السلامـ عليكمـ و رحمة الله و بركاته

ازيييييكمـ يا اعضاء ؟؟ ان شاء الله كويسين :)

كـــل سنة و انتوا طيبين بمناسبة شهر رمضان

المهمـ ندخل ف الموضوع ..

طبعاً زى ما انتوا عارفين ان الكـل خلاص بيشترى لبس العيد كل سنة و انتوا طيبين ( مرة تانية ;) )

فأنا لما نزلت مع ماما عشان نشترى لبس العيد .. ماقولكوش .. مالقيناش حاجة اساساً عشان تتلبس !

هاتوقولولى : لاء طبعاً ما احنا كلنا بنلبس اهو و عادى !

هاقولكوا : اللى لقيناه مش لبس دا مجرد قطع من الملابس !!

و قال بيسموه بادى !!!

طب دا حتى من أسمه بادى Bady = جســــمـ

يعنى أكنكـ من لابسة حاجة و العياذ بالله ..

دا اللبس اللى من فوق اللى هوا المفروض بلوزات ..
أما بقى اللى من تحت اللى هوا المفروض جيبات .. مش عاكذب عليكوا و قلولكوا انى مالاقتش

انا لقيت ااه بس و الله بعد لف و دوران و تعب و رجوع البيت ع الساعة 11 !!!


*****

المهمـ انا حاولت استفسر عن الموضوع دا و لقيت ان هى دى الموضة .. حاجات كدا بتتلبس فوق و بتبين أكتر ما بتخفى اساساً !!

ف جت واحدة صممت زى عجب واحدة تانية و تالتة و رابعة و خامسة و .. الخ

و ف الاخر انتشر جداً بطريقة غريبة !!

تفتكروا ايه سبب الانتشار دا ؟؟

السبب ان واحدة لبسته و انتشر بين كذا واحدة و مصممين الازياء لقوه عاحب كتير منهمـ فصمموا كتير منه و بأسعار ......

طبعاً انتوا عارفين .. بادى قصير و ضيق جداً و عادى و ف الاخر يطلع بـ 150 ج !!!!!

و الغريبة ان الناس بتشترى عادى جدااااااااااا و لا كأنها غالية و قماشتها حتى مش حلوة .. لاء أصل دى موضة !!!!!

و" البانطلونات سليمـ " بقى .. انا فاكرة كنت قبل كدا ف عيد من الاعياد و كنت ماشية انا و اخويا و اختى و لقينا بنت لابسة بنطلون ضيق من تحت و كانت ساعتها الموضة البنطلون الواسع من تحت .. روحنا قاعدنا نتريق عليها بحيث ان دا منظر غريب و اول واحدة نشوفها لابسة كدا ..

تيجوا السنة دى تلاقوا البنت اللى مش لابسة بنطلون سليمـ تبقى هى الغريبة و يتريقوا عليها :o

و الغريب ان البنطلونات دى عاجباهمـ !

نفسى أعرف عاجباهمـ ف اييه ؟؟


****


المهمـ اللى عايزة اقولوا ان ممكن ناس كتيرة تتبع خطوط الموضة و بسسسس عشان ترضى الناس التانية و ماتباش سبيشال .. و دا اللى بيحصل بالفعل

و انا متأكدة ان حتى لو كانت الموضة ان البنت تطلع بالبيجامة هايطلعوا بالبجامة :d

لكن انا من رأيى البنت اللى بتمشى محترمة هى اللى سبشال و هى اللى جميلة بجد:bosyht9:

و البياعين بيستغلوا كدا و بيزودوا الاسعار ..


****

عايزة اسئلكـ سؤال انت العضو ..

هل الموضة بتأثر ف شخصيتكـ ؟؟

هل انت\ى ممن يتبعون خطوط الموضة ( و من غير كذب :d ) ؟؟


****

NouR

بصرآحه يا نور
موضوع قمه فى الروعه والجمال

بس انا عايزه اقول لك على حاجه يا نور
انا اشتريت عابيه للعيد
اه والله وفرحانه بيها اوى
شكلها جميل وشيك ووسعه وتحفه بصراحه
تخديها لفه وترجيعها تانى ؟ :p
بس ده مش يمنع انى ممكن اشترى حاجه تانيه برضه انا لسه صغيوره:)

