السلام علييكم

انا كنت عاوزة اسالكم بما انكم اهل الخبره

انا جاتلي اداب عين شمس والجمد لله بس السن المنيا جت على مجموعي بالظبط .... وبيقولوا ممكن يحولوني ليها ..

السؤال بقى .... اداب انجليزي احسن ولا السن ... ده لو نفع التحويل ؟؟

وهل تجيلي اداب قسم انجليزي انا جايبة 47 ف الانجليزي العادي و8ونص ف المستوى الرفيع انجليزي

وشكرااا

اناتقريبا نفس حالتك انا جايبة 91.2 ادبى وجالى ادااب عين شمس وهحول لالسن لان مستقبلها حلو والدراسة فيها ممتعة جدا
وهى واخدة من 91,2 عين شمس
يعنى مجموعى بالضبط
وان شاء الله هينفع التحويل مادام انتى جايبة مجموعها

همممم ان شاء الله تحويلي... بس انا اليوميندول سمعت ان اداب احسن من السن انك لغه زائد ثقافه وادب ممكن يكون الترجمة نفسها ف السن احسن بس اداب ليه مجالات اكثر يعني تدريس وممكن بردو فا لرتجمه
يعني بدات افكر محولش بس ياريت حد يفيدنا بردو

مسألة المنيا ديه مش صعبة شوية يعني عشان المسافة عموماً إنت أدرى في الموضوع ده بس بالنسبة لآداب english القاهرة أعتقد إن مجموع درجات الenglish بتاعك يجيبها هية طالبة مجموع الدرجات يكون 48 بس هية كمان طالبة إن درجة العربي ماتكونش أقل من 50 عموماً إبقي إدخلي على موقع كلية الآداب جامعة القاهرة وهتلاقي الشروط وربنا معاكي

هي من ناحية المسافه فعلا المنيا بعييده ... وانا بدات افكر ان اداب عين شمس كويسه بردو ...

لا الحمد لله انا جايبه درجات كويسه ف العربي ... يارب اجيب ان شاء الله قسم الانجليزي

هيه السن اه احسن شويه من اداب انجليزى ,, بس المنيا ؟
بصراحه مشوار مينفعش خالص لبنت فى ظل انعدام الأمن اليومين دول ,,
بس اقولك حاجه لو دخلتى اداب انجليزى و انتى مجتهده بطبيعتك يبقى بأذن الله ليكى مستقبل كبير .

فعلا عند حق مافيش امان خالص اليومين دول والمنيا بعيييده ومش مستاهله بقى لفه وشحططه وهي اداب انجليش كوييسه بردو ..