حتى بعد الثورة لسه فيه ناس بتعاكس !! [الأرشيف] - بوابة الثانوية العامة المصرية

مشاهدة النسخة كاملة : حتى بعد الثورة لسه فيه ناس بتعاكس !!

صوت العقل

19-07-2011, 07:32 PM

السلام عليكم ورحمة الله وبركاته !!!

اتمنى الجميع يكونوا بخير .. موقف وحصل
بس استفزنى جامد ..
وحبيت اعرف ايه رأيكم فيه !!! ومين الغلطان !!!

وكانت البداية أن ..

اضطرتنى ظروفى يوما ما لمغادرة المنزل والسفر الى محافظة قريبة من محافظتى ..

تهيأت لمثل هذه الرحلة التى ارفضها تماما الا ان الظروف اجبرتنى لذلك ..

وبدأت الرحلة مع مصاعب الباص .. وذهلت عندما رأيت انى ساجلس

فى مواجهة الاشخاص كما فى القطار.. هل على ان ابقى لمدة ساعتين

فى مواجهة ناس لا اعرفهم !! دق القلب خوفا لكن لابد من المشوار ..

واثناء انتظار الركاب .. ظهر اتنين من الركاب يبدو عليهم الزواج حديثا

كانت تبدو العروس سعيدة لدرجة انها نسيت انها ملاحقة بعيون الركاب ..

وجلسوا فى مواجهتى وكنا بانتظار الراكب الاخير ..

وكانت المفاجأة انه شاب صغير السن اى ان عمره لايتجاوز السابعة عشر

على ما يبدو .. عندما اغلق السائق الباب .. شعرت بالارتياح سانتهى

قريبا من الرحلة المزعجة .. ولكن كان حلمى اكبر منى حتى فى هذا ..

لان بدأت المشاكل الرهيبة .. كانت بداية المشكلة عندما استمر الشاب الصغير

فى النظر الى الزوجة التى لا ترتدى الا ما قل من الملابس بحجة الموضة

كالعادة ومسايرة الحياة العصرية .. والزوج هنا يبدوا انه يحب الزوجة ولا يرى مانع مما ترتديه

فهى حرية شخصية .. لكن من كثرة نظرات الشاب .. استشاط الزوج والزوجة غضبا ..

ومالت الزوجة بدلال تشتكى ضيقها للزوج .. وفجأة نهر الزوج الشاب الصغير

وواجه قائلا لماذا تنظر هكذا لزوجتى .. اليس لك اخوات ,, كنت انظر لخارج الباس

واستمع فقط فانا لا اساير الموضة بحاذفيرها و لكن ارتدى ما يسمح به دينى ويناسب ذوقى

ويجبر غيرى على احترامى ..

هنا تعالت اصوات الركاب وكما نعرف الشعب المصرى هناك من شتم الشاب

دون معرفة شئ ..اعتقادا منه انه يعاكس الزوجة ..دون ان يتأكدوا من ذلك ..

وهناك البعض الذى كان متفرجا فقط .. والسائق الذى ادلى برأيه بان لابد من حرق

الشباب فى ميدان عام .. واشتركت السيدات ما هى دى المساواة لازم يشاركوا

حتى من غيرما يعرفوا ايه حصل .. وقالوا حتى بعد الثورة لسه فيه ناس بتعاكس !!

حقيقى اتفاجئت بالرأى الغريب ده ..لكن كنت مستمعة فقط

وما لفت نظرى ان الجميع يتكلمون ويتجادلون عدا الشاب الذى تسبب فى المشكلة

وبعد ان هديت الامور سمعته يقول بثقة قويه بالنفس ..

هل انتهيتم !!! انا فاسق .. انا كافر !! انا لازم ا*** نفسى على غلطى الذى لا يغتفر ..

اصل جوزها ولا هى عملوا غلط !! هنا علا صوت الزوج

ماذا فعلنا !! عرفنا وانت بتتكلم بجرأة متناهية !!

قال الشاب بهدوء

انت سمحت لزوجتك بالخروج بملابس قليلة تظهر اكثر ما تخفى !!يبقى من حقى اتفرج

ليه زعلان انا ليا الظاهر منها بتشارك فيه انا و كل الناس وانت ليك الاجزاء المخفية

وده اختياركم بنفسكم .. الم تجعل زوجتك معروضة للجميع !!!

