يا جماعة أنا عرفت ان فاضل 8 كليات حاسبات نازلين مرحل تانية وأنا جايبة 91.7 بس دلوقتى بابايا بيقولى أكتب حقوق انجلش الأول قالى لو جبتى تقدير كل سنة هاعرف أخليكى تشتغلى لأن هوا مستشار وكدة وفيه ناس قالتلى متضيعيش فرصة حاسبات واكتبى كل حاسبات الأول بس انا خايفة تجيلى مثلا حاسبات بعيدة ومعرفش احول أو يبقى فيه صعوبة ف التحويل ... وممكن أصلا مجموعى وده احتمال كبير ميلحقش حاسبات بس مستخسرة مكتبهاش الأول ياريت حد عنده خبرة يفيدنى تنصحونى أكتب ايه الأول حاسبات ولا حقوق انجلش ؟؟؟؟؟؟؟

وكلية حاسبات فرصة جميلة اوى جميل تكونى بش مهندسة انا بعشق لما حد يقولى بش مهندسة
بس الاهم انتى عاوزة اية مش بابا عاوزنى اخش اية

لأ انتى فهمتى غلط واسطة ايه !!!!!!!!!!!!! ما أنا قولت ف كلامى انه قالى المهم أجيب تقدير ف كل سنة المقصود انه هايعرف يسادنى أشتغل مش واسطة .... أكيد بابايا مش هايقولى كدة
أنا عن نفسى معنديش ميول للاتنين

ايوا بياخدوا ابناء المستشارين مش واسطه
على اعتبار انهم متربيين فى جو من القانون :)
بس حاسبات افضل للبنات
البنات مينفعهاش شغل الحكومه :)
سلام

قررى انتى عاوزة اية واكيد هتتفوقى فى كليتك الل هتخاريها عن اقتناع مش تقولى زيى غيرك التنسيق هو الل جابنى ولا هما قالوا ادخلى كذا
وحاسبات كلية على قد جمالها على قد صعوبتها
بس قررى واختارى بنفسك

استخيري ربنا وومكن تكتب الحاسبات الي قريبة منك بس وبعدين تكتبي حقوق وانتي وحظك بس استخيري الاول