مسابقة أفضل رسمة بالرسام

المسابقة عبارة عن تنافس بين الأعضاء الذين يمتلكون مهارات فنية في استخدام برنامج الرسام

شروط المسابقة

http://img522.imageshack.us/img522/5748/defaultcs.jpg

اولا:الالتزام بالموعد المحدد لكل رسمة
ثانيا: عدم استخدام الفوتوشوب

المتاح للأعضاء

http://img121.imageshack.us/img121/4484/87043678.jpg

استخدام كل خاصية من خواص البرنامج بداية من القلم وحتي تدرجات الألوان المختلفة
كما يمكن للأعضاء اختيار التصميم الذي يريدونه علي ان يتوافق مع الموضوع المطلوب
استخدام الفوتوشوب لتكبير او تصغير الصورة

أسباب الإستبعاد

http://img135.imageshack.us/img135/3850/12059459.jpg

يرجي العلم انه سيتم استبعاد الرسمة للأسباب التالية
الرسمة التي محتواها لا يطابق عنوان آخر موضوع أو كانت علي عناوين سابقة سيتم استبعادها
العضو الذي يطلب من الأعضاء التصويت له سيتم استبعاده كليا من المسابقة بشكل مؤقت عند علمنا بذلك


كيفية سير المسابقة

http://img402.imageshack.us/img402/1978/61538649.jpg

سيتم طرح عنوان لموضوع كل فترة لبدء المنافسة فيه
علي الأعضاء المسارعة في انهاء الرسمة قبل انتهاء الموعد المحدد

التصويت

http://img594.imageshack.us/img594/6697/images7s.jpg

سيتم التصويت لرسومات الأعضاء عبر المراسلة
سيتم تجميع الأصوات دون اي انحياز او غش
وسيعلن عن عدد الأصوات لكل رسمة
وعن الفائز بأكبر عدد من الأصوات
بحد أقصي ثلاث فائزين

الجوائز

http://img402.imageshack.us/img402/5281/defaulthj.jpg

الجائزة الاولي
عبارة عن كتاب الكتروني لتعليم الرسم او اي مجال اخر (علي حسب مزاجي) والحصول علي لقب
الجائزة الثانية
عبارة عن رابط لكتاب واحد مع اللقب ايضا
الجائزة الثالثة
عبارة عن بعض النصائح في الرسم وبعض الصور لهدايا رمزية كتشجيع

يتم الإعلان عن الفائز الأول في توقيعي أيضا



ميزات المسابقة

http://img34.imageshack.us/img34/7402/defaultvm.jpg

كثير من الأعضاء لديهم مهارات متعدده ف اسخدام الكمبيوتر ومنها الرسم بالرسام
كما ان كثير منهم أيضا يجيدون الرسم ولا يمتلكون كاميرا أو وسيلة لرفع أعمالهم
ولا أنسي ذكر أن كثير من الأعضاء لا يجيدون استخدام الفوتوشوب ولا الأدوب ايميجريدي أو اي برنامج اخر
مما دفعني الي التفكير في شئ يناسب جميع الإمكانيات
وكان هذا الشي هو (الرسام)
وكأي مسابقة أخري مثلها فهي تخلق روح المنافسة الشريفة بين الأعضاء وأيضا التعارف فيما بينهم

ادارة المسابقة

http://img534.imageshack.us/img534/2455/48661317.jpg
اتولي بأذن الله ذلك
في حالة انشغالي أو انقطاعي .....سأعلن عن ذلك قبلها
كما سأعلن ان من يرغب في اداره المسابقة يراسلني
واختار من المراسلين انسبهم
وأعلن عنه أيضا

ومره أخري لا تنسوا (عشان محدش يقول انا رسمتي ليه استبعدتوها)
ممنوع استخدام الفوتوشوب
http://img88.imageshack.us/img88/7071/85782885.jpg

انتظروا طرح الرسمة الأولي إن شاء الله


http://img64.imageshack.us/img64/2514/65744677.jpg

موضوع جميل اوي بس انا مش هقدر اشارك فيه للاسف لانشغالي ...بس عموما تم تثبيت الموضوع ..

يارب اكبر قدر من الاعضاء يشارك فى المسابقة ..

ولو مش فيها مانه ممكن أشرف عليها مش أكتر او أعلن أسماء الفايزين ده لو حبيتوا انى اشارك فيها .. :d

أنا هحط رسومات سهلة ووقت مناسب عشان الكل يلحق!

كلنا بردو مشغولين بالدروس والمذاكرة والحاجات دي يعني

ومين عالم يمكن المسابقة تستمر لحد اما الأجازة تيجي!

وبصراحة مش عارفة أشكر حضرتك ازاي علي الثبيت

جزاك الله كل خير

السلام عليكم ورحمة الله وبركاتهـ

الله عليكي يا موون

إيه الأفكار دي

بجد جميلة

اعتبريني من ضمن المشتركات

في جزئية بسيطة مافهمتهاش

انتى هتجيبي صورة وإحنا نقلدها ولا نرسم من خيالنا

لأن بيتهيأ لى أحسن لو رسمناها من خيالنا ^^

هههههههههه

تقلدوها يا ظريفة؟؟؟!!!!.....;)

بقول هحط عنوان بس( زي امتحان الرسم بيجي ف ورقة وكل طالب يرسم من دماغة)

لأ بجد دمك خفيف أوي بيبو

تعالي علي الخاص اما أديكي كلمتين حلوين ف عضمك:p

انا من رايى ان المسابقة دى تتاجل الى الاجازة لان الان وقت مذاكرة وثانوية عامة وهيبقى صعب تنفيذ هذه المسابقه الان

موضوع جميل اوي بس انا مش هقدر اشارك فيه للاسف لانشغالي ...بس عموما تم تثبيت الموضوع ..

يارب اكبر قدر من الاعضاء يشارك فى المسابقة ..

ولو مش فيها مانه ممكن أشرف عليها مش أكتر او أعلن أسماء الفايزين ده لو حبيتوا انى اشارك فيها .. :d
طبعا ممكن تشرف عليها هو انا عندنا كام مشرف يعنى وانا اول واحدة موافقه

بجد انتى فجأتنى انا كنت بفكر فى نفس الفكره دى امبارح بس انتى فجأتنى عموما كلنا واحد و ان شاء الله انا معاكوا فى المسابقة .

فكرة جمييييييييييييييييييييييييييلة جدااااااااااااااااااااااااااا
انا معاكى طبعا من غير تفكييييييييييير
وان شاء الله اشارك فى المسابقة على قد ما اقدر...........
شكررا يا قمرررررررررر...........................

انا من رايى ان المسابقة دى تتاجل الى الاجازة لان الان وقت مذاكرة وثانوية عامة وهيبقى صعب تنفيذ هذه المسابقه الان

طبعا رأي حضرتك علي عيني وراسي

المسابقة هتشتغل إن شاء الله بثلاث متسابقين كحد أدني

وأل ما أقلاقي الثلاث متسابقين هنزل عنوان لرسمة....

لو ملقتش يبقي نستني يا عثل انتا لحد ما الأعضاء يخلصوا مذاكرة!

وأكرر بردو أنا ف الأول كده هعمل عناوين سهلة ومتاحة بحيث متاخدش من وقت حضرتك 10 دقايق أو ربع ساعة بالكتير

http://vb.arabseyes.com/uploaded/41659_1211126074.gif

وبعدين يا أستاذ حلمي حضرتك بترسم الرسمة العادية ف 10 دقايق وبتطلع تحفة فنية

أما لو بالبرنامج ترسمها ف 10 فنتو ثانية؟؟!!..

بجد انتى فجأتنى انا كنت بفكر فى نفس الفكره دى امبارح بس انتى فجأتنى عموما كلنا واحد و ان شاء الله انا معاكوا فى المسابقة .

القلوب عند بعضها يا عاشقة الظلام!

أشكرك علي تسجيل حضورك

فكرة جمييييييييييييييييييييييييييلة جدااااااااااااااااااااااااااا
انا معاكى طبعا من غير تفكييييييييييير
وان شاء الله اشارك فى المسابقة على قد ما اقدر...........
شكررا يا قمرررررررررر...........................

