كيف يتقبل آدم النصيحة من حواء؟ [الأرشيف] - بوابة الثانوية العامة المصرية

مشاهدة النسخة كاملة : كيف يتقبل آدم النصيحة من حواء؟

حفــــيده الرســــول

17-07-2011, 05:18 AM

الســــــــلام عليكـــــــــــــم ورحمـــــــــــه الله وبركاتـــــه

دي اول مشاركاتــــي واتمنـــــــــــــــــي تنال اعجابكم

هل يرفض آدم النصيحة من حواء؟؟

أو هل يقبل آدم النصيحة من حواء؟؟

كثر النقاش حول آدم وحواء والعلاقات بينهما

وازدادت وجهات النظر حول هذه العلاقات وأولويتها وحدودها واهميتها في المجتمع البشري

واستمراره

ولكن تبقى هناك ثمة أوجه يختلف عليها آدم وحواء

ومن خلال مشاهداتي وماسمعت لفت انتباهي موضوع يتعلق

بالنصيحة أو النصح بين آدم وحواء

ترى هل يقبل آدم النصيحة من حواء

أم أنه يعتبرها تنقيصا من قدره وذل له حيث يظهر هو المخطيء؟؟

وهل تعتبر حواء مخطئة عندما تقدم النصيحة لآدم عندما تراه مخطيء؟؟

ماذا تفعل في هذا الموقف هل تقف صامتة أم تتكلم ؟؟

تعددت الاراء منهم من قال لحواء قدمي النصح ولكن بأسلوب غير مباشر أي أنها

لاتأتي وتوجه آدم مباشر بقولها أنه مخطيء فهذا حقيقة سينفر

آدم وحتى حواء نفسها لو عوملت بهذه الطريقة

ولابد أن تضع في اعتبارها قبل أن تقدم على هذه الخطوة أن

آدم هو الرجل ويرفض مايجرح كبرياءه وهو يعتبر الموجه وصاحب السلطة في أغلب الأسر فلتختر مايناسبه ...

ولكن ترى هل سيستجيب لها آدم ؟؟ هل سيقبل بذلك ؟؟

إن كان الجواب بالرفض ترى ماهي الأسباب التي تجعل آدم يرفض نصيحة حواء؟؟

هل هو جنس حواء نفسها أم تأخذه العزة ؟؟

وقبل أن اختم موضوعي هنا يستحضرني حديث شريف........

واعتقد أن العديد من رجال آدم سيستشهد لي بذلك الحديث وهو : (شاورو النساء وخالفوهن في الرأي )

وإليكم مايلي مما سمعت في تأويل هذا الحديث العام حيث قالوا

رجال العلم في تأويله أنه ليس عاما لكل النساء بل يقتصر على

فئة معينه من النساء وليس الكل والمقصود بالرأي الذي يخالف

أن كان رأيها في شر أي المشورة التي قدمتها قد تجر شرا على

الفرد وعلى المجتمع ككل .. أو كانت قد قالتها للإيقاع بأحد

سوء وهذه شبيهة الأولى أو كانت تريد بها مصالحها الشخصية

دون هذا الفرد ....

هذا ماجاد به عقلي في هذا الموضوع المتشابك الأطراف والذي

يعزز من العلاقات بين آدم وحواء أو العكس أن لم يكن صحيحا

هذا مالدي وانتظر مالديكم وسيظهر ذلك جليا من تفاعلكم معي

اتمنى أن أرى رأي آدم جليا ومايسبب له نصح حواء ومن حواء

التي

يتبعها ويستشيرها ومن هي التي يتجنبها ؟؟

كما اتمنى حضور حواء ايضا وإيضاح وجهة نظرها حول الموضوع

تقبلوا خالص تحياتي

سيف العدل البتار

17-07-2011, 05:35 AM

شكرا لهذا الموضوع الذى هو غاية فى الاهمية و يهدف الى نقاش عن قضية اجتماعية مهمة
و دائما ما يتقبل الانسان النصيحة من اى شخص سواء كان ادم او حواء ولكن نتوقف عند اسلوب هذه النصيحة فيجب على الناصح وخصوص اذا كانت حواء ان تراعى مشاعر ادم و هذا لحساسية العلاقة بينهما و طريقة واسلوب التعامل ايضا...
شكرا لسيادتك
موضوع جميل

عبد الله الرفاعي

17-07-2011, 08:18 PM

موضوع جميل ورائع وأهلا بك معنا فى منتدانا العزيز ولا تحرمينا من مشاركاتك المثمرة

حفــــيده الرســــول

18-07-2011, 12:12 PM

شكرا لهذا الموضوع الذى هو غاية فى الاهمية و يهدف الى نقاش عن قضية اجتماعية مهمة

و دائما ما يتقبل الانسان النصيحة من اى شخص سواء كان ادم او حواء ولكن نتوقف عند اسلوب هذه النصيحة فيجب على الناصح وخصوص اذا كانت حواء ان تراعى مشاعر ادم و هذا لحساسية العلاقة بينهما و طريقة واسلوب التعامل ايضا...
شكرا لسيادتك
موضوع جميل

