~~ بوابتُنا بين القيل والقال ~~ [الأرشيف] - بوابة الثانوية العامة المصرية

نقاء الروح

07-04-2011, 09:15 PM

http://a5.sphotos.ak.fbcdn.net/hphotos-ak-snc6/207188_1502064290622_1804664278_895564_5567013_n.j pg

السلام عليكم ورحمة الله وبركاته

•●•

.http://m002.maktoob.com/alfrasha/up/2675698181161543688.gifhttp://m002.maktoob.com/alfrasha/up/2675698181161543688.gif.

بوابة الثانوية العامة

بوابتُنا نحو التفوق التميز والرقي

اسمٌ يعني لنا الكثير ..

يهمُنا حالها نطمح ان تكون وتصبح الافضل دائما وابدا

نُمضي من الوقت الكثير بين أرجائها

لكن

الكمال صفة للخالق وحده

فكل شيء وان كمُل ناقص !

وقد يصادفنا شيء من هنا او هناك

نتضايق نتألم نعد بالرحيل

إلا أننا لا نبرح مكاننا وكأن الأمر خارج عن السيطرة !

لذا كان موضوعنا

~~ بوابتُنا بين القيل والقال ~~

نتحدث بـ شفافية احترام و رقي كـ رُقي ارواحُكم النقية ..

نطرحُ ما يهمنا نحاول توضيح وجهات النظر وتقريبها

لعلنا نصل الى شيء !

صفحتنا لتسكبوا فيها ما يجول بـ خواطركم

لكن

وكما اتفقنا هدوء تروي و اتزان

لا نريدها حربا او معركة لكن نريده حوار هادف يرتقي بينا وبها

وكلُه منكم واليكم !

بجعبتنا بعضُ الملاحظات

أحببنا مناقشتها كأولى حلقات

•●•

.http://m002.maktoob.com/alfrasha/up/2675698181161543688.gifhttp://m002.maktoob.com/alfrasha/up/2675698181161543688.gif.

~~ بوابتُنا بين القيل والقال ~~

.http://m002.maktoob.com/alfrasha/up/2675698181161543688.gifhttp://m002.maktoob.com/alfrasha/up/2675698181161543688.gif.

•●•

والان اترك الكلمة للغالية :

http://m002.maktoob.com/alfrasha/up/2046363491169417448.gifLoOoLy El- Trekawyahttp://m002.maktoob.com/alfrasha/up/2046363491169417448.gif

http://m002.maktoob.com/alfrasha/up/2046363491169417448.gifhttp://m002.maktoob.com/alfrasha/up/2046363491169417448.gif

وشكر خاص لفنان المنتدى :
محمد حلمي

LoOoLy El Treikawya

07-04-2011, 09:21 PM

السلام عليكم .. ازيكم يا اجمل أعضاء:)

الموضوع زى ما وضحته أختى نقاء الروح

هو فى الأول كان مجرد نقاش بينى وبينها على أحوال المنتدى لانى انا وهى كنا زعلانين فى نفس الوقت من مواقف كدة :d

شوفو حتى الصدف فى الزعل :p

المهم احنا حبينا تشاركونا النقاش وكل واحد ملاحظ حاجة مش بيحبها فى الاعضاء أو فى النظام بشكل عام تكون بتضايقه احنا بنرحب بالنقاش حتى نرقى بهذه الأسرة الجميلة

بس اهم حاجة الموضوع لا يكون سبب فى اى مشاكل يعنى نرجو من اى عضو يشارك معانا يراعى قوانين المنتدى وألا يسئ لشخص معين

وكل موضوع هنناقشه هيبقى فى توبيك خاص .. وأى عضو مضيقاه حاجة فى المنتدى عاوز نناقشها يبعتلى او يبعت لنقاء واحنا هنطرحها فى التوبيك القادم ... مع برنامج "بوابتنا بين القيل والقال"

ودلوقتى هنبدأ بطرح اول موضوع ألا وهو "المجاملات"

فيه بعض الأعضاء بيكون اساسها المجاملات .. حتى نقاء بتقول انا ببقى عارفة مين اللى هيرد على التوبيك من صاحبه

هل احنا بنرد بس لمجرد صاحب التوبيك بغض النظر عن اهمية التوبيك؟

ونترك اليكم باقى الآراء فى هذا الموضوع

مع تحيات : آلاء التريكاوية & نقاء الروح

عاشق البلانكو الابيض

07-04-2011, 09:27 PM

فعلا موضوع مهم جداااااااا بشوف دايمااا
اعضاااء بترد فى مواضيع ناااس معينة فقط
وناااس تاانية ما بتردش لنااس معينة
واعتقد انهااا بتكوون مجااااملات لمجرد الصداااقة ما بينهم
بس الحمد الله برد فى كل المواضيع:022yb4:
حد ينكررر كده:slap1qk6:
شكرررا نقاااء الروح ولولى الزملكاااوية:p
الموضوع رائع

وردة امل

07-04-2011, 09:34 PM

(( أريــ الفـردوس الأعلى ــد ))

07-04-2011, 09:37 PM

فكـره رائـعة حبايبي ربنـا يحفظكم يــــــارب..

..

AMIRA_ALAA

07-04-2011, 09:47 PM

الناس بتجامل احيانا للمصلحة
او بمعنى اصح لتقوية العلاقات
بينها وبين بعض
او

لتكوين صداقات
""""""""""كلمة (شكراااا او مشكور )تعتبر مجاملة"""""""""""""""""""

EbTeSaM91

07-04-2011, 09:48 PM

THE CodeR

07-04-2011, 09:50 PM

LoOoLy El Treikawya

07-04-2011, 10:18 PM

نقاء الروح

07-04-2011, 10:26 PM

اه منك يا مجاملات:blush:

هو اصلا الشعب المصرى بتاع مجاملات:p

لدرجة انى بتخيل ان كلمة مجاملات دى طلعت عشان المصريين:d

لان هما بطبيعتهم شعب مجامل:friendsxs3:

وانها صفة متأصلة فيه:bosyht9:

وصعب تغيرها:excl:

وفعلا فى اعضاء هنا كتير بترد على مواضيع
بهدف المجاملة:blush:

يعنى مش حكاية الموضوع عاجبهم او كده:blush:

على فكرة انا مدخلتش الموضوع ده مجاملة
انا دخلت هنا اقول رأيى بس :d

موضوع هايل يا نقاء انتى وتريكاوية

:)