أشكرك يا دندونة!

عايزينك تبقي أول واحده تحطي الرسمة بتاعتك

بأذن الله متسابق واحد وأنزل العنوان الأول


(علي اعتبار ان هبة أكرم مش ف المسابقة ولا إيه يا هبة؟)

بأذن الله متسابق واحد وأنزل العنوان الأول


(علي اعتبار ان هبة أكرم مش ف المسابقة ولا إيه يا هبة؟)

للاسف مش هقدر أشارك ،، معلش :redface:

مفيش مشاكل

الوقتي معانا:

عاشقة الظلام &دلوعة الجروب

سأضع الرسمة العنوان الآن ان شاء الله

والمتسابقين الراغبين في الإشتراك يضعون رسمتهم

الموضوع الأول

شجرة مثمرة

موضوع جامد اوى يا مووون ... وفكره حلوه اوى
بجد بشكرك عليها....
بس انا اسفه ..انا مش هقدر اشترك دلوقتى ان شاء الله فى الصيف ... يا فاضيه .. هههههه
تقبلى مرورى

انا قولتلك يا موووووون صعب جدا يتعمل دلوقتى بجد هنشترك معاكى فى الصيف لكن دلوقتى الكل هيعتذر عن الحضور

موضوع جامد اوى يا مووون ... وفكره حلوه اوى
بجد بشكرك عليها....
بس انا اسفه ..انا مش هقدر اشترك دلوقتى ان شاء الله فى الصيف ... يا فاضيه .. هههههه
تقبلى مرورى

الله يسامحك

والله أنا مش فاضية ولا حاجة

أنا بقعد علي النت عشان أفك خنقة المذاكرة اللي أنا فيها

وأنا معتبره موضوع المسابقة ده حاجة كده بسيطة نعمل بيها ريفريش مش أكتر

انا قولتلك يا موووووون صعب جدا يتعمل دلوقتى بجد هنشترك معاكى فى الصيف لكن دلوقتى الكل هيعتذر عن الحضور

حضرتك عايزة تقفلي الموضوع أو تحذفيه إتفضلي عادي

من حقك ماأنتي المشرفة

اللي تشوفية صح أعمليه

انا مقولتش انه يتحذف او اقفله ولو عاوزة اعمل كده كنت عملت من زمان لكن انا بقول انه صعب الموضوع ده يتعمل دلوقتى خصوصا فى جو الاحداث اللى بتحصل وخصوصا اننا كلنا مزنوقين فى المذاكرة ولكن لا اقصد اى شئ غير ذلك

ملحوظة
أرجو مراعاة كتابة العنوان علي كل رسمة وكتابة اسم المتسابق أيضا عليها

الله يسامحك

والله أنا مش فاضية ولا حاجة

أنا بقعد علي النت عشان أفك خنقة المذاكرة اللي أنا فيها

وأنا معتبره موضوع المسابقة ده حاجة كده بسيطة نعمل بيها ريفريش مش أكتر


موووون . انتى زعلتى ولا ايه انا بهزر وبس
وبعدين متخديش كل حاجه على قلبك كده
الموضوع بجد هايل
وكلامى ليكى كان هزار
ولا انتى مش عارفانى ؟؟

موووون . انتى زعلتى ولا ايه انا بهزر وبس
وبعدين متخديش كل حاجه على قلبك كده
الموضوع بجد هايل
وكلامى ليكى كان هزار
ولا انتى مش عارفانى ؟؟

اوكي ولا يهمك

فكره تحفه جدا بس للاسف انا مش بعرف ارسم بالرسام للاسف

ومبروك على التثبيت وان شاء الله تكون مسابقه شريفه ومفيهاش اى غش

ونشوف احلى رسومات

هى دى رسمتى
http://www.up.3jenan.com/uploads/e4fd378696.bmp (http://www.up.3jenan.com)

الغلط يا جماعه مش فى الغلط بس...... الغلط فى عدم الاعتذار على الغلط نفسه او عدم الاعتراف بيه
انا يا اعضاء منتداى الحبيب بعتذر لمووون على كلامى ليها مع انى والله كنت بهزر
متزعليش يا مووون .... انا اسفه امام الجميع ... واعذرينى اذا كنت زعلتك ...
بس انا كنت فاكره اننا صحاب اوى .. وانتى يعنى مش هتزعلى .... انا اسفه

الغلط يا جماعه مش فى الغلط بس...... الغلط فى عدم الاعتذار على الغلط نفسه او عدم الاعتراف بيه
انا يا اعضاء منتداى الحبيب بعتذر لمووون على كلامى ليها مع انى والله كنت بهزر
متزعليش يا مووون .... انا اسفه امام الجميع ... واعذرينى اذا كنت زعلتك ...
بس انا كنت فاكره اننا صحاب اوى .. وانتى يعنى مش هتزعلى .... انا اسفه

علي فكرة مش زعلانة أوي للدرجة دي؟!!!!

أنا بس اتحرجت علي الهوا كدا:blush:

مش أكتر

وعلي فكرة بقا إحنا أصحاب أوي غصب عنك:p

عمل جيد يا دانا

الأن في انتظار

moonmaster

Siamese Twins

طبعا عمالين يتلكعوا براحتهم لأن لسه مفيش موعد محدد

بالتوفيق للجميع

المشتركين بالموضوع الأول:

dana2000
moonmaster
Siamese Twins

متتأخريش يا عاشقة الظلام عشان أنا خلصت الرسمة بتاعتي

أنا عندي مشكلة حاليا ف رفع الصور

أول ما تتحل هحط الصورة علي طووول

فكره تحفه جدا بس للاسف انا مش بعرف ارسم بالرسام للاسف

ومبروك على التثبيت وان شاء الله تكون مسابقه شريفه ومفيهاش اى غش

ونشوف احلى رسومات

علي فكرة مش شرط تعرفي تستخدميه!!!!

تبقي حاولتي بس..

مستنينك يا عثل

اسمحولي أشارك .. انا مبعرفش استخدمه اوي لان شغلي كله فوتوشوب


http://a6.sphotos.ak.fbcdn.net/hphotos-ak-snc6/183111_1440569313286_1804664278_812899_577905_n.jp g

بسم الله ماشاء الله

الأن المتسابقين


dana2000
moonmaster
Siamese Twins
Mohamed.Helmy

في انتظار

moonmaster
Siamese Twins

و يغلق الموضوع الأول ويبدأ التصويت

لو حد عايز يشارك يلحق قبل ما الإتنين دول يحطوا

لالالالالالالالالالالالالالالالالالالالالالالالالا لالالالالالالا

انا كده هنسحب رسمى من المسابقة

انا هقدر اعمل ايه اصد الرسومات التحفه دى بجد انا كده هخسر هخسر .

أيوة يا ختي قولي هخسر وف الأخر نلاقي تحفة فنية


زي واحده صاحبتي تطلع من الأمتحان تعيط وطلعت الأولي

أيوة يا ختي قولي هخسر وف الأخر نلاقي تحفة فنية


زي واحده صاحبتي تطلع من الأمتحان تعيط وطلعت الأولي


شكلك واخده فيا مقلب دنا حتى مبعرفش ارسم اوى .:(

أمال فان جوخ يجي جمب رسمك ايه؟

يا جمــاعة الصورة بتاعة دانا مش باينة عندي .. ياريت حد ينزل تاني فى مشاركة لوحدها .. علشان الكل يقدر يشوفها

امال التحف الفنية دي سرقاها من فان جوخ؟


سرقاها !!!!!!!!

بجد مرسى يا مون .

http://www.up.3jenan.com/uploads/e4fd378696.bmp

كده؟

برضه مش باينة ... :( ..

......

بجد مرسى يا مون .

بتقولي مش بعرف أرسم


فابتريق عليكي إنك مش عارفة رسمك ازاي تحفة يعني!:frown:

وهاحذفها يا ستي علشان متزعليش:redface:

أوكي هحملها عندي وأرفعها بالإيميج شاك

ثواني

بجد يا مون الكلمة حرقت دمى .