اشكر حضرتك لتفاعلك بموضوعي وشرفني ردك

ولديك الحق فاسلوب اعطاء النصيحه له تاثير

كبير في رفض او قبول النصيحه

تحياتــــي وتقديري

حفــــيده الرســــول

18-07-2011, 12:15 PM

موضوع جميل ورائع وأهلا بك معنا فى منتدانا العزيز ولا تحرمينا من مشاركاتك المثمرة

بـــــــــــارك الله فيك واهلابحضرتــك تحياتي وتقديري

Mr. Ali 1

18-07-2011, 01:39 PM

الســــــــلام عليكـــــــــــــم ورحمـــــــــــه الله وبركاتـــــه
وعليكم السلام ورحمة الله وبركاته

واعتقد أن العديد من رجال آدم سيستشهد لي بذلك الحديث وهو : (شاورو النساء وخالفوهن في الرأي )

وإليكم مايلي مما سمعت في تأويل هذا الحديث العام حيث قالوا

رجال العلم في تأويله أنه ليس عاما لكل النساء بل يقتصر على

فئة معينه من النساء وليس الكل والمقصود بالرأي الذي يخالف

هذا الحديث لا أصل له ولم يصدر عن رسول الله صل الله عليه وسلم .
موضوعك هام جداً . ولكني أفضل أن تكون مشاركتي متأخرة قليلاً .
تسجيل متابعة .

حفــــيده الرســــول

18-07-2011, 03:08 PM

هذا الحديث لا أصل له ولم يصدر عن رسول الله صل الله عليه وسلم .
موضوعك هام جداً . ولكني أفضل أن تكون مشاركتي متأخرة قليلاً .
تسجيل متابعة .

شكــــــــــــــــرا لمتابعه حضــــرتك منتظــــره ردك

واسفه لم اكن اعلم ان الحديث لا اصل له ولكني كنت

علي علم ان الحديث ضعيف ولكن بحثت تحياتي وتقديري

حديث "شاوروا النساء وخالفوهن" حديث لا أصل له (ذكره الشيخ الألباني في السلسة الضعيفة)

sasaatwa

18-07-2011, 03:31 PM

Mr. Ali 1

18-07-2011, 04:44 PM

شكــــــــــــــــرا لمتابعه حضــــرتك منتظــــره ردك

واسفه لم اكن اعلم ان الحديث لا اصل له ولكني كنت

علي علم ان الحديث ضعيف ولكن بحثت تحياتي وتقديري

حديث "شاوروا النساء وخالفوهن" حديث لا أصل له (ذكره الشيخ الألباني في السلسة الضعيفة)

بس غالباً ردي مش هيعجب .
لكن ان شاء الله أقوله .

Mr. Ali 1

18-07-2011, 04:51 PM

لما ادم سمع كلام حواء واكل من الشجره وخالف امر الله وكان العقاب هو النزول الي الارض والخروج من الجنه...الموقف ده فيه حكمه من الله سبحانه وتعالي لا يعلمها غيره.مش معني كده ان احنا نعمم الموقف ده ونستبد في الراي او نهمش دور المراه ده تخلف ..كلنا لازم نحترم اراء المراه وناخد بيها كمان ده حسب شخصيه الواحد بس الانسان العاقل يسمع لاراء المراه ويقبل النقاش.مشكوره علي التوبيك الرائع...................

أولاً : لم يثبت أن زوجة سيدنا أدم عليه السلام كان اسمها حواء ( ودي مش قضيتنا )
ثانياً : ما يتردد بين غالبية الناس بأن زوجة سيدنا أدم عليه السلام هي من أوحت له بأن يأكل من الشجرة , هو قول خاطئ تماماً ولم يذكر القرأن الكريم هذا الأمر مطلقاً .
قال تعالي :
{فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْءَاتِهِمَا وَقَالَ مَا نَهَاكُمَا رَبُّكُمَا عَنْ هَـذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ}

عاشق البلانكو الابيض

18-07-2011, 08:54 PM

اكيد هتقبلها لو نصيحة كويسة هو اى شخص مين جابه على الدنيا مش اب وام
والام بتديله نصائح طيلة حياته
شكررا على الموضوع الجميل

روووووز

19-07-2011, 11:32 AM

حفــــيده الرســــول

19-07-2011, 07:24 PM

حفــــيده الرســــول

19-07-2011, 07:27 PM

بس غالباً ردي مش هيعجب .
لكن ان شاء الله أقوله .

مـــش فاهمـــه يعني ايه مش هيعجب؟؟؟؟؟؟؟؟؟؟؟؟؟

علي العمــــــــوم اكيد انا بحترم الرأي الاخـــــــــر

اكيد منتظـــــــــــــه ردك ع الموضــــــــــــــوع

تحياتـــــــــــــي وتقديري

حفــــيده الرســــول

19-07-2011, 07:34 PM

اكيد هتقبلها لو نصيحة كويسة هو اى شخص مين جابه على الدنيا مش اب وام

والام بتديله نصائح طيلة حياته

شكررا على الموضوع الجميل

اكـــــــــــيد كل واحــــــــــد فينا هيتقبل النصيحه من والدته واخته لو حاسس انهـــــا هتفيده

بس انا لاحظت ان الموضوع مع ادم بيختلف لما تكون النصيحه من شريكة حياته وانا مش بعمم