هههههه فعلا المجاملة بتمشي فعروقنا
مجرى الدم ! :d
بس عالواقع ممكن تكون مطلوبة مصلحة واخلص شغلي
لكن عالنت ؟! :rolleyes:
انا لاحظتها من فترة وحاولت اعرف سبب سر
مافيش ! فقلت اشوف هل انا وحدي ال بحس بكدا
ولا بيشاركني حد فنفس الاحساس ! :friendsxs3:
ههههههه اه من النهاردة لا للمجاملات :022yb4:

تسلمي ياقمر عالمجاملة :p
نورتي الموضوع اكيد ^^

usernamo

07-04-2011, 10:28 PM

الحمد لله .. انا م بجامل حد .. ^^ .. بس ساعات اول ما بشوف اسم عضو عامل موضوع .. لازم اخش .. يعنى مثلاً حلمى و تسابيح .. و عاشق البلانكو .. الاسود .. لان مواضيعهم حلوة بجد .. .. و موضوع الردود بيعتمد على شهرة العضو .. و طريقتة انه يجذب الاعضاء .. فتلاقى كل الناس بترد .. و انت بتفتكرها مجاملة ^^ بس كده ده الكلام كله فى حوار المجاملات ده .. و كمان ساعات بتبقى فيه حتة صحوبية كده و بتبقى موجوده فى البنات بالذات .. يعنى تلاقى بنت عاملة موضوع تخش عندها مثلاً تبعت لاصحابها فى المنتدى كله .. خش ردوا .. تلاقى بنات المنتدى كله بيرد :d ^^

LoOoLy El Treikawya

07-04-2011, 10:41 PM

هو اصلا الشعب المصرى بتاع مجاملات:p

لدرجة انى بتخيل ان كلمة مجاملات دى طلعت عشان المصريين:d

لان هما بطبيعتهم شعب مجامل:friendsxs3:

وانها صفة متأصلة فيه:bosyht9:

وصعب تغيرها:excl:

الصمت الحزين الكلام كله تمام جدا

بس محدش يغلط فى الشعب المصرى دة تبعى :d "واسطة" ههههههههه

LoOoLy El Treikawya

07-04-2011, 10:42 PM

فكـره رائـعة حبايبي ربنـا يحفظكم يــــــارب..

..

نووووووووووورتى يا دينا

ربنا ميحرمناش من دعواتك:022yb4:

عاشق البلانكو الابيض

07-04-2011, 10:49 PM

ههههههههه التريكاوية يا متر

وعلى العموم شكرا كتير على مرور حضرتك

ورأيك كتيير حلو ويحترم

نورت يا عاشق البلانكو الابيض:d

الموضوع جميل جدااااااااااااااااااااا

نقاء الروح

07-04-2011, 10:51 PM

الناس بتجامل احيانا للمصلحة
او بمعنى اصح لتقوية العلاقات
بينها وبين بعض
او

لتكوين صداقات
""""""""""كلمة (شكراااا او مشكور )تعتبر مجاملة"""""""""""""""""""

عالواقع اوك مصلحة
لكن عالنت ؟! مصلحة ايه ال ممكن اخدها فيه
ممكن زي ماقولتي تقوية علاقات او صداقات
بس هيبقى نوعها وهي مبنية من البداية على مجاملات ؟!
لأننا داخلين نفيد ونستفيد فالمقام الاول
اه مافيش مانع نعمل علاقات وصداقات بس مش بمجاملة بعض !
كلمة شكرا ومشكور قضية تانية هيبقى ليها وقفة ان شاء الله :d
لكنها مطلوبة واكيد مش مجاملة يعني ;)
لازم نشكر صاحب الموضوع نديه دفعة معنوية عشان يقدم المزيد والمزيد
شكرا لمرورك الرائع ياقمر
مش بجاملك :p
نورتي ^^

عاشق البلانكو الابيض

07-04-2011, 10:52 PM

LoOoLy El Treikawya

07-04-2011, 11:03 PM

استاذ محمود : اولا حضرتك زورت فى الرد بتاعى ودة هيؤديك الى المساءلة القانونية وهستعين بيك كمتر عشان ارفع قضية عليك :d

******************

يا جماعة مش دة قصدنا مش معنى انك تكلم عضو كويس انك كدة بتجامله

احنا قصدنا فى ناس بتبقى مبالغ فيها .. فى ناس مبتقولش رأيها .. مش بتنقد بتقول حلو من غير ما تفكر ما بيكونش فى فرق كتير فى ردودها كلها زى بعض مهما اختلفت المواضيع

وفيه اعضاء كتير اشتكت ان محدش بيرد عليها لانها اعضاء جدد يمكن دة مش بيحصل فى القسم العام اوى بس بيحصل فى اقسام تانى

نقاء الروح

07-04-2011, 11:10 PM

يا جماعة مش دة قصدنا مش معنى انك تكلم عضو كويس انك كدة بتجامله

احنا قصدنا فى ناس بتبقى مبالغ فيها .. فى ناس مبتقولش رأيها .. مش بتنقد بتقول حلو من غير ما تفكر ما بيكونش فى فرق كتير فى ردودها كلها زى بعض مهما اختلفت المواضيع

وفيه اعضاء كتير اشتكت ان محدش بيرد عليها لانها اعضاء جدد يمكن دة مش بيحصل فى القسم العام اوى بس بيحصل فى اقسام تانى

فعلا يالولي !
ماحنا كلنا بندخل ونكلم بعض كويس
لكن لما اشوف عضو معين مش بيرد الا على عضو تاني !
وبتوصل لتتبع للردود كمان
يبقى معناها ايه ؟
دا ال احنا نقصده

عاشق البلانكو الابيض

07-04-2011, 11:10 PM

استاذ محمود : اولا حضرتك زورت فى الرد بتاعى ودة هيؤديك الى المساءلة القانونية وهستعين بيك كمتر عشان ارفع قضية عليك :d

يبقى اضمنى القضية خسرررانة

المحااكم موالهاااا كبيررر لحد ما تثبتى التزوير

التفاااهم اافضل

LoOoLy El Treikawya

07-04-2011, 11:11 PM

فكرة رائعة وجميلة

فعلا المجاملات دى بقيت حاجة اساسية فينا

وشىء جميل لما نسعى للتخلص من وجودها

لكن انا بدخل المواضيع بهدف النقاش والحوار مع الاعضاء وليس المجاملة

لكن كتير بيشارك بهدف ذكر كلمة شكر لصاحب الموضوع

فأرجو ان نسعى دائما نحو تقدم ورقى منتدانا الافضل منتى ثانوية

بجد فكرة ممتازة يانقاء انتى وتريكاوية

شكرا ليكى يا ابتسام انتى بجد نورتينا (مش مجاملة) :d

احيانا فى ناس بتبالغ فى الثناء على توبيك معيين

وانا اعرف فى المنتدى هنا ناس بترد على توبيكات اصحابها وقرايبها بس وممكن تطلع كل الحاجات التانية وحشة عشان حاجتهم بس تبقى كويسة

دى حاجة مش كويسة ..

