مع المسلسل التركى..... مش هتقدر تغمض عنيك [الأرشيف]

مشاهدة النسخة كاملة : مع المسلسل التركى..... مش هتقدر تغمض عنيك

Heartbeat

19-03-2011, 11:35 AM

السلام عليكم ورحمة الله وبركاته

المفروض انها "مع روتانا سينما مش هتقدر تغمض عنيك:)"
لكنها اتغيرت من فترة كده فى مصرنا الحبيبة وبقيت"مع المسلسل التركى:blush: مش هتقدر تغمض عنيك"
عادى ماهو مفيش حاجة بتفضل على حالها
والمجتمعات دائمة التغير
من المعقد الى الاكثر تعقيدا واحنا دلوقتى فى ذروة التعقيد
مع المسلسل التركى الرومانسى:p

ظاهرة غريبة بتحصل اليومين
اغلب البيوت المصرية ادمنت المسلسلات التركية ;)
يعنى توقع انك لما تزور حد فى بيته تلاقيه مشغل المسلسل التركى المفضل
ويا سلام لو بطل المسلسل هو
الواد الرومانسى الوسيم (مهند:ph34r:)
ممكن اهل البيت نفسه مش يقوموا يسلموا عليك <_<
يعنى انت:o ولا مهند؟؟؟؟؟؟؟؟؟؟؟؟؟

وتتنيح غير عادى للمسلسل:unsure: "مش بقولك مش هتقدر تغمض عنيك"

شرح مبسط للمسلسل التركىOOOOOOOOO

1-الحياة وردى كلها حب فى حب فى حب فى حب:bosyht9:................الخ
2-مفيش مشاكل خالص "ما شاء الله ربنا يحميهم"
3-مفيش مطبخ ولا غسيل اطباق "ياي"
4-مفيش بيبى بيصرخ :)
وطول المسلسل
حبيبى حبيبتى :oحبيبى حبيبتى
لما خلاص الازواج المصريين جات لهم عقده وكرهوا بعض:stickjo4:

هى تحلم وتقول:جتنى نيلة فى حظى وهى نور احسن منى فى ايه؟؟؟؟؟
(ده انا قمر:o)
هو لما يشوفها:mad:: استغفر الله العظيم انا نازل اقعد شويه مع اصحابى على الكافيه

http://www.6rp.net/files/31a2501388.gif

والجديد بقى:طنت وهى حامل لو جبت ولد هسمى مهند:p
لكن عمو الله يكرمه رفض وبشده:slap1qk6: (الحمد لله لسه فى خير)

ولا البنات موال تانى
تلاقى البنت لازم لما تحط مواصفات الفارس اللى هيخطفها على الحمار الابيض الكروهات
(عادى تغيير والاجيال القادمة هيكون توك توك القذافى الطائر:blush:)
لازم يكون فيه مواصفات مهند الوسيم:angry2:

والمفاجأة الكبرىOOOOOOOO

الجدات الكبار بيتفرجوا على المسلسلات دى :blush:
وبيتابعوها اول بأول
طيب انا عايزة حد يقولى ليه ؟؟؟؟؟؟؟؟؟؟؟
مش لاقيه اجابة حتى الان

معلش معظم كلامى عن مهند ونور :friendsxs3:

اصلى دول اول الاحبة اللى اسروا قلوب المصريين

وبعدين مطر من المسلسلات التركية انهال علينا
وكلهم نفس القصة والنهايات تقريبا واحدة
اما هو هينتحر او هى تتجنن:)
ولو شفت اخر حلقة هتفهم المسلسل كله
ما هو نفس قصة المسلسل اللى قبليه
ولا الحلقات طول مفيش بعد كده

ومع ذلك الاقبال على هذه المسلسلات بقى بطريقة مفزعة

السؤال اللى بيطرح نفسه دلوقتى

ليه المسلسلات دى بقيت شئ اساسى فى كتير من البيوت المصريه؟؟
اكيد البعد عن الدين سبب رئيسى

لكن هناك اسباب اخرى

يا ترى هى ايه؟؟؟؟؟؟؟؟؟؟؟

سلام منى لاحلى اعضاء:078111rg3::078111rg3:

ملحوظة للى هيقرا الموضوع: ربنا يخليلك اولادك ولو مش عندك يارب يكون عندك اولاد كتير
ويارب يخلى لك زوجتك ولو مش عندك تتجوز
ويارب تتجوزى
وربنا ينجحكوا يااااااااارب كلكم
(حاسه انى تعديت مرحلة الشحاته:o:blush:)
الطلب جاى اهوه

ادعولى اجيب السنة دى 97,5% كحد ادنى:)

مع تحيات/مهند ونظامه الراهن:av4056bb7jp3:

Heartbeat

19-03-2011, 12:03 PM

يتصفح الموضوع حالياً : 1 (1 عضو و 0 ضيف) ‏Habiba Hamdy (http://www.thanwya.com/vb/member.php?u=454513);)

عاشق البلانكو الابيض

19-03-2011, 12:22 PM

**تسابيح**

19-03-2011, 12:36 PM

صوت العقل

19-03-2011, 12:46 PM

Hopeful Girl

19-03-2011, 12:48 PM

Heartbeat

19-03-2011, 01:05 PM

عندك حق فى كل الا قلتيه

بصررراحة بحس الناااس اللى بتتفرج
على المسلسلات دى ناااس تاافهة وفااضية
قال واحد عاملة علاقة مع مرات عمه
لا والناااس متاثرة ياعينى
سبحااان الله فين الاخلاق
شكرررا على الموضوع الجميل

وربنا معاكى فى الامتحانااات

اصلا المسلسلات دى طغيت على المسلسلات المصرية
يعنى مش عارفه الصراحة ايه السبب؟؟
المصريين ما صدقوا;)
لأ وتلاقى المسلسل كله تافه ومش بيناقش قضية معينة

شكرا لحضرتك على المرور
وعلى الدعوة:)

Mohamed.Helmy

19-03-2011, 01:23 PM

السلام عليكم ..

ليا تعليق اذا بتـــريدي :D

هو مانكـــــرش انى يعنى بتابع حاجات بسيطة كده .. يعنى كل اسبوع نص حلقة ولا حاجة :D

بس و الله احنا مهتمين اوي بالمسلسلات دي أكتر من الناس اللى في تركيا ..

و مهنــــــد ده .. ياربنا على مهنـــد ..

و الله الواد ده الناس نفخته و اديته قيمة بزيادة اوي ..

و يا سلام تشوف البنات .. ايه ده مهنــــــــــد .. !!!!:o

و تلاقيهم هيعيطوا .. و بصوت رقيق كده .. " زي القمر " :bosyht9:

ههههههههههههههه..

طبعا فى بنات عادي يعنى عارفة ان هو انسان و مش مجنونة بيه كده ..

بس و الله تخيلوا ان فى تركيا هما مش مهووسين بيه كده زي ماحنا عاملين ..

يعنى هناك عادي حيالله ممثل .. جميل اه بس عادي يعنى مخلقش نفسه و بعدين فيه اجمل منه بكتير فى مصر ..

تخيلو مثلا لو أحمــــد عز عمل مسلسل و اتعرض فى الصومال مثلا ..
هيقولوا ايه ده احمـــــــــــــــد عــــــــــــــــز ؟؟:o
و هيتجننوا عليه برضه .
مع ان احنا شايفينه ممثل جميل و كويس بس مش خارق يعنى ..
اهو بالظبط كده هناك فى تركيا .. شايفين ان مهند ده عادي لكن احنا .. لالالالالالالا الواد زي القمر :D

--

ادينا مهنـــــد أكتر من حقه فى الرد :D

و المسلسل ماشاء الله تلاقي العيل الصغير فى بداية المسلسل عنده 10 سنين كده و ولد امور صغيور

تيي فى الحلقات الاخيرة تلاقيه بقى راجل كبير :D

تحس انهم بيعملوا المسلسل بقالهم 4 سنين

بيعدي عليهم صيف و راه الشتاء و راه صيف تاني وراه شتاء .. :bosyht9:

مش بيزهقوا؟

:D

و على رأي " تسابيح النجوم "

مالها المسلسلات الكورية :D

و الله انا تابعت مسلسل كوري 30 حلقة تقريبا و كان حلو جدا ..