بس فيه شخصيات كدا لا تتقبل النصيحه منها ايه السبب اعتقد الموضوع كله اختصره في

طريقه عرض النصيحه سواء كانت حواء او ادم

حفــــيده الرســــول

19-07-2011, 07:38 PM

لما يبقى فى تقبل للرأى الاول
عندنا فى مصر لو واحدة بتقول لجوزها على نصيحة يقولها انتى بتعرضينى يا وليه هو انا لسه عيل صغير علشان تنصحينى وهاتك يا ضرب :stickjo4:
وتسمع صويت وضرب
لان كل واحد ميحبش حد يفرض رأيه عليه لانه يفتكر ان ده ضعف منه :d

رووووووز اسمحيلي اقولك علي يدي:bosyht9::bosyht9:ههههههههههه

بس مقدرش اقول كلهم كدا بس انا بتكلم ع اللي شوفته:049gc0:
نورتـــــي الموضوع واتشرفت بمشاركتك

تحياتي وتقديري

Mr. Ali 1

20-07-2011, 02:30 AM

الســــــــلام عليكـــــــــــــم ورحمـــــــــــه الله وبركاتـــــه

وعليكم السلام ورحمة الله وبركاته

دي اول مشاركاتــــي واتمنـــــــــــــــــي تنال اعجابكم
كما قلت , موضوع مهم جداً .

هل يرفض آدم النصيحة من حواء؟؟

أو هل يقبل آدم النصيحة من حواء؟؟

نتكلم عن واقع ولا نتكلم عن خيال ؟ الواقع بيقول ان أغلب البيوت تحكمها الست ( دي الحقيقة وبلاش نتوهم أشياء لم يعد لها وجود إلا نادراً ) وبالتالي السؤال يجب أن يتم طرحه بشكل معكوس !

ترى هل يقبل آدم النصيحة من حواء

أم أنه يعتبرها تنقيصا من قدره وذل له حيث يظهر هو المخطيء؟؟
هي دبحت له القطة من قبل الزواج أصلاً ( كتفته صح وميقدرش يفلفص منها )

وهل تعتبر حواء مخطئة عندما تقدم النصيحة لآدم عندما تراه مخطيء؟؟
لم تعد نصيحة , بل أمر وواجب نفاذه !!

ماذا تفعل في هذا الموقف هل تقف صامتة أم تتكلم ؟؟
وهو فيه ست بتقدر تسكت خالص ؟! قصدك تتكلم بينها وبينه فقط , ولا لازم الجيران يسمعوا هما بيقولوا ايه !

تعددت الاراء منهم من قال لحواء قدمي النصح ولكن بأسلوب غير مباشر أي أنها

لاتأتي وتوجه آدم مباشر بقولها أنه مخطيء فهذا حقيقة سينفر

آدم وحتى حواء نفسها لو عوملت بهذه الطريقة

ولابد أن تضع في اعتبارها قبل أن تقدم على هذه الخطوة أن

آدم هو الرجل ويرفض مايجرح كبرياءه وهو يعتبر الموجه وصاحب السلطة في أغلب الأسر فلتختر مايناسبه ...
الكلام دا كان زماااااااااان ( حالات نادرة جداً هي من تخضع لهذا القول الأن )

ولكن ترى هل سيستجيب لها آدم ؟؟ هل سيقبل بذلك ؟؟

إن كان الجواب بالرفض ترى ماهي الأسباب التي تجعل آدم يرفض نصيحة حواء؟؟
لا يرفض ولا يستطيع أن يرفض ( تبقي عيشته مهببة ) ممكن يرفض بينه وبين نفسه فقط :d:d

هل هو جنس حواء نفسها أم تأخذه العزة ؟؟
95% من كلام النساء يجب أن يخرج من نفس الأذن , لكن تقول لمين ومين يسمع وينفذ ؟ :blush::blush:

مش فاهم احنا بنضحك علي مين ؟ ليه الراجل عايش في وهم كبير وكل واحد فاكر انه سي السيد ؟ وكمان مصدق الكلام دا !!
والست عايشة في دور المظلومة ومكسورة الجناح والمجني عليها ؟! وهي في أغلب الأحيان الجاااااااااااااااااني !!
هذه مجرد بداية فقط حتي أري إلي أين سيأخذنا النقاش ان أردتي النقاش .
أما عن نفسي أنا فلا أطلب نصيحة المرأة مهما كانت ولي أسبابي , ولكن ممكن قبول التذكرة .
تقبلي مروري .

حفــــيده الرســــول

20-07-2011, 04:41 AM

المشاركة الأصلية كتبت بواسطة حفــــيده الرســــول http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=3692473#post3692473)

هل يرفض آدم النصيحة من حواء؟؟

أو هل يقبل آدم النصيحة من حواء؟؟

نتكلم عن واقع ولا نتكلم عن خيال ؟ الواقع بيقول ان أغلب البيوت تحكمها الست ( دي الحقيقة وبلاش نتوهم أشياء لم يعد لها وجود إلا نادراً ) وبالتالي السؤال يجب أن يتم طرحه بشكل معكوس !

اسفه اني اقول لحضرتك دي مش حقيقه ولاحاجه مين قال ان الست بتحكم البيت في كل حاجه ليها اشياء معينه بتكون ليها السلطه فيها اما الرجل هو الشخص المهيمن ع كيان البيت ... السؤال مينفعش اساسا
اننا نساله بالعكس لان الراجل هوا اللي بيحس ان تتدخل المرأه بامــــور تخصه مش من تخصصها وملهاش اي حق في ده

ترى هل يقبل آدم النصيحة من حواء

أم أنه يعتبرها تنقيصا من قدره وذل له حيث يظهر هو المخطيء؟؟
هي دبحت له القطة من قبل الزواج أصلاً ( كتفته صح وميقدرش يفلفص منها )
هههههههههه مين دبح القطه لمين المرأه للرجل ؟؟؟؟؟؟

اولا انا مش هعمم فيه حالات زي ما انت بتكلم كدا بس حالات

قليله مش كتيره ....... بس انا ماشوفتش الحالات القليله دي لحد

دلوقتي ..بس اعتقد ان الراجل بكل قواه العقليه بيوافق ع التكتيفه

دي بمزاجه...