بصراحه مش اتفرجت على الملابس السنه دى
اصلى نزلت على محل العبايات على طول

بس انا معاكى ان الموضه وحشه
بس احنا كده المصريين
بنحب نمشى ورا كل حاجه هبله

اه انا كمان بمشى على الموضه
بس بالعقل
يعنى لما الموضه تبقى فستان
بشتريه
لكن لما الموضه تبقى زعطلون سنس
مش بشتريه
دول بيقوا مش لابسين حاجه اصلا يا بنتى

بس عارفه ده مش على الموضه ولا المصمين
ده على الاهل اولا والاصحاب ثانيا

لما البنت تنزل من البيت بالمنظر ده
يبقى فين ابوها واموها ؟
يبقى دول عليهم الكلام طبعا
واول حاجه انا وانتى وغيرنا حنقولها ان اهلها معرفوش يربوها

والاصحاب برضه بيفسدوا بعض والله وانا مجربه

كنت اعرف بنت كبيره عندها 20 سنه على طول بتلبس عبايات
مره كانت لبسه زعطلون
لما سالتها ليه كده ايه التغير ده؟
قالت لى ان اصحابها فى الكليه هما اللى قالوا لها كده
سبحان الله
المفروض انهم يكونوا اصحاب فى الطاعه
او على الاقل مش يفسدوا بعد

طولت عليكى انا صح؟

اصل الموضوع حلو اوى
تسلم ايدك يا نور
دايمآ موضيعك مميزه وحلوه زيك يا قمر
وكل سنه وانتى طيبه وبصحه وسلامه

احم احم

كل سنه و انتى طيبه يا نور

ايه اخبارك؟؟

انا جايه اسلم و اطلع جرى عالطول هههههههه


ربنا يهديكى و يثبتك يا رب

بصرآحه يا نور

موضوع قمه فى الروعه والجمال

حبيبة قلبى انتى و الله :bosyht9:

بس انا عايزه اقول لك على حاجه يا نور
انا اشتريت عابيه للعيد
اه والله وفرحانه بيها اوى
شكلها جميل وشيك ووسعه وتحفه بصراحه
تخديها لفه وترجيعها تانى ؟ :p

هههههههههههههه كنتِ تقولى م الاول ما احنا خلاص اشترينا جيبة بـ 100 جنيه بسسسس :d

بس ده مش يمنع انى ممكن اشترى حاجه تانيه برضه انا لسه صغيوره:)

بصراحه مش اتفرجت على الملابس السنه دى
اصلى نزلت على محل العبايات على طول

بس انا معاكى ان الموضه وحشه
بس احنا كده المصريين
بنحب نمشى ورا كل حاجه هبله

اه انا كمان بمشى على الموضه
بس بالعقل
يعنى لما الموضه تبقى فستان
بشتريه
لكن لما الموضه تبقى زعطلون سنس
مش بشتريه
دول بيقوا مش لابسين حاجه اصلا يا بنتى

بس عارفه ده مش على الموضه ولا المصمين
ده على الاهل اولا والاصحاب ثانيا

لما البنت تنزل من البيت بالمنظر ده
يبقى فين ابوها واموها ؟
يبقى دول عليهم الكلام طبعا
واول حاجه انا وانتى وغيرنا حنقولها ان اهلها معرفوش يربوها

والاصحاب برضه بيفسدوا بعض والله وانا مجربه

كنت اعرف بنت كبيره عندها 20 سنه على طول بتلبس عبايات
مره كانت لبسه زعطلون
لما سالتها ليه كده ايه التغير ده؟
قالت لى ان اصحابها فى الكليه هما اللى قالوا لها كده
سبحان الله
المفروض انهم يكونوا اصحاب فى الطاعه
او على الاقل مش يفسدوا بعد

طولت عليكى انا صح؟

اصل الموضوع حلو اوى
تسلم ايدك يا نور
دايمآ موضيعك مميزه وحلوه زيك يا قمر
وكل سنه وانتى طيبه وبصحه وسلامه


و انتِ طيبة يا قلبى :) ربنا يخليكـِ ع كرمكـ الجميل دا بس من ذوقكـ يا حبى :)

و طولتى ايه بس دا كان نفسى تكتبى أكتر :bosyht9:


و كلامكـ سليمـ طبعاً بخصوص الاهل و الاصحاب ..

