مشاهدة النسخة كاملة : اتقان ف وقت ف محل جاتوه ..
نقاء الروح 28-07-2011, 08:31 PM السلام عليكم ورحمة الله وبركاته
ازيكم ؟
يارب تكونوا كويسين
من زمان الواحد مانزلش موضوع :d
المهم انا عاوزاكو تتخيلوا معايا حاجة كدا
فالاول صورة ايه دي ؟
http://m002.maktoob.com/alfrasha/up/1903801751126076155.jpg
اكيد جاتوه :p
مين فينا مايحبش الجاتوه :d
ماحدش :p
طيب ماشي كدا تمام
اتخيل معايا بئا انك صاحب اكبر محل جاتوه فالبلد
محلك واخد شهرة ماحصلتش
نضافة / تعامل / توصيل / خدمة
والاهم الطعم الفريد
اي حد يدوق قطعة جاتوه من عندك يعرف علطول ان ديه من محل فلان !
ووانت قاعد بالليل عالساعة 10
والمحل هيقفل والعمال الاغلبية مشيوا
جالك واحد
وبيقولك انا عاوز طلبية جاتوه تكفي لـ 10.000 شخص
وبكرا الصبح الساعة 7 ..
عندو فرح ، عقبال عندكم :d
المهم انت قعدت بينك وبين نفسك
العرض مغري جداً جداً ، هتحقق ربح هايل فوقت قصير والعروض ال زي دي مابتجيش غير فالعمر مرة !
وفنفس الوقت الجاتوه بتاعك ال هيطلع مش بالاتقان والطعم المطلوب !
فلا الوقت فصالحك ولا عندك عمّال كفاية !
فتعمل ايه ؟!
لو وافقت : انت هطلع جاتوه ايوة بس مش بالمستوى المطلوب ، لأن مافيش وقت لا لتحضير ولا تجهيز
ولا حتى فيه عمّال تشتغل ..
ولو رفضت : فأنت بتضيع على نفسك عرض ممكن مايتكررش تاني ..
فياترى يا صاحب محل الجاتوه
هتعمل ايه و ليه ؟؟
...
المثل المفروض بيقدم هدف معين
فرأيك : ايه الهدف من الحتوتة الحلوة دي ،
مستنياكم :bosyht9:
سيف العدل البتار 28-07-2011, 08:41 PM هتعمل ايه و ليه ؟؟
طبعا اكيد هرفض
ليه: لان احتمال كبير ان سمعت المحل كلها ضيع و دائما ما يكون الاتقان افضل من المكسب
لو فكرت ان ده مكسب ولكن هتخسر قصاده اشياء كثيرة
...
فرأيك : ايه الهدف من الحتوتة الحلوة دي ،
ممتنع عن الاجابة
شكرا لسيادتك موضوع جميل
شكرا
عاشق البلانكو الابيض 28-07-2011, 08:47 PM ممكن الراجل يتصل بالناس اللى مشيت يرجعوا والتليفون دلو قتى مع الطفل الصغير
ويديهم فلوس زيادة على الشغل ده تشجيع ليهم والناس هتفرح وتنبسط وهو هيحقق مكسب
والطلبية هتم ومفيش مشاكل
samar saad 28-07-2011, 08:51 PM هو احلى حاجه فالموضوع الجاتو طبعا ههههههههههههه
لا بجد اننا مهما كان الوقت قصير قدامنا لازم نتقن عملنا ونطلعه بشكل افضل ومش نستعجل
يعنى ده اللى وصلى الصراحه ممكن حد تانى يفسرها بشكل افضل
موضوع جميل يانقاء كالعاده واحلى مافيه الجاتوه :):)
نقاء الروح 29-07-2011, 12:29 PM هتعمل ايه و ليه ؟؟
طبعا اكيد هرفض
ليه: لان احتمال كبير ان سمعت المحل كلها ضيع و دائما ما يكون الاتقان افضل من المكسب
لو فكرت ان ده مكسب ولكن هتخسر قصاده اشياء كثيرة
...
فرأيك : ايه الهدف من الحتوتة الحلوة دي ،
ممتنع عن الاجابة
شكرا لسيادتك موضوع جميل
شكرا
جميل تفكير حضرتك ،
ومنطقي جداً
فايه لازمة المكسب دلوقتي ويضيع مكسبي الاساسي
وال هو سمعتي وشهرتي
بس السؤال التاني ليه الامتناع
انت اقتربت من الهدف
و فيه عرض مغري جدا كمان
جاوب وخد قطعة جاتوه مجاناً :d
شكرا لحضرتك عالمرور الاجمل
zozza love 29-07-2011, 12:46 PM ياجاتوهاتك يا دكتور
انتى عارفه يا دكتوره قطعه الجاتوه فيها كام سعره حراريه ؟:p
المهم
من رأيى آننـــــــه يرفض
مكسب بعيده ولا مكسب قريب
يعنى دلوقتى لو عمل الطلبيه دى اكيد مش حتتطلع بنفس الجوده لو عمل ايه وندفع فلوس بالهبل
لكن لو رفض بحجه ان الوقت قصير جدا
الناس حتقول لنه راجل كويس وعنده ضمير
والناس حتفضل تثق فيه
وبكده حيفضل كسبان هرته ونجاحه وده المكسب البعيد اللى حيفضل طول العمر
لكن لو قبل حيكسب يوم واحد وبعدها حيقعد فى البيت يبع بصل ;)
الهدف من الجاتوه
قصدى الحتوته
اننا نعرف ان فى مكسب قريب ومكسب بعيد والبعيد طبعا احسن
ونعرف كمان معنى كلمع الاتقان فى العمل
وكمان نتعلم اننا مش نستعجل على رزقنا
وكمان نتعلم ازاى نحافظ على مبادئنها
لان المبدأ عمره ما حيتغير
بصراحه يا دكتور غبت كتير بس رجعت بموضوع حلو
ميرسى يا دكتوره نقاء على الموضوع
beta777 29-07-2011, 01:19 PM انا ممكن اعمله نص الطلبية بنص التمن و اتصل باي محل حلويات صحبي واقولة اعمل النص التانى و هاخد عموله
فهمنى هقسم البلد نصين + هاخد عموله من المحل بتاع الحلويات صحبي = نص الفلوس ب جودة جميله و الطلبية هتخلص
هعمل انا نص الكمية وال محل التانى نص الطلبية
ويابخت من نفع واستنفع :)
smsma81 29-07-2011, 01:26 PM lمبدئيا دي حته جاتوه محروقه :p
ثانيا انا مع عاشق البلانكو في انه يتصل بالعمال يرجعهم ويضيف اجر ويبقي كده الكل استفاد
بس قبلها اقول للزبون علي الكميه اللي انا ممكن اطلعها وبتكون اقل من الكميه المطلوبه عشان اعمل لنفسي براح وهو اكيد حيوافق لانه جاي علي السمعه . وممكن اناقش معاه حكايه الوقت لان مفيش فرح حيبتدي الساعه 7الصبح ولو عنده الوقت سمح يبقي كمان كسبت وقت
فاضل مشكله العمال ........العمال اللي عندي اساسا حيفرخوا ويعتبروه حافز ليهم ولو عايز عمال استعين باي عمال من محل نضيف برضه وبيبقوا معروفين وفي الوقت ده المحل التاني مش بيبقي شغال وبرضه بيعتبروه رزق خارجي وبيجوا وبيسهروا وبيطبقوا ودي حقيقه شفتها ادامي .....