وهل تعتبر حواء مخطئة عندما تقدم النصيحة لآدم عندما تراه مخطيء؟؟

لم تعد نصيحة , بل أمر وواجب نفاذه !!

ليه مابقتش نصيحه اساسا وهي عملت ايه علشان يكون امــــر؟؟؟؟

مــــــــين قال كدا؟؟

ماذا تفعل في هذا الموقف هل تقف صامتة أم تتكلم ؟؟

وهو فيه ست بتقدر تسكت خالص ؟! قصدك تتكلم بينها وبينه فقط ,

ولا لازم الجيران يسمعوا هما بيقولوا ايه !

لا مش لازم يسمعوا هم بيتكلموا في ايه . بس انا قصدي لو شايفاه بيعمل حاجه غلط هتقوله ازاي ؟؟ خصوصا ان الراجل مش بيحب حد يقوله ده صح وده غلط

لاتأتي وتوجه آدم مباشر بقولها أنه مخطيء فهذا حقيقة سينفر

تعددت الاراء منهم من قال لحواء قدمي النصح ولكن بأسلوب غير مباشر أي أنها

لاتأتي وتوجه آدم مباشر بقولها أنه مخطيء فهذا حقيقة سينفر

آدم وحتى حواء نفسها لو عوملت بهذه الطريقة

ولابد أن تضع في اعتبارها قبل أن تقدم على هذه الخطوة أن

آدم هو الرجل ويرفض مايجرح كبرياءه وهو يعتبر الموجه وصاحب السلطة في أغلب الأسر فلتختر مايناسبه ...
الكلام دا كان زماااااااااان ( حالات نادرة جداً هي من تخضع لهذا القول الأن )

زمـــــــــــان؟؟؟؟ لا فيه دلوقتي ستات بتعمل كدا

وعارف بتنصحه ازاي انها تقوله عارف لو عملت كذا ؟؟ ممكن يكون

احسن .. طيب ايه رايك تعمل ده ؟ لاني زي ماقولت لو حد وجهه

وقاله اعمل كذا هستفزه ومش من المـــرأه بس حتي لو من حد

صاحبه

ولكن ترى هل سيستجيب لها آدم ؟؟ هل سيقبل بذلك ؟؟

إن كان الجواب بالرفض ترى ماهي الأسباب التي تجعل آدم يرفض نصيحة حواء؟؟
لا يرفض ولا يستطيع أن يرفض ( تبقي عيشته مهببة ) ممكن يرفض بينه وبين نفسه فقط :d:d

مش لدرجه دي اسفه اني اقولك ان دي كدا مش حياه ؟؟؟

هل هو جنس حواء نفسها أم تأخذه العزة ؟؟
95% من كلام النساء يجب أن يخرج من نفس الأذن , لكن تقول لمين ومين يسمع وينفذ ؟ :blush::blush:

شوفت انت وصلـــت لإيه؟؟ مفروض بقي تاخدها من قاصرها وتتكتم

احسن ما هو اللي بتقوله بيدخل من هنا يخرج من الناحيه التانيه

مش فاهم احنا بنضحك علي مين ؟ ليه الراجل عايش في وهم كبير وكل واحد فاكر انه سي السيد ؟ وكمان مصدق الكلام دا !!
والست عايشة في دور المظلومة ومكسورة الجناح والمجني عليها ؟! وهي في أغلب الأحيان الجاااااااااااااااااني !!
هذه مجرد بداية فقط حتي أري إلي أين سيأخذنا النقاش ان أردتي النقاش .
أما عن نفسي أنا فلا أطلب نصيحة المرأة مهما كانت ولي أسبابي , ولكن ممكن قبول التذكرة .
تقبلي مروري .

احنا مش بنضحك علي حد ..
ليه الراجل عايش في وهم كبير وكل واحد فاكر انه سي السيد ؟ وكمان مصدق الكلام دا !!

مقدرش اقولك ان الراجل دلوقتي سي السيد بتاع بين القصرين
وفي نفس الوقت مقدرش اقول انه خلاص دلوقت معندوش شخصيه الراجل هوا الراجل بصفاته في اي وقت وفي اي مكان بس ممكن يكون فيه اختلاف شويه عن زمان بس مش كتير وبردو الراجل في لما ممكن مرأه نصيحه بيبص ع انه راجل؟؟
واه فيه ستات كتيره اوي عايشه مظلومه ومكسوره الجناح ومستحمله
ماهي مش مستحمله حد غريب ... اما بقي موضوع الجــــــــاني دي
مقدرش افتي واقولك كلهم مظلومين لأ فيه ستات واخده حقها وزياده
بس مش دايما هي الجااااااااااني؟؟؟؟؟ وده انا متاكده تماما منه
اسعـــــدني مرورك تحـــــــــــياتي وتقديري

mohammed ahmed25

20-07-2011, 05:06 AM

:bosyht9:

راااااااااااااااااااااااااااااااائع

Mr. Ali 1

20-07-2011, 06:38 AM

sasaatwa

20-07-2011, 07:01 AM

انا حاسس ان حضرتك mr.Ali .زعلان من الستات في حاجه..وكل كلامك توضيح للجانب السئ بس .
اولا مفيش سي السيد ولا في المظلومه المكسوره في تفاهم واحترام متبادل......
ثانيا الموضوع مش موضوع فلوس لو كده مكنش اغلب حالات الانفصال بين اللي معاهم فلوس ياريت حضرتك تحترم اراء الاخرين.................

mohammed ahmed25

20-07-2011, 07:39 AM

رااااااااااااااااائع جداااااااااااااااااااا:av4056bb7jp3::av4056bb7jp3:

Mr. Ali 1

20-07-2011, 07:47 AM

انا حاسس ان حضرتك mr.ali .زعلان من الستات في حاجه..وكل كلامك توضيح للجانب السئ بس .
اولا مفيش سي السيد ولا في المظلومه المكسوره في تفاهم واحترام متبادل......
ثانيا الموضوع مش موضوع فلوس لو كده مكنش اغلب حالات الانفصال بين اللي معاهم فلوس ياريت حضرتك تحترم اراء الاخرين.................

بص يا مصطفي أو أياً كان اسمك .
رأيي في الموضوع ليس عن تجربة شخصية ( بل العكس , أنا من طلب من صاحبة الموضوع عدم أخذ الموضوع عن حالة معينة أو حالتين )
- كلامك غير صحيح مطلقاً . لو كان كلامي هو توضيح للجانب السيء فقط , لما ذكرت بأن الحديث المذكور في الموضوع لا أساس له من الصحة ( مع ان كلامه بيخدم رأيي ) وكذلك لم أكن لأوضح خطأك أنت وغيرك في اعتقادكم بأن زوجة سيدنا أدم هي من أوحت إليه بأن يأكل من الشجرة ( والتي بنيت عليها أنت رأي خاطئ )
- لا تجعل رأيي من موضوعك المنقول من هذا القسم ولا اختلافي معك في الرأي , هو منهجك في التعليق علي رأيي .
- واضح انك أخدت كلامي بمحمل شخصي ( وهي دي مشكلة غالبية الأعضاء هنا في أي موضوع خاص بالمرأة ) وكما أن لك رأي , فلي رأي أنا أيضاً ( مع الفارق )
- بلاش تقول ليا عبارة ( تحترم أراء الأخرين ) مرة أخري , فأنا لم ولا أسخر من رأي أي عضو ( قد لا أوافقه أو أتفق معه ولا أتقبله ولكني لا أسخر منه مطلقاً ) بلاش انت تردد كلام لا تفهم معناه .

طالبة المعالى

20-07-2011, 08:01 AM

يتقبل الرجل النصيحة إذا كانت بشكل لبق وغير مباشر ودا ليه طريقتين الاولى بطرح سؤال والثانية بطرح مشكلة
مثال1\
ايه رأيك يا فلان فى كذا؟
توجيه السؤال للرجل يحفزه لوضع أفضل الحلول ويعطيه شعور بالمسؤلية

مثال2\
تحكى له مشكلة مشابهة بشكل قصة حدثت مع أحد آخر فيحدث جذب انتباه للرجل بشكل شديد فيفهم الرسالة

كمان الحالة المزاجية بتفرق جدا
مفيش وحدة ذكية تيجى لأخوها ولا أبوها ولا زوجها فى عز ماهو جاى من الحر والشمس وجعان وراسة مقلوب من الشغل وهاتك يا نصايح
يبقى نفسو يطيرها من قدامو

ولا ينجح أحد لئن مفيش لغة حوار ولا مقومات الحوار اساسا كل واحد شايف نفسه صح المهم أنا نفسى الكل توصلة رسالة
ان احنا مش فى حرب احنا فى دنيا يجب فيها التعاون لنخرج منها بأفضل النتائج

نحن النساء فقدنا ما يميزنا اللى هو كيد النساء وأنا أراه مدحا وليس ذما
قال رسول الله صلى الله عليه وسلم
(ما رأيت أذهب للب الرجل الحازم منكن)

فى نقطة مهمة جدا كمان
المدح كثيرا ما ننساه
أمدح من أمامك يتقبلك ويتقبل رأيك
سواء مع آدم أو حواء

طالبة المعالى

20-07-2011, 08:05 AM

Mr. Ali 1

20-07-2011, 08:16 AM

مستر على
حضرتك دايما بدى انطباع بأن رأيك محدش هيتقبله أو مش هيعجب
بالعكس احنا هنا علشان نتحاور ونتناقش وممكن نقتنع برأى لم نكن يوما نتخيل أن نقتنع به
شكرا لكِ يا حفيدة الرسول على الموضوع الجميل

- زي ما أنا قلت في وسط كلامي بأن موضوعات المرأة بصفة خاصة ألاحظ فيها أن النقاش يتم بصورة أقرب إلي الخيال وتبعد عن الحقيقة والواقع وخصوصاً ان كان الرجل طرفاً في هذا النقاش .
- انا بقول عبارتي دي مع الأعضاء الجدد فقط ( زي صاحبة الموضوع , وزيك كدا لو كنتي كتبتي موضوع بنفس المضمون ) أما الأعضاء القدامي , فتعرف رأيي في معظم هذه الموضوعات .
- انا بحب النقاش جداً وتبادل الأراء ( هنا مش في قسم خبر وتعليق :d:d ) كما أنني أبدي رأيي علي عدة مشاركات حتي يحدث تفاعل ونقاش في كل جزئية .
- من أول مشاركة لي أثنيت علي الموضوع وقلت بأنه مهم جداً .