و الاهل اول حاجة أكيد .. انا كنت فاكرة ف الاول ان البنت بتخبى على اهلها انها بتنزل باللبس دا لانى ماكنتش متخيلة ان عادى الاهل كدا لكن اكتشفت ان الاهل عادى جداً و بيدوها فلوس كمان عشان تشترى تانى :excl:


ربنا يهديهمـ بجد :)

بس عجبتنى اوى زعطلون سنس دى :d:d

نورتى بجد يا زوزتى يا قمرر :)

احم احم

كل سنه و انتى طيبه يا نور

ايه اخبارك؟؟

انا جايه اسلم و اطلع جرى عالطول هههههههه


ربنا يهديكى و يثبتك يا رب

و انتِ طيبة يا صوفيا يا قمراية :)

هههههههههههههههههههههههههه بتهربى ليه يا هانمـ ارجعى و جاوبى :d:d

يلا مستنية تفاعلكـ يا صوفيا :p

ربنا يهديهمـ بجد :)

بس عجبتنى اوى زعطلون سنس دى :d:d

نورتى بجد يا زوزتى يا قمرر :)


اها انا بتريق عليه وبقول عليه زعطلون سنس
مش عجبك ولا ايه؟





انا جايه اسلم و اطلع جرى عالطول هههههههه


ربنا يهديكى و يثبتك يا رب


اطلعى بره يا صوفيــــــآ
الموضوع ده للقرأة فقط يا حبيبتى :d

ربنا يهدينى انا وانتى ونور وكل بنات المسلمين يااااااارب

اها انا بتريق عليه وبقول عليه زعطلون سنس
مش عجبك ولا ايه؟






اطلعى بره يا صوفيــــــآ
الموضوع ده للقرأة فقط يا حبيبتى :d

ربنا يهدينى انا وانتى ونور وكل بنات المسلمين يااااااارب

ههههه ما انا بقول كدا برده يا عزة

الموضوع للقراء فقط

و نور عايزه تدبسنى فى رد

يلا بقى سلام و محدش يدخلنى تانى

كدا يانور؟
تقلبي عليا مواجع يومين من التعب
المحلات حالياً مافيهاش حاجة تتلبس زي ماقلتي
تبصي عالبلوزة لو معقولة ومناسبة فوسعها الكم قصير او ممكن مافيش كم اساساً
لقتي كم طويل تلاقيها مش مناسبة فالوسع !
يمكن الحاجة العدلة الوحيدة الجيبات واسعة علطول
البنطلونات ماخدش بالي بصراحة ،
والمشكلة كمان ان اللبس الواسع والكويس للناس الكبار
مش لبنات من سننا :angry2:


تعرفي انا واناماشية ورجلي اتكسرت من اللف
كنت عمالة اقول هما امتى هيحترمونا ؟!
لأني بحس انهم باللبس ال بينزلوه دا مش بيحترموا ان فيه
ناس مش بتلبس كدا !
بس ارجع واقول نستاهل لاننا لو ماحدش فينا شرا اللبس دا
ماكنش حد نزله وانتشر بالطريقة دي
يعني انا دخلت محل فالواقفة فيه عمالة تقولي عاوزة ايه اساعدك
فبقولها عاوزة بلوزة كمها طويل او حتى تلت تربع كدا مش الكم كلو رايح
فراحت باصة كدا وبتقول : هو فيه حد دلوقتي بيلبس بكم !
اعملي زيي شلت الكم كلو ( كانت لابسة كب :blush:)
يلا ربنا يهدي

وفالنهاية اشكرك عالموضوع الجميل
بس احب اطمنك اني لقيت طقم للعيد الحمدلله :d
وكل سنة وانتِ طيبة :)

موضوع بجد جميل

ومشكلة كبيرة :o

ربنا يهدى شباب وبنات المسلمين

:022yb4::022yb4:انا الصراحة بحب البناطيل دى بس مش ليا طبعا ده لابنى اخى وده طفل:p

الحمد لله الواحد مرتاح من الحوار ده
اي تي شيرت جديد على اي بنطلون وزي الفل :d

عايزة اسئلكـ سؤال انت العضو ..

