مشاهدة النسخة كاملة : هي ثـــــــــــورة للألتــــزام ولا للفـــوضى ... !!؟؟؟؟ حمــادة هلال .. حمادة هلال !
Mohamed.Helmy 13-03-2011, 03:23 AM هي ثورة للأتــــزام ولا للفـــوضى ... !!
السلام عليكم ..
معلش بقالى فترة معملتش مواضيع فى القسم العام
هدخل فى الموضوع على طول ..
انا حزيييييين جدا و الله على اللى بيحصل ده و بدعي ربنا ان الفترة دي تعدي على خير ..
بسأل سؤال .. ؟
هو أحنا عملنـــا ثورة .. علشان نلتزم و لا علشان نعيش فى فوضى و هرجلة ..
طبعا كتير اوي منكم ناس محترمة و ملتزمة كويس بس فى ناس كتير برضه فى الشارع
مش حاسة بقيمة اللى حصل و لسه بتخرب و بتسرق... الخ
طبعا كتير هيقول " ياعم ماهو لازم يحصل شوية فوضي بعد الثورة و بعدين هنستقر ..!!"
دي اجابة كويسة ..بس المشكلة ان الفوضى دلوقتى احنا كشعب اللى بنعملها طبعا فى ناس كتير محترمة زي شباب 25 يناير ..
يعنى هديكم مثال .. و المثال ده اللى خلاني أكتب الموضوع..
النهاردة روحت المدرسة و طبعا فاكر ان الشباب كلها اتغيرت بعد الثورة و كل واحد عرف قيمته الحقيقية و عرف هو هدفه ايه ..
طبعا لقينا المدرسة منضفينها و حاطين فيها حاجات جديدة و شكلها جميل جدا ..
وقفنــا الطابور ..
و كانت موجودة مديرة الادارة التعايمية و لجنة من الوزارة و مدير المدرسة و كل المدرسين
و طبعا علشان اول يوم بيبقى في صوت فى الطابور وكده علشان كله بيسلم على أصحابه و كده ..
قولت عادي بيسلموا على بعض .. و شوية هيسكتوا و يسمعوا للناس اللى هتتكلم دي ..
لقيت المدير بيسلم علينا و بيباركلنا على الثورة و كده
لقيت معظم اللى اقف فى الطابور عمال يصفر و اللى يقول هيييييه و اللى يقول " حمادة هلال .. حمادة هلال " ..
و مديرة الادارة قالت مايصحش كده احنا اتغيرنا كلنا و الحرامية اللى فى البلد مشيوا و دي بلدنتا و لازم نلتزم و نبقى محترمين .. و بتقول فى 385 شهيد ماتوا علشانا .
المفروض نلتزم حتى ع الاقل ان فى ناس ضحت بنفسها علشانا...
طبعا نفس الشلة اللى فى الطابور بصوت عالى " شهداااااء 25 يناير .. حمادة هلال .. حمادة هلال "
يعنى برضه اللى فيهم فيهم ..
حتى الدقيقة حداد ماقدروش يقفوها على بعضها .. اللى يصفر و اللى يقول يحيا الشهداء و كله طبعا بسخرية ..
طبعا كان فى ناس كتير فى الطابور واقفة محترمة و ساكتة و بتسمع لكلامهم..
بس مديرة الادارة قالت انا حزينة جدا عليكم لانكم مش مقدرين ان دي بقت بلدكم
و انها راحت كل المدارس لقيتهم ملتزمين ماعدا مدرستنا و قالت انها هتيجى تاني يوم تشوف اتغيرنا ولا لا ...
عارف انى طولت عليكم
بس بجد قمة الحزن ان تلاقي شباب مصريين مش مقدرين لغاية دلوقتى الناس اللى ماتت علشانهم
طبعا المعظم كويس
بس برضه فى ناس لغاية دلوقتى فى مصر يقولوا " ياعم خليها تولع" .." احنا مالنا "
و اللى ينرفز أكتر اللى يتريق على " الشهـــــــــداء "
بجد حاجة تحرق و تقطع القلب ..