لكن فى ناس بترد على توبيكات ناس معينى لان هى عندها خبرة من قبل كدة وعارفة ان الشخص دة توبيكاته كويسة

ولما بتدخل بتقول رايها بصراحة دى حاجة مش وحشة

سورى على الرغى :p

شكرا على المرور يا ابتسام

عاشق البلانكو الابيض

07-04-2011, 11:13 PM

[/center]

فعلا يالولي !
ماحنا كلنا بندخل ونكلم بعض كويس
لكن لما اشوف عضو معين مش بيرد الا على عضو تاني !
وبتوصل لتتبع للردود كمان
يبقى معناها ايه ؟

دا ال احنا نقصده

فعلا اناا اخدت بالى من كده
بصراحة شكلهاا بيبقى مش حلووو خااالص

LoOoLy El Treikawya

07-04-2011, 11:15 PM

يبقى اضمنى القضية خسرررانة

المحااكم موالهاااا كبيررر لحد ما تثبتى التزوير

التفاااهم اافضل

:o

انا قلت غير كدة:blush: التفاهم افضل طبعا

فكرتنى بالمتنبى .. فيك الخصام وانت الخصم والحكم :d

يا رب مستر على ميدخلش يزعقلنا بس:d

LoOoLy El Treikawya

07-04-2011, 11:16 PM

كل كلامك تمام يا نقاء بس اعذرينى مش هقدر اعمل كوت لردودك اديكى شايفة الزحمة :d

وسورى مش هقدر افتح الميل دلوقتى :d

نقاء الروح

07-04-2011, 11:17 PM

كلمة مجاملة لا يمكن مناقشتها بالشكل ده
انا ممكن يلفت نظري رد لواحد اعرفه علي موضوع
او اسم عضو كاتب موضوع و معروف بقوة مواضيعه فأدخلها
ده طبيعي علي اي منتدي
هي عبارة عن انطباعات
لكن في نظر الاعضاء الاخرين ممكن يعتبروها مجاملة
لكنها في نظر فاعلها غير كده تماماً
عشان كده مينفعش اتكلم في مجاملات علي النت
ارجو ان كلامي يكون واضح
لكن في ماهو احق من المجاملات اننا نناقشه هنا

حضرتك انا كمان بعمل ده
لما اشوف موضوع لعضو بارز معروف بمواضيعه القيمة
اكيد هدخل وارد واشارك .. عادي جدا
لكن احنا بنتكلم عن نقطة تانية لما اشوف عضو بيرد على مواضيع
عضو بعينه بل فيه البعض اصبحت بتنبأ بطبيعة الرد نفسه من كتر ماهو بيرد على العضو دا
وال يشل ويجيب الضغط اني ممكن الاقي تتبع فالردود كمان !
دا حضرتك تفسرو ازاي ؟
وبالنسبة للمجاملات عالنت انا كمان عاوزة اعرف ايه هدفها
مافيش لا مصلحة ولا حاجة لكن زي ما وضحت فوق ..
واضح جدا :022yb4:
وشكرا لرأي حضرتك نورت موضوعنا
واكييد فيه اكتر واهم لكن نبدأ وحدة وحدة ;)
وبنرحب برأي حضرتك على الخاص لو فيه مشكلة
تحب اننا نعرضها وناقشها ;)
شكرا جزيلا ^^

LoOoLy El Treikawya

07-04-2011, 11:33 PM

الحمد لله .. انا مش بجامل حد .. ^^ .. بس ساعات اول ما بشوف اسم عضو عامل موضوع .. لازم اخش .. يعنى مثلاً حلمى و تسابيح .. و عاشق البلانكو .. الاسود .. لان مواضيعهم حلوة بجد .. .. و موضوع الردود بيعتمد على شهرة العضو .. و طريقتة انه يجذب الاعضاء .. فتلاقى كل الناس بترد .. و انت بتفتكرها مجاملة ^^ بس كده ده الكلام كله فى حوار المجاملات ده .. و كمان ساعات بتبقى فيه حتة صحوبية كده و بتبقى موجوده فى البنات بالذات .. يعنى تلاقى بنت عاملة موضوع تخش عندها مثلاً تبعت لاصحابها فى المنتدى كله .. خش ردوا .. تلاقى بنات المنتدى كله بيرد :d ^^
ههههههههه فى تحامل جامد على البنات فى المنتدى دة

وحضرتك معاك حق فى اللى قلته بس مش دة قصدنا وانا وضحت انك لما تبقى عارف ان العضو دة موضوعاته حلوة بتدخلها .. عشان الموضوعات حلوة مش عشان هو مين

بس فى ناس بتبقى مجاملة بس مبتفكرش اذا كان التوبيك فعلا عجبها ولا لاء

نورت:)

Mr. Ali 1

07-04-2011, 11:37 PM

:o

انا قلت غير كدة:blush: التفاهم افضل طبعا

فكرتنى بالمتنبى .. فيك الخصام وانت الخصم والحكم :d

يا رب مستر على ميدخلش يزعقلنا بس:d

وتفتكري أزعق ليه يا تريكاوية ؟ لازم تكوني شفتي حاجة مش مظبوطة !
مش من ضمن سلبيات بعض الأعضاء بردوا تحويل الموضوعات إلي شات وحوارات
جانية خارجة عن مضمون الموضوع ؟
ولا دا من باب المجاملة المطلوبة ؟ :stickjo4::stickjo4:

سيف العدل البتار

08-04-2011, 12:10 AM

شكرا لكم
فكرة رائعة

Mr. Ali 1

08-04-2011, 02:47 AM

"المجاملات"

فيه بعض الأعضاء بيكون اساسها المجاملات .. حتى نقاء بتقول انا ببقى عارفة مين اللى هيرد على التوبيك من صاحبه
فعلاً فيه أعضاء كتير في المنتدي من النوع دا , وتقريباً غالبية مشاركتهم مجرد مجاملات .
نقاء بتقول ؟؟ أه أصل نقاء ناصحة وواعية :d:d