اسمه - قصــة حب حزيــــــنة -

هو اه لغة عربية دوبلاج تلاقي بيتكلم يقولك : سأناااال منـــك هاييين -

هايين دي اسم البطلة :D

المهم ما علينا يعنى علشان انا طولت اوي فى الرد .. ده بقى توبيك مش كومنت :D

بس اللى انا عايز اقوله ان احنا بنفخم الناس دي اوي و هما ممكن يكوانوا مش يستاهلوا كده و هما اساسا مش بالقيمة دي فى بلدهم

و ربنا يهدي بقى و مسلسل العشق الممنوع ده يخلص .. صدعونا بجد ..

و فى النهاية ^^

يارب يا حبيبة تجيبي 99.1 %

معرفش الواحد من عشرة ده ليا بس يارب تيجي كده و خلاص :D

دعواتكم ^^

Heartbeat

19-03-2011, 01:35 PM

بصي يابنتي أنا عن نفسي بشجع الكوريين :d

عساسيل كدا
مش زي أبطال المسلسلات التركية:006et4:
مع اني بحب الأتراك بعيداا عن المسلسلات
بجد حاجة مستفزة
انا فاكرة بتاع مهند ونور لما كنا في ثانوي
وكل واحدة تتنهد (مهند ياجدعان) دا كان زي القمر إمبارح:o
وواحدة تطلع فجأة وتقول بسرعة عايزة اروح
أصل المسلسل التركي بيتعرض دلوقتي:o
ربنا يوفقك ياجميل وتجيبي 99 ;)

ده انا كرهت الاتراك بسبب المسلسلات اللى فلقونا بيها دى
هههههههههه
حلوة تتنهد دى يا تسابيح:p
مش عارفه انا ايه مهند ده اللى طالعين بيه السما:blush:
بجد بس اكيد فى سبب للاقبال الرهيب ده على المسلسلات دى!!!!!!!!!!!!!

ربنا يخليكى يارب حبيبتى على الدعوة
وشكرا ليكى على المشاركة الجميلة

mano 4 ever

19-03-2011, 01:36 PM

بس على فكره فى مسلسلات تركى حلو اوووى وفيها فكره او قصه معينه متقالتش فى المسلسلات المصرىة

بس انا بعشق المسلسلات الاسبانى والمكسيكى

Heartbeat

19-03-2011, 02:02 PM

والله موضوع ممتع .. عشته معاكى وتخيلت فعلا

كل اللى حكتيه .. بس المشكلة هنا فى الناس ..
بيعوضوا النقص الموجود فى حياتهم بالمسلسلات دى ..
وبرضووووو مننكرش انها كلها احلام ورومانسية ...
ومش عارفة منين الوقت لمسلسل طويل زي المسلسلات دى ...
وكمان بيضايقينى ان مواصفات فتى الاحلام بقت تنطبق على مهند ..
يعنى يا مهند يا بلاش ...كل ده تفاهة وقلة عقل وضد ما تربينا عليه ..
لو اهتم الناس بالدين والاخلاق ..مش هنوصل للمرحلة دى ...
شكراااااااااااااااااا على الموضوع .. وربنا يوفقك ان شاء الله فى دراستك..
وفكرى فيها على انها سنة دراسية عادية .وان شاء الله تحققى احلامك ..

والله عندك حق حبيبتى فى كلامك
تقريبا الرومانسية اختفت فى اغلب البيوت المصرية
وبالنسبة لاحلام البنات فعلا تحسى انها تافهة جدا
وكأن اهم حاجة فى الزوج يكون شكله حلو وخلاص
اكيد الدين سبب رئيسى فى الموضوع ده

شكرا حبيبتى كتير على الدعوة
وربنا يخليكى ويوفقك

نقاء الروح

19-03-2011, 02:09 PM

Heartbeat

19-03-2011, 02:19 PM

مش هقدر أنكر اعاجبى بمعظم المسلسلات التركية

بس عادى يعنى

أنا لو فيه مسلسل عجبنى بحب أتابعه

حتى لو مسلسل هندى حتى

مع انى مش بحب الهندى

وبالنسبة للى اسمه مهند ده

مش عارفة اللى معجبين بيه
معجبين بيه على ايه
ليه دول حتى الهنود لذاذ جدا;)
بحب جدا اللغة الهندية

وبالنسبة للواد مهند ده
معرفتيش انتى انهم معجبين بيه
لانه رومانسى ووسيم (خيبة والله)
انا قولت لك اهو هم معجبين بيه على ايه
اى خدمة ياروحى:p

بس على فكرة انتى مش دعيتى لى:(

ملاك على الارض

19-03-2011, 02:27 PM

Mohamed.Helmy

19-03-2011, 02:32 PM

Heartbeat

19-03-2011, 02:34 PM

السلام عليكم ..

