اين نحن من هؤلاء !! [الأرشيف] - بوابة الثانوية العامة المصرية

مشاهدة النسخة كاملة : اين نحن من هؤلاء !!

وردة امل

13-07-2011, 12:20 AM

السلام عليكم ورحمة الله وبركاته

ازيكم اخباركم ايه
يارب تكونوا بالف صحة وافضل حال :)

　

　
　
ايه رايكم فى الصورة ؟
مش جديدة صح وكتيرة اوى بنشوفها
بنشوفها من سنين وبردو متغيرتش زى ماهى موجودة :(
وكتيير زى الصورة دى اتعرض فى التلفزيون والناس كلها شافتها
بس يا ترى بعد ماشوفنا الصور دى عملنا ايه ؟
ولا حاجة :(
اه معملناش ولا حاجة
لما كان عمرو الليثى بيجيب الناس دى والناس اللى مش لاقية تاكل
وناس حالتها سيئة جدا وتحت خط الفقر
كنا بنتفرج عليهم ونقول يا حرام يا عينى عليهم :blush:
ونفضل نعيط والدموع شغالة وكانه بحر بيجرى :p
والمناديل بئا شغالة
اه المناديل هى دى اللى بنتكلفها بنشترى علبة مناديل عشان نعيط ونمسح دموعنا :blush:
وبعد مانخلص عياط نعمل اننا زعلانين عشان احنا شوفنا المناظر دى ونقول ازاى فى كده :o
ولسه فى ناس موجودة بالشكل ده فى القرن الواحد والعشرين
ونقول ونقول ونقول ....

وبعد مانخلص كلام نروح ننام ونصحى الصبح عادى جدا
ولا كأن حصل حاجة وكاننا لا شوفنا حاجة خالص

هو ده الطبيعى اللى بيحصل !!

الناس دى ليها حق علينا وربنا هيسألنا عليهم
وياترى هنقول لربنا ايه
وايه اللى عملنها عشانهم !!

اثناء الثورة كان فى تعاون بين الشعب والكل بيساعد بعضه
ومكنش فى فرق ابدا بين اى حد
وده كان شئ جميل جدا ان يكون فى تعاون :)

بس تعاون متأخر اوى :bosyht9:

احنا لو كنا متعاونين من قبل 30 سنة وكنا خايفين ع مصلحة بعض
ومفيش حد قال انا ماليش دعوة وقال انا المهم نفسى :angry2:

مكنش ده بئا حالنا ومكنتش الحكومة سرقتنا ونهبتنا :blush:

ليه احنا دلوقتى مسناعدش بعض ونحاول نساعد الناس دى
باى حاجة نقدر عليها

لازم نفكر فى بكره عشان يكون بكره افضل

الناي اللى عايشة فى العشوائيات دى ناس فقرا جدا
وكتيييييير منهم تحت خط الفقر

ياترى احنا فين من الناس دى !!
ناس بتبنى بيوتها من خشب وصفيح
وعيشتهم سيئة جدا
ده فى ناس شوفتها فى التلفزيون
بتقول ان ميه الصرف بتطلع عليهم وهما نايمين !!

ولا الاطفال المشردين ومش بيروحوا مدارس
مصر فيها 37% عشوائيات
ده غير الاسر اللى ف الصعيد اللى ملهاش مأوى
والناس اللى عايشة فى المقابر مع الاموات
بجد حاجة تكسف !!

ناس نايمة فى السرير الحرير وتاكل باتون ساليه وتشرب برتقان
وناس تانية مش لاقية تاكل !!

تخيلوا لو كل واحد اتبرع بجنيه واحد بس
لو والدك اتبرع بجنيه ووالدتك اتبرعت بجنيه واختك تبرعت بجنيه واخوك اتبرع بجنيه
ولو الشارع اللى انت ساكن فيه جمع من بعضه وكل واحد هيتبرع بجنيه
ولو كل شارع او كل عمارة فى مصر عملت كده
ياترى هنلم كام !
اكيد مبلغ كبير
دول ممكن نعمل بيهم حاجات كتيرة جدا
ونساعد ناس كتيرة بتكون محتاجة
ومش لاقية حتى تاكل !!