أنا اسفة يا عاشقة الظلام

لالالالالا انا مينفعش خالصصص انا برسم الرسمه دلوقتى اهو

استنوووووونى انا لمه صدقت عرفت ارسم حاجه حلوه

مستنييييييييينك

أسفه علي التأخير

كان في مشكلة ف النت

صورة دانا اهي

http://img413.imageshack.us/img413/2954/e4fd378696.png

اسمحولي أشارك .. انا مبعرفش استخدمه اوي لان شغلي كله فوتوشوب


http://a6.sphotos.ak.fbcdn.net/hphotos-ak-snc6/183111_1440569313286_1804664278_812899_577905_n.jp g
لا لا لا لا .... انا كده لازم انسحب بقى ...
كل الجمال ده و انت مش بتعرف تستخدمه امال لو انت محترف فيه كنت عملت اييييييييييييه ..............
على العموم تسلم ايدك يا فنان .....
و بالمناسبة انا مش بعرف ارسم على الرسام خالص ودى اول مرة استخدمه بجدية كده علشان كده الرسمة طالعة مش حلوة ......

ميرسي جدا جدا على الكلام الجميل ده ..بس و الله انا مش بحب البرنامج ده لانه مفيهوش توولز كتير و بطئ جدا .. يعنى دي أخدت وقت 4 رسومات بالفوتوشوب :d


بس انا مشوفتش رسمتك يا دانا لحد دلوقتى ... مش عارف مش ظاهرة ليه !؟

ودي علي سيرفر تاني


http://www5.0zz0.com/2011/02/22/22/811522727.jpg

المشرف؟

كده ظهرت ولا لسه!

ايه يا جماعة؟

أنا شايفة ان في ناس كتير موجوده ف الموضوع!



زي مايكون بكلم نفسي

طيب تصبحوا علي خير

سلام عليكم

اخيرررررررا وبعد عناء خلصت رسمتى

ملحوظه قلبوظه

دى اول مره استخدم فيها برنامج الرسام فى حياتى

http://www7.0zz0.com/2011/02/22/23/332134659.png

نسيتي تكتبي عليها (اسم العضوية)

وعنوان الموضوع

أصل هيبقي فيه مواضيع تانية غير الشجرة المثمرة (ان شاء الله)

وكمان عشان محدش يخطف رسمتك

الأن المتسابقين


dana2000

moonmaster

Siamese Twins

Mohamed.Helmy

نسمه حنان

مازلنا في انتظار

moonmaster
Siamese Twins

أمامكم مهلة 1يوم فقط ويتم الاستبعاد

مالم يشارك عضو اخر فيتم زياده المده له 3 أيام

أهلا بيك يا عمار

يتصفح الموضوع حالياً : 3 (3 عضو و 0 ضيف)
‏moonmaster, ‏ammar for ever, ‏نسمه حنان

http://www4.0zz0.com/2011/02/23/00/291518230.png

Mohamed.Helmy

نسيت كتابة اسم العضوية

وعنوان الموضوع علي الرسمة

تمام كده يا ننوس

اى خدمه يا جميل

مـــــــــا شـــــــــــاء الله بجد يا دانا و يا نسمــة ... رسومتاكم تحفـــــــــــــــة ... ربنا يكرمك كمان و كمان ماشاء الله :)

لو تسمحيلي أشترك تاني ^^"
معلش استحملوني ،، ^^"

http://www.alsary.net/index.php?action=getfile&id=45730

يارب تكون حلوة ،،

ماشاء الله جميلة أوي يا بيبو
دي عملتيها ف أد ايه؟

أررررجو وضع

اسم العضوية

عنوان الموضوع

علي الرسمة

مش هعد اقول لكل واحد بإسمه

:mad::mad::mad:

سؤال يا جماعة!

هيا الصورة اللي ف الموضوع الأصلي

باينه عندكو ولا مش باينة؟

dana2000

moonmaster

Siamese Twins

Mohamed.Helmy

نسمه حنان

нεвα αкгαм

مازلنا في انتظار


Siamese Twins

أخر موعد: اليوم ويبدا التصويت

الله رسمتك تححححفه يا هبه بجد جميله اوى

انا عن نفسى حسه ان رسمتك هى اللى هتكسب فينا

لان انتى محترفه فى الرسم بالرسام بجد برافو عليكم

يلا ربنا معانا كلنا

موون رسمتك مش باينة عندى خالص انتى حطاها فيين يا ريت تنزليها تانى........

دي رسمتي

حاجه علي أدي كده يعني

طبعا مجيش جمبكوا حاجه

زمن العمل : 13دقيقة

http://img16.imageshack.us/img16/2039/11999700.png

ملحوظة

التصويت غدا ان شاء الله

بالتوفيق لجميع الأعضاء

الرسمه مش باينه عندى يا موون

اسفه يا جماعه مش هقدر اشارك عندي مشكله في الجهاز و انا داخله من نت الموبيل ان شاء الله اول ما احل المشكله هبقي انزل الرسمه و طبعا بعيد عن المسابقه بجد انا فعلا زعلانه جدا و بالتوفيق للجميع .

بجد انا اسفه يا مون بجد بحس ان ده اول وعد اوعد بيه و مش انفذه و الله انا عمري ما خلفت وعدي و اظن كلكوا عارفين كده كويس بس بجد المره دي الظروف خارجه عن ارادتي ياريت مش تزعلوا مني و بجد ربنا يوفقكوا كلكوا و بجد رسوماتكوا كلكوا تحفه و بجد انا اساسا كنت محتاره اصوت لمين و عموما كده كده كنت هخسر لان بجد رسوماتكوا كانت هتغطي علي رسمتي تماما .

لا يا بنتي عادي مافيش داعي تعتذري!

ولا تقولي (منفذتش وعدي)

الموضوع أبسط من كده

أحنا هنقول انه انسحاب مش أكتر:)

كده بانت يا نسمة؟

http://www12.0zz0.com/2011/02/23/18/910210095.png

لو مبانتش يبقي أصلا في مشكلة في المنتدي نفسه

لأن بحاول أرفع الصورة من أول ما عملت الموضوع ومش نافعة

ورفعت علي أكثر من سيرفر مش نافعة:(

حتي مكنتش عارفة أسجل دخول

اه بانت ورسمتك جميله اوى اوى

وعلى فكره مش انتى لوحدك

انا كمان كده بقالى كذه يوم بيرخم معايا واوقات كتير بحاول ادخل الصفحه تقفل لوحدها

وساعات تانيه بتطلعلى رساله من اداره المنتدى انى مقدرش ادخل دلوقتى مش عارفه ليه

يلا مش مشكله المهم انها بانت

اسفه يا جماعه مش هقدر اشارك عندي مشكله في الجهاز و انا داخله من نت الموبيل ان شاء الله اول ما احل المشكله هبقي انزل الرسمه و طبعا بعيد عن المسابقه بجد انا فعلا زعلانه جدا و بالتوفيق للجميع .

ولا يهمك يا جميل

والمسابقات ان شاء الله كتير

ورسمتك كسبت مش لازم نصوت ونقولك كده كفايا انك انتى اللى عملتيها دى حاجه كبيره لوحدها

فا اكيد جميله جدا

وان شاء الله المشكله تتحل بسرعه علشان ترجعى معانا تانى وتشركينا برسوماتك الجميله يا قمر

سؤال
هوة الرسومات إلي بعد كده كلها بالرسام والفوتشوب وبرامج الرسم مفيش على اليد
انا عايزة أشترك بس أرسم باليد مش في الرسام أو الفوتوشوب

اه كمان
أنا بجد محتاره الرسومات جميلة ومش عارفه أختار إيه بجد مبدعين
بس هحاول أختار
هقول هادي بادي

أنا لسه محطتش المشاركة اللي هيبقي فيها التصويت يا عسل

والقسم كله تحت أمرك!

تعملي موضوع.... وتحطي الرسمة اللي إنتي عايزاها!
واللي تعجبك وعلي مزاجك ....وحجات كتير يعني (ورينا بقا المواهب)

هنستنا نشوف رسوماتك ياعسل

ولو ممكن تشاركي في المواضيع اللي جاية بالرسام

مش مهم تكوني بتعرفي!