ليا تعليق اذا بتـــريدي :D

اتفضل
هو مانكـــــرش انى يعنى بتابع حاجات بسيطة كده .. يعنى كل اسبوع نص حلقة ولا حاجة :D

بس و الله احنا مهتمين اوي بالمسلسلات دي أكتر من الناس اللى في تركيا ..
دى بقيت ادمان شوية شوية
والمسلسلات المصرية هتنقرض

و مهنــــــد ده .. ياربنا على مهنـــد ..

و الله الواد ده الناس نفخته و اديته قيمة بزيادة اوي ..

و يا سلام تشوف البنات .. ايه ده مهنــــــــــد .. !!!!:o

و تلاقيهم هيعيطوا .. و بصوت رقيق كده .. " زي القمر " :bosyht9:

بشوفهم بعينى فى المدرسة
ههههههههههههههه..

طبعا فى بنات عادي يعنى عارفة ان هو انسان و مش مجنونة بيه كده ..

بس و الله تخيلوا ان فى تركيا هما مش مهووسين بيه كده زي ماحنا عاملين ..

يعنى هناك عادي حيالله ممثل .. جميل اه بس عادي يعنى مخلقش نفسه و بعدين فيه اجمل منه بكتير فى مصر ..
الجمال مش مقياس اطلاقا

تخيلو مثلا لو أحمــــد عز عمل مسلسل و اتعرض فى الصومال مثلا ..
هيقولوا ايه ده احمـــــــــــــــد عــــــــــــــــز ؟؟:o
و هيتجننوا عليه برضه .
مع ان احنا شايفينه ممثل جميل و كويس بس مش خارق يعنى ..
اهو بالظبط كده هناك فى تركيا .. شايفين ان مهند ده عادي لكن احنا .. لالالالالالالا الواد زي القمر :D

--

ادينا مهنـــــد أكتر من حقه فى الرد :D

و المسلسل ماشاء الله تلاقي العيل الصغير فى بداية المسلسل عنده 10 سنين كده و ولد امور صغيور
فعلا والله حتى الاطفال بيتفرجوا على المسلسلات دى
اصلا اطفال اليومين دول مش بقوا اطفال
ربنا يستر على اللى جاى

تيي فى الحلقات الاخيرة تلاقيه بقى راجل كبير :D

تحس انهم بيعملوا المسلسل بقالهم 4 سنين

بيعدي عليهم صيف و راه الشتاء و راه صيف تاني وراه شتاء .. :bosyht9:

مش بيزهقوا؟

ههههههههههههههههه
والله عندك حق وتلاقى المسلسل ماشى على وتيرة واحدة
شويه يتخاصموا وشوية يتصالحوا
قرفونا
:D

و على رأي " تسابيح النجوم "

مالها المسلسلات الكورية :D

و الله انا تابعت مسلسل كوري 30 حلقة تقريبا و كان حلو جدا ..

اسمه - قصــة حب حزيــــــنة -

هو اه لغة عربية دوبلاج تلاقي بيتكلم يقولك : سأناااال منـــك هاييين -

هايين دي اسم البطلة :D

ههههههههههه
اه عارفه المسلسل ده كنت بتفرج عليه زمان
المهم ما علينا يعنى علشان انا طولت اوي فى الرد .. ده بقى توبيك مش كومنت :D

بس اللى انا عايز اقوله ان احنا بنفخم الناس دي اوي و هما ممكن يكوانوا مش يستاهلوا كده و هما اساسا مش بالقيمة دي فى بلدهم

و ربنا يهدي بقى و مسلسل العشق الممنوع ده يخلص .. صدعونا بجد ..
صراحة احقر مسلسل على وجه الارض
هيخلص ان شاء الله
بس بعد الحلقة ال500 لما يجيبوا لنا شلل:blush:
و فى النهاية ^^