هنا لم اسمع اى صوت سوى صوت بكاء الزوجة بعد ان قالت بصوت خافت غير مسموع

انا حرة فى لبسى .. دى حرية شخصية !!!!
اما الزوج فعلاه الهم والحزن ولم اسمع منه

سوى طلب النزول هنا والهروب مما حدث !!!

هنا فى الموقف ده الكلام مش على لبس الزوجة لان الحياء قل !!

ولا فى موقف الزوج لانه *** رجولته بنفسه ...ووافق على حرية مغلوطة ..

لكن عجبنى موقف الشاب الصغير الذى غلب فكر الرجال .. واعطاهم درس

اعتقد انه سيغير حياة الزوج والزوجة دا لو عندهم احساس !!!

اما الشئ الغريب اللى مش ممكن انساه هو تدخل الناس فى الباص فى

الكلام من غير ما يفهموا اى شئ.. كانه مولد ولازم الكل يشارك

او هتبقى بايخة فى حقه انه مش يشارك !!

ولا مقوله حتى بعد الثورة لسه فيه ناس بتعاكس !!

دخلوا الثورة فى كل شئ وازاى السلوكيات هتتغير واحنا مش بنحاول نغير نفسنا

اساسا .. واسهل كلمة تقال هى ( دى حرية شخصية )

هل فعلا هى دى الحريه الشخصية المطلوبة ولا احنا زودناها جداااااااااااااا!!!!!

ممكن اجابة :bosyht9:

تقبلوااااااااااااااا تحياتى...

عاشق البلانكو الابيض

19-07-2011, 08:35 PM

samar saad

19-07-2011, 08:54 PM

ولا مقوله حتى بعد الثورة لسه فيه ناس بتعاكس !!

دخلوا الثورة فى كل شئ وازاى السلوكيات هتتغير واحنا مش بنحاول نغير نفسنا

اساسا .. واسهل كلمة تقال هى ( دى حرية شخصية )

للاسف كل شىء دلوقتى بقا تحت الشعار ده حرية شخصية وخلاص
طب انت لما تأذى غيرك دى حرية شخصية يعنى مش فاهمه
الغلط من الاساس على الزوج انه سمح لزوجته انها تخرج بالشكل ده وكان من الطبيعي انه يهرب فالاخر
لان من الاساس مافيش رجولة يبقا الهروب متوقع
اما بكاء الزوجة فده يدل على انها ضعيفة الشخصية وانها من الاساس ماشية مع تيار الموضه وخلاص وعايزة تبقا فنظر الناس حلوة وخلاص بغض النظر بقا الموضوع ده هيسببلها مشاكل ومضايقات ولا لا
واما الشاب فكان شىء طبيعي يعمل كده طالما فعلا حاجه معروضة قدامه ويمكن اتعلموا من الموقف ده درس
اما الناس بقا كل واحد بتاخده الشهامه فأنه يدافع وخلاص والناس اللى سكتت اكيد لان الشاب معاه حق والغلط على الزوجين مش عليه هو

اما موضوع الثورة دى سلوكيات جوانا اه الثورة غيرت فينا حاجات كتير بس اتمنا فعلا اننا نقضي على السلوك ده واكيد مش هيجي من فراغ الا لو كل واحده اتحكمت فى نفسها وفطريقة لبسها ولما الشباب يغيروا من نفسهم وسلوكياتهم
اكيد وقتها هنقضى على السلوك ده

موضوع جميل جدا واسفة لو طولت عليكي
تحياااااااااااااااتى ليكي

"(شروق) "sh*m

19-07-2011, 09:00 PM

أنين الأنين

20-07-2011, 03:23 AM

جزاااك اله خير الجزااء على موضوعك
المشكلة تكمن فى اننا ابتعدنا عن ديننا حتى ابسط الاحكام لم نعد نلتزم بها
كلنا يقرا القران لكن الم يقف واحد منا عند ايات الحجاب واحاديث نبينا عليه السلام
الحل لنا جميعا هو العوده الى الدين والى ما امر به الله تعالى
ام اننا صرنا مسلمين اسما فقط لا نخاف عقاب الله
الثورة يجب ان تأتى من داخلنا وإلا فلا نتعب انفسنا فى انتظر ثورة او تحسن اوضاع
هدانا الله جميعا صراطه المستقم