هل احنا بنرد بس لمجرد صاحب التوبيك بغض النظر عن اهمية التوبيك؟
عن نفسي ... لا. الموضوع هو الأساس عندي , ولا أنكر بأن بعض الأعضاء تُعجبني موضوعاتهم ولكني لا أشارك إلا فيما أراه موضوعاً يستحق أن أشارك فيه .
وتوجد بعض الموضوعات من عنوانها فقط , لا أستطيع أن أمنع نفسي من المشاركة فيها بصرف النظر عن كاتب الموضوع أو طريقة وأسلوب الكتابة ( المضمون هو ما يدفعني للمشاركة ) طبعاً فاهمة أنا أقصد موضوعات ايه يا نقاء وكمان عارفة ردودي فيها بتكون ايه :):) بس اوعي تقولي لألاء التريكاوية :(:(

المجاملات في المنتدي أري بأن مكانها المناسب هو قسم الاهداءات ( يبقي ننقل الموضوع هناك ;);))
أما الأقسام الأخري وخاصة القسم العام , فأري بأن العضو يجب أن يشارك بفاعلية ويعبر عن رأيه ويقرأ الأراء الأخري ولا يكتفي بإبداء رأيه فقط , حتي يُفيد ويستفيد .
ويقل في نظري من يقومون بالمشاركة في موضوعات لأعضاء معينة وتكون مشاركتهم تقليدية أو بعيدة كل البعد عن مضمون الموضوع .
وأخيراً
قلت لنفسي أدخل وأشارك في الموضوع من باب المجاملة :d:d
شكراً علي هذا الموضوع .
تقبلا مروري .

LoOoLy El Treikawya

08-04-2011, 01:51 PM

وتفتكري أزعق ليه يا تريكاوية ؟ لازم تكوني شفتي حاجة مش مظبوطة !
مش من ضمن سلبيات بعض الأعضاء بردوا تحويل الموضوعات إلي شات وحوارات
جانية خارجة عن مضمون الموضوع ؟
ولا دا من باب المجاملة المطلوبة ؟ :stickjo4::stickjo4:الظاهر ان حضرتك مش هتزعق بس .. دى العصاية فى ايد حضرتك اهى:d
يعنى هو حضرتك معاك حق شوية يا مستر بس يعنى احيانا حد بيقول حاجة ببقى عاوزة ارد عليها حتى لو خارج مضمون التوبيك .. يعنى مفيهاش حاجة لو نبقى متساهلين شوية مش من اول رد مخالف تزعقلى يا مستر بردو :d
التوبيك الجاى هناقش لى المشرفين بقيو عصبيين اليومين دولن :d على فكرة انا مش عوزاها فوضى زى ما حضرتك بتفكر دلوقتى

بس اوعي تقولي لألاء التريكاوية :(:(نقاااء حبيبتى .. على شات الميل احنا بقى;) احسن مستر على مش بيحب التوبيك يبقى شات :d

المجاملات في المنتدي أري بأن مكانها المناسب هو قسم الاهداءات ( يبقي ننقل الموضوع هناك ;);))
أما الأقسام الأخري وخاصة القسم العام , فأري بأن العضو يجب أن يشارك بفاعلية ويعبر عن رأيه ويقرأ الأراء الأخري ولا يكتفي بإبداء رأيه فقط , حتي يُفيد ويستفيد .يا مستر .. يا مستر بلييييز بلييييز بلييييييييز لو حضرتك بتتكلم جد انا احتج :d

المجاملات مش فى الاهداءات بس مع ان دة القسم الوحيد اللى مسموحة فيه المجاملات :d
لكن والله فى اقسام تانى بتحصل فيها المشكلة دى والشكوى من الاعضاء الجدد جت من اقسام تانى

وانا ونقاء مش بنهدى الموضوع لحد عشان يبقى فى الاهداءات

((على فكرة مناقشة مكان التوبيك دة خارج المضمون احنا هنا بنتكلم عن المجاملات مش عن مكان التوبيك)) .. وآدى مخالفة :d

قلت لنفسي أدخل وأشارك في الموضوع من باب المجاملة :d:d
شكراً علي هذا الموضوع .
تقبلا مروري .حضرتك نورتنا يا مستر:) ورأيك كتير مهم مش عشان حضرتك مشرف ولا حاجة :d انما عشان حضرتك جاد وانا اشهد ان حضرتك اكتر واحد فى المنتدى متعرفش المجاملات

عشان كدة مستبعدش انى اتوقف قريبا باذن الله تعالى .. هتبقى عملت فيا خير عشان اقعد اذاكرلى كلمتين :d

LoOoLy El Treikawya

08-04-2011, 01:56 PM

أستاذ أحمد أبو الفتوح حضرتك نورتنا بس فين رأى حضرتك

THE CodeR

08-04-2011, 02:06 PM

نقاء الروح

08-04-2011, 02:41 PM

عن نفسي ... لا. الموضوع هو الأساس عندي , ولا أنكر بأن بعض الأعضاء تُعجبني موضوعاتهم ولكني لا أشارك إلا فيما أراه موضوعاً يستحق أن أشارك فيه .

وتوجد بعض الموضوعات من عنوانها فقط , لا أستطيع أن أمنع نفسي من المشاركة فيها بصرف النظر عن كاتب الموضوع أو طريقة وأسلوب الكتابة ( المضمون هو ما يدفعني للمشاركة ) طبعاً فاهمة أنا أقصد موضوعات ايه يا نقاء وكمان عارفة ردودي فيها بتكون ايه :):) بس اوعي تقولي لألاء التريكاوية :(:(

اكيييد يامستر ودي حاجة تستخبى بردو :d
اي موضوع عن .............. مستر علي لازم يشارك فيه
علامة مسجلة لحضرتك :022yb4:
ههههههه حاضر يامستر انا هقولها بس ايه المواضيع والردود بتبقى عاملة ازاي :p

المجاملات في المنتدي أري بأن مكانها المناسب هو قسم الاهداءات ( يبقي ننقل الموضوع هناك ;);))
أما الأقسام الأخري وخاصة القسم العام , فأري بأن العضو يجب أن يشارك بفاعلية ويعبر عن رأيه ويقرأ الأراء الأخري ولا يكتفي بإبداء رأيه فقط , حتي يُفيد ويستفيد .
ويقل في نظري من يقومون بالمشاركة في موضوعات لأعضاء معينة وتكون مشاركتهم تقليدية أو بعيدة كل البعد عن مضمون الموضوع .

:o اهداءات
انا اعترض احتج و لا اوفق :d
ارجو ان حضرتك ماتنقولش :)
واتفق مع حضرتك فوجهة نظرك
لازم نشارك ونعرض وجهات النظر بعيد عن الردود التقليدية دي

وأخيراً
قلت لنفسي أدخل وأشارك في الموضوع من باب المجاملة :d:d
شكراً علي هذا الموضوع .
تقبلا مروري .

مجاملة :d
ماحنا هنعمل حملة لا للمجاملات بئا
مرسي يامستر على المرور الراائع
نورت ^^
مش بجامل :p

نقاء الروح

08-04-2011, 02:44 PM

نقاااء حبيبتى .. على شات الميل احنا بقى;) احسن مستر على مش بيحب التوبيك يبقى شات :d

اكيد من غير ماتقولي ياروحي
هو انا عندي كم لولي :p
ومعلشي يامستر واجب الصداقة يحتم عليا الاعتراف :d
ههههه اه بدل مانروح انا وانتي والموضوع ورا الشمس :d

نقاء الروح

08-04-2011, 02:49 PM

شكراً يا نقاء الروح لاهتمامك بالرد علي تعليقي
كنت بدأت احس انه مش ظاهر للاعضاء
عامةً الموضوع ده هتكلم فيه قدام كتير شوية لاني مسجل خطر هنا في المنتدي و اتوقفت اكتر من مرة
و شكراً مرة تانية

كما قلنا الموضوع منكم واليكم
رد كل عضو محط اهتمامنا مهما كانت وجهة نظره
ومهما كانت هويته !
وزي ماقلت لحضرتك بنرحب عالخاص بأي حاجة حضرتك شايفها
وتحب اننا نناقشها مع الاعضاء
ههههه ربنا يستر :d
بس ان شاء الله هيكون حوار بناء ومش هيكون فيه اصابات :p
الشكر لحضرتك ^^

Mohamed.Helmy

08-04-2011, 02:49 PM

يا ســــلام و الله يا نقــاء انتى و ألاء كنت بفكــر أعمل موضوع عن المجاملات سواء ع المتدى او فى حياتنا ..

بس الحمد لله أنكم عملتوه ..

المجاملات .. !!

بتمنى ان المجــاملات متبقاش " نفــاق "

يعنى تلاقي واحد بيجامل واحد على حاجة مش مستاهلة و اى حد هيقول طبعا ده " منافق "
و بالنسبة للمنتدى ..

فى أعضاء و الله أعرفها و مشرفين كمان .. بدون ذكر أسماء
بترد على " صــاحب الموضوع " و ليس على مضمون الموضوع ..

بجد شوفت كتير من ده و اتكررت كذا مرة .. بس بلاش أذكر موقف معين علشان محدش يزعل مني ..

و طبعا ممكن تلاقي موضوع مضمونه مش أد كده ..بس تلاقي واحد رد عليه لمجرد ان اللى عمله واحد صحبه مثلا ..

و كتير اوي من المجاملات ..:022yb4:
بس ده اللى في بالى دلوقتى ..:redface:

و ليا رد تاني باذن الله ^^

شكرا يا نقــاء انتى و ألاء .. بجد البرنامج ده فكرته تحفة بجد " بدون مجاملة و الله " :d
و ان شاء الله لما كل واحد يقول السلبيات اللى شايفها و نحاول نعدلها هنبقى أحسن باذن الله ..

شكرا مرة تانية ليكم و ان شاء الله هبقى أعملكم ديزاين للبرنامج لو حبيتوا ^^

فى رعاية الله

Mohamed.Helmy

08-04-2011, 03:35 PM

يارب التصميــم يعجبــكم ^^

http://a5.sphotos.ak.fbcdn.net/hphotos-ak-snc6/207188_1502064290622_1804664278_895564_5567013_n.j pg

Mr. Ali 1

08-04-2011, 03:35 PM

يعنى هو حضرتك معاك حق شوية يا مستر بس يعنى احيانا حد بيقول حاجة ببقى عاوزة ارد عليها حتى لو خارج مضمون التوبيك .. يعنى مفيهاش حاجة لو نبقى متساهلين شوية مش من اول رد مخالف تزعقلى يا مستر بردو :d
التوبيك الجاى هناقش لى المشرفين بقيو عصبيين اليومين دولن :d على فكرة انا مش عوزاها فوضى زى ما حضرتك بتفكر دلوقتى

عشان كدة مستبعدش انى اتوقف قريبا باذن الله تعالى .. هتبقى عملت فيا خير عشان اقعد اذاكرلى كلمتين :d

- حد بيقول حاجة وانتي تردي عليه , يقوم هو يرد عليكي , وطبعاً ميصحش انك مترديش عليه , وهو ميصحش ميردش , و ...... وعمرنا ما هنخلص !! ويا ريت تبصي في الموضوع دا وموضوع عاشق البلانكو وشوفي انتي خرجتي كام مرة عن مضمون الموضوع ( لولا انك أهلاوية وتريكاوية , كنت حطيتك في الاحتياطي علي طول:d)
- يا ريت تعملوا الموضوع الجاي عن المشرفين علشان أطلع كل اللي جوايا من اللي بشوفه من بعض الأعضاء :mad:
- ان كنتي بتتكلمي جد وعايزة تتوقفي , بلغي ادارة المنتدي وهما مش ممكن يتأخروا عليكي في طلبك .

لازم نشارك ونعرض وجهات النظر بعيد عن الردود التقليدية دي

يا ريت ألاقي الكل يشارك في الموضوعات ويعبر عن رأيه ونبطل الردود التقليدية علشان نخلي القسم العام متميز عن أي قسم أخر , ويا ريت التعبير عن الرأي يكون بأدلة وأمثلة تؤيد الرأي ولا يكون رأياً بلا وعي لمجرد أن العضو يشارك فقط , وأعتقد بهذا الأمر ستختفي المجاملات في المواضيع النقاشية وتعم الفائدة علي جميع الأعضاء .

صوت العقل

08-04-2011, 04:44 PM

فى البداية الموضوع جميل جدااااااااااااا .. وبيناقش شئ موجود فعلا...
المجاملات موجودة وبكثرة داخل المنتدى ..بس متهيالى ارتباط الاسماء
بموضوعات البعض ..بيرجع لانهم فعلا عارفين بعضهم معرفة شخصية ..
فبتكون كنوع من المساندة من باب اننا اصحاب ... وفى ناس بترفض تقول رايها
بصدق علشان اصحابها ..انا عن نفسى بقول رأيي بصدق فى اى موضوع
وبدون مجاملات خالص لانى مقدرش اقول شئ مش مقتنعة بيه خالص ..
كمان مهم جدااااااا محتوى الموضوع .. فى موضوعات كتيرة بتكون موجودة
ولاتتوافق مع تفكيرى فمش بشارك واكتفى بالقراءة فقط .. وكمان انا اتعلمت
فى الفترة اللى فاتت ان الناس مش بتقبل النقد وبتزعل لو قلتى رأى ضد
تفكيرهم ..لدرجة انى قررت عدم المشاركة تانى .. من الصعب ارضاء الجميع ..
انا احيانا بفكر ليه العضو ينزل موضوع ومش هيتقبل فيه الرأى الاخر ..
يبقى الموضوع نازل بحثااااااااا عن المجاملة ..وان الكل يوافق على وجهة نظر العضو
وهو مبتسم ..مرة تانية شكراااا نقاء ..شكراااااااااا لولى.. تقبلواااااااا تحياتى ..

T!to

08-04-2011, 04:52 PM

نقاء الروح

08-04-2011, 05:14 PM

CAn u see me

08-04-2011, 05:22 PM

الموضوع اسمه
بوابتنا بين القيل والقال --تمام
اظن ان لو المجاملات زى ما بتقولوا مكنتش البوابة وصلت للمستوى ده من التميز
الحالات دى حالات فردية معدودة
ده رأيى المتواضع

Heartbeat

08-04-2011, 07:33 PM

يا بنوتاتى (نقاء-لولى)
المجاملات دى منتشرة فى الحياة العادية
مش فى المنتدى بس
بالنسبة للمنتدى
انا مش انكر ان فيه ناس بحب مواضيعها و ببقى عارفه انها هتكون كويسة
بس انا اساسا اول حاجة عينى بتيجى عليها اسم الموضوع
وبعدين اشوف صاحبه
لكن ده مش معناه انى هرد وخلاص لمجرد ان اللى كاتب الموضوع ده
حد انا عارفاه
لان فى ساعات موضوعات مش بيكون ليا خبرة انى ارد عليها فمش برد
او مش عاجبنى مش هرد برده
وفى حاجة مضايقانى اوى
بتضايق جدا من الناس اللى تدخل موضوع نقاشى
تروح كاتبه شكراااااااا
يعنى تقولوا كده عايزين يزودوا عدد المشاركات وخلاص
ويقلبوا القسم علشان شكرا:angry2:
يااااااااااربى بتعصب من الحركة دى ياريت تتكلموا عنها هنا فى الموضوع
يعنى انا مثلا عجبنى موضوعكوا ولما لقيت ان نقاء اللى كاتباه
دخلت بقلب جامد
وبعدين لقيت لولى
يعنى انتوا حبيباتى:)
حقيقى مش مجاملة
لكن لو الموضوع مش عاجبنى كنت مش هعبركوا الصراحة:p

تقبلا مرورى حبيباتى
:022yb4:

LoOoLy El Treikawya

08-04-2011, 08:50 PM

محمد حلمى:
رأى حضرتك حلو كتييييير

وجامد جدا جدا الديزاين دة للتوبيك بجد شكرا لحضرتك

************************

The coder:
احنا بنرحب طبعا بمشاركات وآراء حضرتك

LoOoLy El Treikawya

08-04-2011, 08:55 PM

نقاء الروح

08-04-2011, 08:58 PM

المجاملة فى غير محلها صراحة نفاق اكيد

والحمد لله بحاول انى مش اجامل الا الذى يستحق من وجهة نظرى
وانا كتير فيه مواضيع مش عجبتنى وقولت راى بصراحة
بغض النظر عن مين صاحب الموضوع

شكرا على الموضوع الرائع :)

اكيد المجاملة الرقيقة مطلوبة
لكن زي ماحضرتك اشرت لما تكون فغير محلها
او زيادة عن اللزوم وبشكل متكرر تتحول لنفاق !
شكرا لمرورك الرائع
نورت الموضوع ^^

LoOoLy El Treikawya

08-04-2011, 09:02 PM

الموضوع اسمه
بوابتنا بين القيل والقال --تمام
اظن ان لو المجاملات زى ما بتقولوا مكنتش البوابة وصلت للمستوى ده من التميز
الحالات دى حالات فردية معدودة
ده رأيى المتواضع
عندما نناقش سلبيات شئ ما هذا لا يعنى انه سئ او غير مميز بالعكس هذا يعنى انه شئ كويس واحنا عاوزينه يبقى احسن واحسن

وزى ما حضرتك قلتى لو هى حالات فردية ليها اثرها فى المنتدى .. يعنى فيه ناس واقعيا كدة .. واحنا لازم نلفت النظر ان الرأى الواضح الصريح افضل بكثير من المجاملات

والف شكر لعدم مجاملة حضرتك :) والف شكر لرأى حضرتك

مرور طيب:)

نقاء الروح

08-04-2011, 09:08 PM

الموضوع اسمه
بوابتنا بين القيل والقال --تمام
اظن ان لو المجاملات زى ما بتقولوا مكنتش البوابة وصلت للمستوى ده من التميز
الحالات دى حالات فردية معدودة
ده رأيى المتواضع

اخي / اختي الفاضل/ة
ليس معنى اننا طرحنا هذه المشكلة
ان البوابة ليست مميزة وليس معنى ان البوابة متميزة
انها تخلو من السلبيات !!
واعتقد ان حضرتك لم تعاصر الفترة الماضية
فالبوابة تعود لقواعدها سالمة والحمدلله بعد العديد من التغييرات
والتعيينات التي اجريت مؤخرا بعد فترة من الفوضى !!
شكرا لمرور ورأي حضرتك
نورتنا / نورتينا اكيد ^^

شيماء20

08-04-2011, 09:18 PM

سيف العدل البتار

08-04-2011, 09:26 PM

أستاذ أحمد أبو الفتوح حضرتك نورتنا بس فين رأى حضرتك

اخى العزيز شكراا لك
راى:
و من غير مجاملات كاتب الموضوع بيكون له دور كبير فى جذب الاعضاء لموضوعه
ولكن الاعضاء بيهتم اكتر بالموضوع و ده انا لاحظتها معيا انا جديد فى المنتدى هنا
ولكن موضوعى زى اى موضوع لاى عضو قديم بنسبة للاعضاء و المجاملات موجود فى كل مكان
تقبل راى

نقاء الروح

08-04-2011, 09:28 PM

يا بنوتاتى (نقاء-لولى)

المجاملات دى منتشرة فى الحياة العادية
مش فى المنتدى بس
بالنسبة للمنتدى
انا مش انكر ان فيه ناس بحب مواضيعها و ببقى عارفه انها هتكون كويسة
بس انا اساسا اول حاجة عينى بتيجى عليها اسم الموضوع
وبعدين اشوف صاحبه
لكن ده مش معناه انى هرد وخلاص لمجرد ان اللى كاتب الموضوع ده
حد انا عارفاه
لان فى ساعات موضوعات مش بيكون ليا خبرة انى ارد عليها فمش برد
او مش عاجبنى مش هرد برده
وفى حاجة مضايقانى اوى
بتضايق جدا من الناس اللى تدخل موضوع نقاشى
تروح كاتبه شكراااااااا
يعنى تقولوا كده عايزين يزودوا عدد المشاركات وخلاص
ويقلبوا القسم علشان شكرا:angry2:
يااااااااااربى بتعصب من الحركة دى ياريت تتكلموا عنها هنا فى الموضوع
يعنى انا مثلا عجبنى موضوعكوا ولما لقيت ان نقاء اللى كاتباه
دخلت بقلب جامد
وبعدين لقيت لولى
يعنى انتوا حبيباتى:)
حقيقى مش مجاملة
لكن لو الموضوع مش عاجبنى كنت مش هعبركوا الصراحة:p

تقبلا مرورى حبيباتى

:022yb4:

اكيد حبيبة ياقمر كلنا فيه اعضاء
مميزين بنحب ندخل مواضيعهم
لكن زي ماقلتي اني ادخل وانا مش عارفة الموضوع ايه
واكتب شكرا عشان صحبتي او كدا هو دا الغير مقبول !

ربنا يخليكِ ياقمر من ذوقك
اوعى تكوني بتجاملينا :p
هههه طب كويس انه عجبك الحمدلله :d
مرسي لمرورك الرائع ياعسل
نورتينا والله ^^

LoOoLy El Treikawya

08-04-2011, 11:06 PM

ههههههههه جميل ردك يا حبيبة انتى نورتينا

ومعاكى حق فى اعضاء تدخل تقول مشكور فى موضوع نقاشى ودى صورة من صور المجاملات الغير مقبولة

وشكرا على ردك يا قمر:)

LoOoLy El Treikawya

08-04-2011, 11:14 PM

اولا// موضوع جميل جدا وفى تألق دائم ا شاء الله
ثانيا//بالنسبه للموضوع بقى
انا فعلا بلاحظ مجموعه من الاعضاء بيردوا فى مواضيع معينه ممكن يكون ردهم على حسب كاتب الموضوع وشهرته
لكن ممكن برضه تكون صدفه فى النهايه والله اعلم

وفى النهايه احنا كلنا اسره واحده وعايزين نرتقى بمنتدانا للافضل
نحاول كلنا ندخل المواضيع من غير ما نقرا مين صاحب الموضوع ونحاول نكتب كلمة شكر لصاحب الموضوع

جزاكم الله خير على الموضوع فعلا جميل
وجزاكِ بالمثل يا شيماء:)

بس مش صح اننا نشكر حد على توبيك من غير ما نقراه طب يعنى الواحد ايش ضمنه الموضوع دة بيتفق على آراءه ولا لاء دة غير ان صاحب التوبيك اكيد بينزله عشان الناس تشوفه مش عشان الردود .. والردود بتسعد صاحب التوبيك لانه بيحس ان فيه ناس كتير تقرا موضوعه

على العموم انتى نورتينا يا قمر:) شكرا على المرور

LoOoLy El Treikawya

08-04-2011, 11:19 PM

اخى العزيز شكراا لك
راى:
و من غير مجاملات كاتب الموضوع بيكون له دور كبير فى جذب الاعضاء لموضوعه
ولكن الاعضاء بيهتم اكتر بالموضوع و ده انا لاحظتها معيا انا جديد فى المنتدى هنا
ولكن موضوعى زى اى موضوع لاى عضو قديم بنسبة للاعضاء و المجاملات موجود فى كل مكان
تقبل راى
طب دى حاجة كويسة انى اسمعها من عضو جديد :)

نتمنى ان حضرتك تكون عطول مبسوط معانا هنا

وشكرا على مرور حضرتك الطيب

عاشق البلانكو الابيض

08-04-2011, 11:24 PM

كلامك بجد جمييييل جدا يا صوت الحق

فعلا لازم الواحد يتقبل الرأى الآخر ويتقبل النقد .. و فى ناس كتير هنا مش بتتقبل النقد ويمكن دة اكتر حاجة بتشجع على المجاملة

بس فى المقابل الواحد مفروض يقول رأيه بذوء لان فى ناس بصراحة ومن غير زعل احيانا عشان الموضوع مش بيتفق مع آراءها مش بترد بذوء

شكرااا كتييير ليكِ انتى نورتينا:)

لو كنتى لولى الزملكاااوية كنتى هتااخدى بالك انهااا صوت العقل مش الحق :p

LoOoLy El Treikawya

09-04-2011, 12:29 AM

لو كنتى لولى الزملكاااوية كنتى هتااخدى بالك انهااا صوت العقل مش الحق :p

ههههههههههههه اى دة والله سورى يا صوت العقل مخدتش بالى

اكيد عمرى ما كنت هاخد بالى لانى عمرى ما هكون زملكاوية يا متر .. ومن الآخر مش عاوزة اخد بالى حتى من اسمى لو هيمس الاهللللى اجمد نادى فى قارة افريقيا والوطن العربى

والتاريخ يشهد

أ/رضا عطيه

09-04-2011, 12:33 AM

شيماء20

09-04-2011, 12:53 AM

وجزاكِ بالمثل يا شيماء:)

بس مش صح اننا نشكر حد على توبيك من غير ما نقراه طب يعنى الواحد ايش ضمنه الموضوع دة بيتفق على آراءه ولا لاء دة غير ان صاحب التوبيك اكيد بينزله عشان الناس تشوفه مش عشان الردود .. والردود بتسعد صاحب التوبيك لانه بيحس ان فيه ناس كتير تقرا موضوعه

على العموم انتى نورتينا يا قمر:) شكرا على المرور

هو ده قصدى فعلا لما بقول نشكر صاحب الموضوع ده مش معناه اننا نكتب كلمة شكر من غير ما نقرا;)
بس لما تشكرى صاحب الموضوع او تردى عليه فا انتى كده بتشجعيه انه يبدع فى موضوعاته ويتقن فيها عشان يبان قدام كل الاعضاء بصوره كويسه:redface:

احنا كده اتكلمنا عن المجاملات امتى هانتكلم عن حاه تانيه
وهتكون ايه
بصراحه موضوع جميل جدا وشيق:022yb4:

الأستاذة ام فيصل

09-04-2011, 01:10 AM

Huda Mohammed 2010

09-04-2011, 01:27 AM

الموضوع جميل جدا ومشكورين عليه
وفيه بعض الردود عجبتني كتير لانها بالفعل تناقش الموضوع
من كل جوانبه ورجاءي من الجميع ابداء رايهم بكل صراحه وبدون مجامله
وعدم الابتعاد عن جوهر الموضوع
المجاملة مطلوبة
على شرط ان لاتصل الى حد النفاق لان النفاق مكروه ومرفوض

تحياتي الى ألاء ونقاء واحييهم على الموضوع وانا معاهم هذه احدى السلبيات
التي نلاحظها ويلعب فيها الدور الكبير الاعضاء وليس الاشراف او الادارة

أنا معك فى الرأى يانغم
المجاملة مطلوبة
على شرط ان لاتصل الى حد النفاق لان النفاق مكروه ومرفوض

أما بالنسبة لكون أى واحد فينا بيرد على موضوعات بعض الناس والبعض الآخر لا
- هذا شئ غير متعمد -
البوابة تضم الكثير من الموضوعات التى لايتسع الوقت أحيانا للمرور عليها
لكن أعتقد أننا نجميعا نكسب معرفة شخصية جديدة بإستمرار من خلال موضوعاتهم
وأحيانا تشدنى موضوعاتهم وتلقائى أعلق بإهتمام بالغ لتأثرى بما يكتبون لدرجة أننى أتعايش أثناء التعليق معهم

فكرة الموضوع هنا جميلة

الأستاذة ام فيصل

09-04-2011, 03:07 AM

أنا معك فى الرأى يانغم
المجاملة مطلوبة
على شرط ان لاتصل الى حد النفاق لان النفاق مكروه ومرفوض

أما بالنسبة لكون أى واحد فينا بيرد على موضوعات بعض الناس والبعض الآخر لا
- هذا شئ غير متعمد -
البوابة تضم الكثير من الموضوعات التى لايتسع الوقت أحيانا للمرور عليها
لكن أعتقد أننا نجميعا نكسب معرفة شخصية جديدة بإستمرار من خلال موضوعاتهم
وأحيانا تشدنى موضوعاتهم وتلقائى أعلق بإهتمام بالغ لتأثرى بما يكتبون لدرجة أننى أتعايش أثناء التعليق معهم

فكرة الموضوع هنا جميلة

بالفعل فكرة الموضوع جميله ولو كان لي متسع من الوقت لكتبت فيه اكثر
لانه يستحق وفيه مبررات غير المجاملة وانما يكون ردنا لتشجيع الاعضاء والتواصل معهم
والدنيا اخذ وعطاء واكيد انا ارد على كل الناس التي ترد على موضوعاتي التي اكتبها
وحبيبتي حضرتك تردي على موضوعاتي ديما اكيد الموضوع يعجبك ومش تجامليني:d
شكرا لك عزيزتي تحياتي

نقاء الروح

09-04-2011, 08:37 AM

جزء من الخبرة على قدنا

المجاملة تكثر الأصدقاء وتقلل الأعداء

لكنها تحرمك من القول الصادق دائما ;)

وبصفتى عدو المجاملة الأول

وقائد الثورة المضادة فى بوابة الثانوية :p

هقول

هذا الموضوع يريد التجديد

حوار أسبوعى مثلا عن موضوع معين

وارفعوا سقف مطالبكم و حواركم
و هنعملكم اعتصام فى البوابة ونطالب بتثبيت الموضوع :022yb4:

تسلموا جميعا وبارك الله فيكم

بالضبط زي ماحضرتك قولت يامستر
بتزيد الاصدقاء وتقلل الاعداء
لكن ممكن نحقق دا بمشاركة فعالة
صادقة من غير تجميل زيادة عن اللزووم

ويسعدنا اكيد ان قائد الثورة فبوابتنا
يشرفنا فموضوعنا :d
وزي ماحضرتك ذكرت كل اسبوع ومع قضية جديدة
وملف اخر نفتحه
وانتظروونا قريبا :022yb4:
وكأني اتحمست شوية :d

شكرا لمرورك الرائع يامستر
نورت الموضوع ^^

نقاء الروح

09-04-2011, 12:53 PM

Huda Mohammed 2010

09-04-2011, 04:02 PM

بالفعل فكرة الموضوع جميله ولو كان لي متسع من الوقت لكتبت فيه اكثر
لانه يستحق وفيه مبررات غير المجاملة وانما يكون ردنا لتشجيع الاعضاء والتواصل معهم
والدنيا اخذ وعطاء واكيد انا ارد على كل الناس التي ترد على موضوعاتي التي اكتبها
وحبيبتي حضرتك تردي على موضوعاتي ديما اكيد الموضوع يعجبك ومش تجامليني:d
شكرا لك عزيزتي تحياتي

بالتأكيد لحضورك وروحك المميزة فى الموضوعات

مسلمة متفائلة

09-04-2011, 07:04 PM

أولا بس أحب أقول انى قريت الموضوع بس ماقريتش كل الردود

وفعـــــــــــلاً معاكم حق فى اللى بتقولوه
بس أحيانا المجاملات بتكون مطلوبــة, وزى ما مس نعم قالت إنها لا تصل إلى حد النقاق
لأن "من مدح الرجل بما ليس فيه فقد بالغ في ذمه".

والمجاملات بتكون مش حلوة خالص لما حد يدخل زى ماقلتوا يرد على موضوعات حد معين بس
إنما مثلاً لو دخل قال رأيـــه بالصدفة فى كذا موضوع لنفس العضو بالصدفــة هتبقى حـآجـة عـآديـة و منقدرس نقول عليه مجاملات

ومشكورين بجد لـ للموضوع الجميل ده , جزآكـم الله خيراً
:)

_وهج_

10-04-2011, 04:42 PM

فكرة رائعة وجميلة
وعجبتني كتير

LoOoLy El Treikawya

11-04-2011, 01:30 PM

LoOoLy El Treikawya

11-04-2011, 01:32 PM

فكرة رائعة وجميلة
وعجبتني كتير
شكرا يا وهج نورتى

LoOoLy El Treikawya

11-04-2011, 01:33 PM

هو ده قصدى فعلا لما بقول نشكر صاحب الموضوع ده مش معناه اننا نكتب كلمة شكر من غير ما نقرا;)
بس لما تشكرى صاحب الموضوع او تردى عليه فا انتى كده بتشجعيه انه يبدع فى موضوعاته ويتقن فيها عشان يبان قدام كل الاعضاء بصوره كويسه:redface:

احنا كده اتكلمنا عن المجاملات امتى هانتكلم عن حاه تانيه
وهتكون ايه
بصراحه موضوع جميل جدا وشيق

قريبا هتنزل الحلقة التانية ان شاء الله :)

الف شكر على المتابعة يا قمر:022yb4: