المية قاطعة عندنا النهاردة [الأرشيف] - بوابة الثانوية العامة المصرية

مشاهدة النسخة كاملة : المية قاطعة عندنا النهاردة

**تسابيح**

25-07-2011, 02:21 PM

السلام عليكم ورحمة الله وبركاته
بصراحة الميه قاطعة عندنا قلت أجي استلف منكم شوية ميه اصل الجو حر:p:p
بصراحة ياجماعة الميه قطعت عندنا ف يوم بدون سابق إنذار
طبعا هتقولوا وانتم مالوا:p
الناس لبعضيها بردو:d
المهم يعني..الميه جت بئا والحمدلله
بفتح الحنفية خير اللهم ماأجعله خير...
طلع ...طلع
أكيد مش عفريت ...بس أشد:bosyht9::bosyht9:
ميه سوداا كأنها كانت في مستنقع طينة:o:o
انا بصرراحة اترعبت ..معقول الميه اللي بنشربها كداا..
لا والأدهي أن الميه ليها طعم
ومن خصائص الميه ليس لها لا طعم ولا لون ولا رائحة
احنا ولله الحمد الميه عندنا ليه طعم ولون
والرائحة قريب:d:d...
احنا كنا مركبين فلتر ..وكنا بنغسله ...
ياسودا الحلل ياجماعة
تلاقي جوه الفلتر حاجات تشرح القلب كداا..
سواد سواد سواد...
ومش كدا وبس ..لا احنا كمان كنا حاطيين حاجة زي قطنة كداا..
وكانت القطنة دي ما شاء الله عليها!!
بتبقي زي الهباب سواا:d:d..
ببساطة ياجماعة الميه ملوثة تلويث ما يعلم بيه الا ربنا
ودا كله بسبب البشر وأكيد الحكومة..الفاسدة..
تعرفوا بجد بشوف ناس بتغسل هدومها وحاجاتها
في الميه وايزي خالص ولا كأن بني آدمين هيشربوا منها
والأدهي ع الكورنيش ف شبين ..تلاقي علب
الكانز مليانة الكورنيش..
وطبعا مش ف شبين بس ف كل مصر...!!
وف النهاية
تلاقي الدولة بدور ع حد يعالج الناس المصابة بالفشل الكلوي والكبد
دا كله بسبب الميه اللي بقالنا قرون بنشرب فيه دي!!
*تسابيح*

المياة

25-07-2011, 05:00 PM

أحم أحم طيب ليه كده يا تسابيح
فعلا احنا بنلاقي في الفلتر طوب احمر بيسد الحنفيه
ونرجع نقول الأمراض بتيجي منين

نقاء الروح

25-07-2011, 05:24 PM

مافيش حاجة فمصر تنفع كل حاجة محتاجة اصلاح من جذورها والله
لا مية ولا صرف ولا اكل ولا ولالا
والمية ال بنستخدمها دي ماتنفعش للاستخدام الادمي بجد
ماينفعش تتشرب او تُستخدم من غير فلتر
وزي مانتي قلتي بسبب الناس والحكومة
الشعب المصري مش بيسيب حاجة فحالها
والحكومة مش بتعمل حاجة
وبتيجي عالشعب تاني
نسبة المرضى بأمراض الكبد والكلى فمصر
فأعلى معدلاتها وقابلة للزيادة مادامت الاوضاع زي ماهية

المهم نحل المشكلة ازاي
اعتقد اننا كمواطنين نبطل العادات السيئة
ويبقى عندنا وعي بال بنعمله دا وضرره
والحكومة تشد حيلها شوية وتوفر مية ومية نضيفة ..

موضوع جميل
وبالمناسبة المية عندي قاطعة فعلاً
فياريت تقومي بالواجب :p

Mohamed.Helmy

25-07-2011, 05:26 PM

usernamo

25-07-2011, 05:46 PM

ayaismail

25-07-2011, 07:15 PM

احنا من كتر حلاوة وجمال الميه عندنا
بقى طعمها ولونها ورايحتها وحشة
ههههههههههههههههههه

maha youness

25-07-2011, 07:31 PM

ليــــــــــــه بس كده قلبتي علينا المواجه الواحد بقاله سنين كااااااااتم في قلبه هههههههه

بجد موضوع رائع وطرحه أكثر من رائع بس تفتكري ان المياااااه بس اللي ملووووثة التلوث ماااالي البلد ربنا معاناااااااااااااااا