حفــــيده الرســــول

20-07-2011, 05:50 PM

المشاركة الأصلية كتبت بواسطة حفــــيده الرســــول http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=3692473#post3692473)

اسفه اني اقول لحضرتك دي مش حقيقه ولاحاجه مين قال ان الست بتحكم البيت في كل حاجه ليها اشياء معينه بتكون ليها السلطه فيها اما الرجل هو الشخص المهيمن ع كيان البيت ... السؤال مينفعش اساسا
اننا نساله بالعكس لان الراجل هوا اللي بيحس ان تتدخل المرأه بامــــور تخصه مش من تخصصها وملهاش اي حق في ده

هي دي الحقيقة وانا عارف أنا بقول ايه كويس جداً ( يا ريت انتوا تعترفوا بالواقع وبلاش كل واحد يتكلم عن حالجة معينة أو حالتين وخاصة ان كان مضمون الموضوع يتحدث عن أمر عام وليس حالة خاصة ! )

لو حضرتك عارف انت بتقول ايه كويس انا كمان عارفه واحنا معترفين كويس بالواقع ان عندنا في مجتمعنا

الراجل هو راجل ومش انا اللي بتكلم عن حاله خاصه حضرتك اللي بتتكلم عن حاله خاصه وهي حاله الست

المسيطره علي البيت ودي قليله جدا ولكن الراجل هوالشخصيه الاكبر اثر في البيت وزي ما قولت قبل كدا

هوا المهيمن في البيت والست ليها تخصصات محدده .... انا لم اتحدث عن حاله خاصه ولكن لايمكن ان اتهم ان

كل الرجال لايستمعون الي نصائح المرأه لذلك فعند كلامي اقول انا لا اريد ان اعمم كلامي ع كل الناس

ولكن كلام حضرتك هو كلام يدل عن حالات قليله جدا من تلك الشخصيه للرجل وقولت قبل ذلك الحقيقه ان هذه

الحاله حتي الان لم اراها

هههههههههه مين دبح القطه لمين المرأه للرجل ؟؟؟؟؟؟

اولا انا مش هعمم فيه حالات زي ما انت بتكلم كدا بس حالات

قليله مش كتيره ....... بس انا ماشوفتش الحالات القليله دي لحد

دلوقتي ..بس اعتقد ان الراجل بكل قواه العقليه بيوافق ع التكتيفه

دي بمزاجه...

هي طبعاً اللي دبحت له القطة بالاشتراك مع أهلها والمجتمع كله . لو لم يوافق علي هذه التكتيفه فلن يتزوج !

هناك الكثير من الرجال لم يتزوجوا بهذه التكتيفه التي تتحدث عنها ومع ذلك هم اصحاب الرأي ولايقبلوا برأي المرأه
وهم دائما اصحاب الرأي الصحيح حتي لو خطأ:bosyht9::bosyht9:

ليه مابقتش نصيحه اساسا وهي عملت ايه علشان يكون امــــر؟؟؟؟

مــــــــين قال كدا؟؟

عملت كتير اوووووووووووووووي ! خلي الطابق مستور شوية :blush::blush:

لاء قول عملت ايه ؟؟؟؟؟ مش فاهمه ليه الطابق مستور

لا مش لازم يسمعوا هم بيتكلموا في ايه . بس انا قصدي لو شايفاه بيعمل حاجه غلط هتقوله ازاي ؟؟ خصوصا ان الراجل مش بيحب حد يقوله ده صح وده غلط

لأ بتأمره وان لم ينفذ الأمر , سيسمع الجيران كل ما يدور بينهما . بل سيعرف الأهل ( أهلها وأهله وجيرانهم كمان ) والأصحاب وجيران الأصحاب ان أمكن !

لاء صدقني انت من يتحدث عن حالات خاصه ونادره الست توصل للمرحله اللي انت بتتكلم فيها دي بعد استفزاز شديد من الرجل........

زمـــــــــــان؟؟؟؟ لا فيه دلوقتي ستات بتعمل كدا

وعارف بتنصحه ازاي انها تقوله عارف لو عملت كذا ؟؟ ممكن يكون

احسن .. طيب ايه رايك تعمل ده ؟ لاني زي ماقولت لو حد وجهه

وقاله اعمل كذا هستفزه ومش من المـــرأه بس حتي لو من حد

صاحبه

الكلام دا تشوفيه في بعض الحالات النادرة فقط ( قلت كلامي عن العموم وليس عن حالة خاصة . أنتي تتحدثين من واقع حالة خاصة فقط ! )

انت الذي يتحدث عن حاله خاصه:wacko:

مش لدرجه دي اسفه اني اقولك ان دي كدا مش حياه ؟؟؟

طيب ما هي مش حياة . وهو أنا قلت انها حياة خالص ؟ لكن دا اللي بيحصل في غالبية البيوت . واللي مش عاجبه حياته كدا , يخبط دماغه في الحيط ( وطبعاً هو متكتف )