يارب يا حبيبة تجيبي 99.1 %

معرفش الواحد من عشرة ده ليا بس يارب تيجي كده و خلاص :D

دعواتكم ^^

شكرا ليك يا محمد على المشاركة الطويلة:p
قصدى الجميلة:)
وشكرا جدا على الدعوة
حلو رقم واحد بتفاءل بيه
وربنا يجحك ياااااااااارب السنة دى

عاشق البلانكو الابيض

19-03-2011, 02:36 PM

Hopeful Girl

19-03-2011, 04:00 PM

ليه دول حتى الهنود لذاذ جدا;)

بحب جدا اللغة الهندية

وبالنسبة للواد مهند ده
معرفتيش انتى انهم معجبين بيه
لانه رومانسى ووسيم (خيبة والله)
انا قولت لك اهو هم معجبين بيه على ايه
اى خدمة ياروحى:p

بس على فكرة انتى مش دعيتى لى:(

معاكى حق

فعلا خيبة

بالنسبة للهندى
بحبه

بس مش أوى

واسفة انى نسيت ادعيلك

ربنا معاكى يااااااااااااااارب

وتحققى حلمك

Heartbeat

19-03-2011, 04:39 PM

يخربيت حزب اعداء النجاح يا جماعة محدش قال مهند ده خرافة لكنه ممثل جيد وواخد جايزة احسن ممثل السنة دى وايه يعنى اما يقدموا حاجة رومانسية تخفف عن الناس الهم اللى عايشينه ويمكن نتعلم منها وتبقى حياتنا افضل وبعدين المسلسلات ديه فيها قصص وليها هدف يعنى واحد عامل علاقة مع مرات عمه بس النهاية مؤلمة عشان محدش يعمل كده وفى مسلسلات ليها هدف تانى زى وادى الذئاب ممتع جدا وفى مسلسلات فيها اعراف ودين واصول زى سيلا وانا اقسم بالله فى هذه اللحظات بحمل فيلم وادى الذئاب فلشطين واتمنى منكم تشوفوه وتعرفوا ان الاتراك حاسين بمشكلة فلسطين اكتر مننا
صراحة ليا كذا تعليق على رد حضرتك
ايه حزب اعداء النجاح ده .......جديد الصراحة
تعرفى هو فعلا نجاح ليهم هما وللقنوات اللى بتعرض المسلسلات دى
لكنه فشل لينا احنا اللى بنتباعهم وبنحاول نقلدهم
فشل فى كل حاجة
واولهم الحياة الزوجية
تعرفى انه كان فى حالات طلاق بسبب المسلسلات دى

لعلمك الحاجة الرومانسية اللى حضرتك بتقولى عليها دى
مش بتخفف الهم زى ما بتقولى
دى بتزوده اكتر

مبقاش الا دول كمان اللى هنتعلم من حياتهم ونحاول نقلدها
بدل ما نتعلم من حياة رسولنا الكريم ونحاول بقدر الامكان نطبقها
غريبة دى شوية

وبالنسبة للهدف انا شايفة انها مش ليها اى هدف
كل المسلسل تلاقى ده بيحب دى وهى مش عارفه
ودى بتحب ده وهو مش عارف
ومفيش اهداف تانية غير الهيافة

يارب ارحمنى

شكرا لكى على المرور

EZEL coming

19-03-2011, 06:23 PM

Mr. Ali 1

19-03-2011, 09:46 PM

مليش فيهم خالص يا حبيبة
لا تركي ولا مكسيكي ولا حتي مصري
فقط التاريخي أو الديني السوري وبعض الأجنبي .
بصراحة مش عارف اللي يكون قاعد ومراته أو بنته اللي طوله
أو أطول منه وقاعدين مغرمين بمهند أو غيره وبيعيطوا عليه
وهو قاعد زي الطرطور , دا ان معيطش معاهم كمان !!
أدعيلك ازاي يا حبيبة تجيبي 97.5% وكحد أدني كمان ؟!! :angry2::angry2:
أول مرة أشوف طالبة بتشحت المجموع وبتحدده كمان :blush::blush:
يا رب يا حبيبة تجيبي 50% ( هو دا اللي عندي )
ينفع ولا أسحب الدعوة :stickjo4::stickjo4:

Heartbeat

19-03-2011, 10:25 PM

بس على فكره فى مسلسلات تركى حلو اوووى وفيها فكره او قصه معينه متقالتش فى المسلسلات المصرىة

بس انا بعشق المسلسلات الاسبانى والمكسيكى
صراحة مش شفت مسلسل تركى قصة زى ما بتقولى لحد دلوقتى
بس طبعا رأيك يحترم حبيبتى

شكرا لكى على المرور

Heartbeat

19-03-2011, 10:29 PM

المسلسلات التركية تاني ؟ :o

انا قلت ربنا تاب علينا منها
دانا كنت بيجيلي صداع من كلام البنات فالمدرسة
والحلقة وعملوا وشفتي ومهند ونور ويحيى ولميس
يالله ..
دا بئا زي الادمان للاسف وكلو كلام فاضي
بيلعب على الوتر الحساس فكل بيت !!
بس فيه حاجة محيراني الكل بيقول على مهند حلو اوي وامور والخ
وانا شايفه مش اد كدا ..
تعتقدوا نضارتي عاوزة تتغير مثلا ؟! :d:blush:

شكرا ياحبيبة عالموضوع الجميل
وربنا يهدي عباده ..

وربنا يوفقك وتجيبي المجموع العالي ال نفسك فيه يارب

مش تحتارى ياروحى
لأ نضارتك مش عايزة تغيير ولا حاجة
دى فلة:)
بس هما البنات اليومين دول تقريبا جالهم حول وشوح:rolleyes::blink: مع بعض
ربنا يشفيهم يارب

شكرا ليكى على المشاركة الجميلة
وعلى الدعوة الاجمل

Heartbeat

19-03-2011, 10:42 PM

مليش فيهم خالص يا حبيبة
لا تركي ولا مكسيكي ولا حتي مصري
فقط التاريخي أو الديني السوري وبعض الأجنبي .
احسن برده ان حضرتك مش بتتفرج عليهم وياريت متفكرش تتفرج;)
ما هما برده اغلب الرجال مش بيتفرجوا عليهم
الستات هما اللى بيتفرجوا وبعدين بينكدوا على الرجال:angry2:
بابا برده بيتفرج على المسلسلات التاريخية
بصراحة مش عارف اللي يكون قاعد ومراته أو بنته اللي طوله
أو أطول منه وقاعدين مغرمين بمهند أو غيره وبيعيطوا عليه
وهو قاعد زي الطرطور , دا ان معيطش معاهم كمان !!
عند حضرتك حق والله
حاجة تكسف:blush:
أدعيلك ازاي يا حبيبة تجيبي 97.5% وكحد أدني كمان ؟!! :angry2::angry2:
أول مرة أشوف طالبة بتشحت المجموع وبتحدده كمان :blush::blush:
يا رب يا حبيبة تجيبي 50% ( هو دا اللي عندي )
ينفع ولا أسحب الدعوة :stickjo4::stickjo4:
يا مستر انا قصدى السنتين مع بعض
اجيب 97,5% مش تالتة بس
على طول حضرتك فاهمنى غلط كده
لأ ربنا يخليك يا مستر مش تسحبها خليها زى ماهى:)
وممكن تزود عليها لو تحب:o

Heartbeat

19-03-2011, 10:55 PM

Heartbeat

19-03-2011, 11:16 PM

معاكى حق

فعلا خيبة

بالنسبة للهندى
بحبه

بس مش أوى

واسفة انى نسيت ادعيلك

ربنا معاكى يااااااااااااااارب

وتحققى حلمك
مش تتأسفى حبيبتى عادى
ولا يهمك
ما هو فى ناس كتير دخلوا ومش دعولى:(
بس انا مسمحاهم:)
ممكن يكونوا نسوا برده:blush:

Hopeful Girl

20-03-2011, 12:11 AM

بس انتى أكيد عارفة

انى بدعيلك من قلبى

حتى بدون ما اكتبها

لأنك دايما فى بالى

Heartbeat

20-03-2011, 12:16 AM

بس انتى أكيد عارفة

انى بدعيلك من قلبى

حتى بدون ما اكتبها

لأنك دايما فى بالى

ربنا يخليكى ليا حبيبتى
وانا والله بدعى ليك وانا بصلى على طول
وبدعى لكل طلبة البوابة هنا
لانى بحبهم بجد:)