انتوا أيه رأيكم فى اللى حصل ده ؟؟؟؟؟؟؟؟؟؟
محمد حلمي
13/3/2011
usernamo 13-03-2011, 04:08 AM بص يا محمد ... انا كنت فى التحرير بشوف من ده على ده ... بشوف اللى جاى يدور على البنات .. و شوفت الجاى من الجوع كفر ... شوفت اللى جاى يغنى و يتشهر و ناس جايه .. من الفقر بتتوجع ! ناس بتقولك انا ضد النظام و ناس بتقولك انا بحب النظام .. يقوموا متخانقين .. ليه ياعم بتتخانق .. يقولك هو عدواً و عدو الله ! (( من خالف رأيك فهو عدو الله )) امال من كفر بربك فهو ايه ..؟؟ حاجة لسه مخترعهوش .. اللى يقولك حسبى ربى و هو وكيلى .. و اللى يقولك حسبى مبارك هو حليفى ! اعاذنا الله ... شفت بنات مطالبها هايفة و شفت بنات مطالبها تخلى الركب سايبه ! ... واحد بساله تشيل شفيق ليه .. يقولى ده حلف قدام الريس ؟! .. فرد عليه .. بعديها طب مهو شرف حلف قدام الريس .؟؟؟!!! .... فمشيت و قررت انى منزلش التحرير تانى غير فى قرائة الفاتحة على الشهداء .. و اللى لحد دلوقتى بشوف من يصطنعوا البكاء عليهم ... و من بكوا فنهارت السموات لبكائهم .!
Mohamed.Helmy 13-03-2011, 04:13 AM بص يا محمد ... انا كنت فى التحرير بشوف من ده على ده ... بشوف اللى جاى يدور على البنات .. و شوفت الجاى من الجوع كفر ... شوفت اللى جاى يغنى و يتشهر و ناس جايه .. من الفقر بتتوجع ! ناس بتقولك انا مع النظام و ناس بتقولك انا بحب النظام .. يقوموا متخانقين .. ليه ياعم بتتخانق .. يقولك هو عدواً و عدو الله ! (( من خالف رأيك فهو عدو الله )) امال من كفر بربك فهو ايه ..؟؟ حاجة لسه مخترعهوش .. اللى يقولك حسبى ربى و هو وكيلى .. و اللى يقولك حسبى مبارك هو حليفى ! اعاذنا الله ... شفت بنات مطالبها هايفة و شفت بنات مطالبها تخلى الركب سايبه ! ... واحد بساله تشيل شفيق ليه .. يقولى ده حلف قدام الريس ؟! .. فرد عليه .. بعديها طب مهو شرف حلف قدام الريس .؟؟؟!!! .... فمشيت و قررت انى منزلش التحرير تانى غير فى قرائة الفاتحة على الشهداء .. و اللى لحد دلوقتى بشوف من يصطنعوا البكاء عليهم ... و من بكوا فنهارت السموات لبكائهم .!
شكـــــرا أوي يا أمجـــد على ردك الجميــل ^_^
بس دي تبقى مصيبـــة بجــد لو لسه فى شباب مصريين بيفكروا بالشكـــل ده ..
يبقى أزاي ثورة المفروض اننا نتقــدم بيها ؟؟
بجد الواحد حزين جدا على اللي بيحصـــل ..!!
شكرا يا أمجــد مرة تانية .. نورت التوبيــك :friendsxs3:
***star*** 13-03-2011, 04:39 AM طبعا نفس الشلة اللى فى الطابور بصوت عالى " شهداااااء 25 يناير .. حمادة هلال .. حمادة هلال "
انت شكلك دخلت مدرسه ابتدائي:006et4:
Mohamed.Helmy 13-03-2011, 04:43 AM [/center]
انت شكلك دخلت مدرسه ابتدائي:006et4:
:d:d
مش عارف اشمعنى حمادة هلال اللى كانوا مركزين معاه اوي ..!!