المهم نحاول ونتعلم من أخطاء بعضنا

أنا لسه محطتش المشاركة اللي هيبقي فيها التصويت يا عسل


معلشي أصلي لقيت كتبتي بكره
والقسم كله تحت أمرك!

تعملي موضوع.... وتحطي الرسمة اللي إنتي عايزاها!
واللي تعجبك وعلي مزاجك ....وحجات كتير يعني (ورينا بقا المواهب)

هنستنا نشوف رسوماتك ياعسل

ولو ممكن تشاركي في المواضيع اللي جاية بالرسام

مش مهم تكوني بتعرفي!
أنا برسم في الرسام بس مابيطلعش جميل
في اليد بيكون أحلى
على العموم مفيش مشكلة هشارك بعد كده حلو وحش إلمهم أتعلم مش كده:d
المهم نحاول ونتعلم من أخطاء بعضنا


------------------------------------------------

تم غلق الموضوع الأول

وفتح التصويت علي الموضوع الأول
(شجرة مثمرة)

من
24-2-2011
الخميس

الي
3-3-2011
الخميس

المتسابقون

الأول

dana2000

http://www5.0zz0.com/2011/02/22/22/811522727.jpg


الثاني

Mohamed.Helmy

http://www.thanwya.com/vb/image.php?u=339638&dateline=1282102048

http://a6.sphotos.ak.fbcdn.net/hphotos-ak-snc6/183111_1440569313286_1804664278_812899_577905_n.jp g


الثالث

نسمه حنان

http://www.thanwya.com/vb/image.php?u=506352&dateline=1296808286

http://www7.0zz0.com/2011/02/22/23/332134659.png


الرابع

нεвα αкгαм

http://www.thanwya.com/vb/image.php?u=500959&dateline=1295251550

http://www.alsary.net/index.php?action=getfile&id=45730


الخامس

moonmaster

http://www.thanwya.com/vb/image.php?u=487280&dateline=1292942132

http://www12.0zz0.com/2011/02/23/18/910210095.png

تأكيد!

التصويت يكون بالمراسلة
لن يلتفت الي الأصوات التي ذكرت هنا بالموضوع
يتم استبعاد العضو الذي يطلب من الأعضاء التصويت له مؤقتا
سيتم تجميع الأصوات ووضع عددها هنا

كيفية المراسلة
ارسال رساله خاصه ل)moonmaster( الي هوا أنا طبعا... بس بقول عشان يمكن بعد كده المراسلة تحول لحد تاني

تحتوي الرساله علي ثلاث أسماء للمتسابقين
الأول: ....
الثاني:...
الثالث:...

علي حسب ترتيبك الشخصي

واذا اردت ان تكتب الرابع والخامس والسادس وهكذا فلا مشكله

سأحسب من الرسائل الملسة كم متسابق أخذ الصوت الأول وكم أخذ الثاني والثالث وهكذا

سيبوا حكاية التجميع دي عليا...(انتوا عارفين طبعا أنا شطرة ف الرياضة جدا).. :)
وأعلن عن أصوات كل متسابق
والفائز
وهكذا
وطبعا المتسابق نفسه يقدر يصوت علي خيبته...أآا قصدي... يصوت لرسمته والمتسابقين اللي معاه:p

اي استفسار تحت أمركم

سؤال
يعنى احنا كمان هنصوت على الرسومات؟؟؟؟؟؟

تأكيد!

التصويت يكون بالمراسلة
لن يلتفت الي الأصوات التي ذكرت هنا بالموضوع
يتم استبعاد العضو الذي يطلب من الأعضاء التصويت له مؤقتا
سيتم تجميع الأصوات ووضع عددها هنا

كيفية المراسلة
ارسال رساله خاصه ل)moonmaster( الي هوا أنا طبعا... بس بقول عشان يمكن بعد كده المراسلة تحول لحد تاني

تحتوي الرساله علي ثلاث أسماء للمتسابقين
الأول: ....
الثاني:...
الثالث:...

علي حسب ترتيبك الشخصي

واذا اردت ان تكتب الرابع والخامس والسادس وهكذا فلا مشكله

سأحسب من الرسائل الملسة كم متسابق أخذ الصوت الأول وكم أخذ الثاني والثالث وهكذا

سيبوا حكاية التجميع دي عليا...(انتوا عارفين طبعا أنا شطرة ف الرياضة جدا).. :)
وأعلن عن أصوات كل متسابق
والفائز
وهكذا
وطبعا المتسابق نفسه يقدر يصوت علي خيبته...أآا قصدي... يصوت لرسمته والمتسابقين اللي معاه:p

اي استفسار تحت أمركم

ممكن اى حد يصوتلكوا :blush:

يصوت علينا يعنى يقول يا لهوووووووووووى ولا يصوت عادى ههههه

ههههه
لا يقول مكنش يومك يا حبييييييييييييييييييييييببي

dana2000
tahertaher2010


الأصل ان الأعضاء التانية هما اللي يصوتوا

لكن أنا حبيت أوسع المجال شوية

الأعضاء بالمنتدي + المتسابقين=تصويت المسابقة...... شرط الأخذ بالصوت انه يكون برسالة خاصه

ياااااااااااااه
غبت عن القسم ده فترة مش كبيرة كل ده يحصل من ورايا؟؟؟
حظي وحش اني جيت متأخر
طيب ممكن يتعرض دلوقت موضوع المسابقة الجديد لغاية ما التصويت للمسابقة الاولي يخلص
و لما يخلص يبدأ تصويت الثانية و هكذا
ولا شكلي اتأخرت اوي
عامةً مفيش مشاكل
بإذن الله اي شغل جديد هجهزله بإذن الله

مرحبا بك يا THE CodeR

نورت المنتدي!

ان شاء الله الموضوع التالي مش هيحط غير لما عدد المشتركين يكمل....

يعني عشان في ناس بتدخل تشوف لو المسابقة سهلة يشتركوا لو مش سهلة ميشتركوش

فا أنا هحط الموضوع علي حسب العدد

(من حيث السهوله والصعوبة)


يعني أعتبر حضرتك أول مشترك معانا ان شاء الله ف الموضوع الجاي؟

ثواني بس يـا موون
إزاي تبقى مشتركة في المسابقة وتجمعي الأصوات
من باب الموضوعية إن حد تاني هو اللى يكون مسئول عن التصويت ،،

أنا رأيي إن التصويت يتم في موضوع منفصل ،، ويكون بحسب عدد الردود ،،
ولا تحسب الردود للأعضاء اللى سجلوا بعد 24/2/2011
علشان العضويـات المزيفة

،،

مرحبا بك يا THE CodeR

نورت المنتدي!

ان شاء الله الموضوع التالي مش هيحط غير لما عدد المشتركين يكمل....

يعني عشان في ناس بتدخل تشوف لو المسابقة سهلة يشتركوا لو مش سهلة ميشتركوش

فا أنا هحط الموضوع علي حسب العدد

(من حيث السهوله والصعوبة)


يعني أعتبر حضرتك أول مشترك معانا ان شاء الله ف الموضوع الجاي؟
تمام
بإذن الله اكون من مشاركين الموضوع الجاي
بس يارب ميكونش موضوع صعب في الرسم :stickjo4:

أنا مش فاهمة والله يعني ايه ( عضويات مزيفة؟)

عموما أنا بجمع الأصوات لأني أنا اللي حاظه الموضوع مش أكتر ولا أقل

يعني مثلا لو ياسمينايا عملت مسابقة ... وفيها تصويت .. يبقي هي اللي تجمع الأصوات

وهكذا...

علي فكرة أنا اتكلمت ف موضوع اداره المسابقة ف أخر سطور الموضوع الأصلي...

ان الأداره هقوم بيها ولو في وقت أنا انشغلت فيه هيحصل حاجه من اتنين

لو كنت منشغله بسبب ظروف معينة..... يبقي هطلب من الأعضاء اللي عايزين يديروا المسابقة انهم يقولوا وأختار منهم

ولو كنت منشغله بسبب الأمتحانات.. يبقي أكيد كلكم زيي ... وساعتها هيغلق الموضوع لحد ما الإمتحانات تخلص

بالنسبة للأني اشتركت ف المسابقة...

