السلام عليكم..
اتقدم بإقتراح للاستاذة الفاضلة aleman مشرفة منتدى الصحة النفسية بانشاء موضوع للمشاكل النفسية والصعوبات التي تواجهنا في الحياة وتحليل تلك المشاكل من الناحية النفسية .. واعطاء العلاج النفسي لكل مشكلة يتم عرضها على حدة .. وليكن موضوع (عيادة النفسية )
او الاستشارة النفسية

لان ذلك سيثري المنتدى .. ويزيد من تفاعل الاعضاء .. ويحل كثير ممانعانيه نفسيا ..وحتى لايصبح المنتدى مجرد موضوعات اكاديمية.. ولكن لخدمتنا على ارض الواقع.. وكذلك يصبح انفرادا للمنتدى بوجه الخصوص والبوابة بوجه عام ..

الرجاء الرد على المقترح حال الامكان
وجزاكم الله خيرااااا

السلام عليكم
اخى الفاضل
الموضوعات التى تشير اليها فعلا هى قلب منتدى الصحة النفسية
فالمنتدى يتكلم فى كل شئ صحة الاسوياء قبل غير الاسوياء
(وليس مجرد كلام اكاديمى فقط)
فالكلام الاكاديمى موجه لمن يدرس المجال(مجال الصحة النفسية عامة ومجال ذوى الاتياجات الخاصة خصوصا)
لذا لابد من الاسهاب به مع ذكر مصادره ونقله كما هو ليفيد الدارسين له
وهذا يعنى ان كل الكلام ليس بالضرورة ان يكون مفهوم للعامة او للمهتمين بالقسم فقط
بل دارسى المجال سيفهمونه كما هو
اما باقى المواضيع فاعتقد انها مبسطة لتسهيل فهمها لكل المهتمين بالمجال
وفعلا لو اطلعت على مواضيع القسم كلها لرأيت انها تحاول ان تشمل كافة المشكلات الحياتية مع محاولة منا لحلها
(وهذا طبعا نظرا لحداثة تواجد المنتدى فى منتديات الثانوية العامة فالاقبال عليه مازال فى طور النشأ)
مع الشكر

لماذاحياتى مليئه بالمشاكل؟

كم مره شعرت ان حياتك مليئه بالمشاكل ؟
كم مره حدث ان شعرت ان حياتك غير مرتبه بل و فى حاله يرثى لها؟
كل الناس عرضه لتلك اللحظه فى حياتهم, الغنى و الفقير , القوى و الضعيف و لكن هناك نوعيه معينه من الناس لديها مناعه لتلك الحاله و لذا فهى لا تصيبهم بتاتا. هذه النوعيه من الناس هم من يقولون لا.


لماذا أعانى؟

المعاناه و الشعور بالحزن قد ياتوا الينا دون ان نرغب فيهم و لكن بعض الناس تستسلم لتلك المشاعر و البعض الاخر يبذل ما فى وسعه حتى يتخلص منهم.
بعض الناس يظن ان الله ان اصابهم بهم او مشكله انه كتب عليهم الحزن فى حين ان الاخيتار يكون لك بأن تستسلم او ان تحاول الخلاص من تلك المشكله
الكثير من الناس يعانون لانهم يرفضوا ان يتحركوا و يحاربوا مشاكلهم
اذا اردت ان تعيش سعيدا فعليك ان تعرف كيف تقول لا

قل لا

حينما تواجهك تلك اللحظه و حينما تجد ان كل شىء يسير عكس مشيئتك فقل لا. قل لا للضعف و فقد الامل
-قل لا لشعورك بأنك ضحيه او مكتوف الايدى
-قل لا لليأس و الاحباط و ضعف الايمان
-قل لا للموقف الذى جعلك تشعر بالحزن
-قل لا لقله الحيله عن طريق تعلمك مهارات جديده .

-قل لا للحالات النفسيه السئيه عن طريق تثقيف نفسك فى الصحه النفسيه
-قل لا للاحباط عن طريق وضع خطه و البدء من جديد
-قل لا لمشاكلك عن طريق العزم على حلها.
مقوله لا ليست مجرد عباره تنطقها حينما تشعر بالحزن و لكنها اسلوب حياه.

