مرايا ونتيجة وساعة..

عندك مراية في بيتكم؟

طب معلق نتيجة على الحيطة ؟

جنب الساعة اللي بتعد ساعات العمر؟

معاك ورقة وقلم أو فاتح حتى الوورد على الكمبيوتر؟

جوّاك شجاعة كبيرة وقادر تواجه أخطر الحقائق وأشدها فزعا؟

لو إجابتك عن كل الأسئلة اللي فاتت دي بأيوه..

يبقى حلو قوي.. شمر بقى كم القميص وخش في الموضوع عدل

أما لو كانت الإجابة عن نفس الأسئلة بـ: لا

فإحم.. يبقى شمر كم القميص وخش برضه في الموضوع عدل

تخيل إنك قعدت مع نفسك على انفراد بليل او حتى الصبح

المهم انك تقعد مع نفسك

تعالوا نشوف الحوار هيبقي شكله ايه

انت: مساء الخير

نفسك: يسعد مساك يا سيدي.. نعم أي خدمة؟

انت: بالراحة عليّ شوية.. عادي يعني.. كنت عاوز نقعد مع بعض شوية

نفسك: ليه يعني صاحبي.. صديقي.. خطيبي.. جوزي ومخلفة منك عيال

انت: يا ستي ده إنتِ نفسي.. مش لازم يعني يكون فيه سبب عشان نتكلم مع
بعض

نفسك: اتفضل يا سيدي.. سمعني

انت: مش عارف.. حاسس إن أنا غلطت لما اتخانقت مع ماما النهارده
الصبح

نفسك: مش هي يا سيدي اللي مارضيتش تديك فلوس عشان تشتري كتب الجامعة

انت:
إنتي هتستعبطي ولا إيه.. ما أنا وإنتي عارفين إني خدت منها فلوس الكتب قبل
كده 3 مرات بعد ما أخدتهم من بابا 4 مرات وبرضه ماشترتش الكتب

نفسك: آه والله في دي عندك حقك.. ما هو إنت اللي بتصرف فلوسك دايما على البنات، وعمال تتسرمح وتصيع ومش عامل حساب لحد

انت: طب خلاص خلاص هو لازم يعني تشدي عليّ كده في كل مرة..
خلاص ماعدتش هاعمل كده تاني.. بس لازم أعتذر لماما صح.. صح؟

نفسك: طبعا.. قوم هز طولك بدل ما إنت قاعد قدامي كده.. روح يا شيخ.. جيل فاشل يقطع الخلف






وممكن الحوار يبقي كده ..!!

انت: مساء الخير

نفسك: مساء الخير يا عسل.. ما تاخد لك نفس طيب.. كح كح

انت: لا يا ستي.. ما هو أنا أصلا جايلك عشان كده

نفسك وهي تنفخ الدخان في وجهك: فووووووو.. وماله يا حبيبي اتفضل
اتفضل

انت: بصراحة... أنا عاوز أبطل شرب سجاير وشيشة

تقف نفسك في قلب الصالة وهي تضع يدها في وسطها قائلة لك: نعم يا عمر.. تبطل شرب

انت:
عمر مين يا ستي.. إنتي نسيتي اسمي ولاّ إيه.. وبعدين فيها إيه؟.. أيوه أنا
عاوز أبطل شرب سجاير وشيشة.. بصراحة باصرف عليهم فلوس بالهبل وصحتي بقت
زيرو.. ده أنا لما باطلع السلم بانهج وكأني شايل جبل المقطم على صدري..
وأنا ساكن في الدور التاني ما بالك بقى لو كنت ساكن
في الدور الخامس ولا السادس؟

نفسك: عادي يعني هتحس إنك شايل جبل المقطم والجبل الأخضر.. جيل
مرق خيخة

انت: قولي عليّ زي ما تقولي.. بس أنا قررت.. مافيش سجاير ولا شيشة بعد النهارده، إيه قولك بقى؟

نفسك: خلاص يا عم إنت أدرى بنفسك.. بس اسحب لك نفس من السيجارة دي طالما هتبطل بقى

انت: يا ستي باقول لك هابطل هابطل

نفسك: يعني كنت كابتن مصر وهتبطل كورة ياخي ما تبطل يا سيدي.. باقول لك ده آخر نفس، مالوش تأثير يعني

انت: تفتكري؟

نفسك:
تشير لك بعلامة نعم ثم تقدم لك السيجارة التي تلتقطها في سرعة أدهشتك أنت
شخصيا.. لحظات ويمتلئ المكان بالدخان.. كح كح.. مش تفتح شيش البلكونة طيب؟

شفت بقى، آدي الحوارات ولا بلاش

عرفت ليه لازم يكون عندك في البيت ساعة ونتيجة..؟

عشان تبص على الأيام اللي راحت من عمرك

وعرفت ليه إنت محتاج مراية؟

عشان تشوف فيها نفسك على حقيقتها..

وتقف قصادها وتسألها هي الأيام والساعات اللي راحت دي راحت في إيه؟

والأفعال اللي قمت بيها كانت صح ولا غلط؟







خايف؟

ماتخافش..

صحيح إن كتير من الحكماء قالوا إن أكبر عدو

ممكن تقابله في حياتك هو نفسك،

وصحيح كلنا عارفين إن النفس -عادة- ما تأمر صاحبها بالسوء،

بس خليك شجاع

واقعد مع نفسك وحاسبها بالورقة والقلم

لقيت نفسك غلطان

عادي ماتزعلش.. اعرف إنك غلطت وحاول تصحح الغلط ده لو تقدر

ماقدرتش والوقت فات؟

خلاص اتعلم من غلطتك عشان متكررهاش تانى احنا بشر مش ملايكه

لقيت نفسك عملت حاجات كتير صح وخير

حلو قوي.. اثبت على كده يا مان

ودرب نفسك على فعل الخير وحب عمله

يعني في الحالتين إنت كسبان كسبان..

محاسبة النفس دي زي كده ما الواحد يكون عنده قميص مش نضيف..

وبعدين يغسله بمسحوق معتبر.. بعدها يرجع أبيض زي الفل.. زي الأول

بالظبط.. صحيح القميص ممكن يتوسخ تاني.. بس ممكن برضه

مايتوسخش.. والأهم.. إنه رجع أبيض




احكِى لنا وقل لنا

قعدت مع نفسك قبل كده وحاسبتها

والنتيجة كانت إيه طيب؟

ولو قعدت دلوقتي مع نفسك..

وعملت معاها كشف حساب

يا ترى هتقول إيه والنتيجة هتكون إيه؟

وشـ،ـ، !ـ،،ــــ,,ــــــكرـــــــــــــــ ا

م.ن.ق.و.ل

يا شيماء .. انحنى لك و للى عامل الموضوع اينما كان .. لانى و الله دمعت لما طبقت الكلام اللى فى الموضوع .. لقيت نفسى غلط فى حق نفسى و فى حق والدتى و فى حق من هم فى بالى ..

فى حق نفسى .. انى عملت غلطات كتيرة .. مكنتش اتوقعها من نفسى ..و منها ان للاسف فى يوم من الايام كنت اشرب المدعوءه اللى اسمها شيشة دى بس اكرمنى الله و سيبتها.. و كمان غلطات كتير زى السنة اللى فاتت و درجتى .. و كده .. حاجات خلتنى ابقى صغير ..

فى حق والدتى .. اينعم انا لما بشوف ماما بس زعلانة بتجنن .. بس ساعات قلبى بيقسى عليها كتير .. و المشكلة .. انى مش بقدر ابقى كده عليها .. فبضطر اكسر نفسى قدامها .. و بحس انى غلطان ..

فى حق ناس .. بالذات فى حق بنى ادمة عزيزة عليا .. اخطأت كثيراً فى حقها ..

و فى حق ربى .. الذى اعطانى و اعطانى و اعطانى و اعطانى .. و انا .. ابحث عن المزيد .. و يا ربى الاقيه يعطينى .. اكتر .. و اجى انا اصلى الاقى نفسى مش خاشع .. ببقى نفسى اعيط فى الصلاة من قلبى زى بقيت الناس .. مش بعرف .. ساعات لسانى بيغلطنى و عينى تغدر بى .. و يدى تبطش بما ليس لى .. و ربى يسالنى (( هل جزاء الاحسان إلا الاحسان )) فمباذا اجاوب بسوى انى اصغر امام نفسى ...

اسف انى طولت بس بجد . كنت عايز افضفض شوية ..

فليت الساعه تعود بى .. لاصلح من هذا .. و اترك هذا .. و احن على والدتى .. و ابر بوالدى .. و اعدل من نفسى .. لكن من المجيب ...

أشكرك على الموضوع الرائع جزاك الله خيرا

بارك الله فيك على هذا الموضوع الرائع

اى انساان اكيد بيغلط لكن المهم هو تصحيح هذا الخطا سريعاااا
ربنااا يهدينااا جميعااااااا شكرررا يا شيماااء على الموضوع القيم والجميل

بارك الله فيكم

بارك الله فيك وجزاك الله خير الجزاء

قعدت مع نفسك قبل كده وحاسبتها

نعم , ومازلت .

والنتيجة كانت إيه طيب؟

أكيد نتيجة مفيدة جداً , علي الأقل بتصحح بعض الأخطاء ( ماعدا السجاير :slap1qk6:)

ولو قعدت دلوقتي مع نفسك..

وعملت معاها كشف حساب

يا ترى هتقول إيه والنتيجة هتكون إيه؟

هههههههههههه دي أسرار , ومينفعش نفسي تقولي علي سر وأنا أقوله ;);)




محاسبة النفس أولاً بأول شيء مفيد جدا لأي انسان , ويجعله دوماً يحرص علي أن يبدو في صورة أفضل .
حاسبوا أنفسكم قبل أن تحاسبوا , وزنوا أعمالكم قبل أن توزن عليكم .
شكراً يا شيماء علي هذا الموضوع .
تقبلي مروري .

يا شيماء .. انحنى لك و للى عامل الموضوع اينما كان .. لانى و الله دمعت لما طبقت الكلام اللى فى الموضوع .. لقيت نفسى غلط فى حق نفسى و فى حق والدتى و فى حق من هم فى بالى .

.
بدايه انا اللى احب اشكرك ياأمجد على حاجه لحظتها فى ردك وهى صدقك مع نفسك ...اى واجهت نفسك باأخطائك ودى اول بدايه الاصلاح :078111rg3:
فى حق نفسى .. انى عملت غلطات كتيرة .. مكنتش اتوقعها من نفسى ..و منها ان للاسف فى يوم من الايام كنت اشرب المدعوءه اللى اسمها شيشة دى بس اكرمنى الله و سيبتها.
الحمد لله ان ربنا رحمك يا امجد منها ..بس اوعى تكون بتشربها على القهوه اللى فى اول شارع العشرين ;)

. و كمان غلطات كتير زى السنة اللى فاتت و درجتى .. و كده .. حاجات خلتنى ابقى صغير ..

فى حق والدتى .. اينعم انا لما بشوف ماما بس زعلانة بتجنن .. بس ساعات قلبى بيقسى عليها كتير .. و المشكلة .. انى مش بقدر ابقى كده عليها .. فبضطر اكسر نفسى قدامها .. و بحس انى غلطان ..
والله يا أمجد عمر ما كان طلب اسماح كم الام انكسار احنا لو نعرف قيمه اباءنا ونحس بيهاا بجد هنطلب منهم العفو عنا دايما وهنبوس اديهم فى كل وقت لانهم نعمه عظيمه بجد

فى حق ناس .. بالذات فى حق بنى ادمة عزيزة عليا .. اخطأت كثيراً فى حقها ..

و فى حق ربى .. الذى اعطانى و اعطانى و اعطانى و اعطانى .. و انا .. ابحث عن المزيد .. و يا ربى الاقيه يعطينى .. اكتر .. و اجى انا اصلى الاقى نفسى مش خاشع .. ببقى نفسى اعيط فى الصلاة من قلبى زى بقيت الناس .. مش بعرف .. ساعات لسانى بيغلطنى و عينى تغدر بى .. و يدى تبطش بما ليس لى .. و ربى يسالنى (( هل جزاء الاحسان إلا الاحسان )) فمباذا اجاوب بسوى انى اصغر امام نفسى ...

اسف انى طولت بس بجد . كنت عايز افضفض شوية .

احنا متشكرين ليك اوى وياريت كل حد يدخل مش شرط يعترف با أخطاءه لحد بس اهم حاجه يعرفها بينه وبين نفسه ويصلحها لاننا كلنا بنغلط .

فليت الساعه تعود بى .. لاصلح من هذا .. و اترك هذا .. و احن على والدتى .. و ابر بوالدى .. و اعدل من نفسى .. لكن من المجيب ...

انت قدامك الوقت كبير ان شاء الله

اهم حاجهربنا و اهلنا يكونو ا راضيين علينا
وكل حاجه هتبقى كويسه

وزاكر كويس السنه دى وان شاء الله تجيب مجموع عالى تعوض السنه اللى فاتت


احترامى وتقديرى لشخطك الكريم

أشكرك على الموضوع الرائع جزاك الله خيرا

جزيتى خيرا على المرور العطر يا جميل


ربنا يبارك فيكى يارب

وياريت تقعدى مع نفسك لمراجعه اخطائك :)
دمتى بخير دائما

انا كنت دايما قبل النوم اراجع نفسي
وال حصل فاليوم كله
واحيانا كنت اكتبها فدفتر ..
ومحاسبة ومواجهة النفس شيء جميل جدا
ومطلوب لأنها بتخلينا نراجع حسابتنا مرة تانية
و فيه جملة فبالي من زمان
" حاسبوا انفسكم قبل ان تحاسبوا ! "
كان اسم برنامج بتابعه :blush:

جزاك الله خيرا عالموضوع الجميل ياشوشو

بارك الله فيك على هذا الموضوع الرائع
جزيت خيرا على المرور الطيب

وهذ من زوقك الراقى

احترامى وتقديرى :078111rg3:

اى انساان اكيد بيغلط لكن المهم هو تصحيح هذا الخطا سريعاااا
ربنااا يهدينااا جميعااااااا شكرررا يا شيماااء على الموضوع القيم والجميل

اكيد كلنا بنخطأ بس أهم حاجه مانتكبرش قدام نفسنا ونحسسها انن ماشين صح وفل كمان

امين يارب

جزيت خيرا على المرور يامحمود

دمت فى رعايه الله :)

بارك الله فيكم

ربنا يكرمك يارب

جزيت خيرا على المرور

بارك الله فيك وجزاك الله خير الجزاء

واياكم

جزيتم خيرا على المرور العطر

دمتى فىرعايه الله :)

محاسبة النفس أولاً بأول شيء مفيد جدا لأي انسان , ويجعله دوماً يحرص علي أن يبدو في صورة أفضل .
حاسبوا أنفسكم قبل أن تحاسبوا , وزنوا أعمالكم قبل أن توزن عليكم .
شكراً يا شيماء علي هذا الموضوع .
تقبلي مروري .

جزيت خيرا على المرور يامستر على

سجاير !! ينهار ليه بس كده :bosyht9:

يلا بندعو الله ان حضرتك تبطلها :)

والاسرار التانيه هنعرفها يعنى هنعرفها :d


احترامى وتقديرى

دمت فى حفظ الله ورعايته

انا كنت دايما قبل النوم اراجع نفسي
وال حصل فاليوم كله
واحيانا كنت اكتبها فدفتر ..

كويس خالص بس افرض مثلا فيه حد شاف الدفتر هتعملى ايه؟:)


ومحاسبة ومواجهة النفس شيء جميل جدا
ومطلوب لأنها بتخلينا نراجع حسابتنا مرة تانية
و فيه جملة فبالي من زمان
" حاسبوا انفسكم قبل ان تحاسبوا ! "
كان اسم برنامج بتابعه :blush:

جزاك الله خيرا عالموضوع الجميل ياشوشو


جزيتى خيرا على المرور العطر يانقاء

منوره التوبيك والله


دمتى فى رعايه الله

حاسبوا أنفسكم قبل أن تحاسبوا

شكرا جزيلا على الموضوع الرائع

كويس خالص بس افرض مثلا فيه حد شاف الدفتر هتعملى ايه؟:)



ماتخافيش بكتب من اعدادي ولا تزال فالحفظ والصون ! ;)

حاسبوا أنفسكم قبل أن تحاسبوا

شكرا جزيلا على الموضوع الرائع

جزيت خيرا على المرور العطر استاذى


دمت فى رعايه الله

ماتخافيش بكتب من اعدادي ولا تزال فالحفظ والصون ! ;)




ماشاء الله ربنا يبارك

ويارب تكونى بتستفيدى من الكتابه دى:)

مشكوره مره تانيه على المرور

بارك الله فيكى على الموضوع الأكثر من رااااااااااائع

بارك الله فيكى على الموضوع الأكثر من رااااااااااائع

جزيتى خيرا يا أميره على المرور العطر

دمتى فى رعايه الله :)

شكرا علي الموضوع
انا ماشي مع نفسي باسلوب عند و خلاص
يعني
كل شئ احببتها نفسي كرهته.
فكل شئ احببته كرهتها نفسي.
طرح التناقضات في افعل الشخص و التاني في التفكير و لكن عليه افكار شر شر يعني و دودي في داهية الحمد لله انا المسيطر حتي الان و فترة الشباب دي صعبة في الكثير من الاغرات و لكن سكوتك علي نسمة هواء صغيرة قد يجلب لك عاصفة هوجا كبيره و لا تجعل عندك ثغرة و لا تتهون مع اي شئ وان رايت انه صغير

الحمد لله ان ربنا رحمك يا امجد منها ..بس اوعى تكون بتشربها على القهوه اللى فى اول شارع العشرين ;)


عرفتى منين يا شيماء ؟؟ ... هو انا متراقب و لا ايه ! .. و الله انا اتخضيت اول ما شفت الكلام ... ازاى طيب .. ده كافيه فعلاً فى اول شارع العشرين ..

بجد موضوع رائع جدا
وانا استفدت منه اوى
شكراااااا

هههههههههههههههههههه
انا بعمل مع نفسي نفس الحكايه ديه بس هي صحبتي:friendsxs3:
مثلا لو مشكله وكده اقعد لوحدي وحورات زي ديه بعملها :) او حاسه اني غلط في حاجه وكدا ;)
بجد حاجه جميله :d
الموضوع كمان رئع:022yb4:

موضوع مميز وكلنا محتاجين نعمل ده

جزيتم خيرا على المرور العطر

ادعو ا الله لكم بالنجاح والتوفيق فى حياتكم العمليه والعلميه

دمتم بخير

بارك الله فيكم