اللي مش عاجبه مش بيهمه هوا متكتف والا لاء

شوفت انت وصلـــت لإيه؟؟ مفروض بقي تاخدها من قاصرها وتتكتم

احسن ما هو اللي بتقوله بيدخل من هنا يخرج من الناحيه التانيه

أنا قلت رأيي أنا في كلام المرأة . وبعدين أنا مقلتش ان كلامها يدخل من هنا ويخرج من الناحية التانية ( معني كدا انه بياخد وقت ) أنا قلت 95% من كلام الستات يخرج من نفس الأذن :d:d

وده اكبر دليل علي ان المرأه مهما عملت وحاولت انها تتفنن لكي توصل النصيحه للراجل كل تعبها لن يجدي لانه يخرج من نفس الاذن

وهنـــــــــــا نجد ادم يرفض نصيحه حواء

ليه الراجل عايش في وهم كبير وكل واحد فاكر انه سي السيد ؟ وكمان مصدق الكلام دا !!

علشان يضحك علي نفسه ويرضي غرور الرجل بداخله . كمان علشان يوهم نفسه انه دكر قدام الناس !
:lol::lol:

مقدرش اقولك ان الراجل دلوقتي سي السيد بتاع بين القصرين
وفي نفس الوقت مقدرش اقول انه خلاص دلوقت معندوش شخصيه الراجل هوا الراجل بصفاته في اي وقت وفي اي مكان بس ممكن يكون فيه اختلاف شويه عن زمان بس مش كتير وبردو الراجل في لما ممكن مرأه نصيحه بيبص ع انه راجل؟؟
واه فيه ستات كتيره اوي عايشه مظلومه ومكسوره الجناح ومستحمله
ماهي مش مستحمله حد غريب ... اما بقي موضوع الجــــــــاني دي
مقدرش افتي واقولك كلهم مظلومين لأ فيه ستات واخده حقها وزياده
بس مش دايما هي الجااااااااااني؟؟؟؟؟ وده انا متاكده تماما منه
اسعـــــدني مرورك تحـــــــــــياتي وتقديري

لاحظت في كلامك استخدامك لكلمة رجل في التعبير عن كل ذكر ! هو فين الراجل دا ؟!!
هو لو كان فيه رجالة بالطريقة اللي انتي فاهماها , كان دا بقي حال المجتمع المصري اللي غالبيته ...... !!
انتي ناسية ان الست بقت تشتغل وتقبض مرتب زيها زي جوزها ؟ شوفي بمنتهي الصراحة والوضوح ( اللي يقولك غير كدا واهم ) مرتب الزوجة وشغلها جعل الزوج عينه مكسورة في بيته ( هذا أمر لا نقاش ولا جدال فيه وأي كلام غير كدا مش عايز أسمعه خالص لأن هي دي الحقيقة ) وطالما عينه مكسورة , فدا طبيعي جداً يأثر علي هيبته ووضعه وكيانه وكلمته في البيت . وطالما الست بقت زي الزوج ( وطبعاً دا كلام فارغ ) بقت كلمتها قصاد كلمته ( دا لو كان له كلمة من الأساس ) يعني بالبلدي كدا مبقتش نصيحة ولا اقتراح . بقت رأي مقابل رأي وطبعاً ( Lady is first )
كفاية كدا علشان تعرفي تردي علي الجزء دا ( عندي كتير اووووووووووووووي ) الكلام عن الستات محتاج مجلدات وكله مرتبط ببعضه .
لكن عايز كلامك يكون علي العموم ( بلاش تحطي حالة أو حالتين في فكرك وانتي بتردي علي تعليقي علشان يكون الكلام أقرب للواقع )

اولا انا كلامي مش حاله خاصه ووضحت كلمتي لما قولت مش عاوزه اعمم علي اني مش عاوزه اقول ان كل الرجال مش بيتقبول نصيحه المرأه وده مش معناه اني بتكلم عن حاله خاصه.....
ثانيا لو موضوع الفلوس بين الرجل والمراه هيبقي كاسر عينه
يبقي الرجاله كلهم مكسوره عينهم لانها بتشتغل ولو مش بتشتغل وقت ماتجوزها ابوها ساعده بردو يبقي اكيد هيكون كاسر عينه ده لو زي حضرتك مابتقول
بس اساسا موضوع الفلوس ده مش جانب من المشكله لاني الرجل هوا اللي بيحط الفكره دي في دماغه
وكل اللي بتكلم فيه ان الرجل هيقبل نصيحه المرأه ام لا لم ولكنك حولت العلاقه بينهم ند بالند وحولتها الي معركه
وموضوع ( Lady is first ) دي اساسا مش موجوده عندنا في القاموس المصري ولا مع الرجل الشرقي
تحيـــــــــــــــــــاتي وتقــــــــــديري

حفــــيده الرســــول

20-07-2011, 05:53 PM

حفــــيده الرســــول

20-07-2011, 05:59 PM

يتقبل الرجل النصيحة إذا كانت بشكل لبق وغير مباشر ودا ليه طريقتين الاولى بطرح سؤال والثانية بطرح مشكلة

مثال1\
ايه رأيك يا فلان فى كذا؟
توجيه السؤال للرجل يحفزه لوضع أفضل الحلول ويعطيه شعور بالمسؤلية

مثال2\
تحكى له مشكلة مشابهة بشكل قصة حدثت مع أحد آخر فيحدث جذب انتباه للرجل بشكل شديد فيفهم الرسالة