ما الذى يسبب الخوف و الفوبيا؟

قد يظن اى شخص انه يجب ان يتعرض لتجربه مفزعه مع شىء معين حتى يبدأ فى الخوف منه.
فمثلا قد نظن ان الطفل لن يبدأ فى الخوف من الظلام قبل ان ينغلق الباب فجأه على الطفل و هو فى غرفه مظلمه مما يجعله يربط خوفه من صوت الباب بالظلام. و رغم ان هذا الكلام كله صحيح تماما الا ان هناك بعد اخر لموضوع الخوف.
نحن نتعلم الخوف

تم وضع قرد امام ثعبان و تم التأكد ان القرد لا يخاف من الثعبان و لا يبدى له اهتمام ثم تم احضار الثعبان مره اخرى و لكن مع اصدار اصوات عاليه مخيفه اخافت القرد.
بعد ان حدث هذا عده مرات اصبح القرد يخاف من الثعبان. و هذا يؤكد النظريه الاولى.
الشىء الغريب هو انه حينما تم احضار القرد الذى يخاف من الثعبان اما قرد لا يخاف من الثعابين و شاهد القرد الثانى الاول و هو خائف اصبح القرد الثانى يخاف التعابين ايضا!!
اى ان الاب الذى يبدى الخوف من موقف امام ابنه الصغير فانه يعلمه ان يخاف من ذلك الموقف دون ان يدرى!!


توقف عن تعلم الخوف

على مدار عمرنا نقابل اشخاص مختلفين كل منه له مخاوفه الخاصه. منهم من يخاف من الكلاب, من يخاف من الحيوانات, من يخاف من المخاطره, من يخاف من الناس و من يخاف من الحياه نفسها. أن ظللت تتعلم المخاوف من مختلف الاشخاص فسينتهى بك الحال ان تصبح خائفا من كل شىء غير قادر على مواجهه حياتك.
حان الوقت ان تكف عن تعلم الخوف ممن حولك حتى لايؤثر ذلك على حياتك بالسلب.

تم انشاء موضوع عيادتك النفسية عندنا كما اقترحت اخى الفاضل
جزاك الله كل خير
ارجو المشاركة الفعالة من كل ما لديه اى مشكلة او اى تساؤل
هنا
فى هذا الموضوع
سنحاول ان نتشارك ونفضفض لبعض
متقولش مشكلتك ما ليها حل
كل مشكلة باذن الله لها اكثر من حل

التكبر وسيله دفاعيه للعقل الباطن

التكبر هو وسيله دفاعيه يستخدمها العقل الباطن لتعويض بعضا من الشعور بالاهميه الذى فقده الشخص حينما لم يهتم به اناس اخرون كان يسعى الى اهتمامهم.
اذا كان هناك شخص يحاول مصادقه جماعه معينه من الناس يراهم افضل منه ثم لم يعطوه اهتمام فعلى الارجح سيشعر ذلك الشخص بقله قيمته.
فى هذه الحاله اذا كان الشخص غير سوى فان الوسيله التى يجدها مناسبه لتعويض ذلك الشعور هى ان يتكبر على من يراهم اقل منه. لاحظ استخدامى لكمه "يراهم" لانها تعنى ان الشخص يعتقد ان بعض الناس اقل منه بدون ان يكون ذلك حقيقيا.
لماذا يوجد اناس مغرورين و متكبرين؟

فى هذه الحاله يبحث الشخص على اناس يبدون اقل منه فى اى شىء مثل المستوى الجتماعى, الثقافى, الجمال او الذكاء ثم يبدأ فى التحقير من شأنهم و التعامل معهم بتكبر . حينما يجد عقل ذلك الشخص ان هناك من هم اقل منه يبدأ ان يشعر ببعض الاهميه التى فقدها.
طبعا حينما يقابل ذلك الشخص المتكبر الاناس الذين لم يعطوه اهميته فانه يشعر بقله قيمته مره اخرى و يبدأ دوره جديده من التكبر!!

