من الاب والام معااااااا ..... فلو الاسرة اهتمت من البداية
وعلمت البنت ان هناك ثلاثة اشياء يحتاج اليها الانسان فى حياته كى يبنى شخصيته ما وصلنا الى ما نراه الان
والاشياء التى اتحدث عنها هى اولا: الدين وبه تكسب الدنيا والاخرة وثانيا: الاخلاق وبها تكسب احترامها فى المجتمع وثالثا: التعليم وبه ينضج العقل ويفهم والثلاثة معاااااااااا يكملون بعض لتكوين شخصية لايمكن ابدا ان تسئ الى نفسها اوحريتها .....واحيانا تتكبر بعض الامهات على ان تصادق ابنتها من مبدأ ان لاتتساوى الرؤوس
وبالتالى لاتعلم عنها شئ بل تفضل سياسة القاء الاوامر فقط وده بيوصل لنتائج عكسية..............
وانا شايفة يا نقاء ان كل كلامك صادق وصحيح.....فالاهل لو ارادوا ان تكون الامور صحيحة عليهم ان يأمروا بالمستطاع ولكن مع المتابعة كمان ..... شكرااااااااااااااا حبيبتى....موضوع رائع.....بارك الله فيك.........

هانى الشرقاوى

24-01-2011, 06:42 PM

نحن نعيش فى مجتمعات الذكور

نقاء الروح

24-01-2011, 08:27 PM

نقاء الروح

25-01-2011, 08:24 AM

حبيبتى نقاء موضوع رائع وعجبتنى البداية جدااااااااااااااا مع تعديل بسيط فى كلماتك

اسمحيلى ااقول ان كل ما هو مؤنث مظلوم ويعامل كمواطن درجة ثانيةحيت ان المواطن

الاول هو الرجل فى نظر الرجل طبعاااااااا......وجدت بعض الاراء تؤكد على ان معظم

البنات تسئ استخدام حريتها.... وانا اجد ان هناك الكثير من الفتيات المحترمات ولديهم من العقل

والاخلاق ما يجعلهم لا يسيئواااا استخدام الحرية الممنوحة لهم.....وعلى فكرة كل الامثلة التى يتحدث

عنها الموضوع كلها من اخطاء الاسرة التى تتكون من الاب والام معااااااا ..... فلو الاسرة اهتمت من البداية

وعلمت البنت ان هناك ثلاثة اشياء يحتاج اليها الانسان فى حياته كى يبنى شخصيته ما وصلنا الى ما نراه الان

والاشياء التى اتحدث عنها هى اولا: الدين وبه تكسب الدنيا والاخرة وثانيا: الاخلاق وبها تكسب احترامها فى المجتمع وثالثا: التعليم وبه ينضج العقل ويفهم والثلاثة معاااااااااا يكملون بعض لتكوين شخصية لايمكن ابدا ان تسئ الى نفسها اوحريتها .....واحيانا تتكبر بعض الامهات على ان تصادق ابنتها من مبدأ ان لاتتساوى الرؤوس

وبالتالى لاتعلم عنها شئ بل تفضل سياسة القاء الاوامر فقط وده بيوصل لنتائج عكسية..............

وانا شايفة يا نقاء ان كل كلامك صادق وصحيح.....فالاهل لو ارادوا ان تكون الامور صحيحة عليهم ان يأمروا بالمستطاع ولكن مع المتابعة كمان ..... شكرااااااااااااااا حبيبتى....موضوع رائع.....بارك الله فيك.........

الكل بينظر للجانب السلبي ومش عارفة ليه فعلا ..
لأنه بالمقابل فيه جوانب ايجابية بردو ..
معاكِ حق بجد هما تلات حاجات يخلقوا شخصية متزنة
تعرف الصح من الغلط وال انتي ذكرتيهم ياقمر ..
ومع المتابعة المستمرة من الوالدين طبعا ..

ونقطة الام دي خطيرة اوي اوي ..
فيه امهات بيعملو فجوة كبيرة جدا بينها وبين بنتها
وبالتالي تبدأ المشكلة لان الام بعيدة من البداية ..

مرسي ياقمر على مرورك الرائع
نورتيني والله :)

نقاء الروح

25-01-2011, 09:32 AM

نحن نعيش فى مجتمعات الذكور

للاسف فعلا ..
شكرا لمرور حضرتك الكريم ..

بوح قلب

26-01-2011, 11:45 AM

جزاك الله خيرا

كمبس72

26-01-2011, 11:56 AM

والله العظيم لا أجد كلمة أعلق بها على كلامك - الكلمات مثل طلقات اارصاص -
أنا أب ومش عارف أعمل زي متعمل معايا حياتنا كانت بسيطة وجميلة رغم قلة المال والحرمان ولكنها ممتعة ببساطتها واحترامنا للكبير
أما اليوم مش عارف كيف نعود بأولاادنا إلى الانتماء وبث الثقة في نفوسهم والاعتماد على النفس مع حدود الاحترام والمسئولية

roka roka

26-01-2011, 12:51 PM

فعلا الكلام ده حقيقي انا من كتر اللي بيحصل كرهت اني بنت واتمنيت اني اكون ولد عشان ابقي حرة بس مش عارفة ايه الحل

**تسابيح**

26-01-2011, 05:45 PM

عادي ايه يابنتي ..

يعني لو صحيتي الصبح ولقيتي بابا
بيقولك هاتي الموبايل مافيش نت مافيش تلفزيون
مافيش صحباتي مافيش مافيش
هيبقى عادي بالنسبة ليكِ ؟؟

بالنسبة للمبرر ال انتي ذكرتيه
الاولاني هو هيحميها لو عطها مساحة من االحرية
هتبقى قدام عينيه .. تحت اشرافه
لكن لو منعها خالص هنا المشكلة .. لأنها هدور عليه من سكك تانية ..

التاني : مش ذنبنا .. وهو لو خايف بجد
يخليه محترم ومش يعمل حاجة فمحارم حد ..
والمشكلة تتحل هو مش ياخد ذنوب ولا انا اتحرم من حقي ..

شكر لمرورك ياقمر ..
ولو اني مش اتوقعت رأيك كدا خالص ..
نورتيني ..

ياحبيبتي عادي كانت مجرد تهكم :bosyht9:
لاني بستغرب ان فيه ناس معتبرة المرأة مجرد كرسي ..تكملة لتزين البيت ........
كل شيء ممنوع ممنوع كل حاجة ممنوعة
وان دا ممكن يولد الانفجار .....والممنوع مرغوب ...
وممكن يؤدي لعواقب وخيمة جداا ....
واللي عايز يعمل غلط هيعمله بس الفرق بين بنت ممكن تعمل الغلط وتروح تعترف لأهلها وهم يوجهوها لانها عارفة ان اهلها
وانهم هم اللي هيرشدوها
وبنت تانية تعمل الغلط وتستمر فيه
وتكون خايفة تسأل اي حد ولا حتي ابوها لانه متشدد
ولو عرف انها بتعمل كدااا ممكن يعاقبها مع انها ممكن
تكون وقعت فيه بدون قصد .......
زي واحدة يجلها اتصال من رقم غريب ع الموبايل
والرقم يتصل بيها باستمرار
اب هيجيب هيضرب البنت ويسحب الموبايل
ويقول انا غلطان اني اديتك الموبايل مع انها ملهاش ذنب
والثاني هيأخذ الرقم ويمسح بكرامته الأرض.....
هو دا اللي بيفرق......
أم موضوع كما تدين تدان
فعلا فيه ناس بتخاف ع محارمهم فقط لا غير
اي حد غيرهم في ستيين سلامة ملناش دعوة بيكم .....
فهو عمل غلط ولسه بتعمله ومش تابت فأكيد
لازم ربنا هيعاقبها ومش بس كداا
وكمان ادامهم ....
ام موضوع ان بابا يأخذ موبايلي اكيد هديله الموبايل بصدر رحب
عشان يشحنه أكيد:p:p:p

نقاء الروح

26-01-2011, 06:35 PM

ياحبيبتي عادي كانت مجرد تهكم :bosyht9:

لاني بستغرب ان فيه ناس معتبرة المرأة مجرد كرسي ..تكملة لتزين البيت ........
كل شيء ممنوع ممنوع كل حاجة ممنوعة
وان دا ممكن يولد الانفجار .....والممنوع مرغوب ...
وممكن يؤدي لعواقب وخيمة جداا ....
واللي عايز يعمل غلط هيعمله بس الفرق بين بنت ممكن تعمل الغلط وتروح تعترف لأهلها وهم يوجهوها لانها عارفة ان اهلها
وانهم هم اللي هيرشدوها
وبنت تانية تعمل الغلط وتستمر فيه
وتكون خايفة تسأل اي حد ولا حتي ابوها لانه متشدد
ولو عرف انها بتعمل كدااا ممكن يعاقبها مع انها ممكن
تكون وقعت فيه بدون قصد .......
زي واحدة يجلها اتصال من رقم غريب ع الموبايل
والرقم يتصل بيها باستمرار
اب هيجيب هيضرب البنت ويسحب الموبايل
ويقول انا غلطان اني اديتك الموبايل مع انها ملهاش ذنب
والثاني هيأخذ الرقم ويمسح بكرامته الأرض.....
هو دا اللي بيفرق......
أم موضوع كما تدين تدان
فعلا فيه ناس بتخاف ع محارمهم فقط لا غير
اي حد غيرهم في ستيين سلامة ملناش دعوة بيكم .....
فهو عمل غلط ولسه بتعمله ومش تابت فأكيد
لازم ربنا هيعاقبها ومش بس كداا
وكمان ادامهم ....
ام موضوع ان بابا يأخذ موبايلي اكيد هديله الموبايل بصدر رحب
عشان يشحنه أكيد:p:p:p

سوري ياقمر ماخدش بالي ..:blush:
بس مش تحطي ايموشن ولا حاجة يوضحلي ..
كدا تحرجيني :blush:

والله وخاصة البنت بالذات ..
مرة مُدرستي قالتلي البنت لو اتقفل عليها وعاوزة تعمل حاجة
هتعملها وماحدش هيقدر يمنعها !!
عشان كدا لازم نخلي مساحة من الحرية بدل ماتعمل الغلط من ورا اهلها ..

هههههه طبعا على رحب والسعة كمان
هو حد يقول للشحن لاء :d

مرسي ياقمر عالمرور الرائع ..
ونعتذر عن الخطأ غير المقصود .. :bosyht9:
نورتي