مشاهدة النسخة كاملة : ممكن تساعدونى


نسمه حنان
07-02-2011, 11:59 PM
http://www.r-mbd3.com/vb/uploaded/1708_1168241411.gif

انا كنت عاوزه مساعدتكم فى موضوع هيحدد مستقبلى

اولا انا فى تانيه ثانوى ادبى

ثانيا اممم انا بحب الرسم جدا جدا ونفسى ادخل كليه
فنون

بس معنديش اى خبره ايه اللى موجود فى الكليه وايه اللى ممكن يناسبنى

ايه الاقسام هناك ايه الفرق بين كل قسم والتانى ايه الفرق بين فنون جميله وتطبيقيه وانهى الاحسن

ممكن اشتغل ايه بعد ما اخلص مهما كان ايه القسم

اكتر حاجه بترعبنى و خايفه جدا منها هى امتحان القدرات عامل ازاى

فيه ايه وممكن يتكلم عن ايه والجو عامل ازاى هناك

وياترى فى حد هيدخل كليه الفنون من المنتدى

انا بجد خيفه جدا ومش عارفه اى حد عنده معلومات يساعدنى اختار ايه

ياريت اى حد يعرف اى معلومه يقولى واتمنى يكون فى اعضاء كتير فى سنى ممكن يدخلو الكليه معايا

سورى انى طولت عليكم

moonmaster
08-02-2011, 10:41 AM
هنا هتلاقي ناس في نفس المجال اللي انتي عايزة (http://www.algam3a.com/bb/index.php?showtopic=6970)
بالنسبة للاقسام اللي ممكن تكون موجوده(علي ما اظن)..
قسمين : قسم العمارة و قسم الديكور وقسم الفنون.
وينقسم قسم الفنون العام إلى : قسم التصميمات المطبوعة - قسم التصوير - قسم النحت
أما قسم العمارة وقسم الديكور فهما مستقلان بذاتهما.
الدراسة بالكلية

الدراسة بالكلية عملية ولا يتبع فيها نظام الإنتساب. ومدة الدراسة خمس سنين للحصول على درجة البكالوريوس. - في قسم العمارة : خمس سنوات (منها سنة إعدادي في تخصص العمارة).في قسم ديكور خمس سنوات (منها سنة اعدادي في تخصص الديكور) - في أقسام الفنون : خمس سنوات (منها سنة إعدادية عامة لكل اقسام الفنون).اما عن الدراسة الصيفية.
المسميات الوظيفية

في قسم العمارة المسمى الوظيفي لخريج قسم العمارة أو قسم الهندسة المعمارية (حالياً) : مهندس معماري.
وهذا القسم هو الوحيد الذي يمكن لخريجينه الإنضمام إلى نقابة المهندسين والتمتع بإمتيازات المهندسين. كما أن الشهادة الدراسية تسمى بكالوريوس فنون جميلة - قسم العمارة. ويمكن العمل بها في أي شركة وفي أي دولة، ففرص العمل متاحة حتى الآن.
وبالنسبة لأقسام الفنون : فقسم الديكور والتصوير يخرج مهندسين ديكور ومهندسين تصوير، أما قسم النحت والجرافيك فيخرج رسامين ونحاتين ومصممين جرافيك أو مطورين جرافيك. وكل أقسام الفنون لا تتبع نقابة المهندسين، بل تتبع نقابة التطبيقيين ونقابة التشكليين.
فرص العـمل
فرص العمل متاحة للكثير من الطلاب (خاصةً قسم العمارة)، نظراً لأن العدد في كليات الفنون الجميلة لا يتعدي ال500لكل دفعة(الاسكندرية المنيا حلوان وااقصر)
يارب اكون افدتك انا جايباهم من موقع تاني

moonmaster
11-02-2011, 08:31 PM
فرص العـمل
فرص العمل متاحة للكثير من الطلاب (خاصةً قسم العمارة)، نظراً لأن العدد في كليات الفنون الجميلة لا يتعدي ال500لكل دفعة(الاسكندرية المنيا حلوان وااقصر)
يارب اكون افدتك انا جايباهم من موقع تاني

jockey1992
27-02-2011, 11:28 PM
انا عندى سؤال الطالب الادبى ممكن ان يدخل قسم عمارة فى كلية الفنون الجميلة

نسمه حنان
01-03-2011, 01:28 PM
انا كمان عندى سؤال

امبارح انا رحت المدرسه علشان اعرف اجيب ايه مع استماره السنه اللى جيه وادفع كام وكده

فا قالو ان اللى عاوز يدخل كليه الفنون التطبيقيه بيدفع اكتر

ولمه سالتهم ازاى احنا ادبى قالو ده اللى عندنا

واصحابى قالولى ان لو انا عاوزه ادخل الفنون التطبيقيه بدفع اكتر وبروح بمتحن عندنا فى المدرسه امتحان للكليه

وبعدين ابقى اروح تانى كليه الفنون التطبيقيه ادفع تانى هناك وامتحن تانى

بليز انا مبقتش فهمه حاجه والمفروض انى اودى الاستماره بكره او بعده بس اعمل اييييييه

Jehad Mohamed
01-03-2011, 04:49 PM
انا عندى سؤال الطالب الادبى ممكن ان يدخل قسم عمارة فى كلية الفنون الجميلة

قسم عمارة وديكور علمى فقط

Jehad Mohamed
01-03-2011, 04:59 PM
http://www.r-mbd3.com/vb/uploaded/1708_1168241411.gif

انا كنت عاوزه مساعدتكم فى موضوع هيحدد مستقبلى

اولا انا فى تانيه ثانوى ادبى

ثانيا اممم انا بحب الرسم جدا جدا ونفسى ادخل كليه
فنون

بس معنديش اى خبره ايه اللى موجود فى الكليه وايه اللى ممكن يناسبنى

ايه الاقسام هناك ايه الفرق بين كل قسم والتانى ايه الفرق بين فنون جميله وتطبيقيه وانهى الاحسن

ممكن اشتغل ايه بعد ما اخلص مهما كان ايه القسم

اكتر حاجه بترعبنى و خايفه جدا منها هى امتحان القدرات عامل ازاى

فيه ايه وممكن يتكلم عن ايه والجو عامل ازاى هناك

وياترى فى حد هيدخل كليه الفنون من المنتدى

انا بجد خيفه جدا ومش عارفه اى حد عنده معلومات يساعدنى اختار ايه

ياريت اى حد يعرف اى معلومه يقولى واتمنى يكون فى اعضاء كتير فى سنى ممكن يدخلو الكليه معايا

سورى انى طولت عليكم



تضم كلية الفنون الجميلة بجامعة الأسكندرية قسمين : قسم العمارة و قسم الفنون.


وينقسم قسم الفنون العام إلى : قسم التصميمات المطبوعة - قسم التصوير - قسم النحت


أما قسم العمارة فهو قسم مستقل بذاته. و هناك قسم الديكور وكان يعتبر من جزء الفنون لأن الديكور فن أولاً وأخيراً، ولكن الآن يعتبر قسم مستقل بذاته وله شروط خاصة للقبول به ويمكن لطلبة العلمي علوم الانضمام به ولكن بنسب يحددها مجلس الكلية.

moonmaster
03-03-2011, 09:29 PM
ايه دخ يا نسمة تصدقي !

يعني أنا عاملة بحث ودورت عشان افيديك وانتي ولا كأنك شايفة مشاركتي أصلا :(

أنا زعلانة منك بقي !.....

لو عايزة تصالحيني هاتيلي مصاصة.:)

نسمه حنان
03-03-2011, 10:13 PM
انا اسفه يا قمر والله انا عليا مراقبه شديده من ماما

ومش عارفه اقعد 5 دقائق على بعض يادوبك ادخل بسرعه اشوف ايه الجديد واخرج جاررررى

وميرسي اوى اوى فى مساعدتك ليا وانتى ساعدتينى فى حاجات كتير اوى

ومش هحرمك من حاجه وادى المصاصه اهى لا وايه 4 مصاصات كمان

http://www13.0zz0.com/2011/03/03/20/889220136.gif

moonmaster
05-03-2011, 01:59 PM
لأ اصل اتغظت لما لاقيتك رده ف الموضوع كأن مفيش مشاركه قبله ولا حاجة

وبعدين أنا مش عايزة المصاصة دي..... أنا عايزة مصاصة بتنور زي ماما كانت بتجيبهالي:(