وان شاء الله الاجازة تيجى ونقطع بعض رغى:friendsxs3:

yara attia

20-03-2011, 01:42 PM

انا عن نفسي مش بتفرج علي المسلسلات التركية غير نور و ميرنا وخليل والعشق الممنوع بس

اي نعم مهند هو البطل بس والله انا مش بحبه بحس انه مايص كده يا بواااااااااااااخة

ودعوتي قبل اما امشي

ربنا يوفقك يا قمر يارب

وتجيبي 101 من 100 بس هههههههههههههههههههههه

لا بجد يارب تجيب 99 يارب واكتر لو في

تقبلي مروري ورغيي الكتير

ملاك على الارض

20-03-2011, 05:02 PM

ياجماعة مش كل المسلسلات التركية وحشة فى مسلسلات حلوة وفيها قصة وعبرة زى كان فى مسلسل اسمة وادى الذئاب دة بيكلم عن المافيا وفلسطين واسرائيل ولكن ليس تافة وفى مسلسل ايضا اسمة ايزال ايضآ دة قصة بيكلم عن خيانة الاصدقاء ومع كل ذلك فى مسلسلات تافهة وليس لها اى معنى اما مهند انسان مثل باقى البشر وهو ليس شيى من جمال رسول الله محمد صلى الله علية وسلم او سيدنا يوسف علية السلام

اهو مش انا لوحدى اللى شفت مسلسلات محترمة زى وادى الذئاب او ايزل او سيلا وبعدين يا جماعة انتو قدمتوا النصيحة او اللى انتو شايفينه نصيحة واحنا نتقبل او لا وبعدين الحساب عند ربنا
وانا شفت فى المسلسلات اللبنانية والسورية العجائب اللى مشفتوش فى اجدع مسلسل تركى وفى النهاية انا عندى راى وحضراتكم راى والاختلاف فى الراى لايفسد للود قضية
وبعدين الناس اللى بتتكلم عن حالات الطلاق ده بيحصل مع ناس عقولها بايظة اللى يطلقوا علشان مسلسل دول هما اللى تافهين مش ابطال المسلسل وبعدين واحد بيتفرج على تركى والتانى مكسيكى والتالت عربى وغيره دينى بوليسى وغيرها وبعدين يعنى هما المصرييين اللى عدلين محدش سمع عن فيلم مصرى يا اخوانا اسمه بون سواريه ولا لسا موصلكوش ده وحش فى غيره مصرى حلو انتوا مثلا معجبكوش نور شوفوا ميرنا وخليل هههههههه كل واحد ينام على الجنب اللى يريحه ولولا اختلاف الاذواق لبارت السلع وانا ادعوكم لمشاهدة فيلم وادى الذئاب فلسطين بغض النظر عن جنسيته ولو مش عاجبكوا مهند شوفوا محمد عاكف بطل مسلسل سيلا وعلى فكرة ده من المسلسلات المحترمة وياريت نتقبل الرأى والرأى الاخر:022yb4::022yb4::022yb4::022yb4:

H.H.KH

22-03-2011, 12:31 PM

اكيد فيه مسلسلات تركية وحشة وتافهة وفى مسلسلات حلوة
ومش شرط كل اللى بتابع تبقى هتتبل على مهند ديه تبقى بنت تافهة ومراهقة لسة...........انا عن نفسي بحب بعض المسلسلات التركية وبتابعها ابقى انا كدة خلاص تافهة _زى ما بعض الاعضاء قالوا فى ردودهم _ انا بتفرج كنوع من التسلية مش اكتر زى ما فى ناس بتحب المسلسلات المصرية
وانتى كنتي بتسألى ليه كتير بيتشد للمسلسلات التركى ....عن نفسي بتشدلها عشان قصصها بتكون غريبة شوية ومشوقة عن المسلسلات المصرى يعنى لو اتفرجتى على حلقة متقدريش تفوتى اللى بعدها _طبعا مش كل المسلسلات _
كفاية كدة عشان طولت.......وبشكرك على موضوعك:)

مصري وافتخر 2011

22-03-2011, 03:31 PM

والله موضوع ممتع