هل الموضة بتأثر ف شخصيتكـ ؟؟
لا طبعا
هل انت\ى ممن يتبعون خطوط الموضة ( و من غير كذب :d ) ؟؟
لو حاجة مناسبة ليا يبقى اوكى عادى لو مش مناسبة يبقى لا طبعا



وعلى فكرة فى لبس كتير جدا كويس وشيك ومحترم امال البنات المحترمة هيشتروا برده البنطلون المقطع اللى انتى اتكلمتى عنه :o ؟؟؟اكيد لا ....
بس انتى هتتعبى شوية عشان تلاقى حاجة شيك بس موجود مش كل الاسواق فيها زى ما قلتى فى كدا وفى كدا:)

****

عايزة اسئلكـ سؤال انت العضو ..

هل الموضة بتأثر ف شخصيتكـ ؟؟
لالالالالالالالا طبعا
هل انت\ى ممن يتبعون خطوط الموضة ( و من غير كذب :d ) ؟؟
لالالالالالالالالالالالالالالالالا خالص والله مش فارقه معايا


****

قال الله تعالى : ( قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون . وقل للمؤمنات يغضضن من أبصارهن ويحفظن فروجهن ولا يبدن زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعاً أيها المؤمنون لعلكم تفلحون ) - النور: 30/31 - .


متهيألى بعد الايه دى مفيش كلام يتقال

لان الموضه مش هتنفعنا يوم القيامه

ما شاء الله عليكي يا نور
بجد موضوع جامد
والله انا كمان لفيت علي لبس وبعد ما دوخت لقيت العبايه والله وعجباني خالص
ولما روحت علشان اجيب الطرحه قابلت زميلتي في المدرسه، فبسأل البنت اللي في المحل علي طرح طويله
فزميلتي بتقولي (طرحه طويله وعبايه""" ليه يا بنتي بتكبري نفسك):o:o

انا طبعا تضايقت ؛بس بعدين قلت اني انابرضي ربنا ،والحمد لله عدت لرشدي


يلا ربنا يهديهم

معلش طولت عليكي:d
تقبلي مروري

بصراحة ... والاجابة باختصار
انا من المتابعين للموضة الشبابى وبشدة كمان بس مش لدرجة انها تاثر فى شخصيتى
وف نفس الوقت مش المستفزة
وشكرا ع الموضوع الرائع :)

الحمد لله ريجت نفسى من زمان بعد مالبست النقاب
عقبالك اما تلبسيه وتريحـــــى نفسك يا نـــــوووور:bosyht9:
ده الواحدة كانت بتلف لف ...! سبحان الله
وف الآخـر بردو مش بيكون اللبس اللى احنا عايزينه
ربنا يهدى الجميع يارب ... وفعلاً البنطلونات اللى انتى
بتقولى عليها دى بتضايقنى أووووى , شكلها غرييييييييب وعجييييييب
ربنا يهدينا جميعاً ويثبتنا...

وكل عام وانتم بخير:)

سلام عليكم
--------------------------
بجد موضوعــ فى غايـــــه الروعـــــه والجمال ( موضه بقا ;) )
طبعا اللى الواحد بيشوفه دلوقتى حاجه (.................) ولما تسال ايه اللبس ده
يقولك موضه !!!!!!!!

طبعا من اكتر الحاجات اللى بتلفت النظر بالنسبه للشباب ( واحد مسقط البنطلون :o )
طبعا معاه حق واد روش وجامد اخر حاجه :p
وتى شيرت لازم يبين العضله ;)
طيب يمكن للشباب مااااااااااشى نقول نعديها مع ان مينفعش نعمل كدا

نيجى للبنات ودى اساس الحوار كله :excl:
مش هنتكلم ولا كلمه لان كل واحد عارف وبيشوف بعينه :(
بس دى حاجه عااااااااااااااااااااديه جدا لان اكيد اللى بتعمل كدا ولا تعرف اى حاجه عن دينها
وبعدين لما الشباب تلاقى واحده لابسه اللبس ده ( الموضه ;) )
طبعا هيعاكسوها وهتسمع كلام (.................) !!!!!!!
ويرجعوا يقولوا شباب مش محترمه :bosyht9:
طيب هم سابوا ايه للغرب كدا ؟؟!!!!!!!!!!!