طالبة المعالى

20-07-2011, 08:27 AM

أنا مذهولة
بجد دا بيحصل؟؟
إنا لله وإنا إليه راجعون

sasaatwa

20-07-2011, 08:33 AM

جزاااك اله خير الجزااء على موضوعك
المشكلة تكمن فى اننا ابتعدنا عن ديننا حتى ابسط الاحكام لم نعد نلتزم بها
كلنا يقرا القران لكن الم يقف واحد منا عند ايات الحجاب واحاديث نبينا عليه الصلاة والسلام.
الحل لنا جميعا هو التمسك بالدين مش العوده الى الدين والى ما امر به الله تعالى
ام اننا صرنا مسلمين نسبه كبيره منا بس مش كلنااسما فقط لا نخاف عقاب الله
الثورة يجب ان تأتى من داخلنا وإلا فلا نتعب انفسنا فى انتظر ثورة او تحسن اوضاع
هدانا الله جميعا صراطه المستقم
بس كده رايك محترم........

zozza love

20-07-2011, 12:44 PM

T!to

20-07-2011, 01:13 PM

بصراحه عجبنى موقف الشاب جداً

مش بيغر عليها ؟

ماهوه مابيغيرش على دينه هيغير على زوجته:blush:
سمعت قبل كده قصيدة مشابهة لنفس الكلام لهشام الجخ
(ماغرش على بلده هيغير على بتى ) (بتى ) يعنى (بنتى )
____
والموضوع جميل وبيناقش قضية مهمة وطريقة عرضه جميلة ومشوقة
واحترم الشاب الصغير ورايه اللى احرج الزوجين
ولو فيه احساس فعلا المفروض تلبس محترم
ع الموضة بس يكون مش مستفز و لاملفت
ويبقى جدع لولبسها النقاب :d
بس حسيت من الموضوع ان الزوجين مش مسلمين (ده احساس بس)
شكرا على الموضوع الجميل ..جزاكى الله خيرااااااا

BaNZeR

20-07-2011, 01:47 PM

ربما اخطأ هذا الشاب

إلى انه خرج باستفادة كبيرة بهذا الموقف
وافحم بها الزوجان المتبرجان

تغريد الطيور

20-07-2011, 02:51 PM

بجد فعلاً الكـــــل غلطان ف الموقف دا و انا أأيد رأى عاشق البلانكو بصراحة

لكن الشاب الصغير غلطان و ف نفس الوقت عمل حاجة جميلة بحيث انه احرج الزوجان و لعل و عسى يفكر الزوج بطريقة تانية و يخلى زوجته تلبس ملابس محترمة ..

بس اللى مستغرباله ان الالزوجة نفسها لابسة ملابس مش مؤدبة و دى كبيرة حتى .. انا كنت فاكرة ان المراهقين اغلبهمـ هما صاحبين الملابس دى يعنى اعدادى و ثانوى و جامعة أكثرهمـ !!

ربنا يهديهمـ يا بنتى :)

بس بجد موضوع جميل جداً و بيطرح كذا مشكلة مهمة ف المجتمع .. سلمت يداكـِ :)

ahmedsalah56

20-07-2011, 04:45 PM

نقاء الروح

20-07-2011, 06:43 PM

رد مفحم من الشاب
رغم خطأ فعله اكيد ..
ويارب الناس تتعظ ..
شكرا عالموضوع الجميل ياقمر

حفــــيده الرســــول

20-07-2011, 10:43 PM

Heartbeat

21-07-2011, 12:28 AM

توبيك جميييل
بعيدا عن رد الشاب بجد راائع
لكن طبعا دا مش يمنحه الحق اللى يخليه مش يغض بصره
...
لكن تعرفى اكتر جمله لفتت نظرى
هى دى..!!

