على فكرة
كده الاداريون هيزيدوا 40% فقط أقولكم ليه؟
لأنهم بياخدوا 85% نسبة المكافأة
و كمان 25% حافز شهرى مثل المعلمين
و كمان 50% حوافز شهرية من صناديق المحافظات
يبقى المجموع كده 160% حوافز
يبقى الباقى اللى الوزارة هتصرفه لهم يكون 40% فقط
و ليس 90% زى ما الجرايد بتقول

الاداريين مظلومين والمعلمين مظلومين ولازم الكل ياخد 200 % كاملة بدون المساس بالمكافئة

لا الزيادة 90 علشان موضوع الخمسين بتاعت المحافظات لم تكن منطبقة علي الجميع هي كانت في كام محافظة بس

مش قلتلك بتوع الثانوى باعوا القضية ومحدش بيدور على حد

هما بتوع الثانوي هيضحوا بفلوس الانتداب؟

لشرقية بتاخد 100 حوافز يا اخي

لازم نعمل حاجة

دعوة لعام دراسى بلا معلمين واداريين الوزارة نصبت علينا

لا نكره الخير للاخوة الاداريين نحن نريد 200 % لنا جميعا ولا مساس بالكادر اوغيره
ولدي يا ولدي لا مساس

اللى فهمته من الردود هو
ان الاداريون فى محافظة القليوبية بياخدوا 75% حوافز
أما فى محافظة الشرقية فهم بياخدوا 100% حوافز
و باقى المحافظات .. الله أعلم

بسم الله الرحمن الرحيم

تصحيح خاص بمحافظة القليوبية

الاداريون بمحافظة القليوبية تم صرف 50% لهم خلال شهور 4 و5 و6 / 2011
فقط وفى بداية العام المالى الجديد يعنى من بداية شهر 7 /2011 توقف صرف ال50%
وتم عمل نشرة بالصرف فى شهر 8 وتم اعتمادها من وكيل الوزارة ولكن لم ترسل لديوان الادارة
بطوخ وتم تسريب هذة النشرة فقامت الادارة بصرف ال50% للعاملين بديوان الادارة ولم تصرف للمدارس التابعة
لادارة طوخ وعلمت ان المسئولين بادارة طوخ تم تحويلهم للتحقيق بسبب الصرف لان النشرة لم ترسل لهم رسميا" ولكن تم تسريبها يعنى الاداريين بمحافظة القليوبية يصرف لهم 25% فقط

ولا صرفنا خمسين من المحافظه ولا من غيرها

همه خمسه وعشرين فقط لا غير

حسبى الله ونعم الوكيل فى جتتهم

لا الزيادة 90 علشان موضوع الخمسين بتاعت المحافظات لم تكن منطبقة علي الجميع هي كانت في كام محافظة بس

تمام كلامك يا استاذ رفعت احنا في اسكندرية اتعملت الكشوف علي 90 % النهاردة وراحت الادارة ومكناش بناخد الخمسين في المية

بس علي فكرة انا امين معمل
الدرجة الثالثة
الاساسي 250.24
اجمالي المرتب قبل الزيادة 368

بعد زياد ال 90 % ممكن يوصل ل 610 يعني بردك مكملناش الحد الادني يبقا اضحك علينا بردك

حسبي الله ونعم الوكيل

واللي يضحك بقا رايح اشتري لبنتي البمبرز النهاردة كنت بجيب مقاس 3 الشهر اللي فات 58 لاقيته ب 65 جنيه بقول للراجل زاد كل ده
يقلي يا استاذ ما انتوا زدتوا بردك

حسبي الله ونعم الوكيل في كل واحد بياكل الحرام وبياكل حق الناس في البلد دي وياريت بقا منقولش عجلة الانتاج والكلام الفاضي ده البلد مليانة فلوس والدليل علي كدا ان الاطباء والصيادلة واي حد اتسمع صوته اتنفذت مطالبه لكن الاداريين والمدرسين بيرمولهم حبة حبة كانهم عالة علي المجتمع ونسوا او تناسوا ان الوزير اللي مخرجوا مدرس وان اللي كان ماسك ملفاته اداري
حسبنا الله ونعم الوكيل

اين الاداريين من الوقفات الاحتجاجية التى يقوم بها المدرسين ؟
المدرسين يحتجون على حساب الكادر ضمن 200% يجب علينا نحن الاداريين ان نحتج معهم على حساب المكافاه ضمن حوافز 200%

اين الاداريين من الوقفات الاحتجاجية التى يقوم بها المدرسين ؟
المدرسين يحتجون على حساب الكادر ضمن 200% يجب علينا نحن الاداريين ان نحتج معهم على حساب المكافاه ضمن حوافز 200%
كلام تمام المفروض الكل يتحد من اجل اخذ الحافز كامل بعيد عن المكافأة

كلام تمام المفروض الكل يتحد من اجل اخذ الحافز كامل بعيد عن المكافأة

الزيادة للإداريين
ــــــــــــــــــــــ

1 ـ الــ 50 % التى يتم صرفها
2 ـ زيادة 41.70 % الجديدة.
المجموع 91.70 %
وهذا ما تم عمله بالفعل.

بداية من شهر 7

ويتم احتساب فروق شهر 7 41.70 %

وبداية من شهر 8 يتم دمج الـ 50 و 41.70 مع بعض

وتضاف تلقائياً مع المرتب فى شهر 9
تحت مسمى ( حافز إثابة إضاقى ) قيمته 91.70 %

هذا ما تم عمله بالفعل بمحافظة البحيرة ـ إدارة المحمودية.

،،،،،،،،
,,,,,,,,,,,,,,,,

مكافئة الامتحانات ليست حافز اثابة وتعتبر بدل مخاطر الوظيفة والكل عارف البهدلة التى نمر بها اثناء الامتحانات وما يثبت قولى هذا ان النقابة تخصم نسبة من مكافئة الامتحانات ومعروف قانونيا ان الحافز لا تخصم منه النقابة وانتم الاداريين عارفين الكلام ده كويس
والكادر ليس حافز اثابه لانه يتم بناءا على امتحانات وشروط محددة مثل ( اجتياز الامتحان - شهادة التربوى - شهادة icdl ) وكما بيتحسب الكادر على اساسي العام السابق ومعروف قانونا ان حوافز الاثابة لا تشترط نجاح فى امتحان ولا تتحسب على اساسي قديم بل تحسب على الاساسي الحالى وبالتالى الكادر هو طبيعة عمل وعلى ذلك مكافئة الامتحان والكادر خارج حسبة 200 % حافز الاثابة وما يحدث الان من وزارة المالية هو التفاف حول القانون كما كان يحدث فى عصر النظام البائد وهذا لن نسمح بحدوثه مرة اخرى ويقوم المعلمون حاليا بالعمل الجاد والتنسيق فيما بينهم على تحقيق هذه المطالب وايعادة كرامة المعلم المهدرة وعودة حقوقنا المسلوبة ولن نهدا مطلقا الا بعد اخذ كل حقوقنا
والمادة 89 من قانون 155 ( قانون الكادر ) تنص على " يمنح شاغلى وظائف التعليم اى علاوات او زيادات تمنح للجهاز الادارى للدوله مع احتفاظهم بالاجور والمكافئات التى يتقاضونها حتى لو تجاوزت الاجر المحدد " وهذا يثبت بالقانون احقيتنا فى حافز 200 % بدون المساس بالكادر او مكافئة الامتحانات
لذلك سنقف نحن معلمى مصر بكل قوة ضد من يعبث بالقانون وحقوقنا
والايام القادمة ستثبت للجميع صدق ما نقول

واذا كان الاداريين رضيوا بما اخذوه من الحافز ( 90 % ) وحال لسانهم يقول عصفور فى اليد ولا عشرة على الشجرة فنحن المعلمون لن نرضى ولن نتنازل بعد اليوم بأقل من حقنا المشروع حسب القانون الذي وضعوه واذلونا به فى امتحانات ومهاترات ووقف لدرجاتنا المالية وتأخير ترقياتنا وسوف نظل نطالب ونعتصم ونضرب حتى اخر نفس للحصول على حقوقنا

الاعتصام يوم الاربعاء 17 /8 /2011 امام مجلس الوزراء ولازم نتحد معا معلمين و اداريين لنكون قوة يعملونا بعد كده الف حساب

الزيادة للإداريين
ــــــــــــــــــــــ

1 ـ الــ 50 % التى يتم صرفها
2 ـ زيادة 41.70 % الجديدة.
المجموع 91.70 %
وهذا ما تم عمله بالفعل.

بداية من شهر 7

ويتم احتساب فروق شهر 7 41.70 %

وبداية من شهر 8 يتم دمج الـ 50 و 41.70 مع بعض

وتضاف تلقائياً مع المرتب فى شهر 9
تحت مسمى ( حافز إثابة إضاقى ) قيمته 91.70 %

هذا ما تم عمله بالفعل بمحافظة البحيرة ـ إدارة المحمودية.


شكرا اخى الغالى أستاذ / ناصر . على الخبر