******
يلا كل سنه وانتوا طيبين :d
شكرااااااا ع الموضوع الجميل جد
جزاكى الله خيراا

الموضوع ده مشكلة كبيرة والله يعنى اى محل مفيهوش غير اللى بتقولوا عليه ده الا نادرا لو حااجة محترمة
بس ليه فى ستات بتوافق ان بناتها يلبسوا كده وتقول دى موضة زى البنت كلها وما تبصش للناحية الدينية ولا الاخلاقية
شكررا على الموضوع الجميل

ما تفكرنيش بالموضوع ده


ده انا لما بخرج اشتري لبس لازم اقفل الاسبوع واكتر وكمان ممكن موش اشتري حاجاة

وكل يوم لما كنت بخرج بتاخر بره بابا يفتكر اشترين ا المحل كله وجينا

واحنا ايد ورا وايد قدام :d

بس الحمد لله السنادي اشتريت قبل رمضان كمان


وحكاية الهدوم دي ربنا يهدي البنات فعلا

اها انا بتريق عليه وبقول عليه زعطلون سنس
مش عجبك ولا ايه؟


هههههههههههه مش عاجبانى ايه ؟ دى عجبانى جدااااااااااااااااااااا :bosyht9:



اطلعى بره يا صوفيــــــآ
الموضوع ده للقرأة فقط يا حبيبتى :d

ربنا يهدينى انا وانتى ونور وكل بنات المسلمين يااااااارب


هههههههههههههه

هو ايه اللى بيحصل بجد ؟

فى حاجة من ورايا بتحصل .. حد يقولى ايه حكاية صوفيا :)

ههههه ما انا بقول كدا برده يا عزة

الموضوع للقراء فقط

و نور عايزه تدبسنى فى رد

يلا بقى سلام و محدش يدخلنى تانى

ههههههههههههه

ايه حكايتكـ يا صوفيا بالظبط :028ja7:

بصى صحيح انا كنت عايزة اسئلكـ سؤال .. هو انتِ اتولدتى ف مصر و لا اساساً من اوروبا ؟

بجد نفسى اعرف :)

كدا يانور؟
تقلبي عليا مواجع يومين من التعب
المحلات حالياً مافيهاش حاجة تتلبس زي ماقلتي
تبصي عالبلوزة لو معقولة ومناسبة فوسعها الكم قصير او ممكن مافيش كم اساساً
لقتي كم طويل تلاقيها مش مناسبة فالوسع !
يمكن الحاجة العدلة الوحيدة الجيبات واسعة علطول
البنطلونات ماخدش بالي بصراحة ،
والمشكلة كمان ان اللبس الواسع والكويس للناس الكبار
مش لبنات من سننا :angry2:


تعرفي انا واناماشية ورجلي اتكسرت من اللف
كنت عمالة اقول هما امتى هيحترمونا ؟!
لأني بحس انهم باللبس ال بينزلوه دا مش بيحترموا ان فيه
ناس مش بتلبس كدا !
بس ارجع واقول نستاهل لاننا لو ماحدش فينا شرا اللبس دا
ماكنش حد نزله وانتشر بالطريقة دي
يعني انا دخلت محل فالواقفة فيه عمالة تقولي عاوزة ايه اساعدك
فبقولها عاوزة بلوزة كمها طويل او حتى تلت تربع كدا مش الكم كلو رايح
فراحت باصة كدا وبتقول : هو فيه حد دلوقتي بيلبس بكم !
اعملي زيي شلت الكم كلو ( كانت لابسة كب :blush:)
يلا ربنا يهدي

وفالنهاية اشكرك عالموضوع الجميل
بس احب اطمنك اني لقيت طقم للعيد الحمدلله :d

وكل سنة وانتِ طيبة :)


و انتِ طيبة يا حبيبتى :)

ههههههههههههه يا بختكـ انا مالاقتش غير جيبة و شكلى هالبسها من غير بلوزة :d

يعنى المشكلة دى مش مشكلتى انا بس الحمد لله ..

و زى ما قلتى الجاحات اللى كمها طويل دى بتبقى بتاعة الكبار اما بقى حاجات البنات اللى زينا تلاقيها كب زى ماقلتى او كات او ممكن حمالات :o

بجد دى مشكلة فعلاً .. دا انا العيد اللى فات ماشترتش لبس بسبب الموضوع دا قعدنا انا و ماما لفينا كل شوية لغاية ما زهقنا و رجعنا و عيدت بلبس قديمـ :(

ربنا يهديهمـ ..