لازم نفكر فى غيرنا وبلاش نفكر فى نفسنا

　
　

　
الصمت الحزين

samar saad

13-07-2011, 12:36 AM

Heartbeat

13-07-2011, 01:46 AM

سيف العدل البتار

13-07-2011, 01:59 AM

المياة

13-07-2011, 12:05 PM

zozza love

13-07-2011, 12:17 PM

بجد موضوع جميل اوى
تسلم ايدك يا فرح
بصى كل الناس دلوقتى بقت بتعانى من العيشه واللى عايشنها
الراجل مهما اشتغل وتعب مش حيكفى مصاريف بيته وعياله
يبقى العيب فى مين ؟
فينا ولا فيهم؟
والفئه المعدومه دى حتروح فين ؟
وايه اللى خلها كده؟
بص يافرح احنا او معظم الناس متصوره ان بعد الثوره الدنيا حنتغير بسرعه زى ما انتى قولتى كده
بس اللمنطق بيقول انها حتتغير بس مع الوقت والسنين مش فى يوم وليله
تعرفى يا فرح احنا عندنا كام مليون تحت خط الفقر؟
طيب عارفه احنا عندنا كام مليون ساكنين فى مناطق عشوائيه ؟
انتى لو قعدتى تتكلم فى الكلام ده حتتعبى والله
بس موضوع جميل اوى يافرح
احيكى عليه

*moon*

13-07-2011, 12:35 PM

Mr. Ali 1

13-07-2011, 02:30 PM

موضوعك موضوع متشعب يا فرح وهختلف معاكي في معظمه .
التعاون بين الناس شيء جميل جداً ومفيد من كل الوجوه . لكن هو ايه التعاون دا ؟ شكله ايه ؟
التعاون مع بعض في الفرح , المواساة في الأحزان , التعاون في الكوراث ( ولكن بحدود معينة )
أحد جيرانك في ضائقة مالية مثلاً , شيء جميل انك تساعده وتفرج عنه ضائقته . واحدة بتربي في أيتام , انك تساعدها شيء رائع جداً .
لكن أن يتحول الأمر إلي مطالبة الشعب بأن يتعاون مع بعضه في حل مشكلات البعض ( البعض دول مش عدد قليل ) والتي يجب أن تتولي الدولة حل هذه المشاكل بنفسها , فهذا هو الخطأ والخلط بين الأمرين ( التعاون , ودور الدولة وواجبها تجاه المواطنين )
في النظام الحاكم السابق , كان دمي بيتحرق وأنا بشوف اعلانات التسول من المواطنين عيني عينك بدعوي العلاج , التكافل , ..... وكنت ضد هذا الأمر ومازلت ضده ( الاعلانات رجعت تاني :angry2:) ماذا اكتشف الشعب المصري بعد ذلك ؟ المسئولين نهبوا وسرقوا المليارات من دم الشعب المصري البسيط , وكانوا بيطالبوا الفرد العادي انه ( يتبرع ولو بجنيه , اتبرع باللي تقدر عليه :blush::blush: ) احنا نتبرع بالجنيه لأن الدولة فقيرة ومعدمة والميزانية لا تسمح أبداً ,وهما يسرقوا المليارات !!
مساكن العشوائيات , علاج المواطنين , التعليم , القضاء علي البطالة من أهم واجبات الدولة تجاه المواطنين ولابد من تأدية دورها كما ينبغي . ومينفعش اننا نحل محل الدولة في قيامها بهذا الدور ( بلاش نكرر نفس السيناريو مرة أخري )
يعني ايه موظف في الدولة بياخد أكتر من مليون جنيه شهرياً , وواحد ييجي يقولي اتبرع بجنيه علشان تعالج المرضي الفقراء أو تساعد في بناء منزل لأحد مواطني العشوائيات لأن الدولة فقيرة ؟؟!! هي الدولة فقيرة مع الفقراء وبس ؟؟؟ لكن معاها انها تدفع مليون وأكتر لموظفين في الحكومة ؟!! هو دا المنطق ؟؟ بكد احنا بنساعد الدولة انها تستمر في نفس السياسة السابقة وهي استهبال واستكراد الشعب المصري !!
عايز أقول كلام أكتر بكتير يا فرح ( الواحد معبي :mad::mad: ) بس كفاية كدا عليكي .
شكراً علي هذا الموضوع يا فرح .
تقبلي مروري .