والزوج هنا يبدوا انه يحب الزوجة ولا يرى مانع مما ترتديه

:excl:

...
يابنتى اصلا دا مش راجل نهائى
دا طرطور..
..
مرسى عالتوبيك ياقمر
مش تسافرى لوحدك تانى..:d
تقبلى مرورى

Free Canary

21-07-2011, 08:04 AM

هو فعلا في حاجة اسمها حرية شخصية بس احنا اللي فاهمينها غلط تماما..علشان بعدنا عن الدين و الأخلاق و أهم حاجة الحياء اللي يكاد أن ينقرض من الوجود و من كتاب الأخلاق اللي قطعنا منه كل صفحات الأخلاق لغاية مبقاش في أخلاق أصلا
انا معاكي الشاب ده محترم بس ده مش مبرر انه يتفرج على الست دي ...غض البصر مطلوب بردو ...
مينفعش طبعا ندخّل الثورة في كل حاجة..حتى لو عايزين نتغير ..هو التغيير هييجي كدة من يوم و ليلة.... احنا لسة المفروض نربي أجيال جديدة بأخلاق حميدة بس ازاي ده هيحصل ان كان المربي نفسه غير فاضل :( ...(كلامي ده طبعا مش شامل الكل بس الأغلبية للأسف :(....)

بجد موضوع راااااائع
تقبلي مروري

صوت العقل

21-07-2011, 11:42 AM

بصراحة الكل غلطان مفيش حد هيطلع برئ من الموقف يعنى الزوج اللى معندوش ذرة رجولة
وفرحان بزوجته وهى لابسة الموضة وقلة الادب والزوجة اللى معندهاش حياء ولا احترام لنفسها ولزوجها
ولا الشاب اللى برر موقفه ان الزوجة لابسة مش كويس خلاص يا اخى بس برا الباص بدلل مع اى حد لو المنظر مش عاجبك لكن دى بجاحة بصراحة هو رايه صحيح اوك بس يكون فى صورة نصيحة للزوج مش ينظر وبعدين يقول كده
واكيد دى مش حرية شخصية ولا اى حااجة دى عدم احترام
شكرررا على الموضوع الجميل

حضرتك فعلا معاك حق .. كلهم متساويين فى الغلط مع العلم ان كل واحد حاسس انه صح من وجهة نظره طبعا
ما هى دى الحرية الشخصية المغلوطة ...شكرا لمرور حضرتك الجميل ..

ولا مقوله حتى بعد الثورة لسه فيه ناس بتعاكس !!

دخلوا الثورة فى كل شئ وازاى السلوكيات هتتغير واحنا مش بنحاول نغير نفسنا

اساسا .. واسهل كلمة تقال هى ( دى حرية شخصية )

للاسف كل شىء دلوقتى بقا تحت الشعار ده حرية شخصية وخلاص
طب انت لما تأذى غيرك دى حرية شخصية يعنى مش فاهمه
الغلط من الاساس على الزوج انه سمح لزوجته انها تخرج بالشكل ده وكان من الطبيعي انه يهرب فالاخر
لان من الاساس مافيش رجولة يبقا الهروب متوقع
اما بكاء الزوجة فده يدل على انها ضعيفة الشخصية وانها من الاساس ماشية مع تيار الموضه وخلاص وعايزة تبقا فنظر الناس حلوة وخلاص بغض النظر بقا الموضوع ده هيسببلها مشاكل ومضايقات ولا لااما الشاب فكان شىء طبيعي يعمل كده طالما فعلا حاجه معروضة قدامه ويمكن اتعلموا من الموقف ده درس
اما الناس بقا كل واحد بتاخده الشهامه فأنه يدافع وخلاص والناس اللى سكتت اكيد لان الشاب معاه حق والغلط على الزوجين مش عليه هو

اما موضوع الثورة دى سلوكيات جوانا اه الثورة غيرت فينا حاجات كتير بس اتمنا فعلا اننا نقضي على السلوك ده واكيد مش هيجي من فراغ الا لو كل واحده اتحكمت فى نفسها وفطريقة لبسها ولما الشباب يغيروا من نفسهم وسلوكياتهم
اكيد وقتها هنقضى على السلوك ده

موضوع جميل جدا واسفة لو طولت عليكي
تحياااااااااااااااتى ليكي[/

والله وجهة نظر رائعة ..الثورة غيرت كل شئ الا سلوكيات البعض.. فعلا الشاب كان ده الطبيعى بما انه ضعيف الايمان
لكن فيه من الشباب اللى هيرفض يعمل كده .. حفاظا على دينه ومن نبع قيمه واخلاقه .. انا قلت عجبنى تفكيره لكن بامانة رفضت تصرفه .. اسعدنى مرورك بجد .. نورتى حبيبتى ..