ويبقي كده صرف نفسه ورضا الكل واحتفظ بسمعته :d
مستفدتش حاجه من الموضوع :blush:
نقاء الروح 29-07-2011, 01:38 PM ممكن الراجل يتصل بالناس اللى مشيت يرجعوا والتليفون دلو قتى مع الطفل الصغير
ويديهم فلوس زيادة على الشغل ده تشجيع ليهم والناس هتفرح وتنبسط وهو هيحقق مكسب
والطلبية هتم ومفيش مشاكل
الناس شغالة طول النهار
محلك اشهر من نار على علم
ويادوب فترة الليل راحة لشغل تاني يوم !
تعمل ايه ؟
وزي ماقلنا اهم مميزات محلك الطعم الفريد ;)
تاني حاجة فين المواد ال هتشتغل بيها ؟
انت عاوز كمية وفوقت ممكن نقول انه قياسي
تجبها منين ؟!
scream angle 29-07-2011, 01:45 PM اكيد هرفض طبعا طالما مش بالجودة المطلوبة اوافق ليه واحرج نفسى ليه
موضوع جميل جدا وهدفه اتقان العمل دون النظر الى الربح
واشكرك انك كنتى سبب نتخيل اننا اصحاب المحل يااااااااااااااه يارب كنت هأكل المحل كله بلا شغل بلا بتاع :d
نقاء الروح 29-07-2011, 01:46 PM انا ممكن اعمله نص الطلبية بنص التمن و اتصل باي محل حلويات صحبي واقولة اعمل النص التانى و هاخد عموله
فهمنى هقسم البلد نصين + هاخد عموله من المحل بتاع الحلويات صحبي = نص الفلوس ب جودة جميله و الطلبية هتخلص
هعمل انا نص الكمية وال محل التانى نص الطلبية
ويابخت من نفع واستنفع :)
انت فسوق وبيزنس از بيزنس
مش معقول صاحب محل زي محلنا ممكن يعمل كدا ؟
انت تاجر والتجارة شطارة ;)
ومنين تضمن جودة المحل التاني ؟
اتفقنا من الاول محلك احسن محلات الجاتوه
والزبون قاصدك على كدا !
فهل هتغير رأيك وترفضها
ولا هتتصرف ازاي فالموضوع دا ؟
smsma81 29-07-2011, 01:51 PM الناس شغالة طول النهار
محلك اشهر من نار على علم
ويادوب فترة الليل راحة لشغل تاني يوم !
تعمل ايه ؟
وزي ماقلنا اهم مميزات محلك الطعم الفريد ;)
تاني حاجة فين المواد ال هتشتغل بيها ؟
انت عاوز كمية وفوقت ممكن نقول انه قياسي
تجبها منين ؟!
علي فكره محلات الحلويات المشهوره بيبقي ليها مخازن خاصه مش بيشتري بالحته او الطلبيه ده غير انه في اوقات بيجيلو زبده من شركه خاصه مستورده .وبالنسبه للعمال انا قلت بيرجعوا مدام الموضوع فيه فلوس واجر اضافي بيبقي جاي فرحان مع شويه حماس من الشيف القائد بيطلع اكتر من العادي ودي حقيقه يعني ده من ارض الواقع .وبعدين اصلا العمال بتوع الحلويا ت في محلات المشهوره بيطبقوا بالتلت ايام واكتر في الاعياد والمولد والمناسبات .يعني هما واخدين علي كده
234taha 29-07-2011, 01:53 PM مواضيعك جميلة أوى يا "نقاء الروح" أفكار لذيذة وفاتحة للشهيتين الاكل والكتابة
انا ح اجاوب على الجزء الثانى من السؤال لانه يشمل الاجابة على الجزء الاول : المال أم الكرامة ؟ السمعة الطيبة أم المكسب أيا كان مصدره ؟
موضوع جميل متميز وعبقرى ..شكرا لك على الحوار الراقى .
نقاء الروح 29-07-2011, 01:54 PM lمبدئيا دي حته جاتوه محروقه :p
ثانيا انا مع عاشق البلانكو في انه يتصل بالعمال يرجعهم ويضيف اجر ويبقي كده الكل استفاد
بس قبلها اقول للزبون علي الكميه اللي انا ممكن اطلعها وبتكون اقل من الكميه المطلوبه عشان اعمل لنفسي براح وهو اكيد حيوافق لانه جاي علي السمعه . وممكن اناقش معاه حكايه الوقت لان مفيش فرح حيبتدي الساعه 7الصبح ولو عنده الوقت سمح يبقي كمان كسبت وقت
فاضل مشكله العمال ........العمال اللي عندي اساسا حيفرخوا ويعتبروه حافز ليهم ولو عايز عمال استعين باي عمال من محل نضيف برضه وبيبقوا معروفين وفي الوقت ده المحل التاني مش بيبقي شغال وبرضه بيعتبروه رزق خارجي وبيجوا وبيسهروا وبيطبقوا ودي حقيقه شفتها ادامي .....
ويبقي كده صرف نفسه ورضا الكل واحتفظ بسمعته :d
مستفدتش حاجه من الموضوع :blush:
هههههه دي شوكولاته :p
وتخسري زبون بالحجم دا ؟!
تناقشيه ازاي ؟ دا موضوع 1 + 1 = 2
تعملي او ماتعمليش
انتِ دلوقتي مسئولة عن محل بسمعة ممتازة جداً
هل ينفع تقولي مافيش فرح الساعة 7 :romarioxp6:
راحة الزبون فوق كل شيء ، قاعدة
بالنسبة للعمال
زي مارديت على أ/ عاشق وأ/ بسام
ياترى هتتصرفي ازاي فالموضوع دا ؟
احبطيني بصراحة :d
تابعي معانا يمكن تستفادي فالاخر ;)
نقاء الروح 29-07-2011, 02:01 PM ملحوظة
على فكرة انا مش قصدي من الموضوع
محلات الجاتوه والحلويات وازاي بتعمل شغلها :d
دا مثال بيدي هدف معين
رمز مش اكتر
مش تدوروا على الحلول الجاتوهية لاسئلتي
دي اسئلة لتوضيح الصورة مش اكتر
الموضوع اعمق من عامل حلويات ومخازن :d
دوروا على ماينطبق فالحياة العامة واازاي نقدر نستفاد
من الحتوتة فحياتنا
بس
..
الردود ال خطيتها
هرجعلها ان شاء الله
بس لأني متفقة معاها جزئياً اجلتها ..
:)
هقوله اجل الفرح :p
انتى جيلى متاخر وكمان مستعجل :blush:
انا لو صاحب المحل
لومفيش عمال تقدر تعمل الكمية هحاول اجيب ناس من برا لو امكن
واعمل الجاتوه بنفس الطعم والنظافة وهكذا
لومقدرتش يبقى بلاش اخسر سمعت المحل
خصوصا ان الطلبية جامدة
هتسمع فى البلد :d
يعنى مش كرتونة مثلا
اخسر زبون فى يوم
ولا اخسر زبائن العمر كله :d
بس احب اوضح ان الجاتوه اصلا سهل يعنى ممكن فى ساعة تعمل كمية كبيرة
وكمان فى احد التعليقات بيقولوا فيه مخازن للجاتوه لاغلط على فكرة :blush:
الجاتوه مش بيتخزن
وكله بالاتقان والضمير
شكرا على الموضوع الحلو :d
smsma81 29-07-2011, 02:09 PM هقوله اجل الفرح :p
انتى جيلى متاخر وكمان مستعجل :blush:
انا لو صاحب المحل
لومفيش عمال تقدر تعمل الكمية هحاول اجيب ناس من برا لو امكن
واعمل الجاتوه بنفس الطعم والنظافة وهكذا
لومقدرتش يبقى بلاش اخسر سمعت المحل
خصوصا ان الطلبية جامدة
هتسمع فى البلد :d
يعنى مش كرتونة مثلا
اخسر زبون فى يوم
ولا اخسر زبائن العمر كله :d
بس احب اوضح ان الجاتوه اصلا سهل يعنى ممكن فى ساعة تعمل كمية كبيرة
وكمان فى احد التعليقات بيقولوا فيه مخازن للجاتوه لاغلط على فكرة :blush:
الجاتوه مش بيتخزن
وكله بالاتقان والضمير
شكرا على الموضوع الحلو :d
مخازن للخامات الدقيق والزبده والمكسرات وبتبقي معطمها مستورده علي اسم المحل
مخازن للخامات الدقيق والزبده والمكسرات وبتبقي معطمها مستورده علي اسم المحل
شكرا للتوضيح :p
smsma81 29-07-2011, 02:17 PM يا نقاء انت صاحبه المحل وجالك زبون
الزبون جه عشان السمعه والامتيازات اللي بيلقيها عندك;) والا كان راح لمحل تاني
في الحاله دي بناقشه في الوقت عشان الامتيازات اللي هو مش حيتنازل عنها واوضحله المشكله اللي ممكن تحصل ليه وهي المنتج مش حيكون مضبوط كما يتمني .