نورتِ يا نقاء بجد :)

موضوع بجد جميل


ومشكلة كبيرة :o

ربنا يهدى شباب وبنات المسلمين


:022yb4::022yb4:انا الصراحة بحب البناطيل دى بس مش ليا طبعا ده لابنى اخى وده طفل:p



ههههههههههههه ربنا يخليه يارب :)

اللهمـ آآآآآمين :)

مرسى ع المرور الجميل .. نورتِ يا سكريم دريمـ :)

الحمد لله الواحد مرتاح من الحوار ده
اي تي شيرت جديد على اي بنطلون وزي الفل :d

هههههههههههـ يا بختكوا انتوا الشباب ماعندكوش مشاكل :slap1qk6:

نورت يا بشمهندس :)

وعلى فكرة فى لبس كتير جدا كويس وشيك ومحترم امال البنات المحترمة هيشتروا برده البنطلون المقطع اللى انتى اتكلمتى عنه :o ؟؟؟اكيد لا ....

بس انتى هتتعبى شوية عشان تلاقى حاجة شيك بس موجود مش كل الاسواق فيها زى ما قلتى فى كدا وفى كدا:)


للاسف شكل المحافظة اللى انا عايشة فيها مافيهاش لبس كتير جداً

دا احنا نادراً ما نلاقى بلوزة كمـ طويل ف محل و تكون بين اللبس كدا عشان مفيش حد بيشتريها :excl:

مش الموضوع ف الحاجات اللى تحت .. ماهو فى جيبات كتيرة جداً و واسعة و شكلها جميل لكن المصيبة ف اللى فوق :o

بس احنا مش هانتعب شوية احنا هانتعب شويتين :frown:

نورتِ بجد يا H.H.KH و كل سنة و انتِ طيبة :)

****


عايزة اسئلكـ سؤال انت العضو ..

هل الموضة بتأثر ف شخصيتكـ ؟؟
لالالالالالالالا طبعا
هل انت\ى ممن يتبعون خطوط الموضة ( و من غير كذب :d ) ؟؟
لالالالالالالالالالالالالالالالالا خالص والله مش فارقه معايا


****

قال الله تعالى : ( قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون . وقل للمؤمنات يغضضن من أبصارهن ويحفظن فروجهن ولا يبدن زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعاً أيها المؤمنون لعلكم تفلحون ) - النور: 30/31 - .


متهيألى بعد الايه دى مفيش كلام يتقال

لان الموضه مش هتنفعنا يوم القيامه





بسمـ الله ما شاء الله بجد رد جميل جداً و قاطع

الموضة عمرها ما هاتنفعنا يومـ القيامة لان اساساً بالنسبة للبنات حرامـ اظهار الزينة ( كما ف الاية ) و الزينة دى بقى كلها موضة ..

ربنا يهديهمـ .. بجد الف شكر ع الرد الجميل دا

جزاكـ الله خيراً :)

ما شاء الله عليكي يا نور
بجد موضوع جامد
والله انا كمان لفيت علي لبس وبعد ما دوخت لقيت العبايه والله وعجباني خالص
ولما روحت علشان اجيب الطرحه قابلت زميلتي في المدرسه، فبسأل البنت اللي في المحل علي طرح طويله
فزميلتي بتقولي (طرحه طويله وعبايه""" ليه يا بنتي بتكبري نفسك):o:o

انا طبعا تضايقت ؛بس بعدين قلت اني انابرضي ربنا ،والحمد لله عدت لرشدي


يلا ربنا يهديهم

معلش طولت عليكي:d
تقبلي مروري



طولتى ايه بس ..

بجد اسوأ كلمة هى الى صحبتكـ قالتهالكـ دى .. اساساً مفيش فرق بين كبير و صغير

بس انتِ جدعة انكـ جبتى عباية دا الحل الامثل .. انا باذن الله هاعمل زيكـ السنة الجاية

و اذا مالقتيش طرحة طويلة ممكن تجيبى قماشة الخمار و تلبسيها طرحة طويلة :)


نورتِ يا رقية بجد .. كل سنة و انتِ طيبة حبيبتى :)

بصراحة ... والاجابة باختصار
انا من المتابعين للموضة الشبابى وبشدة كمان بس مش لدرجة انها تاثر فى شخصيتى
وف نفس الوقت مش المستفزة
وشكرا ع الموضوع الرائع :)

الشكر لله ..