صوت العقل

21-07-2011, 03:50 PM

موضوع جميييل جدآآآآ جزاكى الله خيرا

ورأى من رأى عاشق البلانكوا..الكل غلطان الى يضايقنى الناس (معاهم معاهم عليهم عليهم)

والشاب برده ولكن هو برر موقفه بطريقه ذكيه بس غلطان انه نظر اليها

وطبعا الزوج والزوج دول سبب المشكله

مش هى ديه الحريه احنا زودناها شويتين مش شويه...وخلينا نقول ابدأ بنفسك.. مش عارفه اقول ايه؟

طبعا معاكى حق حبيبتى .. على الرغم من ذكائه الا انه غلطان فعلا ..
والناس بتشارك وخلاص.. جزاك الله خيرا على المرور الرائع ..

جزاااك اله خير الجزااء على موضوعك
المشكلة تكمن فى اننا ابتعدنا عن ديننا حتى ابسط الاحكام لم نعد نلتزم بها
كلنا يقرا القران لكن الم يقف واحد منا عند ايات الحجاب واحاديث نبينا عليه السلام
الحل لنا جميعا هو العوده الى الدين والى ما امر به الله تعالى
ام اننا صرنا مسلمين اسما فقط لا نخاف عقاب الله
الثورة يجب ان تأتى من داخلنا وإلا فلا نتعب انفسنا فى انتظر ثورة او تحسن اوضاع
هدانا الله جميعا صراطه المستقم

فعلا خير الكلام ما قل ودل .. معظمنا بعد عن الدين فظهرت المهازل دى
جزاك الله خيرااااااااا على المرور الرائع .. نورتى الموضوع ..

صوت العقل

21-07-2011, 04:02 PM

أنا مذهولة
بجد دا بيحصل؟؟
إنا لله وإنا إليه راجعون

اه والله حصل قدامى وحكيت بامانة وبنفس اسلوب الكلام...
شكرا لمرورك الجميل ..

بس كده رايك محترم........

جزاك الله خيراا على المرور .. وفعلا وجهة نظرها صحيحة ..

صوت العقل

21-07-2011, 04:11 PM

بصراحه عجبنى موقف الشاب جداً
عنده حق طبعاً
وفين الحريه دى ؟ لما بنت تبين شعره من طرحتها وهى ماشيه ؟
ولا تلبس قصيره وضيق ؟
طيب فين شروط الحجاب اللى ربنا قال عليهـا؟
دى مش حريه
دى اسمها وقاحه
وازاى ده أصلاً راجل ؟
راجل يسمح لزوجته تلبس كده ؟
طيب بلاش نقول رجوله ونخوه ودين ولا كلام من ده
مش بيغر عليها ؟
ولا لما حد يبص ليها بس يعمل فيها راجل
بجد المناظر دى بقنا نشوفها كتير اوى الايام دى
ربنا يرحمنا منهم
وايه علاقه الثوره بالموقف اصلا ؟ الثوره دى كانت ثوره سياسيه لكن احنا اخلاقنا لسه زى ماهى
بالعكس كمان فقدنا كتير اوى من مبادئنا
شكرا لحضرتك على الموضوع الجميل

فعلا يا زوزا معاكى حق .. يعجبنا موقف الشاب فى تفكيره بس لانه برضو
غلطان فى سلوكه ...وفعلا الرجل فقد رجولته بنفسه وهى قللت احترام
الناس ليها ..وهيغير ازاى اذا كان هو تزوجها وهو يعلم طريقة لبسها ولم
يغيرها ..وفعلا احنا بعد الثورة اتغيرنا للاسواء .. كل الناس بتموت ضميرها
علشان توصل لاهدافها ..جزاكى الله خيرا على المرور الرائع ...

صوت العقل

21-07-2011, 11:25 PM

ماهوه مابيغيرش على دينه هيغير على زوجته:blush:
سمعت قبل كده قصيدة مشابهة لنفس الكلام لهشام الجخ
(ماغرش على بلده هيغير على بتى ) (بتى ) يعنى (بنتى )
____
والموضوع جميل وبيناقش قضية مهمة وطريقة عرضه جميلة ومشوقة
واحترم الشاب الصغير ورايه اللى احرج الزوجين
ولو فيه احساس فعلا المفروض تلبس محترم
ع الموضة بس يكون مش مستفز و لاملفت
ويبقى جدع لولبسها النقاب :d
بس حسيت من الموضوع ان الزوجين مش مسلمين (ده احساس بس)
شكرا على الموضوع الجميل ..جزاكى الله خيرااااااا

والله فعلا كلام حضرتك صح .. مفيش غير ة على الدين .. يبقى هنستنى ايه منه ..:mad:
انا معاك اننا نحترم تفككير الشاب لكن سلوكه برضو غلط .. المفروض غض البصر ولا ايه:)
وعلى فكرة متهيالى انهم هيتغيروا .. موقف صعب فعلا .. بس مش هيقدر على النقاب :p
واوافق تماما ان الموضة مجنونة ولا تناسب الجميع .. ولازم البنات تتقيد بما يناسبها ويفرضه
الدين ويجبر الجميع على احترامها .. موضوع الديانة انا مش عارفة والله بس لازم المرأة تحترم نفسها دايما ..
جزانا واياكم .. شكرا لمرور حضرتك العابر والجميل :d

صوت العقل

21-07-2011, 11:34 PM

ربما اخطأ هذا الشاب

إلى انه خرج باستفادة كبيرة بهذا الموقف
وافحم بها الزوجان المتبرجان

طبعا حضرتك تصرفه غلط لكن تفكيره ذكى وعلمهم درس لن ينسوه ابدااااا
شكرااااااااا لمرور حضرتك الجميل ..

بجد فعلاً الكـــــل غلطان ف الموقف دا و انا أأيد رأى عاشق البلانكو بصراحة

لكن الشاب الصغير غلطان و ف نفس الوقت عمل حاجة جميلة بحيث انه احرج الزوجان و لعل و عسى يفكر الزوج بطريقة تانية و يخلى زوجته تلبس ملابس محترمة ..

بس اللى مستغرباله ان الالزوجة نفسها لابسة ملابس مش مؤدبة و دى كبيرة حتى .. انا كنت فاكرة ان المراهقين اغلبهمـ هما صاحبين الملابس دى يعنى اعدادى و ثانوى و جامعة أكثرهمـ !!

ربنا يهديهمـ يا بنتى :)

بس بجد موضوع جميل جداً و بيطرح كذا مشكلة مهمة ف المجتمع .. سلمت يداكـِ :)

فعلا معظمهم غلطانين ..بس اكيد سلوك الشاب غلط حتى وان كان تفكيره صح ..
لكن فى النهاية اتمنى يكونوا اتعلموا الدرس واستفادوا منه .. عارفة حبيبتى هى
مش تقاس بمراهقين وكبار .. هو بيبقى نوع من التعود ومن الصغر الاهل سامحين بده
فبقت الامور عادية ..:d ربنا يهدى الجميع ان شاء الله ..ربنا يخليكى حبيبتى
شكرا لذوقك .. جزاك الله خيرا على المرور الرائع ..

صوت العقل

21-07-2011, 11:43 PM

طبعا الكل غلطان فى الموقف ده بس الزوجة هى من قامت بدور البطولة كلنا كنا بنسمع ان البنت ممكن تلبس (على الموضة كده)قبل الزواج وطبعا الغرض مفهوم (مع تحفظى على هذا الكلام)
لكن بعد الزواج ما الحافز للبس المشين ده ؟
انا عن نفسى القى كل المسئولية على الزوج

اه اكيد انا مع حضرتك ان البطولة من حق الزوجة ..:) بس يا ترى مين مخرج الحلقات :d
اكيد الزوج .. يبقى غلطه اكبر المفروض انها فى عصمته وتحسب عليه .. فالمفروض انه يمنعها
ويغير سلوكها حتى لو دى عادتها ..كمان مش كل البنات بتسعى ورا الموضة .. فصعب التعميم
وفعلا حضرتك كل المسئوليه على الزوج هان نفسه ومش حافظ على زوجته ...
جزاك الله خيرا على المرور الرائع ..

رد مفحم من الشاب
رغم خطأ فعله اكيد ..
ويارب الناس تتعظ ..
شكرا عالموضوع الجميل ياقمر

فعلا يا عزيزتى نقاء .. شاب ذكى جدا ..
برر تصرفه بدرس لن ينساه الزوج ابدا
ربنا يخليكى حبيبتى .. نورتى الموضوع ..