جزاكم الله خيرا
وجعلة الله في ميزان حسناتكم

جهدكم رائع وبارك الله فيكم
وليا سؤال :
هل الشخصية التي تحب التميز شخصية مريضه؟
بمعنى هناك شخصية لاتعرف ان تكون شخصية عادية بل تحتاج ان تكون قيادية ..واقول قيادية
وليست تسلطية .. هل ذلك متعلق بجوانب نفسيه للشخصية .. ارجو الافادة

والله كل اقتراحاتك يامستر علي جميله ما شاءء الله ما بتفوتش حاجه كده ومش بتضيع وقت
ومشكوررة ايمان انها ثبتت الموضوع
كلنا اكيد حياتنا فيها اي مشاكل ولا تخلو......
انا عن نفسي لما اواجه مشكلة مش بحب اطلع حد عليها : لكن في نفس الوقت مش بحب اكلم حد وانا مضايقة لاني ممكن اتعصب عليه
او اخد جنب كده في البيت لحد م اروق
او ابكي شويه
وكمان انا فعلا عايزة حد يسمعني وها فضل اتكلم لبكره لكن مش بثق في اي حد بسهولة مش عارفه بقي العيب فيا ولا ايه

لكن الغريبه ان معظم زمايلي بيحكولي علي مشاكلهم ونحاول نحلها : يمكن لانهم متزوجات وعندهم مشاكل اكتر
وبيفكروا ان الناس اللي مش مرتبطة خاااااااليه من المشاكل

يااااااااااااااااه ايه ده كله اللي انا كتبته ده.........
معلشي طولت عليكواااااااااا
بس ما خلصت والله كلامي ياتري حد هيسمعني!!!!!!!!!!

والله دة كان سبب رئيسي في هذا الاقتراح .. ان كل واحد يحاول عرض بعضا من المشاكل التي يعانيها ونحاول نشوفلها حلول من الناحية السيكولوجية ..وهذا سيزيد من تفاعلنا في منتدى الصحة النفسية بشكل كبير
خاصة ومتهيألي ان نسبة كبيرة جدا لامننا لاتخلو من المشاكل .. وبعرض تلك المشاكل واسبابها وعلاجها كلنا هنستفيد مع الحفاظ على خصوصية صاحب المشكلة اكيد..


وبمناسبة المشاكل انا بقى مبعرفش اتحكم في انفعلاتي الوجدانية .. يعني لما احب صاحبي احبه جداااا بكل مشاعري ..فمبعرفش أجزأ الانفعالات الوجدانية بتاعتي .. فهل دة مرض .. وهل ليه علاج .. ولا دة صحي وكويس ... مش عارف ..

ياريت حد يجاوبني

[quote=ريهمسة;3285048]والله كل اقتراحاتك يامستر علي جميله ما شاءء الله ما بتفوتش حاجه كده ومش بتضيع وقت
ومشكوررة ايمان انها ثبتت الموضوع
كلنا اكيد حياتنا فيها اي مشاكل ولا تخلو......
انا عن نفسي لما اواجه مشكلة مش بحب اطلع حد عليها : لكن في نفس الوقت مش بحب اكلم حد وانا مضايقة لاني ممكن اتعصب عليه
او اخد جنب كده في البيت لحد م اروق
او ابكي شويه
وكمان انا فعلا عايزة حد يسمعني وها فضل اتكلم لبكره لكن مش بثق في اي حد بسهولة مش عارفه بقي العيب فيا ولا ايه

لكن الغريبه ان معظم زمايلي بيحكولي علي مشاكلهم ونحاول نحلها : يمكن لانهم متزوجات وعندهم مشاكل اكتر
وبيفكروا ان الناس اللي مش مرتبطة خاااااااليه من المشاكل

يااااااااااااااااه ايه ده كله اللي انا كتبته ده.........
معلشي طولت عليكواااااااااا
بس ما خلصت والله كلامي ياتري حد هيسمعني!!!!!!!!!!


كلامك جميل يا ريهمسة
فعلا احنا الان مستودع لاسرار البيوت من زميلاتنا المتزوجات والاكبر سنا منا
فعلا يعتقدوا
بل ومتأكدين
اننا لسه مافى مشاكل بحياتنا
بس للاسف كل واحد له اسراره اللى ميحبش حد يطلع عليها
كل واحد له همومه اللى ميحبش يشاركها لحد
وعلى فكرة ده احسن
وانا بقول الكلام ده عن تجربة
حيث كان لى صديقة اكثر من اخت
من ايام الكلية وعشرة عمر
للاسف اكتشفت من فترة قليلة انها تكن لى كل شر وحقد
ففعلا
الصديق قبل الطريق

والله دة كان سبب رئيسي في هذا الاقتراح .. ان كل واحد يحاول عرض بعضا من المشاكل التي يعانيها ونحاول نشوفلها حلول من الناحية السيكولوجية ..وهذا سيزيد من تفاعلنا في منتدى الصحة النفسية بشكل كبير
خاصة ومتهيألي ان نسبة كبيرة جدا لامننا لاتخلو من المشاكل .. وبعرض تلك المشاكل واسبابها وعلاجها كلنا هنستفيد مع الحفاظ على خصوصية صاحب المشكلة اكيد..


وبمناسبة المشاكل انا بقى مبعرفش اتحكم في انفعلاتي الوجدانية .. يعني لما احب صاحبي احبه جداااا بكل مشاعري ..فمبعرفش أجزأ الانفعالات الوجدانية بتاعتي .. فهل دة مرض .. وهل ليه علاج .. ولا دة صحي وكويس ... مش عارف ..

ياريت حد يجاوبني


للاسف ناس كثيرة كده
ودى مشكلة
عدم التحكم فى الانفعالات الوجدانية مسألة خطيرة لانها بتأذى الشخص نفسه وتخليه اللى بيعرفش يرد عليه للاشخاص بره
يكبته فى نفسه ويحزنه
مما يؤدى لتكوين مشاعر وتراكم مشاعر الاسى والحزن داخل الشخص
خاصة لو الشخص اللى مضايقك صديق عمرك مثلا
بتتحرج تواجه

والحل الصحيح لذلك هو المواجهة

جهدكم رائع وبارك الله فيكم
وليا سؤال :
هل الشخصية التي تحب التميز شخصية مريضه؟
بمعنى هناك شخصية لاتعرف ان تكون شخصية عادية بل تحتاج ان تكون قيادية ..واقول قيادية
وليست تسلطية .. هل ذلك متعلق بجوانب نفسيه للشخصية .. ارجو الافادة

الشخصية التى تحب التميز شخصية ليست مريضة
اه كثير من اصحاب هذه الشخصية لازم يتملكهم حب التملك والتفرد وجزء من الانانية التى قد تصبح مرضية
الا انها شخصية لابد من وجودها
وهى تميز صاحبها بشكل كبير
خاصة اذا كان أد هذا التميز

الشخصية التى تحب التميز شخصية ليست مريضة

اه كثير من اصحاب هذه الشخصية لازم يتملكهم حب التملك والتفرد وجزء من الانانية التى قد تصبح مرضية
الا انها شخصية لابد من وجودها
وهى تميز صاحبها بشكل كبير
خاصة اذا كان أد هذا التميز


هناك فرق كبير بين التميز الواقعى و التميز الافتراضى..الاول مبنى على العمل و المؤهلات والثانى قائم على مجرد المشاركات مثل المنتديات و حب الظهور و هذا من الرياء والله اعلم..وقد قرأت مقالة اعجبتنى وكان عنوانها" هل المنتديات تعلمنا النفاق الاجتماعى؟"
ومضمونها ان اعضاء المنتديات يكتبون و يتحاورون بمنطق قد يختلف عن تصرفاتهم و سلوكياتهم الواقعيه..فهنا اخى واختى وبارك الله لك و بارك فيك
وفى الشارع والعمل يعلم الله كيف يكون التصرف...وحدث ولا حرج عن المجاملات فى التعليقات على مشاركات الاعضاء سواء كان شاب او فتاه..........فالمنتديات عموما بها جزء كبير من ارض النفاق

فعلا كلام صحيح يا مروة
للاسف كثير من الناس يتصرفون بالمنتديات تحت مسمى اسم وهمى يتداروا ورائه
وفى الحقيقة هم سيئى الطباع
وفى الحقيقة والله
عارفة فى الماستر قابلنا شخصيات كثيرة كده
خاصة صاحبى التملك واللى يحبوا التقرب للدكاترة على حساب الغير واعمال الغير
تلاقى رئيسة المجموعة هى اللى ليها علاقة بالدكاترة وتاخد جهد المجموعة تنقله باسمها للدكاترة
ربنا يرحمنا والله

اقتراح جميل ان يكون فى عيادة نفسية .........والاجمل انك تلاقى فيها حد يسمعك.........والاروع ان يكون فى حد يساعدك فى حل مشكلتك
ربنا يبارك فى مجهودكم جميعا ويجعله فى ميزان حسناتكم
ومن هنا ورايح لازم بقى نقول لحضرتك دكتور إيمان ..........وفقكم الله واعانكم

متشكرررة ياايمان لردك
لو انا عندي شويه حكاية الخوف دي زايده مش عارفه ليه بخاف اووووي بشده لما :
اواجه حد لاول مره مش عارفاه
تحمل مسؤلية شئ مهم جدااا مع اني الحمد لله مشهود لي باتقاني وشطارتي في العمل وحب الناس وده من فضل ربي
كمان بخاف من الاقدام علي خطوة جديده في حياتي


حاجه تانيه معلشي ياايمان بتعبك
عندي حب الاستطلاع عالي هو ده عيب ولا ايه
برده معنديش مشكله ان حد ينقدني بس ما ينساش مميزاتي ده عيب برده!11111

هل استطيع ان انقل مشكلات بعض من اصدقائى وتقومين يا دكتور ايمان بتقديم النصح

هل لديك مانع فى ذلك؟؟؟ أرجو الا اكون مزعج.....
تقبلى مشاركتى

مشكوووووووورة جدااااا اختي الايمان

متشكرررة ياايمان لردك
لو انا عندي شويه حكاية الخوف دي زايده مش عارفه ليه بخاف اووووي بشده لما :
اواجه حد لاول مره مش عارفاه
تحمل مسؤلية شئ مهم جدااا مع اني الحمد لله مشهود لي باتقاني وشطارتي في العمل وحب الناس وده من فضل ربي
كمان بخاف من الاقدام علي خطوة جديده في حياتي


حاجه تانيه معلشي ياايمان بتعبك
عندي حب الاستطلاع عالي هو ده عيب ولا ايه
برده معنديش مشكله ان حد ينقدني بس ما ينساش مميزاتي ده عيب برده!11111




الخوف ده عنصر اساسى بحياتنا
اللى ميخفش يبقى انسان مش طبيعى
الخوف من الاقدام على الجديد ده للاسف بيبقى عيب فى الشخصية الخجولة
بمعنى انك ممكن تكونى متميزة فى عملك بشدة والكل يحبك ويشهد ليكى
لكن للاسف جواكى شخص خايف قلقان من اى خطوة يخطيها
من اى جديد يقوم به
عارفة انا بقولك كده ليه؟ مش لانى دارسة الكلام ده لا
لانى زيك بالضبط

اما عن حب الاستطلاع ده كويس
لانه هينمى شخصيتك ويخليكى دارية باللى حوليكى كويس

ربنا يكرمنا بجد

الأول مبروك عليكى المنتدى يادكتورة ايمان
وفكره حلوة منك ياعضاضلى .. مش جديدة عليك

هدخل بقا فى الموضوع علطول

سؤال
موقف قديم مر مع أحد أصدقائى مدرس تربية رياضية
" فى حوار مع موجهة التربية الرياضية الأولى الخاصة بتوجيه البنات"
طلبت منه تدريب مجموعة من البنات 20 طالبة
فى اللياقة البدنية باحدى مدارس البنات
لتجهزيهم لمسابقة على مستوى الجمهورية بحكم خبرته

صاحبنا بالله رفض الموضوع عشان مبيحبش تدريب البنات من الآخر
لكن فى النهاية وافق عشان مبيحبش يزعل حد

طبعاً بدأ يروح المدرسة للتدريب فترة الصبح
وكان بيساعده أى واحدة من المدرستين الموجودين بالمدرسة وقتها.
وبيروح مدرسته هو فترة مسائية

كان فى داخله
ان دى مساعدة منه مش أكتر

وانا كنت عارف دا كويس ومتأكد منه لانه صديق قريب منى جدا
رغم ان صداقتنا من الجامعة لكنها صارت أكتر من الاخوات

خفت عليه لانى عرفت ان واحدة من المدرسات الموجودين بالمدرسة "مدرسة تربية رياضية" مش كويسة
والله أعلم بذلك لكن دا مجرد كلام سمعته

فعارضته فى الموضوع دا
وأنا على يقين تام بنيته وما كان بقوم به
وهو العمل لا أكثر ولا أقل

كان يرد ويقول انا مليش دعوة لابيها ولا بغيرها
كل اللى بينى وبينهم الاتنين شغل مش أكتر
ومبعملش حاجة غلط
موقف وهكمله للنهاية

للأسف بدأت المدرسات تتكلم عليه هو واسمها ايه
وطالبة ما ذكرت انه خطيب الأبلة اسمها ايه
حاجة كانت هتخلى الواحد يتجنن

السؤال هنا

ياترى انا كنت غلطان لما عارضته انه يساعد فى موضوع التدريب دا
لكن اديكو شفتو النتيجة

ولا هو أخطأ لما قبل تدريب الفريق
مع انى عارف ومتأكد انه كان بيروح للتدريب فقط ليس إلا

ولا دى غلطة مجتمع مبقاش يعرف معنى الانسانية

ولا غلطة مين بالظبط

..... انتهت رسالتى .....

الموضوع طويل حبتين انا عارف معلش

يلا بقا يادكتورة شدى حيلك
..............

هل استطيع ان انقل مشكلات بعض من اصدقائى وتقومين يا دكتور ايمان بتقديم النصح

هل لديك مانع فى ذلك؟؟؟ أرجو الا اكون مزعج.....
تقبلى مشاركتى





السلام عليكم
اكيد طبعا كلنا هنرحب بمشكلات اصدقائك وباذن الله نتحاور ونجد حلول ليها باذن الله
مشكور للمرور

الأول مبروك عليكى المنتدى يادكتورة ايمان
وفكره حلوة منك ياعضاضلى .. مش جديدة عليك

هدخل بقا فى الموضوع علطول

سؤال
موقف قديم مر مع أحد أصدقائى مدرس تربية رياضية
" فى حوار مع موجهة التربية الرياضية الأولى الخاصة بتوجيه البنات"
طلبت منه تدريب مجموعة من البنات 20 طالبة
فى اللياقة البدنية باحدى مدارس البنات
لتجهزيهم لمسابقة على مستوى الجمهورية بحكم خبرته

صاحبنا بالله رفض الموضوع عشان مبيحبش تدريب البنات من الآخر
لكن فى النهاية وافق عشان مبيحبش يزعل حد

طبعاً بدأ يروح المدرسة للتدريب فترة الصبح
وكان بيساعده أى واحدة من المدرستين الموجودين بالمدرسة وقتها.
وبيروح مدرسته هو فترة مسائية

كان فى داخله
ان دى مساعدة منه مش أكتر

وانا كنت عارف دا كويس ومتأكد منه لانه صديق قريب منى جدا
رغم ان صداقتنا من الجامعة لكنها صارت أكتر من الاخوات

خفت عليه لانى عرفت ان واحدة من المدرسات الموجودين بالمدرسة "مدرسة تربية رياضية" مش كويسة
والله أعلم بذلك لكن دا مجرد كلام سمعته

فعارضته فى الموضوع دا
وأنا على يقين تام بنيته وما كان بقوم به
وهو العمل لا أكثر ولا أقل

كان يرد ويقول انا مليش دعوة لابيها ولا بغيرها
كل اللى بينى وبينهم الاتنين شغل مش أكتر
ومبعملش حاجة غلط
موقف وهكمله للنهاية

للأسف بدأت المدرسات تتكلم عليه هو واسمها ايه
وطالبة ما ذكرت انه خطيب الأبلة اسمها ايه
حاجة كانت هتخلى الواحد يتجنن

السؤال هنا

ياترى انا كنت غلطان لما عارضته انه يساعد فى موضوع التدريب دا
لكن اديكو شفتو النتيجة

ولا هو أخطأ لما قبل تدريب الفريق
مع انى عارف ومتأكد انه كان بيروح للتدريب فقط ليس إلا

ولا دى غلطة مجتمع مبقاش يعرف معنى الانسانية

ولا غلطة مين بالظبط

..... انتهت رسالتى .....

الموضوع طويل حبتين انا عارف معلش

يلا بقا يادكتورة شدى حيلك
..............