مش موضوع تأثير ف الشخصية .. موضوع ان فى موضة بشعة زى ما حضرتكـ شايف بنطلونات قربت تقع و تى شيرتات ضيقة جداااااااااا

يعنى دى مستفزة بالنسبة لى .. بس الشباب بصراحة ماعندهمش مشاكل ف الموضوع دا اوى

نورت استاذ طاهر :)

الحمد لله ريجت نفسى من زمان بعد مالبست النقاب

عقبالك اما تلبسيه وتريحـــــى نفسك يا نـــــوووور:bosyht9:
ده الواحدة كانت بتلف لف ...! سبحان الله
وف الآخـر بردو مش بيكون اللبس اللى احنا عايزينه
ربنا يهدى الجميع يارب ... وفعلاً البنطلونات اللى انتى
بتقولى عليها دى بتضايقنى أووووى , شكلها غرييييييييب وعجييييييب
ربنا يهدينا جميعاً ويثبتنا...

وكل عام وانتم بخير:)



ياااااااااه عقبالى يارب انا و كل البنات .. ربنا يثبتكـ يا حبيبتى :)

ااه و الله و الغريبة ان الاقبال ع البنطلونات دى كبير جدااااااا و بطريقة عجيبة

ربنا يهدى المسلمين أجمعين :)

و انتِ بألف خير :)

نورتِ يا حبيبتى بجد :)

سلام عليكم

--------------------------
بجد موضوعــ فى غايـــــه الروعـــــه والجمال ( موضه بقا ;) )
طبعا اللى الواحد بيشوفه دلوقتى حاجه (.................) ولما تسال ايه اللبس ده
يقولك موضه !!!!!!!!

طبعا من اكتر الحاجات اللى بتلفت النظر بالنسبه للشباب ( واحد مسقط البنطلون :o )
طبعا معاه حق واد روش وجامد اخر حاجه :p
وتى شيرت لازم يبين العضله ;)
طيب يمكن للشباب مااااااااااشى نقول نعديها مع ان مينفعش نعمل كدا

نيجى للبنات ودى اساس الحوار كله :excl:
مش هنتكلم ولا كلمه لان كل واحد عارف وبيشوف بعينه :(
بس دى حاجه عااااااااااااااااااااديه جدا لان اكيد اللى بتعمل كدا ولا تعرف اى حاجه عن دينها
وبعدين لما الشباب تلاقى واحده لابسه اللبس ده ( الموضه ;) )
طبعا هيعاكسوها وهتسمع كلام (.................) !!!!!!!
ويرجعوا يقولوا شباب مش محترمه :bosyht9:
طيب هم سابوا ايه للغرب كدا ؟؟!!!!!!!!!!!

******
يلا كل سنه وانتوا طيبين :d
شكرااااااا ع الموضوع الجميل جد
جزاكى الله خيراا



:d:d

و حضرتكـ طيب .. و إاياكمـ

بجد أكيد موضوع المعاكسة دا موضوع تانى بيرجع من البنت طبعاً الاول و بعديها الولد :o

فعلاً هما سابوا ايه للغرب :excl:

بجد حضرتكـ نورت الموضوع :)

الموضوع ده مشكلة كبيرة والله يعنى اى محل مفيهوش غير اللى بتقولوا عليه ده الا نادرا لو حااجة محترمة

بس ليه فى ستات بتوافق ان بناتها يلبسوا كده وتقول دى موضة زى البنت كلها وما تبصش للناحية الدينية ولا الاخلاقية

شكررا على الموضوع الجميل


دا فعلاً السؤال العجيب اللى بيطرح دلوقتى .. مرة نقول العيب م البنت لكن نرجع و نقول دى الامـ اللى بتربيها هى السبب

انا برجح الى الاتنين بحيث لو كانت الامـ محترمة كانت هاتربى بنتها باحترامـ .. أما لو كانت البنت نفسها محترمة من نفسها كانت مش هاترضى من نفسها تلبس اللبس دا :excl:

الشكر لله .. نورت الموضوع بجد :)

ما تفكرنيش بالموضوع ده


ده انا لما بخرج اشتري لبس لازم اقفل الاسبوع واكتر وكمان ممكن موش اشتري حاجاة

وكل يوم لما كنت بخرج بتاخر بره بابا يفتكر اشترين ا المحل كله وجينا

واحنا ايد ورا وايد قدام :d

بس الحمد لله السنادي اشتريت قبل رمضان كمان


وحكاية الهدوم دي ربنا يهدي البنات فعلا

ياااااااارب ..