كمان الحالة المزاجية بتفرق جدا
مفيش وحدة ذكية تيجى لأخوها ولا أبوها ولا زوجها فى عز ماهو جاى من الحر والشمس وجعان وراسة مقلوب من الشغل وهاتك يا نصايح
يبقى نفسو يطيرها من قدامو

ولا ينجح أحد لئن مفيش لغة حوار ولا مقومات الحوار اساسا كل واحد شايف نفسه صح المهم أنا نفسى الكل توصلة رسالة
ان احنا مش فى حرب احنا فى دنيا يجب فيها التعاون لنخرج منها بأفضل النتائج

نحن النساء فقدنا ما يميزنا اللى هو كيد النساء وأنا أراه مدحا وليس ذما
قال رسول الله صلى الله عليه وسلم
(ما رأيت أذهب للب الرجل الحازم منكن)

فى نقطة مهمة جدا كمان
المدح كثيرا ما ننساه
أمدح من أمامك يتقبلك ويتقبل رأيك
سواء مع آدم أو حواء

نورتـــــــــــي الموضـــــــوع تحيـــــــــــــــــــاتي وتقـــــــديري

Mr. Ali 1

20-07-2011, 11:38 PM

المشاركة الأصلية كتبت بواسطة حفــــيده الرســــول http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=3692473#post3692473)

اولا انا كلامي مش حاله خاصه ووضحت كلمتي لما قولت مش عاوزه اعمم علي اني مش عاوزه اقول ان كل الرجال مش بيتقبول نصيحه المرأه وده مش معناه اني بتكلم عن حاله خاصه.....
ثانيا لو موضوع الفلوس بين الرجل والمراه هيبقي كاسر عينه
يبقي الرجاله كلهم مكسوره عينهم لانها بتشتغل ولو مش بتشتغل وقت ماتجوزها ابوها ساعده بردو يبقي اكيد هيكون كاسر عينه ده لو زي حضرتك مابتقول
بس اساسا موضوع الفلوس ده مش جانب من المشكله لاني الرجل هوا اللي بيحط الفكره دي في دماغه
وكل اللي بتكلم فيه ان الرجل هيقبل نصيحه المرأه ام لا لم ولكنك حولت العلاقه بينهم ند بالند وحولتها الي معركه
وموضوع ( lady is first ) دي اساسا مش موجوده عندنا في القاموس المصري ولا مع الرجل الشرقي

تحيـــــــــــــــــــاتي وتقــــــــــديري

واضح اننا ندور في حلقة مفرغة .
- أنتي تقولين بأن الرجل هو المسيطر والمتحكم في أمور البيت وانا أقول غير ذلك .
أنتي تقولين بأنني من يبني كلامه عن حالات معينة , وانا أري أنكي من تفعل ذلك . والدليل علي كلامي هذا هو أنني قلت بأن 95% من كلام النساء يجب أن يخرج من نفس الأذن , فإذا بكي تعلقين علي ذلك علي اعتبار أن هذا هو رأي كل الرجال أو غالبيتهم ( في حين أن كلامي هو قول خاص بي فقط ) وهذا دليل علي أنكي تأخذين الخاص علي وجه العموم وليس أنا .
- لم أحول الموضوع إلي معركة ولا ندية ولا غيره , ولكن يجب أن تفهموا جيداً أنه يوجد الكثير من الأمور مرتبطة بأمور أخري ولا يجوز الحديث عنها والفصل بينها وبين هذه الأمور !
- حسناً , تريدين رأيي في أمر قبول نصيحة الزوجة فقط . قلتها واضحة ( لا أطلب أو أنتظر أي نصيحة من أي امرأة مهما كانت هذه المرأة )
تحياتي .

حفــــيده الرســــول

21-07-2011, 02:54 AM

واضح اننا ندور في حلقة مفرغة .
- أنتي تقولين بأن الرجل هو المسيطر والمتحكم في أمور البيت وانا أقول غير ذلك .
أنتي تقولين بأنني من يبني كلامه عن حالات معينة , وانا أري أنكي من تفعل ذلك . والدليل علي كلامي هذا هو أنني قلت بأن 95% من كلام النساء يجب أن يخرج من نفس الأذن , فإذا بكي تعلقين علي ذلك علي اعتبار أن هذا هو رأي كل الرجال أو غالبيتهم ( في حين أن كلامي هو قول خاص بي فقط ) وهذا دليل علي أنكي تأخذين الخاص علي وجه العموم وليس أنا .
- لم أحول الموضوع إلي معركة ولا ندية ولا غيره , ولكن يجب أن تفهموا جيداً أنه يوجد الكثير من الأمور مرتبطة بأمور أخري ولا يجوز الحديث عنها والفصل بينها وبين هذه الأمور !
- حسناً , تريدين رأيي في أمر قبول نصيحة الزوجة فقط . قلتها واضحة ( لا أطلب أو أنتظر أي نصيحة من أي امرأة مهما كانت هذه المرأة )
تحياتي .

اسعدتني مشاركتك

تحيـاتي وتقــديري

طالبة المعالى

21-07-2011, 09:30 AM

( لا أطلب أو أنتظر أي نصيحة من أي امرأة مهما كانت هذه المرأة )

دا ازدراء مثلا ولا تعالى ولا عدم ثقة؟؟