كمان هو مضطر يحل معايا المشكله لانه اولا متأخر ....ثانيا مش عايز يتنازل عن المميزات اللي هو جاي عشنها.
ويمكن الوقت بتاعه عامل لنفسه براح وضاغطك انتي عشان السرعه فلازم مناقشه مع الزبون
اما لو لقتيه مش بيفهم قولولي قوت علينا في فرح تاني .وموقعش نفسي في مطب:dانا في غني عنه
نقاء الروح 29-07-2011, 03:37 PM يا نقاء انت صاحبه المحل وجالك زبون
الزبون جه عشان السمعه والامتيازات اللي بيلقيها عندك;) والا كان راح لمحل تاني
في الحاله دي بناقشه في الوقت عشان الامتيازات اللي هو مش حيتنازل عنها واوضحله المشكله اللي ممكن تحصل ليه وهي المنتج مش حيكون مضبوط كما يتمني .
كمان هو مضطر يحل معايا المشكله لانه اولا متأخر ....ثانيا مش عايز يتنازل عن المميزات اللي هو جاي عشنها.
ويمكن الوقت بتاعه عامل لنفسه براح وضاغطك انتي عشان السرعه فلازم مناقشه مع الزبون
اما لو لقتيه مش بيفهم قولولي قوت علينا في فرح تاني .وموقعش نفسي في مطب:dانا في غني عنه
ماحنا اتفقنا بئا
الزبون فوق كل شيء :d
مش هيبقى زبون جايلي واخانق فيه
وانت جيت متأخر وانت وانت :d
التعامل من اهم عوامل النجاح فالحالات دي
وانا مش هامني الجاتوه ولا الزبون والله
لو كنت اعرف كنت خليتها محل كشري ولا حاجة :d
المشكلة مش فالجاتوه
المشكلة انه هيطلع مش نفس الطبيعي بتاع المحل
فياترى هيحصل ايه؟
و ايه النتايج المترتبة على دا ؟
وازاي استفاد انا من بتاع الجاتوه دا ؟ :d
Hazem-Hamdy 29-07-2011, 03:44 PM هاعمل ايه و ليه ؟
انا هوافق..
دي صفقة جامدة و طالما انا المحل بتاعي شغله حلو
اكيد لما مستواه يقل شوية ما هايبقا تعبان و هايبقا حلو برضه و ماحدش هايشتكي
و كده كده المحل معروف
مش هاخسر حاجة لو خاطرت
الهــــــــــــــــدف
ناكل جاتوه ؟ :d
___________
ليه بقا الي هايموت و يتجوز ده مايأجلش الفرح يوم و يريح العالم ؟
نقاء الروح 29-07-2011, 07:50 PM هو احلى حاجه فالموضوع الجاتو طبعا ههههههههههههه
لا بجد اننا مهما كان الوقت قصير قدامنا لازم نتقن عملنا ونطلعه بشكل افضل ومش نستعجل
يعنى ده اللى وصلى الصراحه ممكن حد تانى يفسرها بشكل افضل
موضوع جميل يانقاء كالعاده واحلى مافيه الجاتوه :):)
ههههههههههههه كلو عينو عالجاتوه :p
تماااام كلامك مضبوط
بس ماقلتيش هتقبلي الطلبية والوقت معاكِ قصير زي ماقولتي
ومش هيطلع بالاتقان المطلوب
ولا هترفضيها ..