BaNZeR

25-07-2011, 07:36 PM

**تسابيح**

25-07-2011, 07:40 PM

أحم أحم طيب ليه كده يا تسابيح
فعلا احنا بنلاقي في الفلتر طوب احمر بيسد الحنفيه
ونرجع نقول الأمراض بتيجي منين
اهلا مياه
الله عليك وانت اول واحدة تردي ع الموضوع
بصراحة اسمك واقعي جامد ومناسب للميه احم اقصد الموضوع:022yb4:
طوب أحمر بحالة..افرحي ياستي أهو
هتبنوا ببلاش ...عشان الشعب يهيص:d:d
والله ربنا يكون ف عونا...يانهار أبيض
اومال اللي مش عنده فلتر يعمل ايه:(
شكراا حبيبتي ..ربنا يحفظنا:blush:

**تسابيح**

25-07-2011, 08:00 PM

مافيش حاجة فمصر تنفع كل حاجة محتاجة اصلاح من جذورها والله
اه والله فعلا
الجذوز يابنتي هي الأساس
لما الجذر يكون فاسد يبقي الزرعة هتطلع فاسد

لا مية ولا صرف ولا اكل ولا ولالا
والمية ال بنستخدمها دي ماتنفعش للاستخدام الادمي بجد
وبعدين هي الحكومة مكنتش معتبرانة آدميين أصلاا
ماينفعش تتشرب او تُستخدم من غير فلتر
طيب واللي معندوش فلتر
يعني مش كل المصريين يقدروا ع الفلاتر
ولا حتي تغيرها...!!!
وع فكرة فيه حاجة حتي الفلتر بينقي
وكمان بيبقي فيه شوائب صحيح أصل لكن بردو
الميه مش بتكون صافية ميه ف الميه!!
وزي مانتي قلتي بسبب الناس والحكومة
الشعب المصري مش بيسيب حاجة فحالها
والحكومة مش بتعمل حاجة
صحيح الشعب المصري مش بيسيب
لكن يابنتي لو فيه رقابة وشدة
صدقيني محدش هيعمل حاجة....!!
وبتيجي عالشعب تاني
نسبة المرضى بأمراض الكبد والكلى فمصر
فأعلى معدلاتها وقابلة للزيادة مادامت الاوضاع زي ماهية
أنا بنافس دول العالم
هم بعلمهم واحنا بأمراضنا:(

المهم نحل المشكلة ازاي
اعتقد اننا كمواطنين نبطل العادات السيئة
ويبقى عندنا وعي بال بنعمله دا وضرره
والحكومة تشد حيلها شوية وتوفر مية ومية نضيفة ..

موضوع جميل
وبالمناسبة المية عندي قاطعة فعلاً

فياريت تقومي بالواجب :p

هههههه
طيب خلي حد تالت يدخل ف الموضوع...
أصلها قاطعة بردو عندنا:d:d
انزل اشتريلك يانقاء
انا عندي أغلي منك:d
اصلهم بيعاملونا بمبدأ
اللي مش عاجبوا يشرب من الترعة:p:p:p
المهم يكون عندنا ثقافة فعلية
يعني احنا بندرس ولما نشوف ف الواقع مش بنلاقي
أي تطبيق
يعني مفروض يخلوا المناهج عن الحفاظ عن النيل
ويأخذوا الأطفال ويعلموهم ازاي يحافظوا ف ارض الواقع
وكمان الكبار يساعدوا لو تماسكنا مع بعض
اكيد هيكون الميه نظيفة..
نورتي ياجميل...:d

**تسابيح**

25-07-2011, 08:08 PM

لا دي المياة بقت حاجة فظيعة .. يعنى انا هنا فى اسيوط الى حد ما كويسة ..

لكن روحت سوهاج بجد المية دي ماتتشربش تشربيها من هنا الله اعلم باللي يحصل ^^

وربنا يستر علينا يااااااارب

و يحفظنا جميعا من الامراض

الغريب ياحاج محمد اننا ف مصر سبحان الله!
الميه تختلف من مدينة لمدينة:d
وهذا يدل ع عظمة الإنسان المصري وحكومته
اللي بتبدع:d:d
وربنا يحمينا يارب
شكراا

**تسابيح**

25-07-2011, 08:12 PM

ايه ده انتى بتشتكى من المياة .. لا إله إلا الله .. يبنتى المياه فى العالم كله من غير لون و لا ريحة ولا طعم ..