فطبعا أنا عضوه زيي زيكوا ومن حق أي عضو مهما كان جديد أو قديم...شارك هنا أو مشاركش...

انه يشترك في المسابقة

وكمان تسري عليا كل الشروط ... حتي الاستبعاد

كما انني أكدت علي أني سأقوم بتجميع الأصوات دون غش أو انحياز...

وكفا بالله شهيدا بيني وبينكم

ههههههههههه

أنا مش بشكك في نيتك أو مصداقيتك
أنا بس بقول إنه مينفعش تبقى مشتركة وتجمعي الأصوات
لأن دا كده مش موضوعي

أوكي يا كودر

ان شاء الله اسمك هيكون أول واحد ف المشتركين

نورت التوبيك

ممكن أقول حاجة لية ميكنش التصويت في الموضوع نفسه أو موضوع تاني ليه هوة في رسالة شخصيحة ده مجرد سؤال مش أكتروممكن حاجة صغيرة كمان يعني ياريت موضوع الرسمة الجاية حاجة فيها إنسان عشان أنا برسم الانسان كتير وخصوصا البنات ومبرسمش طبيعة ولا حيوانات ده من باب التمني والترجي مش من باب الاجبار والامر أحسن حد يفتكر إني بأمر بكدهوتالت حاجة بس ياريت متديقوش مني مش إسبوع كتير على التصويت ولا مش كتير

ههههههه

كتير؟

أسبوع أنسب حاجه يا عسل!

ممكن المره الجاية ان شاء الله أعرض المده قبل ما أقرر....ونجمع أراء ونشوف الأنسب

( انا عارفة انك مستعجلة علي الموضوع الجاي)...

وبالنسبة لموضوع الرسايل...

ده عشان محدش يزعل من حد أو حتي يشيل منه... ده مصوتليش وده صوتلي وكده يعني....

تم غلق الموضوع الأول

وفتح التصويت علي الموضوع الأول
(شجرة مثمرة)

من
24-2-2011
الخميس

الي
3-3-2011
الخميس

المتسابقون

الأول

dana2000

http://www5.0zz0.com/2011/02/22/22/811522727.jpg


الثاني

Mohamed.Helmy

http://www.thanwya.com/vb/image.php?u=339638&dateline=1282102048

http://a6.sphotos.ak.fbcdn.net/hphotos-ak-snc6/183111_1440569313286_1804664278_812899_577905_n.jp g


الثالث

نسمه حنان

http://www.thanwya.com/vb/image.php?u=506352&dateline=1296808286

http://www7.0zz0.com/2011/02/22/23/332134659.png


الرابع

нεвα αкгαм

http://www.thanwya.com/vb/image.php?u=500959&dateline=1295251550

http://www.alsary.net/index.php?action=getfile&id=45730


الخامس

moonmaster

http://www.thanwya.com/vb/image.php?u=487280&dateline=1292942132

http://www12.0zz0.com/2011/02/23/18/910210095.png

يصوت علينا يعنى يقول يا لهوووووووووووى ولا يصوت عادى ههههه

هصوت عادى الاول
وبعد كده هنشوف نصوت ازاى تانى :d

ههههه
لا يقول مكنش يومك يا حبييييييييييييييييييييييببي

ليه هوه مات ولا ايه
هههههه
على العموم المفرود انى اقول راى دلوقتى فى الرسومات ولا لسه
واقول فى الموضوع ولا ايه

انا حاسه اكنى فى امتحان ومستنيه النتيجه قبل ما يتصوت علينا ويتقال يا خرابى يابنـــــــــى

ربنا يستر

مش ملاحظين انكم اخدين الموضوع جد شوية انتي وهبة؟

انتوا ناسين ان أنا قلت الغرض من المسابقة ان احنا نرفهه عن نفسنا؟

وأنتا يا طاهر....

أنا قلت أكتر من مره التصويت ف رساله ولن يلتفت للأصوات اللي ف الموضوع نفسه

تمنياتي للجميع بالفوز

تؤتؤتؤ انا بهزر بس يعنى اكيد كل واحد عمال يفكر يا تارى ايه اللى حصل اخدت كام صوت

لو محدش صوت عليا انا اللى هصوت عليه هههه كده يعنى

مون انا اساسا مش زعلانه منك خلاص بس حاولت اعدال المشاركات منفعتش و على العموم انا خلصت الرسمه ياريت بعد ما تخلصوا مسابقتكوا براحتكوا ابقى عرفينى و قوليلى ينفع انزلها امتى و معلش مش هتلاقينى موجوده دايما لان فى ظروف صعبة شويه فى البيت .

الذمة يا جماعة ف التصويت شوية

محدش ينحاز لحد

أنا شايفة التصويتات مش عادله.....

أرجو المصداقية ف اختيار الفائزين

الله رقيب عليكم

وأنا حاليا بفكر ف طريقة يتم التصويت بها دون معرفة صاحب الرسمة





بالنسبة لعاشقة الظلام .....

مازلت بفكر ف موضوع ندخل فيه نفس الشجرة السابقة

تمنياتي للجميع بالفوز

هااااااااى موون ازيك يا قمر

ايه اخبار التصويت معاكى خشيشينى هنعيش ولا لا

ههههههه

المهم انا جاتى فكره دلوقتى ان المتسابقين فى المسابقه اللى جايه

مينزلوش الصور فى الموضوع على طول لا

يبعتولك الصور فى رساله خاصه ليكى من غير اسم لينا على الرسمه

وانتى تنزليها عادى والكل يدخل يصوت من غير ما تقولى مين اشترك

علشان محدش يروح يسال المتسابق انهى رسمه بتعته

ووقت التصويت تنزلى الصور كلها والاعضاء تختار وترقميهم

وانتى طبعا عارفه كل رقم على الصوره بتاع مين من كل متسابق

وفى الاخر

تقولى الصور بتاعت مين والنتيجه

ايه رايك ....؟؟ ^_^

فكرة نسمة جميلة

أنا مواافقة عليها ،، وياريت تتنفذ ^^

أكيد منستش أفكر ف الموضوع ده يا جماعة....

يعني زي ما أنتو شايفين أن الميابقة ماشية .... يعني مش هقول بنظام.... لكنها أكثر تنظيما من المسابقات اللي قبلها ...

وكل شئ يخص المسابقة.... فكرت له قبل ما احط المسابقة ب 3 أيام

(ايه الرغي ده زهقتينا)

أخش ف الموضوع... باختصار أنا حاولت عده مرات ابعت صور ف الرسائل الخاصة ولكن كان بيظهر رساله تفيد
ان وضع الصور أو الروابط

غير متاح ف الرسالة الخاصة

وأشكركم طبعا علي الإقتراحات



بس ياريت يا جماعة الإقتراحات الحلوة دي تبقي ف رساله بردو....

عشان نعرف نشاكل براحتنا.... أاآ... قصدي نتناقش براحتنا ................

(ههههه انتي فاكرة نفسك ظريفة ولا ايه)

لأ مش ظرف ولا حاجة..... بحاول بس أضحكوا شوية بدل البوز والحواجب المقفله اللي أنا شايفاها دي

(ماشي يا مفتحة)

اه أمال ايه مفتحة

(مش علمي بقي هتتزاكي علينا)


ارحموني بقا صدعتوني




:)

السلام عليكم

انا هقول رايئ هنااااااااا

اجمل رسمة ل نسمة حنان

وعليكم السلام

لقد نبهت علي أنه:

لن يلتفت لأي أصوات توضع في الموضوع

شكرا لتفاعلك معنا

سيتم تنفيذ اقتراح نسمة ابتداء من الموضوع القادم ان شاء الله

شكرا لاقتراحك يا نسمة

معلش ياجماعة بعتذر مش هقدراصوت لحد
لانى مشغول جدا اليومين دول
وكمان لان الرسومات كلها بجد بجد بدون مجاملة حلوة ومتقارب اغلبها فى الجمال
ومش عايز حد يزعل
شكراااااااااااااااااا وبالتوفيق دائمااااااااااااااااااااااااااااااااااااااا

التانى ..............