Dr. Hoda Ahmed

21-07-2011, 11:48 PM

ربنا يهدينا اجمعين

موضوع جميل تقبلى مرورى

a7med bondok

21-07-2011, 11:55 PM

صراحه الغلط في الكل بس انا مش متصور تماما ان زوج يترك زوجته بملابس مثل التى تقول عنها وخاصة ان كان مسلما وشكرا على الموضوع الرائع

T!to

22-07-2011, 04:35 AM

والله فعلا كلام حضرتك صح .. مفيش غير ة على الدين .. يبقى هنستنى ايه منه ..:mad:
انا معاك اننا نحترم تفككير الشاب لكن سلوكه برضو غلط .. المفروض غض البصر ولا ايه:)
وعلى فكرة متهيالى انهم هيتغيروا .. موقف صعب فعلا .. بس مش هيقدر على النقاب :p
واوافق تماما ان الموضة مجنونة ولا تناسب الجميع .. ولازم البنات تتقيد بما يناسبها ويفرضه
الدين ويجبر الجميع على احترامها .. موضوع الديانة انا مش عارفة والله بس لازم المرأة تحترم نفسها دايما ..
جزانا واياكم .. شكرا لمرور حضرتك العابر والجميل :d

اكيد غلط ;)
وطبعا لازم غض البصر
الواحد عاوز يمشى مغمى عنيه افضل :d
بس لوماكنش عمل كده اعتقد ان الموضوع مايوصلش للمرحلة اللى وصلها
هنا حكمة ربنا
احيانا بعمل شىء غلط ومخالف بس ربنا بيبقى يريد به خيرااااا
ممكن يكون من جهل منى بالشىء او غفلة نفس فقط
لكن مش استهبل:d واعمل الغلط واقول ربنا هيريد به خير
ده منطق مش سليم
وفى الموضوع اعتقد ان الخطا اللى ارتكبه الشاب
هيادى الى شىء ايجابى مش للزوجين فقط
لا والشاب كمااااان
فانا اعتقد احتمال ان سلوكه يتغير بعد الموقف
ولولا اننا بشر وبنخطا مش كنا عرفنا الصواب
اهم حاجة نتعلم :bosyht9:
______
وبالنسبة لموضوع الديانة
فانا بتاكد بس
اصل فيه معتقدات الجوهرة (شيب:d) عندهم
فمش هتفرق يعنى ....
جزاكى الله خيرااااااااااا

صوت العقل

22-07-2011, 07:36 AM

جزاكـــــي الله كل الخـــــير عنا واعتقد ان الجميع مخطئين الزوج والزوجه والشاب

فاين غيره هذا الرجل علي زوجته ولا يخجل من نظرات الناس؟؟؟؟؟؟؟؟؟؟؟؟؟؟؟

واين حياء تلك المرأة كيف تسمح لنفسها بان تخرج من بيتها بهذه الملابس؟؟؟

وذلك الشاب نعم رده يدل ع ذكائه بان يعطي لهم درس لن ينسي ابدا ولكنه ايضا مخطئ

شكرا ع الموضوع الرائع

تحــــياتي وتقــديري

فعلا حبيبتى كلهم مخطئين حتى الناس اللى تدخلت بدون ما تعرف
سبب المشكلة.. هو فاقد الرجولة طبعا والزوجة اتعودت بالتأكيد على
هذا اللبس من الصغر وطبعا هنا مش ننسى غلطات الاهل والتربية
جزانا واياكى .. شكرا لمرورك الجميل .. نورتى الموضوع ..

صوت العقل

22-07-2011, 07:45 AM

توبيك جميييل
بعيدا عن رد الشاب بجد راائع
لكن طبعا دا مش يمنحه الحق اللى يخليه مش يغض بصره
...
لكن تعرفى اكتر جمله لفتت نظرى
هى دى..!!

:excl:

...
يابنتى اصلا دا مش راجل نهائى
دا طرطور..
..
مرسى عالتوبيك ياقمر
مش تسافرى لوحدك تانى..:d
تقبلى مرورى

ربنا يخليكى حبيبتى ..فعلا هو يستحق اللقب ده عن جدارة واستحقاق:d
هو اللى عمل فى نفسه وفيها كده:blush: بس اكيد هيتعلموا الدرس :)
اوعدك انى هحاول الا اذا اضطرتنى الظروف :bosyht9:
واهو بنكتسب خبرة وبنتعلم .. وبعملكوا توبيك كمان:d
جزاك الله خيرا على المرور الرائع .. نورتى الموضوع ...

Mahmoud EL-serafy

22-07-2011, 05:51 PM

السلام عليكم و رحمة الله و بركاته

أولا

هذه الثورة ليست بالضرورة ان تكون غيرت من صفات كل واحد منا

الا من هداه ربه

فالمعاكسة و للأسف شيئ راسخ في كل المجتمعات

ولن تغيرها الثورة

فدعك من الثورة و ما حدث فيها

و إذا كانت من وجهة نظرهم انها حرية شخصية

فيجب ان نقف احتراما لمبارك على كم الحرية التي اعطاها لنا (كم كان في عهده من قضايا إباحة للحرمات ومعاكسة و اشياء من هذا القبيل :d)

اما بالنسبة للفتى

فأنا لست اتفق مع الاعضاء المشاركين

اجد ان معظم الاعضاء أعجب بتصرفه

لانه جعل الرجل عاجزا عن الكلام

و لكننا تناسينا شيئا

ان الفتى قال شيئا و فعل عكسه

فهو يعرف ان ما يفعله حرام و ظل يفعله

و هذه تعتبر جريمة فقد فعل شيئا يخالف حدود الله مع علمه

و لا يعتبر ما فعله نصيحة فقد قال هذا الكلام ليخرج من هذا المأزق ليس إلا

و الجميعة يعرف ان النصيحة لا تكون نصيحة إلا عند العمل بها

فهو اكبر من المخطئين

ثانيا

اقول لهذا الزوج الذي ظن انه رجل عندما قام و انتفض ليحافظ على رجولته فأنت لست إلا رجلا شكلا

و اتذكر قول الامام في خطبة الجمعة عندنا كان بيتكلم في الموضوع ده

(الى كل زوج زوجته متبرجه و كل اب ابنته متبرجه اتظنون انكم رجالا انظروا إلى الصحابة اين انتم من رجولتهم انظروا كم كانوا يخافون على زوجاتهم و بناتهم و انهاها يقوله أماتت الرجول )

و اخيرا قد يكون الوالدين لهما دور في هذا فقد تركاها منذ الصغر تلبس ما يحلو لها دون مراعاة الدين

فالكل مخطئ و الكل يظن انه على صواب و بالنسبة للناس فكان وقوفهم بجانب اي حد من الطرفين كانت ستكون ظالمة للآخر

صوت العقل

23-07-2011, 12:14 AM

صوت العقل

23-07-2011, 06:55 AM

ربنا يهدينا اجمعين

موضوع جميل تقبلى مرورى

اللهم امين .. جزاك الله خيرا على المرور ..

صراحه الغلط في الكل بس انا مش متصور تماما ان زوج يترك زوجته بملابس مثل التى تقول عنها وخاصة ان كان مسلما وشكرا على الموضوع الرائع

انا مع حضرتك ان الكل غلطان .. وبالنسبة للديانة انا مش عارفة ..
بس فى كل الاحوال على المرأة ان تحترم نفسها وزوجها
وتقاليد المجتمع الذى تعيش فيه ..جزاك الله خيرا على المرور ..

صوت العقل

24-07-2011, 02:49 PM

لافانيا

14-08-2012, 08:41 PM

masryaa

14-08-2012, 09:23 PM

أولا جزاكى الله خيرا ع الموضوع اللى يستحق النقاش.
ثانيا كل الاطراف مخطئة ولكن الخطأ الاكبر هوخطأ الزوج أنه يسمح لزوجته بلبس مثل هذه الملابس
واضح ان الجميع نسى كلمة "غض البصر" وكلمة "العفة" "والاحترام " وأسفاه على الشباب الذى يسيطر عليه الشيطان.
ثالثا السلام عليكم ورحمة الله وبركاته.

" الشعب المصرى يغير ولا يتغير "

moslimah

14-08-2012, 11:26 PM

موضوع جميل جدا
بارك الله فيك
طبعا الكل غلطان زي ما الكل قال
بس انا شايفة ان الشاب ده غلطان ازاي يحرج حد بالطريقة دي كان ينصح الاول