و عشان احنا بلد مختلفة (( و عشان صاحب البلد ليه قرايب مهميين )) و طبعاً نختلف عن الاخرون .. عشان كده ..

مصر المياه فيها : ليها لون (( و طبعاً الحلاوة بقى هنا ان الوانها مختلفة ممكن سوداء حمراء او قرمزى او فحلقى )) !

ليها طعم : عفواً .. لا يمكن ذكر الطعم حفاظاً ع المظهر العام للمنتدى ..

ليها رائحة : مسك يا اخواتى مسك .. !

و نحن نفخر بذلك .. انها المفخرة يا جماعه .. انها مفخرة

احنا البلد الوحيدة بردو اللى فى العالم .. اللى عجز اعتى عتاة العلماء العالميين ان يحلل المياة او يخترعلها فلتر ..

احنا البلد الوحيدة اللى مياه النهر بتاعها لونه اخضر .. و اخيراً احب اقولك .. هى دى مصر يا عبلة
ههههههه
يانهار بنفسجي لون مياه الشرب:d
بصراحة اقنعتني ياأمجد
وانا اللي كنت زعلانة:p:p
احنا بنعمل بمبدأ...خالف تعرف...:d
والميه من كثرة حلاوتها مش عايزيين نشربها
مشفتش ناس مفترية زيننا كداا:d
والله فعلا..
دا حتي الفلتر وناس بتشتغل ف تنقية المياه
بيقولوا ان الفلاتر بردو مش بتأثر للدرجة
فلاتر مش زي اليتيمة اللي ف البيت
لا عملاقة
اومال بتاعتنا تعمل ايه:bosyht9:
الله يستر علينا يارب..
شكراا

**تسابيح**

25-07-2011, 08:15 PM

احنا من كتر حلاوة وجمال الميه عندنا
بقى طعمها ولونها ورايحتها وحشة
ههههههههههههههههههه

هههههههه
من كثر الحلاوة نفسنا بتجزع منها ههههه
ياحلاوة ياولاد:d
شكراا
ليــــــــــــه بس كده قلبتي علينا المواجه الواحد بقاله سنين كااااااااتم في قلبه هههههههه

بجد موضوع رائع وطرحه أكثر من رائع بس تفتكري ان المياااااه بس اللي ملووووثة التلوث ماااالي البلد ربنا معاناااااااااااااااا
ههههه
وهنفضل نكتم ف قلبنا ونشرب لحد امته:d:d
ايوة البلد كلها
لكن التلويث ف البلد كوم والميه كوم تاني
لانها مدمر البلد
وهي اللي بتيجي الأمراض للناس
وبتقضي عليهم وبنصرف أضعاف مضعفة ع العلاج
بسبب الميه دي..
شكراا

**تسابيح**

25-07-2011, 08:20 PM

لما مية بتلقى فيها المخلفات الادمية والحيوانية والمصنعية والبترولية

فطبيعي يبقى عندنا مية بلون وطعم وريحة :d

لحسن الحظ اننا في صعيد مصر
المي بتنزل من عندنا لعندكو
فاحنا مش بنلحق كتير زيكو :d
ههههههه
سبحان الله!
احنا اللي بنشرب كل الحاجات دي وعمرنا ما قلنا لا
وكمان بقول كمان كمان..:d
الميه لون وطعمةوريحة للتميز فقط
عشان تعرف المصري من مليون واحد:d
ال بيقولك مشربتش من نيلها
ماهو دا اللي مودينا ف داهية
وانا اقول بيرجعوا لمصر تاني ليه!
اتاري اللي بيتعود ع التلوث مش بيقدر يسيبوا:d
هنقر ع بتوع الصعيد:p:p
شكراا

Mahmoud EL-serafy

25-07-2011, 08:40 PM

234taha

25-07-2011, 08:51 PM

احنا لما الميه أخذت اللون الاسود الفلتر ما جابش ميه بتاتا لمدة ييجى تلت او اربع ساعات ويعدين بقى يشتغل على استحياء انا بقول الكلام علشان عايزين نعمل مسابقة للى يعرف ايه المادة السوداء دى !؟

وردة امل

25-07-2011, 09:22 PM

انا تقريبا قريت الموضوع 23 مرة
وبردو مش لاقيت مشكلة :p

انتوا كده يامصريين بتعملوا مشكلة من لا مشكلة :p

هو انتى يا تسابيح لما تلاقى فى المية بتاعتنا
طعم وريحة وكمان لون يبقى مشكلة :slap1qk6:

بالعكس ده اسمه تميز :d

احنا المصريين

نحن نختلف عن الاخرون :d

لازم نكون متميزين عن غيرنا لدرجة المية كمان

ঔღঔzozoঔღঔ

25-07-2011, 09:32 PM

والله ربنا يعين الناس على الميه احنا نحمد ربنا على الاقل عندنا فلاتر بس فيه ناسس تانيهمعندهاش وطبعا شوف الامرض اللى تجيلها من ميه زى دى مش عارفه اقول ايه بس لرضوا تلاقى ان الناس هى برضوا عامل من العوامل اللى بتلوث الميه

شكرا ليكى

عاشق البلانكو الابيض

26-07-2011, 11:23 AM

هو الشعب المصرى صحته بقت حديد من شوية
ميه واكل وهوا فى ايه تانى ربنا يزيد ويبارك
شكررا على الموضوع الجميل

عبد الله الرفاعي

26-07-2011, 11:58 AM

ياجماعة طاب هو ليه إحنا مسألناش نفسنا هو ليه اللى بيشرب من مية النيل لازم يرجع له تانى
طبعا الإنسان لما يصاب بمرض لازم يرجع ياخد المصل ، دى مية النيل دى من عوامل الجذب السياحى

Heartbeat

26-07-2011, 05:13 PM

ايوه فعلا لما المية بتبقا قاطعة فترة طويلة
وتيجى بيبقا لونها عاطى على بنى محمر كدا..:d
وممكن تلاقى فيها حصى كمان وحيوانات بالمرة..:p
احنا ياتسابيح المية بتقطع كتير عندنا خصوصا فى الصيف
علشان المصايف..
وعلى راى نقااء جات عالميه دا حتى الهوا ملوث
ياسلاام علينا احنا المصريين مفيش مننا..:d
وبالنسبة لموضوع ان من خصائص الميه
ليس لها طعم ولا لون ولا رائحة
دا كان زمان اووووى والتغيير مهم برده ياتسابيح..:p
..
مرسى عالتوبيك الجميل ياقمر
تقبلى مرورى

**تسابيح**

27-07-2011, 05:45 AM

فكرتيني بعادل إمام في احد الافلام لما جه يتكلم عن المياه

المياه دي فيها مناعة بتدي مناعة للشعب المصري:p

و بعدين المياه دي جايه منين من الشعب المصري و رايحة لمين للشعب المصري

ده كان في سياق لما قال ان مياه الصرف دخلت على مياه الشرب[/

quote]

هههههههههههه
دا احنا ع كدا مدمريين جامد
الله يسترها علينا
مناعة فعلا:d
شكراا

[quote=elraiee;3739658]احنا لما الميه أخذت اللون الاسود الفلتر ما جابش ميه بتاتا لمدة ييجى تلت او اربع ساعات ويعدين بقى يشتغل على استحياء انا بقول الكلام علشان عايزين نعمل مسابقة للى يعرف ايه المادة السوداء دى !؟
ههههههههههههه
فكرة جامد
لا بس لو غيرنا المسافة ونخليها الناس اللي تجمع أكبر عدد من الطوب ف الميه
والحجر والسواد
وتكون الجايزة انهم يبنوا بيت بيه:d
نستغل موارد الميه ع طبيعتها:p
شكرااا

راجى طاعة الرحمن

27-07-2011, 11:20 PM

إحنا المية كانت كدة فى الأول لما كنت بتفتح الحنفية كأنك فتحت ماسورة صرف صحى مش ماسورة مياه شرب

لكن الحمدلله بنوا محطة مية جديدة بدل المحطة اللى كانت مبنية فوق الصرف الصحى

آه فوق الصرف أصلهم كانوا بيجبولنا مية مشروبة قبل كدة ومستعملة تغيير يعنى ماشربنا مية نضيفة كتييير خلينا نشرب مية مطينة شوية ولاأنا غلطان؟:d

ربنا يصلح حال المية

ضى الفجر

27-07-2011, 11:35 PM

والله يا جماااعة انامش عارفة انتوا مكبرين الموضوع ليه

يا ماما كل حاجة فى مصر كدة انتى مش عارفة و لآايه ؟؟ ما

هى دى الميزة :frown::frown:

انتى المفروض انك تكونى اتعودتى ودى المشكلةانك تشوفى

الشىء السىء بأه شىء عادى :)

بس على فكرة كل دة مننا احنا احنا اللىعاملين كدة لو

كل واحد شال الكانز بعد ما شربها فى الشنطة بتاعتو

واول ما يرجع البيت يرميهامش هتبقى فيه مشكلة بس احنا

المصريين لازم نحمل المواضيع اكتر من حجمها :o

يعنى الحكومة زى الزفت وعرفنا وكلوا عارف وبعدين ;)

يلا بأة احنا نغير احنا بايدينا كل حاجة مش هنعد نقول

ما هو اللى حصل حصل :006et4:

ونظرة التشاؤم دى مش تنفع والله لو كل واحد اتقى ربنا

وحط ضميره قدامه قبل ما يرمى حاجة فىالشارع او فى الميه

كل شىء هيبقى تماااااااااااااااام ولآ ايه ؟؟؟

بلاااااااااش بأة قولت كبر دماغك يا عم :friendsxs3:

ياااااارب استرها علينا :d

والله الموفق

ضــــــــــى الفجر :bosyht9:

samar saad

27-07-2011, 11:52 PM

اصلها سمنة فلاحى هههههههه ليها طعم ولون وريحه تشرح القلب ماشاء الله ^_^
امال الماية عندنا ايه فالقليوبية ما شاء الله
ونظام الفلتر ده جربناه اكتر من مرة وياريته نفع
موضوع جميل ياتسابيح ولازال السؤال مطروح من ايه تأتى الامراض:d:d

سيف العدل البتار

30-07-2011, 01:21 AM

موضوع جميل
الحقيقة مشكلة تلوث المياة مشكلة كبير
وبالذات ان احتياجات
اى انسان لماء كبيره ولا غنى عنها
شكرا لسيادتك

love stone

30-07-2011, 12:13 PM

ربنا يحفظنا

تغريد الطيور

30-07-2011, 03:31 PM

موضوع رائع يا تسابيح

و الله اناا من كامـ يومـ كنت بفكر ف الموضوع دا

لان قبل كدا دخلت لنا واحدة ف حصة الاقتصاد بتعلن عن فلتر و معاها جهاز لتحليل المية و قعدت تحلل المية حوالى ساعة و بقت المية فيها اشياء غريبة جداً و لونها اصفر و فوقيها زى طين لونه اسود حاجات مقززة مووت

من ساعتها اتقرفت اشرب المية و قعدت ازن على بابا انه يركبلنا فلتر و الحمد لله اتركب

ف المهمـ بجد ان الموضوع دا خطير جداً و لازمـ الحكومة تشوفلها حل ف مشكلة المية دى

و على رأى البشمهندس بانزر احنا الحمد لله ف الصعيد ف المية بتيجى الاول عندنا و بعدين عندكوا :d

و مع ذلك الميو وحشة هانعمل ايه

ربنا يهدى .. مرسى ع الموضوع الجميل دا يا تسابيح :)

Arkenine

30-07-2011, 03:38 PM

لا لا لا يا جماعة أنا مش معاكم خالص صحيح النيل ملوث ( شوية :p ) والتلوث ده بيشوه منظر النيل وروعته ، لكن مياه الشرب نظيفه ، وبالنسبة لحكاية اللون والطعم والرائحة دى من خواص الماء المقطر مش مياه الشرب . والدليل إنك لو شربت مياه معدنية من أجود أنواع المياه هتلاقى ليها طعم ولو حطيتها فى الفريزر هتلاقى الثلج أبيض مش كريستالى يعنى ، ده لأنه يحتوى على أملاح بنسب معينه زى مياه الحنفية اللى بيحتوى على أملاح برضه ... لكن المشكلة الوحيدة فيه هو وجود نسب من الكلور والمواد المستخدمة فى التنقية وهى دى اللى بتسبب الأمراض ، وتلوث النيل ده مسؤولية الشعب أكتر من الحكومة ... ولا إيه ؟؟؟؟

BaNZeR

30-07-2011, 04:40 PM

لكن المشكلة الوحيدة فيه هو وجود نسب من الكلور والمواد المستخدمة فى التنقية وهى دى اللى بتسبب الأمراض ، وتلوث النيل ده مسؤولية الشعب أكتر من الحكومة ... ولا إيه ؟؟؟؟
عايز تفهمني إنه ال5ملم اللى متكونة على سطح الفلتر
دول شوية كلور واملاح لونهم اسود :d