بسـم اللـــه مــآ شــــــآآء اللــــه
حــآجـــة جــميـــلة فــعلــاً
:)
....
مـــآشــى يـآ جمآعـة
دلوقـــتى ,, رسومآتكم كـلـهآ جـميــلة جـــــــــــداً
لــــكــــن زى ما Moon قالت إن الحكــــآآيـــة ترفــيهــيــة
فــــ ،،، محدش يزعل بــــقــــى http://www.thanwya.com/vb/images/icons/icon11.gif
.....
انتظريـــنى يا Moon على الخـــآص ...http://www.thanwya.com/vb/life/editor/smilie.gif
و بالتوفـــيـــق للجمــــيــــع ْ ْ ْ ْ ْ ْ

انا بعتذر عن المشاركة في المسابقة الثانية يا moonmaster لاني منسحب من علي المنتدي الفترة دي
اتمني انك تقبلي اعتذاري

طاهر وكودر

أنا عذراكم عشان الامتحانات كلنا مشغولين:)

أنا نفسي مدخلتش من 3 أيام

المهم ان أنا هجمع الأصوات واحطها ونكمل المسابقة بعد التجريبي

وطبعا الأشتراك مفتووووح لأي حد

طالما لسه الموضوع متحطش... يبقي الاشتراك مفتوح


وشكرا ليكي يا ( مسلة متفائلة ) علي تفاعلك معانا ف المسابقة

batwoman

نورتي الموضوع وبانتظار تفاعلك الدائم معانا

انا ان شاء الله معاكم على قد ماقدر...............
و منتظرة النتيجة

انا قعده مستنيه النهارده يجى من الاسبوع اللى فاتت علشان اشوف النتيجه

فى انتظاهر النتيجه بفارخ الصبر ......

طب أنا بقي هغيظك ومش هقولك :p

هبعت للأعضاء ف رسالة الا انتي;)

ههههههههه

كده كده ده انا سهرانه لغايت الساعه 4 بذاكر وبضيع فى الوقت علشان تكونى قلتى النتيجه

يرضيكى كده يعنى ماشى ماشى

انا زعلانه منك :(

هه؟

هو أنا قلت اني هقول النتيجة الخميس؟..... ده التصويت هو اللي نهايته الخميس!!:(

أنا كمان كنت بذاكر والله عشان كده قعدت حبه صغيره وقمت

كده نبقي خالصين...(موضوعك بتاع ممكن تساعدوني).. :)

وبعدين ازاي المذاكرة تبقي تضيع وقت؟

واطمني عشان انتي من الفايزين يختي :p

تم غلق التصويت

للموضوع الأول
شجرة مثمرة

الله يكون ف عونهم بتوع الانتخابات دول

أنا متلخبطة خالص

مش عارفه كل عضو مختار اختيارات عجيبة

التجميع ده أصعب من قوانين الفيزيا الرخمة

دأنا جبت ورقة وقلم

يارب

الأعضاء الذين قاموا بالتصويت:friendsxs3:

ammar for ever

Siamese Twins

نسمه حنان

" مسلمة متفائلة "

heba nabil


شكرا لتفاعلكم معنا بالموضوع:078111rg3:

ها يا مووون انتى ماحطتيش النتيجة لييه انا مستنية من زمان؟؟؟؟؟؟؟؟

إيه ده بقى
؟؟؟
فين النتيجة يا مون ...
بقى أنا عماله اصوت اصوت اصوت لحد ما صوتى اتنبح ,, و انتى ماقولتيش على النتيجة
..!!
منتظريييييييييييييييييييييييينكـ

هههههه

منورة موضوعي يامسلمة ... والله اصل انا كل حاجة ف الموضوع بحب اعملها بظام وترتيب ... أول ما الاقي فرصة بإذن الله هحطهم ;)

انا عايزة اعرف لو فيه مسابقة تانية او لا ؟؟

ناااااايس توبيك

اه ياعسل في

شكلك كده فنانه ^_^

الفائزون في
الموضوع الأول
شجرة مثمرة


الفائز الأول

нεвα αкгαм
http://www.thanwya.com/vb/member.php?u=500959


عدد الأصوات

الأول
4

الثاني
1

الثالث

0





الفائز الثاني

Mohamed.Helmy
http://www.thanwya.com/vb/image.php?u=339638&dateline=1282102048

عدد الأصوات

الأول
1

الثاني
3

الثالث
1





الفائز الثالث

نسمة حنان
http://www.thanwya.com/vb/image.php?u=506352&dateline=1296808286


عدد الأصوات

الأول

0
الثاني

2

الثالث

3


وكانت رسوماتهم كالأتي علي الترتيب

http://www.alsary.net/index.php?action=getfile&id=45730
http://a6.sphotos.ak.fbcdn.net/hphotos-ak-snc6/183111_1440569313286_1804664278_812899_577905_n.jp g
http://www7.0zz0.com/2011/02/22/23/332134659.png


الفائزون ينتظروا الجوائز علي الخاص
علما بأن الجوائز هي


الجائزة الاولي
كتاب الكتروني + فيلا فاخرة

الجائزة الثانية
كتاب الكتروني + عربية فاخرة


الجائزة الثالثة
كتاب اليكتروني + خاتم فاخر


والمشتركون في المسابقة ولم يحالفهم الحظ..
اتمني لهم حظ سعيد المرة القادمة( اللي هوا كنت انا واحده منهم :d )

وطبعا حصلت هبه أكرم ومحمد حلمي علي لقب
الفنان

كما سأعلن عن الفائزين في توقيعي

أعلن عن فتح الاشتراك في الموضوع الثاني

سارع بتسجيل اسمك هنا

استنونى
انا معاكم
:049gc0:

ارسلت لكي جائزة خاصة جدا يا دانه (متقوليش لحد عليها هه؟ )

ماااااااشى حاضر ............
و شكرا على "الجائزة" يا قمر...........

ممكن تسجليني معاكوا^^"

هبة أكرم ودانا معانا ان شاء الله :)

و انا و انا و انا:d

و ميرسى يا قمر

ألف مبروك للفائزين:):):)
و إنشاء الله مشتركة في الرسمة الجاية إلي هنرسمها
بس ياريت تبقى في وقت قريب وإلا في الاجازة لإنها لو إتأخرت كتير مش هيبأ في مشتركين:( وهيبقى مفيش وقت خالص عشان :o:oالمذاكرة والامتحانات
فهمتي قصدي:)

هبة أكرم + دانا + روني + شذي معانا ان شاء الله


يتصفح الموضوع حالياً : 2 (2 عضو و 0 ضيف)
‏moonmaster, ‏عبد الله الرفاعي

منور التوبيك يا أستاذ عبد الله :)

إمتى هتقولي الموضوع يامون
مش الحد الادنى ثلاثة
وشكرا

بصي انا مش هطلع عبيطة زي المرة اللي فاتت ;)

انا هجمع المتسابقين الأول وبعد كده أقفل الاشتراك... وبعد كده انزل الموضوع

لأن في ناس اتظلمت :(

وكمان الرسومات مش هتتحط هنا ... هتتبعت علي الخاص ...

لأن مثلا ملاقيش واحده بعته تقولي ان انا رسمتي ف المركز الأول .. وانا أصلا رسمتي متحصلش العاشر!!!

فا هحط الرسومات هنا ... والتصويت هيكون منغير ما حد يعرف التاني رسم ايه ;)

صح ولا ايه؟ :d

وان شاء الله الرسمة هتكون سهلة جدا.. :)

وهحاول انزل الموضوع الاسبوع ده ان شاء الله :)

ماشى يا موون انا منتظرة على احر من الجمر
تقبلى مرورى يا عسل

ألف ألف مبروؤوؤوؤوووؤك يا هبــــه ،،، محمد ،،،، ونسمه :av4056bb7jp3: >> أتمنالكم التوفيق


وشكــــــراًَ ليكي يا موون علي المسابقه الجميله دي :078111rg3:


بس نفسي اشارك والله بس انا للاسف فااااااااشله;) في حاجه اسمها الرسم ع الرسام او الرسم العادي :bosyht9: :blush:

ممكن تسجلوني معاكو انا بحب الرسم بس مش لاقيه فرصه عشان ارسم

الف مبرووووووووووكـ مبرووووووووووووكـ للفايزين
و فى انتظآر المسابقة القادمــــــــــــــــــــــــــــة

طيب يا بيبو ما تجربي معانا؟

ما انا خسرت ... عادي :)

حتي الان معانا ف المسابقة ان شاء الله


dana2000

нεвα αкгαм

Rony lovely

شذى العطر

HAGOOORA


أرجو ممن يريد الاشتراك في المسابقة الإسراع في تسجيل اسمه هنا

طيب يا بيبو ما تجربي معانا؟

ما انا خسرت ... عادي :)
بتقولى لى أنااااااااااااااااااااااااااااااااااااااااااااا
:o

ممكن اسجل؟

انا معاكوا ان شاء الله بس ادعى ربنا ميحصليش حاجه تانى

احسن بجد الى حصل المره الى فاتت ميتحكيش و انتى طبعا يا مون عارفاه و لو حصلى حاجه تانى متعرفيش

هعمل فيكى ايه يا مون و ساعتها هتشائم من المسابقه دى .

يلا انا مستنيه عنوان الرسمه امتى بقى

بتقولى لى أنااااااااااااااااااااااااااااااااااااااااااااا
:o

لأ بقول لبيبو ... بس انتي مش هتشاركي معانا ولا ايـــــــــــــــــــــــــــــه ؟ :p

ممكن اسجل؟

انتي معانا يا عسل :)

انا معاكوا ان شاء الله بس ادعى ربنا ميحصليش حاجه تانى

احسن بجد الى حصل المره الى فاتت ميتحكيش و انتى طبعا يا مون عارفاه و لو حصلى حاجه تانى متعرفيش

هعمل فيكى ايه يا مون و ساعتها هتشائم من المسابقه دى .

معانا يا عاشقة الظلام (وان شاء الله لا يحدث شئ :) )

يلا انا مستنيه عنوان الرسمه امتى بقى

ايه الاستعجال ده يا هجورة :022yb4:

لا لا انا مش مستعجله ولا حاجه بس اصل انا زهقت من المذاكره فحبيت افك عن نفسي شويه بس هي دي كل الحكايه

لا لا انا مش مستعجله ولا حاجه بس اصل انا زهقت من المذاكره فحبيت افك عن نفسي شويه بس هي دي كل الحكايه يا جماعه معلش اناهي هيabdo sniper بس جت غلطه

ميرسي اوى على تقدركم ليا

ودى كانت بدايه كويسه بالنسبالى

المرتبه ال3 حلوه بالنسبه انى مستخدمتش برنامج الرسام فى الرسم قبل كده

انا حبه اشترك معاك فى المسابقه اللى جايه بس ياريت يا موون تقولى امتى اخر وقت للاشتراك

والمسابقه هتبداء امتى وياريت قبل ما تبداء تقولى لكل الاعضاء اللى اشتركو انها هتبداء وتنتظرى منهم بالرد

علشان تاكدى ان الكل عرف الوقت ومفيش عذر للى هيتاخر فى الرسم ^_^

ومع اطيب تمنياتى للكل

بس ياريت تكون حاجه سهله كده يعنى عيد ميلادى 4/4 فا تكون هديتى موضوع لذيذه وسهله

استغلال للموقف بعيد عنك هههههه

هوا طبعا انا بعت للي اشتركو رسائل خاصة بالجوائز ... وطان التوقيع بتاعي مكتوب فيه ن المسابقة بدأت ....

وكل حاجة هعملها ف التوقيع ان شاء الله :)

وهتكون حاجة سهلة متقلقيش

معانا ولا ايه؟

زكل عام وانتي بخير مقدما :d

ماشي يا عبدو .. قصدي يا هجورة

يلا يامووون إمتى هتحطي موضوع الرسمة

عبدو ده اخويا فأنا وهو واحد يا موووووووون

قريب ان شاء الله .. بكره ولا حاجة ... :)

مبروووك للفايزين وربنا يوفق الباقى فى المسابقه التانيه

الله يبارك فيكي يا عسل :d

ماشي انا مستنيه :049gc0:

تم غلق الاشتراك ف الموضوع الثاني

الأن المشتركون معنا هم:


dana2000

нεвα αкгαм

Rony lovely

MoonMaster

شذى العطر

HAGOOORA

نـور الهدى

Siamese Twins

أرجو الا أكون قد نسيت احدا

الموضوع الثاني

فستان زفاف


وهناك بعض الشروط:


الرسمة ستكون بلونين فقط

واحد للفستان ... وواحد للخلفية
يعني اذا استخدمت اللونين في الفستان .. ستضطر ان تترك الخلفيه بيضاء


وهام جدا.. الرسومات سترسل علي الخاص ولا يكتب عليها اي علامة تدل علي صاحبها
وذلك حتي لايتم استبعاد الرسمة وتضطر لعمل غيرها

الأعضاء الجديدة الذين لا يستطيعون ارسال رسائل ... سيطلبون مني أن ارسل رسالة فارغة لهم
ثم يقومون بإرسال رابط رسمتهم في الرد ...

مع مراعاة ترك مسافة بين ( http//: www )

بالتوفيق للجميع

طيب ينفع التلوين باللون وتدرجاته

مثلا البنفسجى ودرجاته ولا لون واحد بس ؟

ونكتب اسم المنتدى على الرسمة ولا لأ

ولو ينفع نكتب اسم المنتدى ممكن أكتبه بالفوتو علشان الرسمة متبوظش من الرسام ؟؟

هوة ينفع أرسم البنت لابسة فستان زفاف ولا الفستان لوحده

بالنسبة لهبه .... طبعا الرسمة مش هيكون مكتوب عليها أي حاجة ... وحلو التحايل بتاعك بتاع درجات الألوان ده هه؟

عايزة تستخدمي درجتين من نفس اللون مفيش مشاكل !!


بالنسبة لشذي ... (ومش ليكي بس)

لاحظت ان الجرة اللي أنا طلبتاها ... كانت مش شجرة ... كانت حديقة وغابة وكل حاجة

أنا عايزة الرسمة تكون أبسط ما يمكن ... ولا تأخذ وقت كثير

أتمني أنا ترسمون الفستان كما ترونه ف الأتيليه من الداخل (وليس من الخارج) .. لا منيكان .. لا رأس ... لا زراعات ..

ومش هحدد صيفي ولا شتوي

ههههههه

طيب هو لونين غير الأسود يعني ولاممكن يكون ابيض واسود
وبعدين انا مش عارفه ابعت عالخاص ازاي

وبعدين هو مينفعش الون باللون جو الفستان والون بيه الخلفيه

مش أنا وضحت يا عسل هتتبعت ازاي;)

أنا هبعتلك القوتي رسالة فاضية عشان تردي فيها :)

هوة إمتى أخر موعد للتسليم الرسمة

لحد الوقتي المسابقة ماشية منغير مواعيد مححده عشان المذاكرة وكده...

بس المره اللي فاتت لما لاقيت الأعضاء كلهم حطوا... ومكنش فاضل غير اتنين ... استنيت عليهم يومين بس وبعد كده واحده اعتذرت ومشينا المشابقة من غيرها

لكن اطمني لحد الوقتي لسه محدش بعت حاجة :)

انا حبه اشترك معاك فى المسابقه اللى جايه


مووون انتى نسيتينى انا المره دى :mad:

معلش انا زهقتك ياموون ايه حكاية الرابط ديه بصي انتي بعتيلي رساله انا دلوقت هرد عليها فهحط الرسمه فيها ايه دخل الرابط بقى

اسفه يا ننوس والله..

معانا ان شاء الله:)

يا هاجر ارفعي الصورة علي موقع العملاق مثلا .. ولما يديك روابط للصورة.. هاتي الرابط المباشر وابعتيه!