وردة امل

13-07-2011, 09:41 PM

اولا انتى بجد وحشانى جدا بقالى فترة ماشوفتكيش
ثانيا الموضوع هايل والله يافروحه
ثالثا بجد يافرح ربنا يستر على البلد الحال اللى احنا فيه ده مايطمنش وواضح ان كلنا هنبقا زى الناس دى
لو اللى احنا فيه ده مش انتها:o:o

والله يافرح انا لسة والدى امبارح هو وعمى طلع عليهم ناس بلطجيه وسرقوهم وضربوهم وكان معاهم اسلحه كمان والحمد لله انهم عدوا من ايديهم وغير الناس اللى ات***ت
يافرح انا عن نفسى مش مهتميه حاليا فالكلام ده احنا دلوقتى بجد لازم نستعيد الامن فبلدنا
دى حاجه مهمه جدا ياجماعه نفسى نرجع نقول مصر بلد الامن والامان زي زمان بجد احنا فى مأساه وناس بيحصلهم حاجات كتير اوى بس احنا مش حاسين بيهم
اتمنا اننا نصحا من الكابوس ده بجد ربنا يحفظ مصر وترجع زى زمان
وبجد الموضع جميل يافروحة

تحيااااااااااااااااااااااااتى:078111rg3::078111rg3 :

وانتى والله وحشانى اكتر يارب تكونى بالف خير وصحة
هو فعلا يا سمر حال البلد مايطمنش بس لازم يكون عندنا تفاؤل شوية
وان شاء الله هتتعدل
مصر كنانة الله ومن ارادها بسوء قسمه الله
بلطجية وناس ات***ت !!
ووالدك وعمك اخبارهم ايه دلوقتى يارب يكونوا بخير
طمنينى عليهم يا سمر
الامن !!
مصر بلد الامن والامان !!
وانا تقريبا بتكلم فى نفس الموضوع
لان العشوائيات والناس اللى تحت خط الفقر دى
هما دول اللى بيطلع منهم البلطجية والحرامية والمتشردين والمنحرفين و....
يعنى احنا لو قضينا ع العشوائيات دى وساعدنا الناس دول
يبقى تقريبا هنقضى ع 90% من المجرمين ف مصر
عشان ندور ع الامان لازم نقضى ع الجذور اللى بتخرج
ناس بالشكل ده
عشان ميبقاش فى بلطجية وحرامية
وترجع مصر من تانى بلد الامن والامان

نورتى يا سمر

وردة امل

13-07-2011, 09:57 PM

عارفه يافرح المشكلة اننا كنا متصورين

ان بعد الثورة كل حاجة هتتغير اتوماتيك
انا كنت من الناس دول..:d
كان اى حد يتكلم عن فقر .امية.رشوة.عشوائيات
اقله خلاص كل دا هينتهى ومصر هتبقى حاجة تانية
كنت عبيطة..:(
التغيير هيبقا مننا احنا
احنا اللى هنساعد بعض علشان نقضى على اى فساد
الفساد والظلم مكنش فى النظام السابق وبس
الفساد فينا احنا
ياترى هنتغير؟؟!!!
طيب ينفع نطالب باسقاط الشعب!!!
لان الفساد اصلا فى الشعب
طيب ماكل رموز النظام الفاسدين فى السجن
ولسه فيه جرايم ورشاوى وسرقة
..
فكرة ان كل مواطن يتبرع بجنيه دى هايلة
ومش هتأثر نهائى
بس مين هيعمل كدا
محتاجين نظام وتعاون
واحنا شعب اغلبه مفتقد للنظام والتعاون
حقيقى الناس دول فى العشوائيات وغيرهم من مرضى
مرميين فى المستشفيات الحكومية واللى بيموتوا كدا
لانهم مش معاهم فلوس
بجد حاجة تقطع القلب
اقول ايه غير انى بتمنى اعمل اى حاجة علشانهم..:(
ياريت بجد نتعاون علشان نساعد بعض
..
مرسى فرح عالتوبيك الجميل
تقبلى مرورى

