فضفضة [الأرشيف] - بوابة الثانوية العامة المصرية

aleman

30-04-2011, 12:49 AM

السلام عليكم
ازيك يا ايمى
اعتذر لتأخر ردى عليكى هنا بالموضوع لحدوث مايسمى بالازمة النفسية لى
بس الحمد لله
ربنا واقف معى
اما عن موضوع الاذن فأنتى تكتبى براحتك ولا يهمك من غير اذن
انت وباقى الاعضاء والمشرفين
بجد احنا محتاجين نحكى لبعض
ونفضفض
اما عن ازمتى فهى كانت فى صديقة مقربة جدا لى
جدا جدا
اكتشفت انها عدو لدود يكن لى كل غيرة وحقد
وللاسف انا اما احب احب بجد
اما اخلص اخلص بجد
صديقتى دى كانت اختى
تقدرى تقولى انى كنت البنك بتاعها هى واخواتها
وده عشان كذبة كبيرة كنت عايشة فيها معاها وهى ان باباهم وحش معهم ولا يصرف عليهم
وربنا كشف المستور بطريق الصدفة البحته
وتخيلى صدمتك بقى اما صديقة عمرك تقف امامك وانتى عارفة انها بتكذب ومتأكدة من ده بس مش قادرة تواجهيها لانك خجولة مبتحبيش تحرجى حد
او بمعنى اصح مكسوفلها
مكسوفة تقوليلها كلامك كذب والدليل معى كذا وكذا وكذا
موقف صعب
بس الحمد لله
ربنا يسر لى صديقات مدرستى من المعلمين الاساسين ليردوا غيبتى
ويقطعوا حبل الصداقة الكاذبة اللى كنت متعلقة بيه
ربنا يكرمهم اجمعين
وللعلم الموضوع ده من مده بس للاسف اتجدد الفترة اللى فاتت وفتح جرح قديم كنت اعتقد انى قفلته
بس الحمد لله
فعلا الصلاة وقراءة القران وذكر الله
وتقوى الله فى عدم رد الاساءة والاكتفاء بالصمت
يرد كيد المعتدين

اييمى

01-05-2011, 08:27 PM

السلام عليكم

ازيك يا ايمان

انا حاسة بيكى اوى لانى عديت بالموقف ده اكتر من مرة تبقى بتدافعى عن صاحبتك ومعتبراها اختك وتفضلى مصلحتها على مصلحتك وفى الاخر تتصدمى صدمة عمرك

للاسف انا اتعرضت للموقف ده اكتر من مرة بس بدات احاول اتعلم اخد بالى شوية وبقيت حذرة فى تعاملاتى الى حد ما

الكل بيقولى عاملى الناس بمعاملتها بس مش عارفة بتعامل بطبيعتى

الكل بيقولى ان انا شايفة الحياة ابيض واسود بس وده مش صح لانى انا الى هتعب فى الاخر

بس اقولك حاجة يا ايمان اوعى تتغيرى خليكى زى ما انتى بس خدى حذرك من الى حوليكى يعنى حرصى

وربنا معاكى

هى فترة وتعدى واكيد مع كل موقف بيعدى علينا بنتعلم حاجة جديدة

وانا دايما اقول لنفسى لما اتعرض لاى موقف

: الضربة الى لا تميت تجعلنى اقوى

العروبة2

06-05-2011, 05:12 PM

السلام عليكم
اعتذر لتأخر ردى عليكى هنا بالموضوع لحدوث مايسمى بالازمة النفسية لى
بس الحمد لله
ربنا واقف معى

الزيتون عند ضغطه يأتي لنا بالزيت الصافي .....
والفواكه عند عصرها تأتينا بألذ العصائر .....
أما الورود فتسحرنا بجمال عبيرها عندما تجفف وتطحن....

♥ ♥ (`'·.¸ (`'·.¸*¤* ¸.·'´) ¸.·'´) .•*´¨`*•. ♥ ♥

فإذا شعرت يوما بمتاعب الحياة تضغطك
وبهمومها تطحنك أو تعصرك ..

♥ ♥ (`'·.¸ (`'·.¸*¤* ¸.·'´) ¸.·'´) .•*´¨`*•. ♥ ♥

لا تحزن....

♥ ♥ (`'·.¸ (`'·.¸*¤* ¸.·'´) ¸.·'´) .•*´¨`*•. ♥ ♥

لأن الله يريد أن يخرح أجمل ما فيك وأحلاه

naglaa mahmoud

11-05-2011, 06:07 PM

فاطمة الزهراء كارم

11-05-2011, 06:33 PM

طبعا نقبلك صديقة واخت عزيزة لينا كمان واحنا معاكى فى لحظة حضرتك واتمنى انك تقبلينى كقصديقة ليكى

aleman

12-05-2011, 04:33 PM

الزيتون عند ضغطه يأتي لنا بالزيت الصافي .....
والفواكه عند عصرها تأتينا بألذ العصائر .....
أما الورود فتسحرنا بجمال عبيرها عندما تجفف وتطحن....

♥ ♥ (`'·.¸ (`'·.¸*¤* ¸.·'´) ¸.·'´) .•*´¨`*•. ♥ ♥

فإذا شعرت يوما بمتاعب الحياة تضغطك
وبهمومها تطحنك أو تعصرك ..

♥ ♥ (`'·.¸ (`'·.¸*¤* ¸.·'´) ¸.·'´) .•*´¨`*•. ♥ ♥

لا تحزن....

♥ ♥ (`'·.¸ (`'·.¸*¤* ¸.·'´) ¸.·'´) .•*´¨`*•. ♥ ♥

لأن الله يريد أن يخرح أجمل ما فيك وأحلاه

جزاك الله كل خير

aleman

12-05-2011, 04:41 PM

السلام عليكم اقبلونى صديقه جديده لكم كنا نعيش فى الاسكندريه وانتقلنا فجأة الى السعوديه وتقريبا اتحبست مفيش اصحاب مفيش اهل مفيش كلام مع حد غير مع اولادى ربنا يبارك فيهم بس هما صغيرين علشان كده قولت افضفض معاكو يمكن حد يساعدنى فى وحدتى

وعليكم السلام
اهلا بيكى طبعا معانا
اما عن وحدتك
ربنا يخليلك اطفالك يارب
بس صدقينى فترة وهتحبى العيشة هناك جدا
وايضا النت والتليفون سهل الاتصال جدا
يعنى تقدرى تكلمى اهل حضرتك بسهولة وتشوفيهم كمان

واحنا معاكى هنا
ياريت تطلى علينا كل حبة نتكلم مع بعض ونفضفض لبعض

بجد اشكر ايمى صاحبة الفكرة انها فكرت الفكرة الحلوة دى بجد
اننا نتكلم بحرية مع بعض

naglaa mahmoud

18-05-2011, 07:49 PM

شكرا جزيلا لكم وارجو ان تفيدونى اعمل ايه فى وقت فراغى علما بانى لا احب الاعمال اليدويه ولا اعمال المطبخ :slap1qk6:
نفسى اتعلم كمبيوتر يعنى اكون محترفه بس مش عارفه ممكن لوحدى:p
اصل بصراحه عاوزة اسفيد من وقت فراغى :049gc0:
لو عندكو نصائح لوقت الفراغ يلا متبخلوش عليا:039uw8:

فاطمة الزهراء كارم

19-05-2011, 02:46 AM

وقت فراااااااغ !!!!!!!!!!!! الامتحانات على الابواب

naglaa mahmoud

19-05-2011, 05:29 PM

احنا فى السعوديه امتحنا فى السفارة من شهر 4 يعنى بقلنا شهر فاضيين

miroo.caty

21-05-2011, 06:50 PM

يابختك ..... يجماعه ممكن تقبلونى اتكلم معاكو شويه واكون صديقه جديده

aleman

21-05-2011, 10:40 PM

اكيد ياميرو
الاخوات لبعضها

naglaa mahmoud

22-05-2011, 06:20 PM

السلام عليكم ايه يا جماعه محدش قال اعمل ايه فى وقت فراغى:confused: بدل كل يوم على النت انا حاسه انى بضيع وقت كبير جداتقريبا كل يوم ساعتين:romarioxp6:
ولا انتو مشغولين فى الامتحانات:giljotiiniug3:

وليدالشرقاوي

22-05-2011, 09:47 PM

الموضوع شيق و كاني اقراه و اسمعه في الوقت نفسه و لي تجربة تعلمني بان الحكمة تقول :
لا يغني حذر من قدر
حرص و لا تخوين
احذر عدوك مره و احذر صديقك الف مره
احبب صديقك هونا ما عسى ان يكون عدوك يوما ما و ابغض عدوك هونا ما عسى ان يكون صديقك يوما ما .
اخي هو الشخص اللذي اختاره لي ابي و امي ، اما صديقي فهو الشخص الذي اخترته انا .
لماذا لا يكون اخي هو صديقي ؟؟؟؟؟؟؟
لماذا افتح لصديقي كل ملفاتي و قد لا افتحها لاخي ؟؟؟؟؟؟؟؟
لماذا افترض دائما ان صديقي لا يتغير و افترض انني اعرفه جيدا ؟؟؟؟؟؟؟؟
ان معنى الصداقة يجب ان يصاغ بطريقة تعطيني الحق في الاحتفاظ ببعض الاسرار لنفسي .

وليدالشرقاوي

22-05-2011, 09:56 PM

الاخت نجلاء ...
بالطبع وقت الفراغ قاتل و قد يضطرني لفعل اشياء اندم عليها مستقبلا مثل النوم الكثبر و الاكل الكثير و مشاهدة التلفاز اكثر لكن فكرة تعلم الكمبيوتر فكرة رائعه و المفروض ان علم الحاسب يدرس الان في جميع المدارص و يمكنك التوجه الى اي مدرسة و شراء كتب تعلم الكمبيوتر و البدء في التعلم و اكيد ان مع الكمبيوتر لن تجدي وقت فراغ .
طبعا انتي تعرفي بعض الاشياء عن الكمبيوتر و هذا واضح في انكي مشتركة في منتدي الثانوية و تكتبي بطريقة جيدة .
هناك عدة طرق لتعلم الكمبيوتر اسهلها كتابة اسم الموضوع اللذي تدرين تعلمه في محرك البحث جوجل و هي تظهر على هيئة دروس مشروحة بطريقة مبسطة و ان شاء الله ربنا يوفقك .

وليدالشرقاوي

22-05-2011, 09:59 PM

aleman

23-05-2011, 09:39 AM

miroo.caty

24-05-2011, 08:21 AM

تساؤلات بجد بتغيب عنا
فعلا انا من ممكن احكى لصحبتى مالا احكيه لاهلى

فعلا ياايمى بس الكلم ده للى عنده اخت او اخ بيحب يتكلم معاه بس للاسف فى الايام دى كمان الاخوات وحشين اوى مع بعض فالما تبقى واقعه بين ان مافيش اخت او اخ تتكلمى معاهم وكمان مافيش اصدقاء اوفياء دى حاجه صعبة اوى وده اللى انا فيه الحمد لله انا مافيش ولا صديقه من اللى عرفتهم طلعت وفيه او تستاهل انها تكون صديقه لحد بجد وللاسف مافيش صديقه دلوقتى بتدلك على الخير علشان تعمليه بالعكس بياخدوكى فى حجات تفهه ومالهاش لزمه وبعد مانغرق يقولولك مالناش دعوة ......مش هو ده اللى بيحصل ولا انا غلطانه وميرسى ليكى ياايمى

miroo

دموع الفرح

29-05-2011, 12:25 AM

aleman

29-05-2011, 10:20 PM

انا مشكلتي بقي اني مليش صحاب كل لما اصاحب حد الاقيه مش بيخاف عليا اصل انا وانا صغيره اتصحبت علي واحده كانت كل حياتي رجعنا قالت عليا كلام وراحت اتكلمت عني كلام وحش وبعدين من وقتها مش لاقيه اي صاحبه حلوا وصاحبتي اللي قالت عليا كلام دي بتمشي معايا الوقتي بس انا مش بحبها خالص نفسي ابعد عنها مش عارفه ابعد ازاي

اهلا بيكى يا ياسمينا
وبجد انتى سعيدة الحظ؟؟!!!!!1
طبعا اكيد بتسألى ازاى انا سعيدة الحظ؟ ايه الكلام ده
انتى سعيدة الحظ انك اكتشفتى مثل هذه الصديقة وانتى فى مرحلة مبكرة بحياتك
انا عن نفسى عندى 26 سنه ولسة مكتشفة صديقة عمرى من اولى كلية لسه من كام شهر فقط!!!!!!!!!
تخيلى حجم الماساة بقى
الحمد لله انك مريتى بالتجربة دى مبكرا
بصى
صاحبى زى ماانتى عاوزة
لكن اسرارك احتفظى بيها لنفسك او لحد من اهلك تثقى فيه
لكن صحبات لا
ممكن انتى فيكى حاجة صغيرة جدا مش ملاحظاها لكن صديقتك دى بتغير ان الحاجة دى فيكى مش فيها فتحقد عليكى وتكيد لكى وانتى لا تعرفين

ولا تقلقى العمر باذن الله امامك طويل لتصاحبتى تانى وتلاقى صديقة خيرية ترشدك وتنصحك وتكون معين لك فى طاعة الله

اما صديقتك دى اللى رجعتى لصداقتها خلى علاقتكم سلامو عليكوا عليكوا السلام
لا اسرار
اوك يا ياسمينا

ربنا ييسرنا الخير اجمعين يارب

دموع الفرح

30-05-2011, 12:52 AM

اه انا بعمل كدا بس هيا بتحاول تضايقني بكل الطرق تقعد تهزر مع دا ودا وانا مش معبراني ليه بقي عشان ازعل وكدا

aleman

31-05-2011, 11:05 AM

عاوزة تضايقك يا ياسمينا
اكيد عارفة انك كنتى بتحبيها كتير او مازلتى حتى
صح؟

دموع الفرح

31-05-2011, 11:18 PM

ايوا طبعا كنت بحبها بس دلوقتي بدات انساها خالص

aleman

02-06-2011, 09:19 PM

هى عاوزة تضايقك وخلاص

دموع الفرح

04-06-2011, 03:05 PM

انا بجد تعبت خلاص تعرفي ان دلوقتي بكره ابص في وشها من كتر اللي شوفته منها

sh.sh.

25-06-2011, 07:23 PM

هفتتح انا الموضوع

من اسبوع تقريبا اتعرضت لموقف غير كل حاجة فى حياتى ممكن يكون كمان غيرنى من جواياه

خلانى اشوف كل حاجة بطريقة مختلفة

وكمان قررت ما اجلش اى حاجة خير اكون بفكر اعملها ولا اتاخر عن اى قرار لان ببساطة ممكن ما الحقش اعمل الحاجة دى لو انا اجلتها لبكرة

لما يكون الموت قريب اوى من الواحد اكيد نظرته لكل حاجة بتتغير

يا ريت كل واحد فينا يفكر ويراجع كل حاجة فى حياته

حاسبوا انفسكم قبل ان تحاسبوا

يا ترى كان لازم اتعرض للموقف ده عشان اعرف انى باجل حاجات كتير حلوة فى حياتى وانى بضيع وقتى فى حاجات مالهاش لازمة وانى لازم اكون احسن

انا قررت اعمل ثورة داخلية على نفسى

( يا حى يا قيوم برحمتك استغيث اصلح لى شانى كله ولا تكلنى الى نفسى طرفة عين ابدا )
ياريت كلنا نبق زيك ربنا يهدينا جميعا ولو لحظة الموت الهتصحينا ياريت كلنا نشوفها عالفور لو بادينا

نور يوسر

03-07-2011, 11:59 AM

ازيك يا دكتوره كا نفسى افضفض مع دكتور فسى من زمان خالص مك افضفض معاكى شويه

aleman

13-07-2011, 06:06 PM

اكيد يايارا كلنا هنا اخوات

نور يوسر

13-07-2011, 08:45 PM

aleman

14-07-2011, 04:35 PM

بصراحه يمكن تكون مشكلتى الوحيده هى مش الوحيده يعنى بس انا اقصد اللى بعانى منها الايام دى هى نتيجة الثانويه العامه انا شاطره وكويسه وحاله كويس جدا جدا فى الامتحان انا فى تانيه ثانوى بس فى كل امتحان تقريبا حاجه بسيطه جدا غلطانه فيها بس انا خايفه جدا من التصحيح وانا بحلم انى هجيب درجات وحشه والله انا سعات كتييييييره بفكر فى الانتحار علشان انا خايفه من النتيجه انا معرفش ايه اللى بيحصلى ده مع انى واثقه ان ربنا هيكرمنى ادعوووووووووووووووووووووووولى كتييييييييييييييييير ان ربنا يكرمنى علشان اعتقد ان بكره النتيجه

بصى يايارا اللى حساه ده احساس طبيعى جدا
لازم فى الثانوية العامة بالذات تلاقى حاجة لا تعرفيها وولا عمرك شفتيها قبل كده

دى خاصية نحن نتميز بها كنظام تعليمى

والاحلام الوحشة دى كلنا مرينا بيها
ولعلمك من واقع دراستى فى علم تفسير الاحلام
الحلم ممكن يحدث عكسه
يعنى حلمتى انك سقطتى او جبتى درجات وحشة يبقى باذن الله ناجحة وبمجموع حلو كمان باذن الله
واطمنك انا اعرف ناس شاركت فى التصحيح وعامة التصحيح جميل جدا واللى بيصحح مع الطالب ودماغه وفهمه مش نمودج الاجابة وبس لا تخافى
اما عن الانتحار والكلام ده
لاتفكرى فيه ابدااااااااااا
اولا لانه حرام
ثانيا لان باذن الله ربنا هيوفقك
لسه امامك الدنيا بحالها باذن الله
والثانوية العامة دى قضاء وقدر لازم تمرى بيها طالما دخلتيها
استبشرى خير باذن الله وصلى كتير وادعى لربنا كتير
ربنا يوفقك
وباذن الله تطمنينى عليكى هنا
اوك؟

نور يوسر

04-08-2011, 10:58 PM

نور يوسر

04-08-2011, 11:04 PM

انا عاوزه اقولك مشكلتى التانيه انى معنديش اصحاب يعنى قصدى انا حاسه ان كل اللى مصاحبنى علشان اا شاطره مثلا او لمصلحه انا مكنش ليا غير صاحبه واحده كات كل حياتى كانت كأنها نصى التانى لكن للأسف سافرت اسيوط من سنتين ادعينا ان احا قدر تقابل تانى ان شاء الله على فكره انا مسجله دخولى يارا علام بأسمها من حبى ليها لكن انا اسمى اسراء ازاى اقدر اصاحب حد تانى ويكون وفى كده زييها وميكونش مصلحه ساعدينى وجزاكى الله كل خير

malakdarsh

05-08-2011, 02:25 AM

ربنا يقويكممممممممممممممممممممم

نور يوسر

05-08-2011, 01:42 PM

معلش اتاخرت عليكى فى معرفة النتيجه اصلى بجد مكتش فاضيه

aleman

06-08-2011, 05:45 PM

يا دكتوره بجد انا ارتحت من كلام حضرتك انا جبت 96% علمى علوم انا مش فرحانه اوى اصل حلمى كان 97% بس الحمد لله لى كل حال وانا ما بعدتش كتير ياترى ينفع اكمل علمى علوم ولا احول رياضه احسن انا بجد امنية حياتى ادخل صيدله ساعدينى بجد اا محتاجه المساعده[/

الف مبروك ليكى يااسراء

وطالما انتى حابة المجال ونفسك تدخلى صيدلة يبقى باذن الله هتقدرى وبسهولة تحسنى المجموع العام القادمquote]

[quote=يارا علام;3790891]انا عاوزه اقولك مشكلتى التانيه انى معنديش اصحاب يعنى قصدى انا حاسه ان كل اللى مصاحبنى علشان اا شاطره مثلا او لمصلحه انا مكنش ليا غير صاحبه واحده كات كل حياتى كانت كأنها نصى التانى لكن للأسف سافرت اسيوط من سنتين ادعينا ان احا قدر تقابل تانى ان شاء الله على فكره انا مسجله دخولى يارا علام بأسمها من حبى ليها لكن انا اسمى اسراء ازاى اقدر اصاحب حد تانى ويكون وفى كده زييها وميكونش مصلحه ساعدينى وجزاكى الله كل خير
بصى الانسان الشاطر عامة يكون محبوب من جميع الناس ومكروه من ناس كتير برده
ستجدى اللى تحبك وتخاف عليكى امامك ومن وراكى تقول اشياء سيئة
فى الفترة اللى انتى فيها دى
المراهقو كلنا مرينا بيها
وجود الاصدقاء شئ اساسى فى الحياة
ووجود الصديق الانتيم كما يقال عليه مهم جدا فى المرحلة دى
صديقتك سافرت بس اكيد فيه وسيلة تواصل بينكم صح؟
جوابات تليفونات اميلات
لاتجعلى طول المسافة بينكم يخليكى تفقدوا صداقتكم
ولاتنزعجى لو قالت لكى انها صاحبت هناك وكونت صداقات
ده شئ عادى جدا
وانتى كمان لازم تبقى كده
لازم تتأقلمى على الوضع الحالى وتكونى صداقات هادفة
مع كثرة الصداقات دى وكثرة التعامل مع الغير هتلاقى صديقة تتقربوا من بعضكم فى صفات مشكلات خصائص حياة افكار
وهتلاقيكى وجدتى انتيم اخر
وممكن بعد مرحلة ما تتغير انتيمك دى لواحدة تانية وهكذا للابد
طول مانتى عايشة هتكونى صداقات وتصاحبى
وبجد الشاطر او الشاطرة اللى يختار من الاول الصديق الصح لان لو دامت صداقتهم تدوم على حق ولايكتشف بعد مرور السنين انه اصلا اختار غلط
وصدقينى مراية الصداقة عمياء هتخليكى تتغاضى على اخطاء صحبتك ولاترى حبها الحقيقى من حبها الزائف
يعنى مصحباكى لمجرد انها انتيم بنت شاطرة كله بيتمنى يبقى صديق ليها
انا من فترة شاركت بموضوع عن الصداقة هنا بمنتدى الصحة النفسية
هسيبك بقى تسلى صيامك وتدورى عليه بنفسك
هتلاقى فيه كلام وتجارب كتير عن الصداقة
وربنا يكرمك يارب
وعلطول تطمنينى عليكى هنا يا اختى الصغيرة
اوك

نور يوسر

07-08-2011, 09:56 PM

معلش يادكتوره هدوشك بمشاكلى بس انا لو كنت اقدر اتواصل معها حتى باموبايل كنت اقدر الرقم بتاعها على خط الموبايل بتاعى وكنت بتكلم معاه لكن اخر مره كلمتها كانت رمضان اللى فات وبعدين الخط باز خالص وش راضى يشتغل نهائى ودورت على رقمها عندى فى البيت مش لاقياه

نور يوسر

07-08-2011, 09:58 PM

طيب خلاص سيبنا م يارا انا بقى يادكتوره ايمى مش عارفه مجموعى ده عاوزه كام عليه علشان ادخل صيدله ولو ممكن ادخل طب عاوزه كام تانى

aleman

08-08-2011, 02:42 PM

بصى لسه امامك سنة بحالهاااااااا
هتتغير بيها حاجات كثيرةةةةة جدااااااا
انتى اعملى حسابك على 100%
والله بكلمك جد
اعملى حسابك على 100% من غير مستوى رفيع
واجتهدى
وربنا هيكرمك باذن الله وتخوشى اللى عاوزاه

المريسي

11-08-2011, 02:43 PM

موضوع جميل بالتوفيق

مشكور للمرور بالموضوع خاصة وبالقسم عامة

ننتظر باذن الله مشاركاتنا موضوعاتنا وحكاياتنا

aleman

25-07-2012, 09:05 PM

ياريت نرجع تانى الموضوع ده

نور يوسر

26-07-2012, 03:21 AM

بصوا انا عندى مشكله كبيره جدا المهم انا جبت فى تانيه ثانوى 96% وفى سنه تالته حصلت ظروف مش كويسه عندى فى البيت خلتنى اخر 3 شهور مركزش نهائى فى المذاكرة واسيب المذاكره شويه كتير فى شهر خمسه واتفرج ع التليفزيون بغرض انى اهرب من المشاكل المهم امتحنت الانجليزى وعلم النفس والحمد لل كويسه فيهم يعنى مجموعى فى تانيه وتالته الاتنين فى الامتحانات بتاعتى اللى امتحنتها 95.9% يعنى يعتبر 96% المهم انا عندى السنه دى اقصدى السنه اللى هتبدأدى بعد شهرين 3 مواد والمستوى عندى العربى وده سهل معقول كويس يعنى وعندى الاحياء وانا كويسه جداااا فيها وعندى الفيزياء ودى بئى مشكلتى الكبييره خايفه جدا منها وعندى مستوى العربى مشكلتى بئى انى مش قادره اعرف انا ممكن ابدأمن امتى اذاكر وكمان مش قادره اعرف هلل ممكن اقدر اذاكر وانسى كل اللى فات ولا ده مستحييل وكمااان خايفه اوى من السنه دى احسن يحصل زى اللى حصل السنه اللى فاتت وكمان مامتى (مرات بابا) هى بتعاملنى كويس جدا لكن لما انجح بشوف فى عنيها انها مش بتحب كده وسمعتها اكتر من مره تدعى عليا هى واخواتها وكل شويه تعايرن ببنت خالتها لأنها أدى فى السن وجابت 99.5 مع انها الست دى اللسبب فى انى اجلت بطريقه غير مباشره المهم هى دلوقتى حالفه ما تكلمنى ليوووووووووم الديييييييين علشان والله العظيم سبب تافه حصل بينها وبين بابا واناا كنت السسبب فييه مع انها صالحت بابا لكن خاصمتنى ليوم الديييين بابا طبعا مش عارف كده لكن بابا حاسس انها بدأت متعاملنيش كويس الايام دى وانا البنت الوحيده واكبر بنت وهى قالتلى انى مش هذاكر السنه دى غير فى وقت فراغى بس يعنى هشتغل معاها ف البيت اى نعم بابا مش هيخليها تعمل كده لكن بابا اغلب الوقت فى الشغل او نايم بجد انا مش عارفه اعمل يه تعبت وقرفت وكرهت نفسى واتمنييت ان ربنا ياخدنى وبدعى ع نفسى كل يوم فى الفجر لكن شكل لسه يومى ماجاش انا حبيت افضفض واشيل من ع قلبى حجر كبييير اوى معلش لو ازعجتكم

aleman

27-07-2012, 06:23 PM

بصى يا يارا
اولا ربنا يصبرك على اللى انتى فيه
ثانيا صدقينى الكلمة الطيبة بجد صدقة وتلين اقسى قلب
بمعنى انتى خليكى كويسة فى التعامل مع زوجة والدك
والافضل لو تحاولى تكلميها امام والدك ولازم يعرف انها حلفت الحلفان ده
لان الحلفان ده حرام شرعا
الله سبحانه وتعالى ورسوله الكريم انبهوا على خطورة هجر وخصام المسلم لاخيه اكثر من 3 أيام
فمابالك بخصام ليوم الدين؟!!
ده حرام عليها
فأنتى بقى دورك ان تخففى عنها هذا العذاب اللى هى مش حاسة بيه الان (عذاب هذا الحلفان يوم الدين يوم تقابل وجه رب كريم )
ولا تبتأسى
فالله معكى
ولا تحزنى لانها بتقارن بينك وبين قريبتها
يمكن من جواها بتحاول تشجعك بطريق غير مباشر
يمكن افعالها معك هذه ناتجة لظروف معينة هى مرت بيها بردك وتعتقد انك السبب فيها باعتبارك ابنة زوجها

اعتقد ان المواجهة امام ابيكى افضل حل
وقومى ساعتها وبوسيها واعتذرى منها
ممكن تقوليلى هتفتكر انى بعمل كده امام بابا وبس؟
اقولك ما انتى هتفضلى تعامليها معاملة حسنة علطول فى غياب والدك او وجوده

اما عن مشكلة المذاكرة
قولتها كتير وبقولها
مافى حاجة صعبة على اللى بيذاكر ومجتهد ومؤمن بالله وبنصيبه
انتى بظروف صعبة جبتى 95,5% ما شاء الله
فمابالك باليوم
الان
وباذن الله انتى حاولى ألا تتكرر هذه الظروف مرة اخرى
تجنبى اى نقاش ساخن معها
عامليها بلين وحب وادعى الله دائما ان يحنن قلبها عليكى
وافتكري لها موقف حلو ما
بس موقف يخليكى تحاولى معاها مرة اخرى
ولو تكررت هذه الظروف السيئة ماعاذ الله مرة اخرى
اعلمى ان ده ابتلاء واختبار من الله يمتحن به قوة صبرك
وان كل حياتنا مكتوبة عند ربنا من قبل ما نولد
واعمالك احتسبيها عند الله
وربنا هيكلل صبرك ومقابلتك المعاملة السيئة بالمعاملة الحسنة عنده بكل خير
وتذكرى كلها كام شهر وتدخلى الجامعة وهناك عالم اخر
فاجتهدى وحققى حلمك لتدخلى الكلية اللى نفسك فيها او نفس والدك فيها
طبعا انا معرفش الظروف كلها للموضوع
بس لو حبيتى ابقى كلمينى علخاص باذن الله لو عاوزة تفضفضى بحرية اكثر
وربنا يوفقك دائما يا يارا

دموع الفرح

31-08-2012, 09:15 PM

يادكتوره aleman
حضرتك انا ببعتلك رسايل ومش بتوصل
ممكن تحذفي رسايل لو ينفع علشان توصل

نور الحريري

01-09-2012, 11:57 PM

aleman

03-09-2012, 04:16 PM

يادكتوره aleman
حضرتك انا ببعتلك رسايل ومش بتوصل
ممكن تحذفي رسايل لو ينفع علشان توصل
انا فعلا مسحت الكثير من الرسائل
بانتظار رسائلك باذن الله

aleman

03-09-2012, 04:22 PM

مرحبا انا عايزة افضفض واخد رايكم انا اكتير مدايقة ومهمومة وطفشانة اكتير الشخص الي حبيتو بلحظة تخلى عني مع اول عريس يجيني وحكالي اتزوجي ومابدي كون اناني هوا ماكان اناني لما خلاني احبو بكل سهولة بدو يتركني اكون لغيرو ولما احكيلو هيك بيحكيلي انتي راح تكوني الو جسد مو روح روحك دايما راح تكون معي انا اكتير تعبانة ومدايقة
بصى يانور
لاتضتيقى من كلامى القادم:
الشباب انواع
شاب يحب اما يسيب البنت يصدمها كده ويعرف عليها وبعلمها كذا واحدة
وده النوع انا بصراحة افضله عن النوع الاخر
وهو
اللى يحسس البنت انه بيضحى عشانها بأنه بيسبها الان
او انه سابها عشان هى الغلط وهى اللى مش بتفهم ولاتسمع كلامه .....ألخ
وده بجد سئ انواع الشباب لانه بسيب البنت معتقدة انها الغلط وانها اللى ضيعته من ايدها فى حين ان دى طريقة للتخلص منها
او ان يشعرها انه بيضحى بيها عشان سعادتها
انا كرأى شخصى لا اقتنع بهذا الكلام
بالعقل كده
واحد بيحب واحدة يسيبها تتزوج واحد اخر؟؟
واحد اخر غيره
من غير مايحاول حتى يحتفظ بيها بأنه حتى يقابل اهلها ومش مشكل يرفضوه المهم انه اثبت ان حبه حب شريف!!!!!
طب من الاول معملش حساب كده ليه؟؟؟
دى يانور بتبقى حجج واهية من الشباب دول
لاتحزنى ربنا هيعوضك بالاحسن منه باذن الله
انتى لسه صغيرة والحياة امامك طويلة

نور الحريري

03-09-2012, 10:16 PM

شكرا الك اكتير انا بفكر اترك كل شي وافتح صفحة جديدة مع نفسي ان شاءالله اقدر انساة وحياتي الجاية تكون احسن

نور الحريري

04-09-2012, 08:52 PM

اليوم حكيت معو وكان اكتير زعلان ومدايق عم يحاول يقنع امو يخطبني وهيا مو راضية توافق لحتى يتوظف والمشكلة التانية التصريح لانو هوا من بلد وانا من بلد مشكلتنا صعبة بتمنى اي حدا يفوت هنا يدعيلي حاسة حالي راح اجن من التفكير ليش كل شي بيد الاهل لو اجا لحالو اهلي ماحيوافقو وامو عنيدة مو راضية تجي قبل ليتوظف ويعمل التصريح بتمنى تدعولي ان الله ييسرها من عندو

بلال-فضل

04-09-2012, 10:26 PM

اللهم لا سهل إلا ما جعلت سهلاً وأنت تجعل الحزن سهلاً

Eco esraa feps

05-09-2012, 12:58 AM

عبد الله مصلحى

05-09-2012, 04:51 PM

سبيها على الله وربنا يستر

aleman

05-09-2012, 09:47 PM

شكرا الك اكتير انا بفكر اترك كل شي وافتح صفحة جديدة مع نفسي ان شاءالله اقدر انساة وحياتي الجاية تكون احسن

اليوم حكيت معو وكان اكتير زعلان ومدايق عم يحاول يقنع امو يخطبني وهيا مو راضية توافق لحتى يتوظف والمشكلة التانية التصريح لانو هوا من بلد وانا من بلد مشكلتنا صعبة بتمنى اي حدا يفوت هنا يدعيلي حاسة حالي راح اجن من التفكير ليش كل شي بيد الاهل لو اجا لحالو اهلي ماحيوافقو وامو عنيدة مو راضية تجي قبل ليتوظف ويعمل التصريح بتمنى تدعولي ان الله ييسرها من عندو

بصى يانور
اللى عاوز حاجة بيعملها
والصبر مفتاح الفرج
بمعنى:
انا لا اعرف هذا الشخص
ممكن اقولك انه بيقول كده وعامل الحجة على مامته ليحسسك انه بيعمل اللى فى وسعه من اجلك
انا لا اريد ان اظلمه
بس هقولك حكاية لصديقة لى مقربة
هى صديقتى من ثانوى
صديقتى دى تعرف على شاب بالكلية
وعاشت معه قصة حب بعلم الاهل من الطرفين
هى كانت من مدينة وهو من مدينة
علمت انه فى اول علاقتهم كان مراهن عليها اصحابه انه هيكلمها(نظرا لانها لم تكن تكلم اى شباب بالكلية)
المهم هى سمحته لانها كانت اتعلقت به واحترمت صراحته
المهم تخرجت وهو سقط واهله اتهموها انها السبب فى فشله
تخرج بعدها بعام
المهم طلب من اهله الارتباط بها رسمى
اهله رفضوا رفض تام
قالها كده
رفضت تسيبه
كرهها فيه بكل الطرق
وفعلا انفصلوا وسافر هو لبلد عربى وظلت هى هنا بمصر
كان يطمن على احوالها من بعيد لبعيد
وعلم انها رفضت الارتباط باى شخص من بعده
ما كان منه الا ان ضغط على اهله بان امتنع عن مراسلتهم من البلد العربى لحد ما يوافقوا على الارتباط بها
وفعلا وافق الاهل لان حسوا ان ابنهم هيضيع منهم فى الغربة
وتم الاتصال بينهم بعد ما اهله اتصلوا باهلها رسمى
وفعلا تزوجوا بعدها بعام
والان معهم طفلة صغيرة جميلة

من قصتى الطويلة دى
غرضى اقولك ان الشاب غير البنت
فى ايده كل شئ
مستقبله وحياته وحبه
لو بيحبك بجد هيقنع مامته باذن الله ولو بعد فترة
خاصة لو انتى شايفى انه لاداعى لرفضها ان يرتبط ابنها بكى
اما لو دى حجة فلا تضيعى عمرك معه

Eco esraa feps

05-09-2012, 09:51 PM

aleman

05-09-2012, 09:59 PM

ازيك استاذه ايمان انا ف علا محتاجه اوووووووووووووووووى افضفض مع شخص زى حضرتك كده
يا استااااااااااذه انا سعااااااااااااات كتيييير اووووووووووووووووووووووووووووى بحس ان فيه ناس احسن من ناس يعنى ناس عندهم كل حاجه وناس تتمنى يكون عندها حاجه واحده من دولا مع ان ربنا خالقنا كلنا واحد لكن بلاقى ناس عندها مال وجاه وسلطه وعلم كتيير ومااال اكتر مش هي دى المشكله يعنى كماااااااان عنها اخوااال واعمااااااااااااام بيحبوووهم اوووووى بيسألوا عليييهم وباباهم وامهم متفاهمين دولا ناس قرايبى عارفاهم وحضرتك متقولييش اكيد فى مشاكل فى حياتهم علشااان انا عارفاهم كويس مفيش اى مشكله واسره مترابطه ومتحابه جدااااااااااااااااااااااااااا
لكن عيلتى انا بئى اى نعم عندنا مااااااااااااااال وجاااه ومستوانا حلو بس هما احلى انا مش مهم عندى ده علشان فيه ناس تتمنى يكووووووون عندها حاجات بسيطه لكن المهم ان انا معنديش اخووال يسألوا عليا خااااالص بعد ما مامتى اتوفت كانوا بيسالوا علينا لكن بعد ما بابا ما طلب واحده من اخواتها البنات وهما قاطعوا بابا نهائى وقاطعونا وكل ما نكلمهم ما يردوش نروحلهم كانوا بيقابلونا لما كانت تيتا عايشه ممكن لكن بعد كده كل حاجه انتهت وبيقولوا ولاد اختهم ماتوا زييها وماما الجديده انا مش متعوده على اخواتها زى خالاتى يعنى وهما برضه بيعاملونا بسطحيه شديييييييييييييده انا معنديش اعمام يعنى عندى 2 عم وواحده عمه لكن كل عم مشغوول بحياته وفين وفييين يسال والعمه مشغووووله برضه دى محضرتش جنازة مامتى الله يرحمها واكتفت بالاتصال بس احنا بررلنالها كل ده بانها ساكنه بعيده عننا مع ان مفيش حاجه تسامح ده
معنديش اصحاب بجد مش بحب اخرج بحب اقعد فى البيت فى المقابل ان قرايبى اللى كنت بكلمك عليهم من شويه ليييهم اعمااام واخووووووووال وبيحبوهم اوووووووووووى ومفيش حاجه مرفوضالهم وبالنسبه لباباهم متفاهم شويه لكن بابايا انا بارغم من انى البنت الوحيييييييده وهو بيحبنى اووووووووووووووووووى الا انه مش متفااهم نهائى يعنى مقدرش اقعد معاه واقنعه بفكرتى غير لما يكووون عندى دلييل قووووووووى علييييييييييييييه يعنى والدليل اتحقق كماااااااان
انا مخنوووووووووووووووقه اووووووووووى ووااللله العظيم بفكر فى الانتحار كل يووووووووم مليووووون مره مش عاوزه اعييش وانا كده حاسه انى متكتفه حاسه انى مالياااااش حد
يا استاذه انا والله ماعارفه انا كتبت الموضوع ده ازااااى بس كان لازم اخرج اللى جوايا لشخص يمكن يفهمنى اصلى معنديش اخووووات كبار حتى اخويييييييييييا اللى باعتبره الاخ المساعد ليا واللى بستشيره عنده نفس المشكله بس هو بيحاول يشغل نفسه باى حاجه
ادعيييلى اطلع من اللى انا فييه ده وارجوكى قوليلى اعمل ايييييييييييييه
اشغلى نفسك باشياء مفيدة يا حبيبتى
لاتجعلى الافكار التشاؤمية تؤثر عليكى حتى لا تكتئبى مرضيا فلن تعرفى تخرجى من هذه الحالة ابدا الا بتناول الادوية والعقاقير الطبية التى ستلازمك لفترة طويلة من حياتك
انتى من زمان الفكرة دى ملازماكى (الانتحار) وده غلط
انتى مجتهدة ومتفوقة يعنى ناجحة علميا
واتوقع لكى النجاح عمليا واجتماعيا
اعتقد انك بنت لكى حضور مش قوى لكن جميل
وتجتذبى من حولك بفطرتك الطيبة
فنمى ذلك
لاتتذكرى الماضى
ايام والدتك المتوفاه وصاحبتك الوحيدة التى فقدتيها فى غمار الحياة (من3سنوات)
لاتنظرى للماض
وخليكى فى الحاضر
انتى داخلة فى حياتك مرحلة جديدة جدا
مرحلة الجامعة
هتشوفى حاجات كتير وتقضى فيها اكتر ما بتقضى فى البيت خاصة كليتك الطب
اخوالك وخالاتك قولت لكى من قبل
حاولى وابدأى انتى بالكلام
بالزيارات
فكريهم بمامتك وايامها
ايام ما كانوا بييجوا وتتجمعوا كلكم
لم تجدى منهم استجابة
يبقى خلى علاقتك بالتليفون
ودى لاتقطعيها ابدا
لله سبحانه وتعالى فقط لاغير
بالجامعة بقى الدراسة هتشغلك
والله بكرة تقولى استاذتىaleman قالت لى ذلك
حضورك وشخصيتك الحلوة هتجمع حولك الكثير تخيرى منهم
خاصة وانك شخصية منطوية
لاتحزنى وثقى بالله
هو شايل لكى الاحسن
واعلمى دائما ان المؤمن مبتلى من الله سبحانه وتعالى

Eco esraa feps

05-09-2012, 10:11 PM

اشغلى نفسك باشياء مفيدة يا حبيبتى
لاتجعلى الافكار التشاؤمية تؤثر عليكى حتى لا تكتئبى مرضيا فلن تعرفى تخرجى من هذه الحالة ابدا الا بتناول الادوية والعقاقير الطبية التى ستلازمك لفترة طويلة من حياتك
انتى من زمان الفكرة دى ملازماكى (الانتحار) وده غلط
انتى مجتهدة ومتفوقة يعنى ناجحة علميا
واتوقع لكى النجاح عمليا واجتماعيا
اعتقد انك بنت لكى حضور مش قوى لكن جميل
وتجتذبى من حولك بفطرتك الطيبة
فنمى ذلك
لاتتذكرى الماضى
ايام والدتك المتوفاه وصاحبتك الوحيدة التى فقدتيها فى غمار الحياة (من3سنوات)
لاتنظرى للماض
وخليكى فى الحاضر
انتى داخلة فى حياتك مرحلة جديدة جدا
مرحلة الجامعة
هتشوفى حاجات كتير وتقضى فيها اكتر ما بتقضى فى البيت خاصة كليتك الطب
اخوالك وخالاتك قولت لكى من قبل
حاولى وابدأى انتى بالكلام
بالزيارات
فكريهم بمامتك وايامها
ايام ما كانوا بييجوا وتتجمعوا كلكم
لم تجدى منهم استجابة
يبقى خلى علاقتك بالتليفون
ودى لاتقطعيها ابدا
لله سبحانه وتعالى فقط لاغير
بالجامعة بقى الدراسة هتشغلك
والله بكرة تقولى استاذتىaleman قالت لى ذلك
حضورك وشخصيتك الحلوة هتجمع حولك الكثير تخيرى منهم
خاصة وانك شخصية منطوية
لاتحزنى وثقى بالله
هو شايل لكى الاحسن
واعلمى دائما ان المؤمن مبتلى من الله سبحانه وتعالى

ياااااااارب دعواتكم

نور الحريري

07-09-2012, 05:31 AM

كلامك اكتير بيريحني هوا مافي سبب لحتى ترفضني لشخصي انا بس لانو متل ماقلتلك انا من بلد وهوا من بلد شغلتنا بتحتاج تصريح ووممكن مايجي التصريح هيا خايفة تجي تخطبني وتعلقني على الفاضي هادي وجهة نظرها بتحكي لابنها خد وحدة من نفس بلدك اريحلك هوا فعلا اريحلو بس شو نعمل اذا كنا بنحب بعض اكتير عم يحاول يقنعها بس بتقلو مابروح اخطب البنت وضيع من عمرها وبعدين مايجي التصريح واتخجل من اهلها ادعولي الله يفرجها ويسهل امورنا يارب

aleman

07-09-2012, 12:07 PM

نسيــــــم الجنـــــــــة

30-11-2012, 12:11 PM

بوركتى استاذة الايمان مجهودك مشرف

:):)

Eco esraa feps

22-01-2013, 10:58 AM

انا مشكلتى ان طمووحى زييييياده اوووووووووووى يعنى بحلم انه اكون دكتووره كبيره كده زى الدكتور باسم يوسف وفى نفس الوقت يكون ليا نشااط موسيقى ونشاط اعلامى وهرفض لجواز خااالص الا بعد ما احقق كل احلالالالالالالامى طمووووووووووووووحى ده بيكبر يوم عن يووووم انا بذااكر علشان كده دلوقتى
انا خايفه طموووووووحى الكبييييييير ده يضيعنى فى النهايه واحس انه وهم وسرااااااااااااااااب وضيعت عمرررررررى فيما لايفيييييييييد ارجوكى قولى اعمل ايييه

Roro centra

22-01-2013, 11:44 AM

يا سلام ع الناس اما تساااعد بعضهااا وتفضفض جزاك الله خيرا

βǻŋỏTắ MōŠliмǻ

22-01-2013, 01:41 PM

السلام عليكم
كان نفسى من زماان الاقى حد افضفض معااااااااه
انا عندى مشااااااكل كتيييييييييرة جدا ...انا مش بعرف اذاكر خاااالص اعمل ايه مبقدرش اكمل نصف ساعة ع الكتاب ابداااا وانا داخلة على ثانوية ومش عارفة اعمل ايه واصحاابى عندى واحدة صحبتى بتكرهنى فى نفسى وفى الدنيا كلها ومش ارفة ابعد عنها لان كدة هخاصمها ومينفعش بس كلامها وحش خاالص
يعنى مثلا كنا طالعين من الامتحان بقلها الامتحان كان سهل انتى اتاخرتى كدة ليه قعدت تقولى سهل اه سهل بتريقة وتقول كدة وتبصلى بقرف كدة هى مش معايا انا كدة بس مع زمايلى كلها هى اه متفوقة بس بجد مبقدرش استحملهاااااااااااااااااااا مستحيييييييييييييل كلامها وحش اووووووى يمكن مش بتااخد بالها من اللى هى بتقولوا بس انا مش بقدر استحمل وخنقانى كدة
المشكلة التانةي انى مش اجتماعية خالص مش بحب اخرج مع حد ولا اتكلم مع حد بحب اقعد لوحدى على طووووول وانا كمان بكون خجولة من حاجات اصلا مفيش فيها حاجة خااااالص وده مسببلى مشااااكل كبيرة جدااااا فى حياتى ومنكد على حياتى مبقدرش اتكلم مع حد مبعرفش اتعامل مع الناس بطبعها ولو اتعاملت معاهم ممكن اغلط فيهم فعشان كدة مبتكلمش وماما بتقعد تزعقلى وتشتم فى وتقولى انتى معقدة وبدخل الاوضة على طول وبقعد اعيط على طول مش قادرة اعيش بالمنظر ده مش قادرة اتكيف مع اى حد انا مبتكلمش مع حد خاااااالص الا زمايلى اللى قريبين منى جدا ويمكن بتكلم معاهم اكتر مبتكلم مع اهلى
انا بجد مخنوووووووووقة اووووووووى اوووووووووى مش قادرة اعمل ايه

Eco esraa feps

23-01-2013, 09:45 AM