السلام عليكم
اولا الله يكرمكم بلاش دكتورة دى بتحسسنى انى كبرت فى السن جدا (ياريت استاذة فقط)

ثانيا وده المهم بقى
عن موضوع صديق حضرتك
حضرتك مغلتش ابدا ابدا اما نصحته
بالعكس لو مكنتش نصحته مكنتش تبقى صاحبه
بس فى حالة صحبك دى كانت فرصة ليه انه يدرب فريق بغض النظر عن انه بنات او اولاد بس فرصة لانه هيشارك فى حدث هام هيتذكر اسمه فيه
زائد انه طلبت منه الموجهه ذلك فلا يستطيع الرفض وترك الفرصة تروح لحد تانى او عشان ميزعلش حد
اولا واخيرا ده واجب وعمل
اللى حصل بالمدرسة للاسف بيحدث فى كل مدرسة
اى شخص مؤدب غير مرتبط اما يدخل مدرسة جديدة او عامة مجال عمل جديد
اسفة فى اللفظ بيبقى (صيدة) لكل واحدة عاوزة تزوج بنتها او قريبتها او لاى مدرسة عازبة بالمدرسة نفسها
وكثير كثير من المدرسات تفرض نفسها على مثل هذا الشخص خاصة لو عرفت انه مؤدب ومش هيكسفها
بس انا اعتب عليه انه المفروض اما حس انها مش كويسة او طبعا اكيد سمعتها سبقاها او كلام الناس عليها كده او هو لمس منها ذلك من تصرفاتها وحركتها
كان انسحب فورا او بمعنى اخر تجنبها وعاملها بجفاء او تجنب اى حوار بينهما او تواجد له معها وهزار وكده
وللاسف اكثر الفتيات فعلا ميهمهاش تعمل شوشرة على نفسها بحجة ان الشاب هيتكسف فيتقدم ليها عافية كده (لانه بكده يبقى طلعت عليهم سمعة وميردهوش الناس تتكلم عليها)
من الاخر بتبقى خطة مدبرة من جانب البنت لتصطاد الولد
واخيرا اقول لكل فتاه او فتى
اتقوا الله
احترمى دينك ليحترمك الله ويعزك
نصيبك هيجيلك ولو عملتى ايه
اللى كتبه ربنا (من قبل ما نتولد) هتشوفيه بموعده المحدد
والله الموفق
وياريت اللى عنده رد اخر يشاركنا الحوار

بااااااارك الله فيكي ياايمان والله بجد
متشكررررررة اووووووووي كمان والله بتفيدينا
وبالنسبه لردك لمستر احمد هو فعلا المفروض كان تجنب البنت دي من اول م نصحه لان فيه بنات دلوقتي ربنا يعافينا منهم
وفي كل مدرسه فعلا مشكله هتلاقي معلمه او معلم بيشتغلوا خاطبه يا ربناااااااااااا حاجه ممله بجد انا عندي ادارية ربنا يحفظناا بدخل نفسها في كل حاجه ياااااااااااااه ممله لو حكيت ايه مش هتصدقوا وكل متلمح حد جديد في المدرسة تبقي عايزه تخطبله او تخطبلها وكأنها ولية امرنا وتعقد تعرف سيرته وفي الاخر يطلع متجوز........

انا بقي يايمان فعلا خجوووووله جدا بس دلوقتي اقل من قبل ما اشتغل
اعمل ايه علشان مش عايزه ابقي خجوله انا عارفه ان الحياء من الايمان
بس مش لدرجة دي لان في مواقف بتتطلب الجرأة

وقبل كده كنت مثلا في حوار مع اي شخص ارد عادي والله وعندي حسن نيه اكتشف ان اللي قدامي فهمني غلط !!