امال هتبعتي الصورة ازاي؟

ماشي هشوف دلوقت

:confused:هو لسه محدش خلص رسمته ولا إيه:stickjo4:

أنا وانتي بس ^_^

المشتركون معنا هم:


نسمة حنان

dana2000

нεвα αкгαм *

Rony lovely

MoonMaster *

شذى العطر

HAGOOORA *

نـور الهدى

Siamese Twins


أرجو الاسراع يا جماعة ...
النجوم دي الناس اللي خلّصت

أترك الادارة للعضوة

(عضوة قديمة )

يعنى هنبعت الرسومات ليها؟؟؟؟؟

انا الحمد الله خلصت الرسمة وابعتها إن شاء الله

ماعرفت ابعت الصورة
بيقولي عفواً , لا يمكنك ارسال روابط فى الرسائل الخاصة ..



وأنا حطيت مسافة زي ماقولتي

:040vk0:ياجماعه إنتو أخرتو كده ليييييييييييييييه:mad::bosyht9::stickjo4:

هو باقى قد ايه على المسابقه

بصي يا جميل ...

المسابقة لحد الوقتي لسه مش بمواعيد عشان المذاكرة وكده...

لكن أول ما الاجازة تيجي هتكون بمواعيد ....

ياريت يا جماعة تسرعوا شوية عشان في كذا حد خلص الرسمة

مكدبش عليكى انا بفكر انسحب لانى مش متاكده من اللى انا رسمته

ومش عندى فكره خالص ازاى ارسم فستان وبلون واحد لا وايه زفاف كمان

فا خيفه من اللى انا رسمه يكن بالنسبالكم مش فستان زفاف

ربنا يسهل :(

ممنوع الانسحاب للفنانين :p

هههههههه اوكيز هى كانت فتره احباط مش اكتر

طيب سا جماعة يعنى انا ممكن اشترك ؟

يلا يا جماعه أيه السرعه اللي أنتو فيها دي

يعنى انا ممكن اشترك معاكوا ولا هم ناس معينةن اخترتوهم فى الاول وخلاص

بصي يا محبة الرسم

انا شفت المشاركة رقم 174 في الصفحة 7 بتاعت موون ان الاشتراك غلق

لكن المره الجاية هتبقي معانا ان شاء الله

المسابقة هتغلق امتى بقى؟؟؟؟؟؟؟؟؟؟؟؟

:040vk0:في ايه رحتو فين ياجماعه كلكو طنشتو كده

أنا نفسي أشترك بس الوقت مش مناسب
فاضل شهر على الإمتحان
إن شاء الله هنشترك في الصيف
ادعولي ربنا يسهلي في الإمتحانات

أنا نفسي أشترك بس الوقت مش مناسب
فاضل شهر على الإمتحان
إن شاء الله هنشترك في الصيف
ادعولي ربنا يسهلي في الإمتحانات

ان شاء الله هنشترك كلنا فى الاجازة وربنا يوفقنا كلنا ونطور القسم احسن من كده وطبعا ده بوجودكم ومشاركتكم معانا

ان شاء الله هنشترك كلنا فى الاجازة وربنا يوفقنا كلنا ونطور القسم احسن من كده وطبعا ده بوجودكم ومشاركتكم معانا
ربنا يخليك وإن شاء الله نحقق حلمنا
وربنا يوفقنا

ربنا يخليك وإن شاء الله نحقق حلمنا
وربنا يوفقنا

ان شاء هنحقق احلامنا

يا جماعة والله أنا مش ناسية..

لكن المتسابقين محدش بعت فيهم غير 2 بس...
وحتي هبة أكرم مش عندي رسمتها اساسا

ينفع أحط الرسمة في الموضوع عادي

ينفع أحط الرسمة في الموضوع عادي

ايوة حطيها مفيش مشاكل

بس موون قالت قبل كده ان الرسمة هنبعتها فى رسالة خاصة

لالالا مش هينفع تحطى الرسمه فى الموضوع علشان محدش من اللى هيصوت يعرف رسمه ايه بتاعت مين
ومحدش ينحاز لحد ياريت تبعتى الرسمه فى رساله احسن

يا جماعة والله أنا مش ناسية..

لكن المتسابقين محدش بعت فيهم غير 2 بس...
وحتي هبة أكرم مش عندي رسمتها اساسا

إزاى ده ؟ أنا بعت الرسمة لمووون
هي موصلتهاش ليكي ولا ايه ؟
لأن هي ممكن تكون اتمسحت من على الجهاز وأنا بنزل وندوز جديد
إسألي مون كده ؟

أنا مش عارفه أبعتها في رسالة بيرفض

الأعضاء الجديدة الذين لا يستطيعون ارسال رسائل ... سيطلبون مني أن ارسل رسالة فارغة لهم
ثم يقومون بإرسال رابط رسمتهم في الرد ...

مع مراعاة ترك مسافة بين ( http//: Www )

بالتوفيق للجميع

ده توضيح للناس اللي مش عارفة تبعت الرسومات

وانا معنديش غير رسمتين.. هجورا ودانا وبس

وبانسبة لهبة اكرم.. انا معنديش رسمتك بس اعتقد ان موون كانت منتظراكي تبعتيها منغير ما يكون عليها اي كتابة

الفكرة حلوةما شاء الله

ممكن احط المرادي في الموضوع بس عشان المشكلة إلي عندي وبعد كده لأ
بس المرة ديه

معتقدش ينفع لان مش عاوزين حد يعرف الرسومات بتاعت مين

على العموم استنى لمه موون تيجى وسئليها

ولم المسابقه ترجع تانى لان الظاهر كله نسى موضوع المسابقه

إهئ إهئ
خلاص إذا مينفعش انا إنسحبت
وشكرا ليكوا
مع السلامة

اممممممم

مش ناسية موضوع المسابقة :d

كل عام وانتم بخييييير

المسابقة مستمرة

بس هفتح باب الاشتراك تانى


وانا مازال عندى الرسمتين بتوع دانا وهجورة

وكل اللى عايز يشارك يرسل الرسومات

والمسابقة هتظبط ان شاء الله باتعاون مع المشرفين والاداره

وكل عام وانتم بخير والف مبروك لكل الناجحين

الموضوع الثاني

فستان زفاف


وهناك بعض الشروط:


الرسمة ستكون بلونين فقط

واحد للفستان ... وواحد للخلفية
يعني اذا استخدمت اللونين في الفستان .. ستضطر ان تترك الخلفيه بيضاء


وهام جدا.. الرسومات سترسل علي الخاص ولا يكتب عليها اي علامة تدل علي صاحبها
وذلك حتي لايتم استبعاد الرسمة وتضطر لعمل غيرها

الأعضاء الجديدة الذين لا يستطيعون ارسال رسائل ... سيطلبون مني أن ارسل رسالة فارغة لهم
ثم يقومون بإرسال رابط رسمتهم في الرد ...

مع مراعاة ترك مسافة بين ( http//: www )

بالتوفيق للجميع

المشتركون معنا هم:


نسمة حنان

dana2000

нεвα αкгαм *

Rony lovely

MoonMaster *

شذى العطر

HAGOOORA *

نـور الهدى

Siamese Twins


أرجو الاسراع يا جماعة ...
النجوم دي الناس اللي خلّصت



طبعا دى المشاركات المتعلقة بالرسمة السابقة

بس الاعضاء المشتركة دول فيه منهم مش بيدخل وكده

اللى عايز يشارك يقول

واحنا ادامنا 3 او 4 ايام وننزل الرسمة الجديدة

عايزين نخلص دي الاول

بانتظار مشاركاتكم :d :d

الحمد لله انكو لسه فاكرين

اوكيزززززز

انا هبعتلك الرسمه بتعتى دلوقتى

تصدقى انا نسيت انا كنت رسمه ايه لمه ادخل واشوف شكلها هههه

خلاص ادام كينفعش احط الصورة في الموضوع
هحاول ابعتها مرة تانية في الرسالة
ولو رفض يبقى انا مش معاكم منسحبة يعني