بس سبحان الله نفس اللى بيحصل معايا .. بابا برده بيفتكرنا اشترينا بقى المحل كله و ف الاخر نرجع ماعيناش غير العشا اللى هانتعشاه :d

بس كويس انكـ لقيتى ف الاخر غيركـ مالاقاش :d


نورتِ يا بسمة الموضوع بجد .. كل سنة و انتِ طيبة حبيبتى :)

الحمد لله انا كمان لبست النفاب وعلى فكرة انا مش بحب الموضة دى الى كل شوية تديق الملابس وتقصرها وعلى فكرة النقاب دة احسن لباس لكل وحدة مسلمة وكمان لبس المنقبات شيك وبسيط وحلو واخيرا شكرا على الموضع وجزاك الله كل خير

الحمد لله انا كمان لبست النفاب وعلى فكرة انا مش بحب الموضة دى الى كل شوية تديق الملابس وتقصرها وعلى فكرة النقاب دة احسن لباس لكل وحدة مسلمة وكمان لبس المنقبات شيك وبسيط وحلو واخيرا شكرا على الموضع وجزاك الله كل خير

و جزانا إياكمـ .. الشكر لله :)

بسمـ الله مـــــــــــا شاء الله عليكـِ بجد يا دينا ربنا يثبتكـ يااااااااارب

بجد و الله كلامِكـ جميل ..

نورتِ يا دينا بجد .. كل سنة و انتِ طيبة ^_^

موضوعك رائع يانور بجد

احب اقول ان انا مليش اى انتماء للموضة

اهم حاجة اللبس يكون شيك ومحترم مش مجسم مش شفاف ويليق فى اى وقت تلبسيه

مش لما تلبسيه بعد كده يقولوا عليه ده موضة قديمة:d

والله الواحد فعلا بيدوخ ال7 دوخات عم بيلاقى لبس عدل يلبسه

يعنى ع سيبل المثال اما جيت اشترى تونيك طويل ع بنطلون واسع اذا لقيتى التونيك مش هتلاقى البنطلون:d

مش عاد غير البناطيل الاسترشات لما سالت كذا واحدة ع البناطيل الواسعة قالتلى هو عاد حد بيلبس بناطيل واسعة

ف الاخر ربنا يهدينا جميعا

وكل سنة وانتى طيبة

وحضرتك بصحة وسعادة وشكرا لحضرتك وجعله الله فى ميزان حسناتك وهدى بك بنات المسلمين

موضوعك رائع يانور بجد

احب اقول ان انا مليش اى انتماء للموضة

اهم حاجة اللبس يكون شيك ومحترم مش مجسم مش شفاف ويليق فى اى وقت تلبسيه

مش لما تلبسيه بعد كده يقولوا عليه ده موضة قديمة:d

والله الواحد فعلا بيدوخ ال7 دوخات عم بيلاقى لبس عدل يلبسه

يعنى ع سيبل المثال اما جيت اشترى تونيك طويل ع بنطلون واسع اذا لقيتى التونيك مش هتلاقى البنطلون:d

مش عاد غير البناطيل الاسترشات لما سالت كذا واحدة ع البناطيل الواسعة قالتلى هو عاد حد بيلبس بناطيل واسعة

ف الاخر ربنا يهدينا جميعا

وكل سنة وانتى طيبة


هههههههه و انتِ طيبة يا ابتسامـ يا قمرر

و بنطلونات واسعة ايه بس دى انقرضت من ايامـ الداينصورات :d دلوقتى في جيبات شكلها جميل اوى على فكرة ..

ياا رب اهدى الجميع

نورتِ يا ابتسامـ :)

وحضرتك بصحة وسعادة وشكرا لحضرتك وجعله الله فى ميزان حسناتك وهدى بك بنات المسلمين

تسلمى يا دينا ..

اللهمـ آآآآآآآمين ..

نورتِ يا قمرر :bosyht9: