http://www.akhbarelyom.org.eg/akhbarelyom/detailze.asp?field=news&id=4634&num=%C7%E1%D1%C6%ED%D3%ED%C9

أخيرا ستنتهي فوضي الأجور بحلول شهر يوليو القادم* .. ‬عندما تبدأ الدولة تطبيق الحد الأدني والأقصي للأجور* .. ‬لتختفي الفوارق الرهيبة بين مرتبات صغار الموظفين وكبارهم* .. ‬حيث لن يقل مرتب أي موظف عن* ‬700* ‬جنيه* .. ‬كما لن يتجاوز أعلي أجر* ‬25* ‬ألفا و200* ‬جنيه* ‬شهريا*.‬
جريدة أخبار اليوم تنشر الحد الأدنى والأقصى للأجور

http://www.akhbarelyom.org.eg/files/photos/akhbarelyom/03062011092917.jpg

حد فاهم حاجه

الله اكبر:romarioxp6:

انا بقالي 8 سنين علي الدرجة الثالثة حد يعرف انا هاخد كام؟؟؟؟؟؟؟؟؟؟؟؟

الله اكبر:romarioxp6: يا ميسر

بالتوفبق إن شاء الله

يعنى المدرس المتعاقد اللى على الدرجة التالتة هياخد ال 700 فقط حد ادنى وبس ولا هياخد اللى مكتوب فى الجدول اللى فوق ان الدرجة التالتة 972 حد يفهمنا

السلام عليكم
الموضوع فيه كثير من الخداع والتصريحات المطاطية الخادعة فهناك اسئلة كثيرة يجب الاجابة عليها
1- هل المقصود بالحد الادني هو الراتب قبل الاستقطاعات ام هو شامل ما يتقاضاه الموظف
2- من الواضح من كلام المسئولين انهم سيقوموا بزيادة الدرجة السادسة والخامسة ليصبح اجمالي الراتب قبل الاستقطاعات 700 جنيه اما باقي الدرجات فستزيد مرتباتهم 287 جنيه وده بسبب تخفيض الضريبة علي الدخل .

يعني اللي هيحصل ان اللي علي الدرجة السادسة او الخامسة هياخدوا 700 قبل الاستقطاعات اما من هم علي الدرجات الاخري فسوف يزيد مرتبهم 287 جنيه لكل الدرجات....يعني لو انتا علي الدرجة التاالثة ومرتبك 530 جنيه في شهر سبعة هتاخد 530 + 287 = 817 اما اذا كنت علي الدرجة التانية ومرتبك 650 يبقي هتاخد في شهر سبعة 650 + 287 = 937 ده التفسير الوحيد الواضح من التصريحات الخبيثة اللي عمالين نسمعها وسيبكم من الجداول اللي بتشفوها لانها كلها غلط ....... يا اخوانا بالله عليكم من خبرتنا الطويلة العريضة بالحكومة عمرها جابت حاجة كويسة للموظف او نفخت في صورته لا يطلعوا يقولوا للناس هنديكم مليون جنيه فالناس تفرح فرحة الاهبل ....... وبعد كدة اما تروح تقبض تلاقي نفسك واخد ...... التمام هو احنا مش عارفين حكومتنا الحلوة الطيبة ...عمار يا حكومة

###الحد الأدنى والدرجات###

أرجو من المعلمين سواء فى التربية والتعليم أو فى الأزهر يركزوا شوية
كل معلمى مصر من كل الفئات سواء أساسى أو تعاقد أو على أى درجة مالية يجب الإتحاد
حيث تم إلغاء الدرجات المالية لكم جميعاً أى تجمد كل واحد فيكم على درجة معينة إذاً لن نتقدم فى جداول الحد الأدنى طوال عمرنا الوظيفى بعكس موظيفى الدولة الأخريين!!
يجب حصولنا كل المعلمين على حقنا فى الدرجات المالية أولاً وقبل أى شىء حتى يأخذ كل معلم وضعه الصحيح فى جداول المرتبات الجديد!!
وإلا من سيدخل على الدرجة الثالثة مثلاً سيبقى عليها وعلى مرتبها العمر الوظيفى
أرجو أن يكون الجميع فهم الأمر!!