الاجمل مرورك ياقمر
نورتِ
نقاء الروح 29-07-2011, 08:07 PM ياجاتوهاتك يا دكتور
انتى عارفه يا دكتوره قطعه الجاتوه فيها كام سعره حراريه ؟:p
المهم
من رأيى آننـــــــه يرفض
مكسب بعيده ولا مكسب قريب
يعنى دلوقتى لو عمل الطلبيه دى اكيد مش حتتطلع بنفس الجوده لو عمل ايه وندفع فلوس بالهبل
لكن لو رفض بحجه ان الوقت قصير جدا
الناس حتقول لنه راجل كويس وعنده ضمير
والناس حتفضل تثق فيه
وبكده حيفضل كسبان هرته ونجاحه وده المكسب البعيد اللى حيفضل طول العمر
لكن لو قبل حيكسب يوم واحد وبعدها حيقعد فى البيت يبع بصل ;)
الهدف من الجاتوه
قصدى الحتوته
اننا نعرف ان فى مكسب قريب ومكسب بعيد والبعيد طبعا احسن
ونعرف كمان معنى كلمع الاتقان فى العمل
وكمان نتعلم اننا مش نستعجل على رزقنا
وكمان نتعلم ازاى نحافظ على مبادئنها
لان المبدأ عمره ما حيتغير
بصراحه يا دكتور غبت كتير بس رجعت بموضوع حلو
ميرسى يا دكتوره نقاء على الموضوع
سعرااات كتييير عشان كدا جبت قطعة وحدة :p
عشان العيد جاي وماحدش يتخن :d
..
ردك رائع جداً
وتفكير سليم جداً جداً
وجبتي هدف جميل اوي ;)
تسلمي عالمرور ياقمر
انتِ الاحلى يااحلى زوزا
نورتِ
CaStLeS In ThE AiR 29-07-2011, 09:14 PM هرفض أكيد.....
لأن الطمع ممكن يبوظلي كل حاجة و سمعة المحل.....
الهدف أعتقد:
إني معملش حاجة و أنا مش مستعد لها...أو معنديش إمكانيات لها.....
لازم لما أعمل حاجة أكون قدها......
و لازم إتقان العمل....
و شكرا جزيلا ع التوبيك الرائع^^
◄Ǻqцăмăяϊŋэ► 29-07-2011, 09:52 PM سؤال صعب بردو
بس من المرجح يعنى انى هرفض
السمعة اهم حاجة
مش هستفاد حاجة لو كسبت وسمعتى نزلت
خصوصا انى اكييييد اخدت وقت كتييير اوى ف بناء السمعة والشهرة دى
فطبعا مش هرضى انى انهيها علشان ربح زيادة وممكن احقق الربح ده ف اى وقت تانى
واكيد الهدف
ان الاتقان اهم حاجة بغض النظر عن الربح وده محتاجينة جداااا ف مصر الفترة الجاية
◄Ǻqцăмăяϊŋэ►
سيف العدل البتار 30-07-2011, 01:13 AM جميل تفكير حضرتك ،
ومنطقي جداً
فايه لازمة المكسب دلوقتي ويضيع مكسبي الاساسي
وال هو سمعتي وشهرتي
بس السؤال التاني ليه الامتناع
انت اقتربت من الهدف
و فيه عرض مغري جدا كمان
جاوب وخد قطعة جاتوه مجاناً :d
شكرا لحضرتك عالمرور الاجمل
خلاص ماشى هجاوب الهدف من الحكاية او الحتوتة
تنمية ثقافة الموقف و تحديد التصرفات السليمة فى الامور
و اتخذ قرارت مهمه فى الوقت القصير
يعنى حكاية كويس ومفيدة
:)
شكرا
راجى طاعة الرحمن 31-07-2011, 07:14 PM لو صاحب المحل يعرف ربنا هايرفض
علشان كدة أنا هارفض مية فى المية
Heartbeat 31-07-2011, 11:19 PM المفروض انى ارفض
لان سمعة المحل اكيد اهم من اى ربح مهما كان
وانا لو قبلت العرض دا لمجرد الربح
ممكن اوووى اخسر بعد كدا كتير واهمها السمعة الحسنة..
..
لو حبينا نخرج بهدف من القصة دى نطبقه فى حيااتنا
ممكن نقول الثباات على المبدأ
مهما كاانت الاغراءات اللى حوالينا
..
مرسى نقااء عالجاتوه..:p
قصدى عالتوبيك..:d
تسلمى ياقمر
BaNZeR 01-08-2011, 01:54 AM انا مع اقتراح عاشق البلانكو إني اجيب الموظفين ولو بأجر اضافي
واديهم بكره اجازة .... يوم مش حيفرق قدام طلبية زي دي
يشتغلوا فيها طول الليل
بس لو الحل ده مش حينفع
يبقى في حل تاني
يا إما انا حعمله نص الطلبية بس بالكفاءة المطلوبة
او تلتها ايا كان بمقدوري
او اني اعملهاله بسعر اقل لإنها مش حتكون بالكفاءة المطلوبة
وبعدين اساساً الطلبيات دي بتتحجز قبلها بيومين ولا حاجة
حقوله 7 الصبح مين يا روح امك :p
بارا طولوين 02-08-2011, 02:49 PM أكيد هرفض طبعا
خساره قريبه ولا مكسب بعيد
ممكن لو طلعت الطلبيه دي بالكميه دي مش بالجوده اللى بتليق بسمعه الشركه
لكيد ده هيأثر على سمعتها لفتره كبييره
تحييتيي
هبه محمود25 03-09-2011, 05:55 AM بص انا من الراى حكايه الجاتوه ديه تشبه الامتحان بالظبط لو انت معاك قلم خطه وحش تفتكر يعنى هتسقط ف الامتحان عشان انت مش عاوز تبهدل الورقه لا طبعا ميتحرق القلم اكيد هتكتب بيه عشان تاخد الدرجه ممكن الواحد يستغنى عن الاتقان ف سبيل شئ اهم وانا من راى اعمل الجاتوه مش مهم بنفس الاتقان المهم انى اعمله وخلاص
هبه محمود25 03-09-2011, 05:50 PM اه يا سمر اهم حاجه انه يتعمل مش مهم حاجه تانيه زى المتحان بالظبط لو معاكى قلم خطه وحش لازم تجاوبى يتحرق القلم عشان تنجحى مع ان شكل الورقه مش هتبقى منظمه
هبه محمود25 03-09-2011, 05:53 PM المشاركة الأصلية كتبت بواسطة samar saad http://www.thanwya.com/vb/life/buttons/viewpost.gif (http://www.thanwya.com/vb/showthread.php?p=3755094#post3755094)
هو احلى حاجه فالموضوع الجاتو طبعا ههههههههههههه
لا بجد اننا مهما كان الوقت قصير قدامنا لازم نتقن عملنا ونطلعه بشكل افضل ومش نستعجل
يعنى ده اللى وصلى الصراحه ممكن حد تانى يفسرها بشكل افضل
موضوع جميل يانقاء كالعاده واحلى مافيه الجاتوه :):) انتى سمر مصطفى سعد محمد سالم؟؟؟
|