كل شوية يغيبوا يغيبوا و مرة واحدة ( حمادة هلال .. حمادة هلال ) !!
و الله فى ناس فى ابتدائي ما تعمل اللي اتعمل ده .. للأسف :excl:
شكرا لمرورك ^_^
***star*** 13-03-2011, 04:47 AM :d:d
مش عارف اشمعنى حمادة هلال اللى كانوا مركزين معاه اوي ..!!
كل شوية يغيبوا يغيبوا و مرة واحدة ( حمادة هلال .. حمادة هلال ) !!
و الله فى ناس فى ابتدائي ما تعمل اللي اتعمل ده .. للأسف :excl:
شكرا لمرورك ^_^
لا والله ازعل ...
كله الا حماده هلال ...
حماده هلال ... حماده هلال :av4056bb7jp3:
Mohamed.Helmy 13-03-2011, 04:50 AM لا والله ازعل ...
كله الا حماده هلال ...
حماده هلال ... حماده هلال :av4056bb7jp3:
أنت كنت معايا فى المـــدرسة ولا ايـــه :d !!!
ربنـــــا يهدينـــــا جميعــــــــا ...
نورت التوبيـــك ^_^
blackcat.13 13-03-2011, 09:31 AM -----------------------------------------------------------------------------------------------------------------
usernamo (( من خالف رأيك فهو عدو الله ))
انا بقى ايام الثورة اتبهدلت ليه
بعد خطاب الريس الخطاب المؤثر ده قلت راى فالدرس يا جماعه خلاص نستنى ال6 شهور
وهو غلط صح بس بردك دافع عن البلد كتير ولو ممشيش الميدان موجود
ساعتها طبعا لقيت كوم عيال قاموا يكلموا خضونى والله حتى المستر كله دخل فيا شمال
بقيت تبع حزب الوطنى مع العلم انا بكره وقالولى هتبقى تبع البلاك لست
مع ان انا دايما كنت نفسى كل حاجه تتغير بس بسبب الراى اللى قلته ده بقيت من الخونه قلتلهم يا جماعه مش بقلل من قيمة 25 يناير ماشى كان فى ناس محترمة بس كان فى منهم كان يستاهل...........ليه ؟اللى كان نازل يشتم ويستعبط دول من الآخر........
وانا لآخر لحظة كنت بحترم حسنى مبارك يمشى بس مش كل واحد يدخل يشتم فيه واول مقول كده -------->هتقولوا السلبيات هقلكم عارفينها........
من الآخر بلاش تعرفوا الموضوع خلص ازاى بس الحمد لله وصلت من غير اى اصابات
الحاجه الوحيده اللى دايقتنى انهم يقولوا المفروض مكلمش عن الشهداء (نحتسبهم ان شاء الله من الشهداء)
دانا بقيت تبع الثورة المضاده امال ايه ..........................فاضل ايه مبقتش تبعه كده:d!
-------------------------------------معلش طلعت عن الموضوع-----------------------------------
الناس اتغيرت انا فكرت كده بس طلعت غلطت من اول يوم رحت المدرسه ومن اولها
الطابور كان جميل بس مش هكلم عن الرغى اللى كان شغال
بعد ما دخلنا الفصل
استاذ الفيزياء دخل قال ايه:
انتم طبعا اكيد كلكم ماخدين الفصل العاشر بره ومشروح لكم خلاص يلا ناخد عليه اسئلة:huh::huh::huh::huh::huh:
!!!مين قاله والله اعرف عيال مش بتاخد دروس فيزياء
وبعدها بحبه لقينا عيال من مدرسه قريبه مننا طالعين مظاهرات فالشارع ..........
فالفسحه لقينا العيال عاوزين يعملوا مظاهرات يمشوا المديره بتاعتنا
بصراحه معاهم :av4056bb7jp3:حق بس مش دلوقت مش وقته
احمد ربنا الحمد لله عالشله بتاعة
:022yb4:حماده هلال..........حماده هلال:022yb4:
مش ارحم
عاشق البلانكو الابيض 13-03-2011, 12:29 PM عندك حق والله وانا شوفت الكلام ده حصل فى مدارس فى المدينة التى اقيم بهااااا زيكم بالظبط كده
انا شايف ان فى مجموعة معينة قااامت بهذه الثورة من اجل مطااالب معينة وكااان من بين هذه
الطالب مطالب اقتصااادية مش سياسية وبس لكن بعد تنحى مباااااااارك
الناس اللى ما شاركتش والناس اللى فى الاقاليم البعيدة اللى محصلش فيها حاااجة
فهمت اللى حصل غلط فاااهمة ان كده خلاص يعملو اللى هما عاوزينه من غير ما حد يكلمهم
حتى لو كااان غلط وانهم هياااخدو فلوس الناس اللى اتحبست لدرجة انى بشوف ناااس تقول
هياخدوا الملايين دى ويفارقوهااا علينااااااا والطلبة اللى ملهاااش فى التعليم يطالبو بالغاء المدارس.......الخ
شكرررا على الموضوع المهم والجميل
Heartbeat 13-03-2011, 01:59 PM ده شئ طبيعى يا محمد
اى مكان فى الايجابى وفى السلبى
كمان الثورة كان فيها ناس ايجابية مصلحتها هى مصلحة مصر
وكان فيها ناس بس اهم حاجة عندها مصالحها الشخصية
وكذلك فى المدارس هيكون فى طلبة تافهين
وانت قولت بنفسك انه كان فى طلبة محترمين وواقفين ملتزمين
وحكاية اللى بيتريق على الشهداء دى فعلا حاجة بتعصبنى جدا
بس صراحة مش بسكت غير لما اخد حقهم:stickjo4:
ده لو حاجة اتقالت عليهم امامى
بس هو اشمعنى حماده هلال:blush:؟؟
انا لسه مروحتش المدرسة:av4056bb7jp3:
ومش ناوية اروح
يللا ربنا يستر على مصر
مرسى على الموضوع
Mr. Ali 1 13-03-2011, 02:57 PM ظلت مصر تعاني لسنوات طويلة من انعدام الأخلاقيات وسوء التريبة عند شريحة كبيرة من الشعب المصري . والبعض منا اعتقد بأن الثورة قد غيرت من هذه السلبيات كلها , وهذا الاعتقاد غير صحيح . الثورة فقط أظهرت الجينات المتنحية ( التعاون , الترابط , التكاتف , حماية الأعراض وصونها , انكار الذات , وغيرها ) ولكن بعد هدوء الحدث نوعاً ما , بدأت تظهر الجينات السائدة مرة أخري , وهذا ما لا يجب أن نسمح به في الأيام القادمة .
البيت له دور كبير وهام في هذا الأمر , المدرسة والجامعة نفس الأمر , الاعلام بكل أنواعه له الدور الأكبر , ضبط الأمن وتطبيق مبدأ الثواب والعقاب علي الجميع .
باختصار
ما تم افساده في عقود , لا يتم اصلاحه في أيام , وخاصة إذا تعلق الأمر بالتربية والأخلاق وسلوك الأفراد .
وأري بأن الحزم والحسم مع المتجاوزين سيقلص من الوقت اللازم لاعادة التأهيل والاصلاح .
مشكور علي هذا الموضوع .
تقبل مروري .
**تسابيح** 13-03-2011, 03:11 PM تصدق ياحاج محمد انا كنت هكتب عن نفس الموضوع
وبجد كويس انك فتحت الموضوع :006et4:
انا بئا هتكلم عن الجامعة مش المدرسة:d
احنا بئا مش عندنا حمادة هلال
احنا عندنا شوية ناس عندها بجاحة مطلقة...
بس عشان ميكنش التعميم
شيء مش مضبوط
فيه ناس محترمة وبطالب مطالب مشروعة وبأسلوب محترم
فيه ناس تانية بتهيص مع الهيصة ...
وبتكلم بأسلوب غير حضاري وبتبجح في اللي ادامها
وعايزيين يشيلوا كل اللي بيشتغلوا في الكلية:d
بجد مش عارفة يعني اومال هيعينوا مين:d
من دكاترة لمعيديين للعميد ولكله...
وفيه دكاترة في منتهي الذوق والأخلاق والالتزام
مطلعيين بئا كلام وانهم مظلوميين في الدرجات
مع ان فيهم ناس الدكتورة كانت بتقول واخديين أكثر من حقهم
وطبعا فعلا فيه دكاترة يستهلوا
لكن الكل دخل في البعض!!!
وحتي كنت بقول ان البلد هتتعدل والتعليم هيتصلح
بس حتي الدكتور قالنا انا مش هديكم كتاب ونمشي زي الأجانب
واقولكم ع المراجع ...ابقوا قبلوني لو لقتوها حتي ف مكتبة جامعة المنوفية:d..بصراحة وقتها فعلا حسيت بإحباط جامد...
وان موضوع التعليم الجامعي يبقي زي الاجانب دا انساه من حياتي !!
شكراا لك ياحاج محمد
إلهام صلاح لاشين 13-03-2011, 03:25 PM طب لو قلتلك إن الطلبة فقدوا لدرجة إنهم بيقولوا إن الثورة يعنى نخلع كله وزير-مدرس محدش له سلطة علينا حتى القرآن
قلبوه سخرية وألفاظ زباله يعنى بقينا بنتعامل مع طلبة مش بس بلطجية دول حتى مش خايفين من ربنا ولا بيحترموا القرآن
لو قلتلك كده هترد تقولى إيه
amira elnaggar 13-03-2011, 03:25 PM وانا كمان اول يوم فى المدرسة فى تحية العلم قلت هنحى العلم بشدة
الناس كلها كانت نايمة وصوتها منخفض جداا
وطبعا كلهم عمالين يسلموا على بعض الناس والمدرسين بينظموا الطابور عمالين يقولوا من اول يوم فى تنظيم
وبردة الى بيرمى ورق حاجة فظيعة
والمشكلة ان لما واحد يرمى ورقة وحد يشيلها مش بقى يتكسف يرمى لا دة بيرمى اكتر على الاساس ان فى حد بيشيل وراة
لكن بردة فى ناس محترمين اكيد
يارب الناس تتغير بقى
موضوع قيم والحديث فية بطول انما على العموم الثورة لا تغير طباع البشر بين يوم وليلة انما تاخذ الكثير من الوقت حتى يتم هذا التغيير انما يجب علينا الصبر ومحاولة تغيير انفسنا الى الافضل ان شاء الله
H.H.KH 14-03-2011, 08:26 AM هياخدوا الملايين دى ويفارقوهااا علينااااااا والطلبة اللى ملهاااش فى التعليم يطالبو بالغاء المدارس.......الخ
ههههههههههههه
فكرتنى بنفسي ........بس انا عايزة الغى الدكاترة من الكلية بس مش اكتر يعنى:d............
وبشكر محمد على موضوعه ........بس عايزة اقولك ان فى ناس فعلا اتغيرت يمكن عشان انت لسة فى مدرسة وطلبة المدرسة بيكونوا شوية متمردين .......يعنى فى مدرسة اختى عملوا مظاهرة طول اليوم وال مطالبهم كانت ايه عايزين يمدوا وقت الفسحة واللى عايزين يطلعوا بدرى شوية يعنى اعتقد هما عاملين المظاهرة اساسا عشان يضيعوا اليوم ومياخدوش حاجة ففى الاخر لو هتبص للتغيير متاخدش باللى بيعملوه الطلبة فى المدارس
mano 4 ever 14-03-2011, 07:06 PM بجد موضوع فى الجون
بس ذى ما فيه ناس يتتريق على الشهداء فى ناس كل يوم بتقرا الفاتحه ليهم وبتتعى ان يصبر قلب اهليهم
لاخر نفس فيه بنادى هموت وانا بحب بلادى
نقاء الروح 14-03-2011, 07:36 PM فعلا كلامك مضبوط ..
انا اختي بتحكيلي اول يوم رايحة ومتحمسة
هتجيب علم وهتتفق مع اصحابها يقولوا النشيد بضمير
مش اي كلام وهيتكملو عن الشهداء وقصيدة وكدا
بتقولي رحت وقلت للبنات هناك
قالتلي في بنات رحبوا بالفكرة ونفذوها ومعاها وكلو تمام
فيه شلة تانية بئا نزلت تريقة وضحك وايه ال بتعملوه و ....
يعني بجد ربنا يهدي الجميع ..
شكرا عالموضوع الرائع
miss_me21 14-03-2011, 08:57 PM والله انا رايى ان الكويس من قبل الثووووووووورة بس الى بقى احسن ولحد دلوقتى مشوفتش حد وحش اتغير
المهم يعنى فى الاجازة يعنى لالالالالازم نعمل ثورة اخلاقيه مش مظاهرات بقى وكده لازم نشوف حل لان ده بقت حاجه تخنق بجد
وبالنسبه للمدارس والمظاهرات
اجدد حاجه فى مدرسه ثانوية بنين عايزة المدرسه مشتركه....................
وربنا يصلح الاحوال
شكراااااااااااااااا على الموضوع
THE CodeR 15-03-2011, 09:17 AM دول مش من شباب يناير و إن كنا كلنا نعتبر من شباب يناير
ناس لو كانوا شاركوا في الثورة ولو بقلوبهم مكانوش عملوا كده
يبقي دول بقي مرتزقة مصر
اللي ينفذ ما يؤمر طالما انتا بتشحنه بالفلوس
ولو مطلبش منه بيعمل اللي شايفه ظريف و مضحك
انتا ضايقتني باللي عملوه
لكن زي دول لا استدل علي اي ملمح من ملامح مستقبلهم في مصر
ربنا يهديهم و يهدينا
تقبل مروري السريع علي موضوعك يا حلمي
أ/رضا عطيه 15-03-2011, 03:53 PM دول مش من شباب يناير و إن كنا كلنا نعتبر من شباب يناير
ناس لو كانوا شاركوا في الثورة ولو بقلوبهم مكانوش عملوا كده
يبقي دول بقي مرتزقة مصر
اللي ينفذ ما يؤمر طالما انتا بتشحنه بالفلوس
ولو مطلبش منه بيعمل اللي شايفه ظريف و مضحك
انتا ضايقتني باللي عملوه
لكن زي دول لا استدل علي اي ملمح من ملامح مستقبلهم في مصر
ربنا يهديهم و يهدينا
تقبل مروري السريع علي موضوعك يا حلمي
المرتزقة كلهم فى ليبيا
واللى عندنا كلهم مصريين :022yb4:
وبعدين هنعيش ونموت مرتزقة مصر وليس مرتزقة رئيس أوحكومة وأتباعهم
لأن مصر تستحق أن ننتمى لها فى كل شىء حتى لو صرنا مرتزقة لهاوليس ضدها
ربنا يهدينا جميعا
جزاكم الله خيرا
مصري وافتخر 2011 22-03-2011, 04:39 PM شكررا على الموضوع المهم
Mohamed.Helmy 22-03-2011, 05:52 PM بجـــــــــــــد بشكــــــــــــــــركم كلكم على مروركم الجميل ده ..
باركم الله فيكم جميعاااااا..^^
الأستاذة ام فيصل 24-07-2011, 08:00 PM شكرا على الموضوع
تحياتي
عبد الله الرفاعي 24-07-2011, 11:20 PM يابلاد الهوى يابلاد
يابلاد النجوى فؤاد
والنصب علينا مقاولة
والسرقة علينا مقاولة
وعصابة واسمها دولة
ويجعله عامر ياحلمى ... مشكور ع الموضوع
|