للاسف لم يفهم احد كالعادة
ياجماعة اقسم باللة الموضوع مهم جدا جدا والراجل بيتكلم صح
لابد من الدرجة المالية حتى لا تضيع حقوقنا

وضحت الصورة الحد الأدنى للذين يقل مرتبهم عن 700 جنية فقط والباقين لا جديد!!أين العدل!!


أكد الدكتور سمير رضوان وزير المالية أنه لا صحة علي الإطلاق لما نشر حول عدم استفادة المدرسين من الحد الأدني للأجور المدرج بمشروع الموازنة العامة للدولة‏,‏ باعتبارهم من الكوادر الخاصة‏.‏


وشدد الوزير علي أن هذا الحد الأدني سيتم تطبيقه علي المدرسين وجميع العاملين الذين يقل إجمالي ما يتقاضونه عن700جنيه. كما أوضح أيضا أنه لا صحة لما نشر عن فرض ضريبة علي عمليات تداول الأوراق المالية من أسهم وسندات خلال التعاملات في البورصة.
الرابط فى أهرام اليوم:
http://www.ahram.org.eg/The-First/News/81998.aspx

يا ناس كفاية وش
ده إنتم ............

يجب أن نستمر يا أساتذة دي مسكنات وحتي لو تم التطبيق علي المدرسين القدامي الزيادة حتكون أقل من 100 جنيه

هههههههههههههههههههههه
وهى فين الدرجات اللى هيحسبونا عليها؟؟؟؟؟؟؟؟
ولا هنفضل على الدرجات القديمه طول عمرنا
ولا حد فاهم حاجه
شكلها مسكنات لم تعدى الامتحانات

والله كان الله فى عون الحكومة نسبهم سنة يرتبو البيت

يارب نجح كل ولدنا

الحمد لله رزق الأولاد وأمهم

حد فاهم حاجة من الجدول

ممكن نستنى شوية وقت
كل الناس عندها ثقة فى سمير رضوان ولا هوا كمان حرامى ولا ايه النظام
يمكن شرف كمان حرامى
ايه يا جماعة
احنا مستعجلين على ايه؟
بقالنا 30 سنة ساكتين ولا نفس خلينا ندى الثقة للحكومة شوية
والله لو زودونا لخمس ألاف جنية بردو مش هيعجبنا
بدل الناس ما تضحى بفلوسها للبلد زى الشباب اللى زى الورد اللى استشهدوا فى الثورة العظيمة
عاوزين نشتغل بقه كفايا كلام
عاوزين مشروع قومى لإصلاح التعليم من جديد

ازى المعلم يكون زى الامى اللى على الدرجة السادسة اين تقدير المعلم

ومستعجلين على أيه بكرة الميه تكدب الغطاس واللى مشاها السنين دى كلها مش هيمشيها الشوية إللى فاضلين

الخبر دا على موقع وزارة المالية
وزير المالية:العاملين بالدولة بما فيهم المعلمين سيستفيدون من الحد الأدنى للأجور
صرح الدكتور سمير رضوان وزير المالية بأنه لا صحة على الإطلاق لما نشر حول عدم استفادة المدرسين من الحد الأدنى للأجور المدرج بمشروع الموازنة العامة للدولة باعتبارهم من أصحاب الكوادر الخاصة.
وأكد الوزير أن الحد الأدنى للأجور المدرج بالموازنة سيتم تطبيقه على المدرسين وجميع العاملين بالدولة الذين يقل إجمالي ما يتقاضوه عن 700 جنيه سواء كانوا كادرات خاصة أو كادر عام مشددا على حرص وزارة المالية على استفادة جميع العاملين بالدولة من الحد الأدنى للأجور المدرج بالموازنة بعد إقراره.

انا سمعت ان كل من راتبه فى بداية تعيينه اقل من 700 جنيه

اضراب من اجل الدرجات المالية كفاية كرامة المعلم بقت تحت الارض
يكفي لما واحد يتقدم يخطب واحدة وابوها يقوله انت بتشتغل ايه يقول له مدرس ابوها بيص عليه من تحت لفوق عارفين ليه علشان المدرس الوحيد اللي بيشتغل 3 شغلانات ويدوب علشان ياكل ويشرب ويسكن يعني اللي بياخد زي حالاتي 352 ج/شهر وبيدفع ايجار 450 /شهر للشقة ومعاه زوجة واولاد يعمل ايه وتلاميذ المدارس ما بيتجوش او يرشوا المدرس علشان يديهم الحصة كويس علشان العيال حست ان التعليم ملهوش فايده لاني هي شايفه ان الصنايعي بياخد ف اليوم 120 ج والاستاذ اللي اتبهدل ف الثانوية واتمرمت ف الكلية واتهان ف الكادر بياخد مرتب 4 ايام من يوميات اخوه ما فائدة التعليم ما ياخدها من قصيرها ويتعلم صنعة علما بان هذا العلم اللي صوتوا اتنبح في الفصل باهمية التعليم للامانة المهنية اخر النهار التلامذة بيلقوه معلق على سقالة اخر النهارة لانه بيشتغل مبيض محارة !!! طبعا سيادتكم عارفين ليه علشان يادوب يكفى اولاده بشغلانه شريفة
وسيادة الوزير مستكتر 700 جنيه ..... عجبي !!!

لازم نلتزم جميعا بالاضراب عشان نأخذ حميع حقوقنا المسلوبة

الرجاء عودة الدرجات للمعلمين يا وزير التربية والتعليم ( مطلب أساسى ) الرجاء عودة الدرجات للمعلمين يا وزير التربية والتعليم ( مطلب أساسى ) الرجاء عودة الدرجات للمعلمين يا وزير التربية والتعليم ( مطلب أساسى ) الرجاء عودة الدرجات للمعلمين يا وزير التربية والتعليم ( مطلب أساسى ) الرجاء عودة الدرجات للمعلمين يا وزير التربية والتعليم ( مطلب أساسى )

###الحد الأدنى والدرجات###

أرجو من المعلمين سواء فى التربية والتعليم أو فى الأزهر يركزوا شوية
كل معلمى مصر من كل الفئات سواء أساسى أو تعاقد أو على أى درجة مالية يجب الإتحاد
حيث تم إلغاء الدرجات المالية لكم جميعاً أى تجمد كل واحد فيكم على درجة معينة إذاً لن نتقدم فى جداول الحد الأدنى طوال عمرنا الوظيفى بعكس موظيفى الدولة الأخريين!!
يجب حصولنا كل المعلمين على حقنا فى الدرجات المالية أولاً وقبل أى شىء حتى يأخذ كل معلم وضعه الصحيح فى جداول المرتبات الجديد!!
وإلا من سيدخل على الدرجة الثالثة مثلاً سيبقى عليها وعلى مرتبها العمر الوظيفى
أرجو أن يكون الجميع فهم الأمر!!

يا جماعة عايزين كلام واضح وصريح بدون تلاعب بالالفاظ موقف المعلمين القدامى من الحد الادنى بالتفصيل من وزير المالية

معكم حق فى كل ماتقولونة قبل كل شىء الدرجة هى حق لكل مدرس لابد من الغاء ما يسمى بالكادر المقصود منة هو ازلال المدرس ضياع هيبتة وهو من تاليف الوزير الذى ولى عهدة وهو من النظام والحكومة السابقة لازم يلغى كل ما صدر فى زمن مرض فية العقل واذا فكروا شوية لعرفوا ان الكادر ما هو الا اهدار للمال العام ولابد من رجوع الحق لاصحابة وهى الدرجة المالية مثل سائر موظفى الدولة واللة المستعان وهوالعلى القدير

أيها المعلمون هذه فرصتكم ولن تتعوض
والفرصة هى قرب دخول امتحانات الثانوية العامة والأزهرية
وإذا لم تتحق مطالبكم بالضغط هذه الأيام فلن تتحق أبدا
قالوا فيما مضى اتركوا عجلة الانتاج تتحرك ونحن نتفهم مطالبكم
ولكن ثبت أن الذين أضربوا عن العمل كالأطباء والشرطة هم الذين زادت مراتبتهم بشكل يرضيهم
وأنتم لا بد من تحديد المطالب وتوحيدها وهى كالآتى
1/ منح الكادر لجميع المعلمين بمرحلتيه الأولى والثانية بدون أى شرط أوقيد لا تربوى ولا حاسب ولا اختبارات
2/ تطبيق الحد الأدنى للمرتبات بخلاف الكادر فالكاد كان ميزة لكم منحها الرئيس المخلوع فى النظام السابق والنظام الحالى يريد سلبكم هذه الميزة ومساواتكم بالعمال فى المعاهد فبئس النظام
3/رفع مكافأة الامتحانات إلى 300 يوم بدلا من 200 يوم وتكون قيمة اليوم 7% وليس 5%
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
وإذا قيل لكم من أين سنأتى لكم بكل هذا قولوا لوزير المالية من ودخل قناة السويس الذى لم يدرج بالموازنة
ومن أراد التأكد من ذلك فليدخل على موقع وزارة المالية ويحمل مشروع الموازنة العامة للدولة وسوف يجد عدم إدارج دخل قناة السويس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
حقيقة أنا حاليا لست معلما ولكنى لا أرضى لكم بالذل والمهانة وأن يكون عمال المعاهد والمدارس خير منكم

انا اتعينت بداية تعيينى على مبلغ 48جنيه والآن انا درجة ثانيه لسه راسب وظيفياً واساسى مرتبى 343جنيه وعمرى الوظيفى 24سنه حد يضحك معايا يساعدنى مش قادر ههههههههههههههههههههههه هههههههههههههه ههههههههههههه

طبعاً جدول الأجور الموضح مجبش حاجة خالص عن الـ 26000 جنيه - الحد الأقصى للأجور
طب هيه فين الشفافية
ومين إلي له جدول تاني غير ده
يعني الناس ماتت علشان الشفافية والمساواة والعدالة الاجتماعية وبرضه الكوسة كوسة
فين الستة وعشرين ألف في الجدول
كنت فاكر إني هاوصل ليهم ولو في آخر سنة شغل في التعليم

جزاكم الله خيرا

سيادة الوزير مستكتر 700 جنيه
ربنا يرحمنا .... انا لولا انى فاضل لى 5سنين على المعاش كنت استقلت وبعت ليمون فى السوق اكسب لى

http://services.moe.gov.eg/images/ip_news.jpg أعلن مصدر مسئول بوزارة التربية والتعليم أن المعلمين سيدخلون ضمن مشروع الدولة لإعادة هيكلة الأجور، وتطوير منظومة الأجور .
وأكدت الوزارة أن الدكتور أحمد جمال الدين موسي أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات الهامة التى ينطبق عليها إعادة هيكلة وتطوير منظومة الأجور .
وحيث أن المعلم أبرز عناصر العملية التعليمية التي يرتكز عليها تطوير التعليم، لذلك يتحتم استفادة المعلمين بكافة وظائفهم من تطوير منظومة الأجور ومن رفع مرتباتهم.


ايها المعلمون الشرفاء الاخبار متضاربة ولما نما الى علمهم الاضراب عن الثانوية وكذلك التصحيح سارعوا بالتكذيب فى مصادر ياجريدة ياتتر في القناة الاولي لكن هيهات انا انبهكم الي هذة الالاعيب لاتثقوا بهم الا بتصريح رسمي مسجل بالصوت والصورة بالتليفزبون يا بالنشرة ويكون موضح فيه ان كل فئات ورجال التربية والتعليم سوف تذيد287جنية علي حد قولهم اعطيكم دليل علي الخدعة بيقولوا ان من سيستفيد من الحد الادني مليون وتسعمائة الف بالدولة اذا كان المعلمون فقط مليون ونصف بس اذاي بقي ردوا علي هذة الكذبة كدة بانت ان دة تنييم اخيرا لاتجعلوا احد يلعب بنا واذا كان الكلام دة غلط وهما صح لماذا لايطلعوا يكذبوه الاتحاد الاتحاد الي ان يتحقق المراد والي لقاء راسلوا الدنيا ولا تجعلوا احد يلعب بنا

واخر خبروزارة التربية بتهدد بشدة كل من تسول له نفسة ويضرب عن الثانوية ملاحظة او تصحيح جالكواكلامي ان الضغط جاب نتيجة استمرواورابطوا والله المستعان الي ان يصدر تصريح مش ملتف ان كل اللي اقل من700 سوف ياخذ الحد الادني اي الدرجات الثالثة الي الثانية -----------الخ مش هياخذ علي عكس ماصرح بيه وزير المالية بان الدرجات العليا ستاخذ ولما دخلنا اصبح التصريح الي اقل من 700 الناس دول بالذات من رجال العهد البائن معلومة وزير التربية والتعليم دكتوراة في العدالة الاجتماعية للاجور عجبي:028ja7: واخيرا رددوا معي كم حاربتني شدة بجيشها فضاق صدري من لقاها وانذعج حتي اذا ياست من زوالها جائتني الالطاف تسعي بالفرج