منظر غير عاطفى..!!!! [الأرشيف] - بوابة الثانوية العامة المصرية

Heartbeat

01-07-2011, 11:41 PM

السلام عليكم ورحمة الله وبركاته

يارب تكونوا بخير وفى احسن حال

مرة كنت راكبة الميكروباص وكنت قاعده جمب الشباك(اصلى بحب اقعد جمب الشباك:d)
والميكروباص كان واقف وبعدين ببص من الشباك
لقيت منظر:o
واحد وواحدة مخطوبين هتقولولى عرفتى ازاى
مش محتاجة ذكاء (كانوا لابسين دبل فى ايدهم اليمين:d)
كانوا وافقين يتكلموا ويضحكوا ماشاء الله بصراحة صوتها كان اعلى من صوته
لا واللى يغيظ انه كان مبسوط وبيضحك عادى:angry2:
والناس فى الشارع حواليهم
لا وكمان وهو ماشى لازم يسلم عليها طبعا
السلام دا بياخد تقريبا خمس دقايق:bosyht9:
فجأة لقيتها بتجرى وراه وتضربه على ضهره :d
يانهار كروهات:o
وهو بيضحك برده
انا مش فاهمة دا راجل يعنى ولا ايه؟؟!!!
طبعا استغربت منهم الاتنين:006et4:
منها هى وتصرفاتها اللى لاتنم عن اى اخلاق عندها
ومن الاستاذ اللى كان فرحان وهى صوتها اعلى من صوته وبتضربه فى الشارع

طبعا دا مش المنظر الوحيد اللى شفته
فيه اشكال والوان وبيكونوا ماشيين
او قاعدين فى اماكن عامة فى وضع لا يليق (مناظر تكسف:()
وبيكونوا مخطوبين

انا ليه مركزة على مخطوبين دى
لاننا طول عمرنا احنا البنات
فيه جملة كدا تقريبا حفظناها:bosyht9:
ان الشاب بيصاحب وبيمشى مع بنات ولما بيرتبط بيختار البنت المحترمة

ياترى ايه هو مقياس الاحترام اليومين دول؟؟؟
ياترى ايه الفرق بين المخطوبين دول وبين اى اتنين ماشيين مع بعض؟؟
ان اهلهم عارفين:blush:
طيب انا شايفة ان دا انيل ايه اهلهم دول اللى يسمحوا بكدا
يعنى هما واثقين فى الشاب دا وفى بنتهم لدرجة انهم يخرجوا فى الخطوبة
وبدون اى ارتباط شرعى

طيب الشاب اللى بيخرج دا مع خطيبته وبيتصرفوا تصرفات مش لذيذة
هو بيخاف عليها بجد؟؟
هو شايف ان هى دى اللى هتحافظ عليه وعلى اولاده؟؟
انا اعرف ان اللى بيخطب دا بيبقى بيخاف على خطيبته من عيون الناس
حتى من نفسه
ومش يحب يخليها ملفتة للانظار باى شكل

ولا انا اللى قديمة والاحوال اتغيرت؟؟

....

كمان فيه حاجة بتغظنى جدا:angry2:
احيانا بشوف شباب بيخطب البنت علشان يتمنظر بيها قدام الناس;)
وتلاقى عروسة مولد ماشية جمبه:d
بالميك اب اللى على وشها (على فكرة بقا شكلها بيبقا مش لذيذ خالص:bosyht9:)
والله فيه بنات بيكون شكلها برئ جدا
وبالميك اب دا بيضيع براءتهم وجمالهم
ولا اللبس ياعينى لابسة ومش لابسة فى نفس الوقت
وهو بسلامته ماشيلى فرحان اوى ورافع راسه فى السما:022yb4:
وماشيين مشبكين ايدهم فى ايد بعض
شئ غريب:bosyht9:

انا عايزة اعرف فين الحياء؟؟؟؟؟

يعنى انهم مخطوبين دا يعطى ليهم الحق انهم يتصرفوا كدا
والله حتى لو متزوجين مش من حقهم يعملوا كدا
خلاص يعنى الحب مش مولع اوى علشان يوروه للناس
المفروض يبقا فيه حياء من ربنا ومن نفسهم كمان

اعتذر عالاطالة

zozza love

02-07-2011, 12:27 AM

الأستاذ أحمد راشد

02-07-2011, 01:13 AM

http://www13.0zz0.com/2010/09/14/14/495271044.jpg

جزاك الله خيرا

Heartbeat

02-07-2011, 04:42 PM

أهلا يا حبيبه

عودنــــــــا مع حبيبه والمواضيع الجميله
اولاً موضوع جميل أوى
وحلوته فى لفته السلسه اللى احنا بنعشها فى الشارع بجد
تعرفى الواحد المفروض يفرق بين المخطوبين والعادين يعنى ازاى ؟
من طريقه الكلام واللبس والمشيه والحاجات دى
علشان زى ما انتى قولتى المفروض انه بيخاف عليها لانه بيحبها
والكلمه اللى احنا عارفنها ان اللى بيشمى مع وحده استحاله يخطبها ولو حصل وخطبها بتبقى حاله نادره ولاسباب خاصه ، الفكره انى بقيت اشوف حاجه غريبه اوى ، واحد عايز يمشى مع واحده وهى مش راضيه يقوم يخطبها وبعدها يمشوا بقى ويعملوا كل اللى فى نفسهم وطبعا هى بتكون فاكره انها كبيره فى نظره وكمان هو بيحبها علشان خطبها وفجأه يسبها ويروح لحد تانى ، هو ده الشاب المصرى وهى دى أحدث طريقه ، هو لو واحد بيحب واحده وعايزها تكون مراته وام عياله يخليها تتكلم فى الشارع بصوت عالى اوى كده ، دى لما ترفع صوتها بالقلم على طوووووول ، ولبسها لازم يكون محترم علشان الناس تقول له انت عرفت تتختار واحده محترمه ، غير كده يبقى تسالي مش أكتر ، والمشكله ان الواحد بقى مش عارف يفرق بينهم ، جارتى اتخطبت لواحد طلب منها تقلع الطرحه ويرحوا يقعدوا فى مطروح اسبوع لوحدهم { ده كده عايز واحده محترمه تكون مثل مشرف للزوجه وتكون ام لاولاده } ؟ لا طبعا ، بجد بقت حاجه وحشه ، والوحش أكتر بقى لما تمشى فى الشارع وتلاقى البنات والشباب بيعموا حاجات وكأنهم قعدين فى البيت مش الشارع بجد بقت حاجه تقرف .
موضوعك جميل اوى يا حبيبه ، حمدلله على السلامه ، معلش طولت عليكى
تحياتى,,,,,

بالظبط يازوزا
المقاييس اتغيرت تماما
يعنى تبقى مش عارفه دلوقتى الشاب بيختار البنت على اساس ايه؟؟
شكلها ولا اخلاقها ولا اهلها
وحكاية ان اللى بيمشى مع بنت دى مش بيخطبها
اتغيرت دلوقتى
..
بتغظنى جدا الحكاية دى
البنت مش ترضى تكلمه قبل الخطوبة
وبعد الخطوبة بيعملوا كل اللى نفسهم فيه
بجد شئ مستفز جدا
اصلا الخطوبة دى مش ارتباط شرعى
...
وبالنسبة لشباب اللى بيطلبوا من البنات انهم يخلعوا الحجاب فى الفرح
بجد انا بستحقرهم
وكذلك بستحقر البنت اللى ترضى بكدا
لان واضح جدا سبب طلبه دا
عايزها تبقى فرجة للناس ويتمنظر بيها
اصلا اللى زى دا لا عنده نخوة ولا ذرة اخلاق

مرسى لمرورك الجميل زوزا
نورتينى

soma..25

02-07-2011, 04:52 PM

موضوع تحفة بجد بيعالج قضية منتشرة بشكل فظيع فى كل مجتمعنا المصرى ربنا يبارك فيكى ويهدينا جميعا

Sofia El-behairy

02-07-2011, 05:00 PM

راجى طاعة الرحمن

02-07-2011, 05:12 PM

موضوع راااااااااائع ومهم

usernamo

02-07-2011, 05:16 PM

Ezel

02-07-2011, 05:26 PM

ابــــداااااااااااع ... تسلم ايد حضرتك :d

.................

soma..25

02-07-2011, 05:28 PM

الحمد لله لسه فيه رجاله فى البلد

توتوالصغيره 115

02-07-2011, 05:32 PM

لانتحرم من مواضيعك الهادفه
وفعلا ضاع الحياء اختى......................

