بسم الله الرحمن الرحيم

الندم .. كلمة تزيد من اوجاع البشر .. كأنها وحش يأكل صدورنا بلا رحمة ..

و يلتهم دموعنا فيجعلها كسد ماء انهار

و ينتشر فى الجسد كالسقم فى الاحشاء

حينها .. نغوص فى احلام اليقظة .. و نقول..

ماذا لو .. ماذ كان .. ماذا إذا .. ماذا .. ماذا ..ماذا ..

انهارت بعض احلامنا .. لكن لم تنتهى احلامنا ..

انتهت موهبة .. يمكننا صنع اخرى طالما لدينا عقل ..

طالما لدينا قلب .. طالما لدينا اعضاء ..

لا تخفض رأسك .. و تشعر انك فشلت ..

اعلم ان هناك كثيراً فشلوا .. و عادوا من بعيد ..

و هناك العديد تفوقوا .. و لم يحققوا شيئاً ..

لا تقف .. اتخذ خطوة الى الامام ..

و تخيل ان العالم يقف عليك انت وحدك ..

و قل دائماً لنفسك ..

انا .. و إن كنت الاخير زمانه ..

لأت ... بما لم تستطعه الاوائل .

غير دائماً لهجتك من :

ماذا لو كنت فعلت....

الى ماذا سأفعل ..

و اجعل ندمك دافعاً الى الامام ..

و لا تجعله مثل المسمار الذى يدق فى حائط خرسانى

يدخل بعض منه و يظل نصفه بالخارج .. لا يثبت بالحائط .. و لا يمكن الاستفاده من نصفه الاخر !

و حينها .. نرى ان ندمنا قد نفعنا ..

نرى الندم لن يكون عائق .. بل هو تأنيب للنفس حتى لا نقع مرة اخرى ..

حتى لا نتلعثم فى خيوط الحظ المعقدة ..

و قل لا املك لنفسى نفعاً ولا ضراً إلا ما شاء الله ...

و لو كنت انا اعلم الغيب ... لاستكثرت من الخير .. و ما مسنى السوء ..

و هنا اقول .. ليس فقط صدقت يا الله .. بل اعجزتنا امام قدرتك يا الله ..

(( انا اقول مثلاً بالاية و لا اقولها ذاتها ))

و ها نحن ذا .. قد حولنا مثلنا العقيم ..

الندم لا يفيد فى وقت لا ينفع الندم الى :

الندم يفيد احياناً .. حتى فى اوقات لا ينفع الندم فيها ! ..

إذا كان ضاع منى حلم .. فالاحلام كثيرة .. بل سأظل انا ..

امجد واحداً !

و عجبى .!

UserNamo
ThaNwya

الندم أحيانا بيبقى مفيد لما يكون دافع لينا أننا مانقعش في نفس الخطأ في المستقبل
ده على اساس ان في مستقبل

أنـــا معاك أن النــدم مش بيفيد
لكن أحيــانا بيكـون مفيـد
علشان بيحمسنـا
اه فى نـاس من كتـر ندمهـا بتتحمـس
يـعـنـى مثلا واحد فى ثانيه ثانوى وجاب مجموع مش حلو
ندم على كل لحظه ضاعت منـه
ندم على كل ثانـيه ماذكرش فيـهـا
وبسبب ندمه ده
السنه اللى ورها مش حيلعب وحيذاكر بـجـد
بس فى نـاس تانيه برده الندم بيحبطهـم
بس احنا لازم نكون مؤمنين

" قل لن يصيبنا الا ما كتب الله لنا "

لازم نكون مؤمنين بقدرنـا
وعلى فكره انا بحب بيت الشعر ده اوى^^
انا .. و إن كنت الاخير زمانه ..

لأت ... بما لم تستطعه الاوائل .

أمجد
انت قولت فى اخر موضوعك انت حتفضل أمجد واحد
وخليك مقتنع انك مش حتاخد غير اللى مكتوب لك

مشكور علي الموضوع الرائع

الندم !!
واكتر حاجة ندمت عليها فى حياتى انى دخلت ثانوية
وعمرى ماكنت اتمنى انى اكون فى الموقف ده
اجيب السنة اللى فاتت 93 والسنة دى 80 :(
لكن اقول ايه بئا هى الدنيا كده
دايما علينا :(

موضوع جميل جدا

وبجد انت خلتني ارجع افكر تاني والموضوع بجد عشرة ع عشرة

تسلم ايدك

وانا كنت بمر بفترة ندم فظييييييييييييييعة وموضوعك جه في وقته والله

شكرا ليك

تقبل مروري

بجد و الله موضوع جميل و أجمل ما فيه الفصاحة ف الكلامـ ف اوله

ما شاء الله

*******

بجد احساس مش حلو الندمـ لكن الحلو فيه انه بيدفعنا ان احنا نعمل اكتر و اكتر و نستفيد من اخطائنا

سلمت يداكـ يا يوزر نامو .. موضوع رائع و تفكير عالى

الندم !!
واكتر حاجة ندمت عليها فى حياتى انى دخلت ثانوية
وعمرى ماكنت اتمنى انى اكون فى الموقف ده
اجيب السنة اللى فاتت 93 والسنة دى 80 :(
لكن اقول ايه بئا هى الدنيا كده
دايما علينا :(


انا عكسك .. السنة اللى فاتت 81% .. السنة دى 95.5% = 88% .. انا عارف انها حاجة تفقع .. بس مش هندم و لا انتى تندمى يا فرح .. انا من غير ما اعرفك .. بس شوفت ردودك و شوفت كتاباتك .. انتى كويسة .. و مستمحيش لشوية ورق .. هو اللى يحدد فكرك ..او يحجمه .. و زى ما قلت فى الموضوع انا امجد واحد .. و برده انتى مفيش منك اتنين .. و لازم تضعى ده فى داخلك .. و قولى يارب طول ما انتى عايشة ^^

regret
او
الندم
كلمه موجعه اوي
..
بس مش عيب اننا نعيش الكلمه دي او نحسها
العيب اننا نستمر فيها
...
اكيد الندم بينتج عن اخطاء
ومش عيب الاخطاء برده
العيب اننا منصلحش الاخطاء دي
لان
اخطائي هي من صنعت مني انسان الان
..
كان ليا كلام كتير عايزه اقوله ف التوبيك دا لانه مميز
بس مش هقدر الوقت
ان شاء الله اقوله ف وقت تاني
تقبل مروري..
بس ياريت نتفادي

حين لاينفع الندم

( قل لن يصيبنا إلا ما كتب الله لنا )

لو كل واحد اقتنع بالأية دى بجد

مش هيحس بالندم

وحكاية مجموع الثانويه ده توفيق من ربنا

ولو اطلعت على الغيب لإخترت الواقع

وأكيد ربنا بيبقى عاوز لنا الخير والأحسن

بس محدش بيبقى عارف الخير ده فين

( عسى أن تكرهوا شيئا وهو خير لكم )

وزى ما قلت

لو ضاع حلم ... فالأحلام كثيرة

لكن لو فضلنا نندم على الحلم اللى ضاع يبقى هنضيع حلم ورا حلم

تسلم ايدك على الموضوع

وربنا يوفق الكل ويقدر يحقق أى حلم بيحلمه يارب

موضوع اكثر من رائع


جزاك الله خير

و قل لا املك لنفسى نفعاً ولا ضراً إلا ما شاء الله ...

و لو كنت انا اعلم الغيب ... لاستكثرت من الخير .. و ما مسنى السوء ..

و هنا اقول .. ليس فقط صدقت يا الله .. بل اعجزتنا امام قدرتك يا الله ..

(( انا اقول مثلاً بالاية و لا اقولها ذاتها ))

و ها نحن ذا .. قد حولنا مثلنا العقيم ..

الندم لا يفيد فى وقت لا ينفع الندم الى :


صح كلامك بس الندم صعب اوى اوى بجد

احساس مش سهل خصوصا لما اللى راح ما يقدرش يرجع تانى

شكرا ع موضوعك

شكراً Usernamo موضوع جميل جداً
جزاك الله خيراً

موضوع حلو ا... كملــــــ ربنا يوفقك

الندم !!
واكتر حاجة ندمت عليها فى حياتى انى دخلت ثانوية
وعمرى ماكنت اتمنى انى اكون فى الموقف ده
اجيب السنة اللى فاتت 93 والسنة دى 80 :(
لكن اقول ايه بئا هى الدنيا كده
دايما علينا :(





(قل لن يصيبنا الا ما كتب الله لنا )
كل شي نصيب وماحدش بياخد اكتر من نصيبه
انا زيك كده السنه اللي فاتت جبت98 السنة دي 95
طبعا صدمت اول ما شوفت الدرجات
واقعدت يومين اي حد يكلمني ابكي
بس بعد كده قلت اللي فيه الخير ربنا يقدمه انا تعبت وربنا مش هيضيع تعبي ،ولعله خيرا
جايز الكليه اللي كان نفسي فيها لو دخلتها كنت ما طلعتش منها
وربنا ما بيردش الا بالخير
وعسي ان تكرهوا شي وهو خير لكم
الحمد لله :)

بالنسبالي أنا..الندم مش مفيد أبداااا ..
و عمره ما كان دافع للأحسن بالعكس بيجلب الحزن و أحيانا اليأس و البكاء و الاحباط
______________
بجد موضوع جميل جدااا
مشكورة :)