بصي ياايمان انت كده تقريبا عرفتي كل حاجة عني
انت بقي تحلليني نفسيا وتقوللي انا عامله ازاي
لسه مخلصتش بس كفايه عليكي كده النهارده

زائد انه طلبت منه الموجهه ذلك فلا يستطيع الرفض وترك الفرصة تروح لحد تانى او عشان ميزعلش حد
اولا واخيرا ده واجب وعمل

التدريب مكنش فرض عليه فقط كمساعدة للآخرين ليس إلا
ومحبش يزعلهم برفضه

بس انا اعتب عليه انه المفروض اما حس انها مش كويسة او طبعا اكيد سمعتها سبقاها او كلام الناس عليها كده او هو لمس منها ذلك من تصرفاتها وحركتها

فعلاً حصل كلام وحكالى عنه انها طلبت منه الخروج لرحلة معهم فى رحلة جماعية شبابية
لكنه رفض

كان انسحب فورا او بمعنى اخر تجنبها وعاملها بجفاء او تجنب اى حوار بينهما او تواجد له معها وهزار وكده

دا اللى حصل فعلاً .. كل اللى كان ما بينه وبينهم الاتنين الشغل وبس وانا على يقين بهذا

وللاسف اكثر الفتيات فعلا ميهمهاش تعمل شوشرة على نفسها بحجة ان الشاب هيتكسف فيتقدم ليها عافية كده (لانه بكده يبقى طلعت عليهم سمعة وميردهوش الناس تتكلم عليها)

لا من الناحيادى أنا مطمن ع الآخر
دا مش فى دماغه حاجة أصلاً
بتحايل عليه عشان يتجوز ولا هو هنا
مكبر دماغه ومغلبنى معاه

وأنا كل اللى مزعلنى فى الموضوع دا كله
ان نيته كانت خير وميستحقش الكلام دا
لكن للأسف مبقاش فى خير فى الناس
فالإنسان منا ليس كتاباً مفتوحاً للجميع حتى يعرفه الناس جيداً







تحياتى ليكى يا أستاذه

لما يكون انا واصحابى فى مدرستى شلتنا يعنى زى السمن ع العسل ويجى حد جديد ( مدرس جديد يتنقل الى المدرسة) حد كده مش ظريف ما عرفناش نتقبله باى طريقة لان اول ما جه عمل مواقف كتير وراء بعض مش كويسة خالص والكل يقول حرام ده غلبان مع انه يا ساتر ونحاول نتجنبه ما فيش فايدة لدرجة ان واحد من الشلة اتخانق معاه وقاله انا مش عايزك حتى تقولى سلام عليكم و هو بارد جدا مش بينفع معاه حاجة نتعامل ازاى مع شخصية زى دى مع العلم ان ممكن تكسفيه عينى عينك ويجى بعد كده عادى ولا كأن حاجة حصلت وهل احنا كده الاشرار زى ما الناس متصورنا؟؟؟..........اسف للاطالة

هذا المدرس فى منتهى الذكاء
عارف حضرتك عامل زى مين؟
زى تلميذان مشاكسان يقفوا امام المدير واحد يقف يزعق ويقول هو اللى ضربنى وهو اللى وهو اللى
والثانى سوهنة واقف ساكت برئئئئئئئئئئ جدا ومؤدب امام حضرت الناظر مما يجعل الناس تقول عليه اكيد مظلوموووووو يا حرام
رأيى خلوا تعاملكم معاه عادى
مرة مع مرة هينسحب من نفسه
لانه واضح انه مستمتع بنظرة الناس له على انه مسكين وانتوا اللى وحشين
والله الموفق
وياريت اللى مشاركة يقولها برده
ادينا بنستفيد كلنا

شكرا لردك بس احنا متجنبينه وهو بارد انا عايز طريقة يقطع بيها التغامل معانا تماما
أنا عارف انا كده بتقل على حضرتك....sorry

اسفة مقدرش اقولك ازاى تقاطعه
لان القطيعة حرام
اللى اقدر اقوله لحضرتك هو دعاء

ربنا يبعد اذاه عنكم

اسفة مقدرش اقولك ازاى تقاطعه
لان القطيعة حرام
انا فاهم طبعا .... بس والله غصب عننا :mad::mad::mad:
اللى اقدر اقوله لحضرتك هو دعاء

ربنا يبعد اذاه عنكم
اللهم آميين


السلام عليكم
اولا الله يكرمكم بلاش دكتورة دى بتحسسنى انى كبرت فى السن جدا (ياريت استاذة فقط)

احنا قصدنا دكتور (طبيب لنا) ليس هؤلاء الكبار سناً

احنا قصدنا دكتور (طبيب لنا) ليس هؤلاء الكبار سناً




ربنا يكرمكم ويكرمنا اجمعين