Heartbeat

02-07-2011, 05:32 PM

http://www13.0zz0.com/2010/09/14/14/495271044.jpg

جزاك الله خيرا
وجزاك مثله
شكرا لحضرتك عالمرور الجميل
نورت

Heartbeat

02-07-2011, 05:36 PM

موضوع تحفة بجد بيعالج قضية منتشرة بشكل فظيع فى كل مجتمعنا المصرى ربنا يبارك فيكى ويهدينا جميعا
ويبارك فيكى حبيبتى
اشكرك عالمرور الجميل
نورتى سومة

ابن يعقوب 1

02-07-2011, 05:45 PM

يقول (الرافعى ) رحمه الله من كتابه وحى القلم
[center]
" فإني لجالسٌ ذات يوم وقد أقبلتُ على شأني من الكتابة،
وبإزائي فتى رَيِّق الشباب ،
في العمر الذي ترى فيه الأعين بالحماسة والعاطفة ، أكثر مما ترى بالعقل والبصيرة ،
ناعمٌ أملدٌ تمَّ شبابه ولم تتم قوته ،
كأنما نكصت الرجولة عنه إذ وافته فلم تجده رجلاً ...
أو تلك هي شيمة أهل الظَّرف والقصف من شبان اليوم :
ترى الواحد منهم فتعرف النضج في ثيابه أكثر مما تعرفه في جسمه ،
و تأبى الطبيعة عليه أن يكون أنثى فيجاهد ليكون ضربًا من الأنثى "

جزاكم الله خيرا

zozza love

02-07-2011, 05:59 PM

- بخصوص المكياج .. انا كنت هخطب واحدة يعنى كنا ناويين و كنا خارجين مع عائلتها و عائلتى و يوم عائلى كبير بقى .. لقيتها جاية بمكياج و منزلة قصة من الطرحة !.. و الله و ما ليكى عليا حلفان .. رجعتها هى و اهلها البيت و شتمتها .. و بعديها بشهرين .. مكملناش مع بع .. لان انا مخطبش واحدة .. تنزل من مقامى الارض قدام اهلى .. ميمنعش انها لازم تكون جميلة .. بس تكون جميلة بطريقة معقولة من غير مكياج ..

امجد انت بتتكلم بجد؟
انت كنت حتخطب ؟
انت عندك كام سنه ؟
19 سنه!!!!!
يعنى سورى برضه لسه صغير مش عارف مسؤلياتك ووجوابتك
وانت دلوقتى حتقولى اخطبها احسن ما امشى معاها صح؟
تفتكر لما حد يجى يسال الينت دى خطيبك شغال فين ترد تقول ايه؟
ترد تقول خطيب لسه فى 3 ثانوى ولا انت كنت اصغر من كده؟
بصراحه انا مش مقتنعه ان اهلها يوفقوا بطالب لسه فى المدرسه يخطب بنتهم وازاى بابك ومامتك يوفقوا يعملوا حاجه زى دى
وازاى انت تسمح لنفسك انك تشغل نفسك بـ حب وخطوبه وجواز وكلام من ده
ممكن اكون انا وانت وهو وهى وكلنا ساعات بنفكر فى الكلام ده بس مش بيكون شغلنا الشغال بيكون فتره معينه وصغيره وخلاص لكن لما تكون خاطب بيكون ده شغلك الشغال
عموما ربنا معاك ويوفقك .

Heartbeat

02-07-2011, 09:20 PM

معلومه هامه يا حبيبه عشان مش تتصدمى

فى شباب من مواصفات البنات الى يخطبوها مش محجبه او محجبه حجاب شيك

و انا اعرف ناس كتير كدا و منهم قرايبى للاسف يعنى واحد قريبى كل مواصقات انها تكون مش محجبه و لما لقى انه صعب طلب محجبه شيك
اعرف ياصوفيا الشباب دول
وفيه منهم كتير كمان
واعرف كمان بيرتبطوا منهم محجبات ويطلبوا منهم يخلعوا الحجاب
طبعا اللى زى دا خسارة فيه كلمة راجل
معلش يعنى ايه محجبة شيك!!!!!
طبعا الحجاب شيك كفاية انه بيحفظ البنت

شكرا صوفيا عالمرور الجميل
نورتينى ياقمر

Heartbeat

02-07-2011, 09:33 PM

موضوع راااااااااائع ومهم
اشكرك عالمرور الجميل
نورت حضرتك
:)

سيف العدل البتار

02-07-2011, 09:44 PM

موضوع جميل جدا شكرا لسيادتك و ان شاء الله طبعا يكون فى ناس محترمين كتير جداا جداا

Heartbeat

02-07-2011, 10:01 PM

و الله يا حبيبة .. انا عن نفسى .. لو ماشى مع مين فى الشارع .. لو امى نفسها و مجرد سمعت صوت .. بيركبنى ميت عفريت .. انا من النوع اللى (( معقد )) ايوه معقد .. و اظن المفروض الراجل فى الحالات دى يكون معقد .. يعنى مينفعش البنت صوتها يعلى (( صوت المرأة عورة )) .. و مينفعش تهزر مع خطيبها فى الشارع .. هى مهما راحت انثى .. و معنى انثى كبير .. لكن من خصائصها الحياء ...
- مننساش ان جنون المرأة يعتبر 90% من جمالها .. و انا اعشق جنون المرأة .. بس الجنون ده فى البيت بس ^^

- بخصوص المكياج .. انا كنت هخطب واحدة يعنى كنا ناويين و كنا خارجين مع عائلتها و عائلتى و يوم عائلى كبير بقى .. لقيتها جاية بمكياج و منزلة قصة من الطرحة !.. و الله و ما ليكى عليا حلفان .. رجعتها هى و اهلها البيت و شتمتها .. و بعديها بشهرين .. مكملناش مع بع .. لان انا مخطبش واحدة .. تنزل من مقامى الارض قدام اهلى .. ميمنعش انها لازم تكون جميلة .. بس تكون جميلة بطريقة معقولة من غير مكياج ..

ده تلخيص لكل اللى انا عايز اقوله !
عالعكس ياامجد انت مش معقد لما تعمل كدا
هو دا الطبيعى واللى لازم يعملوه اى شاب لما يحصل معاه موقف زى دا
اكيد البنت فى بيتها تلعب وتضحك
طالما ان دا قدام اهلها
لكن لما يبقى فى الشارع ومعاها واحد
يبقى فيه كلام تانى
صراحة مش قادرة اسميه راجل
خسارة فيه الاسم
....
كمان على رغم من ان سنك لسه صغير
وارتبطت دا يدل على رفضك انك تكلم بنت من غير ارتباط
ودا تصرف جميل منك
ومفيش مشكله ان المخطوبين يخروجوا
لكن مع العيلة كلها ويكونوا معاهم فى نفس المكان
اعتقد دا مش فيه اى مشكلة
.....
بس غريبة انك شتمتها قدام عيلتها دى:d
اتفق معاك فى كل كلامك

شكرا عالمرور الجميل
نورت

Jehad Mohamed

02-07-2011, 10:11 PM

بالظبط يازوزا
المقاييس اتغيرت تماما
يعنى تبقى مش عارفه دلوقتى الشاب بيختار البنت على اساس ايه؟؟
شكلها ولا اخلاقها ولا اهلها
وحكاية ان اللى بيمشى مع بنت دى مش بيخطبها
اتغيرت دلوقتى
..
بتغظنى جدا الحكاية دى
البنت مش ترضى تكلمه قبل الخطوبة
وبعد الخطوبة بيعملوا كل اللى نفسهم فيه
بجد شئ مستفز جدا
اصلا الخطوبة دى مش ارتباط شرعى
...
وبالنسبة لشباب اللى بيطلبوا من البنات انهم يخلعوا الحجاب فى الفرح
بجد انا بستحقرهم
وكذلك بستحقر البنت اللى ترضى بكدا
لان واضح جدا سبب طلبه دا
عايزها تبقى فرجة للناس ويتمنظر بيها
اصلا اللى زى دا لا عنده نخوة ولا ذرة اخلاق

مرسى لمرورك الجميل زوزا
نورتينى

والله يا بنتى انا مبقتش فاهمة الشباب دول عاوزين ايه

وبيدورا على ايه بالظبط هل على الجمال ولا والغنى ولا الاخلاق واحيانا بالمواصفات واحيانا ايضا بالوظيفه
فبقت حاجة تحير مبقتيش فاهمة اللى بيحصل ده

رغم المفروض يكون تركيزنا على الاخلاق

لكن هتقولى ايه ولاحياة لمن تنادى

كنت سامعه حكاية من استاذى الدين الله يحفظه

الحكاية بتحكى عن ان فيه

بنت كانت بتحب واحد جدا بس المشكله ان هيا كانت مسلمة وهو مسيحى

كانت بتحبه اوى لدرجة انها مش عايزة اى حد غيره

فوالدها راح للشاب وقاله يا بنى بنتى بتحبك ومش عايزة حد غيرك ومش عارف اعمل ايه

فالشاب فكر مع نفسه لغاية مقرر ان يسلم ويعرف قوانين وقواعد دينا

فالمهم فى الاخر اتجوزها

فجم فى يوم شافها رايحة تتمشى فقلها انتى رايحة فين قالتله هتمشى مع زمايلى

قالها باللبس ده مكنش لابسه طرحة ولابسه ضيق جدا فكان رافض ينزلها بكده

فقلها منتش نازله كده غيرى والبسى طرحه
قالتله مش لابسه انا حره

فغضب منها قالها انا فهمت كده كل حاجة

قالتله فهمت ايه

قالها انا فهمت انتى مكونتيش عايزة تتجوزى حد غيرى ليه انتى اتجوزتينى علشان شكلى حلو مش علشان اخلاقى واتغيرت واسلمت علشانك وعلشان نعيش انا وانتى فى سعادة وباللى ربنا فرضه علينا
وفى الاخر طلقها

يعنى من الاخر ان اغلبنا دلوقتى بقى بينظر للشكل الخارجى مع ان الاهم هو الشكل الداخلى وهو القلب والاخلاق

ارجو انى مكونش طولت انا اسفه ولكن الموضوع ده شدنى اوى
اشكرك يا حبيبه على عرض موضوع مهم زى ده

Heartbeat

02-07-2011, 10:13 PM

ابــــداااااااااااع ... تسلم ايد حضرتك :d

.................
هو ايه اللى ابداع:d؟؟

شكرا للمرور الجميل
نورت

Jehad Mohamed

02-07-2011, 10:15 PM

امجد انت بتتكلم بجد؟
انت كنت حتخطب ؟
انت عندك كام سنه ؟
19 سنه!!!!!
يعنى سورى برضه لسه صغير مش عارف مسؤلياتك ووجوابتك
وانت دلوقتى حتقولى اخطبها احسن ما امشى معاها صح؟
تفتكر لما حد يجى يسال الينت دى خطيبك شغال فين ترد تقول ايه؟
ترد تقول خطيب لسه فى 3 ثانوى ولا انت كنت اصغر من كده؟
بصراحه انا مش مقتنعه ان اهلها يوفقوا بطالب لسه فى المدرسه يخطب بنتهم وازاى بابك ومامتك يوفقوا يعملوا حاجه زى دى
وازاى انت تسمح لنفسك انك تشغل نفسك بـ حب وخطوبه وجواز وكلام من ده
ممكن اكون انا وانت وهو وهى وكلنا ساعات بنفكر فى الكلام ده بس مش بيكون شغلنا الشغال بيكون فتره معينه وصغيره وخلاص لكن لما تكون خاطب بيكون ده شغلك الشغال
عموما ربنا معاك ويوفقك .

عادى جدا زوزو انا بشوف اصغر منه متجوزين حتى السن مبقاش فيه مشكله

كله بيتجوز دلوقتى اين كان سن الولد او بنت

بس تصدقى ان ولد وبنت متجوزين وهم فى الابتدائى !!!!!

انا مستغربة بس حصل عندى فى بلدى
فدلوقتى اى حاجة انتى مش متخيلاها هتلقيها فى الدنيا دى

Heartbeat

02-07-2011, 10:52 PM

الحمد لله لسه فيه رجاله فى البلد
اكيد يابنتى فيه رجاله
بس اصبحوا قلة;)
نورتى تانى ياقمر

Heartbeat

02-07-2011, 10:55 PM

لانتحرم من مواضيعك الهادفه
وفعلا ضاع الحياء اختى......................

الحياء دى صفة بيشترك فيها الولد والبنت
لكنه فعلا شبه ضايع
اشكرك توتو عالمرور الجميل
نورتى:)

Heartbeat

02-07-2011, 11:10 PM

يقول (الرافعى ) رحمه الله من كتابه وحى القلم

[center]" فإني لجالسٌ ذات يوم وقد أقبلتُ على شأني من الكتابة،
وبإزائي فتى رَيِّق الشباب ،
في العمر الذي ترى فيه الأعين بالحماسة والعاطفة ، أكثر مما ترى بالعقل والبصيرة ،
ناعمٌ أملدٌ تمَّ شبابه ولم تتم قوته ،
كأنما نكصت الرجولة عنه إذ وافته فلم تجده رجلاً ...
أو تلك هي شيمة أهل الظَّرف والقصف من شبان اليوم :
ترى الواحد منهم فتعرف النضج في ثيابه أكثر مما تعرفه في جسمه ،
و تأبى الطبيعة عليه أن يكون أنثى فيجاهد ليكون ضربًا من الأنثى "

جزاكم الله خيرا
وجزاك مثله
اشكرك عالمرور الجميل
نورت حضرتك
:)

Sofia El-behairy

03-07-2011, 12:18 AM

اعرف ياصوفيا الشباب دول
وفيه منهم كتير كمان
واعرف كمان بيرتبطوا منهم محجبات ويطلبوا منهم يخلعوا الحجاب
طبعا اللى زى دا خسارة فيه كلمة راجل
معلش يعنى ايه محجبة شيك!!!!!
طبعا الحجاب شيك كفاية انه بيحفظ البنت

شكرا صوفيا عالمرور الجميل
نورتينى ياقمر

افهمك يا حبيبه ..فى واحد صاحب خالى و نفسه يتجوز ..مقايس زواج عنده بنت جميله مش فيها و لا عيب و لو فيها تعمل تجميل

و تكون مش محجبه او محجبه لكن حجاب سبور يعنى جينز و كدا

و تكون بتهتم جدا بنفسها و رشاقتها

و تكون على درجه عاليه من التعليم و يفضل مدارس لغات

و تكون بتتقن اللغه الانجليزية جدا و اى لغه تانيه

و تكون مثقفه جدا و بتعرف تكلم كويس و اسلوب حوار عندها راقى و اجتماعية

تكون واثقه فيه نفسها و مش تغير عليه ابدا و تكون واثقه فيه

تكون ليها شخصيه مستقله

و ناجحه فى شغلها

و تكون متقبله تعيش فى كندا ( لعمله هناك )

و لسه لحد دلوقتى ملاقش العروسه بالمواصفات ديه و هو عنده 34 سنه و عالفكره هو مشكلته انه وسيم جدا و شايف نفسه و متعلم برا و شغال مهندس فى شركه اتصالات عالمية ..

للاسف تقريبا مش حيلاقى عروسه زى ديه

Heartbeat

03-07-2011, 01:04 AM

موضوع جميل جدا شكرا لسيادتك و ان شاء الله طبعا يكون فى ناس محترمين كتير جداا جداا

اكيد فيه محترمين
بس مش كتير جدا جدا يعنى;)
شكرا لمرورك الجميل استاذ احمد
نورت
:)

hatemT

03-07-2011, 01:45 AM

usernamo

03-07-2011, 01:46 AM

ايه يا جماعه انا قلت انى كنت ناوى اخطب .. يعنى لسه مخطبتش .. بس انا بحب اعرف اهلى .. هى مشكلة يعنى .. و كمان مش عيب اعتقد .. الواحد غلط كتير اه .. بس دلوقتى الواحد عايز يكون فى صف حد .. إما فى صف الله .. او فى صف تانى .. فأنا لما دخلت 3 ثانوى .. اخترت صف الله .. اينعم لسه فيه داء البنات .. بس الحمد لله .. اهو طالما انا بدعى و بقول اللهم ابعدنى عن معاصيك .. و انا اعرف انى عاصيك .. لكنك الله .. عفو كريم .. تحب العفو .. فاعفو عنى .. ربنا جميل اوى يا جماعه لما تبقى بتصلى كده و تدعى من قلبك و سبحان الله تبقى غلطان سلمت على دى . و كلمت دى .. المفروض ربنا مش يسمحك .. بس شوفتوا جماله و رحمته .. يقولك لا تعالى صلى .. و انا هسامحك .. اكنك قاعد مع حد بتحبه اوى .. و يقولك تعالى هنا جمبى و يطبطب عليك و يقولك معلش بكرة احسن .. شفتم بقى ^^ اللهم انى احبك فيك ..

يعنى خلاصة كلامى .. احنا شباب .. و هنغلط .. و مش عيب .. بكرة الواحد يبقى ارجل من كده .. يفتح بيت و و يجيله عيال ..
انا غلط .. مشيت مع دى (( غلط )) .. كلمت دى (( غلط )) لقيت فى النهاية مش هستفيد .. قلتلها يا بنت الحلال .. اكلم والدتك و انتى تكلمى و الدتى و اتفقنا .. بس الظروف بعدتنا .. ليس عيباً فيها لسمح الله .. لكن الله اراد ذلك .فالحمد لله لك ربى ^^ و الحكاية يا عزة ليس بالسن .. مش ده كان موضوعك زمان ^^ .. مش بنسى انا ها ^^

وردة امل

03-07-2011, 02:24 AM

السلام عليكم ورحمة الله وبركاته

يارب تكونوا بخير وفى احسن حال
الحمد لله بخير
واما بعد:d

مرة كنت راكبة الميكروباص وكنت قاعده جمب الشباك(اصلى بحب اقعد جمب الشباك:d)
زيي تمام يا محاسن الصدف السعيدة:d
والميكروباص كان واقف وبعدين ببص من الشباك
لقيت منظر:o
شفتى ايه خير الله ما اجعله خير:o
واحد وواحدة مخطوبين هتقولولى عرفتى ازاى
مش محتاجة ذكاء (كانوا لابسين دبل فى ايدهم اليمين:d)
مخطوبين!!
وكمان لحقتى تعرفى ان الدبل فى الايد اليمين:d
كانوا وافقين يتكلموا ويضحكوا ماشاء الله بصراحة صوتها كان اعلى من صوته
لا واللى يغيظ انه كان مبسوط وبيضحك عادى:angry2:
والناس فى الشارع حواليهم
صوتها عالى !!
يابنتى فى حاجات اكتر من كده بتحصل فى الشارع
عادى يا بنتى الراجل فرحان بشبابه وبيضحك
خطبته بتضحك ومهيصة عايزاه يزعل يعنى
ده حتى يبقى خنقة اوى:d
لا وكمان وهو ماشى لازم يسلم عليها طبعا
السلام دا بياخد تقريبا خمس دقايق:bosyht9:
الراجل ذوق جدا وبيفهم فى الواجب:d
فجأة لقيتها بتجرى وراه وتضربه على ضهره :d
يانهار كروهات:o
ههههههه
خطبته بتضربه قبل الجواز
امال بعد مايجوزوا هتعمل فى ايه
هتعلقه ع باب البيت:d
وهو بيضحك برده
اصل كده خطيبته بدلعه وهو فرحان:d
انا مش فاهمة دا راجل يعنى ولا ايه؟؟!!!
اكيييد مش راجل
مفيش راجل تخلى بنت تعمل فيه كده
ده معندوش شخصية
بجد عار انه يتحسب فى لستة الرجاله:d
طبعا استغربت منهم الاتنين:006et4:
وانا بردو استغربت:blush:
منها هى وتصرفاتها اللى لاتنم عن اى اخلاق عندها
ومن الاستاذ اللى كان فرحان وهى صوتها اعلى من صوته وبتضربه فى الشارع

طبعا دا مش المنظر الوحيد اللى شفته
فيه اشكال والوان وبيكونوا ماشيين
او قاعدين فى اماكن عامة فى وضع لا يليق (مناظر تكسف:()
وبيكونوا مخطوبين

انا ليه مركزة على مخطوبين دى
لاننا طول عمرنا احنا البنات
فيه جملة كدا تقريبا حفظناها:bosyht9:
ان الشاب بيصاحب وبيمشى مع بنات ولما بيرتبط بيختار البنت المحترمة
فعلا الولد مش بيرتبط الا بالبنت المجترمة

ياترى ايه هو مقياس الاحترام اليومين دول؟؟؟
ياترى ايه الفرق بين المخطوبين دول وبين اى اتنين ماشيين مع بعض؟؟
ان اهلهم عارفين:blush:
طيب انا شايفة ان دا انيل ايه اهلهم دول اللى يسمحوا بكدا
يعنى هما واثقين فى الشاب دا وفى بنتهم لدرجة انهم يخرجوا فى الخطوبة
وبدون اى ارتباط شرعى

طيب الشاب اللى بيخرج دا مع خطيبته وبيتصرفوا تصرفات مش لذيذة
هو بيخاف عليها بجد؟؟
هو شايف ان هى دى اللى هتحافظ عليه وعلى اولاده؟؟
انا اعرف ان اللى بيخطب دا بيبقى بيخاف على خطيبته من عيون الناس
حتى من نفسه
ومش يحب يخليها ملفتة للانظار باى شكل

ولا انا اللى قديمة والاحوال اتغيرت؟؟
بصى انتى مش قديمة اوى يعنى للدرجة:d
بصى يا حبيبة فى المواقف اللى زى دى العيب بيقع ع الاهل
لانهم بيسمحوا لبناتهم انهم يخرجوا مع خطيبها لوحدها
وحتى لو كانوا واثقين فيها انها مش هتعمل حاجة غلط
لكن لازم بردو يكون عندهم حذر شوية
حتى ولو كان مع خطيبها

اما بخصوص الولد انا شايفة من الطبيعى انه يخاف عليها
وحتى كمان من نفسه ويخليها جوهرة يحافظ عليها
عشان تفضل طول عمرها غالية
لان فى يوم من الايام هتكون ام لاولاده
وتربيهم وتطلعهم ناس محترمة
بس بعد اللى شوفته ده
الظاهر ان الدنيا اتقلب حالها
وبقت بالمقلوب
ويا عالم بكره هيحصل ايه !!

....

كمان فيه حاجة بتغظنى جدا:angry2:
احيانا بشوف شباب بيخطب البنت علشان يتمنظر بيها قدام الناس;)
وتلاقى عروسة مولد ماشية جمبه:d
بالميك اب اللى على وشها (على فكرة بقا شكلها بيبقا مش لذيذ خالص:bosyht9:)
والله فيه بنات بيكون شكلها برئ جدا
وبالميك اب دا بيضيع براءتهم وجمالهم
ولا اللبس ياعينى لابسة ومش لابسة فى نفس الوقت
وهو بسلامته ماشيلى فرحان اوى ورافع راسه فى السما:022yb4:
وماشيين مشبكين ايدهم فى ايد بعض
شئ غريب:bosyht9:
شاب بيخطب بنت عشان يتمنظر بيها !!
اول مرة اسمع الحتة دى:o
انا اعرف ان الولد بيخطب البنت
المحترمة المتدينة المتعلمة المؤدبة الجميلة
مش يختار واحده تحط كيلو ورنيش اقصد ميكب فى وشها
وهو يمشى فرحان جنبها:blush:
!!

وربنا يهدى شباب وبنات المسلمين
موضوع هايل جدا يا حبيبة
بجد تسلمى يا قمراية

maha youness

03-07-2011, 02:34 AM

Mr. Ali 1

03-07-2011, 11:28 AM

السلام عليكم ورحمة الله وبركاته

وعليكم السلام ورحمة الله وبركاته

يارب تكونوا بخير وفى احسن حال
ملكيش دعوة :angry2:

مرة كنت راكبة الميكروباص وكنت قاعده جمب الشباك(اصلى بحب اقعد جمب الشباك:d)
والميكروباص كان واقف وبعدين ببص من الشباك
لقيت منظر:o
واحد وواحدة مخطوبين هتقولولى عرفتى ازاى
مش محتاجة ذكاء (كانوا لابسين دبل فى ايدهم اليمين:d)
ويا تري شفتي الأسماء المكتوبة علي الدبلتين ؟ كان لازم تتأكدي انهم مخطوبين لبعض :bosyht9:
كانوا وافقين يتكلموا ويضحكوا ماشاء الله بصراحة صوتها كان اعلى من صوته
لا واللى يغيظ انه كان مبسوط وبيضحك عادى:angry2:
فرحانين وهي كانت بتعمل بروفة لما هو قادم :blush::blush:
والناس فى الشارع حواليهم
لا وكمان وهو ماشى لازم يسلم عليها طبعا
السلام دا بياخد تقريبا خمس دقايق:bosyht9:
فجأة لقيتها بتجرى وراه وتضربه على ضهره :d
يانهار كروهات:o
وهو بيضحك برده
انا مش فاهمة دا راجل يعنى ولا ايه؟؟!!!
لأ طبعاً . الراجل يبقي زي ده :d:d
http://www4.0zz0.com/2011/07/03/11/422551306.jpg (http://www4.0zz0.com/2011/07/03/11/422551306.jpg)
طبعا استغربت منهم الاتنين:006et4:
منها هى وتصرفاتها اللى لاتنم عن اى اخلاق عندها
ومن الاستاذ اللى كان فرحان وهى صوتها اعلى من صوته وبتضربه فى الشارع
امال انتي عايزاها تضربه فين ؟ لو ضربته في البيت , محدش هيشوفها .
لازم تضربه قدام الناس علشان تكسر عينه وتدبحله القطة :slap1qk6:
http://www10.0zz0.com/2011/07/03/11/356878144.jpg (http://www10.0zz0.com/2011/07/03/11/356878144.jpg)

طبعا دا مش المنظر الوحيد اللى شفته
فيه اشكال والوان وبيكونوا ماشيين
او قاعدين فى اماكن عامة فى وضع لا يليق (مناظر تكسف:()
وبيكونوا مخطوبين

انا ليه مركزة على مخطوبين دى
لاننا طول عمرنا احنا البنات
فيه جملة كدا تقريبا حفظناها:bosyht9:
ان الشاب بيصاحب وبيمشى مع بنات ولما بيرتبط بيختار البنت المحترمة
مش كله بيعمل كدا . يعني البنات اللي مش ولابد معنسين ؟ الطراطير كتير والرجال قليل :angry2::angry2:

ياترى ايه هو مقياس الاحترام اليومين دول؟؟؟
بلاش أجاوب علي السؤال دا :(:(
ياترى ايه الفرق بين المخطوبين دول وبين اى اتنين ماشيين مع بعض؟؟
ان اهلهم عارفين:blush:
طيب انا شايفة ان دا انيل ايه اهلهم دول اللى يسمحوا بكدا
يعنى هما واثقين فى الشاب دا وفى بنتهم لدرجة انهم يخرجوا فى الخطوبة
وبدون اى ارتباط شرعى
دياثة من الأهل بدعوي الخطوبة :angry2::angry2:

طيب الشاب اللى بيخرج دا مع خطيبته وبيتصرفوا تصرفات مش لذيذة
هو بيخاف عليها بجد؟؟
اذا كانت هي مش خايفة علي نفسها ولا أهلها خايفين عليها , يبقي هو اللي لازم يخاف ؟ وبعدين دي خطوبة , يعني في أي وقت ممكن يخلع :blush::blush:
http://www3.0zz0.com/2011/07/03/11/239900448.jpg (http://www3.0zz0.com/2011/07/03/11/239900448.jpg)
هو شايف ان هى دى اللى هتحافظ عليه وعلى اولاده؟؟
انا اعرف ان اللى بيخطب دا بيبقى بيخاف على خطيبته من عيون الناس
حتى من نفسه
ومش يحب يخليها ملفتة للانظار باى شكل

ولا انا اللى قديمة والاحوال اتغيرت؟؟
الكلام ده ينطبق اذا كان مش هيخرج معاها ويتفسحوا ويتغندروا و .... وكله تحت مسمي الخطوبة :angry2::angry2:

....

كمان فيه حاجة بتغظنى جدا:angry2:
احيانا بشوف شباب بيخطب البنت علشان يتمنظر بيها قدام الناس;)
ليه يعني ؟ هو خاطب هيفاء وهبي ؟ :o:o
اللي زي دا تافه وديوث ( ربما يكون ذكر ولكنه بالتأكيد ليس برجل )
وتلاقى عروسة مولد ماشية جمبه:d
بالميك اب اللى على وشها (على فكرة بقا شكلها بيبقا مش لذيذ خالص:bosyht9:)
معاكي حق . بس هي من غير وش الدوكو والورنيش بتحس انها مش أنثي جميلة . لكن بعد كدا لما تتجوز , تبتدي تظهر علي الحقيقة المرعبة :o:o
والله فيه بنات بيكون شكلها برئ جدا
وبالميك اب دا بيضيع براءتهم وجمالهم
ولا اللبس ياعينى لابسة ومش لابسة فى نفس الوقت
وهو بسلامته ماشيلى فرحان اوى ورافع راسه فى السما:022yb4:
طبعاً راسه في السما . مش كل الناس بتبص علي خطيبته أو مراته . يعني الواد عرف يختار اللي الكل هينهبل عليها وعايز ياكلها بعنيه :bosyht9:
وماشيين مشبكين ايدهم فى ايد بعض
شئ غريب:bosyht9:
متخافيش , بعد الجواز بيمشي بعيد عنها بمسافة لا تقل عن 3 متر :d:d
انا عايزة اعرف فين الحياء؟؟؟؟؟

يعنى انهم مخطوبين دا يعطى ليهم الحق انهم يتصرفوا كدا
والله حتى لو متزوجين مش من حقهم يعملوا كدا
خلاص يعنى الحب مش مولع اوى علشان يوروه للناس
المفروض يبقا فيه حياء من ربنا ومن نفسهم كمان

اعتذر عالاطالة

في الخطوبة بيكونوا فرحانين ببعض خالص وكل واحد بيقول في التاني قصايد شعر , ولو الخطوبة باظت , تلاقي كل واحد فيهم بيطلع في التاني القطط الفطسانة :o:o
العيب علي أهل البنت ( لا عرفوا يربوا من البداية ولا عارفين يتابعوا بعد كدا )
أما الطراطير اللي هما بقوا أكتر من الهم علي القلب , فالواحد هيقول ايه لطرطور ؟ مهما قلتله , مش بيحس خالص .
وفي النهاية لازم أقول وأفضل أقول ان البنت هي اللي بتكون خسرانة ( خاصة اذا الخطوبة اتفركشت وبتحصل كتير اوي )
شكراً علي هذا الموضوع ( وبطلي تبصي علي الناس اللي ماشيين علشان نفسيتك متتعبش )
تقبلي مروري .

Heartbeat

03-07-2011, 01:42 PM

والله يا بنتى انا مبقتش فاهمة الشباب دول عاوزين ايه

وبيدورا على ايه بالظبط هل على الجمال ولا والغنى ولا الاخلاق واحيانا بالمواصفات واحيانا ايضا بالوظيفه
فبقت حاجة تحير مبقتيش فاهمة اللى بيحصل ده

رغم المفروض يكون تركيزنا على الاخلاق

لكن هتقولى ايه ولاحياة لمن تنادى

كنت سامعه حكاية من استاذى الدين الله يحفظه

الحكاية بتحكى عن ان فيه

بنت كانت بتحب واحد جدا بس المشكله ان هيا كانت مسلمة وهو مسيحى

كانت بتحبه اوى لدرجة انها مش عايزة اى حد غيره

فوالدها راح للشاب وقاله يا بنى بنتى بتحبك ومش عايزة حد غيرك ومش عارف اعمل ايه

فالشاب فكر مع نفسه لغاية مقرر ان يسلم ويعرف قوانين وقواعد دينا

فالمهم فى الاخر اتجوزها

فجم فى يوم شافها رايحة تتمشى فقلها انتى رايحة فين قالتله هتمشى مع زمايلى

قالها باللبس ده مكنش لابسه طرحة ولابسه ضيق جدا فكان رافض ينزلها بكده

فقلها منتش نازله كده غيرى والبسى طرحه
قالتله مش لابسه انا حره

فغضب منها قالها انا فهمت كده كل حاجة

قالتله فهمت ايه

قالها انا فهمت انتى مكونتيش عايزة تتجوزى حد غيرى ليه انتى اتجوزتينى علشان شكلى حلو مش علشان اخلاقى واتغيرت واسلمت علشانك وعلشان نعيش انا وانتى فى سعادة وباللى ربنا فرضه علينا
وفى الاخر طلقها

يعنى من الاخر ان اغلبنا دلوقتى بقى بينظر للشكل الخارجى مع ان الاهم هو الشكل الداخلى وهو القلب والاخلاق

ارجو انى مكونش طولت انا اسفه ولكن الموضوع ده شدنى اوى
اشكرك يا حبيبه على عرض موضوع مهم زى ده

ايوه ياجودى ماانا بقول كدا
مقاييس اختيار الزوجة بقيت غريبة
يعنى تلاقى بجد الشباب تافه جدا سواء بنات او شباب
....
جميلة القصة دى
لكنى مستغربه يعنى هى كانت محجبة ولما اتزوجت خلعت الحجاب ولا ايه
لانه اكيد لو كانت مش محجبة وكانت تصرفاتها مش كويسة قبل الجواز
كان هو ميرضاش بيها اصلا
فيه بنات كدا كتير بتهتم بالشكل وبس

طولى براحتك ياقمر
نورتينى

Heartbeat

03-07-2011, 03:13 PM

افهمك يا حبيبه ..فى واحد صاحب خالى و نفسه يتجوز ..مقايس زواج عنده بنت جميله مش فيها و لا عيب و لو فيها تعمل تجميل

و تكون مش محجبه او محجبه لكن حجاب سبور يعنى جينز و كدا

و تكون بتهتم جدا بنفسها و رشاقتها

و تكون على درجه عاليه من التعليم و يفضل مدارس لغات

و تكون بتتقن اللغه الانجليزية جدا و اى لغه تانيه

و تكون مثقفه جدا و بتعرف تكلم كويس و اسلوب حوار عندها راقى و اجتماعية

تكون واثقه فيه نفسها و مش تغير عليه ابدا و تكون واثقه فيه

تكون ليها شخصيه مستقله

و ناجحه فى شغلها

و تكون متقبله تعيش فى كندا ( لعمله هناك )

و لسه لحد دلوقتى ملاقش العروسه بالمواصفات ديه و هو عنده 34 سنه و عالفكره هو مشكلته انه وسيم جدا و شايف نفسه و متعلم برا و شغال مهندس فى شركه اتصالات عالمية ..

للاسف تقريبا مش حيلاقى عروسه زى ديه
ردى وصلك ياصوفيا
كنت هرد عليكى فى التوبيك بس انتى استعجلتى
بس ايه حكاية وسيم جدا دى
اصلا مفيش حاجة اسمها راجل جميل
الراجل جماله فى شخصيته واخلاقه مش بشكله
...
وهو ياترى بقا حضرته
مفيهوش عيوب خالص يعنى
دا تلاقى مليان عيوب
كفايه حكاية انها مش تغيير عليه دى
يعنى هو كدا بقا مش هيغير عليها
يبقى مش هيحبها
الغيرة دى حب لكن بحدود متوصلش للجنون علشان متتحولش لشك

مرسى لمرورك ياقمر تانى
نورتى

Ezel

03-07-2011, 03:28 PM

خلاص يعنى الحب مش مولع اوى علشان يوروه للناس
المفروض يبقا فيه حياء من ربنا ومن نفسهم كمان

موضوعـ جميل اوى ...... بس للاسف لاحياه لمن تنااااادى . ويااريت بتيجى على كدا وبس ;)
بيحصل اكتر من كدا كماااان .. ( خلينى ساكت احسن :mad: )
وفى اسباب كتير للى بيحصل ده ....

اهمها ( ان اكترنا بعد عن طريق ربنا )
ومن ضمنها التشبه بالغرب اللى دخل فى حاجات كتير اوى فى حياتنا ... ( اخر حاجه :d )

................. شكرا ع الموضوع الرائع

scream angle

03-07-2011, 04:55 PM

zozza love

03-07-2011, 05:36 PM

عادى جدا زوزو انا بشوف اصغر منه متجوزين حتى السن مبقاش فيه مشكله

كله بيتجوز دلوقتى اين كان سن الولد او بنت

بس تصدقى ان ولد وبنت متجوزين وهم فى الابتدائى !!!!!

انا مستغربة بس حصل عندى فى بلدى
فدلوقتى اى حاجة انتى مش متخيلاها هتلقيها فى الدنيا دى

بصى يا توته طول عمرى يعنى الكام سنه اللى عشتهم وانا فاهمه فيهم شويه الحياه والدنيا عرفت ان فى فرق بين الحب والخطوبه والجواز كل مرحله وليها مسؤلياتها وواجبتها أه ممكن البين تتجوز بدرى عادى لكن الولد يتزوج وهو أقل من عشرين سنه عادى ؟
يا تووته أنا بتكلم بعقلى مش بعواطفى سورى يعنى مش ينفع انى اتجوز واحد او حتى اتخطب له وهو لشسه فى المدرسه ولا حتى فى الكليه بس حاليا ً الناس بقت تقبل بالكليه على اساس انه خلاص بقى راجل مش عيل ، بس تفرق أوى لما اب يخطب لـ بنوته عيله لسه فى الثانويه وبياخد مصروفه من ابوه
أنتى لوشوفتى وواحده صحبتك او حتى اختك شوفى المنظر العام عامل ازاى
مهما كان هو عقله كبير هفو برضه لسه طفل فى المدرسه كل يوم الصبح بياخد مصروفه وهو نازل وبينزل باستاذن وبيرجع بمعاد
ياريت النظريه السليمه تكون وصلت .

ايه يا جماعه انا قلت انى كنت ناوى اخطب .. يعنى لسه مخطبتش .. بس انا بحب اعرف اهلى .. هى مشكلة يعنى .. و كمان مش عيب اعتقد .. الواحد غلط كتير اه .. بس دلوقتى الواحد عايز يكون فى صف حد .. إما فى صف الله .. او فى صف تانى .. فأنا لما دخلت 3 ثانوى .. اخترت صف الله .. اينعم لسه فيه داء البنات .. بس الحمد لله .. اهو طالما انا بدعى و بقول اللهم ابعدنى عن معاصيك .. و انا اعرف انى عاصيك .. لكنك الله .. عفو كريم .. تحب العفو .. فاعفو عنى .. ربنا جميل اوى يا جماعه لما تبقى بتصلى كده و تدعى من قلبك و سبحان الله تبقى غلطان سلمت على دى . و كلمت دى .. المفروض ربنا مش يسمحك .. بس شوفتوا جماله و رحمته .. يقولك لا تعالى صلى .. و انا هسامحك .. اكنك قاعد مع حد بتحبه اوى .. و يقولك تعالى هنا جمبى و يطبطب عليك و يقولك معلش بكرة احسن .. شفتم بقى ^^ اللهم انى احبك فيك ..

يعنى خلاصة كلامى .. احنا شباب .. و هنغلط .. و مش عيب .. بكرة الواحد يبقى ارجل من كده .. يفتح بيت و و يجيله عيال ..
انا غلط .. مشيت مع دى (( غلط )) .. كلمت دى (( غلط )) لقيت فى النهاية مش هستفيد .. قلتلها يا بنت الحلال .. اكلم والدتك و انتى تكلمى و الدتى و اتفقنا .. بس الظروف بعدتنا .. ليس عيباً فيها لسمح الله .. لكن الله اراد ذلك .فالحمد لله لك ربى ^^ و الحكاية يا عزة ليس بالسن .. مش ده كان موضوعك زمان ^^ .. مش بنسى انا ها ^^

تقريباً ردى على كلامك حيكون قريب من ردى على توته
بس حضيف حاجه واقولك انى فاكره الموضوع طبعاً
بس انتى فاكر قولت فيه ايه ؟
قولت ان مش ينفع ان بنت تتخطب قبل سن العشرين
فاكر ؟
وانت دلوقتى بتقولى ولد يخطب وهو لسه فى المدرسه ؟
راجع كلامك يا فندم وشوف التناقض اللى فيه
وبعدين تعالى هنا قولى
انت عندك اخوات بنات
لو جه لـ اختك عريس وهو لسه فى ثانويه عامه حتقول له ايه ؟

معلش انا عارفه انى رخمه بس المبدأ مش بيتجزء

Heartbeat

03-07-2011, 06:00 PM

أولاً: أناأحب أحييكي على الموضوع الرائع كعادة مواضيعك, بصراحة ماشاء الله أسلوبك في الكلام ينم على أن البيت الذي خرجتي منه-ما شاء الله- بيت متدين أسأل الله أن يرزقنا وإياكٍ التدين.
ثانياً: ببساطة يا فندم أنا أتمنى أن يجيبني أحد إجابة واضحة ودقيقة ومحددة, ما الذي جعل الأمة الإسلامية في القاع بين الأمم مع أن مكانها الحقيقي في قمة القمة؟
ثالثاً: إجابة هذا السؤال هو ما ينقصنا, وإذا وجدناه لن تري هذه المناظير الغير عاطفية مرة أخرى:av4056bb7jp3:

اشكرك ياباشمهندس على الكلام الجميل
اللهم امين يرزقنا جميعا التدين
ويبعدنا عن المعاصى
....
الامة الاسلامية لم تعد اسلامية فى حقيقة الامر
بعدنا عن ديننا
وهجرنا قراّننا
تفرقنا
اتصلنا بالغرب نتيجة التكنولوجيا والتطور
جعلتنا نفقد هويتنا الحقيقية
ليست هناك مشكلة ان نتطور ولكن علينا ان نلتزم باخلاقنا وديننا
وطبعا دا محصلش احنا اصبحنا امة غربية
لغينا عقولنا واتجهنا للتقليد فقط
...
جزاك الله خيرا عالمرور الجميل ياباشمهندس
نورت

Heartbeat

03-07-2011, 06:25 PM

وربنا يهدى شباب وبنات المسلمين

موضوع هايل جدا يا حبيبة

بجد تسلمى يا قمراية

ايوه يابنتى القعدة جمب الشباك دى تحفة
الدنيا بتبقى هوا وطياوة:d
.....
طبعا لحقت اعرف ان الدبل فى الايد اليمين
يابنتى هقولك انا لما بشوف اتنين ماشيين مع بعض شكلهم مش اخوات
بيبان على فكرة:d
ببص على ايدهم:006et4:
الدبل فى اليمين يبقوا مخطوبين:blush:
فى الشمال يبقوا متزوجين (دول فى السليم)
لا اليمين ولا الشمال يبقوا مأنتمين:angry2:
فهمتى بقا يافرح سوسة انا مش كدا:d
....
عندك حق فعلا لما تضربه قبل الجواز
بعد الجواز هتعمل فيه ايه؟؟!!!!
وياترى هيضحك برده؟؟!!!:d
....
فعلا ياعالم هيحصل ايه بكرة
ربنا يستر:d
كمان يافرح مش ينفع الاهل يدوا بنتهم الثقة الكاملة
وكمان دى معاها واحد غريب
ايه يعنى خاطبها
حتة الدبلة دى تدى ليهم الحق انهم يعملوا اللى نفسهم فيه
مستحيل طبعا
.....
اه والله يابنتى فيه شباب بيخطبوا بنات يتمنظروا بيهم
دول مفيهمش ريحة الرجولة:angry2:
....
اللهم امين
شكرا للمرورك الجميل فرح
نورتينى حبيبتى

Heartbeat

03-07-2011, 07:57 PM

المناظر الغير عاطفية اللي موجودة في حياتنا اليومية نابعه من نقص الدين لاننا لو كنا فعلا علي علي دراية بدينا كنا فهمنا واتعلمنا حاجات كتير

جزاك الله خيرا بجد علي الموضوع الرائع ده وعاجبني اكتر انك نقشتيه باسلوب يتماشي مع كل العقليات
فعلا عندك حق
البعد عن الدين ترتب عليه مساوئ كتير
ملهاش عدد
ربنا يستر علينا بجد ويحفظنا

اشكرك مها عالمرور الجميل
نورتى

Heartbeat

04-07-2011, 01:50 AM

في الخطوبة بيكونوا فرحانين ببعض خالص وكل واحد بيقول في التاني قصايد شعر , ولو الخطوبة باظت , تلاقي كل واحد فيهم بيطلع في التاني القطط الفطسانة :o:o
العيب علي أهل البنت ( لا عرفوا يربوا من البداية ولا عارفين يتابعوا بعد كدا )
أما الطراطير اللي هما بقوا أكتر من الهم علي القلب , فالواحد هيقول ايه لطرطور ؟ مهما قلتله , مش بيحس خالص .
وفي النهاية لازم أقول وأفضل أقول ان البنت هي اللي بتكون خسرانة ( خاصة اذا الخطوبة اتفركشت وبتحصل كتير اوي )
شكراً علي هذا الموضوع ( وبطلي تبصي علي الناس اللي ماشيين علشان نفسيتك متتعبش )
تقبلي مروري .
هههههههه
تصدق فاتتنى حته انى اتاكد من الاسماء دى يامستر
المرة الجاية بقا:006et4:
....
عسولة خالص الراجل اللى فى الصورة دا
لا وهى بارده بيشتمها وبتضحك:d
.....
عند حضرتك حق
تلاقى المحترمة عنست والتانية لقيت الطرطور:d زى ماحضرتك بتقول:006et4:
...
كنت احب ان حضرتك تجاوب عالسؤال:blush:
اصل محدش جاوب عليه برده
زى ماحضرتك تحب:bosyht9:
....
صح والله اهلها سمحوا لها تخرج مع حد غريب
وهما مش خايفين عليها
يبقى اكيد هو مش هيخاف عليها وهيشوفها سهلة
وزى ماحضرتك بتقول دى خطوبة يعنى ممكن يخلع فى اى وقت:blush:
ماهما الرجالة ملهمش امان:d
....
عند حضرتك حق
بالظبط اللى يعمل كدا مش راجل نهائى
.....
ايوه يامستر ماهى مش هتفضل طول عمرها بالميك اب
اكيد هيشوفها من غير ميك اب بعد كدا
وهيقول انه اضحك عليه ويتفاجئ ياعينى:o:o
....
فعلا يامستر البنت هى اللى بتتأذى بعد كدا فى مشاعرها
علشان كدا لازم يبقى فيه التزام فى مرحلة الخطوبة
...
هحاول مش ابص
بس مش انا اللى ببص هما اللى بيخلونى ابص على مناظرهم الغريبة دى
الله يسهلهم بقا ويهديهم
وربنا يهدى الجميع

شكرا لمرور حضرتك الجميل مستر على
الصور تحفة على فكرة:d
نورت يامستر

Heartbeat

04-07-2011, 01:57 AM

موضوعـ جميل اوى ...... بس للاسف لاحياه لمن تنااااادى . ويااريت بتيجى على كدا وبس ;)
بيحصل اكتر من كدا كماااان .. ( خلينى ساكت احسن :mad: )
وفى اسباب كتير للى بيحصل ده ....

اهمها ( ان اكترنا بعد عن طريق ربنا )
ومن ضمنها التشبه بالغرب اللى دخل فى حاجات كتير اوى فى حياتنا ... ( اخر حاجه :d )

................. شكرا ع الموضوع الرائع
ايوه كدا:d
ايوه ماانا عارفه انه بيحصل اكتر من كدا:o
حقيقى بجد البعد عن ربنا هو السبب الرئيسى فى كل اللى بيحصل دا
كلام مظبوط جدا
اشكرك عالمرور الجميل
نورت تانى
:)

منه7

04-07-2011, 02:18 AM

usernamo

04-07-2011, 02:36 AM

بصى يا توته طول عمرى يعنى الكام سنه اللى عشتهم وانا فاهمه فيهم شويه الحياه والدنيا عرفت ان فى فرق بين الحب والخطوبه والجواز كل مرحله وليها مسؤلياتها وواجبتها أه ممكن البين تتجوز بدرى عادى لكن الولد يتزوج وهو أقل من عشرين سنه عادى ؟
يا تووته أنا بتكلم بعقلى مش بعواطفى سورى يعنى مش ينفع انى اتجوز واحد او حتى اتخطب له وهو لشسه فى المدرسه ولا حتى فى الكليه بس حاليا ً الناس بقت تقبل بالكليه على اساس انه خلاص بقى راجل مش عيل ، بس تفرق أوى لما اب يخطب لـ بنوته عيله لسه فى الثانويه وبياخد مصروفه من ابوه
أنتى لوشوفتى وواحده صحبتك او حتى اختك شوفى المنظر العام عامل ازاى
مهما كان هو عقله كبير هفو برضه لسه طفل فى المدرسه كل يوم الصبح بياخد مصروفه وهو نازل وبينزل باستاذن وبيرجع بمعاد
ياريت النظريه السليمه تكون وصلت .

تقريباً ردى على كلامك حيكون قريب من ردى على توته
بس حضيف حاجه واقولك انى فاكره الموضوع طبعاً
بس انتى فاكر قولت فيه ايه ؟
قولت ان مش ينفع ان بنت تتخطب قبل سن العشرين
فاكر ؟
وانت دلوقتى بتقولى ولد يخطب وهو لسه فى المدرسه ؟
راجع كلامك يا فندم وشوف التناقض اللى فيه
وبعدين تعالى هنا قولى
انت عندك اخوات بنات
لو جه لـ اختك عريس وهو لسه فى ثانويه عامه حتقول له ايه ؟

معلش انا عارفه انى رخمه بس المبدأ مش بيتجزء

معاكى تمام و حلو اوى .. و انا مقلتش خطبت .. انا قلت ناوى اخطب .. و بدل ما نبعد عن بع .. قلت اربط كلام مع اهلها .. بالبلدى احجزها .. او بمعنى اصح نكون لبعض .. و الخطوبة بعد 2 او 3 جامعه و هكون انا ساعتها 22 سنة !و بعد 2 سنة تنجوز هكون انا 24-25 سنة يكون كويس اوى لسن الجواز ^^ ..

و لو جه لاختى عريس فى ثانوى ربط كلام .. و بقدام الاهل يكونوا عارفين احسن ميت مرة .. من انى اشوفها و افشها مرة معاه فى الشارع .. لان انا من النوع اللى ممكن ا*** و مش بيفرق معايا الدم .. و ساعتها مش هسالها ده مين .. و لا هسمعها .. و لا هسمعه .. و هضيع عمرى بسببهم .. يبقى من الاول يجى يقرأ فاتحة يربط كلام و بعلم الاهل .. و لما نحب نخرج يبقى خروجة عائلية جميلة او عزومات و كده كده فى المرحلة العمرية دى هتنجذب اختى نحو واحد ما .. يبقى ابقى كويس معاها من الاول احسن من اى تصرف تانى صح ولا انا غلطان ؟! .. مسيرك تخشى ثانوى و تشوفى يا عزة ^^

طالبة المعالى

04-07-2011, 03:09 AM

عجبنى موضوعك جدا يا حبيبة
والمنتدى كلو جميل لأنكم بتتكلموا بكل صدق وصراحة
وفرحت كمان أن الناس لسة بخير

سوسو 2012

04-07-2011, 04:51 AM

نصيحة متخديش في بالك لانك بالشكل ده حتتنقطى

نقاء الروح

04-07-2011, 08:54 AM

Ezel

04-07-2011, 09:06 AM

.... بمناسبه الموضوع الجميل ده ... :d

*************************************

قَال : أنَا رَجُل، ~

لاَ أسْمح أنْ تطل إمْرَأتِي عَلى العَالَم فَيتَغزلُ الرجَالُ فِي جمَالِهَا

!دَمي لاَ يَحتملُ و لاَ هَكذا عَلمنِي دِيني~
...
فهَل تقبَلِين برجُل غَيُور مِثْلي؟

فقَالَت : أنَا إمْرأة.~

.. أعشَقُ فِي الرجُل تِلك الحميَة

و أرتْجِي مَن كَان حَاميا للدِين وأكتفِي بكَ مِن العَالِم معْجباً ..♥

......... S ...........

Heartbeat

04-07-2011, 03:07 PM

ولا تزعلى ده بيحصل اكتر من كده :p انتى شفتى حاجة انا شفت افظع من كده اتنين مخطوبين والاستاذة بتقص

اظافرها ;)وبتحط مونكير ;)وده ماسك معاها وبيعمل معاها ;)

هههههههههههه :d بنات وشباب اخر زمن :angry2::angry2:
هههههههههههه
كمان بيساعدها فى المانيكير
لا جنتل بجد:p
ممكن كمان هو اللى بيحطلها الميك اب:d
ربنا يهدى الجميع
مرسى لمرورك الجميل ياقمر
نورتى

Heartbeat

04-07-2011, 03:17 PM

والله مش كل الشباب فى شاب يصاحب وفى نفس الوقت يتمنظر وده الواد الصايح جداً
وفى شاب يخطب ويتمنظر بس ده الواد الصايع الغبى الأهبل
هههههههههههههههه
لقد انعدم الحياء فى هذا الزمان الا قليييييييييل
ودول أصلاً شباب سييييييييييييييس
وبعدين هو ميرضاش لأخته كده حتى لو متجوزه ميرضاش ان جوزها يعمل كده قدام الناس
والله الواحد بيشوف مناظر تقهر
وربنا يهدى
والله موضوعكـ رااااااااااااااائع
وبصراحه متميز جداً
شكرااااا لكـ
عارفه لو بيصاحب وبيتمنظر بيها
اهون من انه يخطبها علشان يتمنظر بيها
فعلا هو غبى انه يعمل كدا
ايوه بالظبط لو كل شاب فكر قبل ما يأذى بنات الناس
ان دا ممكن اوى يحصل ما اخته
عمره ماهيعمل كدا
لكن تقولى ايه شباب ضايع

مرسى لمرورك الجميل منه
نورتي

Heartbeat

04-07-2011, 03:20 PM

عجبنى موضوعك جدا يا حبيبة
والمنتدى كلو جميل لأنكم بتتكلموا بكل صدق وصراحة
وفرحت كمان أن الناس لسة بخير
اكيد لسه فيه ناس كويسة
المنتدى حلو بوجودك حبيبتى
مرسى لمرورك الجميل
نورتى

السيد صابر

04-07-2011, 03:32 PM

موضوع جميل

رغم إنه مؤلم شويتين

وربنا يهدي يا أختي

بس بصراحة أجمل ما في الموضوع ده

صورة الحاجة الأمورة في التوقيع

سلميلي عليها

ولو اني معرفكيش ولا اعرفها

بس مش مشكله

كله بثوابه

Heartbeat

04-07-2011, 03:32 PM

نصيحة متخديش في بالك لانك بالشكل ده حتتنقطى
لا ياقمر ماانا اتنقط من زمان:bosyht9:
مرسى لمرورك الجميل سوسو
نورتينى

محمد new

04-07-2011, 03:33 PM

l,q,u [ldg

محمد new

04-07-2011, 03:36 PM

موضوع جميل

Heartbeat

04-07-2011, 06:21 PM

ما اكثر المناظر الغير عاطفية !!

والاعضاء ماشاء الله كفوا ووفوا
وقالوا كل الكلام :d
لكن احب اقول اننا بقينا بناخد كلو عادي
لحد ما خلينا الغير مقبول عادي كمان !!
ودا كلو سببه واحد اكيد ..

مرسي ياقمر عالموضوع الجميل ..

وبطلي تبصي عالناس :p

كلامك مظبوط يانقاء
اى تصرفات غلط دلوقتى بقيت عادى
يابنتى مش انا اللى ببص
دى عينى:006et4:
عموما هى مناظرهم اللى بتفرض علينا نبص عليهم:mad:
لو يخترمو نفسهم محدش هيبص
...
مرسى لمرورك الجميل نقاء
نورتينى حبيبتى

Heartbeat

04-07-2011, 07:02 PM

Heartbeat

04-07-2011, 10:03 PM

موضوع جميل

رغم إنه مؤلم شويتين

وربنا يهدي يا أختي

بس بصراحة أجمل ما في الموضوع ده

صورة الحاجة الأمورة في التوقيع

سلميلي عليها

ولو اني معرفكيش ولا اعرفها

بس مش مشكله

كله بثوابه

:d
الحاجة الامورة
انا كمان مش اعرفها
هسلم عليها ازاى بقا؟؟:bosyht9:
بس ملهاش حل مش كدا
بحبها اووووووى من صورتها
ربنا يحميها

شكرا لمرورك الجميل استاذ السيد
نورت حضرتك

Heartbeat

04-07-2011, 10:56 PM

موضوع جميل
شكرا لحضرتك عالمرور الجميل
نورت

light of the mo0on

05-07-2011, 12:49 AM

بصراحه بشوف المناظر البشعه دى كتيييير
بس طبعا بدون تعليق
يعنى عندى واحد قريبى فى واحدة كان هيتجنن ويتجوزها
وهى من النوع اللى بتحط مكياج اوفر بتبقى عامله زى عروسه المولد
ونص محجبه هههههههههه نص شعرها باين من الطرحه
وصوتها سرينه اسعاف
وكان عايش دور المحترم قبل لما يتجوزها
بس اتجوزها وطبعا مش عارفين يكملو مع بعض
وطبعا انا فرحانه فيه

وحاجه تانيه بتجيب نقطه نقطه ايه بتجيب فاصله وكل علامات الترقيم
لما واحد يمشى مع واحدة قبل الجواز ويقول علشان نتعود على بعض
وطبعا نو كومنت انتى عارفه التعليق يا حبيبه
وسورى طولت عليكى
وشكرا يا قمر

مريم عمر عادل

05-07-2011, 10:57 PM

مووووووووضوووووووووووع فى قمة الروعة والابداع
وعندك حق واللهى

love ur life

06-07-2011, 12:38 AM

منظر غير عاطفي

والله كلامك كله صحيح يا حبيبه

فكرتيني بموقف برده نفس موقفك بس بصراحه كان مخجل اوى

ربنا يصلح حال الشباب والفتيات

تسلمي ع التوبيك
ونتظر جديدك

..............

Heartbeat

06-07-2011, 04:09 PM

Heartbeat

06-07-2011, 04:11 PM

مووووووووضوووووووووووع فى قمة الروعة والابداع
وعندك حق واللهى
مرسى لمرورك الجميل مريم
نورتى
:)

Heartbeat

06-07-2011, 04:13 PM

منظر غير عاطفي

والله كلامك كله صحيح يا حبيبه

فكرتيني بموقف برده نفس موقفك بس بصراحه كان مخجل اوى

ربنا يصلح حال الشباب والفتيات

تسلمي ع التوبيك
ونتظر جديدك

..............

فعلا المواقف كتير
بس دا لفت نظرى وكنت مستغربة
ربنا يهدى الجميع
مرسى لمرورك الجميل سمر
نورتينى حبيبتى

heba ghazal25

24-09-2011, 08:54 PM

تسلم ايدك ع الموضوع وفعلا ديه قضيه مهمه اووووووى

فاطمة المصرية

24-09-2011, 11:32 PM

خاااااااااااااااااااالص

222ahmed222

25-09-2011, 03:58 AM

أولا بجد موضوع رائع يا انسه حبيبه
انا هذكر منظر بسيط من المناظر اللي لن انساها بصراحه
مره كنت في ميدان رمسيس وأنا معدي لقيت ولد وبنت سوا الله اعلم ماشي معاها ولا مخطوبين ولا حالتهم ايه الله يهديهم
المهم الواد كان ماشي هو وهي وكانت لابسه لبس مش ظريف انا وقعت عيني عليها بصراحه مثلي مثل أي ولد بس حوشت عيني لقيت الشارع كله بيبص عليها
طيب انا عاوز اعرف هو فين المروءه والرجوله اللي فيه لما يبقى ماشي مع واحده كل اللي ماشيين بيبصوا عليها؟؟؟؟
ولا كأنه كيس جوافه بصراحه
مبادئنا اتغيرت وانتهت واختفت .عمرنا ما كنا كدا كمصريين كنا دايما بيقال عننا اكثر شعب ملتزم واكثر شعب متدين
بس للأسف كل دا اتمحى من ذاكرتنا
بس اعود واقول ان الدور الاول لذلك هو االاعلام بتاعنا لما بنت تتولد ومن يوم ما تتولد تشوف ف التلفزيون سواء مسلسل او فيلم هو دا لبس البنات وكل بنت بتطلع تمشي مع ولد والمشهد اللي اتعودنا عليه ييجوا ف حديقه ويقعدوا يجروا ورا بعض فهي عرفت ان دا عادي ف مجتمعها لأن زي ما زوزا قالت ف موضوع انا بضيع يا وديع فعلا التلفزيون هو مرآة المجتمع يعني الطبيعي يكون التلفزيون بيمثلنا احن مش هيمثل مجتمع لبنان مثلا
فلذلك واحسرتاه على ما حاول وزراء الاعلام ونقباء الممثلين إلى ايصالنا إليه وقد وصلنا إليه فعليا
ولكن هل لنا طريق للعوده؟؟؟ هل يمكننا استعادة مبادئنا مرة اخرى
اذكر انه كان يقال انه قديما كانت الفتاه لا تجلس لسماع الراديو حتى
وكانت ملابس الفتيات سيئه بس الناس كانت عندهم مروءه كان لو ولد عاكس بنت ف الشارع كل الناس يتخانقوا معاه
دلوقت بتحصل حالات ****** جماعيه وكل واحد ماشي ف حاله ملوش دعوه بالدنيا
اتمنى إن اخلاقنا تعود مثلما كانت
وآسف على الإطاله
وبجد موضوعك اكثر من رائع
تقبلي مروري
©§¤°^°¤§©¤ ahmed ¤©§¤°^°¤§©