التغيير مش هيبقى اتوماتيك يا حبيبة زى ماقلتى
وكل حاجة هتحصل بالتدريج
فساد ورشوة وامية وعشوائيات وناس تحت خط الفقر
كل ده الحكومة مش هتحله لوحدها ولاهتقدر تعمل ده كله
احنا ليه بنعتمد ع الحكومة ف كل حاجة !!
ليه احنا منحاولش نغير ونساعد بعض
وزى المقولة مابتقول
ايد لوحدها متصقفش
ولو الحكومة عملت ده لوحدها هتعمله فى زمن اد ايه
طبعا هياخد وقت طويل جدا
وزى مابيقوله
يوم الحكومة بسنة
يبقى احنا لازم نبدا بالتغيير ونحاول نساعد بعض
ونبدا بالتغيير من نفسنا ونحاول نشيل الخصال السيئة
وحتة مبارك اللى جوانا :blush:
كل مواطن يتبرع بجنيه !!
بجد لو الحكاية دى كل مواطن عملها
يبقى هنقضى ع الفساد وع المجرمين
و ممكن اسرة او مجموعة شلة مع بعض كانوا فى المدرسة
او جامعة ويجمعوا من بعض مبلغ
ويجيبوا اى حاجة لاسرة محتاجة
او يودوا مريض لمستشفى عشان يتعالج
بجد احنا لو عملنا كده يبقى شئ جميل جدا

نورتى يا حبيبة يا قمراية

وردة امل

13-07-2011, 10:08 PM

فعلا مصر حاليا فى حالة لا تحسد عليه ويجب على الجميع ان يعرف ان هذه هى ضريبة التغير وهو التاثير على الاحوال الاجتماعية لكل افراد البلد ولكن الطبقات الفقير اللى كانت بتعيش بصعوبة فى ايام الاستقرار مابلكم فى الايام الصعبة دى مما يهدد المجتمع ان هذه الطبقات يفيض بيهم فيتجه اتجاهات غير سوية من خلا البلطجة والاجرام وارتكاب اعمال سلب ونهب وتخريب

و ربنا يستر...........
موضوع جميل
شكرا لسيادتك

مصر دلوقتى ف مرحلة صعبة جدا
محتاجة كل الناس تفكر وتشوف هتعمل ايه صح
لازم نعرف اننا لازم نساعد بعض
لان بالمساعده هنعمل كل حاجة مستحيلة
العشوائيات دى قنبلة موقوتة فى مصر
لازم نحاول الاسراع فى القضاء عليها
لانها المركز اللى بيطلع منه المجرمين والحرامية
وكمان فى احصائيات بتقول ان العشوائيات
دى بيطلع منها
ارهاب !!
شوفتوا خطرها وصل لفين
بجد احنا محتاجين مساعدة كل شخص مننا
عشان نبقى احسن

شكرا لمشاركتك نورت التوبيك

وردة امل

13-07-2011, 10:17 PM

أنتي عقليتك بسم الله ماشاء الله كبيره

المشكله دلوقتي أن حتى الأسر المقتدره بقيت بتعاني من غلو الأسعار وصعوبة المعيشه
وأن الدخل بالعافيه بيكفي سكن وملبس وتعليم
يبقى الأسر المعدمه دي بقى تعمل أيه؟؟؟؟؟؟؟؟؟؟!!!!!!!!!!!!!!!!!!
بس لو كل واحد بذل جهده ولو بالقليل لمساعده الفقير أنا مش هقوله أنه هيتحول لغني
لأني كده أبقى كذابه
لكن مهما كان هيلاقي لقمه يكلها بيت يلمه لبس يستره

الحياة دلوقتى غالية جدا والاسعار كل يوم بتزيد
وعندك حق ان الاسر المقتدرة بتعانى من الغلاء
بس انا اعتقد انها حتى ولو اتبرعت بجنيه مش هيفرق بحاجة
لانه اصلا مش بيعمل حاجة
لكن لو كل اسرة جمعت من بعضها وبالاتفاق مع اسر تانية
اكيد الجنيه هيعمل حاجة ويقدروا يساعدوا ناس كتير
الاسر المعدمة تعمل ايه !!
هقولك بتعمل ايه هتروح تسرق وتنهب وتبلطج
عشان تعرف تاكل وتعيش
هو ده اللى هتعمله !!
لو ساعدنا الناس دى بوجبة اكل او حتى ملابس قديمة
او بأى شئ نقدر عليه
بجد هتفرق كتييير فى حياتهم
لازم نفكر ازاى نساعدهم ونسد الفجوة
عشان يكون بكره افضل

نورتينى يا مياه بمشاركتك

وردة امل

13-07-2011, 10:28 PM

بص يافرح احنا او معظم الناس متصوره ان بعد الثوره الدنيا حنتغير بسرعه زى ما انتى قولتى كده

بس اللمنطق بيقول انها حتتغير بس مع الوقت والسنين مش فى يوم وليله
تعرفى يا فرح احنا عندنا كام مليون تحت خط الفقر؟
طيب عارفه احنا عندنا كام مليون ساكنين فى مناطق عشوائيه ؟
انتى لو قعدتى تتكلم فى الكلام ده حتتعبى والله
بس موضوع جميل اوى يافرح
احيكى عليه

نص مصر تقريبا دلوقتى عايشين تحت خط الفقر
كتييييير ساكنين فى عشوائيات
كتيييير ساكنين فى المقابر مع الاموات
كتيييير بيناموا فى البرد من غير بطانية ولا اى حاجة يتغطوا بيها
كتيييير بيناموا من غير مايلقوا لقمة عيش ياكلوا
كتييير بيموت عشان مش معاه حق الكشف عند الدكتور
كتيييير من الاطفال بتطلع من المدارس عشان تشتغل
او حتى يطلعوا حرامية وبلطجية
فى حاجات كتييييرة فى مصر محتاجة تغييير
غيرنا الرئيس وغيرنا الحكومة وشكلها هى كمان الحكومة دى هتتغير
ومهما كم حكومة جت او كم ريس جه
مش هيقدروا يحلوا المشاكل دى لوحدهم
لازم احنا نساعدهم
لازم كل واحد يتبرع ولو حتى بجنيه
ويدخل فرحة فى قلب انسان محتاج
ويكون وع ثقة ان اللى بيدفعوا ده ربنا هيجازيه عليه
وهياخدوه اضعاف اضعاف

ميرسى يا زوزا ع مشاركتك
نورتى

وردة امل

13-07-2011, 10:57 PM

والله انا مش عارفة ارد اقول ايه
لك الله يامصر
انا دلوقتى بس حسيت ان الثورة معملتش حاجة مفيدة تنفع الاجيال اللى جاية
انا طول عمرى بسمع عن الناس اللى تحت خط الفقر
بس عمرنا مفكرنا لو احنا مكانهم هنعمل ايه
والله ربنا يسترها ع البلد دى
وطبعا انا اشكرك على الموضوع ده

اكييد الثورة عملت
شالت النظام الفاشل والحكومة الفاسدة
ومحتاجين نكمل الثورة بس المرة دى ع انفسنا
كل واحد لازم يغير من نفسه للاحسن
عشان نكون ف وضع افضل
لازم نفكر ونقول احنا لو كنا مكانهم كنا عملنا ايه
عشان نقدر نحس بالمأساة اللى عايشنها
ونحاول نساعدهم

شكرا لمرورك نورتى

وردة امل

13-07-2011, 11:25 PM

شكراً علي هذا الموضوع يا فرح .

تقبلي مروري .

التعاون مع بعض فى الفرح والمواساة والكوارث شئ جميل زى حضرتك ماقلت

ونساعد بعض ويكون فى بينا روح تعاون اكيد شئ رائع
لكن فى الامر ده يا مستر انا مش بطالب الشعب كشعب او بالاكراه انه يساعد ويقدم مساعدته
انا يا مستر بقول ان كلو واحد يقدر يساعد باللى يقدر عليه
بقول ان لو كل اسرة تعاونت مع بعضها ودفعت جنيه
وجمعت مبلغ وجابت بالمبلغ ده حاجة وادتها لاسرة محتاجة
او عطتها لواحد مش معاه تمن الكشف
او شلة اصحاب مع بعضها عملوا نفس النظام
او بيت ساكن فى شارع وجمع من البيوت اللى ساكنة فى الشارع
وجمعوا مبلغ ويعطوا لاسرة محتاجة
بجد شئ جميل لما يحصل بكده هنحاول نسد الفجوة بين الفقير والغنى
هو صحيح الحكومة واجبها تعمل كده او بالاخص وزارة التنمية المحلية
بس احنا بردو يا مستر لازم نتعاون عشان نقضى ع المشكلة باسرع مايمكن
مشكلة العشوائيات دى ليها اخطار كبيرة جدا
عندهم اخطار ثقافية اقتصادية وصحية اما من الناحية الثقافية دى
السكان دول عندهم شعور بعدم الانتماء وعدم الاستقرار وظروف معيشة
قاسية جدا ومش عارفين يوفروا سكن او زواج وده بيخليهم يبصوا لاصحاب
الفلل والاملاك وبيخلق عندهم نوع من الحقد والغيرة وده اللى بيطلع منهم
البلطجية والحرامية والمنحرفين اما الجانب الصحى فهما عندهم امراض كتيرة جدا وبكتريا وهما بتنقلهم من مكان لمكان هيتنقل المرض معاهم
وناس كتييرة هتتعدى منهم وهتنتشر الامراض
ومشاكل تانية كتيرة ناتجة عنها
فاحنا لازم نساعدهم عشان نقضى عليهم فاسرع وقت
ونساعد بردو الحكومة :d
يعنى يا مستر المدير فى المدرسة اكيد مش هو اللى بيشيل المدرسة لوحده اكيد فى معاه وكيل ومدرسين بيساعدوه واللى بيساعدوه المدرسين
الطلبة والطلبة لما تكون شاطرة ونشيطة
بيشجعوا المدرسين ع الشرح
وفى النهاية بيخرج الهدف هو الحصول ع التعليم
يعنى دى منظومة كاملة ومتكاملة عرفت تحقق اهدافها بالمشاركة والتعاون
من جميع الافراد الموجوده فى المنظومة
ومعنى كلامى ده ان الحكومة بردو هتساعد يعنى مش هتهرب
هتبنى مساكن للناس دى
واحنا مجرد ساعد بنساعد عشان ننشط الحركة
والحكومة متنمش
ده كل اللى اقصده

شكرا يا مستر عى مشاركتك
بجد تورتنى
:)

نقاء الروح

14-07-2011, 07:48 AM

تعاون الافراد مش كفاية
او مش هو الخطوة الاولى للاصلاح
لازم الظروف حوالينا تكون مهيئة بقدر كافي
بعدين ييجي الدور علينا كمواطنين نساعد بعضينا ..
لأن المناظر المؤسفة دي نتيجة خطأ حكومات ونظام دولة
لأنها مش عشان مصر فقيرة فحالنا بئا كدا
دا عشان فئة من المجتمع استأثرت بكل حاجة
ودا ال ظهر فالارقام والحسابات المهولة
ال بنسمع عنها للمتهمين حالياً ..
لكن زي ما المشكلة اخدت سنوات عشان تتبلور وتتفاقم
هتحتاج فترة عشان نقضي عليها وتختفي
لكن لازم توضع خطوات ومنهجية محددة لكدا
بدل التخبط والفوضى ال بنعشها
بعديها يبدأ دورنا كمواطنين ..

موضوع مهم جدا وجميل
تسلمي ياقمر ..

Mr. Ali 1

14-07-2011, 09:30 AM

التعاون مع بعض فى الفرح والمواساة والكوارث شئ جميل زى حضرتك ماقلت

ونساعد بعض ويكون فى بينا روح تعاون اكيد شئ رائع

لكن فى الامر ده يا مستر انا مش بطالب الشعب كشعب او بالاكراه انه يساعد ويقدم مساعدته

انا يا مستر بقول ان كلو واحد يقدر يساعد باللى يقدر عليه

بقول ان لو كل اسرة تعاونت مع بعضها ودفعت جنيه
وجمعت مبلغ وجابت بالمبلغ ده حاجة وادتها لاسرة محتاجة
او عطتها لواحد مش معاه تمن الكشف
او شلة اصحاب مع بعضها عملوا نفس النظام
او بيت ساكن فى شارع وجمع من البيوت اللى ساكنة فى الشارع
وجمعوا مبلغ ويعطوا لاسرة محتاجة
بجد شئ جميل لما يحصل بكده هنحاول نسد الفجوة بين الفقير والغنى
هو صحيح الحكومة واجبها تعمل كده او بالاخص وزارة التنمية المحلية
بس احنا بردو يا مستر لازم نتعاون عشان نقضى ع المشكلة باسرع مايمكن
مشكلة العشوائيات دى ليها اخطار كبيرة جدا
عندهم اخطار ثقافية اقتصادية وصحية اما من الناحية الثقافية دى
السكان دول عندهم شعور بعدم الانتماء وعدم الاستقرار وظروف معيشة
قاسية جدا ومش عارفين يوفروا سكن او زواج وده بيخليهم يبصوا لاصحاب
الفلل والاملاك وبيخلق عندهم نوع من الحقد والغيرة وده اللى بيطلع منهم
البلطجية والحرامية والمنحرفين اما الجانب الصحى فهما عندهم امراض كتيرة جدا وبكتريا وهما بتنقلهم من مكان لمكان هيتنقل المرض معاهم
وناس كتييرة هتتعدى منهم وهتنتشر الامراض
ومشاكل تانية كتيرة ناتجة عنها
فاحنا لازم نساعدهم عشان نقضى عليهم فاسرع وقت
ونساعد بردو الحكومة :d
يعنى يا مستر المدير فى المدرسة اكيد مش هو اللى بيشيل المدرسة لوحده اكيد فى معاه وكيل ومدرسين بيساعدوه واللى بيساعدوه المدرسين
الطلبة والطلبة لما تكون شاطرة ونشيطة
بيشجعوا المدرسين ع الشرح
وفى النهاية بيخرج الهدف هو الحصول ع التعليم
يعنى دى منظومة كاملة ومتكاملة عرفت تحقق اهدافها بالمشاركة والتعاون
من جميع الافراد الموجوده فى المنظومة
ومعنى كلامى ده ان الحكومة بردو هتساعد يعنى مش هتهرب
هتبنى مساكن للناس دى
واحنا مجرد ساعد بنساعد عشان ننشط الحركة
والحكومة متنمش
ده كل اللى اقصده

شكرا يا مستر عى مشاركتك

بجد تورتنى

:)

ايه دا يافرح ؟ ردك أطول من مشاركتي الطويلة :o:o
بصي يا فرح , زي ما قلت التعاون بين البشر شيء جميل ومفيد ونافع وضروري وكل الأديان السماوية تحث عليه .
لكن مش في كل الحالات يا فرح .
الموضوع بيتكلم عن العشوائيات . انتي عارف تكلفة بناء المساكن للناس اللي في العشوائيات دول كام ؟؟
يا فرح أنا شفت في احدي حلقات عمرو الليثي 800 فرد عايشين في مراكب صغيرة جداً . ال 800 فرد دول لهم دورة مياة واحدة ( مفيش رجال ولا سيدات ) عايشين في المركب صيف وشتاء !! متصورة معيشتهم ممكن تكون شكلها ايه ؟! يا تري احنا بردوا اللي هنتعاون ونبني ليهم مساكن ؟ وبعدين احنا دول مين ؟ مش الشعب المصري ؟ والحكومة بتاعتنا دي ايه ؟ مستوردة ؟ ولما الحكومة تنبي مساكن للناس دول وتراعي صحة المواطنين وتعالجهم وتكون مسئولة عن تعليمهم وتوظيفهم , يا تري الحكومة بتدفع من جيبها حاجة ؟ ولا كله من جيوب الشعب المصري ؟!!
أنا نفسي ان المؤسسات والجمعيات الخيرية ( اللي عددها بيكتر يوم عن يوم ) نفسي تختفي خالص من المجتمع المصري ( تدريجياً ) انتي قلتي وزارة التنمية المحلية . فين وزارة الصحة ؟ وزارة التربية والتعليم ؟ وزارة التضامن الاجتماعي ( هو فين التضامن الاجتماعي دا :blush::blush: ) وزارة القوي العاملة ؟ وغيرهم !!!
نفسي أيام الخليفة عمر ترجع تاني ( مش عمر بن الخطاب , لأ . عمر بن عبد العزيز ) في أواخر خلافته ( كل خلافته سنتين وشهور ) أرسل له ولاة الأمصار بأنهم أرسلوا الأموال مع الجنود وعمالهم يجوبون بها أنحاء الولاية ويقولون للناس ( من لا يستطيع أن يتزوج فنزوجه , من لا يستطيع أن يبني داراً فنبني له , من .... ) فيرجع العمال بالأموال كما هي . لماذا ؟ لأن الحاكم عدل بين الرعية وكان أهلاً للمسئولية وأرسل لكل ذي حاجة حاجته دون أن يكلفه مذلة السؤال .
دور الحكومة لا يؤديه الأفراد , بل تؤديه الحكومة رغماً عنها . انتي عارفة يا فرح مساكن الشباب اللي مش لاقي خالص والحكومة ( اللي زي ما هي في السياسة ) قالت انها بتسلم ... وحدة سكنية كل شهر . عارفة الشقة ايجارها كام ؟ 375 جنيه شهرياً والمساحة 70 متر !!!!
هو دا دور الدولة ؟ دا دور الحكومة ؟؟ عايزانا احنا اللي نبني للناس والحكومة بتاخد الفلوس مننا احنا وتحطها في جيوبها !!
المفروض ان الشقق دي تكون ببلاش يعني مجاناً . الناس المخصص ليهم الشقق دي ( دا المفروض علي الورق بس ) مش معاهم حاجة . لكن الدولة بتلعبها صح علي حساب الشعب المصري . عشوائيات زي ما انتي قلتي ليهم مشاكل اجتماعية واقتصادية وصحية وتعليمية وأخلاقية وأمنية أيضاً . يا تري لو الحكومة وفرت للناس دول المسكن , مش الحكومة دي بردوا هي اللي هتتجنب المشاكل السابقة كلها ؟!!
العلاج علي نفقة الدولة اللي كان بيتسرق لأصحاب الملايين والمليارات , الأراضي اللي اتباعت بملاليم لأصحاب المليارات ويتم بنائها وبيع الشقة بمئات الألاف من الجنيهات . فين دور الدولة يا فرح ؟ فين واجبها تجاه المواطنين ؟ لما ألاقي الدولة بتأدي واجبها تجاه المواطنين , ساعتها أبقي أساعد في أي حاجة . لكن انا كفرد أؤدي المهمة اللي المفروض الدولة تؤديها , فهذا هو الخطأ بعينه .
الدولة تبدأ وبعدين انا وغيري نساعد .
( كتبت أطول من ردك يا فرح :d:d )

Hopeful Girl

14-07-2011, 09:40 AM

الموضوع جمييييييييييييييل جدا يا فرح

وفعلا البلد بقت حالتها سيئة جدا

احنا فعلا بتصعب علينا الناس دى لما بنشوف الصور دى

بس ايه اللى فى ايدينا

ماشى هنلم الجنيه من كل فرد

انا بسمع عن جمعيات كتييييييييييرة وخاصة من بعد الثورة

بيقولوا بنعمل و بنعمل

والله أنا شايفة انهم مش بيجوا ناحية القرى الفقيرة دى

هما كل اللى بيعملوه بيشوفوا القرى اللى تبع المحافظات الكبيرة بس

أنا عن نفسى

بجد نفسى اعمل ليهم حاجة

نفسى أساعدهم بجد

والبلطجية اللى فى البلد دول

أنا نفسى اعرف هما ليه بيعملوا كده

ليه اللى بيعملوه فى الناس ده

هما مش المفروض ان دول مصريين

يعنى لو فكروا فى مصلحة مصر

وحاولوا يعملوا حاجة لبلدهم

مش كان يبقى احسن

نفسى بجد نعيش فى خير و أمان

بدل ما احنا بنمشى دايما خايفين

ونفسى بجد حال البلد يتعدل

بس اكييييييييييييد مش هيتعدل الا بينا احنا

الشعب