الملاك السعيد
25-07-2011, 01:06 AM
السلام عليكم و رحمة الله وبركاته
انا الحمدلله جايبة مجموع عالى ومحتارة بين طب و اسنان ومش ميالة لاى حاجة
للاسف كلمة تودينى وكلمة تجبنى
اكلم ناس فى بشري اقتنع ببشري
اكلم ناس فى اسنان اقتنع باسنان
لغاية اما زهقت ومبقتشي عارفة هاعمل ايه
ياريت تنصحونى
وياترى اسنان طنطا الاحسن ولا المنصورة
وجزاكم الله خيراااااااااااااااا
cazanova_love
25-07-2011, 01:17 AM
طب اسنان طنطا دون تفكير ....... انتى جايبة كام الاول ؟؟
اسنانى تخصص رائع وانتى عارفه كده كويس
الملاك السعيد
25-07-2011, 03:27 AM
انا جايبة 99
ليه طنطا ؟
اصل انا عاوزة المنصورة بس لو طنطا احلى هاروحها
اصل اخويا فى طب المنصورة وعاوزة اكون معاه
cazanova_love
25-07-2011, 06:46 AM
يا الملاك السعيد حضرتك
اكتبى طب اسنان المنصورة بردو جميلة جدا اكييد مع اخوكى هيوصلك وكده
والف مبرووك ليكى يا دكتوره واعرف كذا حد هنا فوق 99 وناوى على طب الاسنان كتخصص وكده .. ربنا يوفقك ومبروك مره تانية
MisS BeauTy
25-07-2011, 12:58 PM
انا بردو جايبه نفس المجموع وبردو محتاره بين بشري واسنان
وكل ما اقتنع بحاجه اغير رايي على اخر فرصه
بس انا كتبت اسنان المنصوره
وربنا معانا بقا .....
cazanova_love
25-07-2011, 03:18 PM
لو كنت علوم كنت دخلت تخصص طب الاسنان يااااااااااااا بجد الله اكبر عليكو ربنا يوفقكو بجد انا مبسوط عشانكو جدااا يا دكاتره ..
طب اسنان القاهره او المنصوره او طنطا كلها كليات محترمه وليها اسمها وشغلها .. الف مبروك
monamode
25-07-2011, 04:17 PM
mbrooooooooooooooooooooooooooooook
monamode
25-07-2011, 04:20 PM
طبعا انا خلصت الثانويه العامه من زماااان وكنت ادبي بس انصحك اسنان لان مجالها ومستقبلها افضل دلوقتي والدراسه فيها اقل سنه من البشري اهو هتتخرجي اسرع وكده
monamode
25-07-2011, 04:23 PM
طب بشري مشواره طويل جدا 6 سنين - اة الاصح 7 - عقبال ما تاخد الباكلريوس
و لما تخلص الباكلريوس و تتخرج , انت كده ممارس عام و تقريبا كده مالوش لازمة
لازم بقي تحضر ماجستير
و دا ياخد منك كمان سنتين لما تكون ممتاز
عقبال بقي ما تاخد خبرة و تعمل اسم في مجالك و تبدأ شغلك الخاص - اللي بيجيب الفلوس - فيها كمان كذة سنة
بس في الاخر ان شاء الله ربنا هيعوضك
اما بقي طب الاسنان
فهي طب برضو
و بتدرس كل المواد اللي بيخدوها طب بشري لكن بصورة مختصرة شوية
و المشوار بتاعها اقصر
خمس سنين الكلية
اول ماتخلص و يبقي معاك باكلريوس ممكن تفتح عيادة من تاني يوم , و اسمك اخصائي اسنان .
ممكن برضو تحضر لو عايز
و شغل اسنان مافيهوش طوارئ زي طب بشري , شغلك ليه مواعيد ثابتة و حياتك ان شاء الله تكون منظمة
و مش هتكلم كتير لو طلعت اشتغلت برا في اي دولة عربية مرتبك هيكون عامل ازاي ؟؟ يا بقي لو كمان محضر و معاك ماجستير او دكتوراه , بتعديييييييييييييييييييي
bosyna maher
23-08-2013, 12:49 PM
طيب ياجماعة انا تانية طب وبفكر احول اسنان .. المشكلة ان المنصورة مفيهاش تحويل من طب لاسنان .. وكنت هحول طنطا السنة اللي فاتت المشكلة ان طنطا ترتيب موادها مختلفة عن المنصورةيعني مينفعش ارجع المنصورة تاني محتاجة نصيحة ضروووري .. اسنان المنصورة قالتلي ان اسنان اسكندرية والاسماعيلية والقاهرة بس هما اللي ليهم نفس لايحتها ف المواد اعمل ايه؟؟
najah120
13-07-2016, 09:47 PM
طب أسنانا علاشان الكثير من الناس بتبحث عن تبيض الاسنان (http://www.aklsihi.com/%D8%AA%D8%A8%D9%8A%D8%B6-%D8%A7%D9%84%D8%A7%D8%B3%D9%